မြင့်ကျော် ● ဘာပြဿနာတွေရှိခဲ့တာလဲ

မြင့်ကျော် ● ဘာပြဿနာတွေရှိခဲ့တာလဲ
(မိုးမခ) စက်တင်ဘာ ၁၁၊ ၂၀၁၈

(ဒီအကြောင်းတွေကို သတင်းမီဒီယာကောင်စီ ရွေးချယ်ပွဲနဲ့ပတ်သက်လို့ ဘာတွေဖြစ်ပျက်ခဲ့လဲဆိုတာ ကိုယ်တိုင်သိရှိ သူတယောက်အနေနဲ့ ပြောပြဖို့ လိုအပ်မယ်ထင်လို့ ရေးသားလိုက်ပါတယ်။ ဒီအဖြစ်အပျက်ထဲ ကိုယ်တိုင် ပါဝင်နေသူ မဟုတ်တဲ့ တခြားမီဒီယာသမားတွေ အနေနဲ့ နားလည်မှု ရှုပ်ထွေးတာ၊ လွဲမှားတာ မဖြစ်ရအောင် ထုတ်ဖေါ်ရေးသားလိုက်တာပါ။ )

သူများတွေကို ဝေဘန်ထောက်ပြရေးသားနေတဲ့ သတင်းမီဒီယာ လောကရဲ့ အဖွဲ့အစည်းတစ်ခုဖြစ်တဲ့ သတင်းမီဒီယာ ကောငစီရွေးပွဲမှာ အသံတွေ ဆူဆူညံညံထွက်ပေါ်လာတော့ သတင်းမီဒီယာနယ်ပယ်မှာ ဘာတွေဖြစ်နေလဲဆိုတာ တခြား နယ်ပယ်က သူတွေလည်း မေးကြ၊ ပြောကြ ဝေဘန်ကြမယ် ထင်ပါတယ်။

မှန်ပါတယ် သတင်းမီဒီယာလောက ဆိုတာလည်း၊ သူတော်စင်တွေချည်း စုဝေးနေတဲ့နေရာမဟုတ်ပဲ တခြားသော နယ်ပယ် တွေလိုပဲ လူတွေနဲ့စုဝေးနေတဲ့နေရာဖြစ်လို့ အမြင်ချင်းကွဲလွဲမှုတွေ၊ မမှန်မကန်လုပ်တာတွေ၊ မရိုးသားတာတွေ၊ ရာထူး၊ ဂုဏ် ဆိုတာကို မက်မောသူတွေ ရှိတာမဆန်းပါဘူး။ ဒါပေမယ့် နိုင်ငံရေး နယ်ပယ်လို အာဏာ၊ ငွေကြေး ဒီလောက်အကျိုးခံစားရတာ မဟုတ်တော့ အဲဒီနယ်ပယ်တွေလောက်တော့ မဆိုးဘူး လို့ဆိုရင်အတိုင်းအတာတခုထိ မှန်ပါတယ်။

၂၀၁၂ ကနေ ၂၀၁၅ ထိတော့ စာနယ်ဇင်းကောင်စီလို့ခေါ်ဆိုခဲ့ကြပြီး ၂၀၁၅ ကစလို့ သတင်းမီဒီယာကောင်စီလို့ခေါ်ဆိုတဲ့ မီဒီယာကောင်စီက သတင်းသမားအဖွဲ့တွေ၊ စာရေးဆရာ၊ အသိပညာရှင်၊ အရပ်ဘက် အဖွဲ့အစည်း၊ ဥပဒေပညာရှင်တွေနဲ့ ဖွဲ့စည်းထားပြီး သတင်းမီဒီယာ နယ်ပယ်ကို မိမိတို့ဘာသာ ထိန်းကျောင်းဖို့၊ ကျင့်ဝတ်ဆိုင်ရာကိစ္စ၊ အငြင်းပွားမှုတွေကို ကျင့် ဝတ်ဆုိုင်ရာစံ၊ သတင်းလွတ်လပ်ခွင့်ဆိုင်ရာ စံနဲ့ အကဲဖြတ်မှတ်ချက်ပေးပြီး သတင်းမီဒီယာနယ်ပယ်က professionalism မြင့်မားလာအောင် လုပ်ဆောင်တဲ့ အဖွဲ့အစည်းဖြစ်ပါတယ်။ နိုင်ငံရေးပါတီတို့လို အမိန့်နဲ့  ညွှန်ကြားချက်အောက်မှာ လုပ် ဆောင်တဲ့အဖွဲ့အစည်း မဟုတ်ပါဘူး။

ဒီလို မတူတဲ့သဘောသဘာဝရှိတဲ့ အတွေ့အကြုံရှိသူ မတူကွဲပြားတဲ့ နယ်ပယ်ကလာသူတွေ ပါဝင်ဖွဲ့စည်းထားလို့  မတူ တဲ့အမြင်တွေ မတူတဲ့ သဘောထားတွေ ရှိကြတာ သဘာဝကျတယ်လို့ဆုိုနိုင်ပါတယ်။

၂၀၁၅ ခုနှစ်မှ ၂၀၁၈ ကုန်ထိ သက်တမ်းဖြစ်တဲ့ ယခု လက်ရှိကောင်စီသက်တမ်းအတွင်း သတင်းမီဒီယာကောင်စီဟာ သတင်းသမားတွေကို အကာအကွယ်မပေးနိုင်ဘူး၊ လူငယ်တွေ မပါဝင်ဘူးဆိုတဲ့အမြင်တွေ ကျယ်ကျယ်ပြန့်ပြန့် ဖြစ်ပေါ် ခဲ့တာ သတင်းသမားတွေအကြား ပြောဆိုမှုတွေ ကြားသိနေခဲ့ရပါတယ်။ ကိုယ်တိုင် ဝင်ရောက်လုပ်ကိုင်နေသူတယောက် အနေ နဲ့လည်း လူငယ်တွေ ပါဝင်မှုနည်းတာ မှန်ပါတယ်။

၂၀၁၅ ခုနှစ် ရွေးချယ်တင်မြှောက်ပွဲလုပ်စဉ်က သတင်းမီဒီယာကောင်စီမှာ ဝင်ရောက်ယှဉ်ပြိုင်ဖို့ စိတ်ဝင်စားမှု နည်းပါးခြင်းဟာ အဲဒီရွေးကောက်ပွဲ မတိုင်မီကာလမှာ သတင်းမီဒီယာကောင်စီနဲ့ပတ်သက်လို့ မီဒီယာကြီးတခုက ဝေဘန်တိုက်ခိုက်တာတွေ ကြောင့် သတင်းသမားအတော်များများက ဘေးထွက်နေခဲ့ကြတာရဲ့ အကျိုးဆက်အဖြစ် သတင်းမီဒီယာကောင်စီကို ဂုဏ် တစ်ခုအနေနဲ့ အဆောင်အယောင်အနေနဲ့ ဝင်ရောက်ချင်သူတွေအတွက် အခွင့်သာခဲ့ကြပါတယ်။

အခုတကြိမ်ရွေးချယ်တင်မြှောက်ပွဲမှာတော့ ယခင်တကြိမ်ထက် စိတ်ဝင်စားမှုတက်လာပြီး ပြီးခဲ့တဲ့ ၃ နှစ်အတွင်း ထွက်ပေါ် လာတဲ့ သတင်းသမားအဖွဲ့အစည်းတွေပါ ဝင်ပြိုင်လာကြတာတွေ့ရပါတယ်။

ဘာကြောင့် ဒီနောက်ခံတွေ ရေးနေသလဲဆို ပြီးခဲ့တဲ့  ၃ နှစ်တာကာလမှာ သတင်းမီဒီယာကောင်စီအနေနဲ့ သတင်းမီဒီယာ Professionalism၊ မီဒီယာနဲ့သက်ဆိုင်တဲ့ ဥပဒေတွေ တိုးတက်ကောင်းမွန်ဖို့ ထင်သလောက် အားမစိုက်နိုင်ခဲ့ပါဘူး။ ဥက္ကဌ ဖြစ်တဲ့ ဦးခင်မောင်လေး (ဖိုးသောင်္ကြာ ခေတ်+မိုး) အနေနဲ့ ဥက္ကဌတာဝန်ယူပြီး ဆယ်လခန့်အကြာမှာ ကျန်းမာရေး မကောင်း လို့ အစည်းအဝေးတွေ မတက်ရောက်နိုင်တော့ပါဘူး။ အဲဒီနောက်ပိုင်း ဒုဥက္ကဌ ၂ ဦး၊ အတွင်းရေးမှူးတို့ကပဲ ဦးဆောင်ခဲ့ရာမှာ ကောင်စီက ရှေးရိုးအယူအဆတွေကို မကျော်နိုင်ပဲ ခြုံပြောရရင် အားနည်းခဲ့တယ်လို့ ဆိုရမှာပါ။ ဒါက ကျနော့်တဦးချင်း အကဲဖြတ်ချက်ဆိုရင်လည်း မှန်ပါတယ်။

ဒါကြောင့် အခုဖွဲ့မယ့် သက်တမ်းမှာ ဒီနေ့ခေတ် မီဒီယာအခင်းအကျင်းကို နားလည်သူ၊ အတွေ့အကြုံရှိသူတွေ ဦးဆောင် တဲ့နေရာမှာပါဖို့ ဆန္ဒရှိတာကြောင့် အဲဒီအတွက် ဆွေးနွေးခဲ့ကြပါတယ်။ ဦးဆောင်မှု ဂုဏ်သိက္ခာရှိတဲ့သူလည်း ဖြစ်ဖို့လိုပါ တယ်။

ဒီအချက်တွေပေါ်မူတည်ပြီး အခုရွေးကောက်ခဲ့တဲ့ ကောင်စီမှာ ဘယ်သူတွေ မဲရစေချင်တယ် မဲပေးကြရအောင်လို့ လူငယ် အဖွဲ့တွေဖြစ်တဲ့ MWJS ၊  PCMJ နဲ့ အေဂျင်စီက ဝင်ပါမယ့်သူကို ညှိနိုင်းတာပါ။ ဒီနေရာမှာ ကိုယ်မလေးစားတဲ့သူ၊ မဲပေးဖို့ မသင့်ဘူးထင်တဲ့သူကိုလည်း မပေးဖို့ သဘောထားထုတ်ပြောခဲ့တာပါ။ အဲဒီနေ့က ညှိတဲ့အကြောင်းကို ကိုဇေယျာလှိုင် ကလည်း ပို့စ်တခု ရေးတင်ပြီးပါပြီ။ ဒီအကြောင်းနဲ့ ပတ်သက်လို့ MJA က စာတွေထုတ်၊ ရွေးချယ်ရေးအဖွဲ့ကို စာတင်ခဲ့ပါတယ်။ ရွေးကောက်ပွဲမှာ အခုလိုမလုပ်ရဘူးလို့ စည်းမျဉ်းစည်းကမ်းလည်း မရှိတာကြောင့် ရွေးချယ်တင်မြှောက်ရေးအဖွဲ့က ဒီကိစ္စ နဲ့ပတ်သက်လို့ အရေးယူ ဆောင်ရွက်ခြင်းမရှိခဲ့ပါဘူး။

ဒီနေရာမှာ မိမိကိုယ် မဲရချင်လို့ ကိုယ်ပိုင်မူ၊ စံနှုန်း တန်ဖိုးတွေမရှိပဲ၊ တွေ့ဆုံခဲ့တဲ့အကြောင်းကို တဖက်အဖွဲ့အစည်းကို ပေါက်ကြားပြီး အမြတ်ထုတ်ခဲ့တယ်လို့ပဲ ကျနော်တို့အတွေ့အကြုံရခဲ့ပါတယ်။ ကျနော်တို့ MJN အနေနဲ့တော့ ကောင်စီမှာ ပါဝင်ခြင်းဟာ သတင်းမီဒီယာဥပဒေ၊ လွတ်လပ်ခွင့်ဆိုင်ရာကိစ္စတွေမှာ ပါဝင်ဆောင်ရွက်နိုင်အောင် ပလက်ဖောင်းမှာ ပါဝင် ခြင်းပါ။ တဦးတယောက်ချင်း နာမည်ရလိုမှု၊ ထင်ပေါ်လိုမှုတွေ မရှိတာ မိမိကိုယ် လိပ်ပြာသန့်ပါတယ်။ ကောင်စီအနေနဲ့ လုပ်ဆောင်မှ ရမယ့်ကိစ္စတွေမှာ ကောင်စီကနေ လုပ်ဆောင်ဖြစ်အောင် တိုက်တွန်းတယ်၊ နောက်ဆုံး  ကောင်စီဝင်အများစုက သဘောမတူလို့ မလုပ်နိုင်တဲ့ကိစ္စတွေကို MJN အနေနဲ့ လုပ်ခဲ့ပါတယ်။

ရွေးကောက်ပွဲနေ့က ရလဒ်တွေ ထွက်လာတော့ တိုးတက်တဲ့အမြင်ကို လိုလားတယ်လို့ အပြင်ပန်းအားဖြင့်မြင်သူတွေက  လက်တွေ့မှာ အကျိုးစီးပွားအတွက်ပဲ တွက်ချက်ပြီး မူတွေ၊ တန်ဖိုးတွေကို ပစ်ပယ်ကာ ဘယ်လိုလူတွေကို မဲပေးခဲ့တယ်ဆိုတာ အဲဒီနေ့က တက်ရောက်ခဲ့သူတွေတောင် ခန့်မှန်းသိရှိနိုင်ပါတယ်။

နောက် ဒုတိယ အဆင့်ရွေးချယ်ခံ ကောင်စီဝင်တွေအနက်က  အလုပ်အမှုဆောင်တွေရွေးကြမယ့်အခါမှာ ဘယ်သူတွေ ဖြစ် သင့်သလဲ၊ ဘယ်သူတွေက အစိုးရလို၊ တပ်လိုမျိုးကို ရေလိုက်ငါးလိုက်နဲ့ နေပြီး ပွဲတက်ချင်တဲ့သူတွေလဲ၊ ဘယ်သူတွေက ဒီနေ့ သတင်းမီဒီယာ အခင်းအကျင်းကို သေချာနားလည်ပြီး လွတ်လပ်တဲ့ မီဒီယာ အားကောင်းအောင် လုပ်ချင်သူတွေလဲ ဆိုတာ ရှင်းရှင်းလင်းလင်း မြင်ပြီး မဲပေးကြဖို့ မျှော်လင့်ခဲ့ကြတာပါ။

ဒါပေမယ့် အဲဒီနေ့မှာ လူငယ်ဖြစ်ပြီး မီဒီယာလွတ်လပ်ခွင့်အတွက် တိုက်ပွဲဝင်မယ် ကြွေးကြော်နေသူ  ကိုသာလွန်ဇောင်းထက်က ကုိုယ့်နာမည်လည်း အတွင်းရေးမှူးတစ်နေရာမှာပါတဲ့ ”မြန်မာနိုင်ငံသတင်းမီဒီယာကောင်စီ အဆုိုပြုစာရင်း” ဆိုတဲ့ အမှု ဆောင်မဲဆွယ်စာရွက်ကို လက်သိပ်ထိုးဝေနေခဲ့တာပါ။ ကျနော်တို့ကို လာမဝေလို့ ဘာတွေပါမှန်း အစောပုိုင်းမသိခဲ့ပေမယ့် ရွေးချယ်ခံ ကောင်စီဝင်တယောက်ဆီက တောင်းကြည့်တဲ့အခါမှာ ပုံပါအတိုင်း ဥက္ကဌ၊ ဒုဥက္ကဌ အတွင်းရေးမှူး စာရင်းတွေပါ တဲ့ စာရွက်ဖြစ်နေပါတော့တယ်။

အဲဒီအချိန်မှာ မဲပေးဖို့ မစတင်ရသေးတာမို့ ကိုဇေယျာလှိုင်က စာရွက်ကိုယူပြီး ရွေးချယ်တင်မြှောက်ရေးအဖွဲ့ထံ သတင်းပို့ အသိပေးခဲ့ပါတယ်။ ရွေးချယ်တင်မြှောက်ရေးအဖွဲ့အနေနဲ့ဒီလို ခန်းမထဲ မဲဆွယ်တာမလုပ်ဖို့ တားမြစ်ပြီး ရွေးချယ်တင် မြှောက်ပွဲကို ဆက်လုပ်ခဲ့ပါတယ်။ ကောင်စီအမည်နာမကိုသုံးပြီး လက်ရှိကောင်စီက အဆိုပြုသကဲ့သို့ ထင်ယောင်ထင်မှား ဖြစ်စေတာဟာ မလိမ့်တပတ်လုပ်ရပ်လို့ပဲ ကျနော်တော့ နားလည်ပါတယ်။

မဲရလဒ်တွေ ထွက်လာတဲ့အခါမှာတော့ စောစောက မဲဆွယ်စာရွက်ထဲက ၈ နေရာအနက် တနေရာသာလွဲပြီး ကျန်တဲ့နေရာ အားလုံး စာရွက်ပါအတိုင်း ရလဒ်ထွက်လာတာပါ။ ဒါကြောင့် ဒီအဖြစ်အပျက်က သတင်းမီဒီယာ အုပ်စုအချင်းချင်း နားလည်မှုလွဲတဲ့ကိစ္စမဟုတ်ပါဘူး။

လွတ်လပ်တဲ့မီဒီယာရပ်တည်ချက်ပိုအားကောင်းစေဖို့၊  အားကောင်းမောင်းသန် သတင်း မီဒီ ယာကောင်စီ ဖြစ်စေလိုသူတွေ နဲ့ ကိုယ်တွေရဲ့ ရာထူးနေရာရဖို့က စောစောကကိစ္စတွေထက် ဦးစားပေးသူတွေရဲ့ သဘောကွဲလွဲမှုလို့ပဲ ကျနော်တော့ မြင်ပါ တယ်။ ဒီအကြောင်းတွေကို ရေးသားရခြင်းက ဘယ်လိုအဖွဲ့အစည်းတွေက ဘာလိုမူတွေချထားပြီး အကျိုးစီးပွားနဲ့ တန်ဖိုး ထားရမယ့် မူ ယှဉ်လာရင် ဘာကို ချနင်းကြသလဲဆိုတာ သိစေချင်တာကြောင့်ပါ။

မတူကွဲလွဲတဲ့အမြင်ရှိရင်လည်း မေးမြန်းစောဒက တက်နိုင်ပါတယ်။
0