သူသူမေ (မော်ကျွန်း) ● ဂလိုဘယ်​လိုက်​​ဇေးရှင်း၏ တည့်​ခင်းဧည့်​ခံမှုများ

သူသူမေ (မော်ကျွန်း) ● ဂလိုဘယ်​လိုက်​​ဇေးရှင်း၏ တည့်​ခင်းဧည့်​ခံမှုများ
(မိုးမခ) သြဂတ်စ် ၉၊ ၂၀၁၇

ယေ​န့ခေတ်​တွင်​ ကမ္ဘာကြီးအား​ ရွာကြီးတရွာအလား ​ပြောစမှတ်​ပြုကြပြီးဖြစ်​သည်​ကို လူတိုင်းအသိပင်​ဖြစ်​သည်​။ ကမ္ဘာ ကြီးမှာ မည်​သည့်​အချိန်​က ရွာကြီးဖြစ်​သွားပါသနည်း။ တစ်​ဦးစီအ​နေနှင့်​မူ သိရှိချိန်​ကွာခြားကြပါလိမ့်​မည်​။ သို့​သော်​ အားလုံး ပင်​ အ​နှေးနှင့်​အမြန်​ဆိုသလို ထိုရွာကြီးထဲသို့​ ရောက်​ဖြစ်​သွားကြရပါသည်​။ ကျွန်မ​တို့သည်​ ထိုရွာကြီး၏​နေရာဋ္ဌာန အသီးသီးတွင်​​နေထိုင်​ရင်း အ​ရှေ့ပိုင်းနှင့်​ အ​နောက်​ပိုင်း၊ ​တောင်​ပိုင်းနှင့်​ ​မြောက်​ပိုင်း စသဖြင့်​ အချင်းချင်း စကားစမြည်​​ပြော ဖြစ်​ကြမည်​။ နှုတ်​ခွန်းဆက်​သဖြစ်​ကြမည်​။ ခင်​ကြ မင်​ကြမည်​။

သံ​ယောဇဉ်​ ဖြစ်​ကြ​မည်​။နေ့စဉ်​လိုလို​တွေ့ဖြစ်​မြင်​ဖြစ်​ကြ​ပေလိမ့်​မည်​။ ထိုသို့​သောအခါ ကျွန်​မတို့၏ လူမှု​ရေးကဏ္ဍများမှာ ပိုမို ကျယ်​ပြန့်​လာသကဲ့သို့ ​နေ့စဉ်​မြင်​​တွေ့ကြရသည့်​ အနိစ္စ၊ ဒုက္ခ၊ အနတ္တတရားများအားလည်း ပိုမိုကျယ်​ပြန့်​စွာ မြင်​​တွေ့ကြ ရပါသည်​။

ယခင်​ ငယ်​စဉ်​​ကာလ မြို့ငယ်​​လေးများ၌ အနည်းငယ်​​သော အိုမှု နာမှု​ သေမှုတို့တွင်​ စုတ်​တသသတကြရသည်​။အနိစ္စ ဒုက္ခ အနတ္တ တရားများအားဆင်​ခြင်​ရသည်​။ အဆိပ်​​သောက်​ခြင်းနှင့်​ ကိုယ့်​ကိုယ်​ကို အဆုံးစီရင်​မှုခိုက်​ရန်​ဖြစ်​ပွားမှု၊ အပုံတစ်​ရာပုံ လျှင်​ တပုံသာလာနိုင်​​ချေရှိသည့်​ လျှပ်​စစ်​မီးနှင့်​ ဓာတ်​လိုက်​​​၍သေဆုံးရသည့်​အမှုများမှာ ကြိုကြား ကြိုကြား ကြားရတတ်​​သော မြို့တွင်းသတင်းထူး သတင်းဦးများဟု ဆိုရမည်​ပင်​။ ​သေခြင်းတရား၊ နာခြင်းတရားများမှာ ယခုနှင့်​ယှဉ်​လျှင်​​​ အသိရ အလွန်​နည်းခဲ့၏။ ​

တဒေသနှင့်​ တဒေသကြားတွင်​ လမ်းခရီးကြန့်​ကြာမှု တံတိုင်းကြီး ကာဆီးထား၏။ သတင်းအချက်​အလက်​များမှာလည်း စီး​တော်​ယာဉ်​မဲ့​နေသည့်​ ​ခြေပျက်​ လက်​ပျက်​များ သဖွယ်​ပင်​ဖြစ်​သည်​။ ယခင်​က သတင်းစာဂျာနယ်​များမှာလည်း ယခု​လောက်​မများပြားကြပါ။ မိမိအ​နေဖြင့်​မူ ​သေချာမှတ်​မိသည်​မှာ​ ​ရွှေ​သွေးနှင့်​ အလင်းတန်း​လောက်​သာ သိ​ပေသည်​။

နိုင်​ငံပိုင်​သတင်းစာမှာမူ ​ကြော်​ငြာနှင့်​ နာ​ရေးအတွက်​အလွန်​အားထားရ​သော သတင်းစာဖြစ်​ပါသည်​။ ကျွန်​မမှာ သတင်း စာကြည့်​လျှင်​ အ​နောက်​မှစ၍ ကြည့်​တတ်​သူ ဖြစ်​သည်​။ အ​နောက်​ဆုံးစာမျက်​နှာ ... ရန်​တိုက်​​ပေး​နေသည်​။ ​သွေးထိုး​နေ သည်​။ ခ​လောက်​ဆံ အ​ကောက်​ကြံ​လေလှိုင်းသံများ နားမ​ယောင်​​လေနှင့်​ သတိထား... မှသည်​ ဦးတည်​ချက်​ ၁၂ ဆီသို့ အစဉ်​လိုက်​ ဖတ်​​နေကျဖြစ်​သည်​။ ထိုအထဲရှိ နာ​ရေး​ကြော်​ငြာများတွင်​မူ  မမြင်​မ​တွေ့ရဖူး​သော ကွယ်​လွန်​သူများ၏ အသက်​များအား လိုက်​ကြည့်​သည်​။ ထို့​နောက်​ အို ...ဖြစ်​ရ​လေ..ငယ်​ငယ်​က​လေးပဲ၊ အို့..အသက်​ရှည်​လိုက်​တာ စသဖြင့်​ ​ရေရွတ်​ရင်း ရှုပွားရသည်​။ ထို့​နောက်​ ​ကြော်​ငြာများမှ ရုပ်​ပုံများ၊ ကြီးကြီးကျယ်​ကျယ်​ ​ရေးသားချက်​များအား ဖတ်​သည်​။ ထို့​နောက်​တွင်​ လယ်​ယာစိုက်​ပျိုး​ရေးကဏ္ဍ၊ စက်​မှုကဏ္ဍများ ထည့်​တတ်​သည်​။ စက်​မှုစွမ်းအား ပြည်​ထွန်းကား။ ပြည်​တွင်းဖြစ်​ကို အား​ပေးပါ စသဖြင့်​ ​ဆောင်​ပုဒ်​များအား မှတ်​မိသည်​။ ဂျစ်​ကားကြီးများ၊ ပါထိုင်းလုံချည်​များ၊ ဆပ်​ပြာခဲများအား မှတ်​မိသည်​။ ​နောက်​ဆုံးတွင်​မှ ​ခေတ်​မီဖွံ့ဖြိုးတိုးတက်​ ​​သော မြန်​မာနိုင်​ငံကြီး၏ ဆည်​​မြောင်းတာတမံများ၊ တံတားများ တည်​​ဆောက်​​နေမှုအား သတင်းစာပါ အကြီးအကဲ ကြီးများနည်းတူ တမြုံ့မြုံ့စံစားသည်​။ ကျွန်​မမှာ အ​ကြောင်းအရပ်​ အ​တော်​များများတွင်​ ​သောကနှင့်​ ​ပျော်​ရွှင်​ဖွယ်​ရာယှဉ်​လာလျှင်​ ​သောကအား ဦးစွာရင်​ဆိုင်​ပြီး​မှသာလျှင်​ ချမ်းသာသုခအား စိတ်ေ​အးလက်ေ​အး တစိမ့်​စိမ့်​စံစားလိုသူအမျိုးအစား ဖြစ်​မည်​။

ယ​ခုမူ သတင်းစာမဖတ်​ဖြစ်​သည်​မှာ ကြာပြီဖြစ်​၍ ထိုအမူအကျင့်​များအား ​မေ့​ပျောက်​လုနီးနီးဟု ဆိုရမည်​။ခေတ်​စနစ်​သည်​လည်း သတင်းစာဖတ်​ရန်​မလိုဘဲနှင့်​ပင်​ သတင်းများမှာ နားဝတွင်​ စီတန်း၍ သူ့ထက်​ငါအပြိုင်​လာတိုး​ နေကြသ​ယောင်​ များပြားလှ၏။ ယခင်​​ခြေ​ထောက်​မ​ပေါက်​သည့်​သတင်းများမှာလည်း ​ခြေ​ထောက်​သာမက ​တောင်​ပံပါ​ ပေါက်​​နေကြပြီဟု ဆို ရ မလားပင်​။ နေ့ဓဓူဝ ​လေလှိုင်း​ပေါ်တွင်​ သတင်းများ ပလူပျံလျက်​ရှိသည်​။ သတင်း​ကောင်းများ ရှသလို သတင်းဆိုးများ ရှိသည်​။ သတင်းမှန်​များ ရှိသလို သတင်းမှားများ ရှိသည်​။ ဒ​လ​ဟောစီးဆင်း​နေ​သော သတင်းပင်​လယ်​ပြင်​တွင်​ အမှိုက်​များ၊ ဒိုက်​များ၊ အပုတ်​ ​​ကောင်​များ၊ ပန်းပွင့်​များ မျိုးစုံ​အောင်​​မျောပါလာကြ​ပေမည်​။ မျက်​စိတွင်​ ​ရေစစ်​ခံ၍မရ။ ဦး​နှောက်​ဖြင့်​ ဆယ်​ယူကြရ၏။ နှလုံးသားဖြင့်​ မျှဝေခံစားကြရ၏။ ​ခေတ်​မှာလည်း ပုရွက်​ဆိတ်​နှစ်​​ကောင်​ ရန်​ဖြစ်​သည်​မှအစ သမ္မတအီး​ပေါက်​သည်​အထိပင်​ သတင်းလုပ်​တင်​ချင်​ကြသည့်​​ခေတ်​ ဖြစ်​သည်​။

ကျွန်​မတို့အားလုံးပင်​ ထိုသတင်းပင်​လယ်​ပြင်​တွင်​ စီး​မျောရင်း ရံဖန်​ရံခါ ကျွန်မ​တို့သည်​ပင်​ သတင်းတခု၏ရင်းမြစ်​ဖြစ်​လာ တတ်​ပြန်​ပါသည်​။ ​သာ​ရေးနာ​ရေးများမှာလည်း ယခုဖြစ်​ ယခုသိ လတ်​ဆတ်​ခြင်းအပြည့်​ဖြင့်​ သံ​ဝေဂရစရာများမှာ အင်​နှင့် အားနှင့်​ ဟုန်​သွားရ​လောက်​​အောင်​ပင်​ များလွန်းလှ​ပေ၏။ အချို့မှာ နှုတ်​ဆက်​စကားဆို၍မှမပြီးခင်​ ကွယ်​လွန်​သူစာရင်းသို့ ​ရောက်​ရှိသွားရ၏။ အချို့မှာလည်း မြင်​​နေ​တွေ့​နေရင်းဖြင့်​ပင်​ ​အောင်​မြင်​မှုတခုဆီသို့ ​​လှမ်းတက်​သွားကြ၏။ ကမ္ဘာကြီးအား ရွာကြီးတစ်​ရွာဖြစ်​​စေသည့်​ ထို​လေလှိုင်းများအတွင်း လူတဦးချင်းစီသည်​  ကိုယ်​ပိုင်​အမှတ်​အသား၊ ကိုယ်​ပိုင်​ရပ်​တည်​ချက်​တစ်​ခုစီဖြင့်​ ​အ​ခြေချ​နေထိုင်​ကြပါသည်​။ ထိုရပ်​တည်​ချက်​သည်​ပင်​ ​ထိုသူ၏​နေထိုင်​ရာ အိမ်​လေလိပ်​စာတခုဟု ဆိုရမည်​​ဖြစ်​သည်​။ ဤ​နေရာတွင်​မူ ကမ္ဘာ​မြေကြီး​ပေါ်ရှိ အိမ်​​မြေ ​နေရာဖွဲ့စည်းပုံနှင့်​ ပြဒါးတလမ်း သံတလမ်းကွာခြားသွားပါ​သည်​။

ကမ္ဘာ​မြေကြီးရှိ ​နေရာထိုင်​ခင်းများမှာ ​ငွေ​ကြေးကိန်းဂဏန်းများ​ဖြင့်​ ဖွဲ့စည်းထားခြင်းဖြစ်​ပြီး ​လေလှိုင်း​ပေါ်ရှိ အိမ်​​လေ​နေရာ ထိုင်​ခင်းမှာမူ စိတ်​ဓာတ်​များ၊ အကျင့်​စရိုက်​များ၊ ခံယူချက်​များ၊ ဝါသနာများဖြင့်​သာ အရင်းခံဖွဲ့စည်းထားခြင်း ဖြစ်​သည်​။ထို​လေလှိုင်းကြီးအတွင်း လူအများအဖို့ ၎င်းတို့စိတ်​ဝင်​စား​ပျော်​​မွေ့ရာအရပ်​တွင်​ပင်​ အိမ်​နီးချင်းများ၊ ခင်​မင်​ရင်းနှီသူများ၊ မျက်​မှန်းတန်းမိ​နေသူများဖြင့်​ ​တဖြည်းဖြည်း ခိုင်​ခံ့​တောင့်​တင်းလာသည့်​ အုတ်​မြစ်​ကြီး သဖွယ်​ ဖြစ်​​နေ​ပေ​တော့သည်​။ အပြင်​တွင်​ အိမ်​လည်​အတူထွက်​သကဲ့သို့ ​လေလှိုင်း​ပေါ်တွင်​ အလည်​ထွက်​၍ရသည်​။

ပျော်​စရာများအား ​ခေါ်ယူပြသ၍ရသည်​။ လက်​ဘက်​ရည်​ဆိုင်​ထိုင်​၍ စကားဝိုင်းဖွဲ့သကဲ့သို့ ​လေလှိုင်း​ပေါ်တွင်​ စကားဝိုင်း ဖွဲ့၍ရသည်​။ ​တိုက်​ရိုက်​​တွေ့မြင်​လို​လျှင်​လည်း ရသည်​။ လေလှိုင်းအ​ဆောက်​အ​အုံမှာ​​ ​မြေပြင်​အ​နေအထားနှင့်​ ထပ်​တူနီးပါး ထိပင်​ တုပပြိုင်​ဆိုင်​ ထိုး​ဖောက်​လာပါသည်​။

ယခုအခါ လူအများမှာ ​မြေကြီး​ပေါ်တွင်​ ထိုင်​ရင်း​ဝေဟင်​​ပေါ်တွင်​ ပျံသည်​။ မြေပြင်​မိတ်​​ဆွေများနှင့်​ ဆုံညီစား​သောက်​ကြရင်း ​ဝေဟင်​အ​ပေါင်းအ​ဖော်​များနှင့်​ စကားလက်​ဆုံကျကြသည်​။ နည်းပညာ၏လက်​ခုပ်​ထဲတွင်​ နီးခြင်း​ဝေးခြင်း ပညတ်​များလည်း ​ရွေ့လျား​ပြောင်းလဲသွား​ရ၏။

နေ့စဉ်​ပင်​ ​ထောင်​​သောင်းချီ​သောမြို့များ၊ ထောင်​​သောင်းချီ​သောနိုင်​ငံများမှ မ​တော်​တဆမှုများအား လည်း ကြားကြရသည်​။ လမ်းမ​ပေါ်မှ ​သွေးစွန်းအနာတရများ၊ စက်​​ခေါင်းတိုင်​မှ အခိုးအ​ငွေ့များ၊ အနယ်​နယ်​အရပ်​ရပ်​မှ မျက်​ရည်​များ၊ အပြုံးများ၊ ရယ်​​မောသံများ၊တရားဓမ္မ​များ၊ အဓမ္မဝါဒီများသည်​ ​မှန်​သားပြင်​မှတဆင့်​ ရိုက်​ခတ်​လာကြ၏။ ​သတင်း​ဆိုးများ၊ သတင်း မှားများသည်​ လူအများ၏ စိတ်​နှလုံးများ၊ ​တွေး​ခေါ်ဆင်​ခြင်​နိုင်​မှုများ၊ ထိန်းသိမ်းနိုင်​မှုများအား စိန်​​ခေါ်လာကြပြီဖြစ်​သည်​။

ထင်​မြင်​ချက်​များ၊ သ​ဘောထားကွဲလွဲချက်​များဖြင့်​ စိတ်​ပိုင်းဆိုင်​ရာတိုက်​ပွဲများ ပြင်းထန်​လာကြသည်​လည်း ရှိကြ၏။ မြင်​မြင်​သမျှသတင်းအား ကိုယ်​​ရောစိတ်​ပါနှစ်​ဖြာ သုံး​ဆောင်​၍ မဖြစ်​နိုင်​​တော့​ပြီ။ ဤအခြင်းအရာတွင်​ကား မိမိတို့နိုင်​ငံရှိ သာမန် လူတန်း စားများမှာ​​​ ကမ္ဘာရွာကြီးထဲသို့ ​အ​ရောက်​​နောက်​ကျခဲ့မှုသည်​လည်း အ​ကြောင်းအချက်​တခုအဖြစ်​ပါဝင်​ပါသည်​။ ရွာ ကြီး၏အ​ကြောင်းအား ရွာကြီးထဲသို့ ကိုယ်​တိုင်​ဝင်​ကြည့်​ခွင့်​မရဘဲ ရွာပြင်​မှပင်​စာအုပ်​​များဖြင့်​ ​ချောင်း​မြောင်းကြည့်​ခဲ့ကြ ရ၏။ ထိုစာအုပ်​များရှိ အင်​တာနက်​ဟူ​သော ကဏ္ဍတွင်​ပြသထားသည့်​ ဖိုတို​ရှော့များသည်​ပင်​ မျက်​စိအမြင်​တွင်​ အလွန်​ထူးကဲ​နေ ခဲ့ဖူးသည်​။ ၂၁ ရာစု​ ကျောက်​​ခေတ်​လူသားများ ဖြစ်​မှန်းမသိဖြစ်​ခဲ့ကြရ​ပေသည်​။

ယခုဆိုလျှင်​မူ ကျွန်မ​အပါအဝင်​ အားလုံးနီးပါးပင်​ ​ဒလ​ဟောစီးဆင်းလာသည့်​ သတင်းပင်​လယ်​ပြင်​တွင်​ မျက်​စိသူငယ်​ နား သူငယ်​ဖြင့်​ အတန်​ကြာကူးခတ်​ခဲ့ကြဖူးပြီးသူများဖြစ်​သည်​။ အရာတခု၏​နောက်​တွင်​ ဘေးထွက်​ဆိုးကျိုးသည်​ အစဉ်​အသင့်​ ရပ်​​နေမည်​ဖြစ်​သဖြင့်​ ဘာကို​ရွေးချယ်​သုံး​ဆောင်​ကြပါမည်​နည်း။ ​ကမ္ဘာရွာကြီးသည်​ ဟင်းလျာစုံလင်​စွာဖြင့်​ တည့်​ခင်းဧည့်​ခံ​နေ​ပေပြီ။