၈၈၈၈(သို့) နှစ် ၃၀ ပြည့် ပြည်သူ့အရေးအခင်းကြီး


၈၈၈၈(သို့) နှစ် ၃၀ ပြည့် ပြည်သူ့အရေးအခင်းကြီး
K ငြိမ်းချမ်း၊ (မိုးမခ) သြဂုတ် ၇၊ ၂၀၁၈



စာရေးသူ -ကိုကိုလေး (ဘာသာပြန်)
စာအုပ်အမည် – TRUTH ။ အမှန်တရား၊ ၈၈၈၈ အရေးတော်ပုံသမိုင်း
အမျိုးအစား – နိုင်ငံရေး
ထုတ်ဝေသည့်တိုက် – ယဉ်မျိုးစာပေ
ထုတ်ဝေသည့်ကာလ – ၂၀၁၈၊ သြဂုတ်လ
တန်ဖိုး- ၃၅၀၀ ကျပ်

မြန်မာ့နိုင်ငံရေး သမိုင်းဖြစ်စဉ်ထဲမှာ အကြီးမားဆုံးနဲ့အကျယ်ပြန့်ဆုံးအထိရောက်ဆုံး လူထုအရေးတော်ပုံကြီးကိုပြပါဆို ရင်တော့ ၈၈၈၈ လူထုအရေးအခင်းကြီးကို မလွဲမသွေပြန်သွားရမှာပဲဖြစ်ပါတယ်။ ၁၉၆၂ခု မတ်လ၂ရက်နေ့မှာ ဗိုလ်ချုပ် ကြီးနေ၀င်း ခေါင်းဆောင်တဲ့ တော်လှန်ရေးကောင်စီဟာ အတင်းအဓမ္မ အာဏာသိမ်းယူခဲ့လို့ ပြည်သူလုထုတတွေ စစ်အုပ် ချုပ်ရေးအောက် ကျရောက်ခဲ့တာဖြစ်ပါတယ်။

ဗိုလ်ချုပ်ကြီးနေ၀င်းဦးဆောင်တဲ့ စစ်အာဏာသိမ်း အစိုးရကြောင့် ပြည်သူလူထုဟာ စီးပွားရေး၊ ပညာရေး၊ ကျန်းမာရေး ယဉ်ကျေးမှု အစစအရာရာ ကျပ်တည်းမှုများနဲ့ ဖိနှိပ်အုပ်ချုပ်ခဲ့မှုများကြောင့် တိုင်းပြည်ဟာလည်း အဆင်းရဲဆုံးနိုင်ငံစာရင်း ၀င်ခဲ့ရပါတော့တယ်။

ထိုသို့ အထွေထွေ အကျပ်အတည်းများစွာနဲ့စစ်အုပ်ချုပ်ရေးအောက်မှာ မခံရပ်နိုင်ဆုံးဖြစ်ခဲ့သူများကတော့ ကျောင်းသား တွေပဲဖြစ်ပါတယ်။ ဦးနေ၀င်းဦးဆောင်တဲ့ မဆလပါတီအစိုးရကို အခွင့်သာတိုင်း တော်လှန်ဆန့်ကျင်ခဲ့ကြပါတယ်။ ၎င်းအုပ် ချုပ်ခဲ့တဲ့ ၂၆နှစ်အတွင်း ကျောင်းသားအရေးအခင်းများစွာ ဖြစ်ပွားခဲ့ပြီး ကျောင်းသားအရေးအခင်းတိုင်းကိုလည်း သွေး ချောင်းစီး ဖြေရှင်းခဲ့ပါတယ်။

၁၉၈၈၊ သြဂုတ်လမှာတော့ ဘက်ပေါင်းစုံက အာဏာရှင်ရဲ့ဖိနှိပ်မှုတွေကို မခံရပ်နိုင်တော့တဲ့ကျောင်းသား၊ ရဟန်းသံဃာ၊ ဈေးသည်အပါဝင် လူထုတရပ်လုံးက လမ်းပေါ်ထွက် ဆန္ဒပြ အာဏာရှင် ဦးနေ၀င်းနဲ့ အပေါင်းအပါများကို ဖြုတ်ချဖို့ကြိုးစား ကြတော့တာပါပဲ။

မြန်မာနိုင်ငံရေးသမိုင်းမှာ ပြည်သူလူထုတရပ်လုံးပါဝင်တောင်းဆိုတိုက်ပွဲဝင်ခဲ့တဲ့ ၁၉၈၈၊ သြဂုတ်လအတွင်းဖြစ်ပွားခဲ့တဲ့ လူထုအရေးတော်ပုံကြီး ဟာ ၂၀၁၈၊ သြဂုတ်လဆိုရင် ငွေရတုကျော်လို့ နှစ်ပေါင်း ၃၀တိုင်ခဲ့ပြီဖြစ်ပါတယ်။

၈၈၈၈ အရေးတော်ပုံကြီးဟာ ကျောင်းသား၊ ရဟန်းသံဃာနဲ့ပြည်သူလူထုတွေရဲ့အသက်၊ သွေး၊ ချွေးတွေကို စတေးပြီး အာဏာရှင်ရဲ့မျက်နှာဖုံးကို ခွာချနိုင်ခဲ့ကြတာမို့ ကမ္ဘာသိ ထင်ရှားခဲ့ပါတယ်။

အာဏာရှင် ဦးနေ၀င်း အစိုးရရထူးကနေဆင်းပေးလိုက်ရပြီး ၎င်းနောက် အမွေဆက်ခံတဲ့ အာဏာရုးလက်သစ်များကလည်း အဲဒီ အဆိုပါ ၈၈၈၈အရေးအခင်းကြီးကို နည်းမျိုးစုံ သုံး ပုံဖျက်ပြီး ဆက်လက်အုပ်ချုပ်ခဲ့ကြတာ ၂၀၀၈ဖွဲ့စည်းပုံစာအုပ်ကြီး ကြိတ်ရေးဆွဲပြီးသည် အထိပဲဆိုပါတော့။

တကယ်တော့ နှစ်ပေါင်း ၃၀ဆိုတာ မျိုးဆက်တခုစာတိုင်ခဲ့ပြီလည်းဖြစ်ပါတယ်။ ယနေ့အသက် ၃၁ နှစ်လူငယ်တယောက် ဟာ အဲဒီအချိန်ကာလက တနှစ်သားပဲရှိပါတယ်။ သမိုင်းအထောက်အထား မှတ်တမ်းမရှိလို့ကတော့ ဘယ်လို့မှ လက်ဆင့် ကမ်းဖို့ လမ်းမမြင်ပါ။ စစ်အစိုးရကာလများတလျှောက် သမိုင်းမှတ်တမ်းစာအုပ်ပြုစုဖို့ရေးသားဖို့ဆိုတာ ဘယ်လိုမှမလွယ်တဲ့ ကိစ္စရပ်ကြီးဖြစ်ပါတယ်။

၂၀၁၂နောက်ပိုင်းကျမှ ပြောခွင့်ဆိုခွင့် အနည်းငယ်ရလာပြီး သမိုင်းဖော်ထုတ်မှုများ ရှိလာတဲ့အခါ မြန်မာ့နိုင်ငံရေးထဲက အရေးအခင်းများကို မော်ကွန်းထိုးမှတ်တမ်းတင်နိုင်ခဲ့ပါတယ်။

သင်ပုန်းချေဖို့တွေ ကလဲ့စားချေဖို့တွေထက် ဖြစ်ရပ်မှန် သမိုင်းအတွက်ကတော့ စာအုပ်တအုပ်ထက်တင်မကဘဲ ၈၈၈၈ အထိမ်းအမှတ်တွေကို တနေရာတည်းမှာ လေ့လာနိုင်ဖို့ ၈၈၈၈ပြတိုက်အဖြစ်တောင် နိုင်ငံတော်အဆင့်သတ်မှတ်ပြီး ပြုလုပ်သင့်ပါတယ်။

ယခုစာအုပ်ကတော့ TRUTH (The Methods of Nonviolent straggle in Burma.Nonviolence international Southeast Asia(2005)) ဆိုတဲ့စာအုပ်ကို ကိုကိုလေး ဘာသာပြန်ထားပြီး အမှန်တရား ၈၈၈၈ အရေးတော်ပုံသမိုင်းလို့ အမည်ပေးထားပြီး ယဉ်မျိုးစာပေက ၈၈၈၈အရေးတော်ပုံ နှစ်၃၀အထိမ်းအမှတ်နဲ့ ထုတ်ဝေဖြန့်ချိထားတာဖြစ်ပါတယ်။ စာအုပ်ကို မူရင်းစာရေးဆရာထည့်သွင်းဖော်ပြထားခြင်းမရှိပါဘူး။ ဒု-အကြိမ်ပြန်လည်ရိုက်နှိပ်ထုတ်ဝေဖြစ်ရင်တော့ မပြတ်မ ကွက် ထည့်သွင်းမှ ပိုပြည့်စုံနိုင်မယ်လို့ အကြံပြုချင်ပါတယ်။

စာအုပ်မှာ ဘာသာပြန်ဆိုသူရဲ့နိဒါန်းအမှာစာနဲ့အတူ အခန်း(၁)-ရန်ကုန်ကို သိမ့်သိမ့်တုန်စေခဲ့သော ၁၉၈၈ခုနှစ် မတ်လ အဖြစ်အပျက်များ၊ အခန်း(၂)-ဦးအောင်ကြီးမှ အိတ်ဖွင့် ပေးစာများ၊ အခန်း(၃)-ဇွန်လအရေးအမခင်း၊ အခန်း(၄) ဦးစိန် လွင်နှင့် ရှစ်လေးလုံးအမှတ်တရ အခန်း(၅)-မဆလပါတီ၏ နောက်ဆုံးမင်းဆက်၊ အခန်း(၆)- ရာသက်ပန်ဝန်ကြီးချုပ်ဦးနု အခန်း(၇)-တပ်မတော်မှ ဒုတိယအကြိမ် အာဏာသိမ်းပြီး န၀တအစိုးရအာဏာရရှိလာခြင်း၊ အခန်း(၈)-ဒေါ်အောင်ဆန်း စုကြည်နှင့် န၀တ၊ အခန်း(၉)-ဓနုဖြူအောင်ပွဲ၊ အခန်း(၁၀)-၁၉၉၀ အထွေထွေ ရွေးကောက်ပွဲနှင့် န၀တ၏ကတိစကား၊ အခန်း(၁၁)-နိဂုံး အစရှိတဲ့အခန်းများပါဝင်ပါတယ်။

အကြမ်းဖျင်းအနေနဲ့ ၁၉၆၂ ဗိုလ်နေ၀င်း စစ်အစိုးရတက်လာပြီးနောက် ၁၉၈၈ လူထုအရေးအခင်းလှိုင်းကြီးမဖြစ်မီအထိ အာဏာရှင်နဲ့ကျောင်းသားထုကြား တင်းမာမှုလှိုင်းများဖြစ်တဲ့ 7ဇူလိုင်အရေးအခင်း၊ ကျွန်းဆွယ်အရေးအခင်း၊ ဦးသန့် အရေးအခင်း၊ မှိုင်းရာပြည့်၊ မတ်လ ဖုန်းမော်အရေးအခင်း၊ ဇွန်အရေးအခင်း အစရှိသဖြင့် ဦးနေ၀င်းအစိုးရရဲ့ရက်စက်ယုတ် မာနှိပ်ကွက်ချေမှုန်းမှုတွေ ကို ပြည်သူလူထုက စက်ဆုတ်ရွံရှာနေချိန် ၁၉၈၈၊ သြဂုတ်လမှာတော့ အထွေထွေအကျပ် အ တည်းများကြောင့် လှည်းနေလှေမြင်းစောင်းမကျန် ပြည်သူလူထုပါ လမ်းပေါ်ထွက် တိုက်ပွဲဝင်ခဲ့ကြတာဖြစ်ပါတယ်။

မဆလပါတီနဲ့ဦးနေ၀င်းတို့ကရော ၈၈၈၈အရေးအခင်းကြီးကို ဒီအတိုင်း လက်ပိုက်ကြည့်နေမှာ မဟုတ်တာတော့ လူတိုင်း အသိဖြစ်ပါတယ်။ အာဏာ၊ လက်နက်၊ နည်းမျိုးစုံသုံးပြီး တဗိုလ်ကျ တဗိုလ်တက်စနစ်နဲ့ လက်ဗလာနဲ့ပြည်သူတွေကို အ စွမ်းကုန်ချေမှုန်းခဲ့ကြတာ လူဘယ်နှယောက်သေဆုံးခဲ့ရသလဲဆိုတာတောင် ယနေ့ဘယ်သူမှ တိတိကျကျ မပြောနိုင် တော့ပါ။

“ဇူလိုင်လကုန်ပိုင်းတွင် မဆလပါတီဥက္ကဌရာထူးနှင့် နိုင်ငံတော်သမ္မတရာထူးများကို ဦးစိန်လွင်အား တာဝန်ပေးလိုက် သည်ဟု ကြေညာခဲ့သည်။” (စာ-၇၉)

“မတ်လ အင်းစိန်ကြို့ကုန်းအရေးအခင်းတွင် စက်မှုတက္ကသိုလ်ကျောင်းသားမောင်ဖုန်းမော်နှင့် ကျောင်းသားများထိခိုက် ဒဏ်ရာရပြီး ကုသစဉ်သေဆုံးခဲ့ကြသောဖြစ်စဉ်တွင် လုံထိန်းတပ်ဖွဲ့ကို ပစ်မိန့်ပေးသူသည် ဦးစိန်လွင်ဖြစ်သည်။ တံတား ဖြူ(တံတားနီ)အဓိကရုဏ်းတွင် ကျောင်းသားကျောင်းသူများကို ရက်ရက်စက်စက်ပစ်သတ်ရန်အမိန့်ပေးသူသည် ဦးစိန် လွင်ဖြစ်သည်။” (စာ-၈၀)

“နိုင်ငံတကာစာနယ်ဇင်းများက ရေးသားကြသော ရန်ကုန်မှ သားသတ်သမား(Rangoon Butcher)ကိ်ု နိုင်ငံတော်သမ္မ တနှင့် ပါတီဥက္ကဌတာဝန်ပေးခြင်းသည် အုပ်ချုပ်ခံပြည်သူလူထုကို အမြင့်မားဆုံး အတိုင်းအတာထိစော်ကားခဲ့ခြင်းဖြစ် သည်။ ထိုစော်ကားမှုကြောင့် ကမ္ဘာကျော်သည့် ရှစ်လေးလုံးအရေးအခင်းကြီး ပေါ်ပေါက်ခဲ့ခြင်းဖြစ်သည်။” (စာ-၈၀)

အာဏာသိမ်းခေါင်းဆောင်ကြီး ဗိုလ်နေ၀င်းဟကာ အာဏာတည်မြဲရေးအတွက် ကြံရာမရဖြစ်ကာ သူ့နောက်လိုက်လက် ဝေခံများဖြစ်တဲ့ ဗိုလ်စိန်လွင်၊ ဗိုလ်စန်းယု၊ မောင်မောင်၊ ဗိုလ်စောမောင်အစရှိသဖြင့် အာဏာမီးကို ဆက်တိုက်လွှဲပေးရင်း နောက်ကနေ ထိန်းကျောင်းရင်း သမိုင်းဆိုးကို ဖန်တီးခဲ့ပါတယ်။

“နိုင်ငံတော်အာဏာကို မည်သူက ပေးထားသနည်းဆိုသည်ကို ကိုယ့်ဘာသာကိုယ် တပ်မတော်ရဲ့ကျောထောက် နောက်ခံ နှင့် ရလာတာဟု ဦးနေ၀င်း အဖြေပေးလိမ့်မည်။ ထို့ကြောင့် ပြည်သူကို နည်းနည်းလေးမှ မညှာတာတာ ဖြစ်နိုင်သည်။ ပြည်သူက အရေးမကြီး။ ပြည်သူကို ဂရုစိုက်ဖို့မလို။ ပစ်သတ်လိုက်ရင် ကြောက်ပြီး ငြိမ်ကျသွားမည်။ နောက်တော့ တ ဖြည်းဖြည်း ငြိမ်ဝပ်ပိပြားမှုရလာရင် ကာဗျူး(စစ်မိန့်)ကို ပြန်ပြီး ရုတ်သိမ်းကာ “ဗိုလ်နေမြဲ ကျားနေမြဲ” နိုင်ငံတော် အာဏာ ကို ဆက်လက် ဆုပ်ကိုင်ထားရုံပဲဟု ထင်မြင်ယူဆနေဆဲဖြစ်သည်။ လူအိုပေမယ့် အာဏာက မအိုသေး။ ထာဝရ နုပျိုနေ ဆဲဖြစ်သည်။ သို့သော် ကံဆိုးမိုးမှောင်ကျတဲ့အချိန်မှာ ကေသရာဇာခြင်္သေ့မင်းတောင်မှ မြက်စား ရမည့်ကိန်းဆိုက်ခဲ့သေး သည်။”(စာ-၅၂)

ဦးနေ၀င်းနဲ့အပေါင်းအပါတစုဟာ သူတို့အာဏာတည်တံ့ခိုင်မြဲရေးအတွက် အစွမ်းကုန်ကြိုးပမ်းခဲ့ပုံများကို ယခုလိုမှတ်တမ်း လုပ်ခဲ့တာကို ဖတ်ရှုရမှာဖြစ်ပါတယ်။

“ရန်ကုန်ဆေးရုံကြီးမှာ ဆရာဝန်တွေနှင့်သူနာပြုဆရာမတွေကို လုပ်အားပေးနေတဲ့ ဆေးတက္ကသိုလ်ကျောင်းသား ကိုစစ် နိုင်က ရှင်းပြသည်မှာ ‘နေ့စဉ်နေ့တိုင်း သေနတ်ဒဏ်ရာရနေတဲ့ကျောင်းသားတွေ လူငယ်တွေကို ခေါ်လာကြတယ်။ တတ် နိုင်သမျှ ခွဲစိတ်ကုသပေးခဲ့ပါတယ်။ ဆေးရုံမှာ ၈-၈-၈၈ ကစပြီး ၁၀-၈-၈၈ထိ သုံးရက်အတွင်း သေနတ်ဒဏ်ရာ ရသူများကို သာ ဆက်တိုက် ခွဲစိတ်ကုသနေရပါတယ်။ ၉-၈-၈၈မှာ တောင်ဥက္ကလာပ၊မြောက်ဥက္ကလာပ သင်္ဃန်းကျွန်းနဲ့ သာကေတ ဘက်လာဖို့ကြိုးစားသူတွေကို တပ်မတော်ရေက ပုစွန်တောင်ချောင်းတံတားကိုဖြတ်ကျော်သည်နှင့်ပစ်ခတ်ရာ အတော်များ များသေဆုံးပြီး ဒဏ်ရာရသူ အယောက်၁၀၀ကျော်ကျော် ရန်ကုန်ပြည်သူ့ဆေးရုံကြီး ကိုရောက်လာခဲ့ပါတယ်’ ဟု ကိုစစ်နိုင် က သူ့အတွေ့အကြုံကို ရှင်းပြသည်။(စာ-၁၁၃)

“ဒဏ်ရာရတဲ့ကလေးတွေက အသက်၁၅နှစ် ၁၆နှစ်အရွယ်တွေပဲဖြစ်ပါတယ်။ အသက်အကြီးဆုံး ကျောင်းသားမှာ အသက် ၂၂ နှစ်ပဲ ရှိပါတယ်။” (စာ-၁၁၄)

ဒါတွေကတော့ မူရင်းစာအုပ်ရေးသားသူက ၈၈၈၈အရေးအခင်းမှာ ကိုယ်တွေ့ကြုံခဲ့သူတို့ရဲ့စကားသံတွေကို ဖော်ပြထား တာဖြစ်ပါတယ်။

TRUTH စာအုပ်ကို ရေးသားခဲ့သူဟာ ယခုစာအုပ်ရေးသားဖို့အချက်အလက်များအတွက် ၈၈၈၈နဲ့ ပတ်သက်တဲ့ လူပု ဂ္ဂိုလ်များ၊ ခေါင်းဆောင်များကို အတတ်နိုင်ဆုံး ချည်းကပ် တွေ့ဆုံမေးမြန်းမှုတွေ လုပ်ထားတာကိုလည်း တွေ့ရပါတယ်။

အာဏာရှင်တွေက ဘယ်လောက်ပင်ချေမှုန်းခဲ့သော်လည်း လူထုရဲ့ရပ်ခံယုံကြည်ရဲဝံ့မှုတွေကြောင့် နောက်ဆုံးတော့ တပါတီအာဏာရှင်စနစ်ကို ဖျက်သိမ်းပြီး အာဏာသိမ်းခေါင်းဆောင်များ ကမ္ဘာ့တံတွေးခွက်ထဲနစ်ကျခဲ့ရပါတယ်။ ရွေး ကောက်ပွဲကျင်းပပေးခဲ့ရပြီး အတိုက်အခံတို့ နိုင်သွားတဲ့အခါမှာလည်း ဒုတိယအကြိမ် အာဏာထပ်သိမ်းခဲ့ပါတယ်။

စာမျက်နှာ ၃၀၀ကျော်ပါဝင်ပြီး ဓာတ်ပုံအထောက်အထားမှတ်တမ်းများလည်း ပါဝင်တဲ့ ယခုစာအုပ်မှာတော့ အာဏာသိမ်း ခေါင်းဆောင်နဲ့အပေါင်းအပါများကို ပြည်သူလူထုတရပ်လုံးက ရွပ်ရွပ်ချွံချွံ တော်လှန် တိုက်ပွဲဝင်ခဲ့ရသလဲဆိုတာကို နောင် မျိးဆက်သစ်တွေ သိမှတ်ဖို့ သမိုင်းဆိုင်ရာအထောက်အထား မှတ်တမ်းတခုဖြစ်မယ်လို့လည်း ညွှန်းဆိုလိုက်ရပါတယ်။

0