ကိုသန်းလွင် ● လွတ်လပ်စွာကုန်သွယ်ခွင့်

ကိုသန်းလွင် ● လွတ်လပ်စွာကုန်သွယ်ခွင့်
(မိုးမခ) ဇွန် ၁၂၊ ၂၀၁၈

(၁)
အဒမ်စမစ် (Adan Smith) ၏ အခြေခံအကျဆုံး စီးပွားရေးဥပဒေသတစ်ခုမှာ လူမှုရေးနိမ့်သောစနစ်နှင့် လူမှုရေး မြင့်မား သောစနစ်နှစ်ခုတို့ကို လွတ်လပ်စွာကူးသန်းရောင်းဝယ်ခွင့်ပေးလိုက်ပါလျင် တချိန်တွင် လူမှုရေးစနစ်နှစ်ခုတို့သည် တူညီ သွားမည်ဟူ၍ဖြစ်သည်။

ကျွန်တော်တို့သည် လူနေမှုစနစ်နှစ်ခုကို တူညီအောင်ညှိလိုကြပါလျှင် နယ်စပ်မျဉ်းမှအတားအဆီး အပိတ်အပင်တို့ကို ဖယ် ရှားပစ်နိုင်ကြရပါမည်။

(၂)
မိတ်ဆွေစီးပွားရေးလုပ်ငန်းရှင်တယောက်နှင့် ဆွေးနွေးလိုက်ရပါသည်။ သူကနိုင်ငံခြားမှ ရင်းနှီးမြှုပ်နှံသူတို့ကို ကိုယ်တိုင် ရင်း နှီးမြှုပ်နှံခွင့်ပေးတော့မည်ဟု သတင်းကြားရကြောင်း ပြောပြသည်။ မြန်မာပြည်စီးပွားရေးအတွက် အားတက်လိုက်ရပါ သည်။

ယခင်ကနိုင်ငံခြားမှရင်းနှီးမြှုတ်နှံဖို့လာသူတဦးသည် မြန်မာနိုငံသားနှင့်တွဲဖက်လုပ်ကိုင်ရန် ပါတနာရှာဖွေကြရပါသည်။ မြန်မာလူမျိုး အဖော်ကိုတွေ့ပါမှ မြန်မာပြည်မှာအလုပ်လုပ်နိုင်ကြပါသည်။ ရလာမည့်အကျိုးကျေးဇူးကို အဆိုပါ မြန်မာလူမျိုး လုပ်ငန်းလုပ်သူနှင့် ခွဲဝေယူကြရပါသည်။ ယခုနိုင်ငံခြားသားသည် တွဲဖက်ပါတနာ ရှာဖွေရန်မလိုတော့ပါ၊ သူ့ဘာသာလွတ် လပ်စွာလုပ်ငန်းကို ဆောင်ရွက်ခွင့်ရှိသွားပါပြီ။

စီးပွားရေးဖွံ့ဖြိုးတိုးတက်ရန်အတွက် ဤလုပ်ပိုင်ခွင့်ကို တချိန်မဟုတ်တချိန်တော့ ခွင့်ပြုကြရပါလိမ့်မည်။ မြန်မာ့စီးပွားရေးမှာ လုပ်ရင်းကိုင်ရင်း စီးပွာရေးအတွေ့အကြုံများ ရလာလေလေ လွတ်လပ်စွာယှဉ်ပြိုင်ခြင်း၏ အကျိုးကျေးဇူးကို သိလာလေလေ ဖြစ်ပါသည်။ ကျွန်တော်တို့ယှဉ်ပြိုင်ကြရမည့် ကွင်းပြင် (Playing Field) သည် ညီမျှရမည်၊ လွတ်လပ်ရမည်။

နိုင်ငံခြားသားနှင့် မယှဉ်ပြိုင်ရဲဘူးဆိုသည်မှာ မဖြစ်သင့်ပါ။ မြန်မာပြည်တွင် မြန်မာ့မြေ မြန်မာ့ရေပေါ်၌ ယှဉ်ပြိုင် ရခြင်းဖြစ်ပါ သည်။ ကိုယ့်မြေမို့ ဘာမှအားငယ်စရာမရှိပါ။ သည်ပွဲမှာ ကိုယ်ကရှုံးလျှင် ရှုံးပါလိမ့်မည်။ သို့ပါသော်လည်း အကျိုးကျေးဇူး ခံစားရမည်က မြန်မာတို့သာဖြစ်ပါသည်။

ယခုအချိန် စီးပွားရေးလုပ်သူများအဖို့ ဘယ်ရုံးကိုသွားသွား မြန်မာ့ထုံးစံ မြန်မာနည်းလမ်းတွေက တွေ့နေရသေးသည်။ မြန် မာသဘောကပါနေသေးသည်။ နိုင်ငံခြားကုမ္ပဏီများရောက်လာပါလျင် တချိန်တွင် မြန်မာစံနှုန်း မြန်မာ့နည်းလမ်းတွေက သ ဘာဝကျသောနည်းလမ်းတွေဖြစ်လာရပါမည်။

စီးပွားရေး၊ နိုင်ငံရေးတို့တွင် နယ်နိမိတ်စည်းမျဉ်းများကို ဘေးဖယ်ကြည့်ပါ၊ ကုန်စည်စီးဝင်ခြင်း၊ ကုန်စည်ထွက်ခွာသွားခြင်း တို့သည် အဟန့်အတားမရှိ လွတ်လပ်စွာသွားလာခွင့်ရှိရပါမည်။ ထိုသို့ဖွင့်ပေးလိုက်လျှင် မကြာမီမှာပင် လူနေမှုစနစ်များ သည် ညီမျှသွားပါလိမ့်မည်။ တနည်းဆိုသော် မြန်မာ့လူနေမှုစနစ်သည် မြင့်မားလာရပါမည်။

အစိုးရ၏တာဝန်မှာ ဤနယ်နိမိတ်စည်းမျဉ်းကို စောင့်ကြည့်ရေးဖြစ်ပါသည်။ မဖြစ်သင့်သောအရာကို မဖြစ်ရ အောင်၊ တားဆီးပေးရပါမည်၊ ထိုပိတ်ပင်တားဆီးမှုတို့တွင် ကုန်စည်စီးဆင်းမှုကို အဟန့်အတားမဖြစ်သင့်ပါ၊ အကယ်၍ အဟန့်အတားဖြစ်အောင်ဆောင်ရွက်နေသည်ကိုတွေ့လျှင် ၄င်းတို့ကို ဖယ်ရှားပေးနိုင်ရပါမည်။

ဥပမာမြန်မာ့ယဉ်ကျေးမှုကိုဆန့်ကျင်သော ကုန်ပစ္စည်းတစ်ခ၊ု စနစ်တစ်ခု ဝင်လာသည် ဆိုပါစို့၊ ထိုကုန်ပစ္စည်း စနစ်ကို မဝင်လာနိုင်ရေးကိုတားဆီးနိုင်ရပါမည်၊ ထိုသူတို့မဝင်လာနိုင်အောင် နယ်စပ်က ထိုင်စောင့်ကြည့်ပေးခြင်းမှာ သဘာဝကျပါသည်။ ယခုကျွန်တော်တို့၏ လွတ်လွတ်လပ်လပ် စီးဆင်းခွင့်ပေးရမည်ဆိုသည်မှာ စီးပွား ရေး သက်သက် စီးပွားရေးနှင့်သက်ဆိုင်သော ကုန်ပစ္စည်းများသာဖြစ်ပါသည်။

ဥပမာကော်ဖီဆိုင်တစ်ဆိုင် ဆိုပါစို့၊ မြန်မာနိုင်ငံရှိ ကော်ဖီယဉ်ကျေးမှုသည်မတွင်ကျယ်သေးပါ။ သို့ပါသော်လည်း ကော်ဖီဆိုင် ဟူ၍ ကော်ဖီဖျော်နည်း သူ့နည်း သူ့စနစ် သူ့အုပ်ချုပ်မှုကို စောင့်ကြည့်တားဆီးစရာမလိုပါ၊ သူ့ဘာသာ သူ့လုပ်ငန်းလည်ပတ် အောင် လုပ်ခွင့်ပေးရပါမည်။

ထိုနည်းတူ Brand Name သည် သူ့လူနှင့်သူ၊ သူ့ဖွဲ့စည်းပုံနှင့်သူ၊ သူ့အုပ်ချုပ်ရေးစနစ်နှင့် Sony, Samsung Huawei အမည် များနှင့် လာပါလိမ့်မည်။ ထိုအရာတို့ကို ပိတ်ပင်ရန်မလိုပါ။

ထိုနည်းတူ ဘဏ်စနစ်ကိုလည်း ခွင့်ပြုရပါမည် “ မြန်မာတိုင်းရင်းသားတစ်ယောက် ပါဝင်ရမည်” ဟူသော ကန့်သတ်ချက်မှာ မျိုးချစ်စိတ်အရကောင်းပါသည်။ သို့သော် လုပ်ငန်းသဘာဝ၊ လုပ်ငန်းတိုးတက်မှုနှင့်စဉ်စားသောအခါ ဤအယူအဆသည် ခေတ်မမှီတော့ပါ။ နိုင်ငံခြားဘဏ်များ ဝင်လာမရ၊ လုပ်ငန်းလည်ပတ်ခွင့်မရသောအခါ မြန်မာတိုင်းရင်းသားဘဏ်များသည် မိမိနည်း မိမိဟန်ဖြင့်သာ သွားနေပါသည်။ အကယ်၍ နိုင်ငံခြားဘဏ်ကိုခွင့်ပြုလိုက်လျှင် ပထမတော့ အရင်းများသော စည်းစနစ်ကျပြီးဖြစ်သော နိုင်ငံခြားဘဏ်များကို မမှီ နိုင်ဘဲရှိပါ လိမ့်မည်၊ လုပ်နည်းလုပ်ဟန် ဒီဂျစ်တယ်နည်းကို အသုံးပြုခြင်း စသည်များမှာ လိုက်မမှီဘဲရှိပါလိမ့်မည်။ သို့ပါသော်လည်း စားသုံးသူများအဖို့ များစွာအကျိုးဖြစ်ထွန်းဘွယ်ရှိပါသည်။ ဝန် ဆောင်မှုလုပ်ငန်းအဝဝတွင် နိုင်ငံခြားဘဏ်များကဘဲ အသာရပါလိမ့်မည်။

ဤနည်းအတိုင်း ဆီဖြန့်ဖြူးမှုကိုကြည့်လျင်လည်း မြန်မာတွေလုပ်လျှင် မြန်မာတွေ အမြတ်ရ၊ မြန်မာတွေစားရတာ မှန်ပါသည် သို့ပါသော်လည်း စားသုံးသူပြည်သူများအဖို့ နစ်နာကြရပါသည်။ နိုင်ငံတကာဆီဈေးနှုန်းနှင့် မြန်မာ့ဆီဈေးနှုန်းသည် မတူပါ။
ထိုနည်းတူ ဆက်သွယ်ရေး Telecom ကဏ္ဍကိုကြည့်လျှင် နိုင်ငံခြားကုမ္ပဏီများဝင်လာသဖြင့် ပြည်သူအများအကျိုးဖြစ် ထွန်းသည်ကို မြင်နိုင်ကြပါသည်။ တောရော မြို့ပါ မိုဘိုင်းဖုန်းကို အလွယ်တကူ အသုံးပြုနိုင်ကြပါသည်။

မည်သို့ဆိုစေ မြန်မာသည်ကမ္ဘာနှင့် ရင်ဘောင်တန်းနိုင်ရပါမည်။ ဖွင့်ပေးခါစတွင် မြန်မာတို့အဖို့ လိုက်မမှီခြင်း ငွေကြေးအင် အားကအစ ကွာခြားနေခြင်းများရှိပါလိမ့်မည်၊ ရေတိုကိုမကြည့်ပါနှင့် ရေရှည်အကျိုးဖြစ်ထွန်းရန် အတွက်သာ ကြည့်သင့်ပါ သည်။ ရေရှည်တွင် ကမ္ဘာအဆင့်မှီလာသည့်အခါ တိုးတက်မှုအသီးအပွင့်တို့ကို ခံစားကြရပါလိမ့်မည်။

“ဝါးလုံးခေါင်းထဲ လသာသလို” ဆိုသောစကားရှိပါသည်။ နိုင်ငံခြားနှင့်အဆက်အသွယ်မယူဘဲ မိမိဘာသာ မိမိပတ်ဝန်းကျင် ကလေးနှင့် ဗိုလ်ကျနေ၍ရပါသည်။ ရေရှည်တွင်လည်း ဤအဆင့်မှ မြင့်တက်လာစရာ အကြောင်းမရှိပါ။

ကမ္ဘာပြင်ပကိုကြည့်လိုက်လျင် အစစတိုးတက်နေပါသည်။ အသိဉာဏ်ဗဟုသုတ၊ Technology တိုးတက်မှုတို့ကို လိုက်မှီရန် ခက်ခဲလှပါသည်။ ဤအရာများကို နယ်ကြားမျဉ်းမှ ပိတ်ထားခြင်းအားဖြင့် ပြည်တွင်းသို့ မရောက်နိုင် ပြည်တွင်းမှလည်း ပိတ်ထားသော နယ်နိမိတ်မျည်းကြောင့် ပြင်ပတိုင်းပြည်များသို့ မျှော်ရုံသာ မျှော်ကြည့်နိုင်သော အနေအထားဖြစ်နေပါသည်။

နိုင်ငံခြားကုမ္ပဏီတခုရောက်လာပါက သူ့ဘာသာသူ လုပ်ငန်းလည်ပတ်အောင် မလုပ်နိုင်ပါ။ မြန်မာတို့၏အကူအညီကို ယူရ ပါသည်။ ထိုအထဲတွင် မြန်မာနည်းမြန်မာဟန်များက များပြားလွန်းသဖြင့် နိုင်ငံခြားသားက နားမလည်တော့ပါ၊ ဤနည်းဖြင့် တပ်ခေါက်ပြန်ရသော နိုင်ငံခြားသားဦးရေ နည်းမည်မဟုတ်ပါ။ နိုင်ငံခြားကုမ္ပဏီတွေများလာပါက မြန်မာနိုင်ငံရုံးတွေက သူတို့လုပ်ထုံးလုပ်နည်းကို ပြင်ဆင်ကြရပါလိမ့်မည်။ အနည်းဆုံး နိုင်ငံခြားသားနားလည်အောင် ပြင်ဆင်ပေးရပါမည်။ ဤ နည်းဖြင့် မြန်မာရုံးတွေက ကမ္ဘာ့လုပ်ထုံးလုပ်နည်းများနှင့်တန်းတူလိုက်နိုင်သော ရုံးများဖြစ်လာရပါမည်။

ရုံးခန်းတွင်းသို့ဝင်ရန် ပိုက်ဆံပေးရသောကိစ္စ၊ တာဝန်ရှိသူတွေနှင့် တွေ့ဆုံရန် ပိုက်ဆံပေးရသောကိစ္စ စသောကိစ္စများသည် တဖြည်းဖြည်းပပျောက်သွားရပါမည်၊ မြန်မာရုံးတွေအနေဖြင့် နိုင်ငံခြားသားများနှင့် အဆက်အဆံများလာပါလျှင် လမ်းစ ပြောင်းလဲသွားနိုင်ပါသည်။ ရည်ရွယ်ချက်မှာ နိုင်ငံခြားသားများလာလျှင် မြန်မာနည်း မြန်မာ့ဟန်အစား ကမ္ဘာအဆင့်မီ နည်း လမ်းများဖြင့် အစားထိုးကြရန်ပင်ဖြစ်ပါသည်။

ယခုအချိန် ထိုတံခါးဖွင့်ဝါဒ၏ အကျိုးကျေးဇူးများကို နေရာအနှံ့ တွေ့မြင်နိုင်ကြပါသည်။ ဝန်ဆောင်မှုလုပ်ငန်းများ အရည် အသွေးမြှင့်တက်လာခြင်း၊ တိုက်တာဆိုင်ခန်း အခင်းအကျင်းကောင်းမွန်လာခြင်းတို့သည် တံခါးဖွင့်ဝါဒ၏ ကောင်းကျိုးများဖြစ် ပါသည်။ အိမ်တအိမ်အတွင်းသို့ မျှော်ကြည့်လိုက်လျှင် အမှိုက်သရိုက်များနှင့် ရှုတ်ပွနေခြင်းအစား ရှင်းလင်းနေရပါမည်။ ထို သို့ရှင်းလင်းမှလည်း နိုင်ငံခြားသားအပြင်မှ ဧည်သည်များဝင်ရောက်လာနိုင်ပါသည်။

(၃)
ကုန်သွယ်ရေးသည် သန့်ရှင်းသောပြိုင်ဆိုင်မှု (Competition) ဖြစ်ပါသည်။ ပြိုင်ဘက်များကို မလာနိုင်အောင် ပိတ်ဆို့ထားခြင်း သည် ပြိုင်ဘက်အပေါ် အနိုင်ယူခြင်းဖြစ်ပါသည်။ ယှဉ်ပြိုင်မှုရှိမှ တိုးတက်ပါသည်။ ယှဉ်ပြိုင်မည့်သူမရှိသောအခါ ဝန်ဆောင်မှု (Service Quality) ကျဆင်းလာပါသည်။ မကြိုက်လျင်လည်း ဒါဘဲရွေးစရာရှိတော့ စားသုံးသူတို့သည် မချေမငံ ဆက်ဆံ ခြင်းကို ခံကြရပါသည်။

စားသုံးသူပြည်သူတို့၏အကျိုးငှာ ပြိုင်ဘက်ကောင်းများ များသထက်များလာအောင် ဆောင်ရွက်သင့်ပါသည်။

ကိုသန်းလွင်