လှကျော်ဇော ● တရုတ်ပြည်က ပေးစာတစောင်

 လှကျော်ဇော ● တရုတ်ပြည်က ပေးစာတစောင်
(မိုးမခ) ဇူလိုင် ၉၊ ၂၀၁၈

အခုတလော တရုတ်ရုပ်မြင်သံကြား ဗဟိုအမှတ် (၁) က တရုတ်ပြည်ကပေးစာ ဆိုတဲ့အမည်နဲ့ နိုင်ငံရေးပညာပေးအစီအ စဉ်အဖြစ် အပတ်စဉ်ထုတ်လွှင့်နေပါတယ်။ ပြည်တွင်းက နာမည်ကျော်ခေါင်းဆောင်တွေ၊ နိုင်ငံရေးသမားတွေ၊ တော်လှန်ရေး အတွင်း နေရာအသီးသီးကကျဆုံးသွားသူ၊ စတာ စတာတွေအပြင် သာမန်အညတြရဲဘော်များသာမက အခုခေတ်တိုင်းပြည် တာဝန်ထမ်းဆောင်ရင်း ကျဆုံးသူများ (သို့မဟုတ်) ထမ်းဆောင်ဆဲသာမန်ဝန်ထမ်းများ (ဥပမာ-ကုလငြိမ်းချမ်းရေးစောင့် တပ်သားများ၊ အာဖရိကတိုင်းပြည်များသို့ စေလွှတ်ခံရတဲ့ဆေးဝန်ထမ်းများ) ရဲ့တိုင်းပြည်အပေါ်ထားရှိတဲ့ သူတို့တတွေရဲ့ စိတ်ဓာတ်နဲ့ တာဝန်ယူမှုတွေကိုဖော်ပြထားတဲ့ပေးစာများအကြောင်းပါ။ အတော်လူကြိုက်များနေပါတယ်။ အထူးသဖြင့် လူငယ်လူရွယ်များအတွက် တိုင်းချစ်ပြည်ချစ်စိတ်ဓာတ်တွေ သွင်းပေးတဲ့အစီအစဉ်လည်း ဖြစ်ဟန်ရှိပါတယ်။

ထုတ်လုပ်သူများဟာ ဒီအစီအစဉ်ကို အတော်ဂရုစိုက် ပြင်ဆင်ထားပုံရပါတယ်။ အတော်စိတ်ထိခိုက်ဖွယ်ကောင်းတဲ့စာများ (ဥပမာ - ကူမင်တန်ခေတ်အဖမ်းခံရပြီး သေဒဏ်ခံရခါနီး တရုတ်ကွန်မြူနစ်မြေအောက်ပါတီဝင်တဦးရဲ့မိဘများထံပေးစာ များ၊ တရုတ်တွေရဲ့ဂျပန်ခုခံရေးစစ်ပွဲကိုလာရောက်ကူညီနေတဲ့ ကနေဒါကွန်မြူနစ်ပါတီဝင် ဒေါက်တာဗက်သွန်းရဲ့ သေတမ်း စာ၊ စတာများ) ရဲ့သမိုင်းဝင်အချက်အလက်များကိုပါ ပြည့်စုံအောင်လေ့လာစုဆောင်းထားပုံလည်း ရပါတယ်။ ဒါ့ကြောင့် စာ တစောင်ဖတ်တဲ့အစီအစဉ်တိုင်းမှာ အဲဒီစာရဲ့သမိုင်းနောက်ကြောင်းတွေကိုပါ မိတ်ဆက်ပေးတာ၊ အဲဒီကာလအချိန်အခါရဲ့ဓာတ်ပုံဟောင်းတွေ (သို့မဟုတ်) ပန်းချီကားတွေနဲ့၊ သီချင်းနောက်ခံများနဲ့ ဝေဝေဆာဆာတင်ဆက်တာပါ။ စာဖတ်ပေးမယ့် သူများကို လည်း အတော်သတိထား ရွေးချယ်ထားပါတယ်။ စာရေးသူတွေရဲ့အသက်အရွယ်နဲ့ မတိမ်းမယိမ်းတွေဖြစ်ကြတာများပါတယ်။ ခေတ်ပေါ်လူငယ်များအကြိုက် မင်းသားမင်းသမီးများကိုသုံးထားတာဖြစ်လေတော့၊ ပရိသတ်ထုရဲ့တခဲနက်အားပေးခြင်းခံရပါတယ်။ စာတစောင်တင်ဆက်ပြီးတိုင်းလည်း အဲဒီစာဖတ်သူတွေရဲ့ခံစားချက်များကို အခမ်းအနားမှူးက မေးလေတော့ အဲဒီမင်းသားမင်းသမီးလေးတွေက မျက်ရည်လည်ရွဲနဲ့ ဒီလိုအေးချမ်းသာယာတဲ့ဘဝ ကျွန်တော် ကျွန်မတို့ နေရအောင် အဲဒီမျိုးဆက်ဟောင်းတွေက စွန့်လွှတ်သွားကြရတာ၊ သူတို့ကို ဘယ်တော့မှမမေ့ဘူး။ သူတို့ရဲ့မပြီးဆုံးသေးတဲ့တာဝန်ကိုလည်း ဆက်လက်ပြီးထမ်းဆောင်သွားပါ့မယ် ... စသဖြင့် တိုင်းကျိုးပြည်ကျိုးဆောင်ချင်စိတ်တွေပေါ်လာအောင် ပြောဆိုတာတွေ၊ ကတိပေးတာတွေ လုပ်ဆောင်သွားပါတယ်။

အဲဒီအစီအစဉ်များထဲကတခုမှာ ဥက္ကဌမော်စီတုန်းရဲ့သားကြီး မော်အန်ရင်းရဲ့စာတစောင်အကြောင်းပါလာပါတယ်။

တရုတ်ပြည်ရဲ့လုပ်ဟန်တရပ်ဖြစ်တဲ့ ခေတ်အဆက်ဆက်က တိုင်းပြည်အတွက် တော်လှန်ရေးအတွက် ကွန်မြူနစ်ပါတီအ တွက် စွန့်လွှတ်စွန့်စားသွားကြသူများကို အခါကြီး၊ ရက်ကြီးများမှာ ပြန်သတိတရဖော်ထုတ်ဂုဏ်ပြုတဲ့၊ နောက်မျိုးဆက်များအတွက်နိုင်ငံရေးပညာပေးအစီအစဉ်တရပ်လည်းဖြစ်တဲ့လုပ်ဆောင်ချက်များအဖြစ် သမိုင်းအဖြစ်အပျက်များကို မှတ်တမ်း မှတ်ရာရေးသားချက်များကိုမှီးပြီး ရုပ်ရှင်၊ ပြဇာတ်၊ သီချင်းတွေထုတ်လုပ်တတ်လေ့ရှိပါတယ်။ ဒါတွေကြောင့်ပဲ မော်စီတုန်းနဲ့သူ့သားကြီးမော်အန်ရင်းတို့နှစ်ယောက်အကြောင်းဟာ အလွန်လွမ်းမောဖွယ်ကောင်းတဲ့ ဒဏ္ဍာရီပုံပြင်လေးတပုဒ်လို တရုတ် ပြည် သူများကြား ပျံ့နှံ့နေခဲ့တာပါ။

မော်အန်ရင်း (၂၄၊ ၁ဝ၊ ၁၉၂၂ - ၂၅၊ ၁၁၊ ၁၉၅ဝ) ဟာ မော်စီတုန်းနဲ့ သူ ပထမဇနီးယန်ခိုင်ဟွေ့တို့ရဲ့သားကြီးပါ။ မော်စီတုန်း-ကျင်ကန်းစန်းပျောက်ကြားအခြေခံစခန်းတည်ဆောက်ပြီး ကူမင်တန်အစိုးရကိုတော်လှန်ရေးစတင်ချိန် (၁၉၂၇) မှာ သူတို့ သားအမိတတွေ ဟူနန်ချန်ရှားမှာကျန်နေရစ်ပါတယ်။ ဒီတော့ ဟူနန်စစ်ဘုရင် ကယန်ခိုင်ဟွေ့ကိုဖမ်းရာမှာ မော်အန်ရင်း လေးဟာ အသက် (၈) နှစ်သားအရွယ်ထဲက ထောင်ထဲနေခဲ့ရတာပါ။ မိခင်နဲ့အတူ သတ်ပစ်ဖို့လုပ်ခဲ့ပေမယ့် သားကလေးရှိရင် မော်စီတုန်းလာတွေ့နိုင်တယ်ဆိုပြီး တည်ကြက်အဖြစ်လွှတ်လိုက်လို့ လွတ်လာတာပါ။ တရုတ်ကွန်မြူနစ် မြေအောက်ပါတီ ဝင်တွေရဲ့အကူအညီနဲ့ သူတို့ညီအကိုလေး (၃) ယောက်၊ ရှံဟဲရောက်လာပုံ၊ ရှံဟဲမှာ ချန်ကေရှိတ်ထောက်လှမ်းရေးတွေ လက်ချက်နဲ့ မြေအောက်အဖွဲ့ပြိုပျက်သွားတော့၊ ညီအကိုတတွေ သူတောင်းစားအုပ်ထဲရောက်သွားပုံ၊ အကိုကြီးမော်အန် ရင်းက သတင်းစာရောင်း၊ မြေပဲလှော်ရောင်းပြီး ညီကလေးတွေကိုရှာဖွေကြွေးခဲ့ရပုံ၊ ညီအငယ်ဆုံးလေး ဖျားသေဆုံးသွား ရတာ၊ ဒုတိယညီ (မော်အန်ချင်း) သူတောင်းစားအုပ်က ဝိုင်းရိုက်ခံရပုံ၊ စတဲ့ကြေကွဲဖွယ်ဖြစ်ရပ်တွေဟာ ပုံပြင်တွေလို တရုတ် ပြည်သူတွေအကြား မော်နဲ့သားများအပေါ် ကရုဏာစိတ်တွေယိုဖိတ်စေခဲ့တဲ့ အဖြစ်အပျက်များပါ။ ခေတ်ဟောင်းဖြစ်တဲ့ ကူမင်တန်ခေတ် အဖိနှိပ်ခံပြည်သူများရဲ့ပုံရိပ်ကိုလည်း ထင်ဟပ်စေပါတယ်။

နောက်ပိုင်း မြေအောက်ရဲဘော်များအကူအညီနဲ့ သူတို့ညီအကိုနှစ်ယောက်ကိုရှာတွေ့ပြီး တိုင်းပြည်က အဆင့်ဆင့်ခိုးထုတ် ကာ ဆိုဗီယက်ယူနီယံဆီပို့ပြီး ပညာသင်ခွင့်ရသွားပါတယ်။ မော်အန်ရင်းဟာ ဒုတိယကမ္ဘာစစ်အတွင်း ဆိုဗီယက်တပ်နီထဲ ဝင်ပြီး ပိုလန်စစ်မြေပြင်မှာ အမြောက်တပ်သားအဖြစ် ထမ်းဆောင်ဖူးပါတယ်။ ၁၉၄၃ မှာ တရုတ်ကွန်မြူနစ်ပါတီ-ဗဟိုရုံးစိုက်ရာ ယင်အန်းကိုပြန်ရောက်လာပါတယ်။

နှစ်ပေါင်း (၁၈) နှစ်ကျော်ကြာပြီးမှပြန်တွေ့ကြရတဲ့ သားအဖနှစ်ယောက်ရဲ့တွေ့ဆုံခန်း (ရုပ်ရှင်လည်းဖြစ်လေတော့) ဟာ လူတိုင်း မျက်ရည်ကျရတဲ့အခန်းပါပဲ။ အသက် (၅) နှစ်သားလေးကတည်းကကွဲသွားရတဲ့သားကို ဆိုဗီယက်တပ်နီတော် ယူနီဖောင်းအကျအနနဲ့ လေယာဉ်ပေါ်ကဆင်းလာတာကို လာကြိုနေတဲ့မော်၊ (မှတ်ချက်-အဲဒီကာလက တရုတ်ပြည်မှာ ကူမင်တန်နဲ့ ကွန်မြူနစ်ပါတီ ဂျပန်ခုခံရေးစစ်ပွဲအတွက် တပ်ပေါင်းစုဖွဲ့ထားချိန်ဖြစ်လို့ ယင်အန်းလေယာဉ်ကွင်း လူစည်နေပါ တယ်။) သားကတွေ့တွေ့ချင်း အဖေကိုဖက်၊ ငိုယိုပြီး သူ့အမေမှာခဲ့တဲ့စကားတွေကိုပြန်ပြောပြနေတာ၊ သူ့ညီအငယ်ဆုံး လေးကို ကောင်းကောင်းမစောင့်ရှောက်နိုင်ခဲ့လို့ ခွင့်လွှတ်ဖို့တောင်းပန်နေတာ စတာ စတာတွေကတော့ ပွဲကြည့်ပရိသတ်ကြီး ကို မျက်ရည်ချူတဲ့အခန်းများပါပဲ။

မော်က ဆိုဗီယက်ပြန်သူ့သားကို တို့တိုင်းပြည်ဟာလယ်သမားတိုင်းပြည်၊ မင်းလယ်သမားတွေအကြောင်း အရင်သိအောင် လုပ်ဆိုပြီး ယင်အန်းအနီးတဝိုက်ရွာတွေမှာလုပ်ဆောင်နေတဲ့ မြေယာပြုပြင်ရေးလုပ်ငန်းတွေထဲ ထည့်လိုက်ပါတယ်။-၁၉၄၉ တရုတ်ပြည်သစ်ကြီးပေါ်ထွန်းလာပြီး မော်ကသမ္မတကြီးဖြစ်လာပါတယ်။ ၁၉၅ဝ ခုနှစ် ကိုရီးယားစစ်ပွဲကိုကူညီဖို့ တရုတ်အ ပျော်တမ်းတပ်များလွှတ်ဖို့ တနိုင်ငံလုံးကို တရုတ်ကွန်မြူနစ်ပါတီက လှုံ့ဆော်တဲ့အခါ၊ ပီကင်းက စက်ရုံတရုံမှာ အလုပ်လုပ် နေတဲ့ မော်အန်ရင်း (၁၉၄၃-မှာ တရုတ်ကွန်မြူနစ်ပါတီဝင်ဖြစ်ခဲ့) က စာရင်းပေးလာပါတယ်။ အားလုံးဝိုင်းတားနေတဲ့ကြားက (တရုတ်ပြည်မှာ-အာဇာနည်အိမ်ထောင်ကဆင်းသက်သူတွေကို ရှေ့တန်းတာဝန်တွေမပေးရပါဘူး။ မော်အန်ရင်းအမေဟာ အာဇာနည်အဖြစ် ကျဆုံထားတာပါ။) မော်စီတုန်းက တတိုင်းပြည်လုံးကပြည်သူတွေကို ရှေ့တန်းစစ်မြေပြင်ကိုချီတက်ကြဖို့ ပြောနေရတဲ့ ငါ့အဖို့ ငါ့သားက အခုလိုသူ့သဘောနဲ့သူ စာရင်းပေးလာတာကို ဂုဏ်ယူတယ်---လို့ဆိုပြီး သဘောတူပေးခဲ့ပါ တယ်။ ၁၉၅ဝ နိုဝင်ဘာ ၂၅ ရက်နေ့ ရှေ့တန်းစခန်းတွေကို အမေရိကန်ဗုံးကြဲလေယာဉ်များလာဗုံးကြဲရာမှာ မော်အန်ရင်း ကျဆုံးသွားပါတယ်။ မော်အန်ရင်းအလောင်းကို တရုတ်ပြည်ပြန်သယ်ဖို့ မော်ကသဘောမတူခဲ့ပါဘူး။ ကျန်ပြည်သူများ သားသမီးများလည်း စစ်မြေပြင်မှာကျဆုံးနေကြတာပဲ။ ကျန်ကျဆုံးသူများနဲ့အတူတူပဲသဘောထားလို့ပြောလို့ မြောက်ကိုရီး ယားပြုံယမ်းမှာရှိတဲ့ တရုတ်အပျော်ထမ်းတပ်ဖွဲ့များရဲ့ အာဇာနည်ဗိမာန်မှာပဲမြှုပ်နှံထားရပါတယ်။ မော်အန်ရင်းဟာ အသက် (၂၈) နှစ်ပဲရှိသေးပြီး၊ လက်ထပ်ထားတာ တနှစ်ကျော်လေးပဲရှိပါသေးတယ်။

ဒီအကြောင်းအရာတွေဟာ ရုပ်ရှင်များ၊ ပြဇာတ်များအဖြစ်နဲ့ရော၊ စာအုပ်စာတန်းများအဖြစ်နဲ့ရော အကြိမ်ကြိမ်ဖတ်ဖူး၊ ကြည့် ဖူးကြရပေမယ့် တရုတ်ပြည်သူများအနေနဲ့ကတော့ ဘယ်တော့မှမရိုးနိုင်ပါဘူး။ တရုတ်ကွန်မြူနစ်ပါတီအဖို့ကလည်း တိုင်း ပြည်ရဲ့အမြင့်ဆုံးခေါင်းဆောင်သားအဖနှစ်ဦးရဲ့ ကွန်မြူနစ်ပါတီဝင်များပီသစွာ ဘာအခွင့်ထူးမှမခံဘဲ၊ အနစ်နာခံစရာရှိ ရှေ့ ဆုံးက စံပြအဖြစ် စွန့်လွှတ်စွန့်စားသွားမှုတွေကို နောင်မျိုးဆက်အဆက်ဆက်အတွက် နိုင်ငံရေးအရပညာပေးနိုင်တဲ့ သင် ခန်းစာလိုသဘောထားပြီး အကြောင်းအရာတိုက်ဆိုင်လာတိုင်း တင်ပြဖော်ထုတ်ခြင်းပြုတတ်ပါတယ်။ တကယ်လည်း မော်သားအဖဟာ တရုတ်ကွန်မြူနစ်ပါတီအနေနဲ့ အလွန်ဂုဏ်ယူဝင့်ကြွားနိုင်တဲ့ ပါတီဝင်နှစ်ဦးပါပဲ။

တရုတ်ဗဟိုရုပ်မြင်သံကြားက၂ဝ၁၈-ဧပြီလ-၁၃-ရက်နေ့ကတင်ဆက်သွားတဲ့--“တရုတ်ပြည်ကပေးစာ” ဆိုတဲ့အစီအစဉ် မှာ မော်အန်ရင်းရဲ့စာတစောင်ကို အကြောင်းချင်းရာအစုံအလင်နဲ့ ဖတ်ကြားတင်ဆက်သွားတာတွေ့လိုက်ရတော့၊ တရုတ်ပြည် သူတွေအကြား တရုတ်ကွန်မြူနစ်ပါတီဝင်တွေရဲ့စံပြ အာဇာနည်သူရဲကောင်းအဖြစ် သတ်မှတ်ခံထားရတဲ့ မော်အန်ရင်းရဲ့ရုပ် သွင်ဟာ ပိုကြွတက်လာရပါတယ်။ အဲဒီအစီအစဉ်မှာ မော်အန်ရင်းစာကိုဖတ်တဲ့ အခုခေတ်လူငယ်များ အသဲစွဲ ရုပ်ရှင်မင်း သားလေး ကျန်းလော့ရင်က ဒီလိုမှတ်ချက်ပြုပြောသွားပါတယ်။

“ဒီစာဟာ ဒီလိုမျိုး တခမ်းတနားဖတ်ကြားသင့်တဲ့စာပါ။ ကျွန်တော့်ကို ဒီစာဖတ်ဖို့ဖိတ်ကြားခံရတော့ ကျွန်တော်က မော်အန်ရင်းနဲ့ပတ်သက်တဲ့အကြောင်းအရာတွေကို ရသမျှလေ့လာကြည့်မိပါတယ်။ ကျွန်တော်တို့လူငယ်တွေအတွက်တော့ သူဟာ စံပြအဖြစ်ထားပြီး လေ့လာထိုက်တဲ့သူပါ။” တဲ့။

ဒီစာရဲ့နောက်ခံအကြောင်းတွေကိုလည်း အခမ်းအနားမှူးက ပြောပြသွားပါသေးတယ်။

တရုတ်တော်လှန်ရေးခေါင်းဆောင် မော်စီတုန်းနဲ့ပတ်သက်ရာပတ်သက်ကြောင်းတွေကို ကူမင်တန်အစိုးရက သဲကြီးမဲကြီးဖိနှိပ်တဲ့ကာလတလျှောက် ဟိုတိုး ဒီတိုး ဆင်းဆင်းရဲရဲ သိမ်သိမ်ငယ်ငယ်နေခဲ့ကြရတဲ့ ဆွေမျိုးသားချင်းတွေက ၁၉၄၉ အောက်တိုဘာ (၁) ရက်နေ့ တရုတ်သမတနိုင်ငံကြီးတည်ထောင်လိုက်ပြီး၊ မော်စီတုန်းသမ္မတကြီးဖြစ်သွားတော့၊ အကူအ ညီတွေ၊ အခွင့်အရေးတွေ၊ နည်းနည်းပါးပါးတော့တောင်းသင့်၊ ရသင့်တယ်လို့ ထင်လာမြင်လာကြပါတယ်။ ဒါ့ကြောင့် မော်စီတုန်းဆီလှမ်းပြီး စာရေးကြ၊ လာတွေ့ကြနဲ့၊ ဒါတွေကိုဖြေကြားရှင်းလင်းဖို့ မော်က သူ့သားမော်အန်ရင်းကိုတာဝန်ပေးထားပါတယ်။

အဲသလိုမျိုးစာတွေထဲမှာ မော်အန်ရင်းရဲ့ဦးလေး (ယန်ခိုင်ဟွေရဲ့အကို) ကဟူနန်-ချန်ရှားအစိုးရအဖွဲ့မှာနေရာတခုပေးဖို့ တောင်းတဲ့စာတစောင်ပါလာပါတယ်။ တကယ်တော့၊ ယန်ခိုင်ဟွေသေဒဏ်ခံသွားရပြီးနောက်၊ ယန်ခိုင်ဟွေရဲ့မိခင်ကြီးအပါတဆွေလုံးတမျိုးလုံး၊ ကူမင်တန်ထောက်လှမ်းရေးတွေရဲ့ဖိနှိပ်မှုကြောင့် အတော်ဒုက္ခဆင်းရဲရောက်ခဲ့ပါတယ်။ မော်အန်ရင်းတို့ညီအကိုတတွေကိုလည်း ချန်ရှားမှာရှိနေစဉ်က ဝိုင်းဝန်းပြုစုစောင့်ရှောက်ခဲ့ကြပါတယ်။ အဲဒီစာကို မော်အန်ရင်းကပြန်တဲ့စာအကြောင်းဖြစ်ပါတယ်။ ကျေးဇူးတွေရှိခဲ့ဖူးပြီး၊ အနစ်နာခံခဲ့ရတယ်လို့လည်းခံယူထားတဲ့၊ နိုင်ငံရေးသမားလည်းမဟုတ်တဲ့-ဦးလေးဆီကိုတောင်းတဲ့အကူအညီ မပေးနိုင်တဲ့အကြောင်းကို အဖိနှိပ်ခံလူတန်းစားတရပ်လုံး လွတ်မြောက်ရေးအတွက် တိုက်ပွဲဝင်နေရတဲ့ ကွန်မြူနစ်တယောက်စိတ်ဓာတ်အခြေခံပေါ်ကနေ ရှင်းလင်းရေးသားရတာဖြစ်လေတော့ စာက (၆) မျက် နှာတောင်ရှိတဲ့စာရှည်ကြီးပါ။ အဲဒီထဲက တချို့အချက်များကတော့ အခုအချိန် (စာရေးပြီး အနှစ် ၇ဝ နီးပါးကြာပြီးနောက်) ထိလေ့လာသင့်တဲ့အချက်များ ပါနေပါသေးတယ်။

၁၉၄၉ အောက်တိုဘာ ၂၄ ရက်နေ့စွဲနဲ့ စာပါအကြောင်းအရာများကတော့ ....

ချန်ရှားအစိုးရအဖွဲ့တွင်း ရာထူးတနေရာစီစဉ်ပေးဖို့ အဖေ့ကို ဦးလေးကအကူအညီတောင်းတဲ့အပေါ် ကျွန်တော်သိပ်စိတ်အနှောင့်အယှက်ဖြစ်မိပါတယ်။ ကျွန်တော်တို့တတွေ အခုခေတ်သစ်ရောက်နေပါပြီ၊ ဆွေမျိုးသားချင်းမှီပြီး ရာထူးရာခံရတဲ့ ခေတ်ကုန်သွားပါပြီ။ တရုတ်ပြည်သစ်နဲ့ တရုတ်ပြည်ဟောင်းအကြား၊ တရုတ်ကွန်မြူနစ်ပါတီနဲ့ တရုတ်ကူမင်တန်ပါတီအ ကြား၊ မော်စီတုန်းနဲ့ချန်ကေရှတ်အကြားနဲ့ မော်စီတုန်းဆွေမျိုးနဲ့ ချန်ကေရှတ်ဆွေမျိုးအကြားမှာ ကမ္ဘာခြားပါတယ်။ ချန်ကေ ရှိတ်နဲ့ သူ့အစိုးရက သူတို့အတွက်၊ သူတို့မိသားစုအတွက် အထူးအခွင့်အရေးတွေရယူတာဟာ မှန်တယ်၊ တရားတယ်လို့ သဘောထားပေမယ့် ကျွန်တော်တို့ကတော့ ဒါမျိုးကိုမှားတယ်လို့သဘောထားပါတယ်။ လူ့အဖွဲ့အစည်းအတွင်း အုပ်စိုးသူ များက အခွင့်ထူးဟူသမျှယူတဲ့ခေတ် လုံးဝကုန်ဆုံးသွားပါပြီ။ လူတိုင်းတန်းတူညီမျှတဲ့ခေတ်ရောက်လာနေပါပြီ။ တဦးခေါင်း ပေါ်တဦးတက် အနိုင်ကျင့်တဲ့ခေတ်ကုန်သွားပါပြီ။ ဒီနေရာမှာ တရုတ်ပြည်သူတွေက အချက်အချာကျတဲ့တိုက်ပွဲအောင်ခဲ့တာပါ။ ဒီအပြောင်းအလဲကိုသဘောမပေါက်ရင် ဦးလေးအနေနဲ့ ကျန်တတိုင်းပြည်လုံးက အခြေအနေတွေကို မျက်ခြည်ပြတ်သွားပါလိမ့်မယ်။

---- ကျွန်တော်တို့တတွေ လွတ်မြောက်ရေးအတွက် တိုက်ပွဲဝင်တာဟာ လူလေးလက်တဆုပ်စာသာ လွတ်မြောက်ဖို့ မဟုတ်ဘူး။ ပြည်သူအားလုံး လွတ်မြောက်ဖို့ပါ။ မိမိဘဝတွင်းကြုံတွေ့လာရတဲ့ပြဿနာတွေကိုဖြေရှင်းရမှာဖြစ်ပေမယ့် အ ထူးအခွင့် အရေးတွေကိုရဖို့တော့ မမျှော်လင့်သင့်ပါဘူး။ အများအကျိုးကို ဦးစားပေးစဉ်းစားရမှာပါ။-----

---- ကူမင်တန်တွေက ကွန်မြူနစ်တွေကိုသွေးအေးသတ္တဝါ စက်ရုပ်တွေလို့စွပ်စွဲပါတယ်။ ကျွန်တော်တို့တတွေက မိမိမိသားစု ဝင်များအတွက်၊ မိတ်ဆွေများအတွက် ဝင်ငွေရရှိရာရရှိကြောင်း၊ ရာထူးရရှိရာရရှိကြောင်းမလုပ်ဆောင်မှုများအပေါ် ရည် ညွှန်းတာဆိုရင်တော့၊ ကျွန်တော်တို့ သူတို့စွပ်စွဲချက်ကို လက်ခံပါတယ်။ ဒါပေမယ့် ကျွန်တော်တို့ဟာ ခံစားမှုကင်းတဲ့သွေး အေးသတ္တဝါများမဟုတ်ပါဘူး။ ကျွန်တော်တို့ဟာ ပြည်သူတွေအထူးသဖြင့် အပင်ပန်းဆုံးအဆင်းရဲဆုံး သာမန်တရုတ်ပြည်သူတွေကိုချစ်ပါတယ်။ ဒါ့အပြင် ကျွန်တော်တို့ဟာ ကိုယ့်မိဘ၊ အိမ်ထောင်၊ သားသမီး၊ဆွေမျိုးသားချင်းအားလုံးကိုအလွန်ချစ်ခင်ပါတယ်။ဒါပေမယ့်၊ဒီမေတ္တာတရားတွေကိုအခွင့်ထူးတွေရရှိဖို့အသုံးမချသင့်ပါဘူး။----

-- ကျွန်တော်အဖွားကို အလွန်ချစ်ပါတယ်။ အခုအချိန်မှာ အဖွားအနေနဲ့ ကျွန်တော်အပေါ်မိသားစုဝင်တွေကိုပြန်မကြည့်ရှုလို့ စိတ်ပျက်မိမှာပါ။ ကျွန်တော်ဟာ အလွန်မြင့်မြတ်တဲ့အဖွဲ့အစည်းတခုက သာမန်အဖွဲ့ဝင်လေးတယောက်သာဖြစ်ပြီး၊ တရုတ်ကွန်မြူနစ်ပါတီရဲ့မူဝါဒတွေနဲ့မကိုက်ညီတဲ့ကိစ္စတွေကို မလုပ်ဆောင်နိုင်ပါဘူး။အဖေအနေနဲ့ကလည်း၊ ဒီလိုမျိုးလုပ်ဟန် ဟောင်းတွေကို အပြင်းထန်ဆုံးဆန့်ကျင်သူဖြစ်ပြီး၊ ဒါတွေကိုလည်း မတရားဘူး။ တရားမျှတမှုမရှိဘူး-လို့သတ်မှတ်ယူဆ ထားတာပါ။----

---- ကျွန်တော်တို့ဟာ အောက်ခြေကစအလုပ်လုပ်ရမှာဖြစ်ပြီး ၊သူများတွေဆီက လေ့လာသင်ယူရမှာဖြစ်ပါတယ်။ ကိုယ့်ကိုကိုယ်အထင်ကြီးပြီးမနိုင်ဝန်ကို မထမ်းသင့်ပါဘူး။ ကျွန်တော်ကိုယ်တိုင်လည်း ဒီအခြေခံသဘောကိုနားမလည်ခင်က နှာ ခေါင်းကျည်ပွေ့တွေ့ခဲ့ရဘူးပါတယ်။ အခုတော့ ကျွန်တော်လည်း ပြည်သူကို ဘယ်လိုအလုပ်အကျွေးပြုရမယ်-ဆိုတာနည်း နည်း သဘောပေါက်လာပါပြီ။---

ဒါတွေကတော့ စာပါအကြောင်းအရာအချို့ဖြစ်ပါတယ်။

ဒီအစီအစဉ်ရဲ့နိဂုံးချုပ်မှတ်ချက်ကိုအခန်းအနားမှူးကဒီလိုပြောသွားပါတယ်။
-- ဥက္ကဌမော်တို့သားအဖဟာ အလွန်တာဝန်ကျေပွန်တဲ့ တရုတ်ကွန်မြူနစ်ပါတီဝင်နှစ်ဦးပါ။ ဒီသားအဖအကြောင်း ကျွန်တော် တို့ မကြာခဏပြောဆိုနေရတဲ့အကြောင်းကတော့ ယခုအခါတာဝန်ကြီးတွေ ထမ်းဆောင်ကြတဲ့ ခေါင်းဆောင်ကြီးများကသားသမီးအတွက် အခွင့်ထူးတွေမပေးမိဖို့သတိပေးတာရော၊ ကေဒါကြီးများရဲ့သားသမီးများကလည်း မော်အန်ရင်းလိုဖခင်ရဲ့အရှိန်အဝါကိုတလွဲအသုံးမချဘဲ၊ နှိမ်နှိမ်ချချနေထိုင်လုပ်ဆောင်သွားတဲ့လုပ်ဟန်ကို အတုယူလေ့လာကြဖို့အပြင်၊ မော်အန် ရင်း ဦးလေးလို လူမျိုးအခုခေတ်မှာပေါများလာလို့၊ တရားမျှတစွာယှဉ်ပြိုင်တဲ့စိတ်တွေပေါ်ပေါက်စေဖို့လည်း ရည်ရွယ်ပါ တယ်--တဲ့။

တရုတ်ကွန်မြူနစ်ပါတီဟာ ပါတီဝင်တွေကိုရော၊ ပြည်သူတွေကိုပါ အဲသလိုနိုင်ငံရေးအရ အမြဲမပြတ်ပညာပေးပြီး၊ အချိန်မီ သတိပေး၊ ပြုပြင်တည့်မတ်ပေးနေတဲ့အတွက် ဒီနေ့အထိသမိုင်းပေးတာဝန်တွေကို ထမ်းဆောင်နေနိုင်ပြီး၊ ပြည်သူလူထုရဲ့ ထောက်ခံမှုကိုရနေတာဖြစ်ဟန်ရှိပါတယ်။ တိုင်းကျိုးပြည်ကျိုးဆောင်ချင်တဲ့နိုင်ငံရေးပါတီများ၊ နိုင်ငံရေးသမားများအားလုံး လေ့လာအတုယူသင့်ပါတယ်။

လှကျော်ဇော။
၃ဝ-၆-၂ဝ၁၈
ပုံစာ - ဥက္ကဌမော်စီတုန်းနဲ့ သားမော်အန်ရင်း