ပန်းချီ ဝသုန် ကွယ်လွန်ခြင်း ၁၀နှစ်ပြည့် အမှတ်တရ Yangon Book Plazaမှာ ပြုလုပ်မယ်

ပန်းချီ ဝသုန် ကွယ်လွန်ခြင်း ၁၀နှစ်ပြည့် အမှတ်တရ Yangon Book Plazaမှာ ပြုလုပ်မယ်
K  (မိုးမခ) အောက်တိုဘာ ၁၈၊ ၂၀၁၈

အမှတ်တရများနှင့် ရှင်သန်ခြင်းလို့ အမည်ပေးထားတဲ့ ပန်းချီဝသုန် ကွယ်လွန်ခြင်း ၁၀ နှစ်ပြည့် အမှတ်တရအခမ်းအနားကို ရန်ကုန်မြို့လမ်းမတော်မြို့နယ် သံဈေး ငါးလွှာရှိ Yangon Book Plazaမှာ အောက်တိုဘာ ၂၁ရက် နေ့လယ် ၁နာရီမှာ ပြုလုပ်ကျင်းပသွားမယ်လို့သိရပါတယ်။

အဆိုပါ ပန်းချီဝသုန် ကွယ်လွန်ခြင်း ၁၀နှစ်ပြည့်အခမ်းအနားမှာ ဆရာဝသုန်ရဲ့ သရုပ်ဖော်လက်ရာ မူရင်းပန်းချီကားများ ပြသခြင်း၊ ဆရာဝသုန်ရေးဆွဲခဲ့တဲ့ ရှားပါး မဂ္ဂဇင်းမျက်နှာဖုံး များ၊ စာအုပ်များ ပြသခြင်းအစီအစဉ်များအပြင် ပန်းချီဝသုန်ကျန်ရစ်သူမိသားစုမှ ရတနာပုံရိပ်ငြိမ် ဘုန်းတော်ကြီးသင် ပညာသင်ကျောင်းသို့ လှူဒါန်းငွေများ ဆက်ကပ်ခြင်း၊ ဆရာ ၀သုန်ရဲ့ စာပေပန်းချီမိတ်ဆွေများက အမှတ်တရစကားပြောကြားခြင်းတို့အပြင် ပန်းချီဝသုန် ကွယ်လွန်ခြင်းဆယ်နှစ်ပြည့် အမှတ်တရအဖြစ် ထုတ်ဝေတဲ့ ဆရာကြီးရွှေဥဒေါင်း ရေး သားပြီး ပန်းချီဝသုန် သရုပ်ဖော်ရေးဆွဲတဲ့ တိုင်ကပ်နာရီများ ရိုက်ခွဲမှုနှင့် စိန်ဝေလျှံပျောက်ဆုံးမှုစာအုပ်များကို ၂၀% လျှော့ဈေးဖြင့် ရောင်းချပေးခြင်းအစီအစဉ် တို့ပါဝင်တယ်လို့ သိရပါတယ်။

ပြပွဲစီစဉ်သူ Yangon Book Plaza ပေ့မှာလည်း “စာနယ်ဇင်း သရုပ်ဖော်လောကမှာ မသိသူ မရှိလောက်အောင် ထင်ရှားတဲ့ ဆရာကြီး ဝသုန် ကွယ်လွန်ခဲ့တာ ဆယ်နှစ်ပြည့်ခဲ့ပြီ ဖြစ်ပါတယ်။ ယနေ့ချိန်ထိ ဆရာကြီး ဝသုန်ရဲ့ သရုပ်ဖော်လက်ရာ စာအုပ်များကတော့ ရှင်သန်နေဆဲပါပဲ။ အလားတူပါပဲ။ ဆရာ ဝသုန်ရဲ့ ရုပ်ပြ စာအုပ်များဟာ စာပေချစ်သူများ ကြားမှာ တသသ ပြောဆိုနေရဆဲပါ။ ဆရာဝသုန်ရဲ့ ရုပ်ပြချစ်သူများ ၂၀% လျှော့ဈေးနဲ့ စာအုပ်များဝယ်နိုင်သလို ဆရာဝသုန်ရဲ့ ရှားပါး မူရင်း ပန်းချီများကိုလည်း ကြည့်ရှူခွင့်ရမယ့် ပွဲဖြစ်တာကြောင့် အလွမ်းပြေ လာရောက် ကြည့်ရှုခံစားဖို့ ဖိတ်ခေါ်လိုက်ပါတယ်”လို့ ပြောဆိုထားပါတယ်။

ပန်းချီဝသုန်ရဲ့ဘ၀ကောက်ကြောင်းကို ဖော်ပြလိုက်ပါတယ်။

ပန်းချီဆရာဝသုန်ကို ၁၉၄၇-ခုနှစ်၊ ဒီဇင်ဘာလ (၁)ရက်နေ့တွင် ရန်ကုန်၌ မွေးသည်။ အဖ ဦးလှမောင်၊ အမိ ဒေါ်သန်းတို့၏ မွေးချင်းသုံးယောက်အနက် အကြီးဆုံးသားဖြစ်သည်။ အမည်ရင်း မောင်ခင်လှဖြစ်ပြီး ရန်ကုန်မြို့၊ ကန်တော်ကလေးဇာတိ ဖြစ်သည်။ အထက်တန်းကျောင်းသားဘဝတွင် ကာတွန်း ဦးမောင်လွင် (ငထက်ဖြား)၊ ကာတွန်းဝင်းမောင်တို့ထံမှ ကာတွန်းပညာလေ့လာဆည်းပူးခဲ့သလို ပန်းချီဆရာ ဦးညိုလှထံတွင် ပန်းချီပညာကို သင်ကြားခဲ့သည်။ ၁၉၆၃ မှ ၁၉၆၅ ခုနှစ်အထိ ရန်ကုန် ပန်းချီပန်းပုကျောင်းတွင် ပန်းချီပညာ ဆည်းပူးသည်။ ဒီပလိုမာဘွဲ့ရရှိသည်။

ပန်းချီသမားဘဝ အစ

ငယ်စဉ်ကတည်း ပန်းချီကိုစိတ်ဝင်စားခဲ့သော်လည်း စတင်ထိတွေ့ခဲ့သည်မှာ ကာတွန်း ရုပ်စုံဖြစ်သည်။ ကာတွန်းပညာကို ဦးမောင်လွင်(ကာတွန်း) ထံမှဆည်းပူးခဲ့ကာ ကာတွန်း မောင် ခင်လှ အမည်ဖြင့်ကာတွန်းရုပ်စုံများကို ရေးဆွဲခဲ့သည်။ ၁၉၆၃ မှ ၇၀ ခုနှစ်အတွင်း ကာတွန်းပေါက်စ မောင်ခင်လှ အမည်ဖြင့် ကာတွန်းလုံးချင်းများ ရေးဆွဲထုတ်ဝေခဲ့သည်။ သို့သော် ဟာသ ဓာတ်ခံ အားနည်းသည် ဟု ယူဆသဖြင့် ကာတွန်းရုပ်စုံရေးဆွဲခြင်းကို ရပ်တန့်ခဲ့သည်။ အခြား ဆရာ တစ်ယောက်ဖြစ်သူ ဦးညိုလှရဲ့ မောင်းနှင်မှုဖြင့် လျှို့ဝှက်သည်း ဖို မဂ္ဂဇင်း အတွက်သရုပ်ဖော်ပုံများကို တစ်ပုံပြီးတစ်ပုံ ဆက်တိုက်ပင်ရေးဆွဲခဲ့သည်။ ထိုမှ ဆက်ကာ မိုးဝေ မဂ္ဂဇင်းတွင် ကဗျာသရုပ်ဖော်ပုံများကိုလည်းရေးဆွဲခဲ့ရာ ဆန်းသစ်မှုရှိ သည့်လက်ရာများအဖြစ် အများလက်ခံလာကြသည်။

ပရော်ဖက်ရှင်နယ် ပန်းချီဆရာ

တစ်ကယ်တမ်းပန်းချီနဲ့ အသက်မွေးမယ်လို့ဆုံးဖြတ်ပြီး ပန်းချီလောကထဲရောက်ခဲ့တဲ့နှစ်က ၁၉၆၅။ ခဲ၊ မင်၊ ရေဆေး၊ ဆီဆေး၊ အခရိုင်းလစ်နဲ့ ပါတိတ်။ မီဒီယံမျိုးစုံ သုံးခဲ့တယ်။ အဲဒီအချိန်ကတည်းက သရုပ်ဖော်ပန်းချီဆရာဆိုတာ ဖြစ်နေခဲ့ပြီ။ မဂ္ဂဇင်းတွေမှာ ဝသုန်ဆိုတဲ့ လက်မှတ်ကလေးတွေ မြင်တွေ့နေခဲ့ရပြီ။ ၁၉၆၅ ကနေ ၁၉၇၀ ပြည့်နှစ်များအထိ ဆိုပါတော့။

ပန်းချီဝသုန်ရယ်လို့ သတိထားလာခဲ့မိတဲ့ နှစ်တွေကတော့ ၁၉၇၀ မိုးဝေကဗျာခေတ်ဦးမှာ။ မိုးဝေကဗျာတွေမှာ တစ်ကြောင်းခြစ် သရုပ်ဖော်ပုံတွေကို ဝသုန်က အံ့မခန်းရေးဆွဲ ပြနိုင်ခဲ့တယ်။ အမျိုးအစားအရဆို Semi Surrealism အမျိုးအစားလို့ သတ်မှတ်နိုင်တယ်။ တစ်ချို့လက်ရာတွေဆို ကဗျာနဲ့မလိုက်ဖက်အောင်ကောင်းလွန်းနေတာကို တွေ့ရတယ်။ အမြင်ဆန်းသစ်တယ်။ အတွေးကောင်းတယ်။ ကဗျာတွေကို အကောင်းဆုံးပံ့ပိုးနိုင်တယ်။ စမ်းစမ်းနွဲ့(သာယာဝတီ)ရဲ့ အသည်းနှလုံးကိုထုခွဲခြင်း ကဗျာမှာ သရုပ်ဖော်ပေးခဲ့တဲ့ ဆရာ ဝသုန်ရဲ့ အီလက်စရေးရှင်း လက်ရာဟာ ကဗျာကိုပံ့ပိုးနိုင်ခဲ့တဲ့ အပြင်ခေတ်ကိုပါတောက်ပစေတယ် လို့ ဒီခေတ်ကို ဖြတ်သန်းခဲ့တဲ့ လူတွေက ပြောပြလိမ့်မယ်။

အဲဒီအချိန်၊ အဲဒီအခါက ရှုမဝမှာ ဗဂျီအောင်စိုးရဲ့ ကဗျာသရုပ်ဖော်ပုံတွေကလည်း အရမ်းကို ကောင်းလွန်းပြီး ကျော်ကြားနေတဲ့အချိန်။ ၁၉၇၀ ပြည့်လွန်နှစ်တွေကနေ ၁၉၇၄၊ ၁၉၇၅ နှစ်များအထိ ရှုမဝမှာ ဗဂျီအောင်စိုးလက်ရာ မပါရင် မဖြစ်သလို မိုးဝေကဗျာတွေမှာ ဝသုန်ရဲ့လက်ရာ မပါရင် မပြည့်စုံဘူးလို့တောင် ဆိုခဲ့ကြသည်။

၁၉၈၆ ခုနှစ်မှာ လူထုဦးလှ၏ လှောင်ချိုင့်အတွင်းမှ ငှက်ငယ်များ ကို ထိုင်းနိုင်ငံမှ THE CAGED ONES အမည်ဖြင့် အင်္ဂလိပ်ဘာသာသို့ ပြန်ဆိုထုတ်ဝေရာတွင် မျက်နှာဖုံးနှင့် အတွင်း သရုပ်ဖော်ပန်းချီများ ရေးဆွဲပေးခဲ့ရသည်။

၁၉၉၄ ခုနှစ်တွင် UNICEF မှ ကမ္ဘာ့ကလေးသူငယ်များ ရန်ပုံငွေအဖြစ် ပို့စကဒ်ပြက္ခဒိန်ထုတ်ဝေရာမှာ ကြာပန်းများ (Lotus) အမည်ရှိ ရေဆေးပန်းချီကား ပါဝင်ခဲ့ပါတယ်။ ၁၉၇၃ - ၈၀ ခုနှစ်အတွင်း မြန်မာနိုင်ငံ ပန်းချီပန်းပုကောင်စီ တွဲဖက် အထွေထွေ အတွင်းရေးမှူး၊ ဘဏ္ဍာရေးမှူးအဖြစ် ဆောင်ရွက်ခဲ့သည်။

လင်္ကာဒီပ ရုပ်ပြ

၁၉၇၇ ခုနှစ်တွင် ချစ်ဦးညို၏ လင်္ကာဒီပချစ်သူ ဝတ္ထု ထွက်လာခဲ့သည်။ ဗညားသီဟ၏ စာပေစစ်တမ်းက လင်္ကာဒီပချစ်သူကို ပယ်ပယ်နယ်နယ် ဝေဖန်ခဲ့သည်။ ၁၉၇၉ တွင် ရှုမဝ မဂ္ဂဇင်း၌ ပန်းချီဝသုန်၏ လင်္ကာဒီပချစ်သူ ရုပ်ပြဇာတ်လမ်းဖော်ပြခဲ့သည်။ ချီးကျူးမှု ခံရသည်။ ရှုမဝတွင် လင်္ကာဒီပချစ်သူရုပ်ပြကို ၃၆ လကြာ လစဉ် ဖော်ပြခဲ့သည်။

လူတိုင်းပါစပ်ဖျားတွင် စွဲခဲ့သော ဝသုန်၏ လင်္ကာဒီပချစ်သူဇာတ်လမ်းသည် ၁၉၈၄ ခုနှစ်တွင် လုံးချင်းရုပ်ပြအဖြစ် ထွက်ရှိလာသည်။ ပို၍ အောင်မြင်ခဲ့သည်။ ဆယ်နှစ်အကြာ ၁၉၉၄ တွင်တစ်ကြိမ်၊ နောက်ထပ် ဆယ်နှစ်အကြာ ၂၀ဝ၄ ခုနှစ်တွင် တစ်ကြိမ်။ သုံးကြိမ်တိုင် ရိုက်နှိပ်ထုတ်ဝေရသည်။

လင်္ကာဒီပချစ်သူရုပ်ပြသည် ဆရာဝသုန်၏ လက်ရာများအနက် အထွဋ်အထိပ် ရောက်သော လက်ရာတစ်ခုဖြစ်သည်။ နောက်ထပ်ရုပ်ပြဇာတ်လမ်းများ ဆက်ထွက်လာခဲ့သော်လည်း လင်္ကာဒီပချစ်သူကို မမီဟု ဆိုကြသည်။ မျက်နှာဖုံး သရုပ်ဖော်များ ရေးဆွဲရာတွင်မူ ဆက်လက် အောင်မြင်ခဲ့သည်။ မဂ္ဂဇင်းစာမျက်နှာများတွင်လည်း ဝသုန်၏ လက်ရာများကို မြင် တွေ့နိုင်သည်။

နိုင်ငံတကာ ပန်းချီပြပွဲ

ပန်းချီရေးသက် နှစ် ၃၀ ကျော်အတွင်း ပါတိတ်ပန်းချီပြပွဲများကို ၄ ကြိမ်တိုင်တိုင် ဦးဆောင်ကျင်းပခဲ့သည်။ ၁၉၉၉ ခုနှစ်တွင် တစ်ကိုယ်တော်ပန်းချီပြပွဲ၊ ပြည်ပပန်းချီပြပွဲများအဖြစ် ၁၉၈၈ ခုနှစ်၌ တောင်ကိုရီးယားနိုင်ငံ၊ ဆိုးလ်မြို့တော်မြို့၌ လည်းကောင်း၊ ၁၉၈၉ ခုနှစ်၌ ထိုင်းနိုင်ငံ၊ ဘန်ကောက်မြို့၊ ၁၉၉၃ ခုနှစ်တွင် အမေရိကန်ပြည်ထောင်စု၊ ဖီလာဒယ်လ်ဖီးယားတို့တွင် ပါဝင်ပြသခဲ့သည်။

စာရေးဆရာဝသုန်

၁၉၇၅ ခုနှစ်တွင် ရုပ်ရှင်မျက်မှန်မဂ္ဂဇင်းတွင် သားလေးအမည်မသိ ဝတ္ထုတို စတင်ရေးသားခဲ့သည်။ မိုးမိုး (အင်းလျား) အမှတ်တရ ဝတ္ထုတိုပြိုင်ပ္ပွဲ၌ ၁၉၉၇ ခုနှစ်တွင် မိုနာလီဇာနှင့် တွေ့ဆုံခြင်း ဝတ္ထုတိုဖြင့် ဒုတိယဆုရရှိခဲ့သလို ၁၉၉၉ နှင့် ၂၀ဝ၀ ခုနှစ်များတွင်လည်း မနက်ဝိဇ္ဇာ ညမိစ္ဆာ၊ သောကဗျာပါဒ အရေးအကြောင်းများ ဝတ္ထုတိုများဖြင့် အထူးဆု ရရှိခဲ့ သည်။

၂၀ဝ၄ ခုနှစ်တွင် သားကလေးအမည်မသိနှင့် အခြားဝတ္ထုတိုများ စာအုပ်ကို သီဟရတနာစာပေတိုက်မှ ထုတ်ဝေ၍ ၂၀ဝ၆ ခုနှစ်တွင် မုဒိတာရေစင်နှင့် အခြားဝတ္ထုတိုပေါင်းချုပ်ကို ပုဂံစာအုပ်တိုက်မှ ထုတ်ဝေခဲ့သည်။

(၂၀ဝ၈)ခုနှစ် အောက်တိုဘာလဆန်းတွင် အမေရိကန် ပြည်ထောင်စု၊ ဝါရှင်တန်ဒီစီ အခြေစိုက် National Geographic Magazine အဖွဲ့မှ ဦးစီး ကျင်းပခဲ့သော " All Raods Films Festival" (၅) ကြိမ်မြောက် ရုပ်ရှင်ပွဲတော်၌ ဒါရိုက်တာ ကြည်ဖြူသျှင် ရိုက်ကူးသော (၁၅-မိနစ်စာ ဇာတ်လမ်းတို) “ဝသုန်၏ ကောက်ကြောင်း” မှတ်တမ်းတင်ရုပ်ရှင် "A Sketch of Wathone" ပထမဆုအဖြစ် ရရှိခဲ့ပါသည်။

ဘဝနောက်ဆုံးအချိန်

နောက်ဆုံးအချိန်က ရေးဆွဲခဲ့သည့် လက်ရာမှာ ပဉ္စမအကြိမ်အဖြစ် ထုတ်ဝေမည့် ဆရာကြီးရွှေဥဒေါင်း၏ စုံထောက်ဦးစံရှား အမှတ်(၂)ဝတ္ထုဖြစ်သည်။ ပန်းချီဝသုန်သည် ပန်းချီ မောင်မောင်သိုက်၊ ပန်းချီကျော်သောင်းတို့နှင့် ပူးတွဲကာ ပန်းချီပြပွဲတစ်ရပ်ကို ပြသရန်စီစဉ်နေစဉ် ၂၀ဝ၈၊ အောက်တိုဘာ ၂၁ ရက်နေ့၊ မနက် ၇ နာရီ ၁၅ မိနစ်တွင် တီဘီရောဂါနှင့် ကွယ်လွန်သည်။ ကွယ်လွန်ချိန်တွင် ဇနီး ဒေါ်စန်းအေးနှင့် သား ၂ဦး သမီး ၂ဦး ကျန်ခဲ့သည်။