မောင်ခင်မင်(ဓနုဖြူ)ရဲ့စာအုပ်တရာပြည့် ဂုဏ်ပြုအခမ်းအနား ရန်ကုန်တက္ကသိုလ်မှာ

မောင်ခင်မင်(ဓနုဖြူ)ရဲ့စာအုပ်တရာပြည့် ဂုဏ်ပြုအခမ်းအနား ရန်ကုန်တက္ကသိုလ်မှာ
K (မိုးမခ) သြဂုတ် ၁၆၊ ၂၀၁၈

စာရေးဆရာကြီး မောင်ခင်မင်(ဓနုဖြူ)ရေးသားခဲ့တဲ့ စာအုပ် စုစုပေါင်း ၁၀၀ ပြည့်အခမ်းအနားကို ရန်ကုန်တက္ကသိုလ်မြန် မာစာဌာနမှ ဦးစီးကြီးမှူးကာ ရန်ကုန်တက္ကသိုလ် တောင်ငူဆောင် မြန်မာစာခန်းမ(မြေညီထပ်)မှာ သြဂုတ်လ ၁၈ ရက်နံ နက် ၉နာရီမှ ၁၁နာရီထိ ကျင်းပပြုလုပ်သွားမယ်လို့ သိရပါတယ်။

ဒေါက်တာခင်အေး(ခ)စာရေးဆရာ မောင်ခင်မင်(ဓနုဖြူ)ဟာ ဘာသာဗေဒ၊ ဆောင်းပါး၊ ၀တ္ထုများကိုရေးသားခဲ့ပြီး ယခု အုပ်ရေ ၁၀၀ပြည့်အဖြစ် မင်းသုဝဏ်ဋီကာစာအုပ်ကို ပြုစုရေးသားခဲ့တာဖြစ်ပါတယ်။

ဆရာကြီးမောင်ခင်မင်(ဓနုဖြူ)ဟာ ရန်ကုန်တက္ကသိုလ်မြန်မာစာဌာန၊ ပါမောက္ခဌာနမှူး(ငြိမ်း)၊ မြန်မာစာအဖွဲ့ အချိန်ပြည့် အဖွဲ့ဝင်၊ အမျိုးသား သင်ရိုးညွှန်တမ်းကော်မတီ အဖွဲ့ဝင်၊ အမျိုးသားစာပေဆု ရွေးချယ်ရေးကော်မတီ ဒုဥက္ကဌ၊ ထွန်းဖောင် ဒေးရှင်းစာပေဆုရွေးချယ်ရေးကော်မတီ ဒုဥက္ကဌတာဝန်များကို ဆောင်ရွက်လျက်ရှိပါတယ်။

၁၉၄၂ - ခုနှစ်၊ ဇန်နဝါရီလ(၂)ရက်နေ့တွင် ဓနုဖြူမြို့နယ်၊ ကျုံတစ်နီးရွာ၌ အဖ-ဦးရာမနှင့် အမိ ဒေါ်စောတင်တို့က ဖွားမြင်။ အမည်ရင်း ဦးခင်အေးဖြစ်။ ၁၉၅၄ - ရန်ကုန်မြို့ မြူနီစီပယ် ပညာရေးအဖွဲ့ကစစ်ဆေးသော စတုတ္ထတန်းစာမေးပွဲကို ပထမ အဆင့်မှ အောင်မြင်။

၁၉၅၇ - သတ္တမတန်းနှင့်အလယ်တန်းပညာသင်ဆု (စကောလားရှစ်)စာမေးပွဲတွင် အမှတ်အများဆုံးဖြင့် အောင်သဖြင့် အလယ်တန်းပညာသင်ဆု(စကောလားရှစ်)ဆုရ။ စာနယ်ဇင်းများတွင် ဆောင်းပါးများစရေး။

၁၉၅၉ - တက္ကသိုလ်ဝင်တန်းစာမေးပွဲတွင် တစ်ပြည်လုံး၌ မြန်မာစာအမှတ်အများဆုံးဖြင့် အတန်းတိုင်း၌ ထူးချွန်စွာ အောင်မြင်ခဲ့။

၁၉၆၃ - ရန်ကုန်တက္ကသိုလ်မှ ဝိဇ္ဇာဘွဲ့(အထွေထွေဂုဏ်ထူး)ရရှိ။ ပုသိမ်ကောလိပ် မြန်မာစာဌာန၌ နည်းပြအဖြစ် စတင် တာဝန်ထမ်းဆောင်ခဲ့ရာ လက်ထောက်ကထိက၊ ကထိက၊ တွဲဖက်ပါမောက္ခ၊ ပါမောက္ခအဆင့်များဖြင့် ပုသိမ် ကောလိပ်၊ ရန်ကုန် ဝိဇ္ဇာနှင့်သိပ္ပံတက္ကသိုလ်၊ ဒဂုံတက္ကသိုလ်၊ ပြည်ဒီဂရီကောလိပ်၊ ရန်ကုန်တက္ကသိုလ်တို့တွင် တာဝန်ထမ်းဆောင်ခဲ့။ ၁၉၆၉ - မဟာဝိဇ္ဇာဘွဲ့(ဂုဏ်ထူး)ရရှိခဲ့။

၁၉၇၉ - စကားပြေသဘောတရား၊ စကားပြေအတတ်ပညာ စာအုပ်ထွက်ရှိ။

၁၉၈ဝ - စကားပြေအဖွဲ့ပုံစံများနှင့် ဘာသာပြန်လေ့လာချက်။ ရုံးသုံးမြန်မာစာ၊ ပြည်သူ့အတွက် မြန်မာ စကားပြေ စသော စာအုပ်များထွက်။ ၁၉၈၅ - မြန်မာစာပေသမိုင်း(အခြေခံပညာအထက်တန်း စိတ်ကြိုက်မြန်မာစာ) (ဦးစောထွန်းနှင့်ပူးတွဲ)ပြု စု။

၁၉၈၇ - စာပေဗိမာန် စာမူဆုပြိုင်ပွဲတွင် မြန်မာစကား၊ မြန်မာစာရုပ်ပုံလွှာ စာမူဖြင့် သုတပဒေသာ(ဝိဇ္ဇာ)ပညာရပ်တွင် ပထ မဆုရရှိခဲ့။

၁၉၉ဝ - မြန်မာစကား၊ မြန်မာစာရုပ်ပုံလွှာစာအုပ်ထွက်ရှိ။

၁၉၉၂ - မြန်မာဘာသာစကားပညာရှင်များနှင့် ဘာသာစကားအမြင် စာအုပ်ထွက်။ စာစီစာကုံးသင်ကြား ရေး၊ လမ်းမ ပျောက်ပါ စသောစာအုပ်များဆက်ထွက်။

၁၉၉၃ - စန္ဒာမုနိသွန်းစက်တော်၏ ရာပြည့်ခရီးစာအုပ်ထွက်။ ၁၉၉၄ - အခြေခံအထက်တန်းအဆင့် စကားပြေသင်ကြား ရေး စာအုပ်ထွက်။

၁၉၉၅ - ကဗျာသဘောတရားနှင့် ကဗျာလေ့လာနည်း စာအုပ်ထွက်။ ၁၉၉၆ - နှင်းဆီဝတ်မှုန် စာစီစာကုံး သဘော တရားနှင့်လက်တွေ့အရေးအသား( ဦးသန်းထွဋ်နှင့်ပူးတွဲ) ပြုစု။

၁၉၉၇ - မေတ္တာနှလုံးသား ပုံရိပ်များ၊ စာပေသမုဒ္ဒရာ၌ လက်ပစ်ကူးခြင်း၊ စကားသမုဒ္ဒရာ-စာသမုဒ္ဒရာ စသော စာအုပ်များထွက်။

၁၉၉၇ - ၉၉ - တွဲဖက်ပါမောက္ခအဖြစ်တာဝန်ထမ်းဆောင်စဉ် နိုင်ငံတော်အစိုးရပညာရေးဝန်ကြီးဌာန၏ တာဝန် ပေးချက် အရ ဂျပန်နိုင်ငံ အိုဆာကာနိုင်ငံခြားဘာသာသင်တက္ကသိုလ်တွင် မြန်မာစာဧည့်ပါမောက္ခအဖြစ် (၂)နှစ် တာဝန်ထမ်း ဆောင်ခဲ့။

၂၀၀ဝ - တစ်သံ နှစ်သံ သုံးလေးသံ စာအုပ်ထွက်။

၂၀၀၁ - သုတေသနလက်စွဲစာအုပ်ထွက်။

၂၀၀၂ - အောက်တိုဘာလ(၁၉)ရက်နေ့တွင် ကျင်းပသော ရန်ကုန်တက္ကသိုလ်(၁၀၅)ကြိမ်မြောက် ဘွဲ့နှင်းသဘင် အခမ်းအနားတွင် ဂုဏ်ထူးဆောင် စာပေပါရဂူဘွဲ့ Doctor Of Letters(Honoris Causa) ကိုချီးမြှင့်အပ်နှင်းခြင်း ခံရ။ နှစ်လေးဆယ်ဘဝမှတ်တိုင်များစာအုပ်ထွက်။ (ယင်းစာအုပ်ဖြင့် အမျိုးသားစာပေဆု(စာပဒေသာဆု)ရရှိ။

၂၀၀၃ - ထိုင်းနိုင်ငံ ချူလာလောင်ကွန်တက္ကသိုလ် နိုင်ငံတကာ ရသစာပေဆွေးနွေးပွဲတွင် MyanMa Post-colonial Literature စာတမ်းကို ဖတ်ကြားခဲ့။ စာဆိုဘဝ၊ စာဆိုတော်-စာဆိုလက်ရာ စာအုပ်ထွက်။

ရေးသား ထုတ်ဝေခဲ့သော စာအုပ်များမှာ ၁။ စကားပြေ သဘောတရား စကားပြေ အတတ်ပညာ (စတုတ္ထအကြိမ်) ၁၉၇၉/ ၂၀၀၄ ၂။ စကားပြေ အဖွဲ့ပုံစံများနှင့် ဘာသာပြန် လေ့လာချက် ၁၉၈၀ ၃။ ရုံးသုံး မြန်မာစာ ၁၉၈၀ ၄။ ပြည်သူ့အတွက် မြန်မာ စကားပြေ ၁၉၈၀ ၅။ မြန်မာစကား မြန်မာစာ ရုပ်ပုံလွှာ ၁၉၉၀ ၆။ မြန်မာဘာသာစကား ပညာရှင်များနှင့် ဘာသာ စကား အမြင် (ပြန်ရိုက်) ၁၉၉၂/၂၀၀၅ ၇။ စာစီစာကုံး သင်ကြားရေး ၁၉၉၂ ၈။ လမ်းမပျောက်ပါ ၁၉၉၂ ၉။ စန္ဒာမုနိ သွန်းစက်တော်၏ ရာပြည့်ခရီး ၁၉၉၃ ၁၀။ အခြေခံ အထက်တန်း အဆင့် စကားပြေ သင်ကြားရေး ၁၉၉၄ ၁၁။ ကဗျာ သဘောတရားနှင့် ကဗျာ လေ့လာနည်း ၁၉၉၅ ၁၂။ မေတ္တာ နှလုံးသား ပုံရိပ်များ ၁၉၉၇ ၁၃။ စာပေ သမုဒ္ဒရာ၌ လက်ပစ် ကူးခြင်း (ပြန်ရိုက်) ၁၉၉၇/၂၀၀၅ ၁၄။ စကားသုမုဒ္ဒရာ စာသမုဒ္ဒရာ ၁၉၉၇ ၁၅။ တသံ နှစ်သံ သုံးလေးသံ ၂၀၀၀ ၁၆။ နှစ်လေးဆယ် ဘဝမှတ်တိုင်များ ၂၀၀၂ ၁၇။ သုတေသန လက်စွဲ ၂၀၀၁ ၁၈။ စာဆိုဘဝ စာဆိုတော်၊ စာဆိုလက်ရာ ၂၀၀၃ ၁၉။ အတ္ထဗေဒနိဒါန်း ၂၀၀၄ ၂၀။ တပည့်နှင့်ဆရာ ဆရာနှင့်တပည့် ၂၀၀၄ ၂၁။ စာပေမှတ်တိုင်များကို ဖြတ်သန်း ခြင်း ၂၀၀၄ ၂၂။ သက်တံရောင်စုံ ဘာသာစကား ၂၀၀၅ ၂၃။ မောင်ရုပ်ဆိုးနှင့် မယ်မဒ္ဒီရသစာတမ်းများ ၂၀၀၅

ထင်ရှားသော စာအုပ်အချို့မှာ ၁။စကားပြေသဘောတရား၊ စကားပြေအတတ်ပညာ ၂။မြန်မာစကား၊ မြန်မာစာရုပ်ပုံလွှာ ၃။မြန်မာဘာသာစကားပညာရှင်များနှင့် ဘာသာစကားအမြင် ၄။မေတ္တာနှလုံးသားပုံရိပ်များ ၅။စာပေသမုဒ္ဒရာ၌ လက် ပစ်ကူးခြင်း ၆။စကားသမုဒ္ဒရာ-စာသမုဒ္ဒရာ ၇။နှစ်လေးဆယ်ဘဝမှတ်တိုင်များ ၈။စာပေမှတ်တိုင်များကို ဖြတ်သန်းခြင်း ၉။မောင်ရုပ်ဆိုးနှင့် မယ်မဒ္ဒီ ရသစာတမ်းများ ၁၀။နှစ်ဆယ်ရာစု စကားပြေဆရာများတို့ဖြစ်ပါတယ်။

၂၀၀၄ - ထိုင်းနိုင်ငံ၊ ဇင်းမယ်မြို့၌ AUNက ကျင်းပသော ဘာသာစကားသင်ကြားရေး ဆွေးနွေးပွဲတွင် Some Phonological Problem in Teacher Myanma or a Foreign Language in Foreigners စာတမ်းဖတ်ကြားခဲ့။ အတ္ထ ဗေဒနိဒါန်း၊ တပည့်နှင့်ဆရာ-ဆရာနှင့်တပည့်၊ စာပေမှတ်တိုင်များကို ဖြတ်သန်းခြင်း စသောစာအုပ်များ ထွက်။

၂၀၀၅ - သက်တံရောင်စုံဘာသာစကား၊ မောင်ရုပ်ဆိုးနှင့်မယ်မဒ္ဒီ ရသစာတမ်းများ စသောစာအုပ်များထွက်။ ဘာသာစာ ပေဆိုင်ရာ သုတေသနစာတမ်းဖတ်ပွဲများ၊ စာပေဗိမာန်စာတမ်း ဖတ်ပွဲများတွင် ဘာသာစကားဆိုင်ရာ၊ မြန်မာစကားပြေ ဆိုင်ရာ စာတမ်းငယ်ဆိုင်ရာ စာတမ်းများကို ရေးသားပြုစု ဖတ်ကြားခဲ့။

ယခုအခါ အသက်၇၆နှစ်အရွယ်ရှိကာ ရန်ကုန်တက္ကသိုလ်မြန်မာစာဌာနပါမောက္ခအဖြစ်မှ အငြိမ်းစားယူပြီး ဇနီးဒေါ်စုစုနွယ် (တွဲဖက်ပါမောက္ခ-မြန်မာစာဌာန၊ ရန်ကုန်တက္ကသိုလ်) သမီး-သူသူနွယ်အေးတို့နဲ့အတူ နေထိုင်လျက်ရှိပါတယ်။