ရန်လိုကျွဲ ● မနုစာရီ ၊ ရာဇကုမာရကျောက်စာနှင့် DBS ဘတ်စ်ကား

ရန်လိုကျွဲ ● မနုစာရီ ၊ ရာဇကုမာရကျောက်စာနှင့် DBS ဘတ်စ်ကား
(မိုးမခ) မတ် ၃၊ ၂၀၁၇

ရွှေပြည်ကြီးတွင် ရုတ်တရက်ပေါ်လာသော အပြောင်းအလဲကြီးတခုမှာ မြို့တွင်းပြေး ဘတ်စ်ကားလမ်းကြောင်းတို့ကို အကြီး အကျယ် ပြောင်းလိုက်ခြင်းပင်တည်း။ ဘတ်စ်ကားအားလုံးတွင် ယာဉ်လိုင်းနံပါတ်တပ်ထားကြသည်။ နံပါတ်ထက် ပိုကြီး သည်မှာ ဒုက္ခသီရိဘတ်စ်ကားဝန်ဆောင်မှု၏အတိုကောက်စာလုံး DBS စာလုံးဖြစ်လေသည်။

DBS သက်တမ်း တလပြည့်ပြီးချိန် တခုသော ဘတ်စ်ကားတစီးထဲတွင် ရန်လိုကျွဲလိုက်ပါလာသည်။ ထုံးစံအတိုင်း ထိုနေ့က ခရီးသည်များပြည့်လျှံနေသော်လည်း ကံကောင်းသည့်အချက်နှစ်ခု ရှိနေသည်။ ပထမအချက်မှာ ကားထဲတွင် ခုံဖြင့် ထိုင်စီး ရခြင်းဖြစ်ပြီး ဒုတိယအချက်မှာ လှပလွန်းသော အမျိုးသမီးတဦးဘေးတွင် ထိုင်ရခြင်းဖြစ်လေ၏။

အမျိုးသမီး၏အသက်အရွယ်မှာ မိုနာလီဇာနှင့် မတိမ်းမယိမ်းဟု ဆိုရမည်။ သို့သော်လည်း ချောမောလှပမှုကတော့ မိုနာလီ ဇာထက် အဆတရာသာလွန်လေရာ ကျွန်ုပ်ရန်လိုကျွဲလည်း  ပြတင်းပေါက်အပြင်ဘက်ကြည့်သလိုလိုနှင့် သူ့ကိုသာ ငမ်းနေ မိတော့သည်။ ကံကောင်းခြင်းမှာ ထိုမျှနှင့်ရပ်မနေပေ။ ငမ်းကြောထနေစဉ် အမျိုးသမီးက စတင်ပြီးစကားပြောလေ တော့ သည်။

“ရှင်က DBS ကို ပထမဆုံးအကြိမ် စီးဖူးတာလား”

“မဟုတ်ပါဘူး။ ငါတို့ရုံးက လူခွဲပြီး ရန်ကုန်အနှံ့ ဘတ်စ်ကားလိုက်စီးပြီး လေ့လာကြတာဆိုတော့ ငါလည်းစီးရတော့တာပေါ့။ ည ၉ နာရီအထိ စီးဖြစ်ပါတယ်”

“ရှင်တို့က ကားလိုက်စီးကြတယ်၊ လက်ထဲမှာလည်း စာအုပ်နဲ့ ဘောလ်ပင်ကိုင်ထားတယ်ဆိုတော့ DBS အာဏာပိုင်အဖွဲ့မှာ လုပ်နေတယ်ပေါ့လေ။ ကောင်းပါတယ်၊ လက်တွေ့ ကွင်းဆင်းကြည့်မှ အမှန်ကိုသိမှာ”

“နိုး…နိုး…နိုး… ငါက DBS အဖွဲ့က မဟုတ်ပါဘူး။ ငါက မီဒီယာသမားဆိုတော့ DBS ရဲ့ အားနည်းချက် အားသာချက်တွေကို မှတ်တမ်းတင်နေတာပါ။ သတင်းထဲထည့်ရေးမယ်လေကွာ”

လူကဲခတ်မှားသွားပြီးနောက်ပိုင်း ထိုအမျိုးသမီး နှုတ်ဆိတ်သွားသည်။ တိတ်ဆိတ်နေခြင်းမှာ ရင်ခုန်စရာမကောင်းသဖြင့် ရန်လိုကျွဲက ကိုယ့်ကိုယ်ကိုယ် မိတ်ဆက်လိုက်သည်။ ထိုအမျိုးသမီးလည်း သူ့ကိုယ်သူ ပြန်မိတ်ဆက်၏။ သူ့အမည်မှာ မနု စာရီဟူသတည်း။

“ဘာ…မနုစာရီ ဟုတ်လား။ မင်းသိင်္ခဝတ္တုထဲက မနုစာရီလား”

“ဟုတ်ပါတယ်ရှင်။ ဆရာမင်းသိင်္ခဝတ္တုထဲက မနုစာရီပါ ”

“မင်းက မနုစာရီဆိုတော့ ငါက ဆားပုလင်းနှင်းမောင်လို့ပြောရမလိုဖြစ်နေပြီ။ ကဲ…မင်းပြောတိုင်း ငါက ယုံရမှာလား။ဘယ်မှာလဲ သက်သေ”

အမျိုးသမီးက လှပစွာပြုံးပြီးနောက် သူ၏ လက်ဝါးနှစ်ဖက်ကိုဖြန့်ပြလေသည်။ ထိုလက်နှစ်ဖက်ကို မြင်လိုက်ရသဖြင့် ရန်လို ကျွဲ အခိုက်အတန့် ကြက်သေသေသွားသည်။ အမျိုးသမီး၏ လက်ဝါးနှစ်ဖက်လုံးတွင် ထင်ရှားလှသော အသက်လမ်းကြောင်း ကြီးမှာ ဟိုကွေ့ဒီကွေ့ဖြင့် လက်ကောက်ဝတ်ကိုကျော်ပြီး တံတောင်ဆစ်အထိ ရောက်၏။ အလို…တံတောင်ဆစ်တွင်လည်း အသက်လမ်းကြောင်းက အဆုံးမသတ်ဘဲ လက်မောင်းရှိရာသို့သွားနေသည်။ အသက်လမ်းကြောင်း ဘယ်မှာ အဆုံးသတ်လဲ သိရန်မှာ အဝတ်အစား ချွတ်ခွာကြည့်မှသာ ဖြစ်နိုင်တော့မည်။

ဤလက္ခဏာအရဆိုလျှင် ဤအမျိုးသမီးမှာ မင်းသိင်္ခဝတ္တုထဲမှ အသက်တထောင်ကျော်ပြီဖြစ်သည့်  မနုစာရီအစစ်အမှန် ဖြစ် ပေသည်။

“မေးရဦးမယ်။ ဟိုတလောက ကားမှတ်တိုင်တွေမှာ လူတွေစုပြုံနေတာ မြင်လို့တောင်မကောင်းဘူး။ အဲဒီလို ဖြစ်သွား အောင် ရှင်တို့အစိုးရက ဘယ်လိုစီစဉ်လိုက်တာလ”

ခရီးသည်ပမာဏနှင့် ကားအရေအတွက် အနည်းငယ်မမျှတသောကြောင့် ဖြစ်ကြောင်း၊ မိမိကိုယ်တိုင်လည်း ကားမှတ် တိုင်တွင် တနာရီနီးပါး ရပ်စောင့်ခြင်း၊ ဘတ်စ်ကားပေါ်တွင် နှစ်နာရီကြာ မတ်တတ်ရပ်စီးရခြင်း၊ ရုံးနောက်ကျသည့်အတွက် ရုံးတွင် ဒဏ်ရိုက်ခံရခြင်းများနှင့် ကြုံရကြောင်း  မနုစာရီကို ရှင်းပြဖြစ်သည်။

ဘတ်စ်ကားမလာသဖြင့် ကားငှားစီးရသောကြောင့် အကုန်အကျများပြီး အကြွေးတင်နေကြောင်းလည်း ပြောပြဖြစ်သည်။

“ဟာ…ရှင်တို့ ဒီလောက်တောင်ဒုက္ခရောက်သွားတာ DBS အာဏာပိုင်အဖွဲ့ကို တရားမစွဲဘူးလား”

“တရားစွဲစရာ မလိုပါဘူး။ သူတို့က ကောင်းမယ်ထင်လို့စီစဉ်တာပဲ။ ယာယီအခိုက်အတန့်မှာ အဆင်မပြေတာတွေတော့ ရှိမှာပေါ့ကွာ”

“အင်း…ဒီလို ရှင်ဖြေမယ်လို့ထင်သားပဲ။ ရှင့်ကို အကောင်းမြင်သမားလို့ပြောရမလား၊ အစိုးရအားနည်းချက်ကို အခမဲ့ လိုက် ဖာနေတဲ့သူလို့ ပြောရမလား”

ရန်လိုကျွဲ ထိုမေးခွန်းကိုအဖြေမပေးဘဲ ပခုံးနှစ်ဖက်ကိုသာ ဟန်ပါပါ တွန့်ပြလိုက်သည်။

ဘတ်စ်ကားက မှတ်တိုင် တခုပြီးတခုရပ်ကာ ခရီးဆက်မြဲ ဆက်၏။  မီးပွိုင့် မီးနီမိလျှင် ရပ်၏။ ယာဉ်ကြောပိတ်လျှင်လည်း ရပ်ထားရ၏။ ယာဉ်ကြောပိတ်နေစဉ်အတွင်း တပေမျှ လိမ့်လို့ရလျှင် လိမ့်၏။ ဘရိတ်အုပ်၏။ မီးပွိုင့် တကြိမ်မိလျှင် အခြား ကားများနည်းတူ တရွေ့ရွေ့သွားကာ  ဆယ်ကြိမ်ဆယ်ခါမျှ ဘရိတ်အုပ်သည်။ ယခု ဒရိုင်ဘာမှာ အခြားသော ဘတ်စ် ကားမောင်းသူများကဲ့သို့ပင် ဘရိတ်ကို အားပါးတရအုပ်သူတည်း။ သူဘရိတ်အုပ်တိုင်း ခရီးသည်တို့ ဘယ်ညာ ရှေ့နောက် ယိမ်းထိုးရ၏။

“အပေါ်တန်းလေးတွေ ကိုင်ထားပါ၊ လိုအပ်ရင် ဘရိတ်သုံးမယ်”

ဤအသံမှာ ဘရိတ်အုပ်စဉ် ကားစပယ်ယာ၏ သတိပေးသံတည်း။ မီးပွိုင့်ဖြတ်ချိန်တွင်လည်း ကားစပယ်ယာဆရာက ထိုသို့ သတိပေးတတ်သည်။ မီးပွိုင့်ကို မြန်နှုန်းမြှင့်ပြီး ဖြတ်မောင်းရခြင်းကို ဘတ်စ်ကားဆရာတို့ အကျင့်ပါနေဟန်ရှိသည်။ မီးပွိုင့် တခုကို အရှိန်ဖြင့်ဖြတ်မောင်းစဉ် ရှေ့ကားက ရုတ်တရက် အရှိန်လျှော့ရာ ဘတ်စ်ကားဆရာလည်း ဘရိတ်ဆောင့်အုပ်၊ ခရီးသည်တို့လည်း အလဲလဲအပြိုပြို ဖြစ်ရ၏။

“ကားဒရိုင်ဘာတွေက ခရီးသည်တွေကို လူလို့ထင်သေးရဲ့လားရှင်”

“သြော်…ဒါက အပြောင်းအလဲရဲ့ အစပိုင်း ဖြစ်နေလို့ပါ။ မကြာခင် အဆင်ပြေသွားမှာပါ။ ဒီလိုပဲ သည်းခံရမှာပေါ့”

“ရှင်တို့လည်း  တချိန်လုံးဖာနေရလို့ ဖာသည်တွေ ဖြစ်မှန်းမသိ ဖြစ်နေပြီ။ သနားပါရဲ့”

ကားက လူငါးဆယ်သာ စီးသင့်သောကားဖြစ်သော်လည်း ဒုက္ခသီရိ၏ထုံးစံအတိုင်း လူနှစ်ဆတင်၏။ မှတ်တိုင်တခုသို့ ရောက်တိုင်း ကားစပယ်ယာက “အထဲကိုတိုးကြပါ၊ ဟိုးနောက်မှ အချောင်ကြီး” ဟု အော်ပြီး လူတင်လေ့ရှိသည်။ ခရီးသည် တို့က ကားထဲတွင် ငါးပိသိပ်၊ ငါးချဉ်သိပ်။

ထိုအခိုက် ကားနောက်ပိုင်းမှ အသံတချို့ထွက်လာသည်၊ ဟိုမှတ်တိုင် မရောက်သေးဘူးလား၊ ဒီမှတ်တိုင် မရောက်သေးဘူး လား၊ ဒါ ဘာမှတ်တိုင်လဲ၊ ဒီကားက ဘယ်အထိ သွားမှာလဲမသိဘူးဟု မေးမြန်းပြောဆိုသံများဖြစ်သည်။

“ဒီကား ဘယ်မှတ်တိုင်ကနေထွက်ပြီး ဘယ်မှာ အဆုံးသတ်တယ်၊ ဘယ်မှတ်တိုင်တွေကို ဖြတ်သွားမယ်ဆိုတာကို ပုံနှိပ်ပြီး ဖြန့်သင့်ဝေသင့်တယ်၊ ကားထဲမှာလည်း ခရီးစဉ်ကို ကပ်ထားသင့်တယ်။ ဒါမှ ခရီးသည်တွေ အဆင်ပြေတော့မှာပေါ့ရှင်”

“အစိုးရကို အကြည်ညိုပျက်စေမယ့်စကား မပြောနဲ့လေ။ လူတွေက အပြောင်းအလဲ မြန်မြန်လုပ်စေချင်တဲ့အတွက် အစိုးရ က ကတိုက်ကရိုက်လုပ်ရတာကြောင့် ဒီလိုအချက်အလက်တွေ ကြိုမပေးဖြစ်တာပါ”

“ဟုတ်လား၊ ကျွန်မကြားဖူးတာတော့ ရှင်တို့အစိုးရက ဘတ်စ်ကားလမ်းကြောင်း အပြောင်းအလဲလုပ်ဖို့အစီအစဉ်ကို ကိုးလ လွယ် ဆယ်လဖွား အကောင်အထည်ဖော်လိုက်တာတဲ့။ ဒါ နည်းနည်းနောနောအချိန်လား။ ထားပါတော့လေ၊ ရပ်မယ့် မှတ် တိုင်နာမည်တွေ ကပ်မထားပေမယ့် ရှင်တို့ဘတ်စ်ကားထဲမှာလည်း စာတိုစာရှည်တွေ ရေးထားတာ စုံလှချည်လား။ ဘာရည် ရွယ်ချက်နဲ့ ကပ်ထားတာလဲ”

မေးခွန်းက တခုပြီးတခု ဆက်တိုက်လာသည်။ ကားဒရိုင်ဘာခုံနောက်ဘက်က ‘သံဃာတော်များသာ’ ဟူသော စာတန်းကို လက်ညှိုးထိုးပြီး မေး၏။

“အဲဒါ ဘုန်းကြီးတွေထိုင်ဖို့ပေါ့ကွ။ ဦးစားပေးတဲ့အနေနဲ့ သံဃာတွေ အဲဒီခုံတန်းမှာ ထိုင်ပေါ့ကွာ။ မင်းတွေ့တဲ့အတိုင်းပဲ၊ ဘတ်စ်ကားစီးတယ်ဆိုတာ ဆီးဖြူသီး  ဆန်ကောထဲထည့်လှိမ့်ခံရသလိုမျိုးဖြစ်တတ်သလို ငါးပိအိုးထဲက ငါးပိကောင်လိုမျိုး လည်း ဖြစ်တတ်တယ်လေ။ ဒါက ဦးစားပေးဖို့ သတိပေးထားတဲ့စာတန်းပေါ့ကွာ။ ငါကတော့ ဒုက္ခသီရိဘတ်စ်ကားမှာ ဒီလို ခုံတန်းမျိုးရှိတာနဲ့တင် ဂုဏ်ယူနေမိတယ်”

“သိပ်ကောင်းတာပေါ့ရှင်။ ဂုဏ်ယူသင့်တာပေါ့။ ဒါမျိုး ခုံတန်း နောက်ထပ်သုံးတန်းလောက် ရှိသင့်တယ်။ ကိုယ်ဝန် ဆောင် သည်တွေ တတန်း၊ ကလေးသူငယ်တွေ တတန်း၊ သက် ကြီးရွယ်အိုတွေ တတန်း။ အဲ…အဲဒီ အထူးခုံတန်းက ဝင်ပေါက်နဲ့ အနီးဆုံးနေရာမှာထားရင် ပိုအဆင်မပြေဘူးလား၊ အခုက သီးသန့်ခုံကို ရောက်ဖို့အတွက် တိုးဝှေ့ပြီး သွားရမှာ သက်သာမယ် မထင်ပါဘူးရှင်။ ဒဏ်ပေးသလိုတောင် ဖြစ်နေမလားပဲ”

အားလုံးပျော်သည်ဟူသောဖြစ်ရပ်မှာ ရုပ်မြင်သံကြားတွင်သာရှိကြောင်း မနုစာရီသိအောင် မည်သို့ရှင်းပြရမည်နည်းဟု စဉ်း စားနေစဉ်မှာပင်  မေးခွန်းတခု မေးပြန်၏။

“ဟိုစာက ဘာလဲ။ မာနနဲ့ ဥစ္စာကို အိမ်မှာထားခဲ့ပါတဲ့။ ဒီစာကို ဘာရည်ရွယ်ချက်နဲ့ ရေးထားတာလဲ”

ခါးပိုက်နှိုက်ခံရမည်ကို စိုးရိမ်သောကြောင့် ထိုသို့သတိပေးခြင်းဖြစ်မည်ဟု ဖြေလိုက်မိသည်။

“ရှင်ကလည်း သောက်တလွဲပြောတော့မယ်၊ တချို့ခရီးသည်က ပိုက်ဆံရှိတယ်၊ ချမ်းသာတယ်ဆိုပြီး ဘတ်စ်ကားထဲမှာ လေ လုံးထွား၊ အပေါ်စီးကနေတတ်တယ်လို့  ကားစပယ်ယာတွေကယူဆပြီး သူတို့ကို စောင်းမြောင်းရေးထားတာ။ မင်းတို့တွေ ဘာကောင်ကြီးပဲ ဖြစ်နေဖြစ်နေ ငါတို့ကားထဲရောက်ရင် အများနည်းတူ ကားခပေးပြီး အေးအေးဆေးဆေးနေကြဆိုတဲ့ သ ဘောပေါ့ရှင်”

ရန်လိုကျွဲ တခါခံလိုက်ရပြီးပြီမို့ နောက်တခေါက် မေးလာပါက ဂရုတစိုက်ဖြေရမည်ဟု တွေးလိုက်မိသည်။
မနုစာရီ ခေတ္တငြိမ်သက်သွားသည်။ သို့သော်လည်း မျက်လုံးက ငြိမ်ငြိမ် မနေ။ ကားရှေ့ပိုင်းတွင် ‘ဗုဒ္ဓံ၊ ဓမ္မံ၊ သံဃံ’ ဟူသော စာတန်းကို ရေးထားသည့်ရည်ရွယ်ချက်မှာ အဘယ်နည်းဟု မေးလာပြန်၏။

“ကားထဲကို လူတွေ ပိုရောက်လာအောင် ရေးထားတာ ဖြစ်နိုင်တယ်။ လာဘ်ခေါ်တာများလား မသိ”

“ဒီစာတန်းရေးမထားလည်း လူတွေက ကားပေါ်တက်လာ မှာပဲမဟုတ်လား။ ကျွန်မထင်တာတော့ ဒီစာတန်းရဲ့ရည်ရွယ် ချက်က အများကြီး ရှိနိုင်တယ်။ သူတို့ကို ဘာသာရေးကိုင်းရှိုင်းတဲ့သူလို့ မြင်စေချင်တဲ့သဘောလည်း ဖြစ်နိုင်တယ်။ ယာဉ်မ တော်တဆမှုလိုမျိုး ပြဿနာအရပ်ရပ်ကင်းဝေးစေဖို့ အကာအကွယ် ယူတာလည်း ဖြစ်နိုင်တယ်ရှင့်”

ဘတ်စ်ကားထဲမှာ စာတန်းတို့၏ရည်ရွယ်ချက်များကို မေးမြန်းပြီး ငါ့ကို ဒေါက်ဖြုတ်နေပြီဟု ရန်လိုကျွဲ ခံစားလိုက်မိသည်။

“ရှင်က မီဒီယာသမားဆိုတော့ ကြော်ငြာတခုရဲ့အဓိပ္ပါယ်၊ ရည်ရွယ်ချက်တွေကို သာမန်လူတွေထက် ပိုသိသင့်၊ သဘော ပေါက်သင့်တယ်”

ဒေါက်ဖြုတ်ခံရသဖြင့် ရန်လိုကျွဲ ဒေါသထွက်လာသည်။ မနုစာရီကို မည်သို့လက်စားချေရမည်နည်း။

သူငယ်စဉ်က အကြောင်းတွေကိုမေးလျှင် သူမှတ်မိနိုင်မည်မဟုတ်၊ ပုဂံခေတ် ကျောက်စာအကြောင်းမေးမည်ဟု ဆုံး ဖြတ် လိုက်မိသည်။

“ဘာသာလေးမျိုးနဲ့ရေးထိုးထားတဲ့  ရာဇကုမာရကျောက်စာရေးထိုးရခြင်းရဲ့ ရည်ရွယ်ချက်ကိုသိလား”

မေးခွန်းရုတ်တရက် အထုတ်ခံရသဖြင့် မနုစာရီ အံ့သြသွားဟန်တူသည်။ သို့သော်လည်း မနုစာရီက ခစ်ခနဲ လှလှပပ ရယ်မောလိုက်သည်။ ဘာကြောင့်ရယ်မှန်း မသိ။ မေးသည့် မေးခွန်းကို မဖြေနိုင်သောကြောင့် ရယ်မောနေခြင်းလည်း ဖြစ်နိုင် သည်။

ရာဇကုမာရကျောက်စာကို ဘာသာလေးမျိုးဖြင့် ရေးထိုးထားခြင်းမှာ တိုင်းရင်းသားစည်းလုံးညီညွတ်ရေးအတွက် ရည် ရွယ်ခြင်းဖြစ်သည်ဟု ကျောင်းတွင်သင်ခဲ့ဖူးသည်။ မနုစာရီကတော့ သင်ဖူးမည်မဟုတ်သောကြောင့် အဖြေကိုသိမည် မ ဟုတ်ပေ။ စကားပင် ဆက်မပြောနိုင်တော့ဟု ယူဆရမလို ဖြစ်နေသည်။

သို့သော်လည်း မနုစာရီစကား ပြောနိုင်သေးသည်။

“ဒီမေးခွန်းက လွယ်လိုက်တာရှင်။ ကျွန်မတို့ ပုဂံခေတ်က ဒီခေတ်လို မဟုတ်ဘူးရှင့်။ မီဒီယာထွန်းကားတယ်။ အများသိစေချင် တဲ့အကြောင်းအရာဆိုရင် တကယ့်ကို အများသိအောင် လုပ်လိုက်တာပဲ။ ရှင်တို့ခေတ်ကတော့ ပုဂံခေတ်နဲ့မတူဘူး။ ဒီမှတ် တိုင်ပြီးရင် ဘယ်မှတ်တိုင်ရောက်မယ်ဆိုတာကို ဒီဘတ်စ်ကားထဲမှာ ရေးမထားဘူး၊ ပဟေဠိလုပ်ထားတယ်။ ပုဂံခေတ်မှာ တော့ လူတွေ ရှင်းရှင်းလင်းလင်းသိအောင် လုပ်လေ့ရှိတယ်။ ကျောက်စာကို ဘာသာလေးမျိုးနဲ့  ရေးထိုးရတဲ့ ရည်ရွယ် ချက်ကတော့ လူမျိုးလေးခုစလုံး နားလည်နိုင်အောင်လို့ပေါ့ရှင်”

မနုစာရီလည်း ဆင်းရမည့်မှတ်တိုင်ရောက်သဖြင့် ကားပေါ်မှ လှလှပပ တိုးဝှေ့ဆင်းသွားလေသည်။ ရန်လိုကျွဲလည်း လူပြည့် ကျပ်နေသည့် ဘတ်စ်ကားပေါ်တွင် ကြက်သေသေပြီး ကျန်ရစ်ခဲ့လေသတည်း။

၂၀၁၇ ဖေဖေါ်ဝါရီလထုတ်၊ မော်ကွန်းမဂ္ဂဇင်း အမှတ် (၄၃) မှ သရော်စာဖြစ်ပါသည်။

ရန်လိုကျွဲ ရေးသည်။
သရုပ်ဖော် သီဟ (စခန်းသစ်)