ဇင်လင်း ● တရားဥပဒေစိုးမိုးရေးကို ဖေါ်ဆောင်ရမည့်သူများကိုယ်တိုင် အဂတိလိုက်စားမှုများ ကျူးလွန်နေသလား

ဇင်လင်း ● တရားဥပဒေစိုးမိုးရေးကို ဖေါ်ဆောင်ရမည့်သူများကိုယ်တိုင် အဂတိလိုက်စားမှုများ ကျူးလွန်နေသလား
(မိုးမခ) ဇူလိုင် ၁၄၊ ၂၀၁၇

ယနေ့ မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှု နိမ့်ကျနေရသည့် အကြောင်းများအနက် အဂတိလိုက်စားမှုနှင့် အကျင့် ပျက် လာဘ်စားမှုသည် အဓိကနေ၌ ရှိနေသည်။ သယံဇာတ ကိစ္စ၊ ဖွံ့ဖြိုးရေး စီမံကိန်းများ ကိစ္စ၊ မြေသိမ်းယာသိမ်းကိစ္စ၊ မူးယစ်ဆေးနှင့် ဘိန်းကုန်ကူးမှု အစရှိသော အမှုကိစ္စများသည် အဂတိလိုက်စားမှုများနှင့် ခွဲမရအောင် ဆက်နွယ်နေသည်။ အထူးသဖြင့် လူဝင်မှုကြီးကြပ်ရေး၊ အကောက်အခွန်၊ ရဲတပ်ဖွဲ့နှင့် အထွေထွေ အုပ်ချုပ်ရေး ဦးစီးဌာန၊ အကျဉ်းဦးစီးဌာန၊ စသည်တို့တွင် လာဘ်ပေးလာဘ်ယူမှုများ ရှိနေဆဲဖြစ်ကြောင်း ပြည်သူတို့ထံမှ ပြောဆို ဝေဖန်သံများ ကြားနေရဆဲရှိ သည်။ သမ္မတ ဦးထင်ကျော် ရာထူးတာဝန်စတင် လက်ခံစဉ်က အဂတိတရား ကင်းစင်သည့် လူ့အသိုင်းအဝိုင်း ဖော်ဆောင်ရေး ဦးစားပေးမည်ဟု ပြောခဲ့ဖူးသည်။ ထို့ကြောင့် မြန်မာနိုင်ငံရှေ့ရေးအတွက် အားတက်စရာ ဖြစ်ခဲ့သည်။ အထူးသဖြင့် အဂတိ လိုက်စားမှု တိုက်ဖျက်ရေးသည် တိုင်းပြည်နှင့် လူမျိုး၏ ဂုဏ်သိက္ခာကို ပြန်လည် မြှင့်တင်ရန်အတွက် အလွန်အရေးပါသော ပဓါနအလုပ်ဖြစ်သည်။

အဂတိလိုက်စားမှုဖြစ်လာခဲ့လျှင် ရာထူးကြီးငယ်မရွေး သူ့လူကိုယ့်လူမရွေး မည်သူ့ကိုမျှ သည်းမခံသင့်ပေ။ လာဘ်ပေး လာဘ်ယူမှုများ ရှိနေခြင်းကြောင့် အာဏာအလွဲသုံး ကိုယ်ကျိုးရှာမှုများ ပေါ်ပေါက်နေခြင်းဖြစ်သည်။ ပြည်သူ့ အကျိုးစီးပွါး ကို လျစ်လျူပြုလျှက် ကိုယ်ကျိုးစီးပွါးကို ရှေ့တန်းတင်ကာ အစိုးရလုပ်ငန်းဆိုင်ရာ ဆုံးဖြတ်ချက်များကို အဂတိ လိုက်စား ချမှတ်ခဲ့သဖြင့် တိုင်းပြည် ဘက်ပေါင်းစုံတွင် ဆုံးရှုံးနစ်နာခဲ့ဖူးသည်ဟု ပြည်သူ့လွှတ်တော်တွင် လွှတ်တော် ကိုယ်စားလှယ် များက ထောက်ပြခဲ့ထူးသည်။ အဂတိလိုက်စားမှုကိုအမှန်တကယ် တိုက်ဖျက်လိုသော အစိုးရဖြစ်ရေးနှင့် NLD အစိုးရသစ် အနေဖြင့် တရားဥပဒေ စိုးမိုးမှုကို ထိထိရောက်ရောက် လုပ်ဆောင်ပေးရေးတို့ကို လွှတ်တော်ကိုယ်စားလှယ်များ ဘက်က တင်ပြထားခဲ့ကြသည်။

ဇူလိုင် ၄ ရက်နေ့7Day Daily သတင်းတွင် အဂတိလိုက်စားမှုတိုက် ဖျက်ရေးကော်မရှင်အဖွဲ့ဝင်များ ၏ အသက်ကို (၇၅) နှစ်အထိတိုး မြှင့်သတ်မှတ်ရန် ပြင်ဆင်သည့်အကြောင်း သတင်းဖေါ်ပြထားသည်။ ကော်မရှင်အတွင်း အတွေ့အကြုံရှိ သည့် ဝါရင့်ပညာရှင်များ ပါဝင်လာစေရန် ရည်ရွယ်၍ ဆောင်ရွက်ခြင်းဖြစ်သည်ဟု အမျိုးသားလွှတ်တော် ဥပဒေကြမ်း ကော်မတီ ဥက္ကဋ္ဌ ဦးဇော်မင်းက ပြောကြောင်း သိရသည်။ အဆိုပါ ဥပဒေကို ပြင်ဆင်ပြီးပါက ကော်မရှင်တွင် အသက် (၇ဝ) ကျော်ပြီး အတွေ့အကြုံရင့်ကျက်သည့် ပညာရှင်များထည့်သွင်း ခန့်အပ်မည်ဖြစ်သည်ဟု ဆိုသည်။ နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်နှင့်အ မျိုးသားဒီမိုကရေစီအဖွဲ့ချုပ် ထိပ်ပိုင်းခေါင်းဆောင်များသည် အသက် (၇ဝ) ကျော်ပြီ ဖြစ်သော်လည်း လုပ်ငန်းတာဝန်များကို လုပ်ဆောင်နိုင်သေးကြောင်း၊ ကော်မရှင်ထဲတွင် ၎င်းတို့ကဲ့သို့ ပုဂ္ဂိုလ်များပါဝင် သင့်သည်ဟု ဦးဇော်မင်းက ဆိုသည်။

လွှတ်တော်ကိုယ်စားလှယ်များအနေဖြင့် အဂတိလိုက်စားသည့် ဝန်ထမ်းများတွေ့ရှိပါက မေးခွန်းမေးရုံတင်မဟုတ်ဘဲ အချက်အလက်အပြည့်အစုံဖြင့် တိုင်ကြားနိုင်ပြီး ဝန်ကြီးဌာနဘက်ကလည်း ထိထိရောက်ရောက် အရေးယူပေးရန် ပြည်သူ့ လွှတ်တော်ဥက္ကဋ္ဌ ဦးဝင်းမြင့်က ဇူလိုင် ၃ ရက်တွင် ပြောကြားကြောင်းလည်း ကြားရသည်။ အုတ်တွင်းအမတ် ဒေါ်ချိုချို ၏ လယ်ယာမြေလုပ်ပိုင်ခွင့်ရရှိသူများ ချေးငွေကိစ္စတွင် တစ်ဧကကို ကျပ်ခုနစ်သောင်းမှ ကျပ်တစ်သိန်းခွဲအထိပေးရ၍ လယ် သမားများ ကြုံနေရသည့် ပြဿနာပြေ လည်ရန် မည်သို့ဆောင်ရွက်ထားကြောင်း ဆက်စပ်မေးခွန်းကို ဥက္ကဋ္ဌက ယင်းသို့ ဖြည့်စွက်ပြော ကြားခဲ့သည် ဟုဆိုသည်။


‘‘ဒီလိုဝန်ထမ်းတွေရှိရင်လည်း ကျွန်တော်တို့ကိုယ်စားလှယ်တွေက အခုမေးတဲ့မေးခွန်း တင်မဟုတ်ဘူး။ တိတိကျကျ ဆည် မြောင်းဝန်ကြီးဌာနကို တိုင်လို့ရတယ်။ ဘာမှ အားမနာနဲ့။ ရာထူး၊ နာမည်၊ ဌာနနဲ့ တိတိကျကျတိုင်၊ နာမည်နဲ့ လိပ်စာနဲ့ မှတ်ပုံတင်နဲ့ သေချာတိုင်၊ ကျွန်တော့်ဆီကိုလည်း မိတ္တူပေး၊ ဝန်ကြီးဌာနကလည်း ဒါကို ထိထိရောက် ရောက်လုပ်ပေးပါ’’ ဟု ဦးဝင်းမြင့်က လယ်ယာမြေကိစ္စပြောကြားရာတွင် ထည့်သွင်းပြောကြားကြောင်း သိရသည်။



လက်ရှိ အဂတိ လိုက်စားမှု တိုက်ဖျက်ရေး ဥပဒေကို ၂ဝ၁၃ ခုနှစ်၊ သြဂုတ်လတွင် ပြဌာန်းခဲ့သည်။ ထို့နောက် ၂ဝ၁၄ ခုနှစ် တွင် အဂတိ လိုက်စားမှု တိုက်ဖျက်ရေး ကော်မရှင် ပေါ်ပေါက်လာခဲ့သည်။ သို့သော် လက်တွေ့တွင် ထိရောက်မှု နည်းနေ သည်ဟု ဝေဖန်မှုများ ရှိသည်။ ထို့ကြောင့် ကော်မရှင်အသစ် ဖွဲ့စည်း၍ ထိထိရောက်ရောက် လုပ်ဆောင်ရန် ၂ဝ၁၆ ခုနှစ် အတွင်း လွှတ်တော်ကိုယ်စားလှယ်များက ထောက်ပြခဲ့ဖူးသည်။ ၂ဝ၁၆ အောက်တိုဘာလ ပြည်သူ့လွှတ်တော်တွင် မြောက် ဥက္ကလာမြို့နယ် ပြည်သူ့လွှတ်တော် ကိုယ်စားလှယ် ဒေါက်တာသန်းဝင်းက နိုင်ငံတဝှမ်း အဂတိလိုက်စားမှုများ ထင်ရှား သိသာစွာ ကျဆင်းလျော့ပါးရေးအတွက် ထိထိရောက်ရောက် ကိုင်တွယ်ဖြေရှင်းပေးရန် ပြည်ထောင်စုအစိုးရအား တိုက်တွန်း သည့် အဆိုကို တင်သွင်းခဲ့သည်။ လွှတ်တော် ကိုယ်စားလှယ် ၃၃ ဦးအထိ ဝင်ရောက်ဆွေးနွေးခဲ့ကြကြောင်း ဗွီအိုအေ သတင်းအရ သိခဲ့ရသည်။

တရားဥပဒေစိုးမိုးရေးကို ဖေါ်ဆောင်ရမည့် သူများကိုယ်တိုင် အဂတိလိုက်စားမှုများ ကျူးလွန်နေသောကြောင့် တရားဥပဒေ စိုးမိုးရေးအားနည်းနေခြင်းဖြစ်သည်ဟု ဖားကန့်ုပြည်သူ့လွှတ်တော်ကိုယ်စားလှယ် ဦးတင်စိုးတင်ပြခဲ့ဖူးသည်ကို တွေ့ရ သည်။ ဖားကန့်ဒေသတွင် ရဲစခန်းမှူးတယောက် ခန့်ထားပေးရေးအတွက် ကျပ်ငွေ သိန်း ၂ဝဝ မျှ လာဘ်ငွေပေးရကြောင်း၊ မူးယစ်ဆေးဝါးနှိမ်နင်းရေးကိစ္စ မအောင်မြင်ခြင်းမှာ အဂတိလိုက်စားမှုကြောင့် ဖြစ်ကြောင်း ၎င်းက ထောက်ပြခဲ့သည်။ သာမန်မြေတိုင်းစာရေးလေးက နောက်ဆုံးပေါ် မော်တော်ကား ၄ စီး စီးနိုင်ခြင်းကိစ္စ၊ ဖားကန့်ဒေသတွင် လောင်းကစားဒိုင် များ ဖမ်းရာ၌လည်း လက်ခွဲဒိုင်များကိုသာ မိပြီး ပင်မဒိုင်ကြီးများကို မည်သည့်အခါမျှ မမိခြင်းကိစ္စတို့ကို ၎င်းက  ဥပမာ ပြခဲ့ သည်။ အဂတိလိုက်စားမှုများကြောင့် နိုင်ငံတော်ဘဏ္ဍာငွေ အမြောက်အမြား ဆုံးရှုံးနေရကြောင်း ဆွေးနွေးတင်ပြမှုများ ရှိခဲ့သည်။

အဂတိလိုက်စားမှုများအနက်  အန္တရာယ်အကြီးဆုံးမှာ တရားရုံးများ၏ အဂတိလိုက်စားမှုဖြစ်သည်။ တရားစီရင်ရေးကဏ္ဍ တွင် အဂတိလိုက်စားမှု ထူပျော ပါက တရားဥပဒေစိုးမိုးရေး ပျက်သုဉ်းပေလိမ့်မည်။ ထို့ကြောင့် “တရားစီရင်ရေးကဏ္ဍ တိမ်းစောင်းနေမှုအား ပြန်လည် တည့်မတ်နိုင်ရေးအတွက် ပြည်ထောင်စု တရားလွှတ်တော်ချုပ်သို့ တိုက်တွန်းကြောင်း” အဆိုကို ဝေါမဲဆန္ဒနယ်မှ ဦးတင်ထွေးက ၂ဝ၁၇ ခုနှစ် မတ်လ ၇ ရက်နေ့ ဒုတိယအကြိမ် ပြည်သူ့လွှတ်တော် စတုတ္ထ အကြိမ် ပုံမှန်အစည်းအဝေးသို့ တင်သွင်းခဲ့သည်။ ၎င်းအဆိုအပေါ် လွှတ်တော်ကိုယ်စားလှယ် ၂၅ ဦးက ထောက်ခံအကြံပြု ဆွေး နွေးခဲ့ကြသည်ဟု အစိုးရသတင်းမီဒီယာများတွင် ဖေါ်ပြခဲ့ကြောင်း တွေ့ရသည်။

တရားစီရင်ရေးတွင် အဂတိလိုက်စားမှုများ ကျယ်ပြန့်စွာရှိနေပြီး၊  တရားသူကြီးမှ စာပို့လုလင်အထိ ပါဝင်ပတ်သက်နေသ ဖြင့် ထင်သာမြင်သာဖြစ်အောင် ဖော်ထုတ်ရန်ခက်ခဲနေကြောင်း “တရားစီရင်ရေး၊ ဥပဒေရေးရာနှင့် တိုင်ကြားစာများ၊ အသ နားခံစာများ စိစစ်ဆောင်ရွက်ရေးကော်မတီ” က ပြည်သူ့လွှတ်တော်သို့ အစီရင်ခံစာ တင်သွင်းခဲ့ဖူးသည်ဟု အလဲဗင်း မီဒီယာသတင်းတပုဒ်၌ ဖေါ်ပြခဲ့ဖူးသည်။  ထို့ပြင် တရားစီရင်ရေးတွင် အဂတိတရားများ လွှမ်းခြုံလျက်ရှိနေသည်ကို တွေ့ရ ကြောင်း၊ တရားသူကြီးအဆင့်ဆင့်သည် အထက်တရားသူကြီးအဆင့်ဆင့်၏ ကြီးကြပ်မှုဖြင့် ဆောင်ရွက်ရာ၌ အပေးအယူ ကိစ္စကွင်းဆက်များရှိနေကြောင်း၊ အလားတူပင် ဥပဒေဝန်ထမ်းအဆင့်ဆင့်၌လည်း ကြီးကြပ်သူအဆင့်ဆင့် ဝန်ထမ်းများ သည် ယေဘုယျအားဖြင့် ကွင်းဆက်ရှိနေပြီး နားလည်မှုဖြင့် ဆောင်ရွက်လျက်ရှိကြောင်းနှင့် အများအားဖြင့် ပြစ်မှုများတွင် အဆိုပါအခြေအနေများကို တွေ့ရှိရကြောင်း အဆိုပါကော်မတီက အစီရင်ခံစာ၌ ဖေါ်ပြခဲ့ဖူးသည်။

တရားစီရင်ရေးဟုဆိုရာတွင် တရားသူကြီးများသာမက တရားရေး ဝန်ထမ်းများ၊ ရှေ့နေများ၊ ဥပဒေ ဝန်ထမ်းများ၊ တရားစွဲ အဖွဲ့အစည်းများ၊ ဝန်ထမ်း အကြီးအမှူးဖြစ်သော ညွှန်ကြားရေးမှူးချုပ်အဆင့် တာဝန်ထမ်းဆောင်သူများမှ အဆင့်ဆင့် စာပို့လုလင်အထိ ပါ ဝင်ဆက်စပ်လျက်ရှိရာ ၎င်းတို့အားလုံး၏ အဂတိလိုက်စားမှုကို ထင်သာမြင်သာအောင် ဖော်ထုတ်နိုင် ရေးသည် လွယ်ကူသောကိစ္စမဟုတ်ကြောင်း ကော်မတီက လွှတ်တော်သို့ အစီရင်ခံစာတင်သွင်းရာတွင် ဖေါ်ပြခဲ့သည်။

နိုင်ငံတစ်နိုင်ငံ၏ စာရိတ္တမဏ္ဍိုင် ကြံ့ခိုင်ရေးအတွက် တရားစီရင်ရေးအာဏာပိုင်ဆိုင်သည့် တရားရုံးများ တောင့်တင်းခိုင်မာ ရန်လိုသည်။ တရားစီရင်ရေးမဏ္ဍိုင် ယိုယွင်းလျှင် နိုင်ငံ ဘက်ပေါင်းစုံ ချွတ်ခြုံကျကာ ဆင်းရဲမွဲတေမှုနှင့် ရင်ဆိုင်ရတတ် သည်။ လွန်ခဲ့သော နှစ် ၅ဝ ကျော် မြန်မာနိုင်ငံအခြေအနေကို ပြန်လည်သုံးသပ်ကြည့်လျှင် တရားစီရင်ရေးနှင့်တကွ အစိုးရ ဝန်ထမ်းများ စာရိတ္တမဏ္ဍိုင်ယိုယွင်းသဖြင့် စီးပွားရေးမျှမက ဘက်ပေါင်းစုံတွင် နိမ့်ကျခဲ့ရသည်။

အဂတိလိုက်စားမှု အခြေအနေများကို စောင့်ကြည့်လျှက်ရှိသော Transparency International အဖွဲ့၏ ၂ဝ၁၆ ခုနှစ် အစီရင်ခံစာအရ ကမ္ဘာ့နိုင်ငံပေါင်း ၁၇၆ နိုင်ငံအနက် မြန်မာနိုင်ငံသည် အဂတိလိုက်စားမှု အဆင့် ၁၃၆ တွင် ရှိသည်။ အမှတ် ၁ဝဝ ပေးရာတွင် မြန်မာသည် ၂၈ မှတ်သာ ရရှိသည်။ ထိုင်းနိုင်ငံက အဆင့် ၁ဝ၁ ဖြင့် ၃၅ မှတ်၊ ဗီယက်နမ်က အဆင့် ၁၁၃ ဖြင့် ၃၃ မှတ်၊ လာအိုက အဆင့် ၁၂၃ ဖြင့် အမှတ် ၃ဝ အသီးသီး ဖြစ်သည်။ အာဆီယံအဆင့်၌ မြန်မာနိုင်ငံ၏ နောက်တွင် ကမ္ဘောဒီးယားနိုင်ငံသာရှိသည်။ ကမ္ဘောဒီးယားက အဆင့် ၁၅၆ ဖြင့် ၂၁ မှတ်သာရရှိသည်။ ထို့ကြောင့် မြန်မာနိုင်ငံ ဘက် ပေါင်းစုံ ဖွံ့ဖြိုးမှု နိမ့်ကျဆင်းရဲမွဲတေရသည့် အဓိကအချက်များထဲတွင် တရားစီရင်ရေးအပါအဝင် အစိုးရယန္တရားအတွင်း အဂတိ လိုက်စားမှု အကျင့်ပျက်ခြစားမှု အခြေအနေသည် ညံ့ဖျင်းနေဆဲ ဖြစ်သည်။

ကမ္ဘာတွင် အကျင့်ပျက် ခြစားမှု အဆိုးဆုံး ၅ နိုင်ငံမှာ ဆီးရီးယား (အဆင့် ၁၇၃)၊ မြောက်ကိုးရီးယား (၁၇၄)၊ တောင်ဆူဒန် (၁၇၅)၊ ဆိုမာလီ (၁၇၆) စသဖြင့် ဖြစ်သည်။

Transparency International အဖွဲ့ ဥက္ကဋ္ဌ ဂျို့စ် အူပတ်ဇ် (José Ugaz)က “အကျင့်ပျက် အဂတိလိုက်စားတဲ့ အာဏာပိုင် လူတစ်စုက တရားဥပဒေအထက်မှာ ရှိနေပြီး အလျှံပယ်ကြွယ်ဝတဲ့ စည်းစိမ်ချမ်းသာတွေကို ခံစားနေခိုက်မှာ နိုင်ငံများစွာရှိ အခြေခံနိုင်ငံသူနိုင်ငံသားအများအပြားဟာ  ညစဉ်ညတိုင်း ညစာမစားရဘဲ ဆာလောင်မွတ်သိပ်နေရင်း အိပ်ယာဝင်ကြရ တယ်။” ဟု မှတ်ချက်စကား ပြောကြားထားသည်။

သို့ဖြစ်၍ မြန်မာနိုင်ငံအဂတိလိုက်စားမှုတိုက်ဖျက်ရေးကော်မရှင်အဖွဲ့ဝင်များ၏ အသက်ကို(၇၅)နှစ်အထိ တိုးမြှင့်သတ်မှတ် ခြင်းကို ပြည်သူတို့က ကြိုဆိုကြမည်ဟု ယုံကြည်ပါသည်။ ကော်မရှင်အတွင်း အတွေ့အကြုံရှိ ဝါရင့်ပညာရှင်များပါဝင်လာ ပါက လာဘ်ပေးလာဘ်ယူမှုများ တဖြေးဖြေး ကျဆင်းအောင် ဆောင်ရွက်နိုင်ဖွယ်ရှိမည်ဟုလည်း မျှော်လင့်နေကြသည်။ သို့သော် အစိုးရ၏ တိကျပြတ်သားသော အဂတိတိုက်ဖျက်ရေး မူဝါဒ ချမှတ်ထားရေးလည်း လိုပါသည်။ မူဝါဒနှင့်အညီ လုပ်ငန်းအကောင်အထည်ဖေါ်ရေးအတွက် ကော်မရှင်အဖွဲ့ဝင်များအား အစိုးရကက်ဘိနက်အဖွဲ့ဝင်များနှင့်တကွ လွှတ် တော် ကိုယ်စားလှယ်အားလုံးကလည်း ဝန်းရံထောက်ခံ ကူညီကြရန်လိုပါသည်။ ဤကိစ္စသည် အစိုးရ၏ ဂုဏ်သိက္ခာ နှင့်တကွ နိုင်ငံ့ ပုံရိပ် တိုးတက်မြင့်မားရေးနှင့်ပါဆက်စပ်နေသဖြင့် ပြည်သူလူထု၏ ပူပေါင်းကူညီနိုင်ခွင့်ကိုလည်း လမ်းဖွင့် ပေးရပါမည်။ အကျင့်ပျက် အရာထမ်း အမှုထမ်းများကိုယ်တိုင်ကလည်း မိမိတို့ အကျင့်ဟောင်းများကို ခဝါချ၍ ဒီမိုကရေစီ ရပိုင်ခွင့်များနှင့် ထိုက်တန်သော အကျင့်စာရိတ္တကို ထူထောင်ကြရပါမည်။ အထက်အရာရှိအဆင့်ဆင့်ကို လာဘ်ငွေရှာပေး ရသည့် စနစ်ကို အစိုးရဝန်ထမ်းများကိုယ်တိုင် ဆန့်ကျင်တိုက်ဖျက်ရန် လိုပါသည်။ ထိုသို့ အဂတိလိုက်စားမှုတိုက်ဖျက်ရာ ၌ ကူညီသတင်းပေးသည့် ဝန်ထမ်းများကိုလည်း ဝန်ကြီးဌာနအလိုက် ဂုဏ်ပြုချီးမြှင့်မှုများဖြင့် အားပေသည့် အစီအစဉ်များ ချမှတ် လုပ်ဆောင်သင့်ပါသည်။

လက်ရှိ နိုင်ငံရေးစနစ်ပြုပြင်ပြောင်းရေးကာလတွင် အဟောင်းကိုဖက်တွယ်ကာ အကျင့်ပျက်မြဲ ပျက်နေသော အရာထမ်း အမှုထမ်းများနှင့် မူသစ် လူသစ်ဖြင့် နိုင်ငံကို ပြန်လည်မြှင့်တင်လိုသော အသစ်လိုလားသည့် ဝန်ထမ်းများအကြား ပဋိပက္ခ များလည်း ရှိနေဆဲဖြစ်သည်။ ၂ဝ၁၇ ဇူလိုင် ၆ ရက်နေ့က တရားစီရင်ရေးကဏ္ဍ အလုပ်ကောင်းကောင်းမလုပ်ပါက လိုအပ် သည့် အရေးယူဆောင်ရွက်မှုများ ပြုလုပ်ရန် အုပ်ချုပ်ရေး (အစိုးရ) အနေနှင့် တာဝန်ရှိကြောင်း နိုင်ငံတော်၏ အတိုင် ပင်ခံပုဂ္ဂိုလ် ဒေါ်အောင်ဆန်းစုကြည် က မီဒီယာများအား ပြောကြားသည့် သတင်း ကြားရသည်။ ဇူလိုင် ၆ ရက်နေ့ နံနက်ပိုင်း တွင် နော်ဝေနိုင်ငံ နိုင်ငံခြားရေး ဝန်ကြီး H.E. Mr Borge Brende နှင့်အဖွဲ့အား လက်ခံတွေ့ဆုံပြီးနောက် သတင်းစာရှင်းလင်းပွဲပြုလုပ်ခဲ့စဉ် Reuters သတင်းဌာန၏ မေးခွန်းကိုဖြေဆိုရာ၌ ထိုသို့ပြောခဲ့ကြောင်းသိရသည်။

ယခုအခါ နိုင်ငံရေးအရ ဒေါ်အောင်ဆန်းစုကြည်ဦးဆောင်သော သမ္မတ ဦးထင်ကျော်အစိုးရ သက်တမ်း ၂ နှစ် ကာလခရီး အထိ ရောက်ရှိခဲ့ပြီ ဖြစ်သည်။ ပညာပေးကာလ အနေဖြင့် အကျင့်ပျက်ဝန်ထမ်းများကို ဆုံးမရုံ သတိပေးရုံလုပ်ခဲ့ပြီး မိသားစု ဘဝများကို ထောက်ထားကာ ဥပဒေကြောင်းအရ တရားစွဲဆို အပြစ်ပေးမှုများ နည်းပါးခဲ့သည်။ ဤသည်ကို အကျင့်ပျက် ဝန်ထမ်းများက အခွင့်ကောင်းယူကာ လာဘ်ယူမြဲ ယူနေခဲ့သည်။ ပြည်သူကို မောက်မောက်မာမာ ဆက်ဆံနေဆဲဖြစ်သည်။ ဤပုံအတိုင်း ဆက်သွားနေပါက အစိုးရအား ပြည်သူတို့ယုံကြည်မှု ပျက်ပြားလာနိုင်သည်။ ထို့ကြောင့် “အဂတိလိုက်စားမှု တိုက်ဖျက်ရေးကော်မရှင်အဖွဲ့” ကို စနစ်တကျ ပြန်လည်ဖွဲ့စည်းပြီးပါက ကော်မရှင်အဖွဲ့ဝင်သစ်များအနေဖြင့် နိုင်ငံတော်၏ အတိုင်ပင်ခံပုဂ္ဂိုလ်ချမှတ်ထားသည့် မူဝါဒနှင့်အညီ မျက်နှာကြီးရာ ဟင်းဖတ်မပါစေဘဲ တာဝန်ထမ်းရွက်ကြရမည်ဖြစ်သည်။ တာဝန်ယူမှု၊ တာဝန်ခံမှု၊ ပွင့်လင်းမြင်သာမှုတို့ဖြင့် နိုင်ငံ့အကျိုးကို မျက်နှာမူကာ အဂတိလိုက်စားမှုတိုက်ဖျက်ကြရပေမည်။ သို့မှသာ လူထုက အစိုးရအား၎င်း၊ ကော်မရှင်အား၎င်း၊ ယုံကြည်အားကိုးကြမည်ဖြစ်သည်။ ယုံကြည်အားကိုးထိုက်ခြင်း ရှိ/မရှိကို ပြည်တွင်းပြည်ပ သတင်းမီဒီယာများနှင့် လူမှုအဖွဲ့အစည်းများကလည်း စောင့်ကြည့်နေကြကြောင်း သတိပြုသင့် ပေသည်။ 

Photo credit : Daily Mail