မေသနပ်ခါး ● မစားကောင်းသောသစ်သီးများ
(မိုးမခ) စက်တင်ဘာ ၁၁၊ ၂၀၁၈
(မိုးမခ) စက်တင်ဘာ ၁၁၊ ၂၀၁၈
(၁)
အချို့သော သစ်သီးများသည် မှည့်၏။ ဝင်း၏။ ချို၏။ အလွယ်တကူ ရယူနိုင်၏။ သို့သော် သူတပါး၏ မျက်ရည်ဖြင့် စိုက်ပျိုးထားသော သစ်သီးများဖြစ်လေ၏။ မစားကောင်းသော သစ်သီးကို ကိုယ်ချင်းစာတရားဖြင့်သာ ရှောင်ရှားရာ၏။
(၂)
ပရဟိတဆေးရုံတစ်ခု၏ ပြင်ပလူနာဋ္ဌာနတွင် ဖြစ်ပါသည်။
ဆေးခန်းအတွင်းသို့ အသက်ခြောက်ဆယ်ကျော်အရွယ် အဝတ်အစား ခပ်နွမ်းနွမ်းနှင့် လူနာအမျိုးသားတစ်ဦးဝင်လာသည်။ ကျွန်မရှေ့ထိုင်ခုံတွင် ရို့ရို့ကျိုးကျိုးဝင်ထိုင်ရင်း သူ့စာအုပ်ကလေးကို ကမ်းပေး၏။ ကျွန်မက သူယူဆောင်လာသော လူနာမှတ်တမ်းစာအုပ်ကို လှန်လှောကြည့်ရှုရင်း သူ့ကို မေးခွန်းထုတ်လိုက်မိသည်။
“ပြီးခဲ့တဲ့အပတ်ကလဲ လာပြသေးတယ်နော်။ ဒီမှာ တခြားဆရာဝန်က မှတ်တမ်းရေးထားတာတွေ့လို့။ အခုရော ဘာဖြစ်လို့လဲ။ ပေးလိုက်တဲ့ဆေးတွေနဲ့ မသက်သာဘူးလား”
ဆေးလိပ်တာရှည်သောက်ခဲ့ခြင်းကြောင့် နာတာရှည် အဆုတ်လေပြွန်ယောင်သောရောဂါနှင့် ထိုလူနာက မောဟိုက်နေသော အသံဖြင့် ပြန်ဖြေသည်။
“မသက်သာဘူးဆရာမရယ်။ ညဖက်များဆို တအားကျပ်တာ။ သလိပ်တွေလဲ ထွက်လိုက်တာ မပြောပါနဲ့”
“ပေးလိုက်တဲ့ဆေးတွေရော သေချာသောက်ရဲ့လား။ အကုန်သောက်ပြီးသွားပြီလား”
“ဒီက ပေးလိုက်တဲ့ သုံးရက်စာဆေးကတော့ သောက်ပြီးသွားပါပြီ။ ကုန်တာပဲ သုံး လေးရက်ရှိပေါ့”
လူနာကား ကျွန်မမျက်စိရှေ့တွင်ပင် ချောင်းဆိုးပြီး ရင်ကျပ်နေသည်။ သူ့ကို ကုတင်ပေါ်တက်စေပြီး အရင် စမ်းသပ်စစ်ဆေးကြည့်လိုက်သည်။ ထိုလူနာတွင် မူလအဆုတ်လေပြွန်ယောင်ရောဂါအပြင် လောလောဆယ် အဆုတ်အအေးမိပြီးပိုးဝင်နေလေပြီ။ ထို့ကြောင့်ပင် မူလရောဂါက ပိုဆိုးလာခဲ့ရခြင်းပါ။
ကျွန်မက သူ့ကို ပထမဆရာဝန် ပေးထားသောဆေးများအားနောက်တစ်ကြိမ် စာအုပ်ထဲတွင် ထပ်စစ်ဆေးကြည့်မိသည်။ ပိုးသတ်ဆေးက သာမာန်ပေးနေကျ ပမာဏထက် တစ်ဝက်လျော့နည်းနေသည်။ ထိုဆေးပမာဏမှာ လွန်ခဲ့သော အနှစ်နှစ်ဆယ် သုံးဆယ်ခန့်ကဆိုလျှင် အနေတော်ဖြစ်မည်ထင်သော်လည်း ယခုအခါ ဘက်တီးရီးယားတို့၏ ဆေးယဉ်ပါးမှုကြောင့် ထိုဆေးပမာဏက မတိုးတော့ပါ။ ထို့အပြင် ဆေးပေးသောကာလကလည်း သုံးရက်သာဖြစ်နေသည်။ တကယ်ပေးရမည်က ငါးရက်ပါ။ ထို့ကြောင့်သာ လူနာက သက်သာမလာပဲ ပိုဆိုးလာရခြင်းဖြစ်ပါသည်။
“ဆေးတွေကုန်သွားပြီး မသက်သာတာ ဘာလို့ပြန်လာမပြလဲ”
“ပြန်ပြဖို့ မပြောလိုက်တော့ ကျွန်တော် မလာရဲဘူး။ ဒီနေ့တော့ အတော် မသက်သာတာနဲ့ လာတာပါ။ ပိုက်ဆံလဲ မတတ်နိုင်လို့ အပြင်ဆေးခန်းလဲ မသွားနိုင်လို့ပါ”
သည်ဆေးခန်းမှာ တစ်ပတ်တစ်ရက် လုပ်အားအလှုအဖြစ် အခမဲ့စ,ထိုင်ပေးဖို့ လာခဲ့စဉ်က ပြင်ပလူနာဆေးခန်း၏ံဝန်ထမ်းအဖြစ် လခစားခန့်ထားသော တာဝန်ခံဆရာဝန်မကြီး၏ အမှာစကားကို နားထဲတွင် ပြန်ကြားယောင်လာမိသည်။
“ဒီမှာက အခြေခံဆေးလေးတွေလောက်ပဲ ပေးပါတယ်။ ပိုးသတ်ဆေးဆိုရင် နှစ်မျိုး သုံးမျိုးလောက်ပဲ သုံးတယ်။ အကိုက်အခဲပျောက်ဆေး၊ ချောင်းဆိုးပျောက်ဆေး၊ ဗိုက်တာမင်လေးလောက်ပဲ သုံးရင်ရပါတယ်” တဲ့။
ဘာပဲဖြစ်ဖြစ် ရှိတဲ့ဆေးစာရင်းလေးတစ်ချက်လောက် ကြည့်ပါရစေဆိုတော့ မကြည်ဖြူသောအမူအယာဖြင့် ထုတ်ပေးသည်။ လက်တွေ့တွင် သူသုံးနေသော၊ သူသုံးဖို့ပြောသောဆေးက လေး ငါးမျိုးထက် မပိုသော်လည်း သူပြသောဆေးစာရင်းကတော့ လျှောက်လွှာစာရွက် လေး ငါးမျက်နှာခန့်ရှိသည်လေ။ ပြပြီးပြန်သိမ်းသွားသော ဆေးစာရင်းကား ကျွန်မခေါင်းထဲတွင် ကျန်မနေခဲ့။ ထို့ကြောင့် ဆေးပေးတိုင်း ကိုယ့်ဖာသာကောင်တာသို့သွားပြီး ပေးလိုသောဆေးရှိ၊မရှိကိုမေးရလေသည်။ လူနာတွေကို ဆေးထုတ်ပြီးပြန်လာပြဖို့ပြောတော့ တွေ့ရသည်မှာ များသောအားဖြင့် ဆေးတွေက အရည်အသွေးညံ့သည့် တရုတ်မှလာသော ထောင်ဝင်ဗူးနှင့်ဆေးများသာဖြစ်လေ၏။ တာဝန်ခံဆရာဝန်အခန်းထဲမှ ဆေးကဒ်အကောင်းစားများမှာ မည့်သည့်အခါတွင်မှ သုံးသည်မသိ။ တချို့လူနာကတော့ မရှိသည့်ဆေး သို့မဟုတ် အရည်အသွေးစစ်မှန်သောဆေးကို ကိုယ့်ဖာသာ အပြင်မှဝယ်နိုင်ပါသည်ဆိုတတ်၏။ သို့ဆိုလျှင်မူ အဆင်ပြေလှသည်။ သို့သော် ဆေးခန်းမှဆေးသက်သက်ကိုသာ အားထားရသော အလွန်နွမ်းပါးသည့်လူနာများအဖို့ကား အရည်အသွေးမမီသောဆေးများက ရင်လေးဖွယ်ရာဖြစ်လေသည်။
ထိုဆေးခန်းတွင် လူနာကို သုံးရက်အတွက်သာ ဆေးပေးခွင့်ရှိသည်ဆိုသောကြောင့် ထိုတာဝန်ခံဆရာဝန်ကိုပင် မေးခဲ့ဖူးသည်။
“လူနာတွေကို ဘယ်တော့ ပြန်လာပြဖို့ဆိုပြီး မချိန်းဘူးလားမမ” ဆိုတော့ “ဒီမှာတော့ သုံးရက်ပေးလိုက်ပြီးတာပဲ။ ပြန်ချိန်းဖို့ မလိုပါဘူး” တဲ့။ ဒါဆို သူတို့ ဆေးပမာဏအပြည့်အဝမရသေးလျှင် ဘယ်လိုလုပ်မည်နည်း။ ဆေးယဉ်ပါးလာလျှင် ဘယ်လို လုပ်မည်နည်။ မသက်သာလျှင် ဘယ်လိုလုပ်မည်နည်း။ သူမ၏ဆိုလိုချက်ကား သုံးရက်ဆေးနှင့် မသက်သာလျှင် သူ့ဖာသာ ပြန်လာလျှင်လာ သို့မဟုတ် တခြားဆေးခန်းသွားဖို့သာ ဖြစ်ပေလိမ့်မည်။
တကယ်တော့ ကျွန်မတို့ဆရာဝန်တွေ လူနာကိုကုသရခြင်း၏အဓိကရည်ရွယ်ချက်မှာ လူနာခံစားရသမျှသက်သာပျောက်ကင်းဖို့သာ ဖြစ်လေသည်။ ဆေးကို အရည်အသွေးမှန် စံချိန် စံညွှန်းမှန် အသုံးမပြုသောကြောင့် လူနာတို့ ခံစားရသော ဝေဒနာများ မပျောက်ကင်းနိုင်သည့်အပြင် ဆေးယဉ်ပါးလာခြင်းကလည်း ပြဿနာဖြစ်လာပေလိမ့်မည်။ အလှုရှင်တို့လှုထားသော ပရဟိတဆေးခန်းရှိဆေးများမှာ နွမ်းပါးသောလူနာများအတွက်သာဖြစ်သည်။ လိုအပ်၍သုံးရခြင်းမှာ အဘယ်အကြောင်းကြောင့်များ နှမြောနေပါသနည်း။ ဆေးကားပေးသည်ဆိုရုံပေး၏။ အခမဲ့ကား ကုသည်ဆိုရုံကု၏။ ကုသမှု စံချိန်စံညွှန်းက မပြည့်မီသောကြောင့် လူနာကား မသက်သာ။ သို့ဆိုလျှင် ထိုပရဟိတ အခမဲ့ဆးခန်းတည်ရှိရခြင်း၏ဦးတည်ချက်မှာ အလကားဖြစ်ပြီမဟုတ်ပါလား။
ကိုယ်က အခမဲ့အလုပ်လာလုပ်ပေးနေပါလျက် အစကတည်းက နှစ်လိုဟန်မရှိသော သူမမျက်နှာထားကြောင့် စကားနည်း ရန်စဲ အကျယ်အကျယ် မပြောလိုသဖြင့် ကိုယ့်ဖာသာသာ ကိုယ့်နည်းကိုယ့်ဟန်သုံးရတော့သည်။ လူနာကို ပေးရမည့်ဆေးက ငါးရက်ပေးရမည်ဆိုလျှင် ဆေးကုန်လျှင် ဆက်ဆက်ပြန်လာဖို့ မှာရပါသည်။ ခက်နေသည်က ကျွန်မက တစ်ပတ်မှ တစ်ရက်တည်း လာထိုင်ပေးသူပါ။ ထိုဆရာဝန်မကြီးကတော့လခစားမို့ နေ့တိုင်းထိုင်ရသူဖြစ်လေသည်။ တခါတလေ ပြန်သာချိန်းလိုက်ရသည်။ ကျွန်မ မရှိသောရက်တွင် အဆင်မှ ပြေပါ့မလား၊ ဆေးမှ ရပါ့မလားဟု တွေးပူမိသည်။ သူတို့ဆေးကုန်လို့ ပြန်ပြရမည့်နေ့တွင် ကျွန်မကတောဖြင့် ရှိမည်မဟုတ်ဟုပြောလျှင် မျက်နှာညိုသွားတတ်သောလူနာများကိုလည်း သနားမိသည်။ သို့သော်လည်း ကိုယ် ဘာမှ မတတ်နိုင်သော အလုပ်ပေပဲကိုး။
“ကျွန်မ ပိုးသတ်ဆေး တစ်မျိုးပြောင်းပေးလိုက်မယ်နော်။ ဆေးက အားလုံးပေါင်းငါးရက်သောက်ရမှာမို့ နောက်သုံးရက်ကြာရင် ဆေးယူဖို့ ပြန်လာပြဦးနော်။ ကျွန်မနဲ့တော့ တွေ့မှာ မဟုတ်ဘူး.။ ဒီစာအုပ်ထဲမှာ ကျွန်မ ဆေးပေးဖို့ ရေးထားလိုက်မယ်”
လူနာကား ခေါင်းညိတ်သော်လည်း စိတ်မတင်မကျဖြစ်နေသော အရိပ်အယောင်ကို ယခင်လူနာတွေ ပုံစံအတိုင်း စတင်မြင်နေရလေပြီ။ လူနာကို ကြည့်ကာ နားလည်မိသောကျွန်မကား သက်ပြင်းအသာချရင်း တကယ်စိတ်ညစ်ညူးလာမိ၏။
(၃)
အလုပ်နားရက်မို့ မြို့ထဲ ဈေးဝယ်ထွက်ရင်း သူငယ်ချင်းတစ်ယောက်အိမ် ဝင်လည်ဖြစ်သည်။
“လာပါဦးသပြေရယ်။ သမီးရောက်လာတာနဲ့အတော်ပဲ။ အန်တီ့ကို ဒီိဆေးလေးတွေ ကြည့်ပေးစမ်းပါဦး။ ဘာဆေးတွေများလဲလို့”
သူငယ်ချင်း၏မိခင်ဖြစ်သူ ပေးသောဆေးကဒ်ပြားများကို ယူကြည့်လိုက်ရသည်။
“ဘာလို့လဲ အန်တီရဲ့။ ဒါက အမော်ဆီစလင်ဆိုတဲ့ ပိုးသတ်ဆေးနဲ့ ဒါက ပါရာစီတမောပဲလေ။ သောက်ဖူးတာပဲ မဟုတ်လား”
“သြော်…ဟုတ်လား။ ဈေးကြီးလွန်းလို့ အန်တီက ဘာဆေးတွေများလဲလို့။ အန်တီ အခုတလော ချောင်းဆိုးပြီး သလိပ်တွေထွက်နေတယ်ဆိုတာနဲ့ အန်တီ ရင်ကျပ်ပြနေကျ အထူးကုဆရာဝန်ကြီးက ဒီဆေးတွေ ပေးလိုက်တာ”
သူငယ်ချင်း၏မိခင်က ပြသောဆေးက ကျွန်မတို့သုံးနေကျ ဆေးများနှင့်ကုမ္ပဏီမတူ။ ထို့ကြောင့်ပင် ဈေးကြီးလေသလားဟု တွေးမိသည်။
“ဈေးကြီးတယ်ဆိုတာ ဘယ်လောက်များကြီးနေလို့လဲ အန်တီရဲ့”
“ပိုးသတ်ဆေးက တစ်ကဒ်ကို တစ်သောင်းခွဲ၊ ပါရာစီတမောလိုဆေးမျိုးက တစ်ကဒ်ကို ခြောက်ထောင်ကျော်ကျတယ်။ အဲ့ဒီ့ဆရာပေးတဲ့ဆေးတွေက အမြဲဈေးကြီးတယ်သမီးရဲ့။ ဆေးကောင်တာက ကောင်မလေးတွေကတော့ ဆရာက ဆေးကောင်းကောင်းသုံးလို့ပါတဲ့။ ဘာပဲဖြစ်ဖြစ် ဆေးဖိုးက နင့်နေတော့ သမီးရယ်။ နောင်ဆို ဆေးချင်းတူရင် ဈေးသက်သာတာလေး သမီးကို လာရေးခိုင်းမှပဲ”
ကျွန်မ အံ့အားသင့်သွားမိ၏။ ကျွန်မတို့ သုံးသော အလားတူဆေးမျိုးက ဆယ့်ခြောက်လုံးတစ်ကဒ်မှ အလွန်ဆုံး နှစ်ထောင်ပတ်ဝန်းကျင်ပါ။ ပါရာစီတမောက တစ်ကဒ်မှ လေးရာ ငါးရာပါ။ ဆေးအာနိသင်ပိုကောင်း၍လားဟု ပြောရအောင်ကလည်း ကျွန်မတို့သုံးနေကျဆေးများကလည်း သည်လိုလူနာများအတွက် ပေးနေကျပါပဲ။ ထိရောက်သည်ပါပဲ။ ဘာကြောင့်များ အမျိုးအစားချင်းတူပါလျက် သည်ဆေးတွေက သည်လောက်တောင် ဈေးကြီးနေရပါလိမ့်။
သူငယ်ချင်းအိမ်မှအပြန် ညဖက် ဖေ့စ်ဘုတ်ခ်ကိုဖွင့်ကြည့်မိတော့ တိုက်တိုက်ဆိုင်ဆိုင် ဆရာဝန်ဂရုထဲတွင် ဆရာတစ်ယောက်ရေးထားသည်ကို တွေ့ရ၏။ သူရေးထားသည်က ထိုကုမ္ပဏီကဆေးများသည် မြန်မာနိုင်ငံထဲတွင် အိမ်နီးချင်းနိုင်ငံများထက် ဈေးတင်ထားသည်ကို တွေ့ရကြောင်းနှင့် ထိုကုမ္ပဏီမှ သူတို့၏ဆေးများကို ဈေးကြီးကြီးနှင့်များများသုံးပေးသော ဆရာဝန်ကြီးများအတွက် နှစ်ကုန်လျှင် နိုင်ငံခြားခရီးစဉ်ရှိသည်ဟူ၏။ သြော်…ထိုခရီးစဉ်အတွက် ကုန်ကျစားရိတ်ကာမိစေရန် ဆေးတွေကို ဈေးတင်ထားခြင်းပေပဲဟု နားလည်လိုက်ရသည်။ ခရီးစဉ်အတွက်က မည်မျှကုန်ကျသည်မသိ။ ဆေးတစ်ကဒ်လျှင် ခွန်နှစ်ဆမှ ဆယ်ဆလောက် အမြတ်တင်ထားသောဆေးများကို လူနာများက ဝယ်ယူကာ နိုင်ငံခြားကုမ္ပဏီကို လုပ်ကျွေးနေခြင်းသက်သက်သာ ဖြစ်နေတော့သည်။ ဈေးကွက်စီးပွားရေးခေတ်၏ ဆေးလောက မက်လုံးများကြားတွင် တကယ်လှိမ့်ခံနေရသည်က လူနာများပါတကား။
(မှတ်ချက်- ယခု ဤစာကိုရေးနေချိန်၌မူ ဖေ့စ်ဘုတ်ခ်ပေါ်မှ ဂယက်ကြောင့် ထိုကုမ္ပဏီမှ ဆေးများဈေးကျဆင်းလာပြီဟု သိရှိရသည်။ ကျဆင်းလာသည့်တိုင် ဆေးရုံတစ်ခုနှင့်တစ်ခုပင် ဈေးမတူကြချေ။ ထိုကုမ္ပဏီမှဆေးများကို စွဲစွဲမြဲမြဲပေးတတ်သော အထူးကုတို့ထိုင်သောဆေးရုံများတွင် ထိုဆေးများက ယခင်လောက် ဈေးမကြီးသော်လည်း သူများဆေးရုံတွေထက် ဈေးကြီးနေဆဲပင်။)
(၄)
ပရဟိတဆေးခန်းတစ်ခုတွင် ဖြစ်သည်။
“လူနာက အသည်းနည်းနည်းကြီးနေတယ်။ အရင်က အရက်လဲ အရမ်းသောက်ခဲ့တယ်။ အခု အစာလဲ သိပ်မဝင်ဘူး။ ပိန်လဲ သွားတယ်ဆိုတော့ ကျွန်မ ဆေးနည်းနည်းစစ်ချင်ပါတယ်။ အသည်းရဲ့လုပ်ငန်းကိုသိဖို့ သွေးနည်းနည်းစစ်မယ်။ အာလ်ထရာဆောင်းလို့ခေါ်တဲ့ တယ်လီဗွီးရှင်းဓာတ်မှန်ရိုက်မယ်။ သည်လောက်တော့ လုပ်ပေးနိုင်တယ်မို့လား။ ဒီဆေးခန်းမှာ စစ်တာက အပြင်ထက် အများကြီးသက်သာပါတယ်။ သုံးတဲ့ပစ္စည်းဖိုးလောက်ပဲ ပေးရတာပါ”
ကျွန်မက လူနာရှင်ကို ဘာ့ကြောင့် စစ်ဆေးဖို့လိုသည်။ ဘယ်လောက်ကုန်ကျမည်ကို အကျေအလည်ရှင်းပြနေခဲ့သည်။ လူနာရှင်က တစ်ချက်စဉ်းစားရင်း
“တစ်ခုပဲ အရင်စစ်လို့ ရမလားဆရာမ” ဟု ပြန်မေး၏။ သူသည်လိုမေးကတည်းက ငွေကြေးအခက်အခဲရှိသည်ကို မပြောလည်း သိပါသည်။
“တစ်ခုတည်း အရင်စစ်မယ်ဆိုရင်တော့ တယ်လီဗွီးရှင်းဓာတ်မှန်ပဲ အရင်ရိုက်ပါ။ အဲ့ဒီမှာ တစ်ခုခုတွေ့ရင် သက်ဆိုင်ရာဆေးရုံကို လွှဲပေးပါ့မယ်” ဟု ကျွန်မက ညှိုနှိုင်းပေးတော့ သူတို့ သဘောတူ၏။ ဆင်းရဲနွမ်းပါးလွန်းသောကြောင့် ဈေးဆစ်ရခြင်းကို နားလည်ပေးသောကြောင့် ကျေးဇူးတင်ဟန်ပြသည်။
ထိုလူနာပြန်ထွက်သွားတော့ ကျွန်မအတွေးများက တိုက်တိုက်ဆိုင်ဆိုင် အတိတ်ဆီ ပြန်ရောက်သွားခဲ့၏။ အဖေ့တွင်ရှိသော အသည်းအဆီဖုံးရောဂါ၊ နှလုံးသွေးကြောကျဉ်းရောဂါတို့အတွက် ပုံမှန်ပြသနေရသော အထူးကုဆရာဝန်ကြီးက တစ်နှစ်တစ်ခါ ဆေးမှန်မှန်စစ်သည်။ ထိုဆရာဝန်ကြီးက ဆေးစစ်ခါနီးဆိုလျှင် စစ်ရမည်များကို စစ်စေလိုသောဓာတ်ခွဲခန်းစာရွက်တွင် တသီတတန်းကြီး အမှတ်ခြစ်ကာ ဆေးစာရေးပေးထားလေ့ရှိခဲ့သည်။ ကျွန်မမှာ ထိုစဉ်က အလုပ်သင်ဆရာဝန်သာရှိသေး၏။ တစ်ကြိမ်တွင်တော့ သူရေးပေးထားသော ဓာတ်ခွဲခန်းသို့ အဖေ့ကို လိုက်ပို့ရန်အချိန်မရ၍ နီးစပ်ရာ ဆေးရုံဓာတ်ခွဲခန်း၌ပင် စစ်ပေးလိုက်မိသည်။ သွားပြချိန်တွင် စစ်လာသော အဖြေစာရွက်များကို သူ့လက်ထဲအထည့်၌့် မျှော်လင့်မထားသော၊ အလွန်အံ့သြဖွယ်ကောင်းသော ဖြစ်ရပ်က ဖြစ်ပွားခဲ့သည်။
ဆရာဝန်ကြီးက စစ်လာသမျှ ဓာတ်ခွဲခန်းအဖြေလွှာများကို ဒေါသတကြီး အောက်သို့ပစ်ချလိုက်ခြင်းပါ။
“ဘာလို့ ဒီဆေးရုံမှာ သွားစစ်သလဲ။ အဲ့ဒီက မမှန်လို့ သေချာ ဒီဓာတ်ခွဲခန်းသွားပါရေးထားတာကို”
ဆောင့်ကြီးအောင့်ကြီး သူ့အပြောကြောင့် ကျွန်မ ဘာလုပ်လို့ ဘာကိုင်ရမှန်းမသိ ကြောင်သွားခဲ့သည်။ ပြီးမှ အကျိုးအကြောင်းရှင်းပြတောင်းပန်တော့ နောက်တစ်ကြိမ် သူပြောသောဓာတ်ခွဲခန်းတွင် ပြန်စစ်ရမည်ဟု ဆိုကာ ပြန်ရေးပေးလိုက်လေ၏။ ထို့ကြောင့် အဖေ့ခမြာ နှစ်ကြိမ်အသားအနာခံ သွေးဖောက်ခံခဲ့ရသည်။ ငွေလည်း နှစ်ဆကုန်လေသည်။ သို့သော် ထွက်လာသောအဖြေမှာ အားလုံးအတူတူပင် ဖြစ်လေ၏။
ထိုအကြောင်း ဆေးရုံတွင် သူငယ်ချင်းများကို ပြန်ပြောပြမိတော့မှ နားလည်ခဲ့ရသည်မှာ ဆရာဝန်ကြီးတို့နှင့် အချိတ်အဆက်ပြုလုပ်ထားသော ဓာတ်ခွဲခန်းများမှသာ သူတို့အတွက် ထိုက်သင့်သောကော်မရှင်ရမည်ဆိုသည်။ ပို၍ဆိုးသည့်သတင်းကား ထိုဆရာဝန်ကြီးမှာ သူလွှတ်သော ဓာတ်ခွဲခန်း၏ပိုင်ရှင်ဖြစ်နေသည်ဆိုခြင်းပင်။
(၅)
သည်နေ့တော့ အမျိုးတစ်ယောက် အရိုးခွဲစိတ်မှုပြုရသည်ဆို၍သူ့အိမ်သို့ သတင်းမေးသွားခဲ့သည်။ သူ ပုဂ္ဂလိကဆေးရုံတွင်တက်နေသော ဆယ်ရက်ခန့်အတွင်းတွင် ကျွန်မက ရှမ်းပြည်ဖက် ခရီးထွက်နေသောကြောင့် တစ်ခေါက်မှ ဆေးရုံသို့မရောက်ဖြစ်ခဲ့။ ကျွန်မ ခရီးမှ ပြန်လာချိန်တွင် သူက ဆေးရုံဆင်းနှင့်ပြီ။ ထို့ကြောင့် သူ့အိမ်သို့သာ သွားခဲ့ရတော့သည်။ ဖြစ်ကြောင်းရယ်ကုန်စင် ပြောကြဆိုကြမေးကြမြန်းကြရင်း ဆရာဝန်လာသည်ဆိုတော့ ထုံးစံအတိုင်း ရှိရှိသမျှ ဆေးများ၊ စစ်ဆေးချက်များ ထုတ်ကာ ပြသလေတော့သည်။ ဖတ်ခိုင်းလေတော့သည်။
သူ စိတ်ကျေနပ်စေရန် ဟိုဟိုသည်သည် လှန်လှောကြည့်ရှုရင်း တစ်နေရာတွင် ထူးဆန်းတာတစ်ခု တွေ့မိသွား၏။
“ဟင် ချူပ်ရိုးဖြည်တာ ခွဲခန်းထဲမှာလား။ ဘာဖြစ်လို့လဲ။ ခွဲခန်းထဲမှာ ဘာတွေလုပ်ပေးလို့လဲ”
ကျွန်မက မေးမိတော့ လူနာဖြစ်သူက ပြောချင်လျက် လက်တို့ဖြစ်သွားသည်။
“ဘာမှ အထွေအထူးမလုပ်ပေးပါဘူး။ ချူပ်ရိုးကို ကတ်ကျေးကိုက်ရုံပါပဲ။ ဘာလို့ ခွဲခန်းထဲမှာ ချူပ်ရိုးဖြည်တယ်ဆိုတာ အစ်ကိုလဲ သိချင်နေတာ။ ချူပ်ရိုးကလဲ ကောင်းလျက်သားနဲ့လို့။ ပြဿနာများရှိလို့လားလို့ တာဝန်ကျသူနာပြုကို မေးတော့ ဆရာကြီးက ဒီလိုပဲ ဖြည်တယ်တဲ့”
“အဲ့ဒီတော့ ဘယ်လောက်ကုန်သွားလဲ”
ကျွန်မက ပွင့်ပွင့်လင်းလင်းမေးတော့ သူက မပွင့်တပွင့်ပြုံးပြရင်း ပြန်ဖြေသည်။ သူ့အပြုံးကို ဓာတ်ခွဲကြည့်ရလျှင် မချိပြုံးဟု အမည်တပ်ရမည်ထင်ပါသည်။
“ဆရာကြီးချူပ်ရိုးဖြည်တာက နှစ်သောင်းပဲ ကျပါတယ်။ ဒါပေမယ့် ဆေးရုံက ခွဲခန်းနဲ့လူတွေ ပစ္စည်းတွေ သုံးခက ရှစ်သောင်းကျတယ်”
အလိုလေး…ဘုရားရေ။ ထင်ထားသည်ထက် အဆပေါင်းများစွာ ပိုသာသော ကုန်ငွေကြောင့် ကျွန်မအံ့သြသွားခဲ့သည်။ သည်လောက်ချူပ်ရိုးက လူနာအခန်းထဲတွင်ပင် ဗန်းပြင်ခိုင်းပြီး ဖြည်ပေးလို့ရသည်ပဲ။ ဘာကြောင့်များ ပုံကြီးချဲ့နေခဲ့ပါလိမ့်။ သူရနိုင်မည့် အခကြေးငွေနှစ်သောင်းနှင့်တကွ ဆေးရုံမှရမည့်ကော်မရှင်ကို စဉ်းစားမိဟန်တူသည်။ သူရသည်က သောင်းဂဏန်း၊ လူနာကုန်သွားသည်က သိန်းဂဏန်းဆိုသည်ကိုမူသတိပြုမိဟန်မတူပေ။ ဆေးရုံပိုင်ရှင်နှင့်အထူးကုတို့အကြား နားလည်မှုများအတွက် ခံစားရသူမှာ လူနာများသာဖြစ်လေတော့သည်။
(၆)
“ငါတော့ဖြင့် အဲ့ဒီ့နှလုံးသွေးကြောကျဉ်းရောဂါဆိုတာကြီး မုန်းလွန်းလို့ပါ သပြေရယ်”
တစ်ရပ်ကွက်တည်းနေ အမျိုးသမီးမိတ်ဆွေတစ်ဦး မိန်းမရောဂါဖြင့် ခွဲစိတ်ခံရသည်ဆိုတော့ လူနာသတင်းမေးရန် သူမတက်သည့်ပုဂ္ဂလိကဆေးရုံပေါ် ရောက်လာခဲ့သည်။ သူမက သားအိမ်ထုတ်ရန်ခွဲစိတ်ခံခဲ့ရသော်လည်း မူလကတည်းက ကုသမှုခံယူနေရသည့် နှလုံးသွေးကြောကျဉ်းရောဂါကလည်း ရှိနေသည်။ မခွဲခင် သေချာအောင် နှလုံး၏ခံနိုင်ရည်ကို စစ်ဆေးပြီး နှလုံးအထူးကုဆရာဝန်ကြီးမှ ခွင့်ပြု၍သာ ခွဲစိတ်ခွင့်ရခဲ့ခြင်းဖြစ်လေသည်။ သာမာန်လူတစ်ယောက် ခွဲစိတ်ခြင်းထက် ပိုအလုပ်ရှုပ် ပိုအချိန်ကြန့်ကြာ ပိုစိတ်ပူခဲ့ရခြင်းကို နားလည်မိသည့်အလျောက် ကျွန်မက သူ့ကို နှစ်သိမ့်လိုက်ရသည်။
“အခုခွဲပြီးသွားပြီပဲမမရယ်။ နှလုံးလဲ အိုကေနေတာပဲ မဟုတ်လား။ ဘာတွေ စိတ်ညစ်နေရပြန်တာလဲ”
“ငါ စိတ်ညစ်ရတဲ့အကြောင်းရင်း ညည်းမသိသေးလို့ပါအေ။ သိရင် ရယ်ဦးမှာ”
သူမပြောကာမှ ကျွန်မ ပိုစိတ်ဝင်စားသွားတော့သည်။
“ပြောပါဦးမမရဲ့။ ဘယ်လောက်ရယ်ရလို့လဲ။ ကျွန်မက တော်ရုံတန်ရုံလောက်တော့ မရယ်တတ်ဘူးနော်”
“ဘာဖြစ်မလဲ သပြေရဲ့။ ဟိုနှလုံးအထူးကုဆရာဝန်ကြီးဟာလေ”
“အင်းလေ။ ပြောပါဦး။ သူက ဘာဖြစ်လို့လဲ။ အရင်ကလဲ မမ ပြနေကျဆရာကြီးပဲ မဟုတ်လား”
“အေးလေ။ ပြတော့ ပြနေကျပါပဲ။ ခက်တာက သူက လုံးဝမမှတ်မိဘူး”
“သြော်မမရယ်။ သူတို့က တစ်နေ့ တစ်နေ့ လူနာအများကြီး ကြည့်နေတာ။ ဘယ်မှတ်မိပါ့မလဲ”
“မမှတ်မိဘူးဆိုတာ အဲ့ဒါပြောတာ မဟုတ်ဘူးအေ့။ အစ်မကို ခွဲပေးတဲ့ အိုဂျီက နေ့တိုင်း လာကြည့်ချင်မှ ကြည့်တာ။ ပြဿနာရှိရင် ဆေးရုံက ဖုန်းဆက်မှာ ဆိုတော့ သူက အမြဲမလာဘူး။ ခွဲရမယ့် လူနာကလဲ များတာကိုး။ ဒါပေမယ့် အဲ့ဒီ့ဆရာကြီးကတော့ အချိန်မှန်ပဲ ညနေစောင်းရင် ပေါ်လာတော့တာပဲ”
“အင်းလေ။ မှန်မှန်လာကြည့်တော့ ကောင်းတာပေါ့။ မမနှလုံးက ပြဿနာလေး နည်းနည်းရှိတော့ သူ လာကြည့်တာ ကောင်းတာပဲလေ”
“အစ်မ ပြောတာ အဲ့ဒါပေါ့။ သူက လာသာလာတယ်။ အစ်မ ဘာနှလုံးရောဂါရှိတာလဲ။ ဘာခွဲထားတာလဲ။ ဘယ်နှစ်ရက်မြောက်လဲ။ သူ လုံးဝ စိတ်မဝင်စားဘူး။ တာဝန်ကျ ဆရာဝန်လေးတွေက အတင်းလိုက်ပြောပြတာတောင် သူက လက်ကာပြီး ပြဿနာမရှိရင် မပြောနဲ့တော့တဲ့။ ဒါက နေ့တိုင်း ဒီလိုဖြစ်နေတာနော်။ နောက်နေ့တွေလည်း သူ မမှတ်မိဘူး။ စိတ်မဝင်စားဘူး။ ခုတင်ဘေးရပ်ကြည့်ပြီး ပြန်ထွက်သွားလိုက် တခါတလေ နားကျပ်နဲ့ ရင်ဘတ်ကို ထောက်တယ်ဆိုရုံလေးထောက်လိုက်နဲ့ ပြန်ပြန်သွားတာ။ အစ်မက တွေးတယ်။ ဒါဆိုလဲဘာလို့ နေ့တိုင်း လာသေးလဲလို့။ အဲ့ဒါနဲ့ မနေ့ကတော့ အစ်မလဲ ချောင်းနည်းနည်းဆိုးလာတုန်း သူလာတော့ ချောင်းတော့ဆိုးနေတယ်ဆရာကြီး။ ချောင်းဆိုးရင် ခွဲတဲ့နေရာက နာတယ်ပေါ့ ပြောပြလိုက်တယ်။ အဲ့ဒီတော့ သူက ဘာပြန်ပြောတယ်မှတ်လဲ။ အိုဂျီကို ပြောပါတဲ့။ သူနဲ့မဆိုင်ဘူးတဲ့”
“အဲ့ဒီတော့…” ကျွန်မက သူမ ဆက်ပြောဖို့ ထောက်ပေးလိုက်သည်။
“အိုဂျီက ညဖက်လာတော့ ဆေးပေးသွားပါတယ်။ ဒါပေမယ့် အစ်မ မရှင်းတာက အဲ့ဒီ့ဆရာကြီး မှန်မှန်လာကြည့်ရတဲ့ ရည်ရွယ်ချက်ပါ။ လူနာအကြောင်းတောင် နားမထောင်ချင်ပဲ ပြဿနာမရှိရင် ပြီးရောဆိုရင် ပြဿနာရှိမှ သူ့ကို လှမ်းအကြောင်းကြားခိုင်းလဲ ရတာပဲ မဟုတ်လား။ သူ ခုတင်ဘေးမှာ တစ်ခါရပ်ရင် အစ်မက အရည်မရအဖတ်မရ ငွေတစ်သောင်းထွက်နေတာလေ။ အစ်မလေ သူ ခုတင်ဘေးမှာရပ်လိုက်တိုင်း ရင်ဘတ်ထဲ အောင့်ကနဲ အောင့်ကနဲ တမျိုးကြီးပဲ။ အရင်က ဘာမှ ဆိုးဆိုးရွားရွားမဖြစ်တဲ့နှလုံး နေ့တိုင်း နှလုံးဆရာဝန်ကြီး တွေ့နေရတော့မှပဲ အခြေအနေဆိုးလာတော့မယ် ထင်ပါရဲ့”
သူမက နောက်ဆုံးစကားကို ကျွန်မရယ်ဖို့ တမင် ဟာသပြောသည်ထင်သည်။ သို့သော် သူမ စကားသာဆုံးသွားသည်။ ကျွန်မမှာ ရယ်ဖို့ ဝေးစွ။ နှုတ်ခမ်းတွန့်ရုံပင် ပြုံး၍ မရခဲ့ပါ။ ရင်ထဲမှာ အမျိုးအမည်မသိသော ဝေဒနာက ဖိစီးကျန်ရစ်သည်။ မကုမဖြစ်လို့ ပုဂ္ဂလိကဆေးရုံတက် ဆေးကုသမှုခံယူနေရသော်လည်း အချိန်နှင့်အမျှ ကုန်ကျစားရိတ်ကို တွက်ချက်နေရသော လူလတ်တန်းစား လူနာတို့၏ဘဝကို အမှန်ပင် စာနာသနားမိပါသည်။ တခါတရံမှာ တချို့လူတွေအတွက် မဖြစ်စလောက်ဟု ထင်သောဝင်ငွေသည် တချို့လူတွေအတွက်တော့ ဖြစ်လောက်နေသည့် ထွက်ငွေပင် မဟုတ်ပါလား။
(၇)
အချို့သော သစ်သီးများသည် မှည့်၏။ ဝင်း၏။ ချို၏။ အလွယ်တကူ ရယူနိုင်၏။ သို့သော် သူတပါး၏ မျက်ရည်ဖြင့် စိုက်ပျိုးထားသော သစ်သီးများဖြစ်လေ၏။ မစားကောင်းသော သစ်သီးကို ကိုယ်ချင်းစာတရားဖြင့်သာ ရှောင်ရှားရာ၏။ ။
(မေသနပ်ခါး)
Comments