(မိုးမခ) ဇွန် ၂၈၊ ၂၀၁၇
ဖွင့်ကြည့်လိုက်တော့ မျက်လုံးတွေဟာ အသက်မဲ့။ လရောင်ဟာ ကိုယ်လုံးပေါ်မှန်တချပ်ရဲ့အတွင်းထဲအထိ ထိုးဖောက် ဝင်ရောက်လာခဲ့တယ်။ အသက်ရှူသံပြင်းပြင်းနဲ့ တိမ်တွေအကြောင်း ကျနော်ဖွဲ့သီနေမှာ မဟုတ်ဘူး။ လရောင်ဝှက်တမ်းကစားခဲ့ဖူးတဲ့ကြယ်တွေကို အခန်းမျက်နှာကျက်ပေါ်မှာ ချိတ်ဆွဲထားခဲ့တာကိုဘယ်သူမှမသိခဲ့ဘူး။ သူတို့ဟာ အခိုးအငွေ့တွေလို။
သိစိတ်မဲ့ ရုပ်ဝါဒသက်သက်ကို ကျနော် ငြင်းဆန်နေမိတယ်။ လူရာမဝင်တဲ့ချွေးနည်းစာဝေဒနာဟာ သက်သာပါ့မလား။ ပဲ့တင်သံ၊ လှိုင်း၊ မျောပါနေတဲ့ဇော။ လွတ်လပ်ခြင်းနဲ့ လှောင်ပိတ်ထားတဲ့ည။ စာမျက်နှာတွေပေါ်မှာဘဝကို ခဏခဏပြန်မြင် ယောင်ခံစားနေမိတယ်။ လူမသိသူမသိ စိတ္တဇကချေသည်တယောက်ကို ကျနော် မေ့ပစ်လို့မရတာဟာ ဝဋ်ကြွေးလား။ အစွဲ အလမ်းလား။ အရေးပေါ်အချက်ပေးသံကို ကြားတာနဲ့ ကိုယ့်အသက်ရှူသံကို ကိုယ်ပြန်နားစွင့်နေခဲ့ရပြန်တယ်။
ညတွေဟာ ချောက်ချားဖွယ်ရာအတိနဲ့ ။ မှောင်မိုက်နေတဲ့လမ်းမတွေပေါ်မှာ ခြေသံတွေဟာ အသက်ဆက်ရှင်သန်နေဆဲလေ။ ပြေးတယ်။ အပြေးအလွှား။ စွဲလမ်းမှုမှာ ဓားသွားဟာ အသေပဲ။ စိတ်ကို လွှတ်ချပြီး ကြယ်တွေကို အငမ်းမရငေးနေတော့ ကိုယ့်ကိုယ်ကိုမှိန်ဖျော့နေသလိုလို စိတ်မှာ ထင်ဟပ်လာတယ်။ ခဏ။ ပြတ်တောက်သွားတဲ့နာရီသံအပိုင်းအစများ။ ခဏလေး။ စိတ်လိုလက်ရ ရယ်မောဖို့အတွက် စိတ်ပါလက်ပါ ကြေကွဲနေခဲ့ရတယ်။ သူမရဲ့ကကြိုးတွေဟာ မှော်ဆန်တယ်။
မလိုအပ်ဘူး။ အမှတ်တရဆိုတာ သွေးသားလိုအင်တခုမဖြစ်သင့်ဘူး။ ပျောက်ရှနေတဲ့အခန်းကို လက်ဖဝါးထဲထည့်လို့ မီးရှို့ ပြခဲ့တယ်။ လောင်ကျွမ်းခြင်း။
ပြာစတွေလို ပျံသန်းသွားခဲ့တာပါပဲ။ လွင့်မျောခြင်းမှာ ငြိတွယ်နေခဲ့တယ်။ ပြတင်းတံခါးချပ်တွေကို အသေပိတ်လိုက်တဲ့ အချိန်ကစလို့ ကျနော်ဟာ လွတ်လပ်ခြင်းကိုရရှိခဲ့တယ်။ ဒါပေမဲ့ မျက်လုံးတချို့က အမှောင်ထဲမှာ ချောင်းမြောင်းလို့ နေပြန် ရဲ့။
မျက်နှာတွေပေါ်ကို ဖြတ်သန်းခဲ့ကြရတယ်မဟုတ်လား။ အထားအသိုမတတ်တဲ့ ရနံ့မဲ့ပန်းတွေဟာ ကျနော့်ဆီကို အဆိပ်တွေ သာ ပေးတယ်လို့ မြင်မိတာဟာ မတရားရာကျနေလေမလား။ ပန်းတွေတိုင်းဟာလှပနေတယ်လို့မဆိုရင်တောင် လှနေသင့် တယ်လို့တော့ ထင်မိတာပါပဲ။ ပန်းတခင်းလုံးကို မျက်လုံးနဲ့ဖျက်ဆီးပစ်လိုက်တဲ့အခါ ပန်းရနံ့တွေဟာ အဆိပ်ငွေ့တွေလို ကျနော့်အသက်ရှူလမ်းကြောင်းထဲကို ဝင်လာတယ်။ ကိုယ်ပြုသည့်ကံရဲ့ ပဲ့တင်သံပဲပေါ့။ ကျနော်ရဲ့စိတ်ဟာ အရိုင်းဆန်ချင် ဆန်နေပေလိမ့်မယ်။ စိတ်ဟာ ထိန်းချုပ်ရခက်ခဲလွန်းတယ် မဟုတ်လား။ လူတွေ။ စိတ်တွေ။
ညညဆို စိတ္တဇကကြိုးတွေနဲ့ သူမ ရောက်လာတတ်တယ်။ ကျနော်နဲ့အတူ ကြယ်တွေကို ငေးနေကြတယ်။ ကြယ်ကလေး တွေကို ကျနော်တို့ပိုင်ဆိုင်ခဲ့ကြတယ်ပေါ့။ ခွင့်ပြုမထားတဲ့ရယ်မောသံကို ကျနော်တို့မသုံးခဲ့ကြဘူး။ မျက်နှာတွေဟာ သွေး ဆုပ်ဖြူရော်လွန်းခဲ့တယ်။ မျက်နှာအသေတွေဟာ ကျနော်တို့ကိုယ်ပိုင်ဝတ်ရုံလွှာအဖြစ် ရှိနေခဲ့ပြီ။ ကျနော်တို့ဟာ မျက်နှာ ဖုံးတွေကို ရွံမုန်းလွန်းတာကြောင့် ဝတ်ဆင်ကြည့်ဖို့ပင်မတွေးဖြစ်ခဲ့ကြ။ ဒီလိုနဲ့ လောကရဲ့လမ်းမတွေပေါ်ကိုခြေလှမ်းတွေ ချ နင်းခဲ့လိုက်တယ်။ ကျနော့်မျက်နှာကိုတွေ မနှစ်မြို့ကြဘူးလေ။ ဘာဖြစ်လဲ။ ကျနော့်မှာ မျက်နှာဖုံးမရှိဘူး။
လူသွားလမ်းမတချို့ဟာ စာမတတ်ရင် သွားလာလို့မရဘူး။ တချို့လူသားတွေ အမှန်တရားကိုကြောက်ရွံ့နေကြပြန်ရော။ ကျနော့်မျက်လုံးတွေကိုအစွမ်း ကုန်အလင်းမြှင့်ထားလိုက်တယ်။ အပြုံးအရယ်နည်းပါးလွန်းတဲ့လူသားတယောက်လို့ သူတို့ ထင်နေမှာပဲ။ ဟုတ်တယ်။ သေနေတဲ့မျက်နှာရဲ့အတွင်းသားထဲမှာ ဒဏ်ရာဘယ်လောက်ကြီးသလဲမသိကြဘူး ထင်ပါရဲ့။ လမ်းဘေးတလျှောက်ရယ်သံတွေကို ကျနော်ကြားခဲ့ရ။ လမ်းမတလျှောက် အပြုံးတွေကို ကျနော်မြင်တွေ့ခဲ့ရ။ ဘယ်လောက် စစ်မှန်မှုရှိမလဲ။ ကျနော်တွေးနေမိတယ်။ အပေါ်ယံဆေးသားတွေ မပြယ်ခင်အထိ ကျနော် စူးစူးစိုက်စိုက်ကြည့်နေလိုက် တယ်။
နောက်ဆုံးတော့ တွေ့သမျှလူသားတွေဟာ မျက်နှာအသေတွေနဲ့။
ကျနော် ပြုံးလိုက်တယ်။ အပြုံးဟာ အသက်မပါသလိုလို။ ကျနော်ရယ်လိုက်တယ်။ ရယ်သံဟာ ခြောက်ကပ်နေသလိုလို။ ရိုးသားခြင်းနဲ့ဟန်ဆောင်ခြင်းကို ကျနော့်ကို ပေးပါလေ။
ည။ လရောင်ဟာ အေးစက်စက်နိုင်နေလေရဲ့။
သူမသည်ဖြစ်စေ ကျနော်သည်ဖြစ်စေ သင့်မျက်နှာပေါ်က မျက်နှာဖုံးတစ်ခုကို ဆွဲခွာပစ်လိုက်တယ်ဆိုပါတော့။ အမှောင်ထု ဆန်ဆန်နေ့စွဲတွေထဲမှာ ကျနော်ရယ် သင်ရယ် သူမရယ် အရောင်တူနေလိမ့်မယ်။ ဂီတဟာ ကိုယ်ပိုင်စိတ္တဇကကြိုးတခုကို တီးခတ်နေပါလိမ့်မယ်။
အမှန်တရားအောက်မှာ ကျနော်တို့ အရောင်တူခြယ်သခံခဲ့ကြရတယ်။ ။
သျှင်မျိုးငယ်