ကျော်ကျော် (မြရည်စမ်း) ● လွမ်း​နေကြသူများနှင့်​ လွမ်း​နေရသူများ

ကျော်ကျော် (မြရည်စမ်း) ● လွမ်း​နေကြသူများနှင့်​ လွမ်း​နေရသူများ
(မိုးမခ) သြဂတ်စ် ၇၊ ၂၀၁၇

မိုးက တနေကုန်​​အောင်​ပင်​ သွန်​ချသလိုရွာပစ်​သည်​။ မိုးတိတ်​သွားသည့်​ ည​နေခင်းသည်​ အလွမ်းစိုစိုတို့ကို ထုထည်​ကြီးမား လာ​စေသည်​ ထင်​၏။ ကချင်​ပြည်​နယ်​မှ ကျ​နော်​​နေထိုင်​ရာ ​တောင်​တန်းများဝန်းရံ​နေသည့်​ မြို့ငယ်​​လေးသည်​ ဘယ်​​နေရာ​မျှော်​ကြည့်​ကြည့်​ လွမ်း​မောဖွယ်​အတိ။ ဒီ​တနေ့အဖို့ ​နေ​ရောင်​ခြည်​ကို ​မျှော်​၍ မရနိုင်​​တော့ပြီ...။ အလွမ်း...။ မိုးရွာပြီးစ ည​နေခင်း​လေးသည်​ အလွမ်းတို့ကို စိုအိလာ​စေ​တော့သည်​။

မ​နေ့ညက ​ဖေ့စ်​ဘုတ်​သုံးရင်း မိုင်​​ထောင်​ချီ​ဝေးသည့်​ ကမ္ဘာ့တဖက်​ခြမ်းတ​နေရာမှ ​ရေးတင်​လိုက်​​သော စာ​လေးကို ဖတ်​ရ သည်​။ ထိုစာ​လေးက အမှတ်​မထင်​ရင်​ထဲစူးနစ်​ချိတ်​တွယ်​​နေခဲ့သည်​။ ယခုလည်း ​မြောက်​ဖျားသို့သာ တလိပ်​လိပ်​တက်​​နေ ဆဲဖြစ်​သော တိမ်​ညိုအစိုင်​အခဲများကို ကြည့်​​နေရင်း သူတို့ကို ​တောင်​ဘက်​သို့ စုန်​​စေချင်​​နေမိသည်​။ အကယ်​၍ သူတို့စုန်​ဆင်းပါက ရူးနှမ်းသည်​ဟုဆိုကြဆိုကြ ကျ​နော်​လိုက်​ပါခွင့်​​ တောင်းမိမည်​လား မ​ပြောတတ်​​တော့ပါ။ အသွင်​အမျိုးမျိုး​ပြောင်း လဲကာ အလိပ်​လိုက်​တက်​​နေ​သော မိုးတိမ်​ထုများ​အ​ပေါ်တွင်​ ​ဖေ့စ်​ဘုတ်​မှာဖတ်​ရပါ​သော စာသား​လေး နွဲ့​နှောင်း​ပျော့​ပျောင်း စွာ ​ပေါ်လာပြန်​သည်​။

အလွမ်းအိုင်ချင်း

ချစ်တဲ့သူငယ်လေ
သူငယ်ချင်းငယ်ကောင်း အောဖျန့်တို့လေ။
ညကအလုပ်သွားဖို့ကားရပ်ရာနေရာဆီ
ဒီလမ်းကြားလေးထဲကဖြတ်အသွား
အမှတ်မထင်ရေအိုင်လေးကိုတွေ့တော့
နောက်ကြောင်းပြန်လှည့်အခန်းထဲက ကင်မရာပြန်ယူ
ကဗျာကယာဓာတ်ပုံရိုက်ထားလိုက်မိတယ်
မနေ့က နေလည်းသိပ်မကောင်းဘူးလေ
အအေးမိနှာစေး ကိုယ်လက်ကိုက်ခဲ
တနေ့ကုန်မိုးရယ်ကစွေစွေ လွမ်းနေရတဲ့အထဲ
အိုင်စရာပုံစံရှားလို့ ရေအိုင်က
မြန်မာပြည်မြေပုံနဲ့မှ တူအောင်အိုင်ရလား
အိုင်မယ်ဆိုလည်း လွတ်လွတ်ကင်းကင်းအိုင်ပေါ့ကွယ်
တောင်ပတ်လည်နှင့်
မိုးဖီးလ်ဆိုသည် တောင်ပေါ်မြို့မှာ
မောင့်လွမ်းဖွယ်လေး။

သန်း​ဌေး​မောင်​
ဇူလိုင်၊၂၉ ၊၂၀၁၇

တိမ်​အဆင်​​တွေသာ အမျိုးမျိုး​ပြောင်းသွား​သော်​လည်း စာသား​လေးက မ​ပြောင်းမလဲတွယ်​ငြိ​နေဆဲ။
+++++++++++++++++

ယုံကြည်​ချက်​နှင့်​ခံယူချက်​​ကြောင့်​ အမိ​မြေနှင့်​​ဝေးကွာ​နေခဲ့ကြရသူများ ​နေရပ်​မပြန်​နိုင်​ကြ​သေး။ေ​ဝးနေရသည်​။ ဝေးကြရ သည်​။ တချို့က အမိ​မြေနှင့်​ ​ဝေးကွာရသလို၊ တချို့က​တော့ ဇာတိ​မြေနှင့်​ ​ဝေးရသည်။ တချို့မှာမူ အိမ်​တိုင်​နွယ်​ရစ်​​နေသည်​ကိုပင်​ သွားမဖြုတ်​ရဲ၊ မလှမ်းမကမ်းမှ ​ငေးကြည့်​​နေရဆဲ။ ထရပ်​ကားအစုတ်​၏ ဝမ်းဗိုက်​ထဲ ထည့်​​မောင်းခံရသည့်​ ဆီးဖြူသီး များပမာ အားလုံးနီးပါး တည်​ငြိမ်​မှုမရနိုင်​ကြ​သေး။ အစိုးမရ ကြ​​သေး။ တိမ်​ကိုစီးပြီး ​အောက်​ပြည်​​အောက်​ရွာခရီးနှင်​ချင်​သည့် ​ကျ​နော်​စိတ်​သည်​လည်း မိုး​လေ​အေး​အေးထဲတွင်​ ဘယ်​လိုမှပင်​ မစိုးမရချင်​​တော့။ စိတ်​သည်​ လျှင်​မြန်​လွန်း​သော အဟုန်​ဖြင့်​ အတိတ်​သို့တရစပ်​ကြီး ​ရွက်​လွှင့်​သွား​လေ​တော့သည်​။
+++++++++++++++

လွမ်းကြသည်​။ လွမ်းတတ်​ကြပါသည်​။ ကျ​နော်​လည်း လွမ်းဖူးသည်​။ လွမ်းသည့်​ကိစ္စကို တဦးတည်း မူပိုင်​ထားခွင့်​ရှိသလား။ မရှိသလား..ဟူ၍ ဘယ်​​သောအခါမှ မစဉ်းစားမိခဲ့ဖူးပါ​သော်​လည်း လွတ်​လွတ်​လပ်​လပ်​ကြီး​တော့ အခါတရာမက လွမ်းဆွတ်​​နေခဲ့ ဖူးပါသည်​။ သို့​သော်​ ကျ​နော်​သည်​ အကျင့်​မ​ကောင်း။ လွမ်းဆွတ်​ခြင်း တမ်းတခြင်းမှန်​သမျှတို့ အား လူကြားထဲချပြရမည်​ကို ရှက်​သလိုလို၊ ​ကြောက်​သလိုလို အကြိမ်​အဖန်​များစွာ ဖြစ်​ခဲ့ဖူး၊ ခံစားခဲ့ရဖူးသည်​။ အမှန်​တကယ်​​တော့ လွမ်းဆွတ်​တမ်းတခြင်းသည်​ ကံငါးပါးကျူးလွန်​ခြင်း မျိုးမဟုတ်​သည့်​အတွက်​ ​အော်​ဟစ်​လွမ်းမည်​ဆိုပါက လွမ်း၍ရ​ပေမည်​။ နားမခံသာသူ များ ကဲ့ရဲ့မည်​ဆိုပါကလည်း ခုနှစ်​ရက်​ပင်​ ​ကျော်​လွန်​မည်​မဟုတ်​။ ချီးမွမ်း​ခုနှစ်​ရက်၊ ကဲ့ရဲ့ခုနှစ်​ရက်​ ​လောကကြီးတွင်​ တခါ တရံ​တော့လည်း ​အော်​ဟစ်​​ပြီး လွတ်​လပ်​စွာ လွမ်းတမ်းတလိုက်​ချင်​​နေမိပြန်​ပါသည်​။
+++++++++++

ကျ​နော့်​တွင်​ စာ​ရေးသူ၊ ကဗျာ​ရေးသူများဖြစ်​ကြသည့်​ စာ​ရေးဆရာ၊ ကဗျာဆရာ မိတ်​​ဆွေတချို့ရှိပါ၏။ ​သူတို့သည်​ သား သတ်​သမားများမဟုတ်​ကြတာ​တော့ ​သေချာပါသည်​။ ဖြစ်​နိုင်​​ချေ၊ ဖြစ်​တန်​စွမ်းများအရဟူ၍ ကြီးကျယ်​​သောစကား ဆိုရပါ လျှင်​ သူတို့၏နှလုံးသားများ နူးညံ့ကြ​ပေမည်​။ ကဗျာဆရာသည်​ ​တော်​လှန်​ကဗျာတွင်​ ရဲရင့်​ပြတ်​သားသ​လောက်​ တချို့သော ကိစ္စများတွင်​​တော့ အသည်းနုရှာ​ပေလိမ့်​မည်​။ သ​ရော်​စာ​ရေးသည့်​ စာ​ရေးဆရာသည်​လည်း ​လောကသဘာဝအ​တော်​များများကို ထီမထင်​​ကျော်​ဖြတ်​ဝံ့သ​လောက်​ လွမ်းစရာ များနှင့်​ကြုံလာပါက ချုံးပွဲချမငိုလျှင်​​တောင်​ မျက်​ရည်​​တော့ ​ဝေ့သီ​နေ​ပေလိမ့်​မည်​။ ထိုအရာများသည်​ ကျ​နော့်​အ​တွေးသာ ဖြစ်​ပါ၏။ အတုနှင့်​အစစ်​​ ၊ခွဲခြားမရ​အောင်​ ယှက်​လိမ်​​နေ​သော ယခု​ခေတ်​အခါသမယတွင်​ အစစ်​များကိုသာ ရည်​ရွယ်​စဉ်းစားမိခြင်း ဖြစ်​ပါသည်​။
++++++++++++++

ကျ​နော်​တို့သည်​ ကွယ်​လွန်​သွားသည့်​ သူကို ပို၍လွမ်းတမ်းတကြ​သေးသည်​။ ထိုအချင်းအရာသည်​ ​ကောင်းပါသည်​။ သို့​သော်​ မကွယ်​လွန်​မီ လွမ်းတတ်​ကြပါက ပို၍ ​ကောင်းမည်​လားဟု မကြာခဏ စဉ်းစားခဲ့ဖူးသည်​။ စဉ်းစားမိခဲ့ခြင်းမှာလည်း ​ဖေ့စ်​ဘုတ်​ထဲမှ မီးလင်း​နေ​သေး​သော်​လည်း မူလသုံးစွဲသူစစ်​စစ်​မဟုတ်​​တော့သည့်​နာမည်​​လေးများ။ အပြီးအပိုင်​ မီးမှိတ်​သွား​သောနာမည်​​လေးများကို သတိထားမိခဲ့ခြင်းမှ အစပြုခဲ့သည်​ ဆိုရ​ပေ မည်​။ မ​​သေမီ ယဉ်​​ကျေးစွာသုံးနှုန်းရပါက မကွယ်​လွန်​မီ လွမ်းလို့ရမရကို ကျ​နော်​သိချင်​​နေမိ ပြန်​သည်​။ တကယ်​​တော့ လွမ်းလို့ရကိုရရ​ပေမည်​။ လွမ်းဆွတ်​ခြင်းကို ပုဒ်​ထီး၊ ပုဒ်​မနှုတ်​မိန့်များဖြင့်​ ဖမ်းဆီး၍​တော့ မရတန်​စ​ကောင်း။
+++++++++++++++

ကျ​နော့်​ဘဝအချိုးအ​​ကွေ့တခုတွင်​ စာ​ရေးဆရာကြီးတ​ဦးနှင့်​ ဆုံခဲ့ရဖူးသည်​။ ကျ​နော်​က သူ့ကို အများနည်းတူ ဆရာဟုမ​ခေါ် ပါ။ ချစ်​မြတ်​နိုးခြင်းနှင့်​​လေးစားတန်​ဖိုးထားမှုတို့ ​ပေါင်းစပ်​ကာ ဘဘဟု ​ခေါ်ခဲ့သည်​။

ကဗျာဆရာ​အောင်​ဘညိုနှင့်​ စာ​ရေးဆရာ​ဒေါင်း​နေမင်း ကွယ်​လွန်​ပြီးစအချိန်​​လေးတွင်​ ဘဘနှင့်​ကျ​နော်​ စ​တွေ့ကြသည်​။ ထို အချိန်​က စာ​ရေးဆရာ​ဒေါင်း​နေမင်း ကွယ်​လွန်​သည်​မှာ ရက်​ပင်​မလည်​​သေး​ချေ။ မြို့​လေး၏အပူဒဏ်​နှင့်​ ဖုန်​မှုန့်​များကို အာ ရုံမထားပဲ ထိုသူများကိုလွမ်း​နေသည့်​ဘဘကို ကျ​နော်​အံ့သြတကြီး ဖြစ်​ခဲ့ရသည်​။...

"လွမ်းတယ်​ကွာ.. ဘဘ သူတို့အ​ကြောင်း လွမ်းချင်​​သေးတယ်​"

ထူထဲ​သောမျက်​မှန်​​အောက်​မှ မျက်​ဝန်းများ စိုလဲ့​နေသည်​ကို ကျ​နော်​​တွေ့လိုက်​ရပါသည်​။

အိပ်ရာ​လေးအ​ပေါ် ဝမ်းလျားထိုး​မှောက်​ကာ စာရွက်​​လေးထဲစာ​ရေးချ၍ အလွမ်း​ဖြေ​နေ​သလား၊ လွမ်းတ​နေသလား​တော့ မဆိုနိုင်​။ စာ​ရေးလျှင်​ ဝမ်းလျားထိုး​မှောက်​ကာ ​ရေးရသည်​ကို ပိုမိုနှစ်​ခြိုက်​​ကြောင်း ​ပြောတတ်​​သေးသည်​။

ထိုကာလ၌ ကျ​နော်​သည်​ဘ၀၏ အချိန်​များစွာကို ရည်​မှန်းချက်​မဲ့စွာ ဖြုန်းတီး​နေခဲ့​သောကာလဟုဆိုလျှင်​လည်း ဆို၍ ရ​ပေ သည်​။ မနက်​မိုးလင်းလျှင်​ လက်​ဖက်​ရည်​​ရောင်းမည်​။ ​နေ့လည်​​နေ့ခင်း ဆိုင်​လူပါးချိန်​​လေး၌ စာဖတ်​ချင်​ဖတ်​မည်​။ ဖတ်​သည့် စာဆိုသည်​မှာလည်း ကြုံသလို၊ ညားသလိုသာ ဖတ်​ခြင်းဖြစ်​သည်​။ အချိန်​တခုလွန်​​မြောက်​​စေရန်​သာ ဖတ်​ခြင်းဖြစ်​သည်​။ စာဖတ်​​နေခိုက်​ လက်​ဖက်​ရည်​ ထ​ဖျော်​လျှင်​​ဖျော်​သည်​။ ပြန်​ထိုင်​ချိန်​၌ ထိုစာကို ဆက်​ဖတ်​ဖြစ်​ချင်​မှ ဖတ်​ဖြစ်​​တော့သည်​။ ဘဘနှင့်​​တွေ့ပြီး​နောက်​ပိုင်း အချိန်​များတွင်​ စာကိုဆုံး​အောင်​ဖတ်​သည့်​ အ​လေ့အကျင့်​​ကို ရခဲ့ပါသည်​။ ထိုအ​လေ့အကျင့် သည်​ ယခု​နေအခါ​တော့ အ​လေ့အထတခုဖြစ်​၍ ​နေ​ပေပြီ။

ဘဘသည်​ ကျ​နော့်​လက်​ဖက်​ရည်​ဆိုင်​​လေးသို့ ည​နေတိုင်းလိုလို ​ရောက်​လာတတ်​သည်​။ အ​ကြောင်းတစုံတရာ​ကြောင့်​ အ​ရောက်​​နောက်​ကျ​နေခဲ့လျှင်​လည်း ကျ​နော်​နှင့်​ဇနီးသည်​မှာ ​မျှော်​​နေတတ်​သည်​။ ဘဘသည်​ ဇနီးသည်​နှင့်​သမီး​လေးကိုပါ ကျ​နော်​နှင့်​ ​ပြောဆို​နေသည့်​ စကားဝိုင်းသို့ ဝင်​သာ​အောင်​ လမ်းဖွင့်​​ပေးတတ်​​သေးသည်​။ဇနီးသည်​ကလည်း ဘဘလာလျှင်​ ထမင်းဖြူပူပူ​နွေး​နွေးကို ဆီဆမ်း၊ ဆားဖြူးကာ ဆိတ်​သား​ခြောက်​ကို မွမွ​​လေးဖြစ်ေ​အာင်​ဖွ၍ ​နေ့စဉ်​ဧည့်​ဝတ်​ပြုရှာသည်​။ ကျ​နော့်​သမီး​လေးကလည်း အသံထွက်​ခက်​ခဲမ​သေချာသည့်​ အင်္ဂလိပ်​စာများကို ​မေးတတ်​သည်​။ ဘဘထံမှ ကျ​နော်​နမူနာယူ ရသည့်​ အမူအကျင့်​များစွာထဲမှ မှတ်​မှတ်​ရရတခုကိုလည်း ​ပြောပြချင်​​သေးသည်​။ ကျ​နော့်​သမီး​မေးသည့်​ အင်္ဂလိပ်​စာအသံ ထွက်​ကို ဘဘ အ​နေဖြင့်​ ဝတ်​​ကျေတန်း​ကျေသ​ဘောမျိုးမထားဘဲ အင်္ဂလိပ်​စာ၊ အင်္ဂလိပ်​စကားနှင့် ရေစီး​ကြောင်းအတိုင်း ​ရွေ့လျား​နေ​သော စာ​ရေးဆရာမတဦးကိုဖုန်းဆက်​​မေးပြီးမှ အ​ဖြေ​ပေးတတ်​သည်​။ အသံထွက်​ပြတာ ​မှားမှာစိုးလို့ပါဟု ဆို တတ်​​သေးသည်​။ ဘဘသည်​ မ​သေချာ​ သောကိစ္စရပ်​များကို အသိ၊ အတတ်​ မလုပ်​တာ​တော့ ​သေချာလှပါသည်​။

ကျ​နော်​နှင့်​ဘဘဆုံ​တွေ့ကြရ​သော မြို့​လေးသည်​ ကျ​နော့်​ချက်​မြှုပ်​ဇာတိမဟုတ်​။ ​တနေ့သားတွင်​ မြို့​လေးမှာ စာ​ပေ​ရေးသား သူ ဘယ်​သူရှိသလဲဟု ကျ​နော့်​ကို ​မေးရှာသည်​။ စာ​ရေးဆရာကြီးသည်​ စကားစမြည်​​ပြောစရာ မိတ်​​ဆွေ​ကောင်းကို ​တောင့် တ​ကြောင်း ကျ​နော်​နားလည်​ပါသည်​။ ခက်​​နေသည်​မှာ စာ​ပေ​ရေးသားသူများကို ကျ​နော်​သိသည်​။ ကဗျာဆရာတချို့ကိုလည်း ကျ​နော်​သိသည်​။ ကျ​နော်​ယုံကြည်​ရာ ကဗျာဆရာ​လေးမှာ တနယ်​တ​ကျေး​ရောက်​​နေသည်​။ ​ခေါင်းပူ​အောင်​ စဉ်းစားပြီး  လမ်းစဉ်​ပါတီ​ခေတ်​က စာ​ပေဆုများရဖူးသည့်​ စာ​ရေးဆရာတ​ဦးကို မျက်​လုံးထဲမြင်​မိ၍ သူ့အိမ်​သို့ ကျ​နော်​သွားခဲ့သည်​။ တံဆိပ်​အမျိုးအစား​ပေါင်းစုံကပ်​ထား​သော အရက်​ပုလင်းများကြားမှ မျက်​မှန်​တ​လက်​ဝင်းခနဲ လက်​သွားတာမြင်​လိုက်​ရ သည်​။ ဘာအရက်​ယူမလဲဟု ​မေးလိုက်​သည့်​ သူ့စကားသံမဆုံးမီ ချာခနဲ ကျ​နော်​လှည့်​ပြန်​လာခဲ့ပါသည်​။ အများသူငါကို ​လောင်​ကျွမ်း​စေပြီး မိမိကိုယ်​ကို အ​ရောင်​တင်​သူနှင့်​ မိမိကိုယ်​ကို​အ​လောင်​အမြိုက်​ခံပြီး အများ​သူငါကို အလင်း​ပေးသူ ဘဘ သည်​ ရင်​ဘတ်​ခြင်းမတူညီ၊ သံစဉ်​ခြင်းညှိမရဟူ၍ ကျ​နော်​သ​ဘောပိုက်​ထားလိုက်​သည်​။ ကျ​နော်​ စိတ်​အထင်​​တော့၊ ကျ​နော်​သိသ​လောက်​​တော့ မြို့​လေး၏ဘူတာရုံအို​လေးမှ စာ​ပေဝါသနာရှင်​ရုံပိုင်​အိုကြီးနှင့်​သာ ဘဘစကား​ပြောခဲ့သည်​။

ကျန်​သည့်​အချိန်​များကို​တော့ စာ​ရေး၊ စာဖတ်​ခြင်းများဖြင့်​သာ ​ကျော်​ဖြတ်​သွားခဲ့ရှာသည်​။

တကယ်​​တော့ ထိုစဉ်​က ကျ​နော်​အယူအဆများ မှားယွင်းခဲ့ခြင်းသာ ဖြစ်​​ပေလိမ့်​မည်​။ လူကိုမကြည့်​ဘဲ စာ​ပေအနုပညာကိုသာ ကြည့်​တတ်​သူများအ​ကြောင်းကို ​သေ​သေချာချာ သိတတ်​ချိန်​တွင်​ ​နောင်​တပင်​ ရမိ​လေသည်​။ 
++++++++++++++   

ဘဘ​ပြောပြသည့်​  စကားများစွာထဲမှ နာနတ်​​တောသင်္ချိုင်းထဲမှ အုတ်​ဂူတလုံးစီ​ပေါ်တွင်​ ပက်​လက်​အိပ်​ရင်း ကဗျာရွတ်​ကြ သည့်​အ​ကြောင်းအရာသည်​ ကျ​နော့်​စိတ်​ကိုညှို့ယူ သွားခဲ့သည်​။ လူ​သေများမြှုပ်​နှံထားသည့်​ တိတ်​ဆိတ်​ငြိမ်​သက်​လှ​သောသုဿန်​ထဲရှိဂူ​လုံး စီ​ပေါ်တွင်​ လူသားနှစ်​ဦးရှိ​နေသည်​။ အချိန်​က...ည။ လမင်းက သာ​နေ၏။ ရှယ်​လီ၏ ကမ္ဘာ​ကျော်​ကဗျာသည်​ နရီအတက်​အကျဖြင့်​ ​တောင်​ပံခတ်​​နေ​ပေမည်​။ ကျနော့်​နှလုံးသားထဲ ကဗျာပိုး​လေး သွင်း​ပေးထားခဲ့​လေသ လားမသိ။ ကဗျာဆရာ​မောင်​​လေး​အောင်​အ​ကြောင်းကိုပြောပြ​တော့ ဇနီးသည်​နှင့်​သမီး​လေးပင်​ သနား​နေကြသည်​။ ယခု​အချိန်​တွင်​မ​တော့ ကဗျာမဖတ်​သူ သူတို့ပင်​လျှင်​ ​မောင်​​လေး​အောင်​၏ ​"​လောကဘုရားပွင့်​ပါ​လေ" ကဗျာကို​​တော့ အလွတ်​ရကြသည်​။ တခါတရံ​တော့ ကျ​နော်​သည်​လည်း ကဗျာနှင့်​ဆင်​​သော စကား​ပြေ​တိုလီထွာလီ​လေးများကို ကဗျာအမှတ်​နှင့်​ ​ရေးစပ်​မိပါသည်​။

မြို့​လေးမှ ဘဘပြန်​သွားပြီး မကြာမီမှာပင်​ ကျ​နော်​တို့မိသားစုလည်း ​ရေကြည်​ မြက်​နုရာ ​နောက်​ထပ်​တမြို့သို့ ​ပြောင်းခဲ့ ကြပြန်​ သည်​။



တ​နေ့..၊ ရန်​ကုန်​မြို့မှ ကချင်​ပြည်​နယ်​သို့ ​ပြေးဆွဲ​နေ​သော ခရီးသည်​တင်​ကားဖြင့်​ စာအုပ်​ထုပ်​ကြီးတထုပ်​​ရောက်​လာသည်​။ ​သေသပ်​လှပ​သော ဘဘ၏လက်​​ရေးဖြင့်​ ကို​ကျော်​ဖတ်​ဖို့ စာ​ရေးသူ၏လက်​​ဆောင်​ဟု ​ရေးထား​သောစာအုပ်​များအပြင်​ ကျ​နော်​ လိုချင်​​တောင့်​တလွန်းသည့်​ ကဗျာဆရာ​ မောင်​​လေး​အောင်​၊ ​မောင်​​ချောနွယ်​၊ ​ဖော်​​ဝေး၊​ အောင်​ဘညိုတို့၏ ရှားရှား ပါးပါး ကဗျာစာအုပ်​များ ပါလာသည်​။ ဆရာမ ​မေစာနှင့်​ ဆရာမရာသက်​ပန်​တို့​ရေးသည့်​ စာဝိုင်း​ပေဝိုင်းစကားဝိုင်း၊ မြန်​မာ့ ဝတ္ထုတိုလမ်း​ကြောင်းကလည်း ကျ​နော်​စာ​ရေးဖို့ အ​ထောက်​အပံ့များစွာ ဖြစ်​​စေသည်​။ ဆရာ​မောင်​ထွန်းသူ ဘာသာပြန်​စာ အုပ်​များလည်း ပါလာသည်​။ မ​ဟေသီမဂ္ဂဇင်းများဆိုလျှင်​ အထပ်​လိုက်​ကြီး။ စာအုပ်​ထုပ်​ကြီးမားလွန်းသဖြင့်​ပစ္စည်း သယ်​​သောသူသည်​ပင်​ မနိုင်​ရင်​ကာ သယ်​ပိုးလာရသည်​အထိ။
                    
ယခုလည်း မိုး​အေး​အေးနှင့်​မို့ ပြတင်းဝမှခွာကာ ထိုစာအုပ်​များရှိရာ စာအုပ်​စင်​အို​လေးနား ကျ​နော်​​ရောက်​ခဲ့ပြန်​ပါပြီ...။ အ​တွေးတို့သည်​ လူးလွန့်​​နေကြဆဲ...။
                        
မ​နေ့ညက ဖုန်းစကားရသည်​။ အလိုက်​ကန်းဆိုးမသိ၊ ကျ​နော်​ပူဆာမိ၍ "အ​နော်​ရထာည" ကဗျာကို ရွတ်​ပြရှာသည်​။ ကြည်​လင်​​သောအသံသည်​ အနည်းငယ်​​တော့ ​အ​မောရိပ်​စွက်​​နေသည်​။ ​နောက်​​နောင်​ ကျ​နော်​ဆင်​ခြင်​ရမည်​။ ကျ​နော့်​လွမ်းဆွတ်​မှုသည်​ လူကြီးမိဘ၊ ဆရာ သမားကို အခက်​အခဲမ​တွေ့​စေသင့်​။ 
                         
စိမ့်​ခနဲ​အေးသွား​စေ​သော ​လေနုနု​လေးများနှင့်​အတူ မိုးတ​ဖြောက်​​ဖြောက်​သံကို ကြားရ ပြန်​ပြီ။ စာ​ရေးစားပွဲ​လေးတွင်​ ကျ​နော်​ထိုင်​ချလိုက်​မိသည်​။ စားပွဲ​ပေါ်တွင်​ ကျ​နော်​ဖတ်​လက်​စ စာအုပ်​​လေး အရံသင့်​ရှိ​နေသည်​။ စာအုပ်​မျက်​နှာဖုံးကို ပန်း ချီဆရာမုတ်​သုန်​​ ရေးဆွဲထားသည်​။ လူတ​ဦးသည်​ ​ကျော​ပေးအ​နေအထားဖြင့်​ ခပ်​​စွေ​စွေ​လေးထိုင်​ကာ သီတင်းစာ တ​စောင်​ကို ဖတ်​​နေ၏။
+++++++++++

ထိုသူ့ကို ကျ​နော်​လွမ်း​နေ​ရသော ဘဘဟုပင်​ ထင်​မိလိုက်​​သေးသည်​။ စာအုပ်​​လေးက စာ​ရေးဆရာမင်းသစ်​ ရေးသည့်​ "လွမ်းရတဲ့သူ​တွေ"။ ။

ကိုးကား...
ဦးသန်း​ဌေး​မောင်​ ​ဖေ့စ်​ဘုတ်​စာမျက်​နှာ..

ကျော်​​ကျော်​ (မြရည်​စမ်း)
၁.၈.၂၀၁၇ည.. ၁၁ နာရီ ၄၅ မိနစ်