ကျော်ဟုန်း - ရေ = ရေ


ကျော်ဟုန်း  - ရေ = ရေ

(မိုးမခ) ဇွန် ၂၅၊ ၂၀၁၈

ဘဝတခုဟာ ရေပဲ
ကြမ္မာက ရေလှောင်ကန်ကြီးပေါ့။

သွန်လိုသွန် လှောင်လိုလှောင် ကြမ္မာညွှန်ရာလမ်းမှာ
အားပျော့မနေနဲ့ လူကလေးရေ
မင်းဟာ ရေကွဲ့ 
ရေဆိုတာ လိုရာစီးတတ်ရတယ်။

ကြမ္မာဆိုး လှောင်ကန်ထဲရောက်နေချိန်လည်း
နေအကူနဲ့ အငွေ့ပျံ ရုန်းထွက်နိုင်တယ်
မိုးအကူနဲ့ ဖြိုးမောက်လျှံ ကန်ထွက်နိုင်တယ်
အချည်ရှိရင် အဖြည်ရှိမှာပဲ။

အယူအဆ
ဖြစ်တည်မှု
ဝါဒ
အားလုံးဟာ တိမ်တိုက်။

တရားသေမရှိတဲ့ သြကာသထဲမှာ
ဝဲသြဂ လည်နေမယ့် ဖြစ်ပျက်များ
ဘာမှမစွဲရင် ဘာမှမမွဲဘူး။

ဖက်တီးအက်စစ်နဲ့ချွတ်ပေမယ့်
မူလအဖြူပြန်မရတဲ့ အဝတ်အထည်ကို
တမ်းတ မစွဲဘဲ
အရောင်မွဲလည်း ဝတ်ရဲရမယ်
သန့်စင်ဖို့ဘဲ အဓိက
စိတ်သန့်ရင် အတိတ်မလန့်ဘူး။

ပြောချင်တာက
ရောက်ရာမှာ
ရရာကို ရောင့်ရဲတတ်ပြီး
ရင်းသလောက် မမြတ်ခင်မှာ
ရသလောက်ယူတတ်ဖို့ပဲ လူကလေး။

ရေပဲလေ
ပျော့ရင် တိုက်စား
မာရင် ကျော်လွှား
လှောင်ရင် ဘောင်ပင်ခတ်ပစ်လိုက်။

မင်းဟာ ရေ
ဘဝတခုဟာလည်း ရေပဲ
အမြဲ စီးဖို့သာ ကြိုးစား လူကလေး။

မှတ်ထား လူကလေး
သတ္တဝါနဲ့ဘဝဆိုတာ
စီးနေတဲ့ ရေ။ ။

ကျော်ဟုန်း
၂၀၁၈၀၆၂၃
0