မာန်သီဟထွန်း - ဆေပီယန်စ် နိဒါန်း


မာန်သီဟထွန်း - ဆေပီယန်စ် နိဒါန်း
Sapiens - A Brief History of Humankind by Yuval Noah Harari
(မိုးမခ) အောက်တိုဘာ ၁၉၊ ၂၀၁၈


စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။

သမိုင်းတလျှောက်ကာလများ
လက်ရှိပစ္စုပ္ပန် မတိုင်မီအထိ နှစ်ကာလများ

လွန်ခဲ့သောနှစ်ပေါင်း ၁၃.၅ ဘီလီယံ ဒြပ်ဝတ္ထု နဲ့ စွမ်းအင်သဘော စတင်ဖြစ်ပေါ်ခဲ့သည်။ ယင်းသည် ရူပဗေဒ အစ ဖြစ်သည်။ ထို့နောက် အက်တမ်နဲ့မော်လီကျူးများ ဖြစ်ပေါ်လာသည်။ ဓာတုဗေဒ၏ အစဖြစ်သည်။

လွန်ခဲ့သောနှစ်ပေါင်း ၄.၅ ဘီလီယံက ကမ္ဘာဂြိုဟ် စတင်ဖြစ်ပေါ်လာသည်။

လွန်ခဲ့သောနှစ်ပေါင်း ၃.၉ ဘီလီယံတွင် သက်ရှိများစတင်ပေါ်ပေါက်လာသည်။ ဇီဝဗေဒ၏ အစဖြစ်သည်။

လွန်ခဲ့သောနှစ်ပေါင်း ၆ သန်းတွင် လူသားများနဲ့ ချင်ပန်ဇီမျောက်များ အတူအစပြုရာ ဘုံသက်ရှိမိခင်နေထိုင်ခဲ့သည်။

လွန်ခဲ့သောနှစ်ပေါင်း ၂.၅သန်းတွင် လူသားမျိုးစု(genus homo) အာဖရိကတွင် စတင် ဆင့်ကဲပြောင်းလဲလာသည်။ ပထမဆုံး ကျောက်လက်နက်ကိရိယာများ အသုံးပြုလာသည်။

လွန်ခဲ့သောနှစ်ပေါင်း၂သန်းတွင် လူသားများ အာဖရိကတိုက်မှ အာရှဥရောပတိုက်သို့ စတင် အခြေချခဲ့ကြသည်။ ထိုမှတဆင့် ကွဲပြားသော လူသားမျိုးစိတ်များအဖြစ်သို့ ဆင့်ကဲပြောင်းလဲ လာခဲ့ကြသည်။

လွန်ခဲ့သောနှစ်ပေါင်း ၅၀၀,၀၀၀ တွင် ဥရောပနဲ့ အရှေ့အလယ်ပိုင်းဒေသ၌ နီယာန်ဒါသာလ်လူသားများ ဆင့်ကဲပြောင်းလဲ ခဲ့သည်။

လွန်ခဲ့သောနှစ်ပေါင်း ၃၀၀,၀၀၀ တွင် မီးကို နေ့စဉ် အသုံးပြုလာကြသည်။

လွန်ခဲ့သောနှစ်ပေါင်း၂၀၀,၀၀၀ တွင် အရှေ့အာဖရိက၌ ကျွန်ုပ်တို့ လက်ရှိလူသားများ (Homo sapiens) အဖြစ်သို့ ဆင့်ကဲပြောင်းလဲခဲ့သည်။

လွန်ခဲ့သောနှစ်ပေါင်း ၇၀,၀၀၀တွင် ကျွန်ုပ်တို့ လူသားများ၌ စဉ်းစားသိမြင်ခြင်းပြောင်းလဲမှုကြီး ဖြစ်ခဲ့သည်။ ဘာသာစကားဆိုသည့်အရာကို စတင်စိတ်ကူးပုံဖော်လာခဲ့သည်။ လူ့သမိုင်း အစပြုသည်။ ကျွန်ုပ်တို့ လူသား (ဆေပီယန်စ်) များ အာဖရိက အပြင်သို့ ပျံ့နှံ့ နေထိုင်လာကြသည်။

လွန်ခဲ့သောနှစ်ပေါင်း ၄၅,၀၀၀ တွင် လက်ရှိလူသား(ဆေပီယန်စ်) များ သြစတေးလျတိုက်တွင် စတင် အခြေချခဲ့သည်။ ထိုအတောအတွင်း သြစတေးလျတိုက်ရှိ ဒေသတွင်းတိရိစ္ဆာန်ကြီးများ မျိုးတုန်းသွားခဲ့သည်။

လွန်ခဲ့သောနှစ်ပေါင်း ၃၀,၀၀၀ ခန့်မှစ၍ နီယာန်ဒါသာလ်လူသားများ(Neanderthals) မျိုးတုန်းသွားခဲ့သည်။

လွန်ခဲ့သောနှစ်ပေါင်း ၁၆,၀၀၀ တွင် လက်ရှိလူသားမျိုးနွယ်များ အမေရိကတိုက်တွင် စတင် အခြေချခဲ့သည်။ အမေရိကတိုက်ရှိ ဒေသတွင်းတိရိစ္ဆာန်ကြီးများ မျိုးတုန်းသွားခဲ့သည်။

လွန်ခဲ့သောနှစ်ပေါင်း တစ်သောင်းသုံးထောင်တွင် ဖလော်ရက်စ်လူသားမျိုးစိတ် (Homo florescence) မျိုးတုန်းသွားခဲ့သည်။ လက်ရှိလူသားများ (Homo sapiens) သာ တစ်ခုတည်း အသက်ရှင်ကျန်ရစ်သော လူသားမျိုးနွယ် ဖြစ်လာသည်။

လွန်ခဲ့သောနှစ်ပေါင်း ၁၂,၀၀၀ ခန့်တွင် စိုက်ပျိုးခြင်းပြောင်းလဲမှုကြီး ဖြစ်ခဲ့သည်။ တိရိစ္ဆာန်များနှင့်အပင်များကို ယဉ်ပါးအောင် ပြောင်းလဲမွေးမြူခဲ့သည်။ လူသားများ အခြေတကျ နေထိုင်မှုများရှိလာခဲ့သည်။

လွန်ခဲ့သောနှစ်ပေါင်း ၅၀၀၀ မှစ၍ ပထမဆုံးသောနိုင်ငံများ၊ စာရေးသားမှုများ နဲ့ ငွေကြေးများ ရှိလာသည်။ ဗဟုနာထ ဘာသာများ (သို့) တစ်ပါးမကသော နတ်ဘုရားများကို ကိုးကွယ်သော ဘာသာများ ရှိလာသည်။

လွန်ခဲ့သောနှစ်ပေါင်း ၄၂၅၀ တွင် ပထမဆုံးသော အင်ပါယာ - ဆာဂုန်ဘုရင်၏ အခေဒီယန်း အင်ပါယာ။

လွန်ခဲ့သောနှစ်ပေါင်း ၂၅၀၀ တွင်  လူသားအားလုံးအတွက် ငွေကြေးဖြစ်သော - ငွေဒင်္ဂါးပြားများ တီထွင်ခြင်း။ လူသားအားလုံး၏ အကျိုးလိုလားသော လူသားအားလုံးဆိုင်ရာ နိုင်ငံရေးစနစ် ဖြစ်သည့် - ပါရှန်း အင်ပါယာ။ သတ္တဝါ အပေါင်းတို့ကို ဒုက္ခဆင်းရဲမှ လွတ်မြောက်စေမည့် လူသားအားလုံးနဲ့ဆိုင်သော သစ္စာတရားဟူသည့် - ဗုဒ္ဓဝါဒ အိန္ဒိယတွင် ပေါ်လာသည်။

လွန်ခဲ့သောနှစ်ပေါင်း ၂၀၀၀ မှစ၍ တရုတ်နိုင်ငံတွင် ဟန်အင်ပါယာ။ မြေထဲပင်လယ်ဒေသတွင် ရောမ အင်ပါယာ။ ခရစ်ယာန်ဘာသာ စသည်တို့ပေါ်လာသည်။

လွန်ခဲ့သောနှစ်ပေါင်း ၁၄၀၀ တွင် အစ္စလာမ် ဘာသာပေါ်ပေါက်လာသည်။

လွန်ခဲ့သောနှစ်ပေါင်း ၅၀၀ မှစ၍ သိပ္ပံပညာဆိုင်ရာပြောင်းလဲမှုကြီး ဖြစ်ခဲ့သည်။ လူသားများသည် ၎င်းတို့၏ မသိနားမလည်မှုများကို ဝန်ခံကြရာမှ အလွန်တရာကြီးမားသော စွမ်းအားများ စတင်ပိုင်ဆိုင်လာကြသည်။ ဥရောပသားများမှ အမေရိက တိုက်များနှင့် သမုဒ္ဒရာဒေသများကို စတင်သိမ်းပိုက်လာကြသည်။ ကမ္ဘာကြီးတစ်ခုလုံးသည် သမိုင်းဇတ်ခုံတစ်ခုပုံစံ ဖြစ်လာသည်။ အရင်းရှင်ဝါဒ စတင်ဦးမော့လာသည်။

လွန်ခဲ့သောနှစ်ပေါင်း ၂၀၀ မှစ၍ စက်မှုနဲ့ထုတ်လုပ်မှုဆိုင်ရာ ပြောင်းလဲမှုကြီး ဖြစ်ခဲ့သည်။ မိသားစုများနှင့် လူ့အသိုင်းအဝိုင်းများကို နိုင်ငံများနှင့်ဈေးကွက်များက အစားထိုးလာသည်။ အပင်များနှင့်တိရိစ္ဆာန်များ အကြီးအကျယ် မျိုးတုန်းသွားသည်။

လက်ရှိအချိန်

 လူသားများ ကမ္ဘာဂြိုဟ်၏ အကန့်အသတ်ကို ကျော်လွန်သွားပြီ ဖြစ်သည်။ နျူးကလီးယား အဏုမြူ လက်နက်များက လူသားများ၏ ရှင်သန်မှုကို ခြိမ်းခြောက်လျက်ရှိသည်။ သက်ရှိ သတ္တဝါများသည် သဘာဝ၏ရွေးချယ်မှုထက် လူတို့၏အသိဉာဏ်ဒီဇိုင်းက ပုံသွင်းခြင်း ပိုခံလာနေရသည်။

အနာဂတ်
လူတို့၏အသိဉာဏ်ဒီဇိုင်းသည် သက်ရှိအားလုံး၏ အခြေခံသဘောတရား ဖြစ်လာမည်လော။ လက်ရှိလူသားများ(Homo sapiens) ကို လူတို့ထွင်ထားသော မဟာလူသားများ(superhumans)က အစားထိုးသွားမည်လော။

ဘာသာပြန် - မာန်သီဟထွန်း
Sapiens - A Brief History of Humankind အစကို ဘာသာပြန်ထားခြင်း ဖြစ်သည်။ နောက်နောင်တွင်လည်း တစ်ပတ်လျှင် တစ်ပုဒ်ကျ ဘာသာပြန်ပြီးသားသမျှထဲမှ အနည်းငယ်စီ တင်ပေးသွားပါမည်။ အားလုံးကို ကျေးဇူးတင်ပါသည်။
0