မောင်စွမ်းရည် - နယူးယောက်စာကြည့်တိုက်မှာ မြန်မာစာအုပ်တွေထားပြီ


မောင်စွမ်းရည် - နယူးယောက်စာကြည့်တိုက်မှာ မြန်မာစာအုပ်တွေထားပြီ
(မိုးမခ) သြဂုတ် ၁၁၊ ၂၀၁၈

လူဆိုတာ စာဖတ်တဲ့ သတ္တ၀ါအမျိုးအစား ဖြစ်ပါတယ်။ လူကလွဲလို့ ဘယ်သက်ရှိသတ္တ၀ါမှ စာမဖတ်တတ်ကြပါဘူး။ ဒါကိုအထူး ပြောနေစရာမလိုပါဘူး။ ဒါပေမဲ့ ကိုယ့်ဘာသာ“လူ”ဆိုတာကို သတိရအောင် အမြဲသတိပေးနေရပါတယ်။ လူ ... ဦးနှောက်ကြီးတဲ့လူ။ စာဖတ်တတ်၊ ရေးတတ်တဲ့လူ။ တချို့က စာဖတ်ဖို့မေ့နေတယ်။ တချို့က စာမတတ်ဘူး။ တချို့က ဖတ်စရာစာအုပ် မရှိဘူး။ တချို့ က စာအုပ်ရှိပေမဲ့ စာဖတ်ချိန်ကိုမရဘူး။ အရေးကြီးဆုံးက စာအုပ်တွေ အဆင်သင့်ရှိနေဖို့ပါပဲ။ ဖတ်ချင်တဲ့လူ ဖတ်၊ ဖတ်အားတဲ့လူ ဖတ်၊ အပျော်ပဲဖတ်ဖတ်၊ ဗဟုသုတရှာဖို့ပဲ ဖတ်ဖတ်။ ဖတ်လေကောင်းလေပါပဲ။

နယူးယောက်မှာ မြန်မာလူမျိုး မြန်မာစာ ဖတ်တတ်သူတွေ ထောင်နဲ့ ချီရှိနေပြီး လူတိုင်း စာအုပ်မ၀ယ်နိုင်ဘူး။ ၀ယ်နိုင်အုံးတော့ ဘယ်မှာ ၀ယ်ရမှန်းမသိဘူး။ မြန်မာစာအုပ်ကိုရဖို့ကတော့ ဗမာပြည်ကို လှမ်းမှာရတယ်။ မလွယ်ဘူး။ မှာရတဲ့ဒုက္ခ၊ သယ်ရတဲ့ဒုက္ခ။ ဒါကြောင့် စာဖတ်ဝါသနာပါသူ၊ စေတနာရှိသူတွေက စာကြည့်တိုက်ထောင်ဖို့ကြိုးစားကြတယ်။ တချို့က ရှိတဲ့စာအုပ်ကို ကိုယ့်အိမ် မှာနေရာမရှိလို့ ဆက်လက်သိမ်းဆည်းမထားနိုင်တဲ့ပြင် လွှတ်ပစ်ဖို့လဲ နှမျောတဲ့လူမျိုးတွေရှိတယ်။ စာအုပ်လက်ခံထားဖို့ နေရာလေး တစ်ခုလိုတယ်။ စာကြည့်တိုက်လို့မခေါ်ချင်လည်း မခေါ်နဲ့ပေါ့။

ကျွန်တော်ရောက်စ လွန်ခဲ့တဲ့(၁၀)ကျော်က နယူးယောက်မှာ နိုင်ငံရေး၊ လူမှုရေးစသည့် လုပ်ဆောင်လှုပ်ရှားဖို့အဖွဲ့လေးတွေရှိတယ်။ အဲဒီအဖွဲ့လေးထဲမှာ Burma Point တဲ့။ ဗမာလို ဘယ်လိုခေါ်ရမလဲ မသိ။ “ဗမာ့စုရပ်” ကလေးတစ်ခုလို့ ဆိုလား မသိ။ ထားပါတော့ သူတို့က မြန်မာ့နိုင်ငံရေးနဲ့ လူမှုရေးတွေ ဆောင်ရွက်တဲ့အဖွဲ့လေးပါပဲ။ သူတို့နဲ့ ကျွန်တော်နဲ့ ပူးပေါင်းပြီး စာကြည့်တိုက်လေးတစ်ခု ထူထောင်ဖို့ကြိုးစားခဲ့ကြဖူးပါတယ်။ အခန်းပိုရှိတဲ့ ၀င်းရှိန်မောင်က သူ့အိမ်က အခန်းတစ်ခန်းကို ခဏပေးထားတယ်တဲ့။ ဒါနဲ့  (ဘားမားပွိုင့်)မှာပဲ စာကြည့်တိုက်လေးတစ်ခု ထောင်ခဲ့တယ်။ အဲဒီမှာ ဘုရားဝတ်ပြုတဲ့ဝတ်အသင်းကိစ္စများလည်း အခါအားလျော်စွာဆောင်ရွက်ခဲ့တယ်။ ဒေါ်အောင်ဆန်းစုကြည် အကျဉ်းချခံထားရဆဲမှာ သူ့မွေးရက်အင်္ဂါနေ့တိုင်း ဆုတောင်းဝတ်ပြုပွဲလုပ်ပါတယ်။ ဒေါ်စုလည်း ထောင်ကလွတ်ရော ဒီဝတ်အသင်းမှာလည်း စုံတွဲ နှစ်တွဲ အိမ်ထောင်ကျသွားလေရဲ့။ ဆုတောင်းဖက်တွေပေါ့။

ဘားမားပွိုင့်စာကြည့်တိုက်က ကျဉ်းတယ်။ ဒါကြောင့် သုံးပါးကျောင်းခေါ်တဲ့ မဟာဝိသုဒ်္ဓါရုံကျောင်းက သိမ်ထဲကိုရွေ့ရတယ်။ ဘုန်းကြီးကျောင်းဆိုတော့ လူဝင်လူထွက်များတယ်။ သူတို့အိမ်မှာထားစရာမရှိလို့တဲ့ စာအုပ်တွေလာလှူကြတာလဲ အများကြီး။ သူတို့က အမှိုက်ပစ်တယ်ဆိုဦး ကျွန်တော်တို့အဖို့တော့ အမှိုက်က ရွှေဖြစ် ဆိုသလိုပါပဲ။ စာအုပ်တွေများလာလို့ ဘီရိုကြီးတွေလှူကြ တာလဲ ရှိပါတယ်။ ဘီရိုလေးလုံးမက ရှိနေပါပြီ။ သေသေချာချာ စည်းကမ်းလုပ်လို့မရဘူး။ ဘုန်းကြီးပဲရှိပြီး လူမရှိတော့ တာဝန်ယူ မယ့်သူလည်း မရှိဘူး။ ဒါကြောင့် ကျွန်တော်တို့တတွေQueens Library  အစိုးရစာကြည့်တိုက်ကြီးမှာ မြန်မာစာအုပ်စင် နေရာရဖို့ ဆက်လက်ကြိုးစားခဲ့ကြတာ အကြာကြီးပါ။ အဖွဲ့ရယ်လို့ဖွဲ့မထားပါဘူး။ ဘားမားပွိုင့်က မိုးချမ်းပဲ လုပ်စရာရှိတာကို လူကြီးအဖြစ် ကျွန်တော်နဲ့တွဲပြီး သူပဲ ရှေ့ဆောင်လုပ်ပါတယ်။ သူက ဆီးနိတ်ကိုယ်စားလှယ်တွေ၊ အမတ်တွေစသဖြင့် တွေ့သင့်တွေ့ထိုက်သူတွေ လိုက်တွေ့ပါတယ်။

ဒီကြားမှာအရေးတကြီးလုပ်ဆောင်ရတာက ရန်ပုံငွေရှာရတာပါပဲ။ အများကိစ္စဆိုတော့ အများဆီက ရန်ပုံငွေရှာရတာ လွယ် တော့မလွယ်လှပါဘူး။ ဈေးရောင်းပွဲ တစ်ခါလုပ်ပြီး ရတဲ့ငွေလေးကို လိုရမယ်ရ ထိန်းသိမ်းထားရပါတယ်။ တကယ်လုပ်ကြည့်တော့ ငွေလဲလိုတာပါပဲ။ စာကြည့်တိုက်နဲ့ ကျွန်တော်တို့ တ၀က်စီ ငွေကုန်ကြေးကျခံရပါတယ်။

 စာကြည့်တိုက်မှာကလည်း အဆင့်ဆင့်ရှိပါတယ်။ မြို့နယ်ကြီးတစ်ခုလုံးနဲ့ စာကြည့်တိုက်ကြီးရှိပါတယ်။ အဲဒီလက်အောက်က ရပ်ကွက်ငယ်တွေမှာ စာကြည့်တိုက်တွေအများကြီး ရှိပါတယ်။ ဥပမာ- စသဖြင့် Flushing, Elmhust, Rego Park ဖြစ်ပါတယ်။ ကျွန်တော်တို့က Elmhust ထဲမှာရှိပါတယ်။ Boradway လမ်းအဆုံး၊ Justice Ave နဲ့ ဆုံးခါနီးနေရာမှာရှိတဲ့ စာကြည့်တိုက်ကြီးပါ။ မြို့နယ်စာကြည့်တိုက်ဆိုပေမဲ့ ဗမာပြည်က အမျိုးသာစာကြည့်တိုက်ထက် ကြီးကျယ်ခမ်းနားပါတယ်။ အဲဒီစာကြည့်တိုက်ကြီးထဲမှာ မြန်မာစာအုပ်စင် ရရှိဖို့ပါပဲ။

ခုလောလောဆယ်မှာ ကျွန်တော်တို့ရဲ့ကိုယ်ပိုင်စာအုပ်အသစ်တွေရော၊ အဟောင်းတွေရော၊ လှူခွင့်မရသေးပါ။ စင်္ကာပူမှာနေတဲ့ ဆရာဝန်ဒေါက်တာသန့်သော်ကောင်းက စာအုပ်စင်တွေကို ပို့ပေးပါတယ်။ သန့်သော်ကောင်းက လူကိုယ်တိုင်လာပြီး စာကြည့်တိုက်မှူးများနဲ့ တွေ့ဆုံဆွေးနွေးပြီး စာအုပ်သစ်များပို့ပေးပါတယ်။ ယခုခေတ် မြန်မာစာအုပ်တွေအားလုံးမှာ စာအုပ်ကက်ကလောက်လုပ် ပြီးသား ပုံနှိပ်ပါရှိပါတယ်။ စာအုပ်အမည်၊ စာရေးဆရာအမည်၊ ထုတ်ဝေသူအမည်၊ စာအုပ်တိုက်အမည်၊ ထုတ်ဝေတဲ့ မြို့၊နိုင်ငံ၊ ခု နှစ်စသည့်အသင့်ရေးပြီး ပုံနှိပ်ပြီးပါရှိပါတယ်။ မပါတာကို သန့်သော်ကောင်းက လုပ်ပေးပါတယ်။ အဲဒါကတော့ အမေရိကန်ကွန်ဂရက် လိုက်ဘရေရီရဲ့ မြန်မာ-အင်္ဂလိပ်အသံလှယ်စနစ် (Transliteration) အတိုင်း အသံလှယ်ပြီး မြန်မာစာရေးဆရာအမည်၊ စာအုပ်အမည် စသည်များကိုဖော်ပြခြင်းပါပဲ။ အမေရိကန်ပြည်ထောင်စုကို မဲပေါက်ပြီး ရောက်လာကြသူတွေထဲမှာ ဗမာပြည်၊ ရန်ကုန်တက္ကသိုလ်စာကြည့်တိုက်ပညာဌာနက သင်တန်းဆင်း၊ စာကြည့်တိုက်ပညာ ဒီပလိုမာဘွဲ့ရတွေလဲ ပါရှိတဲ့အတွက် စာကြည့်တိုက်က လိုအပ်ရင် ကျွန်တော်တို့ကလည်း ပါဝင်ပြီး အမေရိကန်စနစ်အတိုင်း ကက်ကလောက်တွေ ရေးပေးနိုင်ကြောင်းလဲ ပြောထားပါတယ်။

ကျွန်တော်က အခြေခံပညာဦးစီးဌာနမှာ ကျောင်းသုံးစာအုပ် ကော်မတီ၊ မြန်မာသင်ရိုးအဖွဲ့၊ မြန်မာစာသင်ရိုးအတွင်းရေးမှူး လုပ်လာနေရာက ကျောင်းသုံးစာအုပ်ထုတ်ဝေရေးအလုပ်တွေပြီးခိုက်မှာ စာကြည့်တိုက်ပညာဒီပလိုမာသင်တန်းကို တက်ပြီး ဒီပလိုမာဘွဲ့ယူခဲ့ပါတယ်။ အခြေခံပညာရေးဌာနဟာ ဌာနအရွယ်အစား အကြီးဆုံးလည်းဖြစ်၊ စာပေနဲ့ပတ်သက်မှု အရှိဆုံး ဌာနကြီးလည်းဖြစ်ပေမဲ့ စာကြည့်တိုက်ဖွဲ့စည်းပုံ မပါရှိခဲ့ပါ။ စာကြည့်တိုက်မှူး မရှိပါ။ စာကြည့်တိုက်ရယ်လို့ စနစ်တကျမရှိခဲ့ပါ။ ကျွန်တော်သင်တန်းတက်ပြီး တခြားနှစ်ယောက် စာကြည့်တိုက်ကူညီနေသူ အလယ်တန်းပြ ဆရာမနှစ်ဦးကိုလည်း ရုံးချိန်အပမှာ စာကြည့်တိုက်ဒီပလိုမာနဲ့ ပညာရေးဒီပလိုမာဘွဲ့ယူစေပြီး သုံးဦးသား အင်အားနဲ့ စာကြည့်တိုက် ထူထောင်ခဲ့တဲ့ အတွေ့အကြုံရှိခဲ့ပြီး ဖြစ်ပါတယ်။ ဒါကြောင့်အမေရိကန်က စာကြည့်တိုက်မှူးကြီးများနဲ့ အလုပ်သဘောအရလဲ ဆက်ဆံရေး အဆင်ပြေပါတယ်။

မြန်မာစာဖတ်ခန်းဖွင့်ပွဲကို နယူးယောက်မြို့က စာကြည့်တိုက်မှူးတွေ အားလုံး တက်ရောက်လာကြပါတယ်။ အမတ်တွေ၊ ဆီးနိတ်တာတွေလည်း တက်ရောက်လာကြပြီး မြန်မာပြည်ဆိုင်ရာ ကုလသမဂ္ဂအမြဲတမ်းကိုယ်စားလှယ် ဟောက်ဒိုဆွမ်းလဲ ကြွရောက်ချီးမြှင့်ပါတယ်။ ဖွင့်ပွဲကို (၂၉)ဇွန် ၂၀၁၈မှာ လုပ်တယ်။ မိုးချမ်းက အခမ်းအနားမှူးလုပ်ပြီး စာကြည့်တိုက်မှူးများက အမှာစကားပြောကြပါ တယ်။ ကျွန်တော်တို့ဖက်က ကျောင်းသားခေါင်းဆောင် နေတင်မြင့်လည်း ပြောပါတယ်။ စာကြည့်တိုက်ဖြစ်မြောက်ရေးပါဝင်ကြတဲ့ နေတင်မြင့်၊ ရန်အောင်နဲ့ မြန်မာဧည့်သည်တွေအားလုံး (၇၀) လောက် တက်ရောက်ပြီး မြန်မာ့မုန့်မျိုးစုံနဲ့ ဧည့်ခံပါတယ်။ မြန်မာသမီး လေးများကလည်း မြန်မာအကနဲ့ ဧည့်ခံပါတယ်။ အားလုံး မြိုင်မြိုင်ဆိုင်ဆိုင် ချောချောမောမော ပြီးသွားပါတယ်။

အခမ်းအနားပြီးတော့ စာဖတ်ခန်း၊ စာအုပ်စင်ကိုလိုက်ပြပါတယ်။ ဒေါက်တာသန့်သော်ကောင်းပို့တဲ့ စာအုပ်များကို အနှောင့်မှာ စာအုပ်ကတ်တလောက် အကျဉ်းအမှတ်သားလေးများ ကပ်ပြီး တင်ပြထားတာတွေ့ရပါတယ်။ တင်မိုးနဲ့ မောင်စွမ်းရည် ကဗျာပေါင်းချုပ်များ ပါရှိတာ တွေ့ရပါတယ်။ ကလေးဖတ်ပုံပြင်တွေ ပို့ဖို့လဲ မှာထားပါတယ်။ သမိုင်းပါမောက္ခ ဒေါက်တာသန်းထွန်းနဲ့ သိပ္ပံပါမောက္ခ ဒေါက်တာသန်းထွန်း၊ ကက်သလင်းဖော့တို့ ဘာသာပြန်တဲ့ မြန်မာတိုင်းရင်းသားပုံပြင်စာအုပ်၊ ဒေါက်တာထင်အောင် ဘာသာပြန်တဲ့ ပုံပြင်စာအုပ်များ ပါဝင်စေချင်ပါတယ်လို့ တင်ပြထားပါတယ်။ နယူးယောက်မြန်မာကလေးတချို့က မြန်မာစာ မတတ်တဲ့အပြင် မြန်မာစကားကိုတောင် ကောင်း ကောင်းမပြောတတ်ကြပါ။ ကလေးများ၊ လူကြီးများ၊ ကျောင်းသားများ၊ ကျမ်းပြုသူများပါ အသုံးချနိုင်အောင် တိုးတက်လာမှာပါ။

ဒီဆောင်းပါးကို ရေးတာက ပြည်ပမြန်မာများ ပြည်တွင်းမြန်မာများပါ မုဒိတာပွားနိုင်ကြဖို့ ဖြစ်ပါကြောင်း။

သဗ္ဗဒါနံ၊ ဓမ္မဒါနံ ၊ ဇိနာတိ။
စာပေဒါန၊ မြတ်ဆုံးပ၊ ဟောပြောကျမ်းကရှိ
မောင်စွမ်းရည်
၂၀၁၈၊ သြဂုတ်၊ ၁ ရက်
0