လောကပါလ - ဒေါ်နယ့်စိတ်ဓါတ် (၂)
(မိုးမခ) ဇွန် ၂၁၊ ၂၀၁၆
[၄]
အဆင့်မြင့် ပရဘာဝ၏ ပဓာနသရုပ်တစ်ခုမှာ မဆုတ်နစ်သော ဆုလဘ်မျှော်ကိုးခြင်းဖြစ်၏။ ဦးနှောက်တွင်းရှိ ဒိုပါမိုင်းလျှပ်စီး (dopamine circuits) များက အထက်တန်း ပရဘာဝသမားများကို ကြွယ်ဝခြင်း ကျော်ကြားခြင်း ထင်ရှားခြင်း စသည့် အပေါင်းလက္ခဏာဆောင်သော စိတ်လှုပ်ရှားမှုများနောက်သို့ လိုက်ပါအောင် လုပ်ဆောင် လေ့ရှိသည်။ စင်စစ် ထိုသူတို့အဖို့ ရည်မှန်းချက်ပေါက်မြောက်အောင်မြင်ခြင်းထက် ရည်မှန်းချက်နောက် တစ်ကောက်ကောက် လိုက်နေရခြင်းကပင် ကျေနပ်စရာအတိဖြစ်လေသည်။ ၁၉၈၇ ခုနှစ်အတွင်း ဘာဘရာ ဝေါ်တာ (Barbabra Walters) ၏ သမ္မတရွေးပွဲဝင်ဘို့ထက် သမ္မတအဖြစ်အခန့်အပ်ခံချင်တာများလား ဆိုသော အမေးကို ထရန့်ကမဟုတ်ကြောင်းငြင်းဆိုပြီးနောက် “သမ္မတအလုပ်ကို အမဲလိုက်သလိုလိုက်ရတာဟာ ကျုပ် လုပ်ချင်တဲ့အလုပ်ပဲလို့ ယုံကြည်တယ်” ဟုပြောခဲ့၏။
ထရန့်၏ သဘောညီမှုအရည်အသွေးမှာ ပရဘာဝထက်ပင်ပို၍ အစွန်းရောက်ပုံရ၏။ သို့သော် အခြားတစ်ဘက် အစွန်းဖြစ်၏။ လူသားတို့အတွက်တန်ဘိုးအရှိဆုံး သဘောညီခြင်းအတိုင်းအတာမှာ အကြင်နာ မေတ္တာ စာနာတရား ယဉ်ကျေးခြင်းနှင့် ညှာတာခြင်းတို့ဖြစ်ကြသည်။ ထရန့်အနေနှင့် သူ့မိသားစုကို သူချစ်မှာ သေချာ သည်။ ရက်ရောပြီး မျှတသောစိတ်ထားရှိသည့် အလုပ်ရှင်တစ်ဦးဖြစ်သည်ဟုလည်း ဆိုကြ၏။ ပြောစမတ်ဖြစ် ကျန်ရစ်သည့် ထရန့်နှင့် သေအံ့မူးမူးကင်ဆာဝေဒနာရှင် သူငယ်လေးတစ်ဦးတို့တွေ့ဆုံကြပုံမှာကျော်ကြားသည်။ အလုပ်သင် (The Apprentice) ဇာတ်လမ်းတွဲ၏ ပရိဿတ်တစ်ဦးဖြစ်သော သူငယ်လေးက ထရန့်အား သူ့ကို “မင်းကိုအလုပ်ဖြုတ်လိုက်ပြီ” ဟု (ဇာတ်လမ်းထဲကအတိုင်း) ပြောလိုက်စေချင်၏။ ထရန့်ကမပြောနိုင်။ ထိုအစား ဒေါ်လာသောင်းချီသော ချက်လက်မှတ်တစ်စောာင်ကိုသာရေးပေးပြီး “ဘဝရဲ့အချိန်တွေကိုနေထိုင်ပစ်ဘို့” ပြော ခဲ့သည်။
သို့ရာတွင် ပရဘာဝနှင့်အခြာသောကြီး (၅) ကြီး ကိုယ်ရည်ကိုယ်သွေးတို့ကဲ့သို့ပင် သဘောညီမှုဆိုသည်မှာ ပြင်ပကမ္ဘာကြီးတစ်ခုလုံးနှင့်ဆက်ဆံရေးပုံစံများအား ခြုံငုံ၍သတ်မှတ်ထားခြင်းဖြစ်ရာ ဘဝတစ်လျှောက် တွေ့ကြုံ ကြသမျှ စံတင်ရလောက်အောင် သဘောထားမညီတတ်သူဟု ဂုဏ်သတင်းကြီးခဲ့သည့်ထရန့်နှင့် ဖြောင့်ဖြောင့် ကြီးဆန့်ကျင်နေတော့၏။ သဘောညီမှုအဆင့်နိမ့်ကျသူတို့ကို အရေထူ ရိုင်းပြ မောက်မာ စာနာကင်းသူများ အဖြစ် ဖေါ်ပြလေ့ရှိကြရာ ဒေါ်နယ်ထရန့်သာအနိမ့်ဆုံးမဖြစ်လျှင် တစ်ခြားမည်သူမျှဖြစ်နိုင်ဖွယ် မရှိချေ။ နိုင်ငံ၏ သဘောမညီနိုင်ဆုံးသမ္မတအဖြစ် ရစ်ချတ်နစ်ဆင် (Richard Nixon) ကို သုတေသီများက ရွေးချယ်ထားကြရာ နယူးယောက်တိုင်းသတင်းစာဆရာမ ဂေကိုလင်း (Gail Collins) ထံ သူမ၏ဆောင်းပါးပါဝင်သည့် သတင်းစာ စာမျက်နှာပေါ်မှ သူမ၏ဓာတ်ပုံကိုမင်ဖြင့်ဝိုင်းပြီး “ခွေးမျက်နှာ” ဟုရေးခြစ်ကာပေးပို့ခဲ့သော ထရန့်နှင့်စာလျှင် နစ်ဆင်က အပုံကြီးချိုသာပျော့ပြောင်းလေသည်။ သူ့ကို ညစ်ကျယ်ကျယ်ပြောလာသော အဆိုတော် ရုပ်ရှင် သရုပ်ဆောင် ချား (Cher) အား “တွစ်တာကနေ ဒီကောင်မကိုမှောက်သွားအောင်ထိုးပစ်လိုက်တာ နောက်ဆို ကျုပ်ကို မပြောရဲတော့ဘူး” ဟု “လုံလောက်သည်မရှိ” စာအုပ်ထဲ၌ ခပ်ကြွားကြွား ညည်းတွားထား၏။
မဲဆွယ်ပွဲများ၌ သူ့ကိုထောက်ခံသူများအား ကန့်ကွက်ဆန္ဒပြသူတွေအပေါ် ခပ်ကြမ်းကြမ်းတုန့်ပြန်ဘို့ ထရန့်က မြှောက်ပင့် ပေးလေ့ရှိ၏။ “ဒင်းတို့ကိုမောင်းထုတ်လိုက်ကြစမ်း” ဟု အော်တတ်သည်။ ဒီကောင်တွေမျက်ခွက်ကို ငါ လက်သီးနဲ့ထိုးချင်တယ်။ သူ့အပေါ်မထောက်ထားသည့် စာနယ်ဇင်းသမားမှသည် နိုင်ငံရေးပြိုင်ဘက်တွေ အထိ တစ်ဘက်လူမှန်သမျှကို ထရန့်ကအော့နှလုံးနာစရာဟုပြောပြီး အရှုံးသမားတွေဟု ထိုးနှက်လေ့ရှိ၏။ သရုပ်မှန်တီဗီ စံချိန်စံညွှန်းများအရ ထရန့်၏သဘောထားမညီနိုင်မှုများသည် တုံလှုပ်ဘွယ်မကောင်းလှ။ သို့သော် အများပြည်သူထံမှ မဲဆန္ဒကိုတောင်းခံသည့် နိုင်ငံရေးကိုယ်စားလှယ်အနေနှင့်မူ ထိုသို့ပြုမူသူ ရှာမှရှား၏။
ထရန့်၏ရန်လိုသောသဘာဝနှင့် ဘဝရည်မှန်းချက်အလားအလာများမှာ သူ့ဘဝအစောပိုင်းလောက်ကတည်းက သိသာနေခဲ့သည်။ သူကိုယ်တိုင်ဖြောင့်ဆိုချက်တစ်ခုအရ တစ်ခါက သူ့ဆရာ ဂီတနည်းပြတစ်ဦးအား ဒုတိယ တန်းစားဆိုကာ မျက်လုံးအညိုအမဲစွဲသည်အထိ သူထိုးကြိတ်ခဲ့ဘူးသည်။ ၁၉၈၀ ခုနှစ်များအတွင်း မဟတ္တန်၌ ထရန့်တာဝါ ဆောက်လုပ်ရာတွင် ဒုဥက္ကဌ တစ်ယောက်အဖြစ်တာဝန်ယူခဲ့ဘူးသော ဘာဘရာရက် (Barbara Res) ၏ အဆိုအရ ထရန့်၏ကိုယ်ရည်ကိုယ်သွေးပြဇယားတွင် ထင်ရှားသောစိတ်ခံစားမှုမှာ ဒေါသဖြစ်၏။ ပြီးခဲ့သော ဖေဖေါ်ဝါရီလ ဒေလီးဘိ (The Daily Beast) စာစောင်နှင့်တွေ့ဆုံရာတွင် သူမက “ဒေါသတွေထဲမှာ သူ့ရဲ့ဒေါသကတော့ အစစ်ပဲ။ သူဟန်ဆောင်နေတာမဟုတ်ဘူး” ဟု ပြောခဲ့၏။ အမှန်ပင် ဒေါသသည် သူ့မှာ ရှိသော အဆင့်မြင့်ပရဘာဝနှင့်အနိမ့်စားသဘောညီမှုတို့ကို နောက်ကွယ်မှမောင်းနှင်ပေးနေသည့်စိတ်ခံစားချက် ဖြစ်နိုင်သည်။ ဒေါသက စိတ်ကိုဆိုးအောင်မီးထိုးပေး၏။ ဒေါသကပင် သူတစ်ပါး၏ လေးစားမှုခံယူလိုစိတ်ကို နှိုးဆွရင်း လူမှုရေးအသာစီးရအောင် တွန်းအားပေးသည်။ ရန်လိုမှုကဲသော သူ၏ဟာသဉာဏ်အတော်အတန်နှင့် ပေါင်းစပ်လိုက်သောအခါ ဒေါသသည်ထရန့်အတွက် သြဇာတိက္ကမ၏ဗဟိုချက်ဖြစ်သလို သူ့နိုင်ငံရေးတရားများ အတွင်းသို့ပါ စိမ့်ဝင်လာခဲ့၏။
[၅]
အိမ်ဖြူတော်တွင်းမှဒေါ်နယ်ထရန့်ကို ကျွနုုပ် စိတ်ကူးယဉ်ကြည့်မိ၏။ သူဘယ်လို ဆုံးဖြတ်ချက်ချမှတ်တတ်သူ ဖြစ်လိမ့်မလဲ။ သမ္မတတစ်ယောက်ဘာတွေလုပ်မည်ကို ခန့်မှန်းရန်မလွယ်ကူချေ။ ၂၀၀၀ ခုနှစ် ရွေးကောက်ပွဲ သွေးအေးသွားချိန်တွင် တစ်နေ့သောအခါ သမ္မတဘွတ်သည် မကြေညာစစ်တစ်ရပ်ဖြင့် လက်ဦးမှုရယူလျက် အီရတ်ကိုဝင်ရောက်တိုက်ခိုက်လိမ့်မည်ဟု မည်သူတစ်ဦးတစ်ယောက်ကမျှ ကြိုတင်မြင်မိလိမ့်မည်မဟုတ်။ မြင်သူရှိခဲ့သည်ဆိုလျှင်လည်း ကျွန်ုပ်သတိမထားမိချေ။ ၉/၁၁ အရေးသာ မပေါ်ပေါက်ခဲ့လျှင် ဘွတ်အနေနှင့် ဆဒမ်ဟူစိန်နောက်သို့ ထက်ချပ်မကွာလိုက်ဖြစ်ချင်မှဖြစ်မည်။ သို့သော် ကမ္ဘာ့ဖြစ်ရပ်တွေက သမ္မတဘဝကို မပျက်မကွက် ခြိမ်းခြောက်သိမ်းပိုက်တတ်၏။ အိုဘားမားသည် ကြောက်မက်ဖွယ် စီးပွားပျက်ကပ်ကြီးကို အမွေခံလိုက်ရ၏။ ၂၀၁၀ ခုနှစ် နှစ်လယ်ရွေးကောက်ပွဲများအပြီး ရီပတ်ဘလစ်ကင်ကြီးစိုးသော ကပြက်ယပြက် ကွန်ဂရက်နှင့် ရင်ဆိုင်ရုန်းကန်ခဲ့ရ၏။ ထိုအရာတွေနှင့်သာမကြုံခဲ့လျှင် သူ့ဆုံးဖြတ်ချက်တွေမည်သို့ဖြစ်မည်ကို ကျွန်ုပ်တို့ မည်သည့်အခါမှ သိနိုင်မည်မဟုတ်ချေ။
သို့တိုင်အောင် သမ္မတတစ်ဦး၏ဆုံးဖြတ်ချက်ပုံစံကိုခန့်မှန်းရန် သူ့ကိုယ်ပိုင်ဟန်ပန်နှင့်ဝိသေသတွေက သဲလွန်စ တွေပေးအပ်လေ့ရှိသည်။ ပရဘာဝသမားများသည် စွန့်စားမှုကြီးမားသောဆုံးဖြတ်ချက်မျိုး ချမှတ်လေ့ရှိကြပြီး ပွင့်လင်းမှုအဆင့်နိမ့်ကျသူတွေအဖို့ သူတို့၏အနက်ရှိုင်းဆုံးခံယူချက်ကိုပင် မေးခွန်းမထုတ်နိုင်ကြပေ။ အဆင့်မြင့် ပရဘာဝနှင့်နိမ့်ကျသောပွင့်လင်းမှုရှိသူအဖြစ် သမ္မတအိမ်တော်သို့ရောက်ရှိလာခဲ့သည့်ဘွတ်သည် ဆုံးဖြတ်ချက် ကြီးကြီးမားမားကို သူမမှားတာသေချာသည်ဟူသောအာမခံမှုမျိုးဖြင့် ရဲရဲတင်းတင်းချမှတ်မည့်အလားအလာများ ရှိခဲ့လေ၏။ ဘွတ်၏ကိုယ်ရေးစိတ္တရာဇဝင်တွင်ကျွန်ုပ်ငြင်းခုံခဲ့သလို အီရတ်ကိုကျူးကျော်မည့် ကစားနည်း အပြောင်းအလဲ ဆုံးဖြတ်ချက်မှာ သူချဖြစ်ဘို့များသည့်ဆုံးဖြတ်ချက် အမျိုးအစားပင် ဖြစ်လေသည်။ ကမ္ဘာ့ အခြေအနေများကြောင့် အီရတ်ကိုကျူးကျော်ဘို့ အခွင့်အလန်းများပွင့်လင်းလာချိန်တွင် ဘွတ်သည်သူ့ဘဝ တစ်လျှောက်လုံး သမ္မတမဖြစ်မီကပင်ကြိုးစားကာ မအောင်မြင်ခဲ့ဘူးသောရည်မှန်းချက်များအဖြစ် ဖခင်ဖြစ်သူ (သမ္မတဟောင်း) ဘွတ် (W.H Bush) အား ဆဒမ်ဟူစိန် (Saddam Hussein) ကဲ့သို့သောရန်သူများ၏ အန္တရာယ်မှကာကွယ်ရန်နှင့် ကိုယ်တိုင်အရက်သေစာ စသောမကောင်းမှုစွမ်းအားစုများမှလွတ်မြောက်ခဲ့ရာ ဘဝ သမိုင်းအတွင်း ငြိမ်းချမ်းရေးကိုပြန်လည်အသက်သွင်းသူဖြစ်လိုသည့်စိတ်ဓါတ်အား အခိုင်အမာရှာဖွေတွေ့ရှိပြီးမှ ကျူးကျော်ရန်ဆုံးဖြတ်ခဲ့ခြင်းဖြစ်လေသည်။
ဘွတ်ကဲ့သို့ပင် ထရန့်သည်သူ၏မဲဆွယ်ပွဲဆောင်ပုဒ်ဖြစ်သော အမေရိကန်ပြန်လည်ကြီးမြတ်စေရေး အတွက် အကျိုးအမြတ်ကြီးကြီးရနိုင်မည့်အလုပ်ကို စွန့်စွန့်စားစားလုပ်မည့်သဘောရှိသည်။ အိမ်ခြံမြေလုပ်ငန်းရှင်ကြီး တစ်ဦးအနေနှင့် စွန့်စားမှုကြီးကြီးမားမား ပြုလုပ်နေကျဖြစ်သော်လည်း ၁၉၉၀ ခုနှစ် အခက်အခဲများကြုံပြီးသည့် နောက်ပိုင်းတွင်မူ ပို၍ရှေးရိုးဆန်သောလုပ်ငန်းရှင် တစ်ဦးဖြစ်လာခဲ့၏။ သူပြုလုပ်ခဲ့သော စွန့်စားမှုများကြောင့် ထရန့်မှာ လက်ညှိုးညွှန်ပြစရာ (ညွှန်လည်းညွှန်ပြလေ့ရှိ၏) ဇိမ်ခံအထပ်မြင့်အဆောက်အဦများ အကောင်းစား ဂေါက်ကွင်းများနှင့် ကိုယ်ပိုင်ကြွယ်ဝမှုဘီလီယံများစွာတို့ရှိနေကြသည်။ ထိုအရာအားလုံးတို့ကသူ့ထံသို့ စိတ်ပိုင်း ဆိုင်ရာ ဆုလဘ်တွေသယ်ဆောင်လာကြသည်။ စွန့်စားမှုကြီးမားသောဆုံးဖြတ်ချက်တွေကပင် သူ၏ကာစီနိုနှင့် အပန်းဖြေဟော်တယ်လုပ်ငန်းအချို့ကို အခြေခံဥပဒေ အခန်း ၁၁ အရ လေးကြိမ်တိတိ ဒေဝါလီခံစေခဲ့၏။
ဘွတ်လောက် ပွင့်လင်းမှုတွင်မညံ့ဖျင်းသည့်အလျောက် (ဘွတ်ကအညံ့ဆုံး မှတ်တမ်းဝင်သည်) ထရန့်မှာပို၍ ပျော့ပြောင်းပြီး မျှတသောဆုံးဖြတ်ချက်များကိုချမှတ်နိုင်သဖြင့် ဘွတ်နှင့်မတူ (ဘီ) ကလင်တန် နှင့် ပိုတူသည်။ ဘွတ်နှင့်စာလျှင်သူက မခုန်ခင်ပို၍ ကြာကြာနှင့်မာမာကြည့်တတ်သည်။ သမ္မတလောင်းအများစုကဲ့သို့ သူ့မှာ မှတ်သားဘွယ်မူဝါဒ အခိုင်အမာမရှိခြင်းကြောင့် (နိုင်ငံရေးလေ့လာသူတို့၏အဆိုအရ သူသည် အချို့ကိစ္စ များတွင် ကွန်ဆာဗေးတစ် အချို့တွင်လစ်ဘရယ် အချို့ဆိုလျှင် တိတိကျကျသတ်မှတ်၍ပင်မရ) ကွန်ဂရက်နှင့် ဖြစ်စေ ပြည်ပခေါင်းဆောင်များနှင့်ဖြစ်စေညှိနှိုင်းရာ၌် ထရန့်ကပို၍ လွယ်ကူစွာရပ်တည်ချက် ပြောင်းလဲခြင်း အားဖြင့် ပဲ့ကိုင်နိုင်မည်ဖြစ်သည်။ သို့ရာတွင် အောင်မြင်ခဲ့လျှင် သူ့ဝါဒအတွက်သူ့အတွက် ဆုလဘ်သဘွယ် စိတ် ခံစားမှု ပေးစွမ်းနိုင်သည့်ဆုံးဖြတ်ချက်မျိုးကိုမူ မည်မျှပင်စွန့်စားရသည်ဖြစ်စေ သူလက်လွှတ်လိမ့်မည်မဟုတ်ချေ။
တစ်ကယ်တန်း အခရာဖြစ်နေသည်က ထရန့်၏သဘောညီမှု သို့မဟုတ် မညီမှုအရည်အသွေးပင်။ ရာဇဝင်ထဲက အမေရိကန်သမ္မတတွေ လူထုရှေ့စင်မြင့်ပေါ်မှာ ဒေါ်နယ်ထရန့်လောက်တစ်သမတ်တည်း ဗြောင်ကျကျ သဘောမညီမျှတတ်သူမရှိချေ။ နစ်ဆင်နှင့်အနီးစပ်ဆုံးတူသည်ဆိုလျှင်ပင် ထရန့်၏ဆုံးဖြတ်ချက် ချမှတ်ပုံချမှတ် နည်းမှာ ၁၉၇၀ ဆယ်စုနှစ်အစောပိုင်းကာလ ဒေသတွင်းအပါအဝင် နိုင်ငံတကာရေးရာများထဲမှ နစ်ဆင်နှင့်သူ့ နိုင်ငံခြားရေးဝန်ကြီး ဟင်နရီကစ်ဆင်ဂျား (Henry Kissinger) တို့၏ လက်တွေ့အသုံးချ နိုင်ငံရေးပြကွက်များ အတိုင်း ဖြစ်လိမ့်မည်ဟု ခန့်မှန်းနိုင်သည်။ ကြည့်သူ၏ ရှုဒေါင့်ကိုလိုက်၍ အားလုံးအဆိုးချည့်ဟုတော့ မဆိုနိုင်။ နစ်ဆင်လိုသဘောညီရန်ခက်ခဲပြီး စိတ်ခံစားချက်နောက်သို့မလိုက် လူသားချင်းစာနာမှုဆိုင်ရာ စေ့ဆော်ချက် များသို့လည်း မတိမ်းညွှတ်တတ်သူတို့မှာ အကျိုးစီးပွားချင်းချိန်ညှိရာတွင်၎င်း၊ ရန်ဘက်များကိုဈေးဆစ်ရာတွင် ၎င်း အားသာချက်အချို့တော့ရှိသည်။ ယင်းလက်ထက် တရုပ်နှင့်ထိတွေ့ဆက်ဆံမှုမျိုးဖြစ်၏။
နိုင်ငံတကာအရေးတွင် နစ်ဆင်သည်ပြတ်သား၍လက်တွေ့ဆန်ပြီး ခေါင်းအေးအေးနှင့်တွေးဆတတ်၏။ ထရန့် မှာ နစ်ဆင်ကဲ့သို့ပြတ်သားပြီးလက်တွေ့ကျသော မဟာဗျူဟာမျိုးချမှတ်နိုင်ပုံပေါ်သည့်တိုင် ခေါင်းအေးအေးထား ၍ ရမည်မဟုတ်။ ယင်းမှာ သဘောမညီသမျှကိုသူ၏ဒေါသက မီးလောင်လေပင့်ပြုနေသောကြောင့်ဖြစ်နိုင်၏။ ဒေသတွင်းနိုင်ငံရေးတွင်လည်း နစ်ဆင်သည်အမေရိကန်တို့၏ နိုင်ငံရေးစံအရပင်လျှင် ပါးနပ်၍ အရေထူကာ အလိုကြီးသူဖြစ်၏။ စာနာတရားဟူသည် သူ့ခြုံလွှာမဟုတ်။ ထရန့်သည်လည်း ဤနည်းနှင်နှင်ဖြစ်၏။ သို့သော် အားကြီးသောပရဘာဝနှင့် မရပ်မနားဝါကြွားလိုမှုများအပြင် ဘဝထက်ကြီးမားသည့်ထင်ပေါ်ကျော်ကြားမှုများက နစ်ဆင်ထက်သာသည်။ ထရန့်လိုကျယ်ဝန်းသော နယ်ပယ်မျိုး နစ်ဆင်မဖြည့်ဆီးနိုင်ပေ။
သဘောညီမှုအရည်အသွေးနိမ့်ကျသူများသည် မယုံကြည်လောက်သောသူများဖြစ်ကြ၏ ဟု သုတေသနတွေက ရှုမြင်သည်။ မရိုးမဖြောင့်လှည့်ဖြားမှုတို့ကြောင့် နစ်ဆင်ကျရှုံးခဲ့ရပြီး အမေရိကန်တို့၏ သမ္မတရပ်ဝန်းပါ ထိခိုက် နစ်နာခဲ့ရသည်။ နိုင်ငံရေးသမားတိုင်းညာကြသည် အနည်းဆုံးရှေ့နောက်မညီတတ်ကြဟု ယုံကြည်ကြလေရာ ထရန့်က သူ့ထက်ကဲသူဖြစ်၏။ ၂၀၁၆ ရွေးချယ်ခံသမ္မတလောင်းများ၏ “ဖြောင့်မတ်ခြင်း” ကို ဆန်းစစ်ရန် အတွက် နိုင်ငံရေးအချက်အလက် (PolitiFact) အဖွဲ့မှ သူတို့၏မဲဆွယ်စကားများအား တွက်ချက်ကြည့်ရာ ထရန့်ပြောသမျှ၏ ၂% သည် အမှန်ဖြစ်ပြီး ၇% သည် အများစုမှန်၍ ၁၅% မှာ တစ်ဝက်တစ်ပျက် မှန်ကန် ကြောင်း တွေ့ရှိရသည်။ သူပြောသမျှ ၁၅% က အများစုမှားပြီး ၄၂% သည် လုံးဝအမှားနှင့် ၁၈% မှာ ခါချလောက်စရာအမှားများ ဖြစ်ကြ၏။ နောက်ဆုံးသုံမျိုးပေါင်းလျှင် ထရန့်၏ မရိုးသားမှုရမှတ် ၇၅%ဖြစ်သည်။ ကျန်သမ္မတလောင်းများ၏ ထိုအတွက်ရမှတ်များမှာ တဒ်ခရု (Ted Cruz) ၆၆%၊ ဂျွန်ကေဆစ် (John Kasich) ၃၂%၊ ဘာနီစန္ဒား (Barnie Sanders) ၃၁% နှင့် ဟီလာရီကလင်တန် (Hillary Clinton) ၂၉% အသီသီး ဖြစ်ကြလေသည်။
အချုပ်အားဖြင့် ဒေါ်နယ်ထရန့်၏ အခြေခံကိုယ်ရည်ကိုယ်သွေး အချက်အလက်များက ပြင်းထန်စွာပေါက်ကွဲ လွယ်သော သမ္မတအဖြစ်ကိုပြဆိုနေလေသည်။ အနိမ့်ဆုံးအခြေအနေတစ်ရပ်တွင် စိတ်ဓာတ်ပြင်းပြ တက်ကြွ လှုပ်ရှားပြီး အမှန်တရားနှင့်နွေးထွေးစွာမဆက်ဆံတတ်သည့် သမ္မတဖြစ်နိုင်သည်။ ဘေးထွက် အပျက်အစီးများ အရေး နှစ်ခါပြန်မတွေးဘဲ ရန်လို ရဲတင်း ရက်စက်စွာ ဆုံးဖြတ်ချက်ချပြီးနောက် အပြင်းထန်ဆုံး အမြင့်မားဆုံး အတောက်ပြောင်ဆုံးနှင့် သြချရဆုံးရလဒ်ကို ပြင်းပြင်းပြပြတောင့်တတတ်သူတစ်ဦးဖြစ်လာနိုင်၏။ ခိုင်မာသည်။ ရန်လိုသည်။ ခြိမ်းခြောက်နိုင်သည်။ ပေါက်ကွဲတတ်သည်။
[ဆက်လက်ဖေါ်ပြပါမည်]
Dan P. MacAdams သည် စိတ်ပညာပါမောက္ခ တစ်ဦးဖြစ်ပြီး The Foley Center for the Study of Lives at Northwestern University ၏ ညွှန်ကြားရေးမှူးဖြစ်ပါသည်။ Gorge W. Bush and the Redemptive Dream: A Psychological Portrait နှင့်The Art and Science of Presonality Development စာအုပ်များကို ရေးသား ခဲ့သူဖြစ်သည်။
ဝန်ခံချက်။ 2016 June လထုတ် The Atlantic Magazine မှ Dan P. McAdams ၏ The Mind of Donald Trump ဆောင်းပါးကို ဆီလျော်အောင်ပြန်ဆိုပါသည်။