နယူးယောက်၊ ဘတ်ဖဲလိုးမြို့၊ မြန်မာကွန်မြူနီတီအဖွဲ့ ၅ နှစ်ပြည့်




နယူးယောက်၊ ဘတ်ဖဲလိုးမြို့၊ မြန်မာကွန်မြူနီတီအဖွဲ့ ၅ နှစ်ပြည့် 
(မိုးမခ) ဇန်န၀ါရီ ၂၆၊ ၂၀၁၈

 မိုးမခက လက်ခံရရှိတဲ့ Burmese Community Services (BCS) ၅ နှစ်ပြည့် အမှတ်တရ မှတ်စုကို ပြန်လည်ကူးယူ ဖော်ပြလိုက်ပါတယ်။

■ ကျွန်တော်နှင့် (BCS) ဘီစီအက်စ်အဖွဲ့၏ ၅ နှစ်တာကာလ အမှတ်တရ ■

 ■ နောက်ခံသမိုင်း
အမေရိကန်ပြည်ထောင်စု၊ နယူးယောက်ပြည်နယ်၏ ဒုတိယအကြီးဆုံးမြို့ဖြစ်သော ဘတ်ဖလိုးမြို့တွင် လွန်ခဲ့ သော ၁၇ နှစ်ခန့်ကမြန်မာနိုင်ငံသားဆိုလို့ ကျွန်တော့်ထက် တလစောပြီးရောက်နေတဲ့ မိတ်ဆွေဇနီးမောင်နှံ နှစ်ဦးနှင့် အခြားအသိတယောက်ဘဲရှိခဲ့တယ်။ ဒါပေမယ့် ယ္ခုအချိန်မှာတော့ ဒုက္ခသည်အစီအစဉ်နှင့် တိုက်ရိုက် ရောက်လာသူရော ပြည်နယ်အစိုးရ ရဲ့ထောက်ပံ့ကြေး၊ ကျမ္မာရေးစောင့်ရှောက်မှု အာမခံအပါအဝင် နေထိုင်မှုစရိတ်စကသက်သာလို့တဖုံ၊ ဒုက္ခသည်တွေကိုကူညီတဲ့ အစီအစဉ်တွေအဖွဲ့အစည်း တွေများလို့တမျိုးဆိုတဲ့ အကြောင်းပြချက်အမျိုးမျိုးနှင့် အခြားပြည်နယ်များမှ ရောက်ရှိလာသူ မြန်မာပြည်သားများ တနေ့တခြားတိုးပွါးလာလျှက်ရှိရာ ယ္ခုဆိုလျှင်မြန်မာနိုင်ငံသား တိုင်းရင်းသားလူမျိုးပေါင်းစုံ တသောင်းခန့် ရောက်ရှိနေထိုင် နေပြီဖြစ်သည်။

■ ဖွဲ့စည်းတည်ထောင်မှု
လူဦးရေတိုးပွါးလာသည့်အလျောက် ပြသနာအခက်အခဲများ၊ အကူအညီလိုအပ်မှုများလည်း တိုးပွါးလာပါသည်။ မြန်မာ့လူမှု အသိုင်းအဝိုင်းအကြောင်း မသိကြသေးတဲ့ ယ္ခင်ရှိပြီး ဒုက္ခသည် ပြန်လည်နေရာချထားရေး အမေရိကန်အဖွဲ့အစည်းတွေကလည်း သူတို့အဖွဲ့အစည်းရဲ့ ပေါ်လစီအတိုင်းသွားနေကြတော့ ကိုယ့်နိုင်ငံသားတွေကို တိုက်ရိုက်ကိုယ်စားပြုနိုင်မယ့်၊ ကိုယ့်လူမှုအသိုင်းအဝိုင်းအတွက် အကာအကွယ် အကူအညီပေးနိုင်မယ့် တရားဝင်အဖွဲ့အစည်းတရပ် ရှိဖို့လိုအပ်တာကြောင့် စိတ်တူကိုယ်တူရှိကြတဲ့ မိတ်ဆွေများနှင့်စုပြီး Burmese Community Services (BCS) ဘီစီအက်စ် ဆိုတဲ့အဖွဲ့ကို ၂၀၁၃ ခုနှစ်၊ ဖေဖေါ်ဝါရီလမှာ တရားဝင်မှတ်ပုံတင် ဖွဲ့စည်းနိုင်ခဲ့ပါသည်။

 ဥပဒေတပြေးညီရှိတဲ့ အမေရိကန်နိုင်ငံမှာ စီးပွါးရေး၊ လူမှုရေး၊ ဘာသာရေးစသည်တို့ကိုအခြေခံတဲ့ မြို့ ၊ ခရိုင်၊ ပြည်နယ်အဆင့်စသည့် ဒေသဆိုင်ရာအသိအမှတ်ပြု အဖွဲ့အစည်းတခုကိုဖွဲ့စည်းဖို့ မခက်ခဲသော်လည်း ဗဟိုအစိုးရနှင့်သက်ဆိုင်တဲ့ အခွန်ကင်းလွှတ်ခွင့် 501 (C)(3) ဆိုတဲ့အဆင့်ရဖို့က အဖွဲ့အစည်းတခု၏ပေါ်လစီနှင့်သက်ဆိုင်သလို ငွေကြေးနှင့်အချိန်စတာတွေကလည်း အများကြီးရင်းနှီး ပေးဆပ်ရပါသည်။

ဒါပေမယ့် ကျွန်တော့်ရဲ့အတွေ့အကြုံနှင့်အဆက်အသွယ်များကြောင့် နှစ်လအတွင်းမှာ BCS ဘီစီအက်စ်အဖွဲ့အား ဒေသဆိုင်ရာအဆင့်ကိုကျော်လွန်ပြီး ပြည်ထောင်စုအဆင့်နှင့် နိုင်ငံတကာအဆင့်ပါ တခါတည်းလုပ်ပိုင်ခွင့်ရရှိခဲ့ခြင်းကြောင့် လူပုဂ္ဂိုလ်နှင့်အဖွဲ့အစည်းများအပါအဝင် အမေရိကန်အသိုင်းအဝိုင်းကပါ အံ့သြချီးကျူးခဲ့ကြရပါသည်။

■ ရပ်တည်မှုအခြေအနေ
ကျွန်တော်တို့အဖွဲ့သည် ကိုယ်ပိုင်ခံယူချက်နှင့် ရပ်တည်ချက်များအတိုင်းသွားနေတဲ့ လုံးဝလွတ်လပ်တဲ့အဖွဲ့အစည်းဖြစ်သလို၊ ဖွဲ့စည်းတည်ထောင်ပြီးသည်မှစပြီးယနေ့အထိ အစိုးရအပါအဝင် မည်သည့်အဖွဲ့အစည်း၏ ငွေကြေးထောက်ပံ့မှုများကိုမှ ရယူခဲ့ခြင်း၊ အကူအညီတောင်းခံခဲ့ခြင်းမရှိပါ။ လူမှုဝန်ထမ်းစိတ်ရှိကြသည့် စိတ်တူကိုယ်တူမိတ်ဆွေများ၊ စိတ်ထားမွန်မြတ် သော မြန်မာပြည်သားများ၏ အားပေးထောက်ခံမှုများကြောင့် ယနေ့အထိရပ်တည်နေနိုင်သလို၊ ကျွန်တော်တို့ BCS ဘီစီအက်စ်အဖွဲ့အစည်းတွင် ပါဝင်ပတ်သက်သူအားလုံးသည်လည်း စေတနာ့ဝန်ထမ်းများသာဖြစ်၍ များစွာဂုဏ်ယူဝမ်းမြောက်မိပါသည်။

■ ကူညီလုပ်ဆောင်ခဲ့မှုများ
ငွေကြေးထောက်ပံ့မှုများ ရယူခြင်းမရှိသည့် အဖွဲ့အစည်းတခု၏ ငါးနှစ်တာအတွင်း လုပ်ဆောင်ခဲ့မှုတွေကို ပြန်ကြည့်လျှင် မယုံနိုင်စရာတွေ တွေ့ရမှာဖြစ်ပါသည်။ ဒါတွေကတော့- မြန်မာနိုင်ငံသားများအတွက် အလုပ်အကိုင်၊ ပညာ ရေး၊ ကျမ္မာရေး၊ ဥပဒေရေးရာစတဲ့ သတင်းအချက်အလက်များ ဖြန့်ဝေပေးခြင်း၊ ပညာပေးခြင်း၊ ဘာသာပြန်ပေးခြင်း၊ လိုအပ်သောစာရွက်စာတမ်းနှင့် လျှောက်လွှာများအားဖြည့်ပေးခြင်း၊ အလုပ်အကိုင်ရှာဖွေပေးခြင်း၊ ဆေးရုံဆေးခန်းများသို့ဆက်သွယ်ပေးခြင်း၊ လူဝင်မှုကြီးကြပ်ရေးနှင့်သက်ဆိုင်သော ခရီးသွားလာခွင့်လက်မှတ်၊ နိုင်ငံသားနှင့် အမြဲတမ်းနေထိုင်ခွင့်များ လျှောက်ပေးခြင်း၊ တရားရုံးအပါအဝင် ဥပဒေကိစ္စများနှင့်ပတ်သက်သောအမှုများအတွက် အခမဲ့ရှေ့နေရရှိရေးအပြင် သက်ဆိုင်ရာဥပဒေရေးရာအဖွဲ့များသို့ လွှဲပြောင်းဆက်သွယ်ပေးခြင်းအပြင် အခြားလိုအပ်သောကိစ္စရပ်များအတွက်လည်း ရဲဌာနအပါအဝင်တရားဥပဒေစိုးမိုးရေးအဖွဲ့များနှင့် ဆက်သွယ်ဆောင်ရွက်ပေးခြင်း စသည်တို့ဖြစ်ပါသည်။ ကျွန်တော်တို့ BCS ဘီစီအက်စ်အဖွဲ့၏ ကူညီဆောင်ရွက်ပေးမှုများ အားလုံးသည်လည်း အခမဲ့ဖြစ်ပါသည်။

၎င်းအပြင် နာရေးကူညီမှုများနှင့် မီးဘေးသင့် ဒုက္ခရောက်သူများကိုလည်း ကူညီနိုင်ခဲ့သလို၊ ပညာတော်သင်ထူးချွန်ဆုအတွက် ထောက်ပံ့ငွေပေးအပ်လှုဒါန်းခြင်း၊ မြန်မာ့ရိုးရာယဉ်ကျေးမှုအပါအဝင် နိုင်ငံတကာရှိ လူမှုအသိုင်းအဝိုင်းများ၏ ပွဲတော်များအတွက်လည်း ငျွေကြးကူညီထောက်ပံ့နိုင်ခဲ့ပါသည်။ မြန်မာနိုင်ငံနှင့် နီပေါနိုင်ငံများသို့ ကျမ္မာရေးအတွက်ထောက်ပံ့ခြင်း၊ မြေငလျှင်ဘေးသင့်သူများနှင့် ရေဘေးဒုက္ခသည်များအတွက်လည်း ငွေကြေးထောက်ပံ့ကူညီမှုများပြုလုပ်နိုင်ခဲ့ပါသည်။

ဘတ်ဖလိုးတက္ကသိုလ် လူမှုဝန်ထမ်းကျောင်းနှင့်ကျွန်တော်တို့ BCS ဘီစီအက်စ်အဖွဲ့တို့ပူးပေါင်းပြီး မြန်မာနိုင်ငံသားများ၏ ကျမ္မာရေးအမူအကျင့်ဆိုင်ရာကိစ္စများကို သုံးနှစ်ကြာ လေ့လာ သုတေသနပြုလုပ်နိုင်ခဲ့သလို၊ အစားအသောက်နှင့်ပတ်သက်ပြီးလည်း လေ့လာသုတေသနပြုလုပ်နိုင်ခဲ့ပါသည်။ ၎င်းအပြင် ဘတ်ဖလိုးတက္ကသိုလ်အောက်ရှိ ဆေးတက္ကသိုလ်နှင့်ပူးပေါင်းကာ ဆေးတက္ကသိုလ်ကျောင်းသားများ၊ သူနာပြုများ နှင့် လူမှုဝန်ထမ်းလုပ်သားများအတွက် ဘာသာစကားနှင့်ယဉ်ကျေးမှုမတူသော အင်္ဂလိပ်စကားမပြောသည့် လူနာများအတွက်လည်း ဘာသာပြန်ရရှိအသုံးပြုပုံသင်တန်းကို သရုပ်ဆောင်မှုများနှင့်အတူပို့ချနိုင်ခဲ့ပါသည်။

ဒါ့အပြင် ကာနေးရှပ်ကော့လိပ်၊ ဘတ်ဖလိုးရဲဌာနတို့နှင့်ပူးပေါင်းပြီး ကျွန်တော်တို့ BCS ဘီစီအက်စ်အဖွဲ့၏ဦးဆောင်မှုဖြင့် မော်တော်ယဉ်မတော်တဆဖြစ်မှု ပညာပေးဗွီဒီယိုကိုလည်း ရိုက်ကူးနိုင်ခဲ့ပါသည်။

 ကျွန်တော်တို့မြန်မာနိုင်ငံနှင့် တိုင်းရင်းသားလူမျိုးများ၏ ယဉ်ကျေးမှု ဓလေ့ထုံးတမ်းများအပါအဝင် နိုင်ငံရေး နောက်ခံသမိုင်းကြောင်းများကိုလည်း သက်ဆိုင်ရာအဖွဲ့အစည်းများ၊ တက္ကသိုလ် ကော့လိပ်၊ ရဲဌာနနှင့် တရားရုံး စသည်တို့တွင် ပညာပေးဟောပြောမှုများ ပြုလုပ်နိုင်ခဲ့၍ ယ္ခုဆိုလျှင် ကျွန်တော်တို့လူမှုအသိုင်းအဝိုင်းအပေါ် စာနာနားလည်မှုများ ယ္ခင်ကထက်ရရှိနေပြီဖြစ်ပါသည်။

 ■ အောင်မြင်မှုရလာဒ်
ငါးနှစ်တာကာလအတွင်း ကျွန်တော်တို့ရဲ့ရရှိခဲ့တဲ့ အောင်မြင်မှု ရလာဒ်တွေကတော့ အထက်ကပြောခဲ့တဲ့ လုပ်ဆောင်ချက်တွေနှင့်အတူ ဆေးရုံ ဆေးခန်းအပါအဝင် စာသင်ကျောင်းများ၊ အဖွဲ့အစည်းများ၊ အစိုးရဌာန များအားလုံးသည် အင်္ဂလိပ်စကားမပြောနိုင်သော ပြောင်းရွေ့အခြေချလာသူများနှင့် ဒုက္ခသည်များအားလုံး အတွက် "၎င်းတို့ပြောဆိုသည့် မိခင်ဘာသာစကားအတွက် ဘာသာပြန်ရရှိအသုံးပြုရေး" ဆိုသော အတည်ပြုဆုံးဖြတ်ချက်ကို မြို့တော်အုပ်ချုပ်ရေးကောင်စီမှ တညီတညွှတ်တည်း အတည်ပြုဆုံးဖြတ်ပေးခဲ့သလို၊ "Language ID Card" ခေါ်ဘာသာစကား အထောက်အထားပြကဒ်ကိုလည်း ကျွန်တော်တို့၏ ဦးဆောင်မှု နှင့်အတူ သက်ဆိုင်ရာအစိုးရဌာနတို့ပူးပေါင်းပြီး တရားဝင်အတည်ပြု ဖြန့်ဝေအသုံးပြုနိုင်ခဲ့ပါသည်။

 နောက်ဆက်တွဲရလာဒ်အဖြစ် မြို့တော်ရှိတရားရုံးများအပါအဝင် ပဘလက်ကျောင်းများတွင်အင်္ဂလိပ်နှင့်အခြားမိခင်ဘာသာစကားပြောအချိန်ပြည့်ဝန်ထမ်းများ (ဘာသာပေါင်းစုံ) ခန့်ထားနိုင်ခဲ့ပါသည်။

ထိုနောက် ဘတ်ဖလိုးရဲဌာနကိုလည်း "Language Access Plan" ဟုခေါ်သည့် ဘာသာစကားအသုံးပြုမှု ဆိုင်ရာ ပေါ်လစီရေးဆွဲရာတွင် အဓိကဦးဆောင်ပါဝင်ခဲ့ခြင်းကြောင့် ရဲကော်မရှင်နာမင်းကြီးနှင့် မြို့တော်ဝန်ကိုယ်တိုင် မြို့တော်ခမ်းမတွင် ဂုဏ်ပြုရဲတပ်ဖွဲ့နှင့်တကွ တရားဝင်ဂုဏ်ပြုပေးခြင်းကို ခံခဲ့ရပါသည်။

အထက်ပါအချက်များကြောင့် ၂၀၁၆ ခုနှစ်တွင် ဘတ်ဖလိုးရဲဌာနသည် တနိုင်ငံလုံး၌ "Bright Sport" ဟု ခေါ်သည့် သမ္မတအိမ်ဖြူ တော်၏ ဂုဏ်ပြုမှတ်တမ်းတင်ခြင်းကိုခံခဲ့ရပါသည်။

ပြီးခဲ့သည့်နှစ်၂၀၁၇ ခုနှစ်၌ BCS ဘီစီအက်စ်အဖွဲ့တည်ထောင်ခြင်း လေးနှစ်မြောက်တွင်လည်း ဂျွန်လ ၁၉ ရက်နေ့ကို ဘတ်ဖလိုးမြို့တော်၏ "Burmese Community Services Day" BCS ဘီစီအက်စ်နေ့ အဖြစ် မြို့တော်ဝန်ကိုယ်တိုင် မြို့တော်ခမ်းမတွင် ဂုဏ်ပြုသတ်မှတ်လက်မှတ်ရေးထိုး ထုတ်ပြန်ကြေငြာပေးခဲ့ပါသည်။

သမ္မတထရမ့်တက်လာပြီး ၂၀၁၇ ခုနှစ်မှာလည်း နိုင်ငံတကာမှဒုက္ခသည်လက်ခံရေး အရေအတွက်နှင့် ငွေကြေး ထောက်ပံ့မှုများ လျှော့ချခဲ့၍ နယူးယောက်ပြည်နယ် အထက်ပိုင်းတွင်ရှိသည့် ဒုက္ခသည်ပြန်လည်နေရာချထားရေး အေဂျင်စီများအတွက် ကျွန်တော်တို့ BCS ဘီစီအက်စ်အဖွဲ့သည် ပြည်နယ်နှင့် ပြည်ထောင်စုအစိုးရ၏ ထောက်ပံ့ငွေများပိုမိုရရှိနိုင်ရေး သက်ဆိုင်ရာဥပဒေပြု လွှတ်တော်အမတ်များနှင့်အတူ ပူးပေါင်းပါဝင်တောင်းဆိုပေးခဲ့ရာ ၎င်းအေဂျင်စီများအတွက် စုစုပေါင်းထောက်ပံ့ကြေး ဒေါ်လာနှစ်သန်း ရရှိခဲ့ပါသည်။

ယ္ခုဆိုလျှင် ကျွန်တော်တို့ BCS ဘီစီအက်စ်အဖွဲ့သည် သက်ဆိုင်ရာအဖွဲ့အစည်းများ၊ အစိုးရဌာနများနှင့် ဆက်ဆံရေး အလွန်ကောင်းမွန်စွာ တည်ဆောက်ထားနိုင်သလို အကြောင်းကိစ္စရပ်များအလိုက် တိုက်ရိုက် ဆက်သွယ် ဆောင်ရွက်လျှက်ရှိပါသည်။

ယ္ခုနောက်ဆုံးရလာဒ်အဖြစ် NFJC မှနှစ်စဉ်ရွေးချယ်ပေးအပ်သည့် "Community Leader Organization Award" အဖွဲ့အစည်းဆိုင်ရာ ခေါင်းဆောင်မှုဆုကို ၂၀၁၈ ခုနှစ်အတွက် ကျွန်တော်တို့ BCS ဘီစီအက်စ် အဖွဲ့မှရရှိခဲ့ပါသည်။

■ ကျွန်တော့်အနေနဲ့ BCS ဘီစီအက်စ်အဖွဲ့ ငါးနှစ်ပြည့်အထိမ်းအမှတ်အဖြစ် ပြောကြားလိုသည်မှာ- လူတိုင်းအတွက်အချိန်ဟာလွန်စွာမှတန်ဖိုးရှိသလို အခက်အခဲအမျိုးမျိုးကြားကနေ ၎င်းအချိန်များကို ကိုယ်ကျိုးအတွက်မသုံးဘဲ ကိုယ့်အဖွဲ့အစည်းကိုယ့်အသိုင်းအဝိုင်းအတွက် ကူညီဖြည့်ဆည်းပေးကြသူများ၊ ငွေကြေးအပါအဝင်အဖက်ဖက်ကနေ တတ်အားသရွေ့ ယနေ့အထိ ကြံ့ကြံ့ခံ ရပ်တည်ပံ့ပိုးပေးကြသော လုပ်ဖေါ်ကိုင်ဖက် မိတ်ဆွေများအားလုံးက်ို ဤစာစုဖြင့်လေးစားစွာ မှတ်တမ်းတင်ဂုဏ်ပြုအပ်ပါသည်။

Thank you!
Steven Sanyu
President
Burmese Community Services (BCS)
81 Albany St
Buffalo, NY 14213
716-308-4338
https://www.facebook.com/ burmesecs.org/

Comments