လှကျော်ဇော ● တရုတ်ကွန်မြူနစ်ပါတီ (၁၉) ကြိမ်မြောက် အမျိုးသားကွန်ဂရက် - အပိုင်း (၁ဝ)


လှကျော်ဇော ● တရုတ်ကွန်မြူနစ်ပါတီ (၁၉) ကြိမ်မြောက် အမျိုးသားကွန်ဂရက် - အပိုင်း (၁ဝ)
(မိုးမခ) မတ် ၁၊ ၂ဝ၁၈

● လေ့လာစရာအချက်များ
တရုတ်သမ္မတရှီကျင့်ဖင်တင်သွင်းလာတဲ့ အနာဂတ်တွေမျှဝေထားတဲ့ လူ့အဖွဲ့အစည်းတရပ်တည်ဆောက်ရေးဆိုတာဟာ တရုတ်ပြည်ရဲ့နိုင်ငံတကာ့ဝါဒအမြင်သစ်တရပ်သာဖြစ်ကြောင်း တရုတ်ကွန်မြူနစ်များကဆိုကြပါတယ်။ ဘာကြောင့်လဲ။

ဒုတိယကမ္ဘာစစ်အပြီးပေါ်ပေါက်ခဲ့တဲ့ (အရင်းရှင် အနောက်တိုင်းနိုင်ငံကြီးများအုပ်စီးထားတဲ့) နိုင်ငံတကာ့ နိုင်ငံရေး၊ စီးပွား ရေး၊ ဘဏ္ဍာရေးစည်းမျဉ်းများရဲ့ အားနည်းချက်များ (ဥပမာ - ၂ဝဝ၈ ကစခဲ့တဲ့ စီးပွားရေးကပ် နလံမထူနိုင်မှု)တရားမျှတမှုမရှိမှု (ဥပမာ - အလျင်အမြန်တိုးတက်လာတဲ့နိုင်ငံများကို နေရာမပေးမှု) တွေကို ဆိုရှယ်လစ်တရုတ်ပြည်က စိန်ခေါ်ခဲ့ပါတယ်။


 တရုတ်ရေနံကုမ္ပဏီကြီးမှ ညွှန်ကြားရေးမှူးချုပ် လာဘ်စားမှုဖြင့် တရားရုံးမှာစစ်ဆေးနေစဉ်

တရုတ်က နိုင်ငံကြီးငယ်မဟူ ပြောရေးဆိုခွင့်ရှိတဲ့ ဗဟုဝင်ရိုးစွန်းစနစ် (multilateralism) ကျင့်သုံးရေးအတွက် ရှေ့ဆောင် ရှေ့ရွက်ပြု ပြောဆိုလာပါတယ်။ အင်အားကြီးနိုင်ငံအချင်းချင်းကြား ထိန်းညှိပြီး တန်ိုင်ငံတည်း လွှမ်းမိုးမှု (unipolarorha gemony) ကို တားဆီးနိုင်ရေးအတွက် ဖြစ်ပါတယ်။

ဒီအတွက် တရုတ်ဟာ ပြည်တွင်းမှာရော ပြည်ပမှာပါ ဘက်ပေါင်းစုံကကြိုးစားပြီး တဆင့်ပြီးတဆင့် သြဇာအရှိန်မြင့်မားလာ အောင်လုပ်ဆောင်လာရာမှာ အခု ၂၁ ရာစုမှာတော့ စီးပွားရေးအရ ကမ္ဘာ့ဒုတိယအင်အားကြီးနိုင်ငံအဖြစ်သို့ရောက်ရှိလာရုံ မျှမက၊ ကမ္ဘာပေါ်မှာအလုံခြုံဆုံး၊ အတည်ငြိမ်ဆုံးနိုင်ငံအဖြစ်သို့လည်း ရောက်ရှိလာပါတော့တယ်။

ကမ္ဘာ့စီးပွားရေးတိုးတက်မှုနှုန်းရဲ့ ၃ဝ ရာခိုင်နှုန်းကို တရုတ်က အာမခံထားတာဖြစ်ပြီး ကမ္ဘာဆင်းရဲသားလူဦးရေစုစုပေါင်းရဲ့ ၇ဝ ရာခိုင်နှုန်းကို တရုတ်က ဆင်းရဲတွင်းကလွတ်စေခဲ့ပါတယ်။

တခြားနိုင်ငံများက ရာစုနှစ်နဲ့ချီပြီးလုပ်ခဲ့ရတာကို တရုတ်က ဒီလောက်လျင်လျင်မြန်မြန်ကြီး လုပ်နိုင်လာတဲ့အခါ ကမ္ဘာတဝှမ်း က ပညာရှင်များ တရုတ်ပုံစံ (Chinese Model) ဖွံ့ဖြိုးတိုးတက်မှုကို စိတ်ဝင်စားလာကြပါတယ်။ အထူးသဖြင့် တရုတ်နိုင်ငံရဲ့ ဖွံ့ဖြိုးတိုးတက်ရေးနဲ့ မရိုးမစွဲ တူညီခဲ့တဲ့နိုင်ငံများ (ဖွံ့ဖြိုးဆဲနိုင်ငံများ) က ပိုစိတ်ဝင်းစားလာကြပါတယ်။

● ဒီပုံစံကနေဘာတွေအတုယူနိုင်မလဲ
၁။ ပြည်သူလူထု အကျိုးစီးပွားကို အဓိကထားမှု (People centered)
(၁၉) ကြိမ်မြောက် ကွန်ဂရက်အစီရင်ခံစာထဲမှာ ရှီကျင့်ဖျင်က ကျွန်တော်တို့တတွေဟာ လူသောင်းအချို့ မျက်နှာကို ထောက် မလား။ လူသန်းပေါင်း (၁၄ဝဝ) မျက်နှာကိုထောက်မလားလို့ မေးခဲ့ပါတယ်။ လာဘ်ယူ လာဘ်စားမှုနဲ့ အရေးယူခံရ တဲ့ပါတီနဲ့ အစိုးရဝန်ထမ်းသောင်းအချို့ကို မထောက်ထားဘူးလို့ အပြောခံရတဲ့အတွက် တရုတ်တပြည်လုံးရှိ ပြည်သူ သန်းပေါင်း (၁၄ဝဝ) ကိုပဲ ထောက်ထားရမယ်လို့ ဆိုလိုတာပါ။


ပြောင်းရွှေ့နေရာချထားသော ရွာသစ်တရွာ

တကယ်တော့ ဒီလိုစကားမျိုးကို ရှီက လွန်ခဲ့တဲ့နှစ် (၂ဝ) ကျော် သူ ခရိုင်အဆင့်တာဝန်ခံဖြစ်စဉ်ကတည်းက ပြောခဲ့ဖူးတာပါ။ ဖူကျင့်ပြည်နယ်တွင်း ခရိုင်အတွင်းရေးမှူးအဖြစ် နင်တဲ့ခရိုင်ကိုရောက်သွားစဉ် အဲဒီခရိုင်အတွင်း အစိုးရအရာရှိအတော်များများ ဟာ လယ်သမားတွေဆီက လယ်တွေသိမ်းပြီး (အစိုးရငွေနဲ့) အိမ်တွေဆောက် ကိုယ်ကတော့ အစိုးရပေးတဲ့အိမ်နဲ့ နေစတဲ့ အမှုတွေနဲ့ တန်းတိုးပါတယ်။ ဒါကို လူထုကမကျေနပ်လို့ လူထုဆန္ဒဖော်ထုတ်ပွဲတွေ လုပ်နေတာပါ။ အဲဒီလူထုတွေကို ရှီက ခေါ်တွေ့ပြီး တကယ်ဟုတ်မဟုတ် ကွင်းဆင်းလေ့လာပါတယ်။ မှန်ကြောင်းတွေ့ရတဲ့အခါ၊ အဲဒီလိုအရာရှိတွေကို ပထမ တော့ အစိုးရအိမ်တွေကိုပြန်အပ်ခိုင်း၊ မြေယာလျော်ကြေးတွေပေးခိုင်း စတာတွေလုပ်ပြီး တချို့လူထုအပေါ် ပြစ်မှုကျူးလွန်ခဲ့ သူများကိုတော့ (မြေယာတွေအကြမ်းဖက်သိမ်းရင်း ထိခိုက်မှု၊ သေဆုံးမှုတွေဖြစ်ခဲ့) အိမ်တွေသိမ်း၊ ရာထူးကဖြုတ် အရေးယူခဲ့ ပါတယ်။ အဲဒီတုန်းက ရှီကပြောခဲ့တာပါ။ ကျွန်တော်တို့ဟာ လူ (၁၃) သန်း (ခရိုင်အတွင်းလူဦးရေ)မျက်နှာထောက်မလား။ အရာရှိတရာကျော် (ပြစ်မှုတွေကျူးလွန်ထားတဲ့ အရာရှိများ) မျက်နှာထောက်မလားတဲ့။

တရုတ်ပြည်သူလူထုအကြောင့်ကြဆုံးပြဿနာဟာ တရုတ်ကွန်မြူနစ်ပါတီတွင်းနဲ့ တရုတ်အစိုးရတွင်း လာဘ်ယူလာဘ်စားမှု များ တနေ့တခြားကြီးထွားလာပြီး မနိ်ုင်မနင်းဖြစ်ကာ၊ ပျက်စီးသွားမှာကိုပါ။ တရုတ်ကွန်မြူနစ်ပါတီဟာ စတင်တည်ထောင် ကတည်းက ပါတီတွင်းစည်းကမ်းများကို အတော်တင်းကျပ်စွာကိုင်တွယ်ခဲ့ပါတယ်။ စည်းကမ်းချိုးဖေါက်သူများကိုလည်း အတော်ပြင်းထန်စွာအရေးယူပါတယ်။ ဘယ်သူ့မျက်နှာမှမထောက်ပါဘူး။ ဒါပေမဲ့ ၁၉၇၈ ခုနှစ် ပြုပြင်ပြောင်းလဲရေးတံခါး ဖွင့်ပေါ်လစီကျင့်သုံးပြီး နိုင်ငံခြားရင်းနှီးမြှုပ်နှံမှုများကို ဖိတ်ခေါ်ရတဲ့အခါ၊ စည်းကမ်းတွေလျော့ရဲလာပါတယ်။ (တိန်ရှောင်ဖင် ကလည်း တံခါးတွေဖွင့်လိုက်ရင်တော့၊ လေကောင်းလေသန့်တွေ၊ အလင်းရောင်တွေနဲ့အတူ၊ ခြင်တွေ ယင်တွေ ဝင်လာမှာပဲ လို့ သတိပေးခဲ့ပါတယ်။)

အစိုးရကိုယ်တိုင်က ယဉ်ကျေးမှုတော်လှန်ရေး (၁ဝ) နှစ် ဆင်နွှဲထားလို့ စီးပွားရေးအရချွတ်ခြုံကျနေတဲ့အရေးက သေရေး ရှင်ရေးဖြစ်နေလေတော့ (Investment friendly atmosphere) န်ိုင်ငံခြားအရင်းအနှီးတွေ လှိမ့်ဝင်လာရေးကိုပဲ မျက်စိမှိတ် ဦးစားပေးခဲ့ရပါတယ်။ နိုင်ငံခြားက အရင်းအနှီးတင်မက၊ အုပ်ချုပ်မှုဆိုင်ရာပုဂ္ဂိုလ်တွေ၊ အတတ်ပညာရှင်တွ စသဖြင့် လူစုံပါ လာပြီး၊ (တချို့ဆို အစီအစဉ်ရှိရှိ တရုတ်ကွန်မြူနစ်တွေကို) ဘက်စုံက ဖျက်ဆီးပါတော့တယ်။ အရင်းရှင်စနစ်အတွင်းက ဆုတ်ယုတ်ပျက်ပြားတဲ့အကျင့်တွေ ပေါ်ထွက်လာပါတယ်။ အရင်းအနှီးရှိတဲ့ အရင်းရှင်ငွေရှင်ကြေးရှင်များနဲ့ အာဏာပိုင်အဖွဲ့ အစည်းထဲကလူများ ပူးပေါင်းပြီး ခရိုနီလူတန်းစားများ ပေါ်ပေါက်လာခဲ့ပါတယ်။ (၂ဝဝ၈ ခုနှစ်လောက်ကတည်းက သတင်း စာတွေထဲမှာ ဒီစီးပွားရေးပုံစံကို မပြုပြင်ရင်တော့၊ တို့တိုင်းပြည်ကြီး အရင်းရှင်ခရိုနီစနစ်ကြီး ဖြစ်သွားတော့မယ်လို့ ရေးသား နေတာတွေရှိပြီး၊ အဲဒီဆောင်းပါးတွေထဲမှာပဲ၊ တရုတ်ပြည်မှာ မီးခိုးရောင်ငွေ (၉) ထရီလျံယွင်ရှိတယ်လို့ ဆိုထားပါတယ်။ (မီးခိုးရောင်ငွေ (Gray money) ဆိုတာ သန့်သန့်ရှင်းရှင်းရထားတဲ့ ငွေဖြူလည်းမဟုတ်၊ ဥပဒေမဲ့ရထားတဲ့ ငွေမဲလည်းမဟုတ်ပဲ၊ ဥပဒေတွေကို လက်တလုံးကြားလုပ်၊ ယိုပေါက်အမျိုးမျိုးကနေရထားတဲ့ဝင်ငွေတွေကို ဆိုလိုတာပါ။)



ဆင်းရဲမှုပပျောက်ရေးစီမံကိန်းအရ အိမ်သစ်များသို့ပြောင်းရွှေ့လာတဲ့ ရွာသူရွာသားများ

ဒါတွေကို တရုတ်အစိုးရအဆက်ဆက် နှိမ်နင်းခဲ့ပေမယ့် အမြစ်မပြတ်ပါဘူး။ တရုတ်အစိုးရအနေနဲ့ကလည်း အရင်းရှင်ကမ္ဘာနဲ့ သိပ်မျက်နှာပျက်မခံနိုင်သေးပါဘူး။ ကိုယ့်တိုင်းပြည်စီးပွားရေးက သိပ်မတည်ငြိမ်သေးလို့ပါ။ ၂၁ ရာစုအဝင်မှာတော့ တရုတ် စီးပွားရေးကလည်း အတော်တောင့်တင်းလာ (အရန်ငွေ ဒေါ်လာ ၃ ထရီလျံကျော်)၊ အရင်းရှင်စီးပွားရေးကလည်း ပုံပျက်လာ တဲ့အခါ၊ တရုတ်က ဒါကိုအခွင့်ကောင်းအဖြစ်အသုံးချပြီး၊ တရုတ်ဆိုရှယ်လစ်စနစ်ခိုင်မာရေးအတွက် ဘက်စုံက ပုံအောလုပ် လာရင်း အိတ်ပေါက်နဲ့ ဖားကောက်သလိုဖြစ်နေရတဲ့ (ပြည်သူတွေကလည်း သိပ်ရွံ့မုန်းနေတဲ့ အခွင့်ထူးခံများရဲ့) လာဘ်ယူ လာဘ်စား တိုက်ဖျက်ရေးကို ပြင်းပြင်းထန်ထန်လုပ်ဆောင်လာရာမှာ ပြည်သူတွေရဲ့ တခဲနက်ထောက်ခံမှုကိုရလာပြီး၊ ပါတီရဲ့သြဇာရော၊ အစိုးရရဲ့သြဇာပါ တက်လာပါတော့တယ်။ မိမိလုပ်သရွေ့ အကျိုးကျေးဇူးခံစားလာရမှုများက လူတွေရဲ့ထုတ်လုပ်ရေးစွမ်းအင်တွေကိုမြှင့်တင်ပေးလိုက်ပါတယ်။ ဒါက တရုတ်ကွန်မြူနစ်ပါတီရဲ့အောင်မြင်မှုများကို ခိုင်မာတောင့် တင်းစေလိုက်ပါတယ်။ ပြည်သူတွေရဲ့အကျိုးစီးပွားကို ဦးထိပ်ထားတယ်ဆိုတာကို ပေါ်လွင်အောင်ပြသနိုင်ခဲ့ပါတယ်။

၂။ အုပ်ချုပ်ခွင့်ရထားတဲ့ပါတီ အင်အားတောင့်တင်းအောင် တည်ဆောက်ရေး
ရှီ ရဲ့ကွန်ဂရက်မှာတင်တဲ့ အစီရင်ခံစာမှာ တရုတ်ပြည်ရဲ့ရှေ့အနှစ် (၃ဝ) ထိ (၂ဝ၄၉ တရုတ်ပြည်သစ်တည်ထောင်တာ နှစ် (၁ဝဝ) ပြည့်) စီမံကိန်းအပြည့်အစုံ (Blue print) ကို အဆင့်အသီးသီးခွဲပြီး တင်ပြထားတာတွေ့ရပါတယ်။ ဘယ်အစိုးရ၊ ဘယ်ပါတီမှ မလုပ်နိုင်တဲ့လုပ်ငန်းပါ။ ဒါပေမဲ့ တရုတ်ပြည်မှာက တရုတ်ကွန်မြူနစ်ပါတီဟာ တောက်လျှောက်အုပ်ချုပ်ခွင့်ရခဲ့တဲ့ ပါတီဖြစ်နေလို့ပါ။ ဒီလိုမျိုးအခွင့် (Legitimiacy) ဘာ့ကြောင့်ရနေသလဲ။

တရုတ်ကွန်မြူနစ်တွေဟာ သူတို့ပါတီကို စဉ်ဆက်မပြတ် သန့်ရှင်းလန်းဆန်းတက်ကြွနေအောင်၊ ခေတ်ကာလများနဲ့အညီတီထွင်ဖန်တီးမှုရှိစွာ ဘက်စုံကပြုပြင်ပြောင်းလဲရေးတွေ လုပ်နေနိုင်လို့ပါပဲ။ ပါတီတွင်းနိုင်ငံရေးလေထုကို အလွန်ကောင်း မွန်အောင် လုပ်ဆောင်ထားတာပါ။

တကယ်တော့ တရုတ်ကွန်မြူနစ်ပါတီဟာ လွန်ခဲ့တဲ့ (၉၆) နှစ်က လူ (၅ဝ) လောက်သာရှိခဲ့တဲ့ အစုအဖွဲ့လေးတခုအဖြစ်က နေအခုအခါ ပါတီဝင်ပေါင်း (၈၉) သန်းနဲ့ အောက်ခြေအဖွဲ့ (Grassroots organizations) ၄.၅ သန်းရှိတဲ့ ပါတီကြီးတရပ် အ ဖြစ်သို့ရောက်ရှိနေပြီး၊ ကမ္ဘာပေါ်မှာအကြီးဆုံး အုပ်ချုပ်ခွင့်ရပါတီဖြစ်နေပါပြီ။ တိုင်းပြည်ကြီး တည်ငြိမ်ဖို့၊ ဖွံ့ဖြိုးတိုးတက်ရေးအရှိန်ကိုထိမ်းထားနိုင်ဖို့၊ ပြုပြင်ပြောင်းလဲရေးများကို ဆက်လက်လုပ်ဆောင်ဖို့ ပါတီကြီးကို အင်အားတောင့်တင်း ခိုင်မာ အောင် တည်ဆောက်ကြမယ်လို့လည်း တရုတ်ကွန်မြူနစ်များက ဆုံးဖြတ်ထားကြပါတယ်။     ပါတီကြီးကို အဂတိကင်းစင်တဲ့၊ ဖျက်ဆီးလို့မရနိုင်တဲ့၊ နိုင်ငံရေးပါတီတရပ်ဖြစ်လာရေးအတွက် လုပ်ဆောင်မှုတွေကို ကြည့်ရအောင်ပါ။

(က) ပါတီဝင်များလိုက်နာရမဲ့စည်းကမ်းများ၊ ယေဘုယျအခြေခံတောင်းဆိုမှုများအပြင်၊ အချိန်ကာလအလိုက်၊ နေရာ ဌာန များအလိုက် စည်းကမ်းသတ်မှတ်ချက်များအား အလွန်အသေးစိတ်ကျပါတယ်။ ဥပမာ - ခြိုးခြံချွေတာရေးအတွက် လိုက်နာ ရမဲ့ အချက် (၈) ချက်ဆိုပါစို့။ ပြည်သူပိုင်ပစ္စည်းများ (ကားများ၊ အဆောက်အအုံများ) သုံးစွဲမှုကန့်သတ်ချက်များ၊ အစိုးရငွေ များသုံးပြီး အခမ်းအနားများ ၊စားပွဲသောက်ပွဲကျင်းပတာတွေ၊ ခရီး (လေ့လာရေးနာမည်တပ်ပြီး နိုင်ငံခြားခရီးတွေ) ထွက်ရာ မှာ မလိုအပ်သူများပါနေတာ၊ စတာ စတာတွေကို အကုန်တင်းကျပ်စွာပိတ်ထားပါတယ်။ (အဲဒီလှုပ်ရှားမှုကြောင့် တိုင်းပြည် ငွေဘီလီယံနဲ့ချီ ချွေတာလိုက်နိုင်ပါတယ်။ စာရင်းအတိအကျ တိုင်းပြည်ကို ထုတ်ပြန်ပေးခဲ့ပါတယ်။)

(ခ) ဒီလုပ်ဟန်တွေကို စောင့်ကြည့်စုံစမ်းကြီးကြပ်တဲ့အဖွဲ့များကိုလည်း အဆင့်ဆင့်ဖွဲ့ထားပါတယ်။

(ဂ) ဒါတွေကိုချိုးဖောက်သူများကို ရာထူးအဆင့်အတန်းမခွဲ၊ ဘယ်မျက်နှာမှမထောက် တရားဥပဒေနဲ့အညီ အရေးယူအပြစ် ပေးပါတယ်။ တရားစီရင်စစ်ဆေးမှုတွေကိုလည်း အတော်ပွင့်လင်းစွာပြုလုပ်ပါတယ်။ အစိုးရရုပ်မြင်သံကြားက တိုက်ရိုက် လွှင့်ထုတ်ပေးတာတောင် ရှိခဲ့ပါတယ်။

ဒီနည်းများနဲ့ (၁၈ ကြိမ်နဲ့ ၁၉ ကြိမ် ကွန်ဂရက်ကြား) ၅ နှစ်ကာလအတွင်း လာဘ်ယူလာဘ်စားအမှုပေါင်း ၁.၆ သန်းကျော် စုံစမ်းစစ်ဆေးတွေ့ရှိခဲ့ပြီး၊ အစိုးရအမှုထမ်းနဲ့ ပါတီဝင်ပေါင်း ၁.၂ သန်းကျော်ကို အရေးယူအပြစ်ပေးခဲ့နိုင်ပါတယ်။ နိုင်ငံခြားတိုင်းပြည်များကိုပြေးသွားတဲ့သူပေါင်း ရာဇဝတ်သား၂၅ဝဝ ကျော်ကို တိုင်းပြည်သို့ပြန်လည်ခေါ်ဆောင်လာနိုင်ခဲ့ပါတယ်။ တိုင်းပြည်ဘဏ္ဍာငွေ ယွင် ၈.၆ ဘီလီယံ (ဒေါ်လာ ၁.၂ ဘီလီယံ) ပြန်လည်ရရှိခဲ့ပါတယ်။ ဒီလိုနည်းနဲ့ ပါတီတွင်းလေထုကိုသန့်စင်အောင်လုပ်နေရုံမျှမက ပါတီတွင်း မျိုးဆက်သစ်မွေးမြူရေးလုပ်ငန်းများကိုလည်း စနစ်တကျလုပ်ဆောင်ပါတယ်။ ပါတီ အဆင့်တိုင်းက ခေါင်းဆောင်အစုများထဲမှာ သုံးပုံတပုံကို အသစ်များထည့်သွင်းပြီး လူဟောင်းများနဲ့ ပူးတွဲတာဝန်ယူစေပါ တယ်။

တရုတ်က အစိုးရအရာရှိများမွေးမြူရာမှာ (Meritocracy) ဆိုတဲ့ အရည်အချင်းပေါ်မူတည်ပြီး ရာထူးအတိုးအမြှင့် လုပ်မှုပါပဲ။ ဒါတွေက ဝန်ထမ်းတွေရဲ့လုပ်ရည်ကိုင်ရည်နဲ့ စိတ်ဓာတ်ထက်သန်မှုတွေကို ရစေပါတယ်။ တရားမျှတစွာယှဉ်ပြိုင်မှုကို ဖြစ် စေပါတယ်။

၃။ အခြေခံပစ္စည်းများ (Resources) ကို လိုအပ်သလို စုစည်းအသုံးပြုနိုင်ခြင်း
တိုင်းပြည်မှာ အရေးပေါ်အခြေအနေများ (သဘာဝဘေးများ၊ လူမျိုးစုပြဿနာများ) ပေါ်ပေါက်လာပါက တရုတ်အစိုးရ (ဗဟို) အနေနဲ့ လိုအပ်သလို အခြေခံပစ္စည်းများကို ထိရောက်စွာစုစည်းအသုံးပြုနိုင်ပါတယ်။ ဒါ့ကြောင့်ပဲ အခြေခံအဆောက်အအုံတည်ဆောက်ရေးမှာဖြစ်ဖြစ်၊ သုတေသနလုပ်ငန်းများမှာဖြစ်ဖြစ်၊ ပုံအောအကုန်အကျခံနိုင်တာကြောင့်၊ တခြားနိုင်ငံ များနဲ့ယှဉ်ရင် အမြဲရှေ့ရောက်နေနိုင်တာဖြစ်ပါတယ်။ ဥပမာ - ၂ဝဝ၈ စစ်ချွမ်ငလျင်ကြီးဘေးနဲ့ကြုံရတဲ့ ဒေသအားလုံးကို တတိုင်းပြည်လုံးက (ပြည်နယ်တိုင်း) ဝိုင်းပြီး ပြန်လည်တည်ဆောက်ပေးခြင်းဖြင့် (၁ဝ) နှစ်ပြည့်ချိန်မှာ လုပ်ငန်းအားလုံး နဂိုအတိုင်း ပြန်တည်ဆောက်ပြီးဖြစ်နေပါတော့တယ်။ ဒါ့အပြင် စနစ်တကျစုံစမ်းလေ့လာညှိနှိုင်းပုံစံဆွဲပြီးမ ပြန်လည်တည် ဆောက်တာဖြစ်လို့ ရေတိုအကျိုးပေါ်ထွက်မဲ့စီမံကိန်းတွေရော၊ ရေရှည်စဉ်ဆက်မပြတ်ဖွံ့ဖြိုးရေးအတွက်ပါ စီမံကိန်းများပါ ဝင်နေတာ တွေ့ရပါတယ်။

၎။ ထိရောက်တဲ့ ဒီမိုကရေစီစနစ်

ဒီမိုကရေစီရဲ့အနှစ်သာရဟာ ပြည်သူလူထု အလိုကျကျေနပ်စေမှုပါပဲ။ တရုတ်ပြည်က ကျင့်သုံးနေတဲ့ နိုင်ငံရေးစနစ် ပြည်သူ့ ကွန်ဂရက်စနစ်ရဲ့ အဓိကတာဝန်ဟာ ပြည်သူလူထုအကျိုးဆောင်ပြီး၊ ပြည်သူတွေရဲ့အကျိုးစီးပွားကိုသာ ကြိုးပမ်းလုပ် ဆောင်ပေးရတာဖြစ်ပါတယ်။ ယခုအခါ နိုင်ငံတော်အာဏာရဲ့အမြင့်ဆုံးအဖွဲ့အစည်းဖြစ်တဲ့ အမျိုးသားပြည်သူ့ကွန်ဂရက်မှာအလွှာအသီးသီးက အထူးသဖြင့် အောက်ခြေပြည်သူ့အသံများ ပိုမိုကြားရဖို့အတွက် အလုပ်သမား၊ လယ်သမား၊ ဝန်ထမ်း ပညာရှင်၊ အမျိုးသမီးကိုယ်စားလှယ်နေရာများ ပိုမိုပေးလာနေပါတယ်။ ရွှေ့ပြောင်းအလုပ်သမားရဲ့ ကိုယ်စားလှယ်များ တောင် တက်ရောက်လာတာ တွေ့ရပါတယ်။

တရုတ်ရဲ့ဒီမိုကရေစီမှာ တိုင်ပင်ဆွေးနွေးညှိနှိုင်းခြင်းဟာ အခရာ ဂုဏ်အင်္ဂါရပ်ဖြစ်ပါတယ်။ (Consultative) ဥပမာ - ၁၃ ကြိမ်မြောက် (၅) နှစ်စီမံကိန်း (၂ဝ၁၆ - ၂ဝ၂ဝ) (အတော်အသင့်ပြည့်စုံ ကြွယ်ဝတဲ့လူ့အဖွဲ့အစည်းတည်ဆောက်ရေး အတွက် အချက်အချာစီမံကိန်း) ဟာ လူ့အဖွဲ့အစည်းထောင့်စုံ၊ နေရာစုံက အထက်မှအောက်၊ အောက်မှအထက်၊ အပြန်ပြန် အလှန်လှန် တိုင်ပင်ဆွေးနွေးပြီးမှ ထွက်လာတာပါ။ တနိုင်ငံလုံးက စုစည်းရသမျှ အချက်အလက်ပေါင်း ၂၅ဝဝ ထဲက ၃၂ ရာ နှုန်းကို လက်ခံထားပါတယ်။ (ဒီနေရာတင်မဟုတ်ပါဘူး။ ပါတီကွန်ဂရက်အတွက် အစီရင်ခံစာပြင်ဆင်ရာမှာပဲဖြစ်ဖြစ်၊ အစိုးရရဲ့လုပ်ငန်းအစီရင်ခံစာအတွက်ပြင်ဆင်ရာမှာပဲဖြစ်ဖြစ်၊ အဲသလိုတပြည်လုံးက ပါဝင်ပြောဆိုခွင့်ရအောင် စီစဉ်ထားတဲ့အ ခြေခံအဆောက်အအုံတွေရှိပါတယ်။) အစိုးရဝန်ထမ်းများရွေးချယ်ရာမှာဖြစ်စေ၊ ရာထူးနေရာများ တိုးမြှင့်ရာမှာဖြစ်စေ၊ အ ရည် အချင်းများပေါ်မူတည်ပြီး ရွေးချယ်မှုနဲ့ ရွေးကောက်ခံရမှု (Selection plus election) စနစ်နဲ့သွားရုံသာမက၊ လူထု ရဲ့အမြင်၊ သဘောထားများကိုလည်း အလေးထားထည့်သွင်းစဉ်းစားပါတယ်။ အရာရှိများရဲ့လုပ်ရည်ကိုင်ရည်များကို အကဲ ဖြတ်တဲ့အချက်များကတော့၊ စီးပွားရေးဖွံ့ဖြိုးတိုးတက်မှု၊ အလုပ်အကိုင်ဖန်တီးနိုင်မှု၊ လူမှုတည်ငြိမ်ရေး၊ ဆင်းရဲသားပ ပျောက် ရေးလုပ်ငန်းများ၊ သဘာဝပတ်ဝန်းကျင်လုပ်ငန်းများ စတာတွေပါဝင်ပြီး၊ ယှဉ်ပြိုင်မှုများကလည်း အလွန်ပြင်းထန်လို့ လုပ်ရည်ကိုင်ရည် အလွန်ကောင်းမွန်သူများသာ ရာထူးတက်လာနိုင်တာပါ။ (ယခု သမ္မတရှီကျင့်ဖင်ရော၊ ဝန်ကြီးချုပ် လီခက် ချန်ရော၊ သာမန်အောက်ခြေအဖွဲ့အစည်းများက အဆင့်ဆင့်တက်လာသူများဖြစ်ပါတယ်။)

၅။ ပြုပြင်ပြောင်းလဲရေးများ လုပ်နိုင်မှု
တရုတ်အစိုးရအနေနဲ့ ရေရှည်စီမံကိန်းများ၊ ရေတိုစီမံကိန်းများရှိပေမယ့် လိုအပ်ရင် လိုအပ်သလိုပြုပြင်ပြောင်းလဲမှုတွေကို အချိန်မီ တီထွင်ဖန်တီးမှုရှိစွာ လုပ်ဆောင်နိုင်ခဲ့ပါတယ်။

ဥပမာ - ကျေးလက်ဖွံ့ဖြိုးရေးလုပ်ငန်းများအကြောင်းကြည့်ရအောင်ပါ။ တရုတ်ပြည်အနေနဲ့ လယ်ယာလုပ်ငန်းနဲ့ကျေးလက်ဒေသကိုခေတ်မီတိုးတက်အောင်တပြိုင်တည်းမလုပ်နိုင်ရင်ခေတ်မီတိုးတက်တဲ့နိုင်ငံမဖြစ်နိုင်ဘူး။လို့ဆိုထားပါတယ်။ဒိအတွက်ကျေးလက်ဒေသဖွံ့ဖြိုးရေးအတွက်စီမံကိန်းများရေးဆွဲရာမှာဒေသအလိုက်၊အခြေအနေအလိုက်ရေးဆွဲထားပြီးသင့်တော်သလိုပြုပြင်ပြောင်းလဲနိုင်အောင်စီမံထားတာတွေ့ရပါတယ်။စီမံကိန်းကိုတသမတ်တည်းမထားပါဘူး။

နေရေး စားရေး ဖူလုံတဲ့ကျေးရွာများမှာ လူမှုရေးဝန်ဆောင်မှုလုပ်ငန်းတွေ အဓိကထားဖို့၊ သမိုင်းအမွေအနှစ်တွေရှိတဲ့ ရွာ တွေမှာ ဖွံ့ဖြိုးရေးနဲ့ထိန်းသိမ်းရေးလုပ်ငန်းတွေကို တွဲလုပ်ဖို့၊ သဘာဝအန္တာရာယ်ရှိနိုင်တဲ့နေရာတွေ၊ ရာသီဥတု၊ မြေအခြေ အနေ ဆိုးဝါးတဲ့ဒေသတွေကို ပြောင်းရွှေ့နေရာချထားပေးဖို့ စသဖြင့် အသေးစိတ်ညွှန်ကြားချက်များကို ချပေးထားတာပါ။

ဒီလိုစီမံကိန်းများလုပ်ဆောင်ရာမှာလည်း စမ်းသပ်ကွက်များ (Pilot program) လုပ်ဆောင်ကြည့်ပြီးမှ တခွင်တပြင်လုံးမှာ ဖေါ်ဆောင်တာဖြစ်ပါတယ်။ ဒီလိုပြုပြင်ပြောင်းလဲရေးများကို အချိန်မီလုပ်ဆောင်နိုင်ဖို့အတွက် သက်ဆိုင်ရာတာဝန်ခံများဟာ တာဝန်ယူမှု၊ တာဝန်ခံမှု (Accountability) အပြည့်ရှိဖို့ လိုအပ်ပါတယ်။

၆။ တီထွင်ဖန်တီးမှုရှိတဲ့ ဈေးကွက်စီးပွားရေးစနစ်

တရုတ်နိုင်ငံအနေနဲ့ ဆိုရှယ်လစ်စနစ်ရဲ့အမြုတေအဆင့် (Primary stage) မှာ သာရှိနေသေးတဲ့အတွက် ယခုကျင့်သုံးနေတဲ့ အခြေခံစီးပွားရေးစနစ်အတွင်းမှာ အများပိုင်ဆိုင်မှုစနစ် (Public ownership) က အဓိကအခန်းကပါဝင်ဦးဆောင်နေပေမဲ့တခြားပိုင်ဆိုင်မှုအမျိုးမျိုးတွေလည်း ယှဉ်တွဲရှိနေပြီး၊ ဖွံ့ဖြိုးတိုးတက်နေပါတယ်။ ဒါက အများပိုင်ဆိုင်မှုစနစ် (အထူးသဖြင့် နိုင်ငံပိုင်လုပ်ငန်းကြီးများ (State Owned Enterprises.S.O.E) ရဲ့စွမ်းအင်ကို ပိုမိုခိုင်မာစေတာနဲ့အတူ ပုဂ္ဂလိကပိုင်ဆိုင်မှု အခန်းကဏ္ဍဖွံ့ဖြိုးလာရေးကိုလည်း အားပေးထောက်ခံ လမ်းညွှန်ပေးနိုင်ပါတယ်။ အခြေခံပစ္စည်းများ ခွဲဝေရေးကို ဈေးကွက် ကပဲ ဆုံးဖြတ်ခွင့်ပေးထားပြီး၊ အစိုးရကတော့ အကြီးစားပေါ်လစီများအတွက် ပိုမိုအားဖြည့်လုပ်ဆောင်ဖို့သာဖြစ်ပါတယ်။ ဒါဟာ တရုတ်များရဲ့ အစဉ်အလာအရ ဘက်စုံတဲ့အနုပဋိလောမကျတဲ့စဉ်းစားတွေးခေါ်နည်းဖြစ်တယ်လို့ ဆိုကြပါတယ်။

အစိုးရနဲ့ဈေးကွက်အကြားဆက်ဆံရေးဟာ ပိုမိုအားကောင်းစေတဲ့ (Symbiotic) ဆက်ဆံရေးဖြစ်စေတဲ့အတွက် တရုတ်ရဲ့ဆိုရှယ်လစ်ဈေးကွက်စနစ်ဟာ အံသြဖွယ်စီးပွားရေးအောင်မြင်မှုတွေကိုရခဲ့ပြီး၊ တရုတ်နိုင်ငံအနေနဲ့လည်း ကျွမ်းကျင် လုပ် သားများ ဆွဲဆောင်တဲ့ (Talent magnet) နေရာဖြစ်လာနေပါတယ်။ နိုင်ငံခြားထွက်ပညာသင်ခဲ့ကြတဲ့သူတွေ အခုအခါ သိန်း နဲ့ချီပြီး တရုတ်ပြည်ပြန်လာနေကြပါတယ်။ တရုတ်ပြည်မှာ ပြုပြင်ပြောင်းလဲရေးတွေကြောင့် အခုအခါ လုပ်ငန်း ကိုင်ငန်း လုပ်ကိုင်ခွင့်တွေ အလတ်စားအငယ်စားလုပ်ငန်းတွေ (small and median –size enterprises.S.M.E) လုပ်ပိုင်ခွင့်တွေ ပိုမို ကောင်းမွန်လာလို့ဖြစ်ပါတယ်။ အရင်က (Brain drain) ဦးနှောက်ယိုစီးမှုကြုံနေခဲ့ရတယ်ဆိုတဲ့ တရုတ်ပြည်မှာ အခုတော့ (Brain gain) ဦးနှောက်စွမ်းရည် အမြတ်ထွက်လာနေပါပြီ။

၇။ တည်ငြိမ်မှုကို ထိန်းသိမ်းခြင်း
တရုတ်ပြည်ရဲ့အဓိကကိုင်စွဲထားတဲ့မူဟာ ဖွံ့Nဖိုးတိုးတက်ရေးနဲ့ယှဉ်လျက် လူမှုရေးတည်ငြိမ်မှုကို ထိမ်းသိမ်းရေးပါပဲ။ လုံခြုံ ရေးဟာ လူထုရဲ့နေထိုင်မှုဘဝမှာ အလွန်အရေးကြီးတဲ့အစိတ်အပိုင်းတရပ်ဖြစ်ရုံမက၊ ဖွံ့ဖြိုးတိုးတက်ရေးအတွက်လည်း ပတ်ဝန်းကျင်ကောင်းကို ဖော်ဆောင်ပေးပါတယ်။

ကမ္ဘာမှာ လူဦးရေအများဆုံးရှိတဲ့ တရုတ်ပြည်မှာ (က) လူမျိုးစုအများအပြားရှိပေမယ့် (ခ) အလွန်ကျယ်ပြောတဲ့နိုင်ငံကြီး ဖြစ်ပေမယ့် (ဂ) မတူတဲ့ဒေသများအကြားဖွံ့ဖြိုးတိုးတက်မှုတွေ မညီမမျှဖြစ်နေပေမယ့်ပြုပြင်ပြောင်းလဲရေး၊ ဖွံ့ဖြိုးတိုးတက် ရေးနဲ့တည်ငြိမ်မှုအကြား ဟန်ချက်ညီအောင်ထိန်းညှိထားနိုင်လို့ လူမှုရေးတည်ငြိမ်မှုကို ထိမ်းသိမ်းထားနိုင်တာပါ။ ပြုပြင် ပြောင်း လဲရေးလုပ်ငန်းများအကြားပေါ်ပေါက်လာလေ့ရှိတဲ့ ပဋိပက္ခများကို ပြည်သူအကျိုးစီးပွားပေါ်အခြေခံပြီး လက်ဦးမှုရှိ ရှိဖြေရှင်းပေးနိုင်ရုံမျှမက၊ ပြည်သူလူထုကိုလည်း မိမိတို့ရဲ့မတူညီတဲ့အကျိုးစီးပွားတွေ၊ တောင်းဆိုမှုတွေကို စနစ်တကျ သင့်တင့်လျောက်ပတ်စွာ ဖြေရှင်းဖို့ လမ်းညွှန်မှုတွေလုပ်ပေးပါတယ်။

အလုပ်အကိုင်သစ်များပေါ်ပေါက်ရေး၊ တည်ငြိမ်ရေးတွေကို အဆက်မပြတ်လုပ်ဆောင်ပြီး ဝင်ငွေကွာဟမှုများကိုလည်း လျှော့ချပေးနိုင်ခဲ့ပါတယ်။ ဒါ့အပြင် ကမ္ဘာအကြီးဆုံးအကျယ်ပြန့်ဆုံး လူမှုဖူလုံရေးကွန်ရက်ကိုလည်း တည်ဆောက်ပေး ထားပြီးပါပြီ။



ကာဘွန်အသုံးပြုမှုလျှော့ချထားတဲ့ မြို့သစ် (Smart city)

လူတွေရဲ့စိတ်မှာ တရားမျှတမှုရှိတယ်လို့ ခံစားရရုံမက၊ ကြိုးစားရင်ကြိုးစားသလောက် အကျိုးခံစားခွင့်ရှိတယ်၊ မျှော့်လင့် ချက်တွေရှိတယ်ဆိုတာတွေကို ထင်သာမြင်သာအောင် လုပ်ဆောင်နေတာတွေလည်း ရှိပါတယ်။ ဒါတွေက လူမှုရေး တရားမျှတမှု (Social justice) ကိုရစေပြီး တည်ငြိမ်မှုကိုရစေပါတယ်။

၈။ အပြန်အလှန်အကျိုးရှိရေးနဲ့ မျှဝေခြင်း
တရုတ်အနေနဲ့ ၁၉၇၈ ခုနှစ် ပြုပြင်ပြောင်းလဲရေးနဲ့ တံခါးဖွင့်ပေါ်လစီစတင်ကျင့်သုံးချိန်ကစလို့ နိုင်ငံတကာအဖွဲ့စည်းများ (ကုလသမဂ္ဂ၊ ကမ္ဘာ့ဘဏ် စသဖြင့်) ဖွံ့ဖြိုးတိုးတက်ပြီးနိုင်ငံများ (အမေရိကန်၊ ဥရောပစသဖြင့်) ကနေ အကူအညီများ (အရင်းအနှီး၊ အတတ်ပညာစသဖြင့်) ဘက်စုံရရှိခဲ့ပါတယ်။ အဲဒီအရင်းရှင် ဂလိုဘယ်လာဇေးရှင်းလှိုင်းကိုစီးပြီး (တဖက်က လည်း ဂလိုဘယ်လာဇေးရှင်းကို ထောက်ပံ့ကူညီပြီး) တရုတ်အနေနဲ့ ကမ္ဘာ့ဒုတိယအင်အားအကြီးဆုံးနိုင်ငံတရပ်ဖြစ်လာတာပါ။ တရုတ်က ကျွန်တော်တို့ကို အကူအညီပေးခဲ့တဲ့သူတွေရဲ့ကျေးဇူးကို ဘယ်တော့မျှမမေ့ပါဘူး။ ကျွန်တော်တို့တတ် နိုင်သမျှပြန်ဆပ်မှာပါလို့ ဆိုနေပါတယ်။ ဒီလိုနဲ့ ကမ္ဘာ့ရွာဖြစ်လာချိန်မှာ ကမာ့္ဘစီးပွားရေးအခြေအနေတွေ ကျဆင်းလာတော့ တချို့နိုင်ငံများက ဂလိုဘယ်လာဇေးရှင်းကနေ နောက်ဆုတ်ချင်လာကြပါတယ်။

ဒီမှာတင် တရုတ်က ဂလိုဘယ်လာဇေးရှင်းရဲ့အားနည်းချက်တွေကိုပြုပြင်ပြီး ပိုမိုပွင့်လင်းမှုရှိတဲ့၊ ပိုမိုတရားမျှတတဲ့၊ အားလုံး ပါဝင်နိုင်တဲ့ အနာဂတ်တွေကံကြမ္မာတွေကို မျှဝေထားတဲ့ ကမ္ဘာကြီးတရပ်တည်ဆောက်ရေးဆိုတဲ့လမ်းစဉ်ကို တင်လာ တာဖြစ်ပါတယ်။ တရုတ်က လက်ဦးမှုယူပြီး အလုပ်လမ်းညွှန်တွေကိုလည်း တင်လာနေပါတယ်။

(က) ပိုးလမ်းမသစ် (စင်္ကြံခါးပတ်လမ်း) တည်ဆောက်ပြီး အာရှ၊ ဥရောပ၊ အာဖရိကနိုင်ငံများအကြား ဆက်သွယ်ရေးလမ်း ကြောင်း အမျိုးမျိုးကနေဆက်သွယ်ပြီး၊ ဖွံ့ဖြိုးတိုးတက်မှုလမ်းကြောင်းတွေကို ရှာဖွေဆက်နွယ်ဖို့၊

(ခ) အာရှအခြေခံအဆောက်အအုံ ရင်းနှီးမြှုပ်နှံမှုဆိုင်ရာဘဏ် (Asian Infrastructure Investment Bank AIIB) ကို မတည်ပေးပြီး နိုင်ငံတကာကိုဖိတ်ခေါ်ရာမှာ နိုင်ငံပေါင်း (၈ဝ) ကျော် ပါဝင်လာတာတွေ့ရပါတယ်။ အဲဒီဘဏ်က ယခုအခါ ဖွံ့ဖြိုးဆဲနိုင်ငံများက စီမံကိန်းပေါင်း၂၈ ခုကို ဖော်ဆောင်နေပါပြီ။

တရုတ်တွေအနေနဲ့ မိမိရဲ့ ကိုယ်ပိုင်အတွေးအခေါ်အယူအဆတွေကိုလည်း မစွန့်လွှတ်ပဲ၊ တခြားနိုင်ငံက အောင်မြင်မှုတွေ ကိုလေ့လာ (တိုက်ရိုက်ပုံတူကူးခြင်းမဟုတ်) ပြီး၊ မိမိနိုင်ငံကို အင်အားကြီးနိုင်ငံတရပ်အဖြစ် ထူထောင်လိုက်နိုင်တာကို လက်တွေ့ပြသနိုင်လိုက်ပါတယ်။ ဒီအတွေ့အကြုံတွေကိုလည်း တတ်နိုင်သမျှ နည်းလမ်းပေါင်းစုံနဲ့ မျှဝေပေးနေပါတယ်။

ဒါ့အပြင် တရုတ်အနေနဲ့ မိမိတို့နိုင်ငံရဲ့ဖွံ့ဖြိုးတိုးတက်မှုအရှိန်ကို စဉ်ဆက်မပြတ်ထိန်းသိမ်းဖို့ဆိုရင် တခြားနိုင်ငံများလည်းဖွံ့ဖြိုး လာဖို့လိုတယ်။ ငြိမ်းချမ်းတဲ့ပတ်ဝန်းကျင်အနေအထားလည်းရှိရမယ်လို့ လက်ခံထားတာပါ။ ဒါ့ကြောင့် ကမ္ဘာကြီးတခုလုံး ကရရှိလာတဲ့ အကျိုးစီးပွားတွေကို တရားမျှတစွာမျှဝေပြီး အပြန်အလှန်အကျိုးရှိရေးအတွက်ကြိုးပမ်းကြဖို့ နည်းလမ်းများ အဖြစ်လမ်းကြောင်းအမျိုးမျိုးကို တဖက်ကလည်းတင်ပြ၊ တဖက်ကလည်း စမ်းသပ်လုပ်ဆောင်နေတာတွေ့ရပါတယ်။

ဒါ့ကြောင့်ပဲ တရုတ်ကွန်မြူနစ်များ နိုင်ငံတကာဝါဒသစ်လို့ သူတို့ဟာသူတို့ သတ်မှတ်ခေါ်ဝေါ်ဟန်တူပါတယ်။ ဒါတွေက တော့ တရုတ်ပြည်ဖွံ့ဖြိုးတိုးတက်ရေးလမ်းကြောင်းများအတွင်းက တခြားနိုင်ငံများလေ့လာနိုင်တဲ့၊ လေ့လာသင့်တဲ့အချက် များဖြစ်ပါတယ်။ ဒါတွေဟာ တရုတ်ကွန်မြူနစ်ပါတီရဲ့ (၁၉) ကြိမ်မြောက် ကွန်ဂရက်ကာလအတွင်းကထွက်ပေါ်လာတဲ့ စာ စောင်စာတမ်းအမျိုးမျိုးမှာ ရေးသားဖော်ပြချက်များထဲက ကောင်နုတ်ချက်များဖြစ်ပါတယ်။      

ယခုအခါ အရင်းရှင်နိုင်ငံများက စီးပွားရေးအခြေအနေများ ကသောင်းကနင်းဖြစ်နေချိန်မှာ တရုတ်စီးပွားရေးက ကြာလေ တက်လေဖြစ်နေလေတော့ တရုတ်အန္တရာယ် (China Threat) ဆိုတဲ့ကြွေးကျော်သံက ပိုကျယ်လောင်လာပါတယ်။ တရုတ် များကတော့ အရင်းရှင် (အနောက်နိုင်ငံများ) က တရုတ်အန္တရာယ်လို့ဆိုတာဟာ စစ်ရေးအပါအဝင် တခြားအကြောင်း အရာ များကို ဆိုလိုတာမဟုတ်ဘဲ၊ တရုတ်ရဲ့ဖွံ့ဖြိုးတိုးတက်မှုပုံစံ (Mode of devolpment) ကို ဆိုလိုတာဖြစ်တယ်လို့ အနက် အဓိပ္ပါယ်ဖွင့်ကြပါတယ်။

တရုတ်ရဲ့ပုံစံကတော့ ကိုယ့်နိုင်ငံ ကိုယ့်တိုင်းပြည်အခြေအနေများနဲ့အညီ ပြည်သူလူထုအကျိုးစီးပွားကိုအခြေခံပြီး ကိုယ့် လမ်း ကိုယ်ထွင်တာပါပဲလို့ ဆိုထားပါတယ်။ ဗမာပြည်အပါအဝင် ဆင်းရဲတွင်းနက်ဆဲ၊ ဖွံ့ဖြိုးဆဲနိုင်ငံများအတွက်တော့ လေ့လာစရာတွေများပါတယ်။

လှကျော်ဇော
၂၈၊ ၂၊ ၂ဝ၁၈
0