ဒေါက်တာခင်မောင်ဝင်း (သချာင်္) - အချက်အလက်လုံလောက်ခြင်းဆိုင်ရာ မေးခွန်းများ (၁)
Data Sufficiency Question
(မိုးမခ) ဧပြီ ၂၉၊ ၂၀၁၇
ထိုမေးခွန်းများ၏ ရည်ရွယ်ချက်မှာ ဖြေသောသူအား ပုစ္ဆာ၏ အဖြေကို ပေးရန် မဟုတ်ပါ။ ပေးထားသော အချက်အလက်များသည် အဖြေကိုပေးနိုင်ရန် လုံလောက်မှု ရှိမရှိကို ဝေဘန်သုံးသတ်ပြတတ်ရန် ဖြစ်သည်။
ထိုပုစ္ဆာတွင် ကနဦးပေးထားသည့် အချက်အလက်များ နှင့် ဖြေရမည့် မေးခွန်း ပါဝင်သည်။ ၄င်းအပြင် အဆို ၁ နှင့် အဆို ၂ ဟူ၍ အမည်ပေးထားသော အဆိုနှစ်ခု ပါဝင်သည်။ ယင်းအဆို နှစ်ခုသည် ပုစ္ဆာ နှင့်ဆိုင်သော နောက်ထပ် အချက်အလက်များ ဖြစ်သည်။
ဖြေပုံဖြေနည်း -
၁။ ပုစ္ဆာကိုတွက်ရာတွင် အချိန်အကုန် မခံပါနှင့်။ ပုစ္ဆာ၏အဖြေကို ရရှိရန် အချက်အလက် လုံလောက်မှု ရှိ မရှိကိုသာ ဆုံးဖြတ်ရန် ဖြစ်သည်။
၂။ အဆိုတစ်ခုစီ ကိုသီးခြားစဉ်းစားပါ။အဆို ၁ ကိုစဉ်း စားနေချိ န် တွင် အဆို၂ ကို ခေတ္တ မေ့ ထားပါ။ အဆို ၂ ကို စဉ်းစားနေ ချိန်တွင် အဆို ၁ ကို မေ့ထားပါ။
၃။ အဆို ၁ နှင့် ၂ တစ်ခုချင်းသည် ပုစ္ဆာ၏ အဖြေကိုရရန် မပြည့်စုံလျှင် နှစ်ခုပေါင်း၍ စဉ်းစားပါ။
၎။ ပေးထားသော အချက်အလက်များကိုသုံး၍ မေးထားသောမေးခွန်းကို ဖြေနိုင် မဖြေနိုင်ကို ပြောရန် ဖြစ်သည်။
၅။ ပုံသည် အတိအကျ ဆွဲထားခြင်း ဖြစ်ချင်မှ ဖြစ်မည်။ ပုံထဲတွင် ပေးထားချက်များကို စိတ်ကူးဖြင့်ထည့် ကြည့်ပါ။
ရွေး နိုင်သော အဖြေများ -
A ။ အဆို ၁ တစ်ခုတည်းဖြင့် အဖြေကိုပေးရန်အတွက် လုံလောက်သည်။ သို့သော် အဆို ၂ တစ်ခုတည်းဖြင့် အဖြေကိုပေးရန် မလုံလောက်ပါ။
B ။ အဆို ၂ တစ်ခုတည်းဖြင့် အဖြေကိုပေးရန် လုံလောက်သည်။ သို့သော် အဆို ၁ တစ်ခုထဲဖြင့် အဖြေ ကိုပေးရန် မလုံလောက်ပါ။
C ။ အဆို ၁ နှင့် အဆို ၂ နှစ်ခုပေါင်းတော့မှ အဖြေကိုပေးဖို့ လုံလောက်သည်။ သို့သော် အဆို ၁ သို့မဟုတ် အ ဆို ၂ တစ်ခုခုဖြင့် အဖြေကို ပေးရန် မလုံလောက်ပါ။
D ။ အဆို ၁ သို့မဟုတ် အဆို ၂ တစ်ခုခု ဖြင့် အဖြေ ကိုပေးရန် လုံလောက်သည်။
E ။ အဆို ၁ နှင့် အဆို ၂ နှစ်ခု ပေါင်းလျှင်ပင်လျှင် အဖြေကို ပေးနိုင်ရန် မလုံလောက်ပါ။
ယခု ဆက်လက်၍ နမူနာမေးခွန်း နှင့် အဖြေများကို ဖော်ပြပါမည်။
ဥပမာ - n .15. 12 . 9 . 20
ဤဂဏန်းငါးလုံးထဲတွင် n ၏ တန် ဖိုးသည် အဘယ်နည်း။
အဆို ၁ ။ n > 12
အဆို ၂ ။ ထိုဂဏန်းငါးလုံး၏ အလယ်ကိန်းသည် 13 ဖြစ်သည်။
စဉ်းစားနည်း နှ င့် အဖြေ
ကနဦး တွေ့ရှိချက်များ
ဂဏန်းငါးလုံးရှိသည့် အထဲ မှ n ၏ တန်ဖိုးသည် အဘယ်နည်းဟု မေးထားသည်။
အဆို ၁ ကို စဉ်းစားမည်။ n > 12 ဖြစ်သည်။ ၄င်းကို သိရုံဖြင့် n ၏ တန်ဖိုး ကို မရှာနိုင်ပါ။
ယခု အဆို ၂ ကို စဉ်းစားမည်။ အဆို ၁ ကို ခဏမေ့ထားမည်။ အဆို ၂ အရ ထိုဂဏန်းငါးလုံး၏ အလယ်ကိန်းသည် 13 ဖြစ် သည်။
ဂဏန်းငါးလုံး၏ အလယ်ကိန်းသည် ထိုငါးလုံးထဲက ဖြစ်ရမည် ဖြစ်၍ n = 12 ဖြစ် ရမည်။
ထိုဂဏန်းငါးလုံးကို အငယ်ဆုံးမှစ၍ အ စဉ်အတိုင်းစီသော် 9.12.13.15.20 ရသည်။
အဆို ၂ တစ်ခုတည်းဖြင့် အဖြေကို ရနိုင်၏။ ထို့ကြောင့် အဖြေသည် B ဖြစ်သည်။
(B ။ အဆို ၂ တစ်ခုတည်းဖြင့် အဖြေကိုပေးရန် လုံလောက်သည်။ သို့သော် အဆို ၁ တစ်ခုထဲဖြင့် အဖြေ ကိုပေးရန် မလုံလောက်ပါ။)
(အယ်ဒီတာ မှတ်ချက် - GMAT လမ်းညွှန်အတွက် အထောက်အကူအဖြစ် တင်ဆက်လိုက်ပါတယ်)