မောင်မောင်စိုး - လွမ်းရစ်ဝေသော နေ့များ ညများ ဘဝပေါင်းများစွာ - အပိုင်း ၂၂


မောင်မောင်စိုး - လွမ်းရစ်ဝေသော နေ့များ ညများ ဘဝပေါင်းများစွာ - အပိုင်း ၂၂
(မိုးမခ) သြဂုတ် ၁၉၊ ၂၀၁၆


 သမဂ္ဂဝင်း ဗိုလ်အောင်ကျော်ကျောက်တိုင်နှင့် ၇ ရက် ဇူလိုင်

မိမိတို့ကျောင်းရောက်သည့် ၁၉၇၃ ခုနှစ်တွင် သက်တမ်း ၅၀ ကျော် ရှိသည့် ပင်မတက္ကသိုလ်သမိုင်းတွင် ၁၁ နှစ်ရှိသွားပြီဖြစ်သည့် ၇ ရက်ဇူလိုင် သမိုင်းသည် လတ်ဆတ်သစ်လွင်ဆဲဖြစ်သည်။ စိန်ပန်းတွေ ကန့်ကော်တွေ၏ ငိုကြွေသံသဲ့သဲ့ကြားနေရဆဲ သစ်ပုတ်ပင်အိုမ၏ရှိုက်သံသဲ့သဲ့ ကြားနေရဆဲ ဖြစ်သည်။ အဓိပတိလမ်းအတွင်းပျော်ဝင်သွားသည့် ကျောင်းသားတို့၏ စီး ထန်းသောသွေးများ  တင်ကျန်ရစ်ဆဲဖြစ်သည်။ ဟင်းလင်းပြင်သမဂ္ဂ အဆောက်အအုံဝင်းအတွင်း အထီးတည်း တည်ရှိသော သော့ခတ်ပိတ်လှောင် ခြင်းခံနေရသော ဗိုလ်အောင်ကျော်ကျောက်တိုင်က သမိုင်းဖြစ်ရပ်များကို ပြောပြနေဆဲဖြစ်သည်။ ဤအကြောင်းအချင်းအရာများသည် ဆွေးမြေ့မသွား နှစ်စဉ် နှစ်စဉ် လတ်ဆတ် သစ်လွင်လျက် ရှိနေပေသည်။

မိမိတို့မတိုင်မှီ ဆယ်စုနှစ်အထိ ကျောင်းသားသမဂ္ဂဆိုသည့် ကျောင်းသားအခွင့်အရေးကို ရပ်တည်ပေးသည့် ကျောင်းသားသမဂ္ဂရှိသည်။ ကျောင်းသားသမဂ္ဂအဆောက်အအုံရှိသည်။ ထိုသမဂ္ဂ ထိုအဆောက်အအုံတွင် ကျောင်းသားတို့ စုဝေးကြ၍ ကိုလိုနီခေတ်မှစ၍ သမိုင်းခေတ်အဆက်ဆက်၏
နိုင်ငံရေးတာဝန်များကို ထမ်းဆောင်ခဲ့ကြသည်။ ၁၉၆၂ ခုနှစ် ဗိုလ်နေဝင်း အာဏာသိမ်းပြီးမှ နင်းချေ ဖျက်ဆီးခံခဲ့ရတော့သည်။

၁၉၆၂ ခုနှစ် ဗိုလ်နေဝင်း အာဏာသိမ်းပြီး ၄ လအကြာ ဇူလိုင်လ ၇ ရက်တွင် ကျောင်းသားများဆန္ဒပြပွဲများ ရန်ကုန်တက္ကသိုလ်ဝင်းအတွင်းဖြစ် ပွါးသည်။ ကျောင်းသားများကအဓိပတိလမ်းမတလျောက် တန်းစီဆန္ဒပြကြ သည်။ ဖိနှိပ်ချုပ်ချယ်သော တဖက်သတ်အဆောင်စည်းကမ်းများကို ဖျက်သိမ်း ပေးဖို့ တကသမှဦးဆောင်၍ ကျောင်းဝင်းအတွင်း ဆန္ဒပြခြင်းဖြစ်သည်။ ထိုစဉ် အဓိပတိလမ်းမ ရေတမာပင်တန်း တလျောက် အဓိကရုန်းနှိမ်နင်းသည့် ရဲတပ်ဖွဲ့က နေရာယူပြီး မျက်ရည်ယိုဗုံးများနှင့် ပစ်ခတ်ပြီး နံပတ်ဒုတ်နှင့် ဝင် ရောက်ရိုက်နှက်ပြီး တကသ ခေါင်းဆောင်များကိုဖမ်းဆီးသည်။ ကျောင်းသား များကလည်း ခဲများနှင့် ပြန်လည်ပစ်ပေါက်ကြတော့သည်။ ထိုသို့ရုန်းရင်းဆန်ခတ်များဖြစ်သော မန္တလေးဆောင်ဘက်မှ ကျောင်းသားများလည်း မခံမရပ် နိုင်ကြတော့ဘဲ ထွက်၍ ဆန္ဒပြကြတော့သည်။

ထိုစဉ်ကျောင်းအပြင်က ဝိုင်းထားသော စစ်တပ်က သေနတ်နှင့်ပစ်ခတ်တော့သည်။ ထိုတပ်ကို ဦးဆောင်သူ သားသတ်သမားဟု ကျောင်းသား များက နံမည်ပေးထားသည့် ဒုဗိုလ်မှူးကြီးစိန်လွင်ဟုဆိုကြသည်။ ထိုသို့ပစ်ခတ်မှု ဖြစ်ပွါးပြီး စစ်ကား ၃ စီးဖြင့် သေဆုံးသွားသော ကျောင်းသား အလောင်းများကို သယ်ထုတ်သွားကြသည်ဟုဆိုသည်။ သေနတ်မှန်ခဲ့သော ကျောင်းသားတစ်ဦး၏ မန္တလေးဆောင်နံရံတွင် 7/7/1962 ဟု သွေးနှင့် ကမ္ဗည်းရေးထိုးထားခဲ့သည်။ သို့သော် ဆန္ဒပြကျောင်းသားများကား ကျန်နေ ဆဲဖြစ်သည်။ ထိုကျောင်းသားများသည် မှောင်သွားတော့ သမဂ္ဂအဆောက်အ အုံ တွင်၍ နေကြသည်။ ဇူလိုင် ၈ ရက် နံနက်တွင်တော့ ကျောင်းသားများရှိ သည့် သမိုင်းဝင် သမဂ္ဂအဆောက်အအုံအားမိုင်းဖြင့်ခွဲ၍ ဖျက်ဆီးခဲ့သည်။ 

ပြီးတော့ တက္ကသိုလ်ကြီးအား ၄ လခန့်ပိတ်ခဲ့သည်။ မြန်မာ့အသံမှ " ဒါးဒါး ချင်း လှံလှံချင်းရှင်းမည် " ဗိုလ်နေဝင်း၏ စကားသံထွက်ပေါ်လာခဲ့တော့ပေ သည်။ဤကားအများသိကြသည့် ၇  ရက် ဇူလိုင် ဖြစ်စဉ်အကျဉ်းဟု ဆိုရပါမည်။

ဖြစ်စဉ်ကိုပြန်ကြည့်လျင် ကျောင်းသားများက ကျောင်းဝင်းထဲ၌သာဆန္ဒပြနေကြသည်။ ကျောင်းဝင်းပြင်သို့ မထွက်ခဲ့ကြ။ ကျောင်းသားတို့ အဓိကဆန္ဒ ပြသည့်အချက်မှာ အဆောင်စည်းကမ်းများနှင့် ပတ်သက်၍ ဖြစ်သည်။ သို့သော် ထိုအဆောင်စည်းကမ်းကို ဆွေးနွေးညှိနှုိ င်းဖြေရှင်းခြင်းမရှိဘဲ အင်အားသုံးဖြို ခွင်းခဲ့သည်။ အဓိကရုန်းနှိမ်နင်းရေးရဲ နံပတ်ဒုတ် မျက်ရည်ယိုဗုံးတို့နှင့် ပတ်သက်၍ နိုင်ငံတကာလုပ်ထုံးလုပ်နည်းဟု ဆိုနိုင်သေးသော်လည်း စစ်တပ်အင်အားသုံး၍ ပစ်ခတ်ခြင်းကား လွန်ကဲသော လုပ်ဆောင်မှု ဟုဆိုရမည်။ ထို့အပြင် သမိုင်းဝင် သမဂ္ဂအဆောက်အအုံကို မိုင်းခွဲ၍ ဖြို ချ
ဖျက်ဆီးခြင်းသည် မယုံနိုင်စရာကောင်းလောက်သည့် စက်ဆုတ်စရာလုပ်ရပ်ဟုသာ ဆိုရပေမည်။

ထိုစဉ်က အပြောများသည်မှာ သမဂ္ဂအတွင် CPB ယူဂျီ များဝင်ရောက် နေ၍  ရှင်းလင်းရသည်ဟု အကြောင်းပြကြသည်။ အသက် ၂၀ အရွယ်တက္ကသိုလ်ကျောင်းသားအားလုံးသည် ရဲရဲတောက် ကွန်မြူ နစ်အမာခံများဖြစ်နိုင်ပါ၏လော။ ကျောင်းသားဆိုသည်မှာ လေ့လာစူးစမ်းကာစ အရွယ်များသာဖြစ်
ကြသည်။ သူတို့၏အနာဂါတ်ပိုင်နိုင်စွာ ဆုံးဖြတ်ချက်ရန် အချက်အလက်ရှာ ဖွေစုဆောင်းကာစ အရွယ်များသာဖြစ်ကြသည်။ လက်ဝဲဝါဒအပါ အယူအဆ ပေါင်းစုံ အတွေ့အကြုံ ပေါင်းစုံအား စူးစမ်းနေသော ရောင်စုံဖူငုံစ ပန်းပွင့်များ သာဖြစ်နေသေးရာ တဖက်သတ်အရောင်ဆိုး၍မရပေ။

၁၉၆၂ ခုနှစ် ၇ ရက် ဇူလိုင်ကာလကိုဖြတ်သန်းခဲ့သူ ရှေ့နေဦးကျော်ရင် (ကွယ်လွန်) က
" အဲဒီတုန်းက အဓိပတိလမ်းမ အဝင်ပေါက် အုတ်တိုင်ပေါ်တက်ပြီး စစ်တပ်ကိုလက်ညိုးထိုးပြီး ၃ ယောက်ပေါင်းလို့ ၁၀ တန်းအောင်တဲ့သူတွေ မဟုတ်ဘူးလို့ တရားဟောခဲ့တာ တက္ကသိုလ်ကာယဗလမောင် မောင်မောင်သန်းပေါ့ကွ ။ ကိုသန်းထွန်းတို့ဆိုတာလဲ အဲဒီတုန်းက အရေးအခင်းမှာ ပါခဲ့တဲ့ တိုးတက်ကျောင်းသားတွေပေါ့ " ဆိုခဲ့ဘူးပါသည်။

သူပြောသည့် ဦးမောင်မောင်သန်းမှာ နောင်တပ်ထဲဝင်ပြီး ဒုတိယဗိုလ်မှူးကြီးအထိ တာဝန်ယူခဲ့ပြီး နောက်ပိုင်း အင်းစိန် CID တွင်ပြောင်းရွှေ့အမှု ထမ်းခဲ့သူဖြစ်သည်။ အလားတူ သူပြောသည့် ဦးသန်းထွန်းမှာလည်း နောက် ပိုင်းတွင် တပ်ထဲသို့ဝင်ခဲ့ပြီး ဗိုလ်မှူးချုပ်အထိဖြစ်ကာ ဗိုလ်ခင်ညွန့်အောက်၌
ထောက်လှမ်းရေး ဒုညွှန်မှူး တာဝန်ယူခဲ့ဘူးသည်။ နောက်ပိုင်း ဝန်ကြီးဌာနတခု၏ ဒုဝန်ကြီးအဖြစ် တာဝန်ယူပြီး အနားယူသွားခဲ့သည်။

မိမိ၏ရဲဘော်ဟောင်းတစ်ဦးဖြစ်သု ပခုက္ကူ သား ကိုသိန်းဆွေခေါ် ကိုမင်းထင်  ကလည်း မိမိအား ဤသို့ပြောဖူးသည်။

 " ဇူလိုင် ၇ ရက် တုန်းက ကိုယ်တို့က အလယ်တန်းကျောင်းသားလောက် ဘဲရှိသေးတာ အရေးအခင်းပြီးတော့ ကိုကက်တို့ တက္ကသိုလ်ကပြန် လာပြီး အရေးအခင်းအကြောင်းပြောကြ သူတို့ကျောင်းသားတွေ ဘယ်လိုပါ ဝင်ခဲ့ကြတယ်ဆိုတာ ပြောပြတာကို နားထောင်ခဲ့ရတာလေ "

သူပြောသည့် ကိုကက်ဆိုသည်မှာ ပခုက္ကူ သား ဦးကက်စိန်ဖြစ်သည်။ သူလည်းတပ်ထဲဝင်ပြီး ဗိုလ်ချုပ်အဆင့်အထိရောက်ရှိပြီး နဝတခေတ်တွင်  တိုင်းမှူး ကျန်းမာရေးဝန်ကြီး စသည့်တာဝန်များယူခဲ့သည်။ ဤအကြောင်း အရာများနှင့်ပတ်သက်၍ အချို့ကတော့ ဤသို့ဆိုလေ့ရှိသည်။ ၇ ရက် ဇူလိုင် အရေးအခင်းပြီးတော့ တိုးတက်ကျောင်းသားအချို့က စစ်တပ်ကိုပြောင်းလဲရန် တပ်ထဲဝင်၍ ပြောင်းလဲမည်ဟုဆိုကာ တပ်ထဲဝင်ကြသည်ဟုဆိုကြသည်။ မိမိ အထက်ဖေါ်ပြပါ ကျောင်းသားကြီး ၃ ယောက်က မည်သည် ရည်ရွယ်ချက်ဖြင့် ဝင်ကြသည်ဆိုသည်ကို သူတို့ကိုယ်တိုင်သာ သိပေလိမ့်မည်။ ထို့အတူ ၁၉၄၉/၁၉၅၀ ပြည်တွင်းစစ်က ရန်ကုန် အင်းစိန်သို့ရောက်နေစဉ် တက္ကသိုလ်ကျောင်းသားများသည် ဖဆပလ အစိုးရတပ်မှ ဝင်တိုက်ပေးခဲ့သည်ကို
လည်းတွေ့ရသည်။

သို့ဖြစ်ရာ မိမိအဓိကပြောချင်သည်မှာ ထိုစဉ်က ဆန္ဒပြပွဲတွင် ပါဝင်ကြသူအားလုံးသည် ကွန်မြူ နစ်များ မဟုတ်ခဲ့ကြဟူသည့် အချက်ဖြစ်ပါ သည်။ ကျောင်းသားတို့၏ တက်ကြွမှုမဟုတ်မခံစိတ်ဓါတ် နှင့် မတရားမှု ကိုခေါင်းငုံ့မခံနိုင်ကြသည့်စိတ်ဓါတ်တို့ကြောင့်ဖြစ်သည်။ သို့ဖြစ်ရာ ထို ကျောင်းသားလှု ပ်ရှားမှု ကို ကွန်မြူ နစ်များဟုစွပ်စွဲပြီးအကြမ်းဖက် နှိမ်နင်းခြင်းသည် လုံလောက်သည့် အကြောင်းပြချက် မဟုတ်ပေ။

ဆိုးဝါးလွန်းခဲ့သည်က နယ်ချဲ့ဆန့်ကျင်ရေး သမိုင်းအစဉ်အလာ ကြီးမားခဲ့သည့် ကျောင်းသားသမဂ္ဂ အဆောက်အဦးအား မိုင်းခွဲဖျက်ဆီးခဲ့ခြင်းဖြစ်သည်။ ဤကိစ္စသည် အလွန်ကြီးမားသည့်ကိစ္စ သမိုင်းတရားခံအဖြစ်အမည်တွင်မည့် ကိစ္စဖြစ်သည်။ ထို့ကြောင့်လည်း ၁၉၈၈ အရေးအခင်းကာလတွင်
ပြောကြဆိုကြရာ၌ အဆိုပါကိစ္စနှင့်ပတ်သက်၍ တာဝန်ယူမည့်သူ တာဝန်ခံ မည့်သူမရှိချေ ။ ဗိုလ်နေဝင်းကလည်း ခေါင်းရှောင်သည်။ ဗိုလ်အောင်ကြီး ကလည်းခေါင်းရှောင်သည်။ ထိုစဉ် လုံခြုံ ရေးကော်မတီ ဥက္ကဌ တာဝန်ယူခဲ့ သည်ဆိုသော ဗိုလ်မှူးကြီးကျော်စိုး ဆိုသူထံမှလည်း ဘာသံမှ မထွက်ခဲ့ချေ ။

ထိုစဉ် တပ်၏ထိပ်ဆုံးနေရာတွင်ရှိသူ ၂ ဦးတောင်မှ တာဝန်မယူရဲမှတော့ ကျန်သူများ ဆိုဖွယ်မရှိချေ ။ ဗိုလ်နေဝင်းနှင့်စစ်အာဏာရှင်စနစ်အတွက် ဖျက် မရသည့်အမဲစက်ဖြစ်ခဲ့တော့သည်။

ဗိုလ်နေဝင်းက သူအမိန့်မပေးပါဟု ဗြောင်ငြင်းနေသော သမဂ္ဂအဆောက်အဦး မိုင်းခွဲခံရပြီး " ဒါးဒါးချင်းရှင်းရမည် လှံလှံချင်းရှင်းရမည် ဟု အသံလွှင့်ပြောကြားခဲ့သည်မှာ သူမဟုတ်၍တော့ ငြင်းမရနိုင်ပါ။ သူ၏ ပြောဆိုချက်သည် ကျောင်းသားများကို ကျောင်းသားသပိတ်များကို ရန်သူသဖွယ် သဘောထားသည် ကျောင်းသားများကို စစ်ကြေငြာလိုက်ခြင်းဖြစ်သည် ဆိုသည်ကတော့ ငြင်းပယ်၍ မရနိုင်ပေ။

ဗိုလ်နေဝင်း၏ အထက်ပါသဘောထားသည် နောက်ပိုင်းတွင်လည်း သူ၏လူများမှတဆင့် ဆက်လက်ဖေါ်ပြသည်။ ထိုအရေးအခင်းကာလနောက်ပိုင်း ၁၉၇၄/၇၅ ကာအထိ ဖမ်းမိသူများအား ဗိုလ်နေဝင်းလက်စွဲထောက်လှမ်း ရေး မျက်မှန်တင်ဦးနှငူ့်သူ့လူများက ဖမ်ဆီးခံရသော ကျောင်းသားများ တက် ကြွလှု ပ်ရှားသူများအား မင်းတို့မကြေနပ်ရင် မြို့ ပေါ်မှာ ဆူမနေကြနဲ့ တောခို ကြကွဟု ဆိုလေ့ရှိသည်။ ထို့ပြင် ထိုဗိုလ်နေဝင်း၏ ဒါးဒါးချင်း လှံလှံချင်း အယူအဆကို လက်ကိုင်ထား၍ နောက်ပိုင်း မည်သည့် ကျောင်းသား အလုပ် သမားလှု ပ်ရှားမှု ကိုမှ စေ့စပ်ညှိနှို င်းဖြေရှင်းခြင်းမပြု ဘဲ အIင်အားသုံးချေ
မှု န်းခဲ့သည်ကိုသာတွေ့ရသည်။

ကျောင်းသားသမဂ္ဂသည်၎င်း သမဂ္ဂအဆောက်အဦးသည်၎င်း ကျောင်းသားများ ဆန္ဒပြရန် ဖွဲ့စည်း တည်ဆောက်ထားခြင်း မဟုတ်ပေ။ ကျောင်းသား များ၏ သာရေးနာရေး ပညာရေး ကျန်းမာရေး လူမှု ရေးစသည့် ကျောင်းသား အကျိုးစီးပွါးများအတွက် ကျောင်းသားများ ဘဝဖွံ့ဖြိုးတိုးတက်ရန်အတွက်
ဖွဲ့စည်းထားခြင်းဖြစ်သည်။ ကျောင်းသားတို့၏ဆန္ဒပြမှု သပိတ်မှောက်မှု စသည်များသည် ခေတ်ကာလ အခြေအနေများနှင့် တရားမျှ တမှု တို့နှင့်သာ သက်ဆိုင်ပေသည်။ ၁၉၆၂ ခုနှစ် ဇူလိုင် ၇ ရက် အရေးအခင်းအပြီး ကျောင်းများ ကို ၄ လပိတ်ခဲ့သည်။ သို့သော် ကျောင်းသားများကား သွေးအေးမသွားခဲ့ပေ။ ကျောင်းများပြန်ဖွင့်တော့ ပြန်လည် သပိတ်မှောက်ခဲ့ကြသည်။ ၁၉၆၃ ခုနှစ် ဇန္နဝါရီလ ၁၄ ရက်နေ့တွင် သပိတ်မှောက်ကျောင်းသားများက အရေးတော်ပုံ ရာကျော်ကျောက်တိုင်ကို ဗိုလ်အောင်ကျော်ကျောက်တိုင်ဘေး၌ ညတွင်းချင်း
စိုက်ထူခဲ့ကြသည်။ အမြင့် ၇ ပေ ၇ လက္မ အကျယ် ၆၂ လက္မရှိသော 7/7/62 နေ့ကို အထိမ်းအမှတ်ပြုသည့် ကျောက်တိုင်ဖြစ်သည်။ နောက်ပိုင်းတွင်  ကျောင်းသားသပိတ်များ ဖြို ခွဲခံရသည်။ သမဂ္ဂများဖျက်သိမ်းခံရသည်။ ရာကျော်ကျောက်တိုင်လည်း ဖျက်ဆီးခံခဲ့ရသည်။

အပေါ်ယံကကြည့်လျင် ဗိုလ်နေဝင်းနှင့်သူလူများ နိုင်သည်။ အရေးအခင်းကို အောင်မြင်စွာဖြို ခွဲနိုင်ခဲ့သည်။ သမဂ္ဂအဆောက်အဥင်္ီးအားလက်စ ဖျောက်ပစ်နိုင်ခဲ့သည်။ သို့သော် လက်တွေ့တွင် ထိုဖြစ်ရပ်က တပြည်လုံးအား စစ်အာဏာရှင်စနစ်ကို ဆန့်ကျင်သည့်စိတ်ဓါတ်ကို မွေးဖွါးပေးလိုက်သည်။ ထိုဖြစ်ရပ်သည် စစ်အာဏာရှင်စနစ်အား အမြဲတစေ ခြောက်လှန့်နေသည့် အတိတ်တစ္ဆေ ဖြစ်သွားသည်။ အမြဲတမ်းခြောက်လှန့် ခံနေရတော့သည်။ စစ် အာဏာရှင်စနစ်၏ ရာဇာပလ္လင်သည် မတည်ငြိမ်ခဲ့တော့ပေ။ ခေတ်အဆက်ဆက် အကြပ်အတည်းတခုမဟုတ် တခု ဆက်တိုက်လို ကြုံ နေရတော့သည်။

 ခေတ်ကာလများ ကြာလာသော်လည်း အမြဲတစေ အသစ်ဖြစ်နေသည်။ အဟောင်း တို့နေရာတွင် အသစ်အသစ်တို့အစဉ်အမြဲ အစားထိုးဝင်ရောက်လာနေသည်။ မြန်မာပြည်လူ့အဖွဲ့အစည်း၏ မဆုံးနိုင်သည့်ပဋိပက္ခနှင့် အံတုယှဉ် ပြို င်မှု ကို မွေးထုတ်ပေးခဲ့သည်။ စစ်အာဏာရှင်စနစ်က မည်သို့ပင် အင်အား ကြီးထွားလာသည်ဖြစ်စေ ခေါင်းငုံ့မခံသည် မျိုးဆက်သစ်တို့ ခေတ်တိုင်း ပေါ်ထွက် လာတော့သည်။ ဤကား ၇ ရက် ဇူလိုင်မှမွေးထုတ်ပေးလိုက်သည့် စစ်အာဏာရှင်စနစ်ဆန့်ကျင့်သည့် စိတ်ဓါတ်နှင့် မျိုးဆက်တို့ပင်ဖြစ်သည်။

၁၉၈၈ အရေးအခင်းကာလက ရက်ပိုင်း သမတဖြစ်ခဲ့သော ဒေါက်တာမောင်မောင်က သမဂ္ဂအဆောက်အဦး ပျော်ပျော်ပါးပါးကြီးအုတ်မြစ်ချ ကြတာပေါ့ဟုဆိုခဲ့သော်လည်း သမိုင်းဘီးသည် နောက်သို့ပြန်လိမ့်သွားခဲ့ သည်။ နာကျင်ခဲ့ရသောရက်များသည်မပျောက်နိုင်သေး ။ အတိတ်တစ္ဆေ သည် ခြောက်လှန့်နေဆဲဖြစ်သည်။ သမိုင်းဆိုင်ရာ အရေးပါလှသည့် နိုင်ငံရေးပြသ
နာများကို မေ့ပျောက်၍လည်းမရ။ ဖျောက်ဖျက်ပစ်၍လည်းမရ။ ကျော်လွှား သွား၍လည်းမရနိုင်ပေ။ စစ်အာဏာရှင့်ဒီမိုကရေစီပြသနာကို ဖြေရှင်းနိုင် ဖို့ဆိုလျင် ကျောင်းသားသမဂ္ဂများနှင့် သမဂ္ဂအဆောက်အအုံကြီး ပြန်လည်ပေါ် ထွန်းလာရန်လိုပေလိမ့်မည်။ အမျိုးသားရင်ကြားစေ့ရေး သင်ပုန်းချေရေး အတွက်ဆိုလျင် အနာဟောင်းမဖွစေချင် မဆွစေချင်ဟုသာ ပြောနေ၍ မရဘဲ
ပျက်စီးသွားသည်များကို အကောင်းပကတိဖြစ်ရန် ပြန်လည်တည်ဆောက် ပေးဘို့လိုအပ်ပေမည်။

ယခုနှစ်ပိုင်းများတွင် ကျောင်းသားသမဂ္ဂများ ပြန်လည်အသက်ဝင်စပြု လာသည်ကို တွေ့ရသည်။ သမဂ္ဂဝင်းအတွင်းရှိ ဗိုလ်အောင်ကျော်ကျောက်တိုင် အား ၇ ရက် ဇူလိုင်တွင် လာရောက်အလေးပြု ခွင့်ရလာသည်ကို တွေ့ရသည်။ ပြီးပြည့်စုံမှု မရှိသေးသော်လည်း အကောင်းဘက်သို့  အရွေ့ဟုတော့ ဆို၍ရမည် ထင်ပါသည်။ သို့သော် ပန်းတိုင်တော့မရောက်သေးပေ။

ရန်ကုန်တက္ကသိုလ်ပင်မဝင်းအတွင်းရှိ သမဂ္ဂဝင်း ဟင်းလင်းပြင်အတွင်း ခန့်ငြားထည်ဝါသော သမဂ္ဂအဆောက်အဦးတခုပေါ်ထွန်းလာဘို့ လို အပ်နေပေးသေးသည်။ သံဝင်းထရံကြားမှ အထီးတည်းရပ်တည်နေသော ဗိုလ်အောင်ကျော်ကျောက်တိုင်သည် သမဂ္ဂအဆောက်အဦးသစ်ကြီးအား၎င်း
ခေတ်အဆက်ဆက်တိုက်ပွဲများစွာတွင် စွန့်လွှတ်တိုက်ပွဲဝင်ခဲ့ကြသော ကျောင်းသားရဲဘော်များအတွက် အထိမ်းအမှတ် ကျောက်တိုင်တခုအား၎င်း ငံ့လင့်၍ နေပေသည်။ သံတိုင်ကြားမှ လှမ်းမြင်ရသည့် ဗိုလ်အောင်ကျော် ကျောက်တိုင်သည် ဖြတ်သန်းခဲ့ရသော သမိုင်းကို ပြောပြနေခဲ့သုိ့ သမိုင်းသစ်
ကိုလည်း ငံ့လင့်၍နေပေသည်။

မိမိတို့ ရန်ကုန်တက္ကသိုလ် ခြေချ စ နှစ်များက အဓိပတိလမ်းမအဝင်ဝတွင် သံတိုင်များကြားမှ လှမ်းမြင်ရသည့် ကျောက်တိုင်ငယ်ကား ကြံ့ခိုင်လွန်း လှပေစွ။

ဆက်လက်ဖေါ်ပြပါမည်။
Mg Mg Soe ( မောင်မောင်စိုး )
photo credit မူရင်းပိုင်ရှင်