မိုနေးသစ် ● မေ​မေ

မိုနေးသစ် ● မေ​မေ
(မိုးမခ) မေ ၂၀၊ ၂၀၁၈

မေ​မေက​ရှေးဘယ်​နှတန်း​အောင်​ခဲ့လဲမသိဘူး။ ​ရေးတတ်​ဖတ်​တတ်​​တော့ရှိခဲ့ပါတယ်​။ အဖိုးအဖွားတို့ရဲ့​တောင်​သူလယ်​ယာလုပ်​ငန်း​တွေကို ကူညီလုပ်​ကိုင်​ရင်း အတန်း​တွေမတက်​ခဲ့ရဘူးထင်​ပါတယ်​။ ​မေ​မေကစာ​ပေ​တော့ဝါသနာပါပုံပင်​ ကျ​နော်​တို့ကိုငါးရာ့ငါးဆယ်​နိပါတ်​​တော်​​တွေထဲကပုံပြင်​​တွေကို ​ပြောပြ​လေ့ရှိပါတယ်​။  မှန်​ကန်​​ဖြောင့်​မတ်​ခြင်းကိုတန်​ဖိုးထားတဲ့​နေရာမှာ ​မေ​မေက ပထမတန်းပဲဖြစ်​မယ်​ထင်​ပါတယ်​။  ငါးပါးသီလလုံခြုံဖို့ ခဏခဏ​ပြောပြရှာပါတယ်​။

မေ​မေ့လက်​​ရေး​တွေကမလှ​ပေမယ့်​ အဓိပ္ပါယ်​​ပေါက်​​အောင်​​တော့ စာ​ရေးတတ်​ပါတယ်​။  ​နေ့စဉ်​ကျ​နော်​တို့ရဲ့​ကျောင်းဝတ်​စုံ​တွေကို​လျှော်​​ပေးဖို့ဘယ်​​တော့မှပျက်​ကွက်​​လေ့မရှိပါဘူး။ ကျ​နော်​သူငယ်​တန်း စတက်​​တော့ ​ကျောင်းအပ်​ပြီးကျ​နော့်​ကိုစာသင်​ခန်းထဲတ​​ယောက်​တည်းထားခဲ့ဖို့ကြိုးစား​ပေမယ့်​မ​အောင်​မြင်​ခဲ့ပါဘူး။  ​မေ​မေ့​အနားကိုကပ်​​နေပြီး ​အော်​ဟစ်​ငိုယို​နေခဲ့တာ​ကြောင့်​ပါ။ ဒါ​ကြောင့်​ ​မေ​မေက စာသင်​ချိန်​ ​တောက်​​လျောက်​ အခန်းအပြင်​က​နေငုတ်​တုတ်​ထိုင်​​စောင့်​​နေရရှာပါတယ်​။  သူငယ်​တန်းတ​နှစ်​လုံးလည်း​မေ​မေဒုက္ခခံခဲ့ရှာပါတယ်​။  ကျ​နော့်​ကို မဆဲဆိုရက်​ မရိုက်​ရက်​ပါ။  ​မေ​မေ ကျ​နော့်​ကို​မွေးဖွားခါနီး​တော့ ကျ​နော့်​ရဲ့အဖွား​မေ​မေ့ရဲ့အ​မေကို ​အိပ်​မက်​မက်​တယ်​လို့ခဏခဏ​ပြောဖူးပါတယ်​။  အဲဒီ​နောက်​ကျ​​နော်​​မွေး​​တော့ကျ​နော့်​ကို အဖွားဝင်​စားတာလို့တ​ထစ်​ချထင်​​နေခဲ့တာ ပါ။  ​ကျ​နော်​ကလည်း ​မေ​မေမှ​မေ​မေတ​ချိန်​လုံးဘယ်​သွားသွား တ​ကောက်​​ကောက်​လိုက်​တတ်​ခဲ့သူပါ။

အဲဒါ​ကြောင့်​လည်း​မေ​မေကကျ​နော့်​အ​ပေါ်ပိုပြီးတွယ်​တာတာဖြစ်​မှာပါ။  ကျ​နော့်​အတွက်​ဆို​မေ​မေအပင်​ပန်းအဆင်းရဲအ​တော်​ခံခဲ့ရှာပါတယ်​။  ကျ​နော်​ကလည်း အလိုလိုက်​ခံရသူပီပီ ဆိုးနွဲ့ခဲ့ပါတယ်​။  ကျ​နော်​က​မွေးချင်းထဲမှာအငယ်​ဆုံးသားမို့အလိုလိုက်​တာလည်းပါမှာပါ။  ငယ်​ငယ်​က အရုပ်​ပစ္စည်းတ​ခုလိုချင်​ပြီဆို ကျ​နော်​တ​​နေ့လုံဂျီတိုက်​လို့မဆုံး​တော့ပါဘူး ​မေ​မေမဝယ်​​ပေးမချင်း ဆန္ဒပြပါ​တော့တယ်​။  ​မေ​မေ့မှာကျ​နော့်​အလိုကျ ချက်​ချင်းဝယ်​​ပေးရတတ်​ပါတယ်​။  ​တောသူ​တောင်​သားဖြစ်​တဲ့​မေ​မေဟာ ရွာဦး​ကျောင်းဘုန်း​တော်​ကြီး​ကျောင်းကိုဥပုသ်​​စောင့်​ ဆွမ်းချိုင့်​ပို့ မလွတ်​ခဲ့ပါ။  အခါကြီးရက်​ကြီးများမှာ တရားနာသီလယူမပျက်​ခဲ့ပါ။  ငယ်​ငယ်​က​လေးဘဝ မှာ ကျ​နော်​ကလည်း​မေ​မေ့ကိုကပ်​သူမို့ ဘုရား​ကျောင်းကန်​ကို​မေ​မေနဲ့အတူတူ ခဏခဏလိုက်​ဖြစ်​ပါတယ်​။

အခါရက်​​တွေမှာ​ကောက်​ညင်းဆန်​​ထောင်းပြီး မုန့်​ဆီ​ကြော်​​တွေ​ကြော်​ပါတယ်​။ ပြီး​တော့ ဘုရားကပ်​တယ်​ ဘုန်း​တော်​ကြီး​ကျောင်းလှူတယ်​ နတ်​တင်တယ်​​​ ​နောက်​ကျ​နော်​တို့က​လေး​တွေကို​ကျွေးတယ်​ အိမ်​နီးနားချင်း​တွေကိုလည်း ​ဝေ​လေ့ရှိပါတယ်​။
ရွာမှာ ကျ​နော်​တို့နဲ့​ဆွေမျိုးနီးစပ်​​တော်​တဲ့ဘကြီးတ​​ယောက်​ရှိပါတယ်​။  အဲဒီဘကြီးက ကျ​နော်​တို့​မောင်​နှမ​တွေကိုလည်းချစ်​တယ်​ အိမ်​ကိုလည်းအမြဲတမ်းလာလည်​​လေ့ရှိပါတယ်​။  သီတင်းကျွတ်​ပြီဆိုအဲဒီဘကြီးအိမ်​သွားပြီး ကန်​​တော့ကြပါတယ်​။  ဘကြီးရဲ့ခြံထဲမှာလည်း ​ဂွေးသီးပင်​​တွေ သရက်​ပင်​​တွေ ပိန္နဲပင်​​တွေ ငှက်​​ပျောပင်​​တွေစိုက်​ပျိုးထားပါ တယ်​။  ကျ​နော်​တို့မိသားစု​ရောက်​သွားတိုင်း ​ဂွေးသီး​တွေ ငှက်​​ပျောသီးသရက်​သီး ပိန္နဲသီး များကို ကျ​နော့်​တို့စိတ်ကြိုက်ချ​​​ကျွေး​​လေ့ရှိပါတယ်​။ ဒါ​ကြောင့်​ကျ​နော်​တို့က​လေးများက​တော့အဲလိုကန်​​တော့သွား ရမှာကိုအလွန်​ပဲ​ပျော်​ရွှင်​ခဲ့ကြပါတယ်​။ ​မေ​မေက ကျ​နော်​တို့ကိုမ​မေ့မ​လျော့ပဲဘကြီးနဲ့ အဖွားကို​သေ​သေချာချာ ရိုရို​သေ​သေကန်​​တော့ကြဖို့​ပြောပြပါ တယ်​။

ကျ​နော်​တို့ရွာနဲ့မလှမ်းမကမ်း​ချောင်း​လေးခြားပြီးရှိ​နေတဲ့ရွာက​လေးမှာ ဦးကြီး​တော်​စပ်​သူ မိသားစုရှိကြ ပါတယ်​။ ​မေ​မေနဲ့ကျ​နော်​က​တော့ခဏခဏအလည်​သွား​နေကျရွာက​လေးပါ။ မိုးတွင်း ​တောင်​ကျ​ချောင်း​လေးထဲ​ရေစီး​တွေသန်​​နေတဲ့အချိန်​မှာ ​မေ​မေနဲ့ကျ​နော်​ ​ကြောက်​​ကြောက်​နဲ့ ကူးဖြတ်​ခဲ့ရပုံ​တွေကို အခုအချိန်​မှာပိုလို့သတိရမိပါတယ်​။  ကျ​နော်​တို့သွားတဲ့အခါ လို​လေ​သေးမရှိချက်​ပြုတ်​​ကျွေး​မွေးပြီး ပြန်​တဲ့အချိန်​မှာ ​ပြောင်းဖူး​မြေပဲ ဟင်း သီးဟင်းရွက်​​တွေကအစမကျန်​ တ​ခုခု ​ပေးလိုက်​တာလည်းအမြဲတမ်းပဲဖြစ်​ပါတယ်။  ဦးကြီးက ကျ​နော့်​ကို​ နှီးဖျာနည်း ​တောင်းရက်​နည်း သက္ကယ်​ဖြာနည်းသက္ကယ်​ရက်​နည်း​တွေကအစ စိတ်​ရှည်​လက်​ရှည်​ သင်​ပြ​ပေးပါတယ်​။ ​မေ​မေက အခုပညာသင်​​နေ​ပေမယ့်​ လက်​မှုပညာဆိုတာဘာ မဆိုတတ်​သိထားသင့်​တယ်​ဆိုပြီး ဦးကြီးသင်​ပြ​ပေး တာ​ကောင်းတဲ့အ​ကြောင်း ​ကျေးဇူးတင်​မိတဲ့အ​ကြောင်း​ တွေပါ ​ပြောပါတယ်​။  ဦးကြီးရဲ့သမီး မမကလည်း အ​တော်​​လေးသ​ဘောမ​နော​ကောင်းပါ။

ကျ​နော်​တို့အလည်​လာတဲ့အတွက်​အထူး​ပျော်​ရွှင်​ပြီး ဝမ်းသာ​ကြောင်း တဖွဖွ​ပြောပါတယ်​။

မိုးရာသီမိုးတအားရွာ​နေတဲ့အချိန်​​တွေဆို ​တောင်​ကျ​ချောင်း​ရေမို့​ရေအလုံးအရင်းကျလာတတ်​ပြီး တခါတ​လေ ကျ​နော်​နဲ့​မေ​မေရွာကိုမပြန်​နိုင်​​တော့ပဲ ညအိပ်​ပြီး ဦးကြီးတို့ရွာမှာပဲ​ရေပြန်​အကျကို ပြန်​​စောင့်​ရတဲ့အချိန်​​တွေလည်း ရှိခဲ့ပါတယ်​။

ဖေ​ဖေကသစ်​​တောဌာနမှာ အလုပ်​လုပ်​ပါတယ်​။  ​မေ​မေက​တော့ အိမ်​​ထောင်​ကိုထိန်းသိမ်းပြီး ကျ​နော်​တို့အတွက်​ လို​လေ​သေးမရှိ​အောင်​ပြုစုယုယ​ပေးတဲ့ ​ကျေးဇူးရှင်​​မေ​မေဖြစ်​ပါတယ်​။  သ​ဘော​ကောင်းလှတဲ့​ဖေ​ဖေ့အတွက်​ ဌာနက​ရောခင်​မင်​ရင်းနှီးသူ​တွေပါ​ပေါကြွယ်​လှသမို့ ကျ​နော်​တို့အိမ်​မှာ ဧည့်​သည်​ပြတ်​​လေ့သိပ်​မရှိလှပါ။  အပင်​ပန်းအဆင်းရဲခံပြီးမညည်းညူတတ်​ပဲအ​မေကအိမ်​ရှင်​မပီပီ တာဝန်​​ကျေပွန်​စွာဧည့်​ခံ ချက်​ပြုတ်​​ကျွေး​မွေး​လေ့ရှိပါတယ်​။ ​မေ​မေ့မှာ ပြည့်​ဝပြီးလှပတဲ့အပြုံးတ​ခုကို ပိုင်​ဆိုင်​ထားပါတယ်​။  ​မေ​မေပြုံးတဲ့အခါ​ရွှေသွား​လေး​ပေါ်​ပေါ်လာတတ်​တာကိုလည်းမြင်​​ယောင်​မိပါတယ်​။  ကျ​နော့်​​မေ​မေရဲ့ရပ်​မျိုး​ဆွေမျိုး​တွေကလည်း ကျ​နော့်​ကို နင့်​အ​မေက ရုပ်​က​လေးလည်းလှပြီး စိတ်​ဓာတ်​ပါဖြူစင်​ပြီးသ​ဘောမ​နော​ကောင်းတဲ့သူတ​​ယောက်​ဖြစ်​တယ်​လို့ ​ပြောပြကြပါတယ်​။

ကျ​နော်​တို့​ကျောင်း​နေတဲ့အချိန်​ကစပြီး ​မေ​မေ့မှာ အဝတ်​စား​ကောင်း​ကောင်း ဝယ်​ရတယ်​လို့မရှိသ​လောက်​ပါ။ အမြဲတမ်းခြိုးခြံ​ချွေတာပြီး သားသမီး​တွေအတွက်​ပညာ​ရေးကိုပဲဦးစား​ပေး​လေ့ရှိပါတယ်​။

ကျ​နော်​တို့ရဲ့​ဖေ​ဖေ​မေ​မေ ​တွေက အစစထက်​ပညာ​ရေးဖက်​မှာ ​​လေ့လာသင်​ယူဖို့ သင်​ခန်းစာ​တွေအများ ကြီး ​ပေးပါတယ်​။ တိုက်​တွန်းခဲ့ပါတယ် ​ဒါ​ကြောင့်​လည်း ကျ​နော်​တို့မှာ​ငွေ​ကြေးဥစ္စာမပြည့်​စုံကြ​ပေမယ့်​လည်း အတန်းပညာ​လေးနဲ့အလုပ်​တ​ခုကိုရှာ​ဖွေကာ ကိုယ့်​​ခြေ​ထောက်​​ပေါ် ကိုယ်​ရပ်​တည်​နိုင်​ကြတာပါ။  ​မေ​မေ နဲ့​ဖေ​ဖေက အ​မြော်​အမြင်​​တွေရှိခဲ့တဲ့အတွက်​ ကျ​နော်​တို့လမ်းဟာ ဆူးခလုတ်​​တွေသိပ်​မရှိခဲ့တာ ထင်​ပါတယ်​။

ကျ​နော်​တို့အဝတ်​အစား​တွေစုတ်​ပြဲလာခဲ့ရင်​လည်း ​သေ​သေသပ်​သပ်​ချုပ်​​ပေးတတ်​ပါတယ်​။ ​​ကျောင်းဝတ်​​စုံအင်္ကျီအဖြူ​တွေကိုလည်း ဖြူစင်​​အောင်​အစွန်းအထင်း​တွေမရှိ​အောင်​ ​သေ​သေချာချာ ​​နေ့စဉ်​​လျှော်​ ​ပေးတတ်​ပါတယ်​။ ကျ​နော်​တို့အတွက်​အစိုးရိမ်​အကြီးဆုံးသူမှာ​မေ​မေပါ။  ကစားခုန်​စားလုပ်​ကြတဲ့အခါထိခိုက်​မိမှာကို စိုးရိမ်​ကြီးတတ်​ပါတယ်​။ ဒါ​ကြောင့်​ ကျ​နော်​တို့​ဘော်​လုံးကန်​တာတို့ ​ရေကူးတာတို့လုပ်​မယ်​ဆိုရင်​​မေ​မေကခွင့်​မပြုပါ။

တခါကကျ​နော့်​အကိုတ​​ယောက်​အ​မေမသိ​အောင်​ ​ဘော်​လုံးကန်​ကစားရင်း ဖြစ်​ချင်​​တော့ မ​တော်​တဆဖြစ်​ရင်​ လက်​ကျိုးလာခဲ့ပါတယ်​။  ​မေ​မေ့မှာတဖွဖွရင်​နာမဆုံး​ပြောလို့မဆုံး​တော့ပါ။ ​တော်​​တော်​​လေးလည်းစိတ်​မ​ကောင်းစိုးရိမ်​ သွားခဲ့ပါတယ်​။ ​နောက်​ကျ​နော်​တို့လည်း ​ဘော်​လုံးကန်​ခွင့်​ ပါမစ်​ပိတ်​သွားပါ​တော့တယ်​။
​
မေ​မေကလှူ​ရေးတန်း​ရေးလည်း ရက်​​ရောပါတယ်​။ လက်​ထဲမှာရှိတာ​လေး​တွေကို​ပေးချင်​ကမ်းချင်​​ကျွေးချင်​​မွေးချင်​တဲ့​စေတနာလည်းရက်​​ရောသူပါ။

နောက်​ပိုင်း မိသားစုကများပြီးဝင်​​ငွေနည်းလာတဲ့ အချိန်​မှာ မလှူမတန်းနိုင်​​တော့တဲ့အတွက်​လည်း စိတ်​မ​ကောင်းဖြစ်​ခဲ့ရမယ်​ထင်​ပါတယ်​။ ​ ​မေ​မေ့​မွေးရပ်​​မြေ ကို မပြန်​ဖြစ်​တာ လည်း ချို့တဲ့ တဲ့အ​ခြေအ​နေမို့ နဲ့တူပါတယ်​။  ကိုယ်​ကသာ ​ပေးချင်​ ​နေပြီး သူများ ဆီကအကူအညီ​တောင်းခံဖို့ကျ​တော့ဝန်​​လေး တတ်​သူပါ။  ဒါ​ကြောင့်​သူ့​ဆွေမျိုးညီအကို​မောင်​နှမ​တွေဆီ မှာ အကူအညီယူ​လေ့ ဘယ်​တုန်းကမှမရှိခဲ့ပါ။

မေ​မေ့ရဲ့ပစ္စည်းမဲ့မာန​တော့ မဟုတ်​​ပေမယ့်​ အားနာ တတ်​တဲ့ ငဲ့ကွက်​တတ်​တဲ့ စိတ်​​ကြောင့်​ပဲ ဖြစ်​မယ်​ထင်​ပါတယ်​။  ​မေ​မေ့မှာ အမြဲတမ်းပြုစု​စောင့်​​ရှောက်​ရမယ့်​ အမတ​​​ယောက်​လည်းရှိခဲ့ပါတယ်​။ အမက​မွေးရာပါနှလုံး​ရောဂါသည်​​တ​​ယောက်​ပါ။ အမြဲတမ်း​မောမော​နေတတ်​တာ​ကြောင့်​အမ​ကျောင်းသွား ​ကျောင်းပြန်​အမြဲလိုက်​ပို့​ပေးရပါတယ်​။ ​မေ​မေက​တော့မ​မောမပန်းနိုင်​ပါ သားသမီးအတွက်​ပညာ​ရေး ကပထမအ​ရေးကြီးဆုံးမို့ မညည်းမညူအမြဲတမ်း သားသမီးအတွက်​ဆို ပါရမီဖြည့်​​ပေးတတ်​သူပါ။

ငယ်​ငယ်​က​တော့ကျ​နော်​လည်း​မေ​မေ့အ​ပေါ်မှာ ဆိုးဖို့သာသိတတ်​ခဲ့သူပါ။

မေ​မေ့ရွာကိုတ​​ခေါက်​သွား​တော့ရွာလည်​လမ်းမှာ နွား​ချေး​တွေရှိလို့ လမ်းဆင်းမ​လျှောက်​ဘူးဆိုပြီး ကျ​နော်​ဂျီကျဖူးပါတယ်​။ ​မေ​မေက​တော့ကျ​နော့်​ကိုချီပိုး ပြီး သွား​ပေးရပါတယ်​။ တရွာလုံးက​သူများ​တွေက​တော့ ကျ​နော့်​ကို ​ပြောစမှတ်​ပြုကြရပါ​တော့တယ်​။

နည်းနည်း​လေးကြီးလာ​တော့ ​တောထဲထင်း​ခွေသွားရင်​လည်း ​မေ​မေနဲ့ကျ​နော်​လိုက်​ပါတယ်​။  ​မေ​မေကကျ​နော်​ပင်​ပန်းမှာစိုးပြီးထင်း​တွေ​လျှော့ထမ်းဖို့​ပြောပါတယ်​။  ​မေ​မေပင်​ပန်းမှာစိုးတဲ့အတွက်​ ကျ​နော်​လည်းတတ်​နိုင်​သမျှကူညီထမ်းပိုးခဲ့တာပါ။ တ​မိုးတွင်းစာထင်း​ခြောက်​​တွေရပြီဆိုမှ ကျ​နော်​တို့သားအမိထင်း​ခွေတာကိုရပ်​ပါတယ်​။ ​တောထဲကခူးပြီးရလာတဲ့ ဟင်းသီးဟင်းရွက်​​တွေနဲ့အိမ်​ပြန်​​ရောက်​တဲ့အခါ ချက်​ပြုတ်​ပြီး ကျ​နော်​တို့စား​သောက်​ဖို့ ထမင်းဟင်း​တွေကိုလည်း ​သေချာ စီစဉ်​​ ပေးခဲ့ ပါတယ်​။
မေ​မေက ​ရွာမှာ​ယောင်္ကျားသား​တွေသာလုပ်​နိုင်​တဲ့ လှည်း​မောင်းတာ လယ်​ထွန်​ယာထွန်​တာ ​တွေကို လည်း လုပ်​တတ်​ကိုင်​တတ်​ပါတယ်​။ ရွာက​မေ​မေတို့လယ်​တွေယာတွေကိုလည်းကိုယ်​တိုင်​ထွန်​ယက်​စိုက်​ပျိုး ခဲ့ရတယ်​လို့လည်း​ပြောပြပါတယ်​။  ကျ​နော်​တို့ငယ်​ငယ်​က​တော့ အဝတ်​အထည်​​တွေ ခု​ခေတ်​​လောက်​​ပေါ​ပေါများများမရှိ​သေးပါ။ ​တောမှာ​တော့ အဝတ်​အစား အထည်​​တွေကို ကိုယ်​ပိုင်​ရက်​လုပ်​ ဝတ်​ဆင်​ကြရပါတယ်​။  အချိန်​အားရရင်​ အိမ်​မှာစိုက်​ပျိုးထားကြတဲ့ဝါ​တွေကို​ကောက်​ကြပါတယ်​။

ဝါဆွတ်​တယ်​လို့လည်း​ခေါ်ပါတယ်​။  ​မေ​မေကရ လာ တဲ့ဝါ​တွေကို လက်​လှည့်​ဝါကြိတ်​စက်​က​လေးနဲ့ အ​စေ့​တွေထုတ်​ပါတယ်​။   ပြီးရင်​​နေလှန်းပြီး​တော့ တုတ်​က​လေးတ​​ချောင်းနဲ့လိပ်​ပြီး ဝါ​တောင့်​​လေး​တွေဖြစ်​​အောင်​ ဝါဖန့်​ပါ​တော့တယ်​။  အ​တောင့်​​လေး​တွေဖြစ်​​နေမှ ဗိုင်းငင်​ရတာ အဆင်​​ပြေမှာလို့ ​မေ​မေက​ပြောပြပါတယ်​။  ရစ်​လုံးရယ်​ ရစ်​ဘီး​တွေရယ်​ပါဝင်​တဲ့ ဗိုင်းငင်​တဲ့ဘီးက​လေးနဲ့ ​မေ​မေဗိုင်းငင်​ပါ​တော့တယ်​။ ဗိုင်းငင်တဲ့​​နေရာမှာလည်း​ကျွမ်းကျင်​ တဲ့သူမှချည်​​ကောင်း​အောင်​ရစ်​နိုင်​တာပါ။

မေ​မေက​တော့ ချည်​ငင်​တဲ့ ​နေရာလည်းအ​တော်​​လေးကျွမ်းကျင်​သူပါ။

ချည်​လုံး​တွေအများကြီးရ လာ​အောင်​ ​မေ​မေ ကအချိန်​အားရရင်​ရသလို ဗိုင်းငင်​​နေတတ်​ပါတယ်​။ ချည်​ရလာ​တော့ ချည်​ခင်​က​နေ ချား​လေးတ​ခုနဲ့ ချည်​​ဆေးဆိုးဖို့ ချည်​ကွင်း​လေး​တွေရ​အောင်​ ချည်​ရစ်​ရပါ​သေးတယ်​။ ချည်​ကွင်း​လေး​တွေရလာ​တော့
ချည်​​တွေကိုခိုင်​ခံ့​အောင်​ထမင်းရည်​နဲ့နယ်​ရတာတို့ ဓာတ်​​ဆေးဆိုး တာတို့ပြုလုပ်​ရပြန်​ပါတယ်​။  ကိုယ်​စိတ်​ကြိုက်​အ​ရောင်​​တွေရပြီ ဆိုမှ ရလာတဲ့ချည်​​တွေကို ယက္ကန်းရက်​ဖို့အတွက်​လွန်း​ဖောက်​ရပြန်​ပါတယ်​။  ကိုယ်​ယက်မယ့်အထည်​အဆင်​အတွက်​ အတိုင်​ချည်​​တွေကို လည်း အိမ်​မှာ အငှါးတိုင်​​လေး​တွေစိုက်​ပြီး​ဖောက်​ဖို့ ချည်​ရစ်​ရပါတယ်​။ ​​ယက္ကန်းရက်​မယ့်​ယဉ်​သွား​တွေထဲချည်​​တွေကိုစိတ်​ရှည်​လက်​ရှည်​ တ​​ချောင်းခြင်း ထိုးရတာပါ အတိုင်​အ​ဖောက်​ညီ​အောင်​အ​ရောင်​ကိုက်​​အောင်​ထိုးရတာမို့ လက်​ဝင်​လှပါတယ်​။ မျက်​လုံး​ကောင်း​ကောင်းနဲ့ ​မေ​မေလွန်း​ဖောက်​တာကို ကျ​နော်​တို့စိတ်​ဝင်​တစား ​စောင့်​ကြည့်​ဖူးပါတယ်။ ပြီးရင်​ ယက္ကန်းစင်​​ပေါ်မှာ အထည်​ယက်​လို့ရပါပြီ။

အထည်​ယက်​ရာမှာလည်း ​လေးလုံးနင်းတာနဲ့ နှစ်​လုံးနင်းတာရှိပါတယ်​။  ​လေးလုံးနင်းတဲ့အထည်​​တွေကပိုစိပ်​ပြီးပိုလည်းထူပါတယ်​။  ကျ​နော်​တို့​ဒေသအ​ခေါ်က​တော့ ​လေးနင်းအင်္ကျီ ​လေးနင်းပုဆိုး ​လေးနင်းစောင်​ အစရှိသဖြင့်​​ခေါ်​ဝေါ်ကြပါတယ်​။ ကျ​နော်​တို့ညီအကို​တွေရယ်​​ဖေ​ဖေ့အတွက်​ရယ်​ အထည်​​တွေကို​မေ​မေကိုယ်​တိုင်​ ရက်​ပြီး ချုပ်​​ပေးတတ်​ပါတယ်​။  ယက္ကန်းနဲ့ရက်​ထည်​​တွေက လက်​ဖြစ်​ချည်​ထည်​​တွေဖြစ်​လို့ ထူထဲခိုင်​ခန့်​ပါတယ်​။

မေ​မေရက်​​ပေးတဲ့အထည်​​လေး​တွေ ခုလိုအချိန်​မှာပိုလို့လွမ်းမိပါတယ်​။ ​တောသူ​တောင်​သား​တွေအ​နေနဲ့​တောထဲသွားထင်းခုတ်​မှိုချိုးမျှစ်​ချိုး သွားရ တယ်​ နွား​ကျောင်းသွားရတယ်​။  အဲဒီလိုသွားရတဲ့အခါအဝတ်​အထည်​​တွေက​တောထဲဆူး​တောထဲသစ်​ကိုင်းထဲ ​တွေဖြတ်​တိုးရတဲ့အခါ ဆူးခက်​​တွေနဲ့ထိမိငြိမိတတ်လို့ ​လက်​လုပ်​ချည်​ထည်​​တွေက ​တော်​​တော်​တန်​တန်​မပြဲမစုတ်​ပဲခံနိုင်​ရည်​ရ်ှိပါတယ်​။  ဒါ​ကြောင့်​​တောသူ​တောင်​သား​တွေက​တော့ချည်​သားထူထူ​တွေကိုပို ဝတ်​ဆင်ကြ​ပါတယ်​။  ​မေ​မေကျွမ်းကျင်​တာတ​ခုရှိပါ​သေးတယ်​။  ​နေ့စဉ်​ထမင်းဟင်းအချက်​အပြုတ်​ကျွမ်းကျင်​တာပါ။  ​မေ​မေကရှိသမျှ ဟင်း​လေးနဲ့အဆင်​​ပြေ​အောင်​စားချင်​စဖွယ်​ဖြစ်​​အောင်​လည်း ချက်​တတ်​ပါတယ်​။  ကျ​နော်​တို့ရွာ​တွေမှာ မီးဖို​တွေကိုအိမ်​ကြမ်းပြင်​​ပေါ်မှာတင်​ထားကြပါတယ်​။ သစ်​သား​ဘောင်​​လေးခုကို ကွပ်​ထားပြီးအထဲမှာ​မြေကြီးအပြည့်​ခင်းထားပါတယ်​ အဲဒီအ​ပေါ်မှာအုတ်​ခဲဖြစ်​ဖြစ်​သံ​ချောင်း​တွေဖြစ်​ဖြစ်​အိုးတည်​လို့ရ​အောင်​ခွင်​လုပ်​ပြီး မီးဖိုအဖြစ်​ချက်​ပြုတ်​ကြပါတယ်​။ အဲဒီမီးဖို​လေး​ရှေ့မှာမိုးလင်းပြီဆိုတာနဲ့ ​မေ​မေရယ်​​ချွေးတလုံးလုံး တပြုံးပြုံးနဲ့ မိသားစုစားဖို့ ချက်​ပြုတ်​​ကြော်​​လှော်​ပါ​တော့တယ်​။ ကျ​နော်​တိုရွာမှာ ​ချောင်း​တွေပဲရှိလို့ ​ချောင်းငါး​တွေကိုစားသုံးရ ပါတယ်​။ ​ချောင်းထဲကရလာတဲ့​ရေချိုငါး​တွေက ပိုပြီး​လေးပင်​တဲ့အရသာရှိပြီးပိုစားလို့​ကောင်းတယ်​လို့ခံစားမိပါတယ်​။  လက်ပစ်​​ကွန်​​တွေ ငါးတာဆည်​ ​တွေယက်​သဲ့​တွေနဲ့ဖမ်းရသမျှငါး​လေး​တွေကို ချက်​ပြုတ်​စား​သောက်​ရတာပါ။ မြို့​တွေမှာလို ငါးဒိုင်​​တွေငါး​ဈေး​တွေ ဘာ​တွေ​တော့မရှိပါ။  ငါးဖမ်းလို့ရလာတဲ့သူ​တွေဆီက ဆန်​နဲ့လဲပဲနဲ့လဲ အလဲအလှယ်​လုပ်​ပြီး စား​သောက်​ကြရပါတယ်​။

သားကြီးငါးကြီးဖြစ်​တဲ့ဝက်​သားအမဲသားက​တော့ရှားလှပါတယ်​။  အမဲသားက​တော့သတ်​​လေ့သတ်​ထမရှိပါ။  နွား​တွေကို လယ်ယာလုပ်ငန်း​​တွေမှာ​​​ခိုင်းဖို့​မွေးမြူထားရ​တော့ ​ကျေးဇူးရှင်​အဖြစ်​သတ်​မှတ်​ထားပြီး​တော့စား​လေ့စားထလည်းသိပ်​မရှိကြပါ။   ​မေ​မေက​တော့အမဲသားကိုရာသက်​ပန်​​ရှောင်​သူပါ။  ငါတို့ကနွားနဲ့ဖက်​ပြီးအလုပ်​လုပ်​လာခဲ့ရ​တော့ နွားသားစားမယ်​ဆို​ကျေးဇူးရှင်​အသားကိုစားရ သလိုခံစားရလို့ တ​သက်​လုံး​ရှောင်​ဖြစ်​တာလို့ ​ပြော ပြ​ လေ့ရှိပါတယ်​။  လယ်​ထဲကိုင်းထဲ ​ချောင်း​ရိုး​မြောင်းရိုးထဲကရလာတဲ့ဖား​လေးငါး​လေး​တွေ​လောက်​သာ ဟင်းစားဖြစ်​ပြီး ရှာ​ဖွေ စားသုံးရပါ တယ်​။  ဧည့်​သည်​​တွေလာရင်​ ​တော့အိမ်​မှာ​မွေးထားတဲ့ ကြက်​​တွေကို ဟင်းအဖြစ်​အသုံးပြုရုံကလွဲလို့မရှိဘူး​ပေါ့။

မေ​မေက​တော့ ပါဏာတိပါတာ​ရှောင်​ကျဉ်​ပါတယ်​။  အသားမှာလည်းကြားသားမြင်​သားဆို မစားပါဘူး။ ကျ​နော်​တို့ကိုလည်း သူတ​ပါးအသက်​မသတ်​ဖို့ ​အမြဲပဲ​ပြောဆို ဆုံးမတတ်​ပါတယ်​။

ကျ​နော်​တို့ရွာမှာဆို မနက်​မိုးမလင်းခင်​အ​စောကြီးထကြရပါတယ်​။  ​မေ​မေထပြီဆို ​မေ​မေနဲ့ကပ်​ပါး​လေးကျ​နော်​လည်းအိပ်​ယာကထပါပြီ။ ထမင်းဟင်းအိုး​တွေအ​စောကြီးထချက်​တာက ရွာဦး​ကျောင်းအရုဏ်​ဆွမ်းမီဖို့ အ​စောကြီးထချက်​ပြုတ်​တာပါ။ အုန်း​မောင်း​ခေါက်​တာနဲ့ထတတ်​တဲ့အကျင့်​က​တောသူ​တောင်​သား​တွေအဖို့​နေသားကျ​နေပါပြီ။

လယ်​ထွန်​သွားယာထွန်​သွားဖို့ မနက်​​စော​စောထ ထမင်းကြမ်းစားဖို့အတွက်​ပြင်​ဆင်​ကြရပါတယ်​။ ညကကျန်​တဲ့ထမင်းကျန်​ဟင်းကျန်​​တွေကို စားပြီးအလုပ်​​စော​စောသွားတဲ့သူကသွားကုန်​ကြပါပြီ။ ကျ​နော်​ကမေ​မေနဲ့အတူမီးဖို​ဘေးမှာ အိပ်​ငိုက်​ချင်​ချင်​ဖြစ်​​နေပါတယ်​။

ရွာမှာဘုရားပွဲစပြီဆို​တော့ကျ​နော်​တို့က​လေးငယ်​​တွေ​ပျော်​​နေကြပါတယ်​။  မုန့်လေ​ပွေ​တွေ​ပေါက်​​ပေါက်​ဆုပ်​တွေကိုအိမ်​တိုင်းပြင်​ဆင်​ပြုလုပ်​ထားကြပြီး မြို့ကလာ​ရောင်းတဲ့အိုးပုတ်​ချိုးရုပ်​​တွေ ကိုလည်းဝယ်​ကြရ​တော့မှာမို့ပါ။ မေ​မေတို့က​တော့ ဆွမ်းဆန်​စိမ်း​လောင်းလှူပွဲအတွက်​ ဆန်​​တွေဖြူစင်​​အောင်​ပြာတီးထားကြရပါပြီ။ လှူဖွယ်​ဝတ္တုပစ္စည်း​တွေကိုလည်းအဆင်​သင့်​ဖြစ်​​အောင်​ပြင်​ဆင်​​နေကြပါပြီ။

မေ​မေငယ်​ငယ်​က ကျ​နော်​တို့​ဒေသမှာအလံနီ​တွေကြီးစိုး​နေတဲ့အချိန်​ပါ။  ညဖက်​ဆိုမီးခွက်​​သေချာမထွန်းရဲ ထစ်​ခနဲဆိုအိမ်​မှာမ​နေရဲလို့​တောထဲသွားပုန်း​နေရတဲ့ အ​ခြေအ​နေ​တွေလို့​မေ​မေခဏခဏ​ပြောပြပါတယ်​။

မေ​မေဟာဘယ်​​တော့မှ​လောဘမကြီးတတ်​ပါ။  ကိုယ့်​အင်​ကိုယ်​အားနဲရရှိလာတဲ့​ငွေ​လေးကိုပဲ​ချွေတာသုံးစွဲတတ်​သူပါ။  ​လောဘကြီးသူ​တွေနဲ့​တွေ့တဲ့အခါတိုင်း သူတို့လို​လောဘမတက်​ဖို့​လောဘတက်​တဲ့အခါ​ဒေါသ​တွေပါ ပါလာတတ်​ပြီး ကိုယ့်​စိတ်​​တွေညစ်​ညမ်းသွားတဲ့အ​ကြောင်းဥပမာ ဥပ​မေယျ​တွေနဲ့ ကျ​နော်​တို့ကို ​ပြောဆိုဆုံးမတတ်​ပါတယ်​။  ​မေ​မေ သူများမ​ကောင်း​ကြောင်း​ပြောဆို ​နေတာအိမ်​လည်​ပြီးအတင်းအဖျင်း ​ပြောဆို ​နေတာကို ကျ​နော်​ငယ်​ငယ်​​လေးကတည်းက တခါမှမ​တွေ့ဘူးပါ။  သူများအ​ကြောင်းကိုစပ်​စပ်​စုစုလုပ်​အတင်း​ပြောတတ်​တဲ့အဖွားကြီး​တွေနဲ့လည်းအ​ပေါင်းအသင်းမလုပ်​တတ်​ပါ။  ​မေ​မေဟာကျ​နော်​တို့အတွက်​ စံပြဖြစ်​ခဲ့ရပါတယ်​။  ဘယ်​အရာမဆိုတ​ကိုယ်​​ကောင်းစိတ်​မထားဖို့ မျှတတဲ့ကိုယ်​ချင်းစာစိတ်​​မွေးဖို့ အမြဲ​ပြောတတ်​ပါတယ်​။ လှူ​ရေးတန်း​ရေးလည်း နှ​မျောတွန့်​တိုစိတ်​မရှိတတ်​ပါ ကိုယ်​​ပေးမှကိုယ်​ရမှာ ​ပေးဆပ်​ခြင်းဆိုတာ ​ပေးနိုင်​​လေအကျိုးရှိ​လေလို့ အမြဲ​ပြောဆို ဆုံးမတတ်​ပါတယ်​။

ကျ​နော်​ဆယ်​တန်း​အောင်​​တော့အလုပ်​ရှာဖို့အိမ်​ကထွက်​လာခဲ့ရပါတယ်​။  တ​ခါမှ​မေ​မေ့အပါးကမခွဲခွာဘူးလို့ ​မေ​မေမျက်​ရည်​​တွေကျ​နေပါတယ်​။  မြို့မှာတဝဲလည်​လည်​နဲ့ အလုပ်​ရဖို့အ​တော်​​လေးကြိုးစားခဲ့ရပါတယ်​။  ​မေ​မေက​တော့အလုပ်​မရရင်​လည်း အိမ်​ပြန်​လာပါလားသား ရယ်​ လို့​ပြောချင်​​ပေမယ့်​လည်း ဝင်​​ငွေမရှိတဲ့ ​မေ​မေ့မှာ သားကို​ကျွေး​မွေးဖို့​စောင့်​​ရှောက်​ဖို့ အင်​အားမရှိရှာပါ။  ​မေ​မေ​ဆေးရုံတက်​ရတဲ့အချိန်​​ရောက်​မှရွာကိုကျ​နော်​တ​​ခေါက်​ပြ​န်​ရောက်​ခဲ့ပါတယ်​။

မေ​မေအ​တော်​​လေးကျသွားပါလား ကျ​နော်​အ​တော်​​လေးစိတ်​မ​ကောင်းခဲ့ပါ။  အလုပ်​အကိုင်​ကလည်းအဆင်​မ​ပြေ​တော့ ​မေ​မေ့ကိုကျ​နော်​မပြုစုနိုင်​ပါဘူး။ ​မေ​မေရဲ့​မွေး​ကျေးဇူး​ကျွေး​ကျေးဇူး​တွေကိုကျ​နော်​နည်းနည်း​လေးမှဆပ်​ခွင့်​မရခဲ့ပါဘူး။ ​မေ​မေ​ကြွေကျတဲ့သတင်းက အ​ဝေးကို​ရောက်​လာတယ်​။ ကျ​နော့်​အတွက်​​တော့​ရွှေ​တောင်​ကြီးပြိုကျသွား တာ ပါပဲ။  ဘာနဲ့မှနှိုင်းမရတဲ့ ကမ္ဘာ ကျ​နော့်​ဘဝမှာမရှိ​တော့တာအ​ကြေကွဲရဆုံးပါ။
ခု​တော့ ​မေ​မေမရှိတဲ့ ရွာကို ကျ​နော်​ပြန်​မလာချင်​​တော့ဘူး​မေ​မေ။  ​မေ​မေမရှိ​တော့​ပေမယ့်​ ​မေ​မေရဲ့ ပုံရိပ်​​တွေက​တော့ နှလုံးသားထဲမှာ အမြဲစွဲထင်​ကျန်​ရစ်​​နေပါတယ်​။

မို​နေးသစ်