ဖိုးရွှေညီမှိုင်း ● ပလတ်စတစ်များ

ဖိုးရွှေညီမှိုင်း ● ပလတ်စတစ်များ
(မိုးမခ) ဧပြီ ၁၊ ၂၀၁၈

သမားရိုးကျ ထုံးတမ်းစဉ်လာ
သဘာဝအတိုင်း မွေးဖွားလာခဲ့
ရီဆိုက်ကယ်လ် ပြန်လုပ်လို့မရနိုင်တဲ့
ရိုးရိုးသစ်ပင်က
ရိုးရိုးသစ်ရွက် တရွက်မျှသာ။
သေဆုံးခွင့် မပြုနိုင်ဘူးဆိုရင်
ရှင်သန်ခွင့်ကို ပေးပါ
ရှင်သန်ခွင့်ကို လိုချင်ပေမယ့်
မရနိုင်ဘူးဆိုရင်တော့
သေဆုံးခွင့်ကိုသာ ပေးလိုက်ပါ။
ရှင်သန်ခွင့်မရှိ
သေဆုံးခွင့်လည်းမရှိတဲ့
ဒီ ...
ရီဆိုက်ကယ်လ်ထဲက
ပလတ်စတစ်ဘဝကြီးကို
ရိုးရိုးသစ်ရွက် ရွံလှပြီ။

ဖိုးရွှေညီမှိုင်း
၂၀၁၈ မတ်လ ၁၉ ရက်

Comments