မောင်နောင်မွန်- ဝမ်းနည်းခြင်းမှတ်တမ်း

ဝမ်းနည်းခြင်းမှတ်တမ်း

မောင်နောင်မွန်
(မိုးမခ) ဇူလိုင် ၂၀၊ ၂၀၁၈

ဆေးသားပြယ်စပြုနေတဲ့နေဝင်ချိန်တခုလို
အဝေးကတေးဆိုသံတွေ ထွက်ခွာ။

ဝင်သက်တွေ ခပ်ပြင်းပြင်းကြား
လေတိုးသံတွေတိတ်ဆိတ်သွားခဲ့။

ဖြေသိမ့်စရာမဲ့တဲ့ ကောင်းကင်အောက်
အရောင်များဟာ လှပညီညွှတ်နေ
ထွက်ခွာသွားချိန် 
မောမောလျလျဖြစ်နေတဲ့တိမ်စိုင်လေးတွေလို။

ခပ်ဖြည်းဖြည်းလှုပ်ခတ်လာတဲ့
ပင်လယ်လှိုင်းတွေလိုပေါ့
ပြန်လာလိုက် ပြန်သွားလိုက်ပါပဲ။

ခပ်လှမ်းလှမ်းက လူကူးမျဉ်းကျားမှာ
ရပ်၊ ကြည့်၊ သွား ဆိုင်းဘုတ်နဲ့
မီးခိုးခေါင်တိုင်အခိုးအငွေ့တွေကိုငေးရင်း
ပြဇာတ်တပုဒ်အဆုံးသတ်သွားခဲ့တယ်။  ။

0