ကိုသန်းလွင် ● မြို့ကြီးများမှ အိမ်ယာပြဿနာ
(မိုးမခ) ဇွန် ၁၃၊ ၂၀၁၆
(မိုးမခ) ဇွန် ၁၃၊ ၂၀၁၆
(၁)
ကမ္ဘာမြို့တော်ကြီးများတွင် ယနေ့ရင်ဆိုင်နေရသည့် အခက်အခဲတခု မှာဆင်းရဲသူလူတန်းစားများအတွက် နေစရာ အိမ်များ ဖန်တီးပေးရေးပင် ဖြစ်သည်။ စိတ်အေးချမ်းသာနေနိုင်သော၊ မိမိကိုယ်ပိုင် ပိုက်ဆံဖြင့် ၀ယ်နိုင်အားရှိသောအိမ်များ လုံလုံ လောက်လောက် မရှိကြခြင်းမှာ နိုင်ငံများစွာတို့တွင် ကြီးမားသောပြဿနာကြီးများ ဖြစ်လာကြပါသည်။
နိုင်ငံအများအပြားတွင် ဆင်းရဲသူလူတန်းစားမှာ ကျူးကျော်ရပ်ကွက်များတွင် ဖြစ်သလိုအိမ်ဆောက်ပြီး နေကြရခြင်းမှာ ထုံး စံလိုဖြစ်နေပါပြီ၊ တကမ္ဘာလုံးအနေဖြင့်ဆိုလျင် ထိုလူဦးရေမှာ လူပေါင်း သန်းတထောင်ကျော်ခန့် ရှိပါလ်ိမ့်မည်။
အာရှတိုက်တခုလုံးအတွက်မူ လူဦးရေ၏ ၃၀ ရာခိုင်နှုန်းမှာ ဤသို့ ဆင်းဆင်းရဲရဲနေကြရသည်ဟု ခန်မှန်းကြသည်။ အိမ်ဈေး နှုန်းကို ဈေးကွက်အလိုကျ လွှတ်ပေးထား၍ ဖြစ် မဖြစ်၊ ဤအိမ်ဈေးနှုန်း အတက်အကျကို ဘယ်လိုအရာများက ဆုံးဖြတ် သည်ဆိုသော အချက်အလက်များကို ရှာဖွေရန်မှာ အစိုးရတိုင်း၏ တာဝန်ဖြစ်လာသည်။
သန်းထောင်ပေါင်းများစွာ ချမ်းသာကြသော ဘီလီယံနာအများဆုံးနေထိုင်ရာ နယူးယောက်မြို့တော်ကြီးတွင် အိုးမဲ့ အိမ်မဲ့ ပြဿနာမှာ ကြီးထွားလာနေပါသည်။ ၂၀၁၄ ခုနှစ်က အိမ်ငှားရမ်းနေထိုင်သူများ၏အခြေအနေမှာ ကြီးမားလာသော အိမ် ငှားခကို မပေးနိုင်၊ အချို့ဆိုလျင် မိမိလစာ၏ ၃၀ ရာခိုင်နှုန်းအထက်ကို အိမ်လခအတွက် ပေးနေကြရသည်။ ဈေးကစားသူများ၊ မိမိအမြတ်ရရှိရေးကိုသာ ဦးစားပေးသည့် အပြိုင်အဆိုင် ဈေးကွက် စီးပွားရေး စနစ်တွင် ဈေးတွေက တက်ချင်တိုင်းတက်နေပြီး အုပ်ချုပ်သောအစိုးရက ၀င်ရောက် စွက်ဖက်လေ့မရှိပေ။
ဟောင်းအိုနေပြီဖြစ်သော မြို့တော်၏နေရာများစွာတို့တွင် အိမ်ယာစီမံကိန်းအသစ်များက အစားထိုးဝင်ရောက်လာနေကြ သည်။ ၎င်းတို့မှာ လူဆင်းရဲတို့နေရာများဖြစ်ရာ သူတို့မှာဘေးသို့ တွန်းပို့ခြင်းခံနေရသည်။ ရာဇ၀တ်မှု အများဆုံးဖြစ်ပွားရာ၊ ပြဿနာပေါင်းစုံသောနေရာဖြစ်သော်လည်း ထိုနေရာများမှာ သူတို့နေရာ ဖြစ်သည်။ များမကြာမီမှာပင် ကုန်တိုက်ကြီးများ အထပ်မြင့် ဆောက်အဦးကြီးများဖြင့် မြို့သစ်ကြီးဖြစ်လာသော်လည်း လူဆင်းရဲများမှာ ပိုပြီးဝေးရာသို့ ရွှေ့သွားရပြီဖြစ်သည်။
အိမ်ယာအခက်အခဲက ဖန်တီးလိုက်သောပြဿနာများမှာ နေရာအနှံ့ ပြန့်နှံ့နေပြီး၊ ကျန်းမာရေးစီးပွားရေးနှင့် လူမှုရေးဆိုင်ရာ ကိစ္စများဖြင့် ရှုပ်ထွေးလာတော့သည်၊ အိမ်ယာစီမံကိန်းများမှာ အိမ်သစ်များတိုးလာခြင်းကို ကြိုဆိုကြသော်လည်း ဆင်းရဲ သားများ နေရာပြောင်းရခြင်းမှာ မလိုလားအပ်ပေ။
၂၀၁၃-၂၀၁၄ တနှစ်တာကာလအတွင်းမှာပင် အိမ်ယာနှင့်ပတ်သက်ပြီးရင်းနှီးမြုပ်နှံမှုများမှာ ၃၀ ရာခိုင်နှုန်း တိုးတက် လာ သည်။ တချိန်တည်းမှာပင် အများပိုင် ပြည်သူလူထု အသုံးပြုနိုင်သော ဧရိယာအကျယ်အ၀န်းမှာ လျှော့နည်းသွားရပါသည်။ လူဆင်းရဲရပ်ကွက်များတွင် နေထိုင်သူများမှာ ကျန်းမာရေး၊ စီးပွားရေး၊ လူမှုရေး အဆင့်အတန်းများ နိမ့်ကျရသည်။ မိဘများ ကွာရှင်းကြရခြင်း၊ ကလေးများ တက္ကသိုလ် အထိပညာမသင်နိုင်ကြခြင်း၊ လစာများများရသောဝန်ထမ်း မဖြစ်လာကြခြင်းများ ကို ထိုပတ်ဝန်းကျင်တွင် တွေ့ရတတ်ပါသည်၊၊
နယူးယောက်မြို့တော်ကြီးတွင် အိုးအိမ်မဲ့လူဦးရေမှာ တသိန်းတသောင်းကျော် ရှိသည်။ ထိုလူဦးရေတွင် ကလေး သူငယ်များ က ၄၂,၀၀၀ ခန့်ပါဝင်သည်။ အိမ်ခန်းလိုအပ်သူ ၆ သိန်း ခန့်ရှိနေချိန်တွင် ၂ သိန်း ၇ သောင်းကျော်သာ အိမ်ခန်းရနိုင်မည့် အနေအထားတွင်ရှိသည်။ နယူးယောက်မြို့တော်ဝန်ကမူ လာမည့် ၁၀ နှစ်အတွင်း တန်ဖိုးနည်းအိမ်ယာ နှစ်သိန်းကျော်မျှ ဆောက်လုပ်နိုင်မည်ဟု ခန့်မှန်းထားသည်။
၂၀၁၃ ခုနှစ်တွင် နိုင်ဂျီးရီးယားနိုင်ငံ လားဂို (စ) မြို့တွင် အိမ်ခြေ ၉၀၀၀ ကျော်ကို နှင်ထုတ်ရသောအဖြစ်နှင့် ကြုံခဲ့ကြရသည်။ နိုင်ဂျီးရီးယားနိုင်ငံ ဗစ်တိုးရီးရားဒေသသည် အိမ်ယာဈေးနှုန်း ကမ္ဘာတွင်အမြင့်ဆုံးနေရာ ဖြစ်လာခဲ့သည်။ ထိုအိမ်ယာ ပရော ဂျက်များကြောင့် ထိုနိုင်ငံတွင် သန်းကြွယ်သူဌေးအရေအတွက် များပြားလာသည့်နည်းတူ ဆင်းရဲမွဲတေမှုရာနှုန်းမှာ ၆၂ ရာခိုင်နှုန်းအထိ တိုးလာခဲ့သည်။ လွန်ခဲ့သော ဆယ်နှစ်က ဆင်းရဲမှုနှုန်းမှာ ၅၅ ရာခိုင်နှုန်းမျှသာရှိခဲ့သည်။
(၂)
စီးပွားရေးပညာရှင် သောမတ် (စ) ပီကာတီနှင့် ဂျိုးဇက် စတစ်ဂလစ် (Thomas Piketty & Joseph Stiglitz) တို့က ကမ္ဘာ ကြီးတွင် စီးပွားရေးဖွံ့ဖြိုးတိုးတက်လာသည်နှင့်အမျှ ဆင်းရဲချမ်းသာကွာဟမှုသည် ပိုမိုကြီးထွားလာလိမ့်မည်။ တဆက်တည်း မှာပင် ဤကွာဟမှုမှ လူထုအတွင်း မငြိမ်မသက်မှုများနှင့် ရာဇ၀တ်မှုများဖြစ်စေလိမ့်မည်ဟု ဟောကိန်းထုတ်ခဲ့ကြပါသည်။
မကြာမီက ဘလာတီမိုးတွင်ဖြစ်ပွားခဲ့သော အဓိကရုဏ်းများနှင့် အခြားအမေရိကန်မြို့ကြီးများမှ ရန်ပွဲများမှာ ဤအကျိုး ဆက်ပင် ဖြစ်ပါသည်ဟုဆိုသည်။ ဆင်းရဲချမ်းသာကွာဟမှုက ပြဿနာများဖန်တီးသည်ဆိုလျှင် ဆင်းရဲသူများက ထိုက်သင့် သော အိုးနှင့်အိမ်နှင့် နေနိုင်ကြသည်ဆိုလျင်ကောဟု မေးစရာရှိသည်။ ထိုမှဆက်၍ ပြည်သူလူထုက အသစ်ဆောက်သော အိမ်များကို ပြည်သူအများစု ၀ယ်နိုင်စေရန် အစိုးရနှင့် ပေါ်လစီရေးဆွဲသူများက ဘာတွေလုပ်ရမလဲဟု မေးစရာရှိလာပါသည်။ ကမ္ဘာ့မြို့တော်ကြီး သုံးခုဖြစ်သော စင်ကာပူ၊ ဗီယင်နာနှင့် ဘာလင်မြို့တော်ကြီးများတွင် ပြည်သူတို့အတွက် လူနေအိမ်များ ဖန်တီးပေးပုံကို လေ့လာကြည့်နိုင်ပါသည်။
စင်ကာပူနိုင်ငံ ဥပမာတွင် အိမ်များကို နိုင်ငံတော်အစိုးရကဦးဆောင်တည်ဆောက်ပေးသည်၊ ပြည်သူလူထုကို အိုးပိုင်အိမ်ပိုင် ၀ယ်နိုင်စေရန် စီစဉ် ပေးခြင်းနှင့်အတူ နိုင်ငံ၏စီးပွားရေးမှာလည်း ဖွံ့ဖြိုးတိုးတက်လာပါသည်။ ၁၉၆၅ ခုနှစ် လွတ်လပ်ရေးရအပြီး စင်္ကာပူအစိုးရ၏ HDB Housing Development Board ၏ဆောင်ရွက်ချက်များတွင် (Innovation) ဖန်တီးတီထွင်မှုများကို တွေ့မြင်နိုင်ပါသည်။ အစိုးရ၏စီမံမှုနှင့် ပြည်သူလူထုအတွက် နေစရာအိမ်ဖန်တီးပေးနိုင်ခဲ့ပုံမှာ နိုင်ငံရေး၊ စီးပွားရေး ရှု့ထောင့် များကကြည့်လျှင် ပထမတန်းစား ၀န်ဆောင်ပေးမှုလည်း ဖြစ်ပါသည်။ လူ့သက်တမ်းတခုအတွင်းတွင် မြို့တော်၏ လူဦးရေ ၇၀ ရာခိုင်နှုန်းသည် ပျံကျ ဖြစ်သလိုနေရသောအခြေအနေမှ အထပ်မြင့်အဆောက်အဦးများဖြင့် နေနိုင်လာကြပြီး ကမ္ဘာ့အ ဆင့်မှီ မြို့တော်ကြီး ဖြစ်လာခဲ့ပါသည်။ ၁၉၆၀ ခုနှစ်များဆီက လူဦးရေ ၁.၉ သန်းရှိသောမြို့တော်ကြီးမှာ ၁.၃ သန်းသော လူများအတွက် အိမ်ယာများကိုဖန်တီးပေးခဲ့ပြီး တရားမ၀င်ကျူးကျော်နေထိုင်သူမရှိအောင် ဆောင်ရွက်ခဲ့ခြင်းလည်းဖြစ်ပါ သည်။ ကျွန်းပေါ်မှ မြေဧရိယာ၏ ၉၀ ရာခိုင်နှုန်းကို အစိုးရကပိုင်ဆိုင်ပြီး လူဦးရေ၏ ၈၀ ရာခိုင်နှုန်းမှာ HDB Flat များတွင် နေထိုင်နေကြပါပြီ။
၁၉၉၀ နှင့် ၂၀၀၀ နှစ်များတွင် နိုင်ငံခြားရင်းနှီးမြှုပ်နှံမှုများ အလုံးအရင်းဝင်ရောက်လာခဲ့ပြီး စင်္ကာပူသည် စီးပွားရေး အချက် အခြာမြို့ကြီးဖြစ်လာကာ အိမ်ဈေးများလည်း တက်လာခဲ့သည်။
အစိုးရက ပြည်သူတို့၏ စီးပွားရေးအပါအ၀င် ကိစ္စအ၀၀တွင် ပါဝင်ပတ်သက်နေသည်ဆိုစေ အိမ်ဈေးနှုန်းများ အဆမတန် ဈေးကြီးလာခြင်းကို ကနဦးကမတားဆီးနိုင်ခဲ့ပါ။ အစိုးရက ဈေးဖောင်းပွလာသည်ကို ရပ်တန့်စေရန် Cooling Effects ခေါ် စည်းကမ်းအသစ်များချမှတ်ပြီးမှသာ အဆမတန်တက်လာသော အိမ်ဈေးကို ရပ်တန့်စေနိုင်ခဲ့သည်။
(၃)
သြစတြီးယားနိုင်ငံ ဗီယင်နာမြို့တော်သည် ၆ နှစ်ဆက်တိုက် ကမ္ဘာပေါ်တွင်နေထိုင်ရန် အကောင်းဆုံးမြို့တော် အဖြစ်ရွေး ချယ်သတ်မှတ်ခြင်းခံခဲ့ရပါသည်။ လူနေမှုအဆင့်အတန်းအမြင့်ဆုံးဖြစ်သည်ဟု ဆိုလိုပါသည်။ အကောင်းဆုံး Transport System ရှိခြင်း၊ ယဉ်ကျေးမှုပေါင်းစုံ၊ လူမျိုးပေါင်းစုံ နေထိုင်နိုင်သောနေရာဖြစ်ခြင်း ပြည်သူလူထုက ဈေးသက်သာစွာ ၀ယ် နိုင်သော အိမ်ယာများရှိခြင်းစသော ဂုဏ်အင်္ဂါများ ရှိခဲ့ပါသည်။
မြို့တော်၏ အလုပ်သမားလူတန်းစားအတွက် ဈေးနှုန်းချိုသာစွာ နေအိမ်ဝယ်နိုင်အောင် စီမံထားခြင်းမှာ ၂၀ရာစု အစက တည်းက ဖြစ်ပါသည်။ အစိုးရ၏ ပထမဦးစားပေးအလုပ်မှာ ပြည်သူလူထု ဈေးသက်သက်သာသာဖြင့် အဆင့်အတန်းမြင့်မြင့် နေနိုင်ရေးပင်ဖြစ်သည်။ လုပ်သားများ၏အိမ်ယာများကို အနုပညာလက်ရာမြောက်အောင် တည်ဆောက်ထားကြသလို ဒီ ဇိုင်း အသစ်အဆန်းများဖြင့် လှပနေတတ်ပါသည်။ အစိုးရ၏ အခြားရည်မှန်းချက်များတွင် လက်ရှိနေထိုင်သူများ အချင်း ချင်း ပိုမိုရင်းနှီး ထိတွေ့ဆက်ဆံနိုင်ကြရန်လည်းပါဝင်ပါ သည်။
မြို့တော်က အိမ်များ၏၂၅ ရာခိုင်နှုန်းကို ပိုင်ဆိုင်ပြီး အခြား၂၃ ရာခိုင်နှုန်မှာ ပုဂ္ဂလိကကုမ္ပဏီများက ပိုင်ဆိုင်သည်။ ဈေးနှုန်း နှင့် ဒီဇိုင်းကိုမူ မြို့တော် စီမံခန့်ခွဲရေးကော်မတီက ထိမ်းချုပ်ထားသည်။ ခွင့်ပြုသည့်ပုံစံနှင့်သာ ဆောက်လုပ်ရသည်။ အစိုးရ က လိုင်စင်ချပေးသောကုမ္ပဏီများမှ ဆောက်လုပ်သမျှ၏ တ၀က်မှာ လစာနည်းဝန်ထမ်းများအတွက် ဖြစ်သည်။
အိမ်ငှားခမှာ ငှားရမ်းနေထိုင်သူ လစာငွေ၏ ၂၅ ရာခိုင်နှုန်းအထိသာ သတ်မှတ်နိုင်သည်။ နှစ်စဉ် တန်ဖိုးနည်းအိမ်ယာ အ သစ် ၅၀၀၀ ခန့် အသစ်ဆောက်လုပ်ပေးနေသည်။ ကြီးမားသော အိမ်ယာပရောဂျတ်များသည် ဈေးဆိုင်၊ စားသောက်ဆိုင်များ၊ ကလေးထိန်းကျောင်းများ၊ အားကစားလေ့ကျင့်နေသောနေရာများ ပါဝင်ရသည်။
ယခင်ကမူ ဗီယက်နာမြို့တော်ကဲ့သို့ပင် ဘာလင်မြို့တော်ရှိ အိမ်ယာများမှာ ဆင်းရဲသားများပါ ၀ယ်နိုင်အောင် မြို့တော်က (Subsidize) စီစဉ်ပေးသော အိမ်ယာများဖြစ်ကြသည်။ လွန်ခဲ့သော ဆယ်နှစ်ခန့်မှ စတင်၍ စက်မှု ဖွံ့ဖြိုး တိုးတက်လာမှုကြောင့် လုပ်သားအများစုက မြို့တော်ကြီးသို့ ပြောင်းရွှေ့လာကြရာတွင် လူနေအိမ် အခက်အခဲဖြစ်လာခဲ့သည်။ လူဦးရေမှာ အုပ်ချုပ် သူများ မျှော်လင့်ခန်မှန်းထားသည်ထက် နှစ်ဆခန့် ပိုခဲ့သည်။ လုပ်သားဦးရေများပြားလာမှုမှာ စီးပွားရေးအတွက် အိမ်ယာ ဈေးကွက်အတွက် ကောင်းပါသည်။ သို့သော်လည်း တစစ မြင့်တက်လာသော အိမ်ဈေးနှုန်းကြောင့် အများစုက မ၀ယ်နိုင်ကြ တော့ပေ။
ထိုအဖြစ်ကိုကာကွယ်ရန် “Rental Price Brake" ဟုခေါ်သော အိမ်ငှားရမ်းခကို အစိုးရက အခြေအနေအရပ်ရပ်ကို လေ့လာ ပြီး သတ်မှတ်ပေးသည့်စနစ်ကို ကျင့်သုံးလာကြသည်။ အစိုးရ သတ်မှတ်ဈေးထက် ဆယ်ရာခိုင်နှုန်းသာ လိုလို ပိုပို ခွင့်ပြုပြီး အိမ်ငှားစာချုပ်များကို အာဏာပိုင်တို့က အတည်ပြုပေးသည်။ လွန်ခဲ့သောနှစ် ဇူလိုင်လက ပြဌာန်းခဲ့သော ဥပဒေကြောင့် အိမ်ဈေးနှုန်းမြင့်မားလာနေမှု ရပ်တန့်သွားပြီး ယခုအခါ ပြန်လည်ကျဆင်းနေပြီဟုဆိုသည်။
မြို့နေလူထု အိမ်ဝယ်နိုင်ရေးအတွက် ပေါ်လစီချမှတ်ရာတွင် တီထွင်ကြံဆမှု (Innovation) ရင်းနှီးမြှုပ်နှံမှု အခွင့်အရေးများနှင့် တာဝန်ရှိသူဝန်းထမ်းများ၏ ပေါ်လစီကို အကောင်အထည်ဖော်နိုင်မှု၊ ဆင်းရဲသူ ပပျောက်ရေးကို ရှေးရှုသော နိုင်ငံရေးရာ သဘောတူညီမှုများ လိုအပ်ပါသည်။
ဗ်ီယင်နာ၊ ဘာလင်နှင့် စင်ကာပူမြို့တော်ကြီးများ၏ဥပမာများတွင် တူညီသောအချက်မှာ အိမ်များသည် နေချင်စဖွယ်ရှိပြီး သာမာန်လုပ်သားပြည်သူများ ၀ယ်နိုင်ကြခြင်းပင် ဖြစ်ပါသည်။ တချိန်တည်းမှာပင် စီးပွားရေး တိုးတက်လာမှုလည်းရှိရပါမည်။ အစိုးရ၏ ပါဝင်ပတ်သက်ရေးမှာ အိမ်ဈေးကွက် တည်ငြိမ်ရေးတွင် မရှိမဖြစ် လိုအပ်ပါသည်။ အရာရာကို ဈေးကွက်အလိုကျ လွှတ်ထားလိုက်လျှင် ဈေးနှုန်း ဖောင်းပွလာခြင်းကို ဥပမာအမျိုးမျိုး ကျွန်တော်တို့ တွေ့ခဲ့ကြပြီးပါပြီ။ ကမ္ဘာ့နေရာအသီးသီးမှ မြို့တော်ကြီးများ၌ ဤပြဿနာကို ရင်ဆိုင်နေကြရပါသည်။
ဤမြို့ကြီးသုံးမြို့၏ ဥပမာမှာ တခြားမြို့ကြီးများတွင် ဤနည်းအတိုင်းလုပ်ကြရမည်ဟူသော ဖော်မျူလာကို မပေးပါ။ နေရာ ဒေသကိုလိုက်၍ လိုအပ်သလို ပြုပြင်ပြင်ဆင်ရမည့်အရာများရှိကြပါသည်။ ၎င်းတို့က သက်သေပြနေသောအချက်မှာ အုပ် ချုပ်သူ အာဏာပိုင်များကပါဝင်၍ မှန်မှန်ကန်ကန်ဖေးမတည့်မတ်ပေးနိုင်ပါလျှင် နေချင်စဖွယ်နှင့် လူတိုင်းနေနိုင်သော အိမ် ယာများ ပေါ်ပေါက်လာစေနိုင်ပါသည်ဟူသော အချက်ပင်ဖြစ်ပါသည်။
အထက်က ဖေါ်ပြခဲ့သည့်အတိုင်း စီးပွားရေးပညာရှင်နှစ်ဦးက နိမိတ်ဖတ်ခဲ့သော စီးပွားရေးတိုးတက်မှုကြောင့် ရင်ဆိုင်ရမည့် မကောင်းမှု ဆိုးကျိုးများကို နေချင်စရာကောင်းသော အိမ်များက အကာအကွယ်ပေးနိုင်လိမ့်မည် ဟု ယုံကြည်မိပါသည်။
ကိုသန်းလွင်
Ref: How Singapore, Vienna, and Berlin Provide affordable Housing By Leng Simet, The Sunday Time May 15,2016 issue.
illustration :Alvaro Castagnet