ထိုက်နန္ဒာဝင်း (Myanmar Now) ● ပစ်ခတ်၊
ဖမ်းဆီးမှုများနှင့် ရှမ်းပြည်နယ် ပဋိပက္ခ
(မိုးမခ) အောက်တိုဘာ ၇၊ ၂၀၁၈
ရှမ်းပြည်နယ်တွင် လက်နက်ကိုင်အဖွဲ့တို့၏ ဖမ်းဆီးမှု၊ သတ်ဖြတ်မှုများရှိနေပြီး အရပ်သားအချင်းချင်း ပဋိပက္ခ ကြီးထွားမလာရေး ကြိုးပမ်းနေကြသည်
လက်နက်ကိုင် ပဋိပက္ခ အဆုံးသတ်ရေး ဆန္ဒဖော်ထုတ်ပွဲ မြင်ကွင်းတစ်ခု (ဓာတ်ပုံ - Myanmar Now)
(ရန်ကုန်) — သြဂုတ်လလယ်ပိုင်း နံနက်ခင်းတစ်ခုတွင် ဗိုက်ဆာဆာနှင့် ကျူရှင်မှပြန်လာသည့် ကိုးနှစ်အရွယ် မူလတန်းကျောင်းသူ နန်းမွန်ဖွန်အွန်သည် ဘဝအတွက် တုန်လှုပ်ဖွယ် ဖြစ်စဉ်တစ်ခု နေအိမ်တွင် ကြုံတွေ့ရတော့မည် ဆိုသည်ကို ကြိုမသိခဲ့ပေ။
ကျောင်းသွားမည့် မောင်လေးက အော်ငိုနေပြီး ကျောင်းလိုက်ပို့ရမည့် မိခင်ကို လက်နက်ကိုင် ယောကျာ်းကြီးတချို့ကြား တွေ့လိုက်ရသောကြောင့် နန်းမွန်ဖွန်အွန် အံ့သြသွားသည်။
“မေမေကို ဘယ်ခေါ်သွားမလို့လဲ၊ မခေါ်သွားပါနဲ့။ သမီးလည်း လိုက်လို့ရလားလို့ ပြောတာကို မဖြေဘဲ လူဆိုးကြီးတွေက မေမေ့ကို သေနတ်နဲ့ထောက်ပြီး ဆွဲခေါ်သွားကြတယ်” ဟု ဆံပင်ရှည်ရှည်၊ မျက်လုံးဝိုင်းဝိုင်းနှင့် နန်းမွန်ဖွန်အွန်က တစ်ခွန်းချင်း ပြန်ပြောပြသည်။
“ကားထွက်လို့ သမီးငိုတော့ မေမေက ‘မငိုနဲ့ … ခဏနေ ပြန်လာမယ်’ လို့ မှာတယ်။ အခုထိပြန် မလာဘူး”
ထိုဖြစ်စဉ်မှာ ရုပ်ရှင်ဇာတ်ဝင်ခန်းတစ်ခု မဟုတ်ပေ။
နမ့်ခမ်းမြို့ ဟိုနောင်ရပ်ကွက်ရှိ အိမ်တစ်လုံးတွင် တွဲဖွင့်ထားသည့် “နောင်မောဝ်” ကုန်မာဆိုင်သို့ ရောက်လာသော သေနတ်သမားတချို့က ၃၇ နှစ် အရွယ် နန်းမိုဟွမ်ကို သူ၏ လူမမယ်ကလေးများရှေ့တွင်ပင် ဖမ်းသွားခြင်း ဖြစ်သည်။
ရက်များမကြာမီ တအာင်းလက်နက်ကိုင်အဖွဲ့ (TNLA) က နန်းမိုဟွမ်ကို ၎င်းတို့ ဖမ်းဆီးသွားခြင်းဖြစ်သည်ဟု ပြောကြားခဲ့သည်။
ထိုဖြစ်ရပ် ပေါ်ပေါက်ခဲ့သည်မှာ နှစ်လနီးပါးကြာပြီ ဖြစ်သော်လည်း မိသားစုက နန်းမိုဟွမ် မည်သည့်နေရာတွင် မည်သည့် အခြေအနေနှင့် ရင်ဆိုင်နေရမှန်း မသိသဖြင့် သောက ဖြစ်နေကြသည်။
ဖမ်းဆီး၊ ပျောက်ဆုံးမှုများ
နန်းမိုဟွမ်သည် နမ့်ခမ်းမြို့ပြင် ဇဟိုင်ကျေးရွာမှ ဖြစ်ပြီး အသက် ၂ဝ အရွယ်တွင် နန့်ခမ်းမြို့သား စိုင်းစောရွှေနှင့် အကြောင်းပါခဲ့သည်။
နမ့်ခမ်းဒေသခံတို့သည် သူ့ကို “နောင်မောဝ်” ဆိုင်၏ချွေးမ၊ ကလေးသုံးယောက်မိခင်၊ အနေအထိုင် အေးဆေးသည့် အိမ်ထောင်ရှင်မအဖြစ်သာ သိထားကြသည်။
TNLA က အမှန်တကယ် ဖမ်းလိုသည်မှာ နန်းမိုဟွမ်၏ အမျိုးသားဖြစ်သူ စိုင်းစောရွှေဖြစ်သည်ဟု သတင်းများ ထွက်ပေါ်နေသည်။ အမျိုးသားဖြစ်သူမှာလည်း အသက်အန္တရာယ်ရှိသဖြင့် တိမ်းရှောင်နေရသည် ဟု နန်းမိုးဟွမ်၏ အစ်မဖြစ်သူ နန်းမိုခမ်းက Myanmar Now ကို ပြောသည်။ ကလေးများမှာ မိဘနှစ်ပါးလုံးနှင့် အတူမနေနိုင်သည့် အခြေအနေနှင့် ရင်ဆိုင်နေရသည်။
ရှမ်းပြည်နယ်အတွင်း လက်နက်ကိုင်ပဋိပက္ခ၏ နောက်ဆက်တွဲ ဆိုးကျိုး များအနေဖြင့် မည်သူခေါ်သွားမှန်း မသိဘဲ ပျောက်ဆုံးနေသူ အများအပြား ရှိနေသည်။ နေရပ်စွန့်ခွာ ထွက်ပြေးရခြင်း၊ ခြိမ်းခြောက်ခံနေရခြင်းတို့နှင့် ကြုံတွေ့နေရသူ အများအပြား ရှိနေပြီး သတ်ဖြတ်မှု၊ လုပ်ကြံမှုတို့လည်း မကြာခဏ ပေါ်ပေါက်နေသည်။
အောက်တိုဘာ ၅ ရက်နေ့က ကျောက်မဲမြို့တွင် သေနတ်သမားနှစ်ဦးက စာသင်တိုက်တစ်ခုသို့ သွားရောက်ပြီး ရှမ်းတိုင်းရင်းသား ကျောင်းထိုင်ဘုန်းကြီးကို လုပ်ကြံလိုက်ကြသည် ဆိုသည့် သတင်းမှာ ယခုရက်ပိုင်းအတွင်း ထိပ်တန်းသတင်းတစ်ခု ဖြစ်လာသည်။ မည်သည့်အဖွဲ့အစည်း၏ လက်ချက်မှန်း မသိရသေးပေ။
ရှမ်း၊ ပလောင် အရပ်သားများ ဖမ်းဆီးခံရမှုလည်း မကြာခဏ ဖြစ်ပေါ်နေသည်။ နမ္မတူမြို့နယ်တစ်ခုတည်းတွင် သုံးနှစ်အတွင်း တအာင်း ၃၃ ဦး ဖမ်းဆီးခံရပြီး သုံးဦးသာ ပြန်လွတ်ခဲ့သည်ဟု တအာင်း (ပလောင်) အမျိုးသားပါတီ၏ သြဂုတ် ၉ ရက်နေ့အထိ မှတ်တမ်းတွင် ဖော်ပြထားသည်။ ဒေသခံ အများအပြားသည် “ကိုယ့်အလှည့် ဘယ်တော့လဲ” ဟု ပူပန်နေကြပြီး လူမျိုးရေးပဋိပက္ခအသွင် ဆောင်လာမည်ကိုလည်း စိုးရိမ်လျက်ရှိကြသည်။
နမ့်ခမ်းတွင် အများစုမှာ ရှမ်းများဖြစ်ပြီး ဒုတိယအများစုမှာ တအာင်း/ပလောင်တို့ ဖြစ်သည်။ ၂ဝ၁၄ခုနှစ် သန်းခေါင်စာရင်းအရ နမ့်ခမ်း၏ လူဦးရေမှာ တစ်သိန်းကျော် ရှိနေသည်။
ဖမ်းဆီးခံရပြီးနောက် အင်တာနက်စာမျက်နှာများတွင် “နန်းမိုဟွမ် ပြစ်ဒဏ် စီရင်ခံရပါက ပလောင်လူမျိုးများအပေါ် လုံးဝခွင့်မလွှတ်ရန်” ဟူသော လှုံ့ဆော်ရေးသားမှုတချို့ကို ရှမ်းအမည်များဖြင့် တွေ့ရပြီး၊ "နန်းမိုဟွမ်သည် ရန်သူသတင်းပေးဖြစ်သည်" ဟူသော စွပ်စွဲ ရေးသားမှုမျိုးကို တအာင်း အမည်များဖြင့် တွေ့လာရသည်။
နမ့်ခမ်းတွင် လူမျိုးစုနှစ်စုကြား အနည်းငယ်တင်းမာလျက်ရှိသည်ဟု မြို့မိမြို့ဖ တစ်ဦးဖြစ်သူ အသက်၆ဝအရွယ် ဦးအောင်ဝင်းက Myanmar Now ကို ပြောသည်။
“လူမျိုးရေးပဋိပက္ခ မဖြစ်ဖြစ်အောင် သွေးထိုးပြီး ဖြန့်နေကြတာပါ။ တစ်ယောက်ယောက် ထပ်ဆွဲခံရရင်တော့ လူမျိုးရေးပဋိပက္ခဖြစ်မှာပဲ။ ဒေါသပေါက်ကွဲသွားရင် ထိန်းလို့ရမှာ မဟုတ်တော့ဘူး” ဟု ဦးအောင်ဝင်းက မှတ်ချက်ပြုသည်။
ယခုဖမ်းဆီးမှုသည် မိသားစုတစ်စုနှင့် လက်နက်ကိုင် အဖွဲ့ တစ်ဖွဲ့ပြသာနာဖြစ်သည့် ဖြစ်စဉ်ဖြစ်သော်လည်း လူမျိုးရေးအသွင်မဖြစ်ဖြစ်အောင် ဖန်တီးနေသည့် အဖွဲ့အစည်းရှိသည်ဟု ရှမ်း၊တအာင်း ညီညွတ်ရေး ဆောင်ရွက်နေသည့် ပရဟိတအဖွဲ့ဝင်များက ယုံကြည်ထား ကြသည်။
ပဋိပက္ခ ရှောင်တိမ်းနိုင်ရေးအတွက် အသွားအလာ ဆင်ခြင်ရန်၊ လူစုလူဝေးဖြင့် သွားလာလှုပ်ရှားခြင်း မပြုရန် ကျေးလက်ဒေသနေ ပြည်သူတို့ကို မေတ္တာ ရပ်ခံသည့် နည်းလမ်းဖြင့် ထိန်းသိမ်းနေသည်ဟု တအာင်း(ပလောင်)စာပေယဉ်ကျေးမှု (နမ့်ခမ်း)၏ အဖွဲ့ဝင် လွေးအိုင်နော်ဝိုင်းက ပြောသည်။
“ကြိုးတစ်ခုကို တင်းနေအောင် ဆွဲရင်တော့ ပြတ်မှာပါ။ နှစ်ဖက်စလုံးက အလျှော့အတင်းညီမှ အဆင်ပြေမယ်” ဟု သူက ဆိုသည်။
အခွန် သို့မဟုတ် ဆက်ကြေး
ရှမ်းပြည်နယ်တွင် စီးပွားရေးလုပ်သူတို့သည် သက်ဆိုင်ရာနယ်မြေတွင် လှုပ်ရှားနေသည့် တိုင်းရင်းသားလက်နက်ကိုင် အဖွဲ့ တချို့ကို ဆက်ကြေး ခေါ် အခွန်ငွေ နှစ်စဉ် ပေးရလေ့ရှိသည်။
နန်းမိုဟွမ်တို့ဆိုင်က TNLA ကို ၂ဝ၁၆ တွင် သုံးသိန်း၊ ၂ဝ၁၇ တွင် ၁၁ သိန်း ပေးခဲ့ရသည်ဟု သိရသည်။
၂ဝ၁၇ ငွေကောက်ခံပြီး ပြန်လာသူများအနက် တစ်ဦး အသေမိ၊ တစ်ဦး အရှင်ဖမ်းမိခြင်းမှာ နန်းမိုဟွမ်တို့ ဆိုင်၏ သတင်းပေးမှုကြောင့် ဖြစ်သည်ဟု TNLA က ဖုန်းဆက်ပြီး စွပ်စွဲခဲ့သည်ဟု ဒေသတွင်း သျှမ်းသံတော်ဆင့် သတင်းဌာန၏ သတင်းတစ်ပုဒ်တွင် ဖော်ပြထားသည်။
မည်သည့်အဖွဲ့သို့ မည်မျှပေးရသည်ကို ဒေသခံအချင်းချင်းကြား ထုတ်ပြောလေ့ မရှိကြကြောင်း နမ့်ခမ်းမှ လုပ်ငန်းရှင်တစ်ဦးက Myanmar Now ကို ပြောသည်။
“နန်းမိုဟွမ်လည်း သူ့လာကောက်ရင်ပေးမှာပဲ၊ ကျွန်တော်တို့လည်း ပေးရတာပဲ။ ဘယ်သူ့မှတော့ ဒီအကြောင်း ပေါ်ပေါ်ထင်ထင် မပြောရဲဘူး။ သူတို့စွပ်စွဲသလို တိုင်ဖို့ဆိုတာ အဝေးကြီး။ အစိုးရက သိရင်လည်း ကျွန်တော်တို့က ပြစ်မှုဖြစ်မယ်။ လက်နက်ကိုင်ကို မပေးပြန်ရင်လည်း အသတ်ခံရမှာ စိုးတယ်ဗျာ” ဟု အမည်မဖော်လိုသည့် ထိုလုပ်ငန်းရှင်က ပြောသည်။
၂ဝဝ၈ ဖွဲ့စည်းပုံအခြေခံဥပဒေအရ သတ်မှတ်လိုက်သည့် ပလောင်ကိုယ်ပိုင်အုပ်ချုပ်ခွင့်ရဒေသတွင် နမ့်ဆန်၊ မန်တုံမြို့နယ်တို့ ပါဝင်သည်။ TNLA ၏ လှုပ်ရှားနယ်မြေမှာ ရှမ်းပြည်မြောက်ပိုင်း နမ့်ခမ်း၊ နမ်တုံ၊ နမ့်ဆန်၊ ကျောက်မဲ၊ ကွတ်ခိုင်၊ နမ္မတူ၊ သီပေါ စသည့် ပလောင်များ နေထိုင်ရာမြို့နယ်များဖြစ်သည်။
နမ်ခမ်းမြို့မှ ဖမ်းဆီးခံထားရသည့် နန်းမိုဟွမ်
ပြန်လည်လွတ်မြောက်ရန်အတွက် မိသားစုဝင်များ၊ အရပ်ဘက်အဖွဲ့များ၊ လူ့အခွင့်အရေးအဖွဲ့တချို့၊
ဒေါ်ဆောင်ဆန်းစုကြည် ဦးဆောင်သည့် အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန(NRPC)၊
ရှမ်းပြည် ပြန်လည်ထူထောင်ရေးကောင်စီ (RCSS/SSA) တို့က တောင်းဆိုထားကြသည်။ နမ့်ခမ်းတွင်လည်း
TNLA ကို ဆန္ဒပြခဲ့ကြသည်။
“ငွေဒဏ်ချဖို့ကတော့ အဆင်မပြေလောက်ဘူး” ဟု TNLA
ပြန်ကြားရေးတာဝန်ခံ ဗိုလ်မှူး တာအိုက်ကျော်က ပြောသည်။
ဤအတောအတွင်း အဖမ်းခံထားရသူနှင့် ပတ်သက်ပြီး ဖြစ်ထွန်းမှုတစ်ခု ပေါ်ပေါက်လာသည်။
အပစ်အခတ် ရပ်စဲခြင်း မပြုရသေးသော တိုင်းရင်းသား
လက်နှက်ကိုင်များ စုဖွဲ့ထားသည့် ပြည်ထောင်စု
နိုင်ငံရေး ဆွေးနွေး ညှိနှိုင်းရေး ကော်မတီက နန်းမိုဟွမ် ပြန်လည်လွတ်မြောက်ရေးအတွက်
‘ဝ’ ဌာနချုပ်တွင် လာရောက် ဆွေးနွေးရန် မိသားစုထံ ပြီးခဲ့သည့်ရက်ပိုင်းအတွင်း အကြောင်းကြားလိုက်သည်။
ထိုကမ်းလှမ်းမှုကြောင့် မိသားစုဝင်တချို့က မြန်မာ
- တရုတ် နယ်စပ် ‘ဝ’ ဌာနချုပ် ပန်ခမ်း(ပန်ဆန်း) သို့ သွားရောက်ရန် ပြင်ဆင်လျက် ရှိသည်။
TNLA
အဖွဲ့
ပလောင်အမျိုးသားလက်နက် ကိုင် တော်လှန်ရေးကို ၁၉၆၃
ခုနှစ်တွင် စတင်ခဲ့သည်။ ထိုမှတဖန် ၁၉၇၆ ခုနှစ်တွင်
ပလောင်ပြည်နယ် လွတ်မြောက်ရေး တပ်မတော် (PSLA)အဖြစ် ပြင်ဆင်ဖွဲ့စည်းခဲ့သည်။ နိုင်ငံရေးဆွေးနွေးမည်၊
ဒေသဖွံ့ဖြိုးရေး ဆောင်ရွက်ပေးမည်ဟူသော တပ်မတော်အစိုးရ၏ ကမ်းလှမ်းချက်ကို သဘောတူပြီး ၁၉၉၁ တွင် အပစ်အခတ် ရပ်စဲကာ ၂ဝဝ၅ တွင် လက်နက်အများအပြားကို အစိုးရထံ အပ်နှံလိုက်ကြသည်။
လက်နက်အပ်ပြီးနောက်ပိုင်းတွင် မျှော်လင့်ထားသည်တို့ ပေါ်ပေါက်မလာသောကြောင့်
၂ဝ၁၁ အောက်တိုဘာတွင် တအာင်း လူငယ် အများအပြား KIA ကချင်လက်နက်ကိုင်အဖွဲ့တွင် စစ်ပညာ
သင်ယူပြီး တအာင်း (ပလောင်) အမျိုးသား လွတ်မြောက်ရေး တပ်မတော် (TNLA) ၏ လှုပ်ရှားမှုများ
ယနေ့တိုင် ဖော်ဆောင်လျက်ရှိသည်။
KIA အဖွဲ့၊
ဝ တပ်ဖွဲ့၊ တရုတ်နိုင်ငံတို့၏ ထောက်ပံ့မှု ရှိသည်ဟူသော သတင်းများကို ဗိုလ်မှူး တာအိုက်ကျော်က ငြင်းဆိုသည်။
“ကျွန်တော်တို့သည် ဘယ်သူ့အထောက်အပံ ဘယ်သူ့သြဇာခံနဲ့မှ
ရပ်တည်တာ မဟုတ်ပါဘူး။ စီးပွားရေး လုပ်ငန်းတွေ လုပ်တယ်။ တချို့စီးပွားရေး လုပ်ငန်းရှင်တွေကလည်း
ထောက်ပံ့လှူဒါန်းပေးတာရှိတယ်။ စီးပွားရေးအောင်မြင်နေတဲ့သူတွေဆီကတော့
အခွန်ကို တစ်နှစ်မှာ တစ်ခါကောက်လေ့ရှိပါတယ်။ ဆင်းရဲသား လုပ်သားပြည်သူဆီက ကောက်ခံတာတွေမရှိပါဘူး”
ဟု သူက ဆိုသည်။
နန်းမိုဟွမ် သတ်ဖြတ်ခံရပြီးဖြစ်သည်ဟူသော စွပ်စွဲချက်များကိုတော့ TNLA က ငြင်းဆန်ပြီး ကျန်းကျန်းမာမာ
ရှိနေသည်ဟု ဆိုသည်။
“ခဏနေ ပြန်လာမယ်” ဟူသော မိခင်၏ နောက်ဆုံး စကားကြောင့် မိခင် အိမ်ပြန်လာချိန်ကို စောင့်မျှော်နေသူလည်း ဖြစ်သည်။ မောင်လေးဖြစ်သူနှင့် သူငယ်ချင်းတချို့ကလည်း အမေ ပြန်လာမည့် အချိ်န်ကို သိလိုကြသဖြင့် တိတိကျကျ တုန့်ပြန်လိုသည်ဟု နန်းမွန်ဖွန်အွန်က Myanmar Now ကို ပြောသည်။
“ခဏ ဆိုတာ ဘယ်လောက်လဲ … အရမ်း ကြာသလား” ဟု ကိုးနှစ်သမီး နန်းမွန်ဖွန်အွန်က မေးလိုက်လေသည်။
Comments