 |
| KT# |
တင်လတ်ကို- မရည်ရွယ်ပါဘူး
(မိုးမခ) ဇွန် ၂၂၊ ၂၀၁၇
ရည်လည်းမရည်စူး
ရွယ်လည်း မရွယ်ဖူးပါဘူး
မရည်ရွယ်ခဲ့ပါဘူးကွာ။
စာတလုံးကအစ
တုတ်ကိုင် ဓားကိုင်
သေနတ်ကိုင်တဲ့အထိ
အစစအရာရာ
ငါ သတိထား
ငါ သိထားပါတယ်။
မရည်ရွယ်ခဲ့ပါဘူး
ငါ့ကြောင့် ငါးတကောင်
ချိတ်စာမမိပါဘူး
ငါ့ကြောင့် ငှက်တကောင်
လေးခွစာမထိပါဘူး
ငါပြောတယ်
ငါပြောတာ နားစိုက်ပေးပါ
မရည်ရွယ်ပါဘူး
ငါ့ကြောင့် ကမ္ဘာစစ်ကြီး
ငါ့ကြောင့် များပြားလှတဲ့စစ်ဘေးရှောင်
ငါ့ကြောင့် အစာရေစာ ငတ်မွတ်ခြင်း
ငါ့ကြောင့် ချစ်သူတို့ဝေးကွာမှု
စိတ်ချ ဘာတခုမှမဖြစ်စေရ
ငါမရည်ရွယ်ကြောင်း
ဒီလိုပြောမယ် စိတ်ကူးထားပါတယ်။ ။
၂၀၁၀