ဖြိုးသီဟချို (Myanmar Now) ● မူးယစ်ဥပဒေကြမ်းကို လေ့လာသူတို့ ကြိုဆို
(မိုးမခ) ဧပြီ ၇၊ ၂၀၁၇
(မိုးမခ) ဧပြီ ၇၊ ၂၀၁၇
ရန်ကုန် (Myanmar Now) - မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေကိုပြင်ဆင်သည့် ဥပ ဒေကြမ်းတွင် အားသာချက်များပါဝင်သည့်အတွက် ကျေနပ်ဖွယ်ဖြစ်ကြောင်း မူးယစ်ဥပဒေစောင့်ကြည့်လေ့လာသူတို့က သုံးသပ်နေကြသည်။
မတ်လ ၁၉ ရက်နေ့က နိုင်ငံပိုင် သတင်းစာများတွင် ဖော်ပြလိုက်သော ဥပဒေကြမ်းကိုဖတ်ရှုပြီး ယင်းသို့ သုံးသပ်ကြခြင်း ဖြစ်သည်။
၂ဝ၁၆ နှစ်ကုန်ပိုင်းက ကချင်ပြည်နယ်၊ မြစ်ကြီးနားမြို့အနီး ဧရာဝတီမြစ်ကမ်းဘေးတနေရာတွင် မူးယစ်ဆေးသုံးသူတို့ စွန့် ပစ်ထားသော ဆေးထိုးပြွန်နှစ်ခု (ဓာတ်ပုံ - အောင်ငြိမ်းချမ်း/Myanmar Now)
မြန်မာနိုင်ငံ မူးယစ်ဆေးဝါး အန္တရာယ် တားဆီးကာကွယ်ရေး (ဗဟို) မှ စီမံကိန်း ညှိနှိုင်းရေးမှူး ဒေါက်တာဦးမောင်မောင်လွင်က ၁၉၉၃ ခုနှစ် မူးယစ်ဥပဒေတွင် မူးယစ်ဆေးဝါးသုံးစွဲသူကို ထောင်ဒဏ်ချမှတ်ရန် ပြဋ္ဌာန်းထားသော်လည်း ယခုပြင်ဆင်သည့် ဥပဒေကြမ်းတွင် ထိုအချက် ပါဝင်မှု မရှိခြင်းမှာ အရေးကြီးသည့် အားသာချက်တစ်ခု ဖြစ်သည်ဟု ဆိုသည်။
“စိတ်တိုင်းကျ ကုသဖို့၊ အဲဒီလိုမှ ပျက်ကွက်ခဲ့ရင် ပြန်လည်ထူထောင်ရေးဋ္ဌာနတွေမှာ အချိန်ကာလ သတ်မှတ်ချက်လေးနဲ့ ပြန်လည် ပြုစုပျိုးထောင်ဖို့၊ အဲဒီကမှ ထပ်ပြီးတော့ဖောက်ဖျက်ရင် ပြည်သူလူထု အကျိုးပြုလုပ်ငန်းတွေကို နာရီဘယ်လောက် လုပ်ရမယ်ဆိုပြီးတော့ ပြောင်းလဲထားတာ တွေ့ရပါတယ်။ ဒါ ကောင်းတဲ့လက္ခဏာလေးတွေပေါ့” ဟု ဒေါက်တာ ဦးမောင်မောင်လွင်က ပြောသည်။
၂၀၁၁ ခုနှစ်က အစပြုခဲ့သော ဥပဒေပြင်ဆင်ရေးလုပ်ငန်းမှာ အကြောင်းအမျိုးမျိုးကြောင့် ကြန့်ကြာခဲ့ရသည်ဟု သူက ရှင်းပြ သည်။
မူးယစ်ဆေးဝါးမူဝါဒပြောင်းလဲရေး ထောက်ခံဆွေးနွေးရေးအဖွဲ့ (မြန်မာ) မှ ညှိနှိုင်းရေးမှူး ဒေါ်နန်းပန်းအိခမ်းကလည်း မူး ယစ်ဥပဒေပါ ပြစ်ဒဏ်ပေးခြင်းကို တစိုက်မတ်မတ် ကန့်ကွက်ခဲ့သူတစ်ဦး ဖြစ်သည်။
“သုံးစွဲသူတွေကိုတော့ မဖမ်းတော့ဘူးပေါ့။ ခြုံငုံပြီးသုံးသပ်မယ်ဆိုရင်တော့ ပြစ်ဒဏ်မပေးတော့ဘူးဆိုတော့ ကောင်းတဲ့ အ လားအလာတော့ရှိပါတယ်” ဟု ဒေါ်နန်းပန်းအိခမ်းက ပြောသည်။
သို့သော်လည်း ဆေးဝါးကုသမှုနှင့်ပတ်သက်လျှင် မိမိသဘောဆန္ဒအလျောက် ကုသမှုခံယူခြင်း၊ ကုသမှုခံယူရန် အတင်း အကြပ် ခိုင်းစေခြင်းဟူ၍ နှစ်မျိုးရှိရာ ဥပဒေကြမ်းပါ ရေးသားချက်မှာ ရှင်းလင်းမှုမရှိသေးဟု ဆိုသည်။
မြန်မာနိုင်ငံ မူးယစ်ဆေးဝါးသုံးစွဲသူများကွန်ရက်မှ ဦးကျော်သူကလည်း အလားတူသုံးသပ်သည်။
“ပထမ ကျွန်တော်တို့ နေပြည်တော်မှာ ဆွေးနွေးတုန်းကဆိုရင် ရှင်းတယ်ဗျာ။ ဘယ်လို၊ ဘယ်လို အက်ရှင်ယူမယ် (အရေး ယူရမယ်)၊ ဘယ်လိုဘယ်လိုတွေဖြစ်မယ် ဆိုတာ အဓိပ္ပာယ်ဖွင့်ထားတာ ရှိတယ်။ ခု သူ့ဟာက သေသေချာချာ မပြဘဲနဲ့ သူ့ စာသားတွေက ရောနေတယ်” ဟု ဦးကျော်သူက ရှင်းပြသည်။
ပထမအကြိမ်ဖမ်းမိသည့် မူးယစ်ဆေးဝါးသုံးစွဲသူကို ၁၀ ရက်အတွင်း ဆေးဝါး ကုသမှုခံယူစေရန်၊ ဒုတိယအကြိမ် ဖမ်းမိပါက တရားရုံးတွင် ခံဝန်ချက်ယူကာ ဆေးရုံတက် ကုသမှုခံယူရန်၊ တတိယအကြိမ်ဖမ်းဆီးခံရပါက ပြစ်ဒဏ်ကျခံရန်ဟု ဥပ ဒေကြမ်းတွင် ထည့်သွင်းရေးဆွဲရန် ယခင်က ဆွေးနွေးခဲ့ကြကြောင်း၊ သို့သော်လည်း ထွက်ပေါ်လာသည့် ဥပဒေကြမ်းတွင် ပြစ်ဒဏ်ချမှတ်မည့်အချက် ပယ်ဖျက်ထားသည့်အတွက် ပိုမိုကောင်းမွန်လာသည်ဟု ယူဆကြောင်း ဦးကျော်သူက ပြော သည်။
“ဒီဥပဒေကြီးသာ အတည်ဖြစ်သွားမယ်ဆိုရင် ကျွန်တော်တို့အတွက် အများကြီး အလေးသာပါတယ်” ဟု ဦးကျော်သူက သုံး သပ်သည်။
မြန်မာနိုင်ငံ မူးယစ်ဆေးဝါး တားဆီးနှိမ်နှင်းရေးအဖွဲ့၊ နိုင်ငံတကာရေးရာဋ္ဌာနမှ ရဲမှူးကြီးမြင့်အောင်က ယခုဥပဒေကြမ်းကို ပြည်သူများနှင့် စောင့်ကြည့်လေ့လာသူများ လေ့လာနိုင်ရေးအတွက် ထုတ်ပြန်လိုက်ခြင်းဖြစ်သည်ဟု ဆိုသည်။
“အဆင့်ဆင့် ဆောင်ရွက်ပြီးတော့ ပြည်ထောင်စု အစိုးရအဖွဲ့ကနေပြီး လွှတ်တော်ကိုပို့၊ လွှတ်တော်က အတည်ပြုလိုက်လို့ ပြည်သူကိုချပြတာ့။ ပြည်သူ့လွှတ်တော်မှာ လွှတ်တော်ကိုယ်စားလှယ်တွေ ဆွေးနွေးမယ့် အခန်းကဏ္ဍဖြစ်သွားတာပေါ့။ ပြည်သူ့လွှတ်တော် ပြန်စရင်တော့ ဆွေးနွေးမယ့်အရာတွေ ပါလာမယ့်လို့ ယူဆပါတယ်” ဟု သူက Myanmar Now ကို ပြောသည်။