နိုလှိုင်း ● ငါ့မြို့ကိုပြန်​ကြည့်​ပြီး​တော့ မြို့အုတ်​ရိုးထဲ ကဗျာဓာတ်​ထည့်​ကြည့်​

နိုလှိုင်း ● ငါ့မြို့ကိုပြန်​ကြည့်​ပြီး​တော့ မြို့အုတ်​ရိုးထဲ ကဗျာဓာတ်​ထည့်​ကြည့်​
(မိုးမခ) အောက်တိုဘာ ၁၁၊ ၂၀၁၈

၁။
လွမ်း​ဆွေးလိုမှုဟာ ကိုက်​ခဲ​နေတဲ့​ဝေဒနာ မြုံ​နေတဲ့ အနာကို ပြန်​ဆွမ်ိခဲ့သလိုပါပဲလို့ ကျ​နော်​​ပြောလိုက်​မိတယ်​။ နှုတ်​က​​နေလည်း စကားလုံး​တွေအဖြစ်​ လွှတ်​ခနဲ ခုန်​​ပေါက်​ထွက်​ကျသွားခဲ့တာ​ပေါ့။ စကားကို တစ်​လုံးချင်း​ရွေး​ပြော​နေရတဲ့ လူမမာတစ်​​ယောက်​လို မဟုတ်​ဘူး။ အာ​ပေါင်​အာရင်းသန်​သန်​နဲ့ ​ဟော​ပြော​နေတဲ့ တရား​ဟောဆရာလိုလည်းမဟုတ်​ပဲ ရ​နေ​ရောက်​​နေတဲ့ ခံစားချက်​ကိုလိုက်​ပြီး သူ့အလိုလိုထွက်​ကျလာတဲ့ ဝါကျ​တွေ။ ပါဒတစ်​​ကြောင်းချင်းချိတ်​ဆက်​သွယ်​တန်းထားသလို စာပိုဒ်​ထဲကထွက်​ကျလာတဲ့ တကယ့်​အဖြစ်​အပျက်​​တွေ။ အဲဒီကဗျာထဲက​ပြော​နေတဲ့ အ​ကြောင်း​တွေကို ကျ​နော်​ စိတ်​ထဲက လိုက်​လံဖမ်းဆုပ်​ကြည့်​မိတာ။ မြင်​ကွင်းဟာ လက်​ရှိဘဝထဲ​ရောက်​လာလိုက်​ အတိတ်​ထဲမှုန်​ဝါးသွားလိုက်​နဲ့ တပြိုင်​နက်​တည်းမှာကို ဖြစ်​​ပေါ်​နေတယ်​။

ငါ့မြို့နဲ့ ရှစ်​ဆယ့်​ရှစ်​တဲ့။ ကဗျာဆရာ နရီမင်းရဲ့ ကဗျာရှည်​နှစ်​ပုဒ်​ဟာ စာအုပ်​အဖြစ်​တွဲလျက်​ ထွက်​ရှိလာပါတယ်​။ ကဗျာ​ရှည်​​တွေမို့လည်း ဒီ​နေရာမှာ တစ်​ပုဒ်​ချင်းသွားတာ ပိုအဆင်​​ပြေမယ်​ထင်​ပါတယ်​။ အဲဒါဆို ကျ​နော်​စဉ်းစား​နေမိတယ်​။ အလွမ်းဓာတ်​ဆိုတာမျိုးဟာ ဘယ်​အချိန်​မှာမဆို ​ပေါ်လာတတ်​တာပဲလားလို့​ပေါ့။ အလွမ်းဟာ အရိပ်​လိုပဲ ခန္ဓာကိုယ်​က​နေ ဖျတ်​ခနဲထွက်​ကျလာတာမျိုးလား။ ကျ​နော်​ တကယ်​မသိပါဘူး။ တစ်​ခုခုကို ထိ​တွေ့ကိုင်​တွယ်​​နေရင်းပဲဖြစ်​ဖြစ်​ တစ်​​နေရာရာကို​ငေး​မော​နေရင်းပဲဖြစ်​ဖြစ်​ အဲဒီအလွမ်းစိတ်​ဆိုတာ ​ပေါ်လာတတ်​တယ်​လို့​တော့ ထင်​မိပါတယ်​။ အလွမ်းဓာတ်​ဟာ မူးယစ်​​စေတဲ့အရာ ထိရှတဲ့ခံစားချက်​မျိုး​ပေါ့။ စိတ်​ဆိုတာကလည်း တစ်​​နေရာက​နေ အခြားဘယ်​​နေရာကိုမဆို ဖျတ်​ခနဲကူးလူး ​ရောက်​ရှိ​နေတတ်​တာပဲ​ပေါ့။

ကျွန်တော့်ရဲ့ လူအဖြစ်ကို
ခုလို ​ရေးခြစ်​ခဲ့ပါတယ်။
ပျော်​စရာမကောင်းခဲ့ပါဘူး၊
ကြေကွဲဆို့နင့်ဖွယ်ပါ။
အများကြီး ပေးခဲ့ပေမဲ့
ဘာမှ ဟုတ္တိပတ္တိ ပြန်မရဘဲ
ကမ္ဘာ​မြေကနေ ထွက်ခွာသွားရသူတွေအတွက် ဆိုပါတော့။

အဲဒီစ​တေးတပ်​ဟာ ကဗျာစာအုပ်​ထွက်​ပြီးမကြာခင်​ အွန်​လိုင်း​ပေါ် တက်​လာခဲ့တယ်​။ ကျ​နော်​ အစက​နေပြန်​​ပြောကြည့်​ပါမယ်​။ လွန်​ခဲ့တဲ့ ​လေးငါး​ခြောက်​လ​လောက်​တုန်းက ကဗျာတစ်​ပုဒ်​အ​ကြောင်းကို ပြန်​​ကောက်​​နေသလို ကျ​နော်​ ကြိုးစားပြီးပြန်​​ပြောကြည့်​မယ်​။ အဲဒီတုန်းက ကျ​နော်​ကိုယ်​တိုင်​ ကဗျာတစ်​ပုဒ်​ကို အွန်​လိုင်း​ပေါ်မှာ ပူပူ​နွေး​နွေးဖတ်​​နေရတဲ့အချိန်​​ပေါ့။ တစ်​ပိုင်းစီခွဲတင်​​နေတဲ့ ကဗျာတစ်​ပုဒ်​ကို အချိန်​ပိုင်းအတွင်းမှာပဲ ကျ​နော်​ဆက်​တိုက်​ကြီးကို လိုက်​လံဖတ်​မိ​နေခဲ့တယ်​။ ဒီလို နည်းပညာ​ခေတ်​ အသံထက်​မြန်​တဲ့​ဒစ်​ဂျစ်​တယ်​​ခေတ်​ထဲ အချိန်​နဲ့အမျှမြန်​ဆန်​တဲ့​အ​ပြောင်းအလဲ​တွေကြားမှာ ကဗျာကိုလတ်​ဆတ်​စွာမြင်​ရနိုင်​တဲ့ ကြားခံမီဒီယံတစ်​ခု​ပေါ် ကျ​နော်​​ရောက်​နေခဲ့တာ​ပဲ မဟုတ်​လား။

၂။
မင်းကို ​မွေးခဲ့တဲ့​နေရာ
မင်းပြန်​မလာ​တော့ဘူးလားလို့
လှမ်းလှမ်း​ပြော​နေတဲ့ သူသယ်​ချင်း​တွေအတွက်​
ဆယ်​လ်​မွန်​သီချက်းကိုညည်းရင်း
ငါ့မြို့ကိုငါ ပြန်​လာခဲ့တယ်​။
.........(နရီမင်းရဲ့ ငါ့မြို့ကဗျာမှ..)

အဲဒီလို အစနဲ့ ကဗျာဆရာဟာ ကဗျာကို​ရေးပြီးပြီးချင်း မိနစ်​ပိုင်းအကြာမှာပဲ အွန်​လိုင်း​ပေါ် တင်​ခဲ့တယ်​။ ချက်​ချင်းပဲ ကျ​နော့်​မျက်​စိ​ရှေ့ကို ကဗျာစာသား​တွေ​အဖြစ်​ ရောက်​လာခဲ့ပါတယ်​​။ အဲဒါ လွန်​ခဲ့တဲ့ လအနည်းငယ်​ဆီ​လောက်​က​ပေါ့​လေ။ စိတ်​ထဲမှာလည်း အ​ရောင်​လွင့်​ပြယ်​ ဓာတ်​ပုံစာအုပ်​​ဟောင်းကို ပြန်​ကြည့်​​နေရသလိုပဲ အဖြစ်​အပျက်​​တွေက​တော့ မှတ်​ဉာဏ်​မှာ အစဉ်​မပြတ်​ ​ပေါ်လာခဲ့​တယ်​။ ဟိုးအတိတ်​က ​နေရာ​ဒေသတစ်​ခု အဖြစ်​အပျက်​​ဟောင်း​တွေဆီ ပြန်​​ရောက်​သွား ပြန်​လွမ်း​နေမိတယ်​။ အဲဒါ ကျ​နော်​ ကဗျာတစ်​ပုဒ်​ကို ဖတ်​​နေတဲ့အချိန်​မှ ဟုတ်​ရဲ့လား။ တယ်​လီဖုန်းမျက်​နှာပြင်​ကို စိုက်​ကြည့်​ရင်း စာ​ကြောင်း​တွေကို တစ်​​ကြောင်းချင်း တစ်​ပိုဒ်​ချင်း လှန်​​လှောဖတ်​​နေမိတာမှ ဟုတ်​လို့လား​ပေါ့။ အလွမ်းဟာ လက်​ကိုင်​ဖုန်းထဲကထွက်​လာပြီး ကျ​နော့်​ကိုယ်​ထဲ ဝင်​လာခဲ့​ပါတော့တယ်​။ အဲဒါပါပဲ။ အခုလည်း ဒီကဗျာကို စတင်​ဖတ်​ရှုခဲ့ရတဲ့အချိန်​အပိုင်းအခြားတစ်​ခုထဲက ကျ​နော်​ရရှိဖူးတဲ့ ခံစားချက်​ကို ပြန်​​ရေးကြည့်​​နေတာ​ပေါ့။

ငါ့မြို့ဟာ
ငါစပြီး ဝင်​လာကတည်းကိုက
တစ်​စုံတစ်​ရာမှားယွင်း​နေတယ်​လို့
ခံစားရတယ်​။
တောက်​​တောက်​​ပြောင်​​ပြောင်​ အ​ဆောက်​အအုံသစ်​​တွေ
အစီအစဉ်​မကျ ပြွတ်​သိပ်​​နေလို့လည်း
ဖြစ်​နိုင်​ပါတယ်​။
......... (နရီမင်းရဲ့ ငါ့မြို့ကဗျာမှ..)

ဒီကဗျာစာအုပ်​ထွက်​တုန်းက ကျ​နော်​​ပြောခဲ့တဲ့ စ​တေးတပ်​တစ်​ခုထဲမှာလိုပဲ။ ငါ့မြို့ကဗျာထဲက ဇာတ်​​ကြောင်း​ပြော အဖြစ်​အပျက်​​တွေ အတိတ်​ထဲ ဓားနဲ့လိုက်​ထစ်​​နေသလို ပင်​စည်​က​နေဖွာကျ​နေတဲ့သစ်​စ​တွေ၊ လွတ်​ကျသွားတဲ့ဖန်​ခွက်​ကိုတစ်​စစီပြန်​​ကောက်​ဆက်​​နေသလို နမိတ်​ပုံ​တွေ။ ကျ​နော်​တို့ကိုယ်​တိုင်​ အဲဒီ​သွေ့​ခြောက်​​နေမှုမှာ အသားမကျ ကိုယ့်​ကိုယ်​ကိုယ်​ ပြန်​မြင်​​နေရတယ်​လို့​ ကျ​နော်​​​ရေးခဲ့​မိပါ​သေးတယ်​။

ဘုရားကို သွားတဲ့လမ်းဟာ
ဘုရားလမ်း​ပေါ့
ငါငယ်​တုန်းက
ဘုရားလမ်းက ညဖက်​ဆို လူပြတ်​တယ်​
လုတာယက်​တာ​တွေ ရှိတယ်​
လမ်းသရဲ​တွေ ညည
ဘုရားလမ်းမှာ ချိန်းချိန်းပြီး
တစ်​အုပ်​နဲ့တစ်​အုပ်​ ရိုက်​ကြသတဲ့
အဲဒီ​ခေတ်​က
စိုင်းထီးဆိုင်​ရဲ့ ပလက်​​ဖောင်းမင်းသားသီချင်းထဲကလို
ဘရားသားကြီး ​ဇေပါတယ်​​ခေတ်​​ပေါ့
......... (နရီမင်းရဲ့ ငါ့မြို့ကဗျာမှ..)

၃။
ခေတ်​​တွေ။ ​အဲဒီခေတ်​​ထဲ တစ်​ဦးချင်းဖြတ်​သန်းလာခဲ့ကြတဲ့ ​အဖြစ်​​တွေ။ ကဗျာဟာ ​ခေတ်​ရဲ့ပါးကို တဖြန်းဖြန်းရိုက်​ပြီး ဆက်​​ပြော​နေတယ်​။ အဲဒီလို ငါ့မြို့ကဗျာရှည်​ကို အွန်​လိုင်း​ပေါ် လွတ်​လပ်​လှိုင်းစာမျက်​နှာ​ပေါ်တစ်​ပိုင်းစီဖတ်​ခဲ့ရစဉ်​တ​လျှောက်​လုံးမှာလည်း ကဗျာဓာတ်​ဟာ ကျ​နော့်​ကို ​နှောက်​ယှက်​​နေခဲ့တာပဲ။ အ​ကြောင်းအရာတစ်​ခုကို​ပြော​တော့မယ်​ ​ရေး​တော့မယ်​ဆိုရင်​ ငါ့မြိုထဲ ကဗျာစာသား​တွေက ခုန်​ထလာတယ်​။ ​နောက်​ဆုံး ဘယ်​လိုမှရုန်းမရ ကိုယ်​တိုင်​လည်း ဇာတိအလွမ်းကိုပြန်​ရ အတိတ်​ကိုပြန်​တူးဆွမိတဲ့စာ​တွေ ​ရေးဖြစ်​သွားခဲ့​သေးတယ်​။ ထားပါ။ အခု ငါ့မြို့ကဗျာအ​ကြောင်း​​ပြောချင်​လာ​တော့ အဲဒီကိုယ်​​ရေးခဲ့တဲ့ စာ​တွေအ​ကြောင်း ​ခေါင်းထဲ​ရောက်​လာခဲ့တယ်​​ပေါ့။ ကျ​နော့်​မှာ ​ငါ့မြို့နဲ့ပတ်​သက်​ပြီးပြောစရာစကား​တွေအားလုံး စာ​ထဲ​ရောက်​သွားပြီးခဲ့ပြီလိုလို အဆမတန်​ထပ်​ပွားလာသလိုလည်း ဖြစ်​​နေမိပြန်​တယ်​။ အခုလည်း စာရွက်​သား​တွေဟာ တဖျပ်​ဖျပ်​ခတ်​​နေသလိုမျိုး အတိတ်​မြို့တစ်​မြို့ထဲ ဝင်​​ရောက်​ခဲ့ပြန်​တာ​ပါပဲ။ အ​ကြောက်​တရား​တွေဖုံးထားတဲ့ ​ခေတ်​ကြီးထဲက မြို့တစ်​မြို့​ဆီကိုပေါ့။

အဲဒီဆိုင်းဘုတ်​​နေရာမှာပါပဲ
ငါသူ့လို ကိုးတန်း​ကျောင်းသားအရွယ်​က
တင်​ပါးကြီးကြီး ​ရေကူးဝတ်​စုံနဲ့
မှောက်​ခုံကြီးလုပ်​​နေတဲ့
ခင်​သီတာထွန်းပုံနဲ့
ရုပ်​ရှင်​ပိုစတာကြီးကို

ကားကြီး ရုတ်​တရက်​ ဘရိတ်​အုပ်​တဲ့အခါ
ကယားဝတ်​စုံနဲ့ ​ကောင်​မ​လေးက
ရှေ့ငိုက်​လာပြီး
သူ့ရင်​ဘတ်​ ငါ့​ကျောကိုလာထိလို့
ငါ့ပခုံးလာကိုင်​တဲ့အခါ
အ​ဟေး ​ပျော်​​တော့​ပျော်​စရာ​ပေါ့​လေ

လူငယ်​ဘဝရဲ့ အ​စောဆုံးရက်​​တွေ၊ အဲဒီ​ခေတ်​ဆိုးကြီးထဲ အသက်​ရှင်​​နေထိုင်​ခဲ့ပုံ​တွေ။ ​နောက်​ပြီး တစ်​စစီပြန်​ကျဲ​နေတဲ့ ငယ်​ဘဝအစအန​တွေကို ပြန်​​ကောက်​ဆက်​လို့ ရုပ်​ရှင်​တစ်​ကားကို ရိုက်​ပြ​နေသလို။ ရုပ်​ရှင်​ထဲမှာ လွမ်း​မောဖွယ်​တည်​​နေရာများ တကယ့်​အဖြစ်​အပျက်​များ​ရောပြွန်း​နေတာ။ အစပိုင်းမှာမြင်​ရတာက​တော့ ကဗျာဆရာရဲ့ ငယ်​ဘဝ​နောက်​ခံမြင်​ကွင်း​တွေချည်းပါပဲ​။ ငယ်​ဘဝအ​ကြောင်းအရာ​တွေနဲ့ အတူ လွင့်​​မျောလာတဲ့ ​ခေတ်​​နောက်​ခံကားချပ်​ဟာ တိမ်​​တွေလိုလွင့်​​နေခဲ့တယ်​။ တ​ဖြေး​ဖြေး တစစ စု​ပေါင်းရာက​နေ ရွာချလာခဲ့တယ်​။ အနာ​ဖေးမှာ ပြန်​စို့​နေတဲ့ ​သွေးစလို မြင်​ကွင်း​တွေလည်း ပါလာခဲ့တာပဲ​ပေါ့။ ဘာမှမတတ်​နိုင်​ပါဘူး။

သုံးလပတ်​​ စာ​မေးပွဲဖြေ​တော့
သူကငါ့နားမှာ
ငါ​ရေးပြီးသမျှသူ့ကိုပြတယ်​
ရီပို့ကတ်​ထွက်​လာ​တော့
အတန်းထဲမှာ သူက ၁ချိတ်​ပြီး
ငါက ၂ပဲချိတ်​တယ်​

အဲဒီသူငယ်​ချင်းက
အခုမြို့မှာဘလူမိုက်​​ခေါင်း​ဆောင်​တဲ့​လေ
......... (နရီမင်းရဲ့ ငါ့မြို့ကဗျာမှ..)

ခေတ်​ကြီးတစ်​​ခေတ်​လုံး လွဲခဲ့သမျှ​တွေဟာ ကိုယ်​တိုင်​ ​နောက်​ပြန်​ကြီး ပြန်​စီးသွားသလိုလို ကဗျာထဲမှာ အတိတ်​အ​ကြောင်း​တွေဟာ တစ်​ကွက်​စီ ထင်​ရှားလာတယ်​။ ကဗျာဟာ အတိတ်​ထဲသွား​နေရုံတင်​မဟုတ်​ဘူး။ လက်​ရှိဘဝကိုလည်း မွန်းကျပ်​မှု အ​စေးမကပ်​မှု​တွေနဲ့ လှမ်းလှမ်း​ထောက်​ထားရဲ့။ ကဗျာ​ဆရာရဲ့ မြို့ဆီ ပြန်​​ရောက်​သွားရာက​နေ ဆွဲထုတ်​လိုက်​တဲ့အစဟာ ဖတ်​သူကို ဖတ်​လို့မဆုံး​​စေတော့ဘူး။ ကဗျာထဲ ကဗျာဆရာ​ပြောတဲ့မြို့ကိုလည်း မြင်​​နေရတယ်​။ ကဗျာဝိဥာဉ်​ရဲ့ လှုပ်​နေတဲ့ အသက်​ဓာတ်​​ကိုလည်း ​မြင်​အောင်​လိုက်​ကြည့်​​နေမိ​တော့တယ်​။ ပြီး​တော့ အတိတ်​မြို့တစ်​မြို့ထဲ ကိုယ်​တိုင်​ပြန်​​ရောက်​သွားသလို ​ခေတ်​ကိုတစ်​လွှာချင်းလွှာချလိုက်​သလို တစ်​ခန်းပြီးတစ်​ခန်း တစ်​​ကြောင်းပြီးတစ်​​ကြောင်း ​ဇာတ်​​ကြောင်း​ပြောပုံစံနဲ့ ​ပြန်​ပြောပြသွားခဲ့တယ်​။ ကျ​နော်​ကိုယ်​တိုင်​ ကဗျာနောက်​ ဒလိမ့်​​ကောင့်​​ကွေး ​ဖြေး​ဖြေးညင်​သာ ပုံစံအစုံနဲ့ တ​လျောက်​လုံး တ​ကောက်​​ကောက်​လိုက်​​ပါ​နေခဲ့မိပြန်​တာ​ပဲ​ပေါ့။ ကဗျာဟာ မြို့တစ်​မြို့အ​ကြောင်းကိုရင်းရင်းနှီးနှီး ပခုံးဖတ်​​ပြောပြ​နေတဲ့မိတ်​​ဆွေတစ်​​ယောက်​ကို ​တွေ့လိုက်​ရသလိုပဲ။ ကျ​နော့်ကို အတိတ်​ထဲပြန်​​ခေါ်သွား အတိတ်​မြို့ဆီ ကိုယ်​ပါလိုက်​မျောပါသွားခဲ့မိတာ​ပါပဲ။

၎။
တစ်​ခါက ငါ
အဲဒီ​ဈေးကြီးထဲ ​ခေါက်​တုံ့​ခေါက်​ပြန်​ သွားရင်း
ပိုက်​ဆံတစ်​ကျပ်​​လောက်​ ​ကောက်​ရမလား
စိတ်​ကူးယဉ်​ခဲ့ဖူးတယ်​။

ကြားရတဲ့သတင်းက ရိုးစင်းလွန်းရင်​
ငါတို့ ဇာတ်​လမ်း​တွေ ထွင်​​ပြောကြတယ်​
......... (နရီမင်းရဲ့ ငါ့မြို့ကဗျာမှ..)

ကျ​နော်​တို့ဟာ မုဆိုးလက်​ထဲက ​သေ​နေတဲ့ သား​ကောင်​​တွေလား။ ကျ​နော်​တို့တစ်​​ခေတ်​လုံးဟာ ပိုက်​ကွန်​ထဲတပြုံကြီးအမိခံ​နေတဲ့ ငါး​တွေလိုလား။ ကျ​နော်​တို့ဟာ ကိုယ့်​ရဲ့လူ့အဖြစ်​ ဖြစ်​ရှိမှုကို​တောင်​မှ အမြဲလိုက်​ဖမ်း​နေကြရတတ်​ပါတယ်​။ ငါ့မြို့ဟာ အက်​​ဆေးတစ်​ပုဒ်​မဟုတ်​ဘူး။ ​နောက်​ပြီးပုံပြင်​တစ်​ပုဒ်​လည်း မဟုတ်​ပြန်​ဘူး။ တစ်​​ခေတ်​လုံးကို လိုက်​မွှန်း​နေတဲ့ ဓားတစ်​လက်​ကို ကဗျာအဖြစ်​မြင်​​နေရတာပါ။ ဒါကဗျာတစ်​ပုဒ်​ဆိုတာက​တော့ ​သေချာ​နေခဲ့ပါတယ်​။ အဲဒါကိုပဲ အနှစ်​နှစ်​အလလ​ပျောက်​ရှခဲ့တဲ့ပစ္စည်းတစ်​ခု ပြန်​​တွေ့​နေရသလို ကျ​နော်​ဖတ်​​နေမိတာ။ ကျ​နော်​​ပြောချင်​တာ ဝမ်းသာအားရဆိုတဲ့ စကားလုံး နဲ့အတူ ​နာကျင်​​ကြေကွဲရဆိုတဲ့ စကားလုံးမျိုး​ပေါ့။ နာကျင်​စရာကိုမှ အရသာရှိ​နေမိတယ်​။ ဒဏ်​ရာကစို့​နေတဲ့​သွေးကို လျက်​ပြီး အရသာခံ​နေမိတယ်​။ ဒီကဗျာ​တွေကို ဇာတိအလွမ်းနဲ့ ဗျာဒိအရမ်းဆိုပြီး ဆရာမိုးဧ​အောင်​က ​စာအုပ်​ရဲ့​နောက်​ပိုင်းမှာ​ရေးထားပါတယ်​။

ငါဟာ
ဘုရားကိုမျက်​နှာမူပြီး
ဘုရားရှိရာကို​ပြေးတယ်​
ဘုရားကို ​ကျောခိုင်းပြီး
ဘုရားနဲ့​ဝေးရာကိုလည်း ​ပြေးခဲ့တယ်​။

လူ​တော်​​တော်​များများက
ဗုဒ္ဓဘာသာဆိုတာ
ကံ ကံ၏အကျိုးကို ယုံကြည်​တာရယ်​လို့
မသိကြဘူး
များများဆု​တောင်းကြရင်း
အ​ကြောက်​တရားဆီက​နေ
ဝေး​ဝေးကို​ပြေးဖို့ပဲ ​တွေးတယ်​ထင်​ပ
......... (နရီမင်းရဲ့ ငါ့မြို့ကဗျာမှ..)

ငါ့မြို့ထဲက ​နေရာ​တော်​​တော်​များများကို​တော့ မြို့သားတစ်​​ယောက်​အ​နေနဲ့မှသာ ပိုသိ​တော့မှာပါပဲ။ ဒါ​ပေမယ့်​ လူ​တွေရဲ့အကျင့်​စရိုက်​​တွေ အဲဒီ​ခေတ်​ရဲ့ရုပ်​ပုံကားချပ်​​တွေက​တော့ ဘယ်​​နေရာ​ရောက်​​ရောက်​ အတူတူပဲ ရှိ​နေကြမယ်​ထင်​ပါတယ်​။ အဲဒီ​ခေတ်​ကိုဖြတ်​သန်းဖူးရင်​ အဲဒီအ​ကြောင်း​တွေ ပိုသိမှာ​ပေါ့ဆိုတဲ့အတိုင်း ကဗျာဟာ ​ခေတ်​ကိုပါဝင်​ဝင်​​ပြော​နေတာ။ အဲဒီ​ခေတ်​ကလူ​တွေအ​ကြောင်းကိုပါ တစ်​ထိုင်​တည်း ညည်းညူပြ​နေတာ။ ​ကဗျာဆရာ​ပြောသလိုပဲ ​ပျော်​စရာ​တော့ ​ကောင်းမှာမဟုတ်​ပါဘူး။ ​ပျော်​စရာဆိုတာထက်​စာရင်​လည်း နာကျင်​ဖွယ်​အမှတ်​တရများ လွမ်း​မောဖွယ်​အ​ကြောင်းအရာများသာ အစားထိုး​နေရာယူ​နေ​တော့မှာ​ပေါ့။ ကဗျာ​ထဲက မြို့ရဲ့အထင်​ကရ​နေရာ​တွေ အဲဒီ​နေရာ​တွေနဲ့ဆက်​စပ်​ပြီး လက်​​ရေးတိုနဲ့အမြန်​​ရေးမှတ်​ထားတဲ့ အမှတ်​ရချက်​​တွေ။ ​နောက်​ခံပုံရိပ်​​တွေ ​နောက်​ပြီး စိတ်​ထဲစွဲထင်​ကျန်​ရစ်​​နေ​သေးတဲ့ အတိတ်​ရဲ့ စကားလုံးမြင်​ကွင်း​တွေ။ အဲဒီလို ရင်​ခုန်​လှိုက်​​မောမှု​တွေနဲ့အတူ ကဗျာကို ဆက်​တိုက်​ကြီး ​ပြောပြသွားဖို့ဆိုတာ ထင်​သ​လောက်​မလွယ်​ကူတတ်​ပါဘူး။

ဘုရားပွဲပြီးရင်​
လယ်​ကွင်း​တွေရဲ့တစ်​ဖက်​ခြမ်း
တိုက်​တန်းလျားမှာ​နေတဲ့
ငါ့သူငယ်​ချင်းတစ်​​ယောက်​က​တော့
အဲဒီဘက်​က ​လေလာရင်​
ချီး​စော်​​သေး​စော်​ကို နံ​ဟောင်​​နေတာပဲတဲ့
......... (နရီမင်းရဲ့ ငါ့မြို့ကဗျာမှ..)

၅။
ငါ့မြို့ကဗျာထဲမှာ ငယ်​ဘဝ အပိုင်းအစ​တွေကို အ​ရောင်​စုံ​အောင်​မြင်​​နေရတယ်​။ မြို့ရဲ့အထင်​ကရ​နေရာ​တွေထဲက ​ခေတ်​ရဲ့နိမိတ်​ပုံ​တွေလှုပ်​ခတ်​​နေတယ်​။ တစ်​ချိန်​တုန်းက အမှတ်​မထင်​အ​ကြောင်း​တွေဟာ စွဲစွဲထင်​ထင်​ မှတ်​ဥာဏ်​မှာ​ပေါ်​နေခဲ့ပါတယ်​။ တစ်​ချိူ့လူ​တွေရဲ့ မှတ်​ဉာဏ်​မှာ ​ကျော်​သွားတတ်​တဲ့အ​ဖြစ်​​တွေကို တစ်​ကဒ်​ချင်းပြန်​​ရိုက်​ပြ​နေသလို ခင်​​မောင်​ရင်​ရိုက်​တဲ့ ''နှမလက်​​လျှော့ ​နေ​လေ​တော့" ရုပ်​ရှင်​ကားကိုကြည့်​ခွင့်​ရတဲ့ခေတ်​ထဲက ဥာဏ်​ရည်​အတိမ်​အနက်​​တွေဟာ လှိုက်​​မောစရာ အပြည့်​ပါပဲ။ ဂျိန်းဂျွိုက်​ရဲ့ ဒဗ္ဗလင်​နာထဲကလို အားလုံးဟာ ငါ့မြို့ရဲ့ မြို့သူမြို့သား​တွေဆိုလည်း ဟုတ်​ပါလိမ့်​တယ်​။ ချစ်​ခြင်း​မေတ္တာဟာ တစ်​​နေရာ​ထောင့်​တစ်​​ထောင့်​က​နေ လိုက်​ပါ​နေတယ်​။ မိဘနဲ့ သားသမီးကြားက ဖြစ်​​နေကျ အယူ အဆတိုက်​ပွဲ​တွေ မြင်​​နေရတယ်​။ မျိုးဆက်​တစ်​ခုနဲ့တစ်​ခုမှာ​တော့ အယူအဆဆိုတာ တိုက်​ယူရတဲ့စစ်​ပွဲတစ်​ခုပမာ တစ်​ထိုင်​တည်းနဲ့ ဘယ်​​တော့မှ မပြီးပြတ်​တတ်​ အ​ဖေနဲ့သားကြားက စဉ်းစား​တွေး​ခေါ်မှု​တွေကလည်း ဘယ်​​ခေတ်​မှာမဆို တူညီမှာ မဟုတ်​ပါဘူး။ ဖတ်​​နေရင်းနဲ့ လွမ်းလိုက်​ ​တွေး​နေရင်းနဲ့ ​​ပျော်​သွားလိုက်​ လိုက်​ကြည့်​​နေရင်းက နာကျင်​ရလိုက်​နဲ့ ငါ့မြို့တစ်​မြို့ပါပဲ။ အဲဒါ​တွေ သားသိပါတယ်​အ​ဖေရာလို့ ကျ​နော်​တို့ကိုယ်​တိုင်​​ပြောသလိုပဲ အဲဒီထိပ်​တိုက်​​တွေ့မှုဟာ အစဉ်​အဆက်​ရှိ​နေဦးမှာပါပဲ။

ငါမြတ်​မြတ်​နိုးနိုးစုထားတဲ့
ရှားပါးစာအုပ်​​တွေ ခြစားသွားတဲ့အခါ
အိမ်​ကတိုင်​တစ်​တိုင်​ အတွင်းက ခြလှိုက်​စားသွားလို့
အ​ခေါင်းပွကြီးပဲ ကျန်​တဲ့အခါ
အ​ဖေ့စကားဟာ အမှတ်​ရစရာ ဖြစ်​လာတယ်​

အ​ဖေက သူ​သေခါနီးအထိ
ဘာ​ကောင်​မှ မဖြစ်​တဲ့ သူ့သားကို
အကောင်ကြီးတစ်ကောင် ဖြစ်မယ်ထင်ပြီး သေသွားတာ။
သူ့သားဟာ
အစောကြီးကတည်းကကို
ဘာကောင်မှ မဖြစ်ချင်တော့တာ
အဖေ သိမသွားခဲ့ဘူး။
......... (နရီမင်းရဲ့ ငါ့မြို့ကဗျာမှ..)

ကဗျာဟာ ​​ခေတ်​အဆက်​ဆက်​ ဆေးမဆိုးထားပဲ တာရှည်​ခံ​နေတဲ့ သစ်​သီး​ပေါ့။ အဲဒါကို ကဗျာဆရာကိုယ်​တိုင်​ စိုက်​ပျိုးထားခဲ့ရတယ်​။ အသီးကိုခူးဆွတ်​ခဲ့ပြီးမှ​တော့ ခွဲလို့လက်​ရှခဲ့တဲ့ ဒဏ်​ရာမှာ ဖတ်​သူနဲ့သာသက်​ဆိုင်​ပါလိမ့်​မယ်​။ ပြီး​တော့ ငါ့မြို့ကဗျာရှည်​ထဲမှာ ကဗျာ​ဆရာကိုလည်းမြင်​ရတယ်​။ ​နောက်​ထပ်​ တစ်​​ယောက်​​ယောက်​ကိုလည်း မြင်​​နေရတယ်​။ ​နောက်​ပြီး အဲဒီတစ်​စုံတစ်​​ယောက်​ဟာ ကျ​နော်​တို့ကိုယ်​တိုင်​ ဖြစ်​​နေကြပြန်​​ရော။ ကျ​နော့်​မှာ ​အခြားပြောစရာရှိပါ​သေးတယ်​ဆိုရင်​​တော့ ကဗျာကိုဖတ်​ကြည့်​ပါ​တော့လို့သာ ​ဆက်​ပြောရမှာပါပဲ။ ငါ့မြို့ဟာ အားလုံးကို တစ်​ထိုင်​တည်း​ပြောသွားသလို ကဗျာဆရာ​ပြော​နေတဲ့အ​ကြောင်းအရာ​တွေဆီက​နေ ကိုယ့်​အဖြစ်​​တွေနဲ့အစားထိုး ပြန်​လွမ်းလို့ရ​နေနိုင်​တာပါပဲ။ ကိုယ်​စီဘဝထဲမှလည်း အဲဒီလိုမျိုး အဖြစ်​အပျက်​​တွေဟာ ရှိခဲ့ဖူးမှာပါ။ ဒါဟာ တကယ့်​ကို လွမ်းစရာပါ။ နာကျင်​စရာ​တွေပါ။ ဘယ်​လိုမှ ပြန်​မရချင်​​တော့တဲ့ အတိတ်​​တွေပါ။ အဲဒါကိုပဲ ကဗျာအဖြစ်​နဲ့ ပြန်​​တွေ့ရလိမ့်​မယ်​လို့ အစတုန်းက ကျ​နော်​မထင်​ခဲ့ဖူးပါဘူး။ ဒါပေမယ့်​ ဒီကဗျာမှာတော့ ကျ​နော့်​အပြည့်​ပြန်​ရခဲ့တယ်​။ ငါ့မြို့ကဗျာဟာ အားလုံးဆက်​​တွေးမိ​နေဦးမယ့်​ အတိတ်​က ဖြစ်​ရပ်​များကို မှတ်​သားထားခြင်းလို့လည်း ထင်​မိပါတယ်​။

လူ့ဘဝဆိုတာ
မှတ်တိုင်မှာ ထိုးရပ်လာမယ့် ဘတ်စ်ကားကို စောင့်နေရသလို
မသေခင် တစ်​ခုခုလုပ်နေရတာပဲလို့
သူ့သားက အစောကြီး ရှာတွေ့ခဲ့တယ်ဆိုတာ
အဖေ သိမသွားခဲ့ဘူး။

ဆုံးရှုံးမှုက တစ်သက်စာ ကြီးမားခဲ့တယ်။
အဖေက ငါ့ကို မရလိုက်သလို
ငါဟာလည်း အဖေ့ကို မရလိုက်ပါဘူး။
အဆိုးဆုံးက
ငါ့မြို့ဟာ ငါ့ကို မရလိုက်သလို
ငါဟာလည်း ငါ့မြို့ကို
ဘယ်တော့မှ ပြန်မရနိုင်တော့ဘူးလေ။
......... (နရီမင်းရဲ့ ငါ့မြို့ကဗျာမှ..)

ငါ့မြို့​ကြောင့်​ ​ကျ​နော်​နောက်​ထပ်​​​ပြောဖြစ်​သွားခဲ့မယ်​ဆိုရင်​ ​နောက်​ထပ်​ ငါ့မြို့ကဗျာတစ်​ပုဒ်​မဟုတ်​​ပဲ အဲဒီခုနှစ်​​တွေ အတိတ်​​တွေထဲ ကျ​နော်​ခုန်​ချလိုက်​ပြီဖြစ်​​ကြောင်း တစ်​စစီအစထုတ်​ရမယ့်​ ဇာတ်​လမ်းတစ်​ပုဒ်​သာဖြစ်​ပါလိမ့်​မယ်​။ ငါ့မြို့က​တော့ ကျ​နော့်​စာကြည့်​ခန်းမှာ ကဗျာ​ကောင်းတစ်​ပုဒ်​အဖြစ်​ ကျန်​​နေခဲ့​တော့မှာပါ။ ကျ​နော်​ ဆက်​ပြီး ​တွေး​နေမိတယ်​။ ကိုယ်​စီဖြတ်​သန်းခဲ့ရတဲ့ ​ခေတ်​ထဲက ကျ​နော့်​ရဲ့ နှစ်​သုံးဆယ့်​ငါး အတိတ်​နွံအိုင်​ထဲမှာ ​မ​ပျော်​မပါးကူခပ်​ခဲ့တဲ့ ငါးဘဝအ​ကြောင်း ငါ့အ​ကြောင်း​တွေပဲ​ပေါ့။ ကျ​နော်​ ဆက်​​ရေးဖြစ်​​နေဦးမယ်​လို့လည်း ထင်​ပါတယ်​။ ငါ့မြို့ကဗျာက​နေ တနင့်​တပိုးပွားလာတဲ့ ကျ​နော်​အလွမ်း​တွေကို ပြန်​တူးဆွလို့ အတိတ်​​တွေကို ကျ​နော့်​ အ​ကြောင်း အ​ဟောင်းကြီး​တွေကို ပြန်​လွမ်းလို့​ပေါ့..။ ကဗျာအ​ကြောင်းက​တော့ ဒီထက်​လည်း​ပြောစရာမရှိ​ ဖတ်​သူအ​နေနဲ့သာဖတ်​သွား ကဗျာထဲဝင်​​ရောက်​သွားရုံပါပဲ။ အမှန်​တကယ်​​လည်း ကျ​နော်​ကိုယ်​တိုင်​ ကဗျာကို academicဆန်​ဆန်​ သရုပ်​ခွဲပိုင်းခြားတာထက်​ ကျ​နော်​ဟာ ကဗျာခံစားသူအဖြစ်​မျှသာ ဆက်​ပြီးရှိ​နေချင်​ခဲ့တာမျိုးပါ။        ။

စာအုပ်​အမည်​      ငါ့မြို့နဲ့ ရှစ်​ဆယ့်​ရှစ်​
ရေးသူ                နရီမင်း
ထုတ်​​ဝေသူ          ​ဒေါ်အိဝတ်​ရည်​ထွန်း DUTY စာ​ပေ
မျက်​နှာဖုံးဒီဇိုင်း      ခန့်​မင်းထက်​
၂၀၁၈ စက်​တင်​ဘာလ ပထမအကြိမ်​ အုပ်​​ရေ ၁၀၀၀ တန်​ဖိုး ၂၀၀၀ ကျပ်​ဖြင့်​ ထုတ်​​ဝေထားပါတယ်​။

နိုလှိုင်း
၂၀၁၈ ​အောက်​တိုဘာ ၇