ဇင်လင်း - ရှစ်လေးလုံး အရေးတော်ပုံ၏ ရည်မှန်းချက်ကို မျက်ခြည်မပြတ်ဖို့လိုသည်

ဇင်လင်း  - ရှစ်လေးလုံး အရေးတော်ပုံ၏ ရည်မှန်းချက်ကို မျက်ခြည်မပြတ်ဖို့လိုသည်
(မိုးမခ) သြဂုတ် ၁၅၊ ၂၀၁၈

သမိုင်းဝင် ရှစ်လေးလုံးအရေးတော်ပုံကြီးဖြစ်ပွားခဲ့သည်မှာ ယခုနှစ် သြဂုတ်လတွင် နှစ်ပေါင်း (၃၀) ပြည့်ပေပြီ။ ဤ အရေး တော်ပုံကို မြန်မာ့ မျက်မှောက်သမိုင်း၏ အချိုး အကွေ့ကြီး အဖြစ်မှတ်တမ်းတင်ကြသည်။ အဘယ်ကြောင့်နည်း။ လူထု အရေးတော်ပုံကြီးကြောင့် စစ်အာဏာရှင်စနစ်၏ အရေးကြီး အစိပ်အပိုင်းများကို ခုတ်ဖြတ်ဖယ်ရှင်းနိုင်ခဲ့သည်။ တပါတီ အာဏာရှင်စနစ်ကို ဖြိုလှဲနိုင်ခဲ့သည်။ အာဏာရှင် ထိပ်သီးအချို့ကို အာဏာထိုင်ခုံထက်မှ ဆွဲချနိုင်ခဲ့သည်။ လွတ်လပ်ရေး၊ တရားမျှတရေးနှင့် တန်းတူရေးဆိုသည့် ဒီမိုကရေစီနှင့်လူ့အခွင့်အရေးဆိုင်ရာ အတွေးအခေါ် အသိအမြင်များကို အရေး တော်ပုံက ရှင်သန် ပြန့်ပွားစေခဲ့သည်။ စစ်အာဏာရှင်စနစ်ကို စိန်ခေါ်အန်တုနိုင်စွမ်းရှိသော လူထုခေါင်းဆောင် တဦးကို လည်း အရေးတော်ပုံက မွေးဖွားပေးခဲ့သည်။ အာဏာရှင်စနစ်ကို စိန်ခေါ်သူအဖြစ် ရှစ်လေးလုံးအရေးတော်ပုံက လူထု ခေါင်းဆောင် ဒေါ်အောင်ဆန်းစုကြည်ကို မွေးထုတ်ပေးခဲ့သည်။

ဤနေရာ၌ ပိုမို အရေးပါသည့် ထူးခြားချက်တခုမှာ အရေးတော်ပုံ၏ သက်ရောက်မှုအရှိန်ကြောင့် မြန်မာ့နိုင်ငံရေး အတွေး အခေါ် အလှည့်အပြောင်းသိသာစွာ ဖြစ်ပေါ်ခဲ့ခြင်းဖြစ်သည်။ ထို အလှည့်အပြောင်းသည် ဒေါ်အောင်ဆန်းစုကြည်အား မြန်မာနိုင်ငံ ငြိမ်းချမ်းရေး အတွက် တာဝန်ယူရမည့်သူ ဖြစ်လာစေခဲ့သည်။ သို့ဖြင့် မြန်မာ့ နိုင်ငံရေး ပြုပြင်ပြောင်းလဲရေး၌ လည်း အဓိက ခေါင်းဆောင်အဖြစ် ဒေါ်အောင်ဆန်းစုကြည်ကို အများစုဆန္ဒဖြင့် သတ်မှတ်ခဲ့ကြသည်။ မြန်မာနိုင်ငံတွင် အာဏာရှင်ဂိုဏ်းသားများ ထင်ရာစိုင်းကြီးစိုးနေသည်မှာ အတော်ကြာနေပြီဖြစ်သည်။ လူ့အဖွဲ့အစည်း ၏ ဦးဆောင်မှု အခန်းကဏ္ဍများတွင် မိန်းမသားများကို ကန့်သတ်ချုပ်ချယ် နေရာမပေးဘဲ ခွဲခြားဆက်ဆံခဲ့သည်မှာ ကြာလှ ပြီ။ ၂၀၁၀ ခုနှစ် ရွေးကောက်ပွဲမတိုင်မီအထိ၊ ရှေ့နေချုပ်၊ တရားသူကြီးချုပ်၊ စာရင်းစစ်ချုပ်၊ ပါမောက္ခချုပ် စသော ရာထူးမျိုး ကိုပင် အမျိုးသမီးများအားနေရာ မပေးခဲ့ပေ။ ဒု ၀န်ကြီး၊ ၀န်ကြီးဆိုသည့် ရာထူးမျိုးကတော့ ပို၍ ဝေးပါသည်။ ဤသည်မှာ စစ်အာဏာရှင်များ၏ ပဒေသရာဇ်ဆန်ဆန် အတွေးအခေါ်များကြောင့်ဖြစ်သည်။ ယင်းသို့သော အခြေအနေ အချိန်အခါမျိုး တွင် ပြည်သူက ဒေါ်အောင်ဆန်းစုကြည်အား လူထု ခေါင်းဆောင်အဖြစ် အသိအမှတ်ပြုလိုက်ခြင်းသည် အရေးကြီးသည့် အတွေးအခေါ် အလှည့်အပြောင်းဟု ဆိုနိုင်သည်။

ဒေါ်အောင်ဆန်းစုကြည်သည် “ရှစ်လေးလုံးပြည်သူ့ဒီမိုကရေစီ အရေးတော်ပုံ” မှ တင်မြှောက်ခဲ့သည့် လူထုခေါင်းဆောင် ဖြစ်သည်။ တိုင်းရင်းသား အများစု လက်ခံအသိအမှတ် ပြုခြင်းခံရသော ခေါင်းဆောင်လည်းဖြစ်သည်။ ရှစ်လေးလုံးပြည်သူ့ ဒီမိုကရေစီအရေးတော်ပုံ၏ တောင်းဆိုချက်သည် နိုင်ငံရေး ပြုပြင်ပြောင်းလဲမှု (Political System Change) ဖြစ်သည်။ ‘လွတ်လပ်ရေး၊ တရားမျှတရေးနှင့် တန်းတူရေးဆိုသော ဒီမိုကရေစီပိုင်ခွင့်’ ကို တောင်းဆိုခြင်းဖြစ်သည်။ ‘တန်းတူရေး’ ဟုပြောရာ၌ လူမျိုး၊ လူတန်းစား၊ နိုင်ငံရေး ယုံကြည်ချက်နှင့် ကိုးကွယ်သည့် ဘာသာ မျှသာမက၊ ‘လိင်’ ခွဲခြားဆက်ဆံမှု မပြုလုပ်ရေးလည်း ပါဝင်သည်။ လွတ်လပ် ရေး၊ တရားမျှတရေးနှင့် တန်းတူရေးဆိုသော ဒီမိုကရေစီပိုင်ခွင့်များ ဖြစ်ထွန်း တိုးတက်ရေးအတွက် တိုင်းရင်းသား ပြည်သူလူထုက ဒေါ်အောင်ဆန်းစုကြည်အား သူတို့ ကိုယ်စားလှယ်အဖြစ် ရွေးချယ် ခဲ့ကြသည်။

၁၉၉၀ နှင့် ၂၀၁၅ ရွေးကောက်ပွဲရလဒ်များကို ပြန်ပြောင်း သုံးသပ်ကြည့်ပါက ဒေါ်အောင်ဆန်းစုကြည်အား ပြည်သူက တခဲနက် ဆန္ဒမဲပေး ခဲ့ကြသည်ကို ထင်ထင်ရှားရှားမြင်ရသည်။ တနည်းအားဖြင့် ဒေါ်အောင်ဆန်းစုကြည်ကို သူတို့၏ ကိုယ်စား တိုင်းပြည်အရေးအရာများကို စီမံအုပ်ချုပ်နိုင်ရန် အခွင့်အာဏာ (Mandate) လွှဲအပ်လိုက်ကြခြင်းဖြစ်သည်။ တိုင်းပြည်အေးချမ်းသာယာမှုကို အမှန် လိုလားလျှင် ဒေါ်အောင်ဆန်းစုကြည်၏ အခန်းကဏ္ဍကို အတိုက်အခံပြုနေသူများ အနေဖြင့် မသိကျိုးကျွန်မပြုသင့်ပေ။ နိုင်ငံသူ နိုင်ငံသားအများစုက တစိုက်မတ်မတ် တောင်းဆိုနေသည့်အလျောက် ဒေါ် အောင်ဆန်းစုကြည်အား မြန်မာ့နိုင်ငံ ငြိမ်းချမ်းရေးနှင့် ပြန်လည်ထူထောင်ရေးအတွက် ခေါင်းဆောင်မှု နေရာ ပေးရပေ မည်။ အထူးသဖြင့် နိုင်ငံရေး တွေ့ဆုံ ဆွေးနွေးပွဲများမှ တဆင့် အမျိုးသားပြန်လည်သင့်မြတ်ရေးနှင့် တိုင်းပြည်ငြိမ်းချမ်းရေး ကို ရှာဖွေရပေမည်။ ယနေ့ဒေါ်အောင်ဆန်းစုကြည်သည် တိုင်းရင်းသားပေါင်းစုံလူထုအများစု၏ ထောက်ခံမှုကို ရရှိထားရုံ မက၊ နိုင်ငံတကာ ခေါင်းဆောင်များ၏ ယုံကြည်မှုကိုပါ ရရှိနေသည့် အချက်ကို မျက်ကွယ်မပြုသင့်ပေ။

နိုင်ငံရေးပြဿနာကို နိုင်ငံရေးနည်းအရ ဖြေရှင်းရန် ဒေါ်အောင်ဆန်းစုကြည်က တစိုက်မတ်မတ် မေတ္တာရပ်ခံခဲ့သော်လည်း အာဏာရှင်အုပ်စုက အမြဲ ဥက္ခောပြုခဲ့သည်ကို ပြည်သူအများ မှတ်မိကြမည် ထင်ပါသည်။ ၁၉၉၅ သြဂုတ်လ (၁) ရက်နေ့ ည(၉)နာရီတွင် ထုတ်လွှင့်ခဲ့သည့် ထိုင်းနိုင်ငံ “နေးရှင်းသတင်းစာ နှင့် ဒေါ်အောင်ဆန်းစုကြည်၏ အင်တာဗျူး” တွင် ဒေါ်ဆန်းစုကြည် ၏ ရိုးဖြောင့်သော နိုင်ငံရေး ယုံကြည်ချက် စေတနာကို တွေ့နိုင်သည်။ အောက်တွင် အင်တာဗျူး ဘာသာပြန် ကောက်နှုတ်ချက် ဖေါ်ပြလိုပါသည်။

နေးရှင်းအယ်ဒီတာ။ စစ်မှန်တဲ့ ပြည်ထောင်စုမြန်မာနိုင်ငံကို အမှန်တကယ် ထူထောင်မယ်ဆိုရင် ဘယ်လို လျော်ကန် သင့်မြတ်တဲ့ မူဘောင်ချရမှာပါ လဲ။

ဒေါ်အောင်ဆန်းစုကြည်။ ပထမဆုံး ‘ယုံကြည်မှုပတ်ဝန်းကျင်’ တခု တည်ဆောက်ကြရမှာပါ။ ဒီ ‘ယုံကြည်မှု’ ဟာ မြန်မာ နိုင်ငံမှာ ကွယ်ပျောက်နေတဲ့ အရာ ဖြစ်ပါတယ်။ ‘ယုံကြည်မှုပတ်ဝန်းကျင်’တခု မတည်ဆောက်နိုင်သေးသမျှ ‘ထိရောက်မှုရှိတဲ့ ဆွေးနွေးပွဲ’မျိုး ကျမတို့ စတင်နိုင်မှာ မဟုတ်ပါ ဘူး။ ဆွေးနွေးရေးစားပွဲမှာ ၀ိုင်းထိုင်လိုက်ဖို့ဆိုတာ ကတော့ လွယ်ပါတယ်။ ဒါပေမယ့် လူတိုင်းက တဦးအပေါ် တဦး သံသယတွေ ပွားနေကြရင် အများ လက်ခံနိုင်တဲ့ သဘောတူညီမှုတခု ရရှိအောင် ဖြေရှင်းနိုင်မှာ မဟုတ်ပါဘူး။ ဒါကြောင့် တိုင်းရင်းသားတွေ ယုံကြည်စိတ်ချနိုင်တဲ့ အစိုးရ တရပ် ရှိတယ် ဆိုတာ ကျမတို့အနေနဲ့ ပြသဖို့လိုပါတယ်။ အဲဒီအစိုးရဟာ တိုင်းရင်းသားတွေရဲ့ မျှော်မှန်းချက်တွေနဲ့ ပြဿနာတွေကို စာနာထောက်ထားကြောင်းလည်း ပြသရပါလိမ့်မယ်။ ပြဿနာကို အဲဒီကနေ စပြီး ကိုင်တွယ်ရမယ်ထင် ပါတယ်။ တချို့တိုင်းရင်းသားအင်အားစုတွေအနေနဲ့ ‘ထိရောက်မှုရှိတဲ့ ဆွေးနွေးပွဲ’ တွေ မစတင်မီ သူတို့ဖြစ်စေချင်တဲ့ မူဘောင်ဆိုင်ရာ အကြံပြုစရာတွေ ရှိပြီးဖြစ်နိုင်ပါတယ်။ လိုအပ်ချက်နဲ့ကိုက်ညီတဲ့ မူဘောင်တခုရရှိဖို့ အတွက် ညှိနှိုင်း ဆွေးနွေးကြမယ်ဆိုရင်လည်း ဖြစ်နိုင်ပါတယ်။

နေးရှင်းအယ်ဒီတာ။ စစ်ခေါင်းဆောင်များနဲ့ဆွေးနွေးတဲ့အခါ တိုင်းရင်းသားလူမျိုးများရဲ့ ပြဿနာကို ဦးစားပေးကိစ္စအဖြစ် သဘောထားနိုင်ပါမည်လား။

ဒေါ်အောင်ဆန်းစုကြည်။ ပထမဆုံးလုပ်ရမှာက အပြန်အလှန် စကားစတင်ပြောနိုင်ကြဖို့ဖြစ်ပါတယ်။ အဲဒီနောက်မှာ အမှန်အတိုင်းပြောရရင် ဆွေးနွေးပွဲမှာ တိုင်းရင်းသားတွေ ပါဝင်လာဖို့ဖြစ်ပါတယ်။ တိုင်းရင်းသားတွေ မပါဝင်ခဲ့ရင် အရှည် တည်တန့်တဲ့ ငြိမ်းချမ်းရေးကို ကျမတို့မရနိုင်ပါဘူး။ ဒါကြောင့် ဆွေးနွေးပွဲမှာ တိုင်းရင်းသားတွေ မုချပါဝင်ရမှာပါ။

၎င်းအင်တာဗျူးသည် ၁၉၉၅ ခုနှစ် သြဂုတ်လ (၁) ရက်နေ့တွင် ပြုလုပ်ခဲ့ခြင်းဖြစ်၍၊ ယခု ပြန်ကြည့်လျှင် ၂၃ နှစ်ကြာမြင့် ခဲ့ပါပြီ။ သို့ရာတွင် ထိုစဉ်က ဒေါ်အောင်ဆန်းစုကြည် ပြောကြားခဲ့သော အမြင်သဘောထားသည် ယခုအထိလည်း ဆက်လက်ကျင့်သုံးနေဆဲဖြစ်သည်ကို မြင်ရသည်။ “ဆိုခဲစေ မြဲစေ” ဆိုသော ရှေးကသြ၀ါဒနှင့်လည်း ညီကြောင်းတွေ့ရ သည်။ ပြည်သူလူထုကို တာဝန်ခံရသည့် ခေါင်းဆောင်ဖြစ်သည့်အလျောက် အပြောနှင့်အလုပ် ညီအောင်ပြောခဲ့သည်ကို တွေ့နိုင်သည်။ အလျဉ်းသင့်သဖြင့် ဒေါ်အောင်ဆန်းစုကြည်၏ စကားအချို့ကို ထပ်မ့ဖေါ်ပြလိုသည်။ ပြည်ထောင်စု ငြိမ်းချမ်းရေး ညီလာခံ ၂၁ - ရာစုပင်လုံ ဒုတိယအကြိမ် အစည်အဝေးနောက်ဆုံးနေ့ အပိတ်မိန့်ခွန်းတွင် ညီလာခံ ရလဒ် အဖြစ် သဘောတူညီချက်အချို့ ရရှိခဲ့ခြင်းနှင့် စပ်လျဉ်း၍ ဒေါ်အောင်ဆန်းစုကြည်က ယခုကဲ့သို့ ဆိုဖူးသည်။

“ပထမဆုံးအနေနဲ့ ပြောချင်တာကတော့ ဒီကနေ့ လက်မှတ်ရေးထိုးနိုင်ခဲ့တဲ့ သဘောတူညီချက်တွေဟာ အမျိုးသား ရင်ကြားစေ့ရေး၊ ငြိမ်းချမ်းရေး၊ ဒီမိုကရေစီ ဖက်ဒရယ်ပြည်ထောင်စု ပေါ်ထွန်းရေး လမ်းကြီးအပေါ် လျှောက်လှမ်းလိုက်တဲ့ အရေးကြီးတဲ့ခြေလှမ်းကြီးဖြစ်ပါတယ်၊ ဒီခြေလှမ်း လှမ်းနိုင်ဖို့ သဘောတူညီချက်တွေကို လွယ်လွယ်ကူကူရရှိခဲ့တာတော့ မဟုတ်ပါဘူး၊ ငြိမ်းချမ်းရေးဖြစ်စဉ်မှာ စိတ်ဓါတ်ကျစရာတွေ စိတ်တက်ကြွစရာတွေ ကျော်ဖြတ်ပြီးမှ အခုလိုရရှိခဲ့တာ ဖြစ်ပါ တယ်။ သဘောထားကွဲလွဲမှုတွေ၊ ရှုမြင်ချက်ကွာခြားမှုတွေ အမျိုးမျိုး ရှိခဲ့ကြပေမယ့်လည်း ဘုံတူညီတဲ့ သဘောထား အမြင် တွေ ဖြစ်လာအောင် ဆွေးနွေးငြင်းခုန် ညှိနှိုင်းနိုင်ခဲ့ကြတာဟာ အင်မတန်မှ အားတက်ဖွယ်ရာ ကောင်းလှပါတယ်။ တွေ့ဆုံ ဆွေးနွေးခြင်းမှတစ်ဆင့် အနာဂတ် မျိုးဆက်သစ်တွေအတွက် အရေးကြီးလှတဲ့ ဒီမိုကရေစီနဲ့ဖက်ဒရယ် အခြေခံ အုတ်မြစ် တည်ဆောက်တဲ့ လုပ်ငန်းစဉ်ကို စတင်နိုင်ခဲ့တာဖြစ်တဲ့ အတွက်လည်း ဂုဏ်ယူဖွယ်ရာ ကောင်းလှပါတယ်။ တိုင်းရင်းသား ပြည်သူတွေ နှစ်ပေါင်းများစွာ မျှော်လင့်ခဲ့ရတဲ့ ငြိမ်းချမ်းရေးအိပ်မက်ဟာ ပထမဆုံးအနေနဲ့ ကောက်ကြောင်းတွေ စတင် ရေးဆွဲနိုင်ခဲ့ပါပြီလို့ ပြောနိုင်ပါတယ်။”

ယင်းပြောဆိုချက်ကို လေ့လာလျှင် ဒေါ်အောင်ဆန်းစုကြည်သည် ရှစ်လေးလုံးအရေးတော်ပုံတွင် ပြည်သူလူထု လိုလား တောင်းဆိုခဲ့ကြသော လွတ်လပ်ရေး၊ တရားမျှတရေး၊ တန်းတူရေး၊ ကိုယ်ပိုင်ပြဋ္ဌာန်းခွင့်ရရှိရေး အစရှိသည့် နိုင်ငံရေးဆိုင်ရာ ရပိုင်ခွင့်များကို မမေ့မလျော့ လက်တွေ့အကောင်အထည်ဖေါ်နိုင်ရန် ဆက်လက်ကြိုးပမ်းနေသည်ကို တွေ့နိုင်သည်။
(၂၁) ရာစု ပင်လုံ တတိယအစည်းအဝေး ဆဋ္ဌမနေ့အခမ်းအနားတွင်နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြားသည့်နှုတ်ခွန်းစကား၌လည်း သူ့တာဝန်ကို ဇွဲကြီးကြီးဖြင့် ဆက်လက်ဆောင်ရွက်နေကြောင်း မြင်ရသည်။

“ကျွန်မတို့ နိုင်ငံရဲ့ လက်နက်ကိုင်ပဋိပက္ခရဲ့ အကြောင်းရင်းနောက်ခံတွေမှာ ကျွန်မတို့ အချင်းချင်းအကြား မယုံကြည်မှုနဲ့ သံသယတွေ ပါဝင်နေပြီးတော့ ဒီကွာဟချက်တွေ ကြောင့်ပဲ ရန်လိုမှုနဲ့မုန်းတီးမှုတွေ ဖြစ်ပေါ်လာခဲ့တာပါ။ ယုံကြည်မှု တည် ဆောက်ရေးကို မြှင့်တင်နိုင်ဖုို့ အင်အားစုတွေရဲ့ ခေါင်းဆောင်တွေ အကြားမှာ အလွတ်သဘောတွေ့ဆုံပြီး သဘောထား အမြင်တွေ ဖလှယ်ကြဖို့၊ ကွဲပြားခြားနားတဲ့ ရှုမြင်ချက်တွေကြားက တူညီတဲ့ ဘုံရှုမြင်ချက်တွေရရှိအောင် ကြိုးပမ်းဆောင် ရွက်သွားကြရမှာဖြစ်ပါတယ်။ NCAလက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်းတွေက ခေါင်းဆောင် တွေနဲ့တွေ့ဆုံရာမှာလည်း ကျွန်မတို့အကြားမှာ ခေါင်းဆောင်တွေ၊ ဒါမှမဟုတ် ခေါင်းဆောင်တွေက ဆုံးဖြတ်ချက် ချမှတ် ပိုင်ခွင့် လွှဲအပ်လိုက်တဲ့ ကိုယ်စားလှယ်တွေ ပေါ့ပေါ့ပါးပါး အလွတ်သဘောတွေ့ဆုံကြဖို့ သဘောတူညီထားပြီးဖြစ်ပါတယ်။ ခေါင်းဆောင်တွေအကြား အလွတ်သဘော သီးသန့်ဆွေးနွေးပွဲ အမြန်ဆုံးစတင်နိုင်ဖို့လည်း အစိုးရဘက်က အလေး အနက်ထား ဦးစားပေးဆောင်ရွက်သွားမှာ ဖြစ်ကြောင်း အသိပေးပြောကြားလိုပါတယ်။”

“ငြိမ်းချမ်းရေးဟာ အောက်ခြေ ပြည်သူတွေအတွက် ပြည်သူတွေ တွေ့မြင်ခံစားနိုင်တဲ့၊ ထူးခြားကောင်းမွန်တဲ့ အပြောင်း အလဲတွေ ဖြစ်ပေါ်လာဖို့ အရေး ကြီးပါတယ်။ ဒါ့ကြောင့် သက်ဆိုင်တဲ့ ဒေသခံပြည်သူတွေရဲ့ အသံတွေကို ကျွန်မတို့ရဲ့ (၂၁)ရာစုပင်လုံညီလာခံကြီးက နားထောင်ဖို့၊ ရင်ကြားစေ့ကြရာမှာ အောက်ခြေ အဆင့်အထိ ပြန့်နှံ့ရောက်ရှိအောင် အစုအဖွဲ့အသီးသီးက ကြိုးပမ်း ဆောင်ရွက်ပေးကြဖို့၊ ပဋိပက္ခဒေသက တိုင်းရင်းသား ပြည်သူတွေရဲ့ လူမှုဘဝ အပြောင်း အလဲတွေ ဖြစ်ပေါ် လာအောင် ကျွန်မတို့ အစိုးရအနေနဲ့ ကြိုးပမ်းဆောင်ရွက်သွားမှာ ဖြစ်တဲ့အတွက် ပူးပေါင်း ပါဝင် ဆောင်ရွက် ပေးကြဖို့ တိုက်တွန်း ပြောကြားလိုပါတယ်။” ဟု ဒေါ်အောင်ဆန်းစုကြည်က ပြောကြားခဲ့သည်။

ဒီမိုကရေစီ ဆန့်ကျင်သူများက ဒေါ်အောင်ဆန်းစုကြည်၏ စွမ်းရည်သတ္တိကို ချေမှုန်းရန် နည်းအမျိုးမျိုးဖြင့် အားထုတ်ကြ သော်လည်း လူထုထောက်ခံမှုကြောင့် ဒေါ်အောင်ဆန်းစုကြည်၏ ပုံရိပ်သည် ကြီးမြင့်သည်ထက် ကြီးမြင့်လာလျှက်ရှိသည်။ ဒေါ်အောင်ဆန်းစုကြည်သည် နိုင်ငံနှင့် ပြည်သူ့အကျိုးအတွက် မိမိ၏ ကိုယ်ပိုင်ဘ၀၊ မိမိ၏ မိသားစု ဘ၀နှင့်တကွ မိမိ၏ စည်းစိမ်ဥစ္စာ ဂုဏ်ပညာ စသည်တို့ကို တွန့်ဆုတ်ခြင်း အလျဉ်း မရှိဘဲ၊ စွန့်လွှတ်ခဲ့သည်။ မိမိနိုင်ငံနှင့် လူထု အတွက် လွတ်လပ်ရေး၊ တရားမျှတရေးနှင့် တန်းတူရေးဆိုသည့် ဒီမိုကရေစီပိုင်ခွင့်များ ရရှိရေး တိုက်ပွဲလမ်းကို ရွေးချယ်ခဲ့သူ ဖြစ်သည်။ အထူး အရေးကြီးသည့် အချက်မှာ လူထုခေါင်းဆောင် ဒေါ်အောင်ဆန်းစုကြည်အား သမိုင်းဝင် ရှစ်လေးလုံး အရေးတော်ပုံကြီးက မွေးဖွားပေးခဲ့ခြင်းဖြစ်သည် ဆိုသောအချက်ကို မမေ့အပ်။ အရေးတော်ပုံက မွေးထုတ်ပေးခဲ့သော လူထုခေါင်းဆောင်နှင့် အတူ အရေးတော်ပုံ၏ ရည်မှန်းချက်ဖြစ်သော ဒီမိုကရေစီ ဖက်ဒရယ် နိုင်ငံသစ်ဆီ ရှေးရှုကြရန် နိုင်ငံရေးသတိရှိကြဖို့လိုသည်။ အဖျက်အမှောင့်လုပ်လိုသော အာဏာရှင်ဂိုဏ်းသားများက ရှစ်လေးလုံးအရေးတော်ပုံ၏ ရည်မှန်းချက်များကို မျက်ခြည်ပြတ်အောင် လုပ်နေဆဲရှိသည်ကို မမေ့မလျော့ကြစေလိုကြောင်း နှိုးဆော်အပ်ပါသည်။။။။။

 သြဂုတ်လ ၁၃ ရက်၊ ၂၀၁၈၊ တနင်္လာနေ့ထုတ် ဒီလှိုင်းဂျာနယ်၊ တွင် ဖေါ်ပြခဲ့သည့် ဆောင်းပါး။