ဂျူနီယာဝင်း - ရင်းနှီးလာခဲ့ရတဲ့ သည်လမ်းကလေး
(အတွေးအမြင် ဇွန်လထုတ်) မိုးမခ၊ ဇွန် ၉၊ ၂၀၁၇
သည်လမ်းလေးကုို သွားလာရဖန်များတော့ ရင်းနှီးလာရတဲ့ အရာတွေသိပ်များလာတယ်။ သည်လမ်းအချိူးအကွေ့တစ်ခုမှာ အမှိူက်သိမ်းကားကြီးတွေရပ်ထားတယ်။ ပြီးတော့ ရထားသံလမ်းဘေးကနေ ဖြတ်သွားရတယ်။ တခါတရံ ရထားကြီးဖြတ်သွားသံကုို ကြားရမြင်ရတယ်ပေါ့။ ကားဆေးမလားလုို့ လက်ပြလှမ်းတားနေကြတဲ့ သူတွေကုို လမ်းတလျောက်တွေ့ရပြန်တယ်။
မီးပွိုင့်တစ်ခုကို ဖြတ်လာရတော့ ကားတွေဟာ အလုအယက်မောင်းနေတာမျိူးထက် သက်သက်သာသာပဲ သွားလာနေကြတာတွေ့ရတယ်။ လမ်းဘေးတလျောက်မှာ ကားတွေ အစီအရီ ရပ်ထားကြပေမယ့် ဆဲဆုိုသွားတာမျိူးမရှိဘူး။ သူတုို့လည်းရပ် ကိုယ်ကလည်းရှောင်ပေါ့ ဆုိုတဲ့သဘောမျိူး။ လူတွေကလည်း သူတုို့ဘေးကနေ ကားတွေဖြတ်နေကြတာ မကြောက်ဖူး။ ကလေးတွေကုို လက်ဆွဲသွားလာနေသူတွေကများ ကလေးကို လမ်းမဘက်ထားပြီး လျောက်နေကြတယ်။ ခွေးတွေကလည်း လမ်းဖြတ်ကူးနေလုိုက်ကြတာ မကြောက်မရွံ့။ တခါများ ကြောင်ကလေးတစ်ကောင် ကုိုယ့်ရှေ့ဖြတ်ကူးတာ တွေ့လုိုက်ရသေး။ ၊ဆုိုက်ကားတွေကလည်း လမ်းမပေါ်၊ လမ်းဘေးပေါ်၊ သည်လုိုပဲသွားလာနေကြတယ်။ ကားတွေကြားထဲ ဆုိုက်ကားစီးကြရတာ၊ စက်ဘီးစီးရတာ၊ လမ်းဖြတ်ကူးနေရတာ အေးအေးလူလူရှိလုိုက်တာ။ ဒီလမ်းတလျောက်ဟာ သည်လုိုပဲ သက်တောင့်သက်သာ သွားလာနေကြတဲ့သဘော။
အကွေ့တစ်ခုမှာတော့ ဘုန်းတော်ကြီးစာသင်တုိုက်တစ်ခုရှေ့မှာ ခုိုကလေးတွေ အပြည့်လမ်းပေါ်မှာ မနက်ခင်းနဲ့ နေ့လည်ပုိုင်းလောက် အစာစားနေကြ၊ အစာရောင်းသူကလည်း ငုတ်တုတ်ကလေး အမြဲတွေ့ရတယ်။ ခုိုကလေးတွေ ကားတုိုက်မိမှာစုိုးရိမ်စရာမရှိပုံပဲ။ လမ်းအကွေ့မှာမုို့ ကားတွေကလည်း ခပ်ဖြေးဖြေးပဲကွေ့နေကြတော့ တော်သေးတာပေါ့လေ။
သည်လုိုနဲ့ သစ်ပင်ကြီးတစ်ပင်က သစ်ရွက်တွေကွယ်နေတဲ့ မီးပွိုင့်တစ်ခုရယ်၊ အမြဲတန်း လိမော်ရောင်မီးလုံးပျက်နေတဲ့ မီးပွိုင့်တစ်ခုရယ်၊ မီးပွိုင့်မှာ ပန်းအမြဲရောင်းတဲ့ဦးလေးကြီးရယ်၊ ဖြတ်သွားဖြတ်လာ အထမ်းသမားတွေရယ်၊ ရေသန့်ဗူးတွေသယ်သယ်လာတဲ့ လက်တွန်းလှည်းတွေဟာ နေ့စဉ်မှတ်မိနေတဲ့ အရာတွေဖြစ်လာပါတယ်။
သည်လမ်းကိုပဲ နေ့နဲ့ညနဲ့ မြင်တွေ့ဖြတ်သန်း နေရပုံက နည်းနည်းကွဲပြားတယ်။ မနက်ခင်းနဲ့ နေ့ခင်းဖက်တွေမှာ ဖြတ်သွားတုိုင်းတွေ့ရတဲ့ တချိူ့လမ်းနဘေးဟာ ညဖက်ဆုို လက်ဖက်ရည်ဆုိုင်လေးတွေ၊ ထမင်းဆုိုင်လေးတွေနဲ့ စည်ကားသွားတယ်။ အဲသည်မှာ ဘောလုံးပွဲကုို ၀ုိုင်းကြည့်နေကြတဲ့ အုပ်စုတွေကုိုလည်း တွေ့လာရတယ်။ လမ်းဘေးတနေရာက ဆုိုင်ကလေးဆီက တောင်တန်းသာသနာပြုဆရာတော်ကြီးရဲ့ ပရိတ်တော်ကုို ညတုိုင်းဖွင့်တာ နာယူသွားရတယ်။ ကွမ်းယာဆုိုင်၊ ထီလက်မှတ်ရောင်းဆုိုင်၊ အကင်ဆုိုင်၊ ပင်လယ်စာဆုိုင်၊ စတုိုးဆုိုင်တွေ၊ ၀က်သားတုတ်ထုိုးဆုိုင်တွေ၊ အသီးဖျော်ရည်ဆုိုင်၊ ဗမာထမင်းဟင်းဆုိုင်တွေဟာလည်း စည်ကားလုို့။ ညမိုးချူပ်မှ ပြန်လာကြတဲ့ ၀န်ထမ်းမိန်းခလေးတွေ၊ မိသားစုတွေ၊ ကုိုယ်ဝန်သည်တွေ၊ ဈေးလာသူတွေ၊ လမ်းဘေးမျက်နှာစာမှာ ထုိုင်လုို့ အေးအေးလူလူ စားသောက်နေကြသူတွေဟာ လမ်းမတလျောက်မှာ တွေ့နေရတယ်။ လမ်းအပြည့်မှာ လူတွေ၊ ကလေးတွေ၊ စက်ဘီး၊ ဆုိုက်ကားတွေက ကားတွေကြားထဲ ရောယှက်လုို့ သွားလာနေလုိုက်ကြတာ။
ညဖက်ဆုိုရင် ဖြတ်နေကျ မီးပွိုင့်တစ်ခုနားအရောက် စားသောက်ဆုိုင်တစ်ခုရှေ့ကျတော့ လမ်းနဘေးတလျောက် ကားတွေတန်းစီပြီး ရပ်ထားတာတွေ အပြည့်တွေ့၇တယ်။ တော်တော်ရောင်းကောင်းမယ့်ပုံပဲ။ သည်ကားတွေနဘေးကနေ ခက်ခက်ခဲခဲ ကျော်သွားကြရတဲ့ ကားတွေဟာ သူတို့ တွေ သည်လုိုလမ်းနဘေး စည်းမဲ့ကမ်းမဲ့ ရပ်ထားရကောင်းလားလုို့ ဘယ်သူကမှ ဆဲဆုိုပြောဆုိုတာ၊ အပြစ်တင်တာတွေ ကြားမသွားရဘူး။ အံ့သြစရာကောင်းပါတယ်။ သည်လုို နားလည်မူမျိူး ဟာ တွေ့ရခဲတယ်။
မနက်မနက် ဖြတ်သွားရင်း ငေးသွားရတဲ့ သည်ဈေးကလေးကတော့ တော်တော်ဆွဲဆောင်မူ ရှိတယ်။ မီးပွိုင့် ၂ခုကြား နေရာတနေရာမှာ ရှည်ရှည်လျားလျားေ၇ာင်းချနေကြတဲ့ ဈေးလေးကို မြင်ရတာ မြန်မာလူမျိူးတွေရဲ့ သဘောသဘာဝ၊ မြန်မာတွေရဲ့ လူနေမူပုံစံကုို ထင်ထင်ရှားရှား တွေ့လုိုက်ရတာပါပဲ။ ဈေးရှေ့က ချရောင်းနေကြတဲ့သူတွေဟာ လမ်းတဖက်ရဲ့ တ၀က်လောက်ထိ နေရာယူထားကြတယ်။ ဈေးဝယ်လာကြသူတွေရော၊ ဈေးရောင်းနေသူတွေဟာ လုိုက်ဖက်ညီတယ်လုို့ ဆုိုရမယ်။ အသီးအနှံ၊ သားငါး၊ အခြောက်အခြမ်းတွေကုို မြင်ရတာနဲ့တင် ကုိုယ်ကိုယ်တိုင် ဆင်းပြီး ၀ယ်ချင်မိတယ်။
ဒီလုိုမြင်ကွင်းမျိူးကုို ကြီးကျယ်ပါတယ်ဆုိုတဲ့ ရန်ကုန်မြို့ကြီးမှာ နေ့စဉ်တွေ့မြင်ရတာကို သဘောကျမိတယ်။ ဘုရားပန်းဝယ်မလား၊ မနက်ဈေးလေး ငေးရင်း ၀ယ်မလား။ လတ်လတ်ဆတ်ဆတ်ပေါ့။ ဈေးဝေးတဲ့သူအတွက် သည်လုိုအဖြစ်ကို နေ့စဉ်ရရှိနေသူတွေကုို တွေ့မြင်ရခြင်းဟာ မဟာကံထူးသူတွေကို တွေ့ရလေခြင်းပေါ့လေ။ ကားနဲ့ဖြတ်သွားသူတွေလည်း လမ်းပေါ်မှာ ခေတ္တခနရပ်နားလုို့ ဆင်းဝယ်နေကြတာ တွေ့ရတယ်။ လမ်း၎ပုံ၁ပုံကုို ပိတ်ထားလေခြင်းကို ဘယ်သုူမှ အပြစ်မတင်ကြဘူး။ သြော်… လူတွေဟာ တစ်ယောက်နဲ့တစ်ယောက် နားလည်မူလေးတွေနဲ့နေနေကြရင် ဘ၀ဟာပျော်စရာပဲ။
သည်လုိုဈေးလေးက ညဖက်ကျတော့ ပုိုလုို့တောင်စည်ကားနေသေးတယ်။ ညဖက်ကုို ထွက်လေ့မရှိပါဘူးဆိုတဲ့ သူဟာ သည်လုို စိတ်ပျော်ရွှင်စရာကောင်းတဲ့ ဈေးလမ်းလျောက်နေကြသူတွေကုို မြင်ရတာ အားကျမိပါရဲ့။ ကလေးတွေလည်း ခုန်ပေါက်ပြေးလွှားလုို့၊ လက်ဖက်ရည်ဆုိုင်ကလည်း စည်ကားလုို့၊ စက်ဘီးစီးသူတွေ၊ ဆုိုက်ကားစီးသူတွေ၊ မော်တော်ဆုိုင်ကယ်တွေ၊ ကားတွေ ဟာ သူ့နေရာနဲ့သူ စီးချက်ညီနေတယ် လုို့ဆုိုရမှာပါ။ သည်နားတ၀ုိုက် ရပ်ကွက်ထဲက နေကြတဲ့ သူတွေဟာ သည်လုို သွားလာနေနုိုင်ကြတဲ့ ဘ၀ကို ပုိုင်ဆုိုင်ရခြင်းဟာ ကံကောင်းတာပေါ့။ ညလေဟာ သစ်ပင်ရိပ်တွေအောက်မှာ တဖြူးဖြူးတုိုက်နေတယ်။ အေးချမ်းတဲ့ သဘာဝပတ်ဝန်းကျင်တစ်ခုကို ရုိုးရုိုးရှင်းရှင်း တည်ဆောက်ထားကြတယ်။ ခနလေးဖြတ်သွားရတဲ့သူအတွက် သူတုို့ရဲ့ ဘ၀အစိတ်အပိုင်းတစ်ခုကို သည်လောက်ကလေး ပါဝင်ပတ်သက်ခွင့်ရတာဟာ အခွင့်အရေးတစ်ခုလုို ခံစားမိပါ၇ဲ့။
လမ်းတလျောက် တွေ့ရတဲ့ ဘတ်စကားတွေက ကြောက်စရာကောင်းလောက်အောင် ဟုိုဘက်သည်ဖက် ဖြတ်သန်းမောင်းနှင်နေကြပေမယ့် ဖြေးဖြေးနှေးနှေးနဲ့ သွားတာမို့သိပ်ပြဿနာ မရှိသလိုပဲ။ အကွေ့အကောက်များတဲ့သည်လမ်းဟာ ကားတွေရော၊ လူတွေရော၊ တိရစ္ဆာန်တွေရော အန္တရာယ်ကင်းဖုို့ ဖြစ်လာပုံပါပဲ။ ဖြတ်ကနဲ ဖြတ်ကနဲ တုိုးဝင်လာတဲ့ ဆိုက်ကားတွေနဲ့ သူတုို့ကုို လမ်းပေးလုိုက်ရတဲ့ ကားတွေနဲ့ အချင်းချင်း ပြေလည်နေကြတာကုို မြင်ရတာ စိတ်ချမ်းသာစရာပါပဲ။ လမ်းကြားတွေကလည်း များတာကြောင့် ကြားဖြတ်ဝင်လာတဲ့ကားတွေအတွက် ခက်ခဲမယ် ထင်ထားတာ သူတုို့ကုို လမ်းမတန်းက လာတဲ့ကားတွေက လမ်းပေးသား။ တခါတရံမြို့ထဲ သွားတဲ့နေ့တွေမှာ သည်လုို သက်သက်သာသာ ပေးကြတာ တခါမှ မမြင်ဖူးပါဘူး။ လမ်းကြားထဲက လမ်းမတန်းသွားချင်တဲ့ကားများ တော်တော် မျက်နှာငယ်ရတယ်။ ဒါပေမယ့် သည်လမ်းလေးကတော့ နေ့လည်နေ့ခင်း ကားကြပ်ချိန်မှာတောင် အချင်းချင်း နားလည်မူနဲ့ သွားလာနေကြတာမို့ စိတ်ချမ်းသာပါတယ်။ နှေးလည်းနှေးသလို မြန်လည်း မြန်သလုိုမုို့ အချိန်တန်တော့လည်း လုိုရာခရီးရောက်သွားမှာပေါ့လေ။
တနေ့ကုို လေးငါးခြောက်ခေါက်လောက် သည်လမ်းလေးကုို ဖြတ်သွားဖြတ်လာလုပ်ရင်း သံယောဇဉ်တောင် ဖြစ်မိပါရဲ့။ ဘာပြီး ဘာလာမယ်၊ ဘာအသံကြားရမယ်၊ ဘာဆုိုင်တွေ ရှိတယ်၊ ဒန်ပေါက်ဆုိုင်ရယ်၊ ပင်လယ်စာစားသောက်ဆုိုင်ရယ်၊ ကားဆီထည့်တဲ့ ဆုိုင်ကြီးတစ်ခုရယ်၊ လမ်းဘေးထီဆုိုင်တွေရယ်၊ ကြံကြိတ်စက်ကြီးနဲ့ ကြံရည်ဆုိုင်တွေရယ်၊ ဘယာကျော်ဆုိုင်တွေ၊ အကင်ဆုိုင်တွေရယ်ဆီက အနံ့အသက်တွေကိုလည်း ရင်းနှီးခဲ့ရပါတယ်။ တခါတလေများ ဘေးဘီဝဲယာက စက်ဘီးစီးသူတွေ၊ လက်တွန်းလှည်းတွေ၊ ဈေးရောင်းသူတွေ၊ လမ်းလျောက်သူတွေကုိုတောင် မျက်မှန်းတန်းနေမိသွားတယ်။ ဘုန်းကြီးကျောင်းများ၊ ဘုရားကျောင်းကန်များနဲ့ စာသင်တုိုက်တွေ၊ အလှူပေးမဏပ်များ၊ စေတီဘုရား၊ ဓမ္မရိပ်သာနဲ့ တရားပွဲတွေကုိုလည်း လမ်းတလျောက် ဖြတ်ကနဲ ဖြတ်ကနဲ တွေ့ခဲ့ရတယ်ပေါ့။ တနေ့မနက်ကလည်း ဘုန်းတော်ကြီးတွေ ဆွမ်းခံပြန်လာတာ ဖူးတွေ့ခဲ့ရပါတယ်။
သည်လုိုနဲ့ ရက်သတ္တပါတ် ၂ပတ်တောင်ကျော်လာပြီ။ တနေ့ကုို အနည်းဆုံး ၄ခေါက်ကနေ ၆ခေါက်၊ တခါတရံ ၈ ခေါက်လောက် သည်လမ်းကုို အသွားအပြန် ဖြတ်သွားဖြတ်လာ သွားနေရတော့ ခေါင်းထဲမှာ ဒီမြင်ကွင်းတွေပဲ အစီအရီ ပေါ်ပေါ်လာနေတယ်။ သည်လုိုနဲ့ မေမေလည်း နေပြန်ကောင်းလာပြီး နည်းနည်းသက်သာလာလုို့ ဆေးရုံကဆင်းရပါတော့မယ်။ ဆေးရုံနဲ့အိမ်ကုို ခေါက်တုံ့ခေါက်ပြန် နေ့ရောညပါ သွားလာနေရတဲ့ သည်လမ်းတလျောက်လုံးမှာ ဖြစ်ပေါ်နေတဲ့ စိတ်ပင်ပန်းမူတွေ၊ ပူပင်သောကနဲ့ စိုးရိမ်စိတ်တွေ၊ ၀မ်းနည်းအားငယ်စိတ်တွေကုို အနည်းငယ် စိတ်ပြောင်းစိတ်လွဲ ဖြေလျော့ပေးခဲ့တဲ့ သည်လမ်းလေးအကြောင်းကို မေမေသက်သာလာခုိုက် ဆေးရုံမှာ ညဖက်စောင့်နေရင်းက ကောက်ရေးနေလုိုက်မိပါတယ်။
ဆေးရုံအတွေ့အကြုံတွေဆုံသွားသလို လူတွေဟာ တယောက်နဲ့တယောက် နားလည်မူလေးတွေနဲ့ ကုိုယ်ချင်းစာပြီး နေသွားကြရင် ဒါတွေကုို တွေ့မြင်သွားတဲ့သူအတွက် စိတ်အပန်းဖြေခွင့်ရပြီး စိတ်အေးချမ်းသွားရကြောင်းလေးကုို တွေးနေမိရင်းက အိမ်ကနေ လေး၊ငါး ကီလုိုမီတာလောက်ဝေးတဲ့ ခရီးကုို နေ့စဉ်သွားခဲ့ရတဲ့ အဲသည်လမ်းလေးကုို ပင်ပန်းနေတဲ့စိတ်နဲ့ပဲ ကျေးဇူးတင်နေမိတယ်။ နောက်စဉ်းစားမိတာကတော့ အမြဲလုိုလို စိတ်တုိုတတ်၊ ဒေါသကြီးတတ်တဲ့သူဟာ မိခင်တစ်ယောက်လုံး မမာမကျန်းဖြစ်တော့မှပဲ စိတ်ကောင်းလေးဝင်လာပြီး အရာရာကုို မျက်လုံးစိမ်းနဲ့ မကြည့်မိတော့တာလည်း ဖြစ်နုိုင်ပါတယ်။ မေမေ နေကောင်းသွားပြီး နောက်ပိုင်းလည်း သည်လုိုအေးချမ်းတဲ့စိတ်မျိူး ဆက်လက်မွေးနုိုင်ရင်ကောင်းမှာပဲလုို့ တွေးနေမိပါတော့တယ်။
ဂျူနီယာဝင်း