ခင်စန္ဒာမြင့် ● NCA ဘောင်ထဲမှာပဲ ပိတ်မိမနေဖို့ လိုပါတယ် (အင်တာဗျူး)
(မိုးမခ) ဇွန် ၂၊ ၂၀၁၇
(မိုးမခ) ဇွန် ၂၊ ၂၀၁၇
တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) ကို ပြည်တွင်းငြိမ်းချမ်းရေးအတွက် တစ်ခုတည်းသော လမ်းကြောင်းအဖြစ် မှတ်ယူမယ်ဆိုရင် ပဋိပက္ခ လျှော့ချရေးမှာ ရှေ့တိုးနိုင်ဖို့ မသေချာဘူးလို့ Institute for Strategy and Policy – Myanmar အဖွဲ့မှ သုတေသီ ဒေါ်ဆုမွန်သဇင်အောင်က ပြောပါတယ်။
မကြာသေးခင်က အစိုးရရဲ့ ဖိတ်ကြားချက်အရ ၂၁ ရာစု ပင်လုံညီလာခံတက်ရောက်ပြီး ပါဝင်သင့်ပါဝင်ထိုက်သူ အစုအဖွဲ့၊ စီးပွားရေး ကဏ္ဍမှာ ပါဝင်ဆွေးနွေးခဲ့ပါတယ်။
ပြီးခဲ့တဲ့ ရက်ပိုင်းအတွင်း ဆက်သွယ်မေးမြန်းရာမှာ ဒေါ်ဆုမွန်သဇင်အောင်က NCA စာချုပ်ရဲ့ အနေအထား၊ လက်နက်ကိုင် အဖွဲ့များနဲ့ စေ့စပ်ညှိနှိုင်းရေး အခြေအနေတွေအကြောင်း ပြောပြထားပါတယ်။
မေး - ပထမ ပင်လုံနဲ့ ဒုတိယ ပင်လုံကြားမှာ ဘာတွေများ ပြောင်းလဲထူးခြားမှုရှိသလဲ။
ဖြေ - ရည်ရွယ်ချက်နဲ့ ကျင်းပပုံ ကွာခြားတာကို တွေ့ရပါတယ်။ ပထမအကြိမ်ပင်လုံညီလာခံက အစိုးရသစ်ရဲ့ ငြိမ်းချမ်းရေး သာ ပဓာနဆိုတဲ့မူကို ထင်ဟပ်ပြသတယ်။ ရက်တစ်ရာအတွင်း ကျင်းပဖို့ကြိုးစားခဲ့ပေမဲ့ အကြောင်းအမျိုးမျိုးကြောင့် လေးလ ကျော်မှ ကျင်းပနိုင်ခဲ့တယ်။ အဓိကရည်ရွယ်ချက်ကတော လွန်ခဲ့တဲ့ ၅ နှစ်က စတင်ခဲ့တဲ့ ငြိမ်းချမ်းရေးလုပ်ငန်းစဉ်ဟာ အစိုးရ သစ်အတွက်လည်း အရေးကြီးတဲ့ မဟာဗျူဟာ မူဝါဒ ဖြစ်တယ်ဆိုတာကို ပြည်သူကို ချပြတဲ့ပွဲဖြစ်တယ်။
ကျင်းပခဲ့တဲ့ ပုံစံကတော့ NCA ကို ဆက်လက်ကျင့်သုံးမယ်။ ဒါပေမယ့် တခြားလမ်းကြောင်းရှိနိုင်တယ် ဆိုတာကို ပြင်းပြင်း ထန်ထန် ငြင်းဆိုတာ မတွေ့ရခဲ့ဘူး။ ဘာလို့လဲဆိုတော့ လက်မှတ်ထိုးထားသော အဖွဲ့များသာမက မထိုးရသေးသော အဖွဲ့တွေကပါ အဆိုပြုချက်တွေ စုစုပေါင်း ၇၂ စောင် တင်နိုင်ခဲ့တယ်။
ဒုတိယအကြိမ် ပင်လုံညီလာခံကတော့ ယခင်အစိုးရလက်ထက်က အတည်ပြုခဲ့တဲ့ အပစ်အခတ် ရပ်စဲရေး သဘောတူ စာချုပ်ပါ အချက်များကို အမျိုးသားဒီမိုကရေစီအဖွဲ့ချုပ် (NLD) ဦးဆောင်တဲ့ အစိုးရလက်ထက် ငြိမ်းချမ်းရေး လုပ်ငန်းစဉ်တွေနဲ့ ပြန်ချိတ်ဆက်တဲ့ သဘောကို တွေ့ရပါတယ်။ ယခင်အစိုးရလက်ထက် လက်မှတ်ထိုးခဲ့တဲ့ တိုင်းရင်းသားလက်နက်ကိုင် အဖွဲ့ ၈ဖွဲ့ ရှိပါတယ်။ နိုင်ငံရေးမူဘောင်အရ ထိုးထားတဲ့ အဖွဲ့တွေနဲ့ နိုင်ငံရေးဆွေးနွေးပွဲတွေကို NLD အစိုးရလက်ထက်မှာ တချို့ဒေသတွေမှာ ကျင်းပခဲ့တယ်။ ဒီနိုင်ငံရေးဆွေးနွေးပွဲတွေက ရလဒ်တွေကို အခု ဒုတိယအကြိမ် ၂၁ ရာစု ပင်လုံညီလာ ခံမှာ ဆွေးနွေးတယ်။ NCA စာချုပ်ပါ ပုဒ်မ ၂ဝ(ဃ)အရ “ပြည်ထောင်စု ငြိမ်းချမ်းရေးညီလာခံကျင်းပခြင်း” ဆိုတာကို ဒီ ဒုတိယ အကြိမ် ၂၁ရာစုပင်လုံညီလာခံက အကောင် အထည်ဖော်ပါတယ်။ ကျင်းပတဲ့ ပုံစံကတော့ အရင်တခေါက်ကနဲ့မတူဘဲ NCA အရဆက်လက် ဆောင်ရွက်တဲ့ပွဲဖြစ်လို့ NCA လက်မှတ်ထိုးထားသူများသာ ညီလာခံမှာ ကိုယ်စားလှယ်များအဖြစ် ပါဝင် ဆွေးနွေးခွင့်ရပါတယ်။ မထိုးရသေးတဲ့ အဖွဲ့များကတော့ ဆွေးနွေးခွင့်မရပါဘူး။
မေး - ငြိမ်းချမ်းရေးရဖို့အတွက် NCA ဟာ ဘယ်လောက်အထိ အရေးပါနေတယ်လို့ ယူဆပါသလဲ။
ဖြေ - အစိုးရရဲ့ ငြိမ်းချမ်းရေးမူဝါဒဟာ လူထုကို လတ်တလော သက်ရောက်စေတဲ့ အချက် ၂ ချက် ရှိပါတယ်။ ပထမအချက် ကတော့ အစိုးရနဲ့ လက်မှတ်မထိုးရသေးတဲ့ အဖွဲ့တွေနဲ့ ဆက်ဆံရေးပါ။ မထိုးရသေးသူတွေနဲ့ လက်မှတ်ထိုးနိုင်မလား။ စစ်ပွဲတွေ ရပ်စေနိုင်မလားပေါ့။ ဒုတိယအချက်ကတော့ လက်မှတ်ထိုးထားတဲ့ အဖွဲ့တွေနဲ့ အစိုးရရဲ့ ဆက်ဆံရေးပါ။ နိုင်ငံရေး ဆွေးနွေးပွဲတွေ ကျင်းပနိုင်ရေး၊ ကြားကာလ အစီအစဉ်တွေ အလျင်အမြန် အကောင်ထည်ဖော်နိုင်ရေး NCA ပါအချက်တွေကို ဘယ်လောက်ထိ အောင်အောင်မြင်မြင် ဆောင်ရွက်နိုင်သလဲပေါ့။ အဲဒီနှစ်ချက်လုံးကို အောင်အောင် မြင်မြင် ဆောင် ရွက်နိုင်ရေးအတွက် အစိုးရ၊ တပ်မတော်၊ တိုင်းရင်းသားလက်နက်ကိုင်အဖွဲ့တွေရဲ့ NCA အပေါ်ထားတဲ့ သဘောထားဟာ အင်မတန် အရေးကြီးပါတယ်။
လက်မှတ်မထိုးရသေးတဲ့ အဖွဲ့တွေကို ထိုးဖြစ်အောင်လုပ်ဖို့က NCA ဟာ ထွက်ပေါက်မရှိတဲ့ လမ်းကြောင်း မဖြစ်ဖို့ လိုပါတယ်။ ၂ဝ၁၁ နောက်ပိုင်း ဆွေးနွေးပွဲတွေမှာ တပ်မတော်က ငြိမ်းချမ်းရေး မူဝါဒ ၆ချက်ကို လက်ကိုင်ထားခဲ့တယ်။ NCA လက် မှတ်ထိုးပြီးတဲ့အခါ တပ်မတော်က ငြိမ်းချမ်းရေး မူဝါဒ ၆ ချက်အပြင် NCA ကိုပါ အထိုင်ထားပြီး ဆွေးနွေးပါတယ်။ NCA ကိုလည်း ပြင်ဆင်ဖို့ သိပ်မရှိဘူးလို့ ပြောပါတယ်။ ဒါက တပ်မတော်ရဲ့ ရပ်တည်ချက်ပါ။
တစ်ဘက်မှာ လက်မှတ် မထိုးရသေးတဲ့ အဖွဲ့တွေထဲမှာ လက်မှတ်ထိုးနိုင်ချေ ရှိခဲ့တဲ့ UNFC (ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ) မှာပါဝင်တဲ့ အချို့အဖွဲ့တွေရှိသလို၊ ထိုးနိုင်ချေနည်းတဲ့ မြောက်ပိုင်းအဖွဲ့တွေလည်း ရှိပါတယ်။ ထိုးနိုင်ချေ ရှိခဲ့တဲ့ UNFC အချို့အဖွဲ့တွေကတော့ ညှိနှိုင်းမှုတွေလုပ်ဖို့ လိုသေးတယ်။ NCA ကို တိုက်ရိုက်မထိုးသေးခင် ဖြစ်နိုင်ချေရှိခဲ့တဲ့ လမ်းကြောင်းကတော့ Deed Of Commitment (ကတိကဝတ်) လိုမျိုး အရင်ထိုးထားမယ်၊ ပြီးမှ NCA ထိုး မယ်ပေါ့။ ဒါပေမဲ့ အကြောင်းအမျိုးမျိုးကြောင့် ဒီနှစ်ခုလုံး မထိုးဖြစ်သေးဘူး၊ ဒီပွဲကိုလည်း တက်ရောက်ခြင်း မရှိဘူးပေါ့။
မြောက်ပိုင်း ၇ ဖွဲ့ကတော့ ဒီပွဲကို လေ့လာသူအဖြစ် တက်ရောက်ပေမယ့် ဒီညီလာခံ ကျင်းပနေစဉ်အတွင်းမှာပဲ NCA ကို လက်မှတ်ထိုးဖို့မဖြစ်နိုင်ဘူးလို့ သူတို့ရဲ့ရပ်တည်ချက်တွေကို အတိအလင်း ပြောကြားသွားတယ်။ NCA အပြင် တခြားနည်း လမ်းတစ်ခုကို လိုလားတယ်ပေါ့။ ဒီအဖွဲ့ ၇ ဖွဲ့ ဆိုတာ ပထဝီနိုင်ငံရေးအရ အရေးကြီးတဲ့ တရုတ်-မြန်မာ နယ်နိမိတ်ဒေသမှာ လွှမ်းမိုးမှုရှိတဲ့၊ လက်နက်အင်အားတောင့်တင်းတဲ့ အဖွဲ့တွေ ဖြစ်ပါတယ်။ NCA လမ်းကြောင်းအရ အကောင်ဖော်နေတဲ့ ငြိမ်းချမ်းရေးဖြစ်စဉ်မှာ ဒီအဖွဲ့တွေ မပါဝင်တဲ့အတွက် မြန်မာနိုင်ငံ မြောက်ပိုင်းဒေသမှာရှိနေတဲ့ ပဋိပက္ခကို လျှော့ချပေးနိုင်ချေ နည်းပါလိမ့်မယ်။ ဒီအခြေအနေတွေကြောင့် အစိုးရအနေနဲ့လည်း NCA ဟာ ပြည်တွင်းငြိမ်းချမ်းရေးအတွက် တစ်ခုတည်း သော လမ်းကြောင်းအနေနဲ့ မှတ်ယူမယ်ဆိုရင် ပဋိပက္ခလျှော့ချရေးမှာ ရှေ့တိုးနိုင်ဖို့ မသေချာပါဘူး။ တပ်မတော်နဲ့ တိုင်း ရင်းသား လက်နက်ကိုင်အဖွဲ့ကြားမှာ နှစ်ဘက်စလုံးဖြစ်စေ၊ တစ်ဘက်ဘက်ကဖြစ်စေ အလျှော့အတင်းကို ပြုလုပ်မှ ရမယ့် သဘောဖြစ်နေတာပေါ့။ ဒါ့ကြောင့် အစိုးရအနေနဲ့ ကစားသမားတစ်ယောက်အဖြစ် တစ်ဘက်ဘက်က ဝင်ရောက် ပါဝင် တာထက် ဒီအင်အားစုတွေကြားမှာ ဒိုင်တစ်ဦးအဖြစ် ပြေလည်နိုင်မယ့် မျှခြေအဖြေတစ်ခုကို ဘယ်လို ရှာပေးနိုင်မလဲ ဆိုတာ အရေးကြီးပါတယ်။
အစိုးရနဲ့ လက်မှတ်ထိုး ပြီးသားအဖွဲ့တွေနဲ့ ဆက်ဆံရေးဟာ NCA ဆိုတဲ့ အင်စတီကျူးရှင်းအပေါ် မူတည်ထားတာပါ။ NCA အင်စတီကျူးရှင်း အသက်ဝင်ဖို့NCA မှာ ပါတဲ့ အချက်တွေကို အမြန်ဆုံး အကောင်အထည်ဖော်နိုင်ဖို့ အရေးကြီးပါတယ်။ ဒါမှလည်း ထိုးထားသူများ NCA အပေါ် ပိုမို သက်ဝင် ယုံကြည်လာနိုင်ပါ့မယ်။ စာချုပ်အရ လက်မှတ်ထိုးထားတဲ့ အဖွဲ့တွေက နိုင်ငံရေးဆွေးနွေးပွဲတွေကို ကျင်းပနိုင်တယ်ဆိုပေမဲ့ လက်တွေ့မှာ အချို့ဒေသတွေမှာ ကျင်းပဖို့ခက်ခဲနေဆဲပါ။ NCA အခန်း ၆ ပုဒ်မ ၂၅မှာ နိုင်ငံရေး ဆွေးနွေးပွဲများ ကျင်းပနေစဉ်မှာ ဆောင်ရွက်ရမည့် ကြားကာလ အစီအစဉ်တွေကို လက်တွေ့မှာ အကောင်အထည်ဖော်ဖို့ကြန့်ကြာမှုတွေ ရှိနေခဲ့ပါတယ်။ ဒါ့ကြောင့် ဒေသခံပြည်သူတွေမှာ NCA ရဲ့ လက်တလော အကျိုးခံစားခွင့်တွေ့ ပြည့်ပြည့်ဝဝ မတွေ့ရှိသေးပါဘူး။ နိုင်ငံရေး ဆွေးနွေးမှု မူဘောင်အရ ညီလာခံကျင်းပရာမှာ အောက် ခြေကတက်လာတာကို ထင်ဟပ်တာထက် ဗဟိုချုပ်ကိုင်မှု များနေတယ်ဆိုတာတွေ ကိုယ်စားလှယ်တွေဆီက ကြားရပါတယ်။ ဒါ့ကြောင့် ဒီညီလာခံအပြီးမှာတော့ NCA လမ်းကြောင်းမှာ ချထားတဲ့မူတွေနဲ့ လက်တွေ့ အကောင်ထည်ဖော် ရာမှာ ကွာခြား ချက်တွေ၊ နည်းနာဆိုင်ရာ အခက်ခဲတွေကို ပြန်လည် သုံးသပ်ဖို့လိုပါတယ်။
မေး - ညီလာခံမှာ ကဏ္ဍအလိုက်၊ ခေါင်းစဉ်အလိုက်ဆွေးနွေးတာဆိုတော့ အားလုံး ပါဝင်ဆွေးနွေးဖို့ အခွင့်အရေးရော ရှိပါသလား။
ဖြေ - အားလုံးပါဝင်ဆွေးနွေးနိုင်ရေးဆိုတာ မူအားဖြင့် မှန်ကန်ပါတယ်။ လက်တွေ့မှာ ပထမဆုံးအကြိမ် အကောင်ထည် ဖော်တာဖြစ်လို့ အကန့်အသတ်များရှိပါတယ်။ နိုင်ငံရေးဆွေးနွေးပွဲတွေက ရလာတဲ့ အချက် ၄၁ ချက်ပေါ်မှာ နိုင်ငံရေး၊ စီးပွား ရေး၊ လူမှုရေး၊ လုံခြုံရေး၊ မြေယာ၊ သယံဇာတနှင့် သဘာဝ ပတ်ဝန်းကျင်ဆိုင်ရာ မူဝါဒတွေအတွက် ကဏ္ဍတွေ ၅ခုခွဲပြီး ဆွေးနွေးရပါတယ်။ ဆွေးနွေးချိန် စုစုပေါင်း ၉ နာရီသာ ရှိပါတယ်။ ကဏ္ဍတစ်ခုမှာ အစိုးရ၊ လွှတ်တော်၊ တပ်မတော်၊ လက်မှတ်ထိုးထားတဲ့ EAOs၊ တရားဝင်နိုင်ငံရေးပါတီ ကိုယ်စားလှယ် အနည်းဆုံး ၁ဝဝ ကျော်ပါတယ်။ အချက် ၁ ချက်ကို ဆွေးနွေးရာမှာ တစ်ကြိမ်မှာ အစုအဖွဲ့ တစ်ခုစီမှ ၅ မိနစ်ထက် မပိုဘဲ ဆွေးနွေးရတဲ့အတွက် အစုအဖွဲ့ ၅ ခုနဲ့ တစ်ကြိမ် ပြည့်ဖို့ အနည်းဆုံး ၂၅ မိနစ်မှ ၃၅ မိနစ်ဝန်းကျင် ကြာပါတယ်။ အဲဒီတော့ ကိုယ့်အစုအဖွဲ့က တစ်ယောက်က ပြောပြီးရင် ကိုယ့် အလှည့် ရောက်ဖို့နောက်ထပ် မိနစ် ၃ဝ လောက် စောင့်ရပါတယ်။ မရောက်ခင်မှာ ဆွေးနွေးချက်က ပြီးသွားပြီ။ နောက် တစ်ချက်ကို ရောက်သွားတာရှိပါတယ်။ အဲဒါကြောင့် အကြောင်းအရာ ဆွေးနွေးချက်ကို ဘယ်လောက် ကြေလည်တယ် ဆိုတာထက်၊ ဘယ်လောက်မြန်မြန် ပြီးမလဲ ကြည့်ရတဲ့သဘော ဖြစ်နေပါတယ်။ အချိန် အကန့်အသတ် ပေးထားချက်ကြောင့် တက်ရောက်တဲ့သူ အကုန် အားလုံး ပါဝင်ဖို့ဆိုတာကတော့ မဖြစ်နိုင်ပါဘူး။ ပါဝင်ဆွေးနွေးတဲ့ သူတွေကလည်း ၅ မိနစ်အတွင်း ကိုယ့်ရပ်တည်ချက် Position ကို လုပြီး ပြောရတဲ့အတွက် အပြန်အလှန် ညှိနှိုင်းလို့ရတဲ့ အခင်းအကျင်းတော့ မဟုတ်ပါဘူး။ ဆွေးနွေးချက်တွေကို ပြန်စုစီးပြီး အစုအဖွဲ့တွေမှာ ဆုံးဖြတ်ချက် ချတာထက် UPDJC (ပြည်ထောင်စု ငြိမ်းချမ်းရေးဆွေးနွေးမှု ပူးတွဲ ကော်မတီ) အစည်းအဝေးကိုပဲ ပြန်တင်ရပါတယ်။ နောက်ဆုံးမှာတော့ UPDJC ရဲ့ အဆုံးအဖြတ် ပေါ်မှာသာ မူတည်တာပါ။
မေး - ညီလာခံမှာ တိုင်းရင်းသားတွေရဲ့ စိုးရိမ်မှု၊ မျှော်လင့်ချက်တွေဟာ ဘာဖြစ်နိုင်ပါသလဲ။
ဖြေ - NLD အစိုးရဟာ နှစ်ပေါင်း ၅ဝကျော်အတွင်း ပထမဆုံးတက်လာတဲ့ အရပ်သား အစိုးရဖြစ်တယ်။ ဒါ့ကြောင့် အရင် အစိုးရတွေနဲ့တော့ မတူဘဲ NLD အစိုးရဟာ တပ်မတော်နဲ့ တိုင်ရင်းသားတွေကြားမှာ နှစ်ဘက်စလုံး လက်ခံနိုင်မယ့် အခြေ အနေရောက်အောင် ပြေပြေလည်လည် ညှိနှိုင်းပေးနိုင်မယ့် အခင်းအကျင်းတစ်ခုကို မျှော်လင့်တယ်။ တစ်ဖက်မှာလည်း တပ်မတော်နဲ့ ဘက်တူရပ်ပြီး နှစ်ပေါင်းများစွာ လက်တွဲခဲ့တဲ့ မဟာမ်ိတ်ဖြစ်သူ တိုင်းရင်းသားတွေရဲ့ လိုလားချက်တွေကို အလေးမထားတာကို စိုးရိမ်တယ်လို့ ထင်ပါတယ်။
မေး - တချို့တိုင်းရင်းသားခေါင်းဆောင်တွေက NCA ကို ပြုလွယ်ပြောင်းလွယ် ဖြစ်ရမယ်လို့ ပြောနေတာကို ဘယ်လို မြင် ပါသလဲ။
ဖြေ - မထိုးရသေးတဲ့ EAOs တွေက လက်မှတ်မထိုးပေမဲ့ နိုင်ငံရေးဆွေးနွေးပွဲတွေကို ကျင်းပနိုင်ခွင့်ရှိဖို့ တောင်းဆိုခဲ့ပါတယ်။ မြောက်ပိုင်း ၇ ဖွဲ့ကတော့ NCA ဆိုတာကို ထားပြီး အခြားသဘောတူညီချက်တစ်ခု ပြုလုပ်နိုင်ဖို့ တောင်းဆိုနေကြပါတယ်။ ကျွန်မသဘောကတော့ NCA က ဥပဒေမဟုတ်ပါဘူး၊ စာချုပ်တစ်ခုပါ။ NCA မှာ ပြင်ဆင်ချက်အခန်း မပါရှိပါဘူး။ အဲဒီ အတွက် စာချုပ်ကိုပြင်ဆင်တာ လက်တလောအခြေအနေမှာ မလွယ်ကူနိုင်ဘူး ထင်ပါတယ်။ ဒါပေမယ့် NCA က ဖြစ်ပေါ် လာတဲ့ နိုင်ငံရေးဆွေးနွေးမှု မူဘောင်ကိုတော့ ပြင်ဆင်မယ်ဆို အခန်း (၁ဝ) အပိုဒ် (၁၇) အရ ပြင်ဆင်နိုင်ပါတယ်။
ကျွန်မအမြင်ကတော့ NCA ဟာ ရောဂါအားလုံးအတွက် တစ်ခုတည်းသော ပျောက်စေ ဆေးအဖြစ် မဟုတ်ဘဲ ရောဂါတော် တော်များများ သက်သာရာ ရှာနိုင်တဲ့ ဆေးတစ်မယ်အဖြစ် မှတ်ယူပါတယ်။ အခြား ရောဂါတွေ သက်သာစေမယ့် ဆေးတွေ ရှိနိုင်ပါသေးတယ်။ NCA ဆေးကြောင့်လေး ဖြစ်စေနိုင်တာကို သတိပြုရပါမယ်။ ကျွန်မတို့ အဓိက အလိုရှိတာ စစ်ပွဲတွေ ချုပ်ငြိမ်းဖို့၊ နိုင်ငံရေး အဖြေရဖို့ပါ၊ NCA ဘောင်ထဲမှာပဲ ပိတ်မိမနေဖို့ လိုပါတယ်။ NCA လမ်းကြောင်းကို ပိုမို ထင်ရှားစေချင်လို့ NCA ပါ နိုင်ငံရေးလမ်းပြမြေပုံပါ အချက်တွေကို တစ်ဆင့်မပြီးခင် နောက်တစ်ဆင့် အဆောတလျင် အကောင်အထည် ဖော်မယ်ဆိုရင် အားလုံးပါဝင်တဲ့ နိုင်ငံရေး အဖြေရဖို့ ဆိုတာ လက်တွေ့မှာ မနီးစပ်နိုင်သေးပါဘူး။
မေး - နိုင်ငံရေးသုတေသနလုပ်ငန်းတွေမှာ အမျိုးသမီးတစ်ယောက်အတွက် အခက်အခဲ၊ စိန်ခေါ်ချက်တွေ ရှိပါသလား။
ဖြေ - ရှိပါတယ်လို့ပြောရမှာပါ။ တန်းတူ ဆက်ဆံခံရဖို့ ကြိုးစားရပါတယ်။ လူအချင်းချင်း မိတ်ဆက်တဲ့နေရာမှာ နိုင်ငံတကာ မှာတော့ လက်ဆွဲနှုတ်ဆက်ကြပါတယ်။ ကျား မ မခွဲခြားဘဲ၊ တန်းတူ လုပ်ဖော်ကိုင်ဖက်လို သဘောထားတယ် ဆိုတာမျိုး ဖြစ်နိုင်ပါတယ်။ ကျွန်မ သုတေသန လုပ်ငန်းခွင်မှာ အမျိုးသားအများစုက အချင်းချင်း မိတ်ဆက်ရင် လက်ဆွဲနှုတ်ဆက်ကြပေမဲ့ ကျွန်မကိုတော့ အမျိုးသမီးဖြစ်လို့ လက်ဆွဲနှုတ်ဆက်တာမျိုးကို ရှောင်ပါတယ်။ ကျွန်မရဲ့ လုပ်ဖော်ကိုင်ဖက်များကိုတော့ “ဆရာ” လို့ အလွယ်တကူ ခေါ်ကြပေမဲ့ ကျွန်မကိုတော့ “ဆရာမ” လို့မခေါ်ပဲ “ညီမ” လို့ခေါ်ကြတာ ရှိပါတယ်။ အချို့ ဒေသ တွေကို သုတေသနကိစ္စအတွက် ခရီးသွားမယ်ဆိုရင် မိန်းကလေးဖြစ်လို့ လုံခြုံရေးအရ မသွားခဲ့ရတာတွေ ရှိပါတယ်။ ဒါက အရှိတရားပါ။ မြန်မာနိုင်ငံမှာ ရှိနေတဲ့ အလုပ်လုပ်တဲ့ အမျိုးသမီးတွေ တော်တော်များများအတွက် ဒီပြဿနာတွေက အထူးအဆန်း မဟုတ်တော့ပါဘူး ထင်ပါတယ်။ အဲဒီတော့ အမျိုးသမီးများဟာ အမျိုးသားများတဲ့ တန်းတူဖြစ်တယ်ဆိုတာကို လက်ခံစေချင်တယ်ဆိုရင် အမျိုးသမီးများအတွက်ပေးတဲ့ အခွင့်ထူးခံရရှိရေးထက်စာရင် ကိုယ်လုပ်တဲ့ အလုပ်မှာ အမျိုးသား များနဲ့ တန်းတူ အကောင်းဆုံး ကြိုးစားဖို့လိုပါမယ်လို့ထင်ပါတယ်။ အမျိုးသမီးတွေအတွက် လုပ်ပိုင်ခွင့် စွမ်းပကား အပ်နှင်းဖို့ အမျိုးသမီးတွေ ကိုယ်တိုင်ကပဲ စတင်ရမှာပါ။
ဓာတ်ပုံ - ရန်ကုန်မြို့အခြေစိုက် Institute for Strategy and Policy – Myanmar အဖွဲ့ရဲ့ သုတေသီ ဒေါ်ဆုမွန်သဇင်အောင်