အလင်းလက် - အာဏာရှင်တွေမကြိုက်တဲ့ ကဗျာဆရာ

အလင်းလက် - အာဏာရှင်တွေမကြိုက်တဲ့ ကဗျာဆရာ
(မိုးမခ) သြဂုတ် ၈၊ ၂၀၁၈

(၁) 

 ဟစ်္စပန်းနစ်အမေရိကလို့ ခေါ်တဲ့ စပိန်စကားပြောတဲ့ လက်တင်အမေရိက တိုက်မှာထင်ရှားတဲ့ ကဗျာဆရာကြီးသုံးဦးရှိပါတယ်။ ကဗျာဆရာကြီးဒီလာကရုစ် (စပိန်ကိုလိုနီခေတ်) ရူဗင်ဒါရီယို (ခေတ်သစ်ကဗျာခေတ် ကို ဦးဆောင်သူ)နဲ့ ပါဗလိုနီရူဒါ တို့ဖြစ်ပါတယ်။

“နီရူဒါဟာ ကြီးမြတ်တဲ့ ကဗျာလူဆိုးကြီး”လို့ ၁၉၅၆ စာပေနိုဗယ်ဆုရှင် လက်တင် အမေရိကန်စာရေးဆရာကြီး ဂျူအန်ရာမွန်ရီမင်းနိစ် ကဆိုခဲ့ပါတယ်။

(၂)

 လွန်ခဲ့တဲ့ (၄၄) နှစ် ခန့်က ချီလီအာဏာသိမ်းပွဲပြီးနောက် ရက်အနည်းငယ်ကြာမှာ ကွယ်လွန်သွားခဲ့တဲ့ နေရူဒါ သေဆုံးရခြင်းဟာ ယခင်ယူဆထားသလို ဆီးကြိတ်ကင်ဆာကြောင့် မဟုတ်ကြောင်းကို အပြည်ပြည်ဆိုင်ရာစုံစမ်းစစ်ဆေးရေးမှူးများက သံသယ၀င်လျက်ရှိပြီး ရာဇ၀တ်မှုကြောင့် သေဆုံးရခြင်း ဖြစ်နိုင်ခြေကို ဖယ်ထုတ်ထားခြင်းမရှိကြောင်း ရိုက်တာသတင်းဌာနက ၂၀၁၇ အောက်တိုဘာ (၂၂) ရက် က ဖော်ပြခဲ့ပါတယ်။

မကျန်းမာ၍ ဆေးရုံတင်ထားရခြင်းကို အကြောင်းပြုပြီး အာဏာရှင် ပီနီချက်ရဲ့ အေးဂျင့်တွေက သူ့ဝမ်းဗိုက်ထဲကို အဆိပ်တွေ ထိုးသွင်းခဲ့ခြင်းဖြစ်တယ်လို့ နေရူဒါရဲ့ယာဉ်မောင်းက ပြောကြားခဲ့ပါတယ်။ သူ့ရုပ်အလောင်းကို စစ်ဆေးခဲ့ပြီး နောက် အဆိပ်ရှိတဲ့ အထောက်အထားကို မတွေ့ခဲ့ရပေမယ့် (၂၀၁၃) ခုနှစ်က (လက်ရှိအချိန်မှာ) စစ်ဆေးမှုများကို ပြန်လည်လုပ်ဆောင်နေပါတယ်။

ဓာတ်ခွဲခန်းအတွင်း မွေးမြူထားတဲ့ ဘက်တီးရီးယားလို့ယူဆထားတာကို တွေ့ခဲ့ရပြီး လာမယ့် (၆)လမှ တစ်နှစ်အတွင်း ရလဒ်သိနိုင်မှာ ဖြစ်တယ်လို့ မှုခင်းဆေးပညာရှင် တွေက ပြောကြားခဲ့ပါတယ်။

လက်ရှိစစ်ဆေးမှုကို ဆက်လက်လုပ်သင့်သလားနဲ့ သူ့ရုပ်အလောင်းကို အုတ်ဂူထဲမှာပဲ ပြန်ထားသင့်သလား ဆိုတာကို မိသားစုဝင်များ နှင့် ထောက်ခံသူများအကြား သဘောထားကွဲလျက် ရှိနေပါတယ်။

(၃)

အမည်ရင်း ရီကာဒိုဘာဆိုတို လို့ခေါ်တဲ့ သူ့ကိုချီလီနိုင်ငံ၊ ပါရယ်မြို့မှာ ၁၉၀၄ ဇူလိုင်(၁၂)ရက်က မွေးဖွားခဲ့ပါတယ်။ မီးရထားဝန်ထမ်းဖြစ်တဲ့ အဖေရဲ့အလုပ်နဲ့ပတ်သက်ပြီး “အဖေရဲ့အလုပ်ကတော့ အမိန့်တွေကို နာခံပြီး အမိန့်တွေကို တစ်ဆင့်ပြန်ပေးရတဲ့သူ လို့”ရေးသားခဲ့ပါတယ်။

သူ့အသက်(၄)နှစ် မှာ မိခင်သေဆုံးသွားလို့ အဖေက နောက်အိမ်ထောင် ပြုခဲ့ပါတယ်။ သူ့ရဲ့မိထွေးကို “ကျွန်တော် ကလေးဘ၀ကို စောင့်ရှောက်တဲ့ နတ်သမီးတစ်ပါး” လို့သူက ခေါ်ခဲ့ပါတယ်။

ကျောင်းသားဘ၀ကတည်းက ကဗျာစပ်တယ်။ ကဗျာပြိုင်ပွဲတွေဝင်ပြိုင်ပြီး ကျောင်းသားသမဂ္ဂပွဲတော်မှာ ကဗျာပထမဆုကို ရခဲ့ပါတယ်။ ၁၃နှစ် အရွယ်မှာ ပထမဆုံးစာမူကို ဖော်ပြခြင်းခံရပြီး (၁၆) နှစ်မှာတော့ သူအားကျတဲ့ ချက်ကဗျာဆရာ ဂျန်နီရူဒါ (JANERUDA) ကို လေးစားတဲ့အနေနဲ့ နေရူဒါ ကလောင် အမည် ယူခဲ့ပါတယ်။ (၁၇)နှစ် အရွယ် (၁၉၂၁) မှာ ကဗျာစာအုပ်ကို စထုတ်ဝေ ခဲ့ပါတယ်။

၁၉၂၃ နဲ့ ၁၉၂၆ ခုနှစ်ကြားမှာ သူရေးခဲ့တဲ့ ကဗျာကတွေက အများကြီးပါပဲ။ တချို့ကိုပုံနှိပ်ဖြစ်ခဲ့ပြီး တချို့က ပုံနှိပ်မယ့်သူမရှိတာကြောင့် လက်ပတ်နာရီနဲ့ အ၀တ်အစားတွေကို ပေါင်နှံရောင်းချပြီး ကိုယ်တိုင်ထုတ်ခဲ့ရပါမယ်။ (၁၉၂၄) ခုနှစ်မှာ ထုတ်ခဲ့တဲ့ ကဗျာစာအုပ်ကြောင့် အလားအလာရှိတဲ့ ကဗျာဆရာတစ်ယောက်အဖြစ် သူ့ကို စာပေလောကက သတ်မှတ်ခဲ့ပါတယ်။

(၄)

၁၉၂၇ ခုနှစ်မှာတော့ ထူးချွန်သူစာပေပညာရှင်တွေကို ချီးမြှင့်မြှောက်စားလေ့ရှိတဲ့ ချီလီအစိုးရက သူ့ကို ကောင်စစ်ဝန်အဖြစ် ခန့်အပ်ခဲ့တာကြောင့် ရန်ကုန်၊ ကိုလံဘို၊ ဂျားထားကျွန်း၊ စင်္ကာပူ၊ မက်ဒရစ်၊ ပါရီနှင့် မက်္ကဆီကိုမှာ သွားရောက်အမှုထမ်းခဲ့ပါတယ်။

၁၉၂၇ ခုနှစ်မှာ မြန်မာနိုင်ငံကိုရောက်ခဲ့ပြီး ရန်ကုန်မြို့မှာ နေထိုင်ခဲ့ရတဲ့အကြောင်းကို “ရန်ကုန်ဆိပ်ကမ်းကို ၀င်လာတဲ့ သင်္ဘောကုန်းပတ်ပေါ်ကနေ ရွှေပုံကြီးဖြစ်တဲ့ ရွှေတိဂုံစေတီတော်ကြီးကို ဖူးမြော်ရပါတယ်။ ဆိပ်ကမ်းမှာ အံ့သြစဖွယ် ရောင်မျိုးစုံ ၀တ်ဆင်ထားတဲ့ လူတွေကြိတ်ကြိတ်တိုးနေတာကို တွေ့ရတယ်။ ကျယ်ပြန့်သလောက်ညစ်ပတ်တဲ့ မြစ်ကြီးဟာ မုတ္တမ ပင်လယ်ကွေ့ထဲကို စီးဝင်နေတယ်။ အဲဒီမြစ်ကြီးဟာ ကမ္ဘာပ်ါမှာ အလှဆုံးဆိုတဲ့ ဂုဏ်သိက္ခာနဲ့လည်း လိုက်လျောတယ်။ ဧရာဝတီမြစ်လို့ခေါ်တယ်။ အဲဒီမြစ်ကမ်းပေါ်မှာ ကျွန်တော်ဘ၀သစ်ကို စခဲ့ရတယ်” လို့ သူ့ရဲ့ကိုယ်တိုင်ရေးအတ္ထုပ္ပတ္တိ စာအုပ်မှာ အခုလိုဖော်ပြခဲ့ပါတယ်။

(၅)

စပိန်နိုင်ငံ မက်ဒရစ်ကို (၁၉၃၄) ခုနှစ်က တာဝန်နဲ့ ရောက်ခဲ့ရာမှာ စပိန်ကဗျာဆရာတွေဖြစ်တဲ့ ဂါစီယာလော်ကာ၊ ဘယ်တာ တီဆာနူဒါ၊ ဟာနန်ဒေ့ဇ်တို့နဲ့ပေါင်းပြီး နာမည်ကြီးကဗျာစာအုပ် ဖြစ်လာမယ့် “မြေကြီးပေါ်မှာ နေထိုင်ခြင်း” ကို ထုတ်ဝေခဲ့ပါတယ်။

၁၉၃၆ ခုနှစ် စပိန်မှာ ပြည်တွင်းစစ်ဖြစ်ပြီး ဖက်ဆစ်တွေက မိတ်ဆွေကဗျာဆရာ ဂါစီယာလော်ကာကို သတ်လိုက်တာကြောင့် သံတမန်ကျင့်ဝတ်ကိုတောင် မစောင့်ထိန်းနိုင်တော့ဘဲ သူ့ရဲ့ ဖက်ဆစ်ဆန့်ကျင်ရေးသဘောထားကို ထုတ်ဖော်ပြခဲ့ပြီး စပိန်ပြည်သူတွေကို အတတ်နိုင်ဆုံး အကူအညီပေးခဲ့ပါတယ်။ ဒါကြောင့် ချီလီအစိုးရက သူ့ကိုပြန်လာဖို့ခေါ်ခဲ့ပါတယ်။

၁၉၃၇ ခုနှစ် ချီလီကို ပြန်ရောက်တဲ့အခါ နာမည်ကျော် ကဗျာတစ်ပုဒ်ဖြစ်တဲ့ “ငါနှလုံးသားထဲကစပိန်” ကို ရေးသားထုတ်ဝေခဲ့ပါတယ်။

စပိန်ပြည်တွင်းစစ်မှာ သမ္မတဘက်တော်သားတွေ အရေးနိမ့်ပြီး တိုင်းပြည်က ပြေးရတဲ့အခါ နေရူဒါဟာ ထောင်ထဲကိုရောက်နေတဲ့ စပိန်ရဲဘော်တွေ လွတ်မြောက်ရေးအတွက် ကြိုးပမ်းခဲ့ပါတယ်။ ပါရီကို ကိုယ်တိုင်သွားခဲ့ပြီး ပြင်သစ်ထောင်ထဲက စပိန်ထောင်ပေါင်းများစွာ လွတ်မြောက်ရေးအတွက် ဆောင်ရွက်ခဲ့ပါတယ်။

(၆)

စပိန်မှာကတည်းက ကွန်မြူနစ်တွေနဲ့ အဖွဲ့ကျခဲ့တဲ့ နေရူဒါဟာ ဒုတိယကမ္ဘာစစ် အတွင်းမှာ ကွန်မြူနစ်တစ်ယောက်ဖြစ်လာခဲ့ပြီး စတာလင်ခေါင်းဆောင်တဲ့ ဆိုဗီယက် ကသာ ဥရောပကို ဖက်ဆစ်တွေရဲ့ အန္တရာယ်က အကာကွယ်ပေးနိုင်မယ်လို့ ၁၉၃၉ခု နှစ် ဆောင်းဦးမှာ ထုတ်ပြောခဲ့ပါတယ်။

၁၉၄၀ ခုနှစ်မှာတော့ ပြင်သစ်ပန်းချီဆရာ ပီကာဆို၊ အမေရိကန်လူမည်းအဆိုကျော် ပေါလ်ရိုဘ်ဆန်တို့နဲ့ ပူးတွဲပြီး ကမ္ဘာ့ငြိမ်းချမ်းရေးဆုကို ရခဲ့ပါတယ်။

မက္ကဆီကိုမှာ ကောင်စစ်ဝန် လုပ်နေတဲ့ ၁၉၄၂ခုနှစ်တုန်းကလည်း စတာလင်ဂရက်မြို့တော်ဖွဲ့ ကဗျာပိုစတာတွေကို ညဘက်ကြီး နံရံတွေမှာ လိုက်ကပ်ထားလို့ မနက်လင်းတော့ အံ့သြစရာတွေ ဖြစ်ခဲ့ရပါတယ်။

(၇)

ချီလီ ကို ပြန်ရောက်တဲ့အခါမှာ ကွန်မြူနစ်ပါတီထဲ ၀င်ရောက်နိုင်ငံရေးလုပ်ခဲ့တာကြောင့် ၁၉၄၅မှာ လွှတ်တော်အမတ်အဖြစ် ရွေးချယ်ခဲ့ပါတယ်။ အမတ်ဘ၀မှာ အလုပ်တွေများပြီး ကဗျာမရေးဖြစ်တာကြောင့် (၁၉၄၇) ခုနှစ်မှာ ပါတီက သူကဗျာရေးတာက ပြည်သူအတွက် ပိုအရေးကြီးတယ်လို့ဆုံးဖြတ်ပြီး နိုင်ငံရေးလုပ်ခွင့်ကနေ တစ်နှစ် အနားပေးခဲ့ပါတယ်။

၁၉၄၉ ခုနှစ်မှာတော့ အာဏာသိမ်းပြီး သမ္မတကို ဖြုတ်ချ ချီလီကွန်မြူနစ်ပါတီကို မတရားအသင်း ကြေငြာခဲ့ပါတယ်။ ဒါကြောင့် နေရူဒါက အာဏာသိမ်းပွဲနဲ့ပတ်သက်ပြီး အိပ်ဖွင့်ပေးစာတစ်စောင်ကို ရေးသားခဲ့ပါတယ်။ စာရဲ့အဆုံးမှာ “ကျုပ်အသတ်ခံရရင် ကျုပ်သွေးဟာ ချီလီအစိုးရရဲ့ခေါင်းပေါ်မှာ အထူးသဖြင့် ဂွန်ဇာလေဇ်ဗီဒေလာ (အာဏာသိမ်းခေါင်းဆောင်)ရဲ့ ခေါင်းပေါ်မှာ” လို့ ရေးခဲ့ပါတယ်။ မကြာခင်မှာပဲ နေအိမ်ကို မီးရှို့ခံရပြီး သူ့ကိုဖမ်းဖို့အမိန့်ထုတ်ခဲ့ပါတယ်။ ဒါကြောင့် ထွက်ပြေးတိမ်းရှောင်ခဲ့ရပြီး ပြည်ပြေးဘ၀နဲ့ မက္ကဆီကို၊ အီတလီ၊ ပြင်သစ်၊ ဆိုဗီယက်၊ တရုတ်နဲ့ ဥရောပမှာ သွားရောက်နေထိုင်ရင်း ကဗျာတွေကို ဆက်ရေးခဲ့ပါတယ်။

(၈)

၁၉၅၃ ခုနှစ်မှာတော့ စတာလင်ဆုကိုရခဲ့ပါတယ်။ ၁၉၇၁ ခုနှစ် ချီလီမှာ အာယန်ဒေး ဦးဆောင်တဲ့ လက်ဝဲအစိုးရတက်လာတော့မှ နိုဒင်ကို ပြန်လာခဲ့ပါတယ်။ ပြင်သစ်နိုင်ငံဆိုင်ရာ ချီလီသံအမတ်အဖြစ် တာဝန်ပေးခြင်းခံခဲ့ရပါတယ်။ ဒီတာဝန်ယူနေရင်းကပဲ စာပေဆိုင်ရာ နိုဘယ်ဆုကို ရခဲ့ပါတယ်။ ဒီအကြောင်းကို “ကလေးတွေ စာမေးပွဲအောင်လက်မှတ် တက်ယူရသလိုပါပဲ၊ ဒါပေမယ့် ဒီအခမ်းအနားမျိူးကတော့ လိုအပ်ပါတယ်” လို့ ပြောကြားခဲ့ပါတယ်။

၁၉၇၁ ခုနှစ် စက်တင်ဘာ ၁၁ ရက်မှာ အာဏာရှင်ပီနိုချက်က အာယန်ဒေးအစိုးရကို ဖြုတ်ချလိုက်ပါတယ်။ အာဏာသိမ်းပွဲဖြစ်ပြီးစတွင် နေရူဒါနှင့် ပတ်သက်၍ သတင်းအမျိုးမျိုးထွက်ပေါ်ခဲ့ပါတယ်။ ဒါကြောင့် စက်တင်ဘာ (၁၆) ရက်မှာ ပါရီနိုင်ငံရေးသတင်းထောက် ဘာနက်ရီ ဆော့က ဗိုလ်ချုပ်ကြီးပီနိုချက်ကို ဖုန်းဆက်ပြီး အင်တာဗျူးလုပ်ခဲ့ရာမှာ “မဟုတ်ပါဘူး။ ဆရာကြီး နေရူဒါ ဘာမှမဖြစ်ပါဘူး။ သူဟာ လွတ်လပ်စွာရှိနေပါတယ်။ သူဟာအသက်ကြီးလှပါပြီ။ ဖျားနာနေတဲ့ အဘိုးကြီးတစ်ယောက်ပါ။ တကယ်လို့သူသေတယ်ဆို ရင်လည်း ကျွန်ုပ်တို့သတ်လို့မဟုတ်ပါဘူး။ သူ့ဘာသာ လူကြီးရောဂါနဲ့ သေပါလိမ့်မယ်။ ဘလက်အိုင်လင် (ကျွန်းနက်) မှာ ရှိတဲ့ သူ့ရဲ့အပန်းဖြေအိမ်မှာပဲ ရှိပါတယ်။ အဲဒီမှာ သူ့အဖို့ ဘာမှ လိုလေသေးမရှိ ပြည့်ပြည့်စုံစုံနဲ့ နေထိုင်ပါတယ်။ ကျွန်ုပ်တို့အားလုံး ဆရာကြီးကို လေးစားရိုသေကြပါတယ်။ ချစ်မြတ်နိုးကြပါတယ်။ ဘာကြောင့်လဲဆိုတော့ သူဟာ ကမ်္ဘာစာပေနိုဘယ်ဆုကြီးရတဲ့အထိ ချီလီအမျိုးသားဂုဏ်သိက်္ခာကို မြှင့်တင်ပေးတဲ့ ကဗျာဆရာကြီးဖြစ်လို့ပါပဲလို့”ပြောကြားခဲ့ပါတယ်။

သို့ပေမယ့် ပီနိုချက်အစိုးရအာဏာသိမ်းပြီး  (၁၂)ရက်အကြာမှာ (၁၉၇၁) ခုနှစ် စက်တင်ဘာလ (၂၃) ရက် ညမှာ နေရူဒါဟာ စင်တီယာဂိုမြို့ဆေးခန်းတစ်ခုမှာ ကင်ဆာရောဂါကို ကုသရင်း နှလုံးရောဂါနှင့် ကွယ်လွန်သွားခဲ့တယ် လို့ အစိုးရရေဒီယိုက ကြောငြာခဲ့ပါတယ်။ သူ့ရဲ့ဈာပနာကို ပီနိုချက်ကိုယ်တိုင် လိုက်ပါပို့ဆောင်ခဲ့ပါတယ်။ ချီလီရဲ့အနုပညာရှင်များ၊ နေရူဒါရဲ့ ပရိသတ်များဟာ စစ်သားများဝိုင်းရံထားတဲ့ ကြားထဲက သူ့ကို နောက်ဆုံးနှုတ်ဆက်ရင်း ဂုဏ်ပြုခဲ့ကြပါတယ်။ ဒီမြေချတဲ့နေ့မှာပဲ အကြမ်းဖက်လူတစ်စုဟာ နေရူဒါရဲ့အိမ်ကို ၀င်ရောက်ပြီး သူပိုင်စာအုပ်စာတမ်းများ၊ လက်ရေးမူများ၊ အနုပညာပစ္စည်းများကို ဖျက်ဆီးပစ်ခဲ့ပါတယ်။

(၉)

အာဏာရှင်တွေ အမှန်တရားမြတ်နိုးတဲ့ ကဗျာဆရာ ရှင်နေမှာကို မလိုလားဘူးဆိုတာကို နေရူဒါရဲ့ နောက်ဆုံးအချိန်က ကမ္ဘာကို သက်သေပြခဲ့ပါတယ်။ ကဗျာဆရာကို သတ်လို့ရပေမယ့် ကဗျာကို သတ်လို့မရဘူးဆိုတာ သူတို့ကောင်းကောင်း သဘောပေါက်သွားခဲ့ပါတယ်။

အလင်းလက်

စာကိုး
(၁) မောင်သစ်တည် ခေတ်ပေါ်နိုင်ငံတကာ ကဗျာရှည်သုံးပုဒ်
(၂) မောင်သာနိုး ထင်းရှူးပင်ရိပ်၊
(၃) မောင်ဝံသ အာဏာသိမ်းပွဲ နှင့်ပြည်သူ့ကဗျာဆရာ။ ခေတ်ရနံ့ ၂၀၁၇-ဒီဇင်ဘာ
(၄) The Voice Daily 23-10-2017