နိုင်ဝင်းသီ - မြူ​​များရဲ့​ခြေသံ


 နိုင်ဝင်းသီ - မြူ​​များရဲ့​ခြေသံ 
(မိုးမခစာအုပ်အညွှန်း) နိုဝင်ဘာ ၃၊ ၂၀၁၈

( တစ်​ )
သစ်​​တော​တွေဆုတ်​ခွာသွား​ခဲ့တဲ့ သည်​ဘက်​နှစ်​​တွေထဲမှာပဲ ​​ပျော်​ရွှင်​စရာသိပ်​မ​ကောင်းတဲ့ နှစ်​ကာလ​တွေထဲကို သူတို့​တွေ ​ဟာ ရောက်​ရှိလာခဲ့ကြ။ နည်းပညာ​ကြောင့်​ပဲ အချိန်တိုတိုအတွင်းမှာ အ​ရေးအသားချင်း ချိတ်​ဆက်​မိကြ။ လူချင်း ချိတ်ဆက်မိကြ။ စကားလုံးချင်း ချိတ်​ဆက်​မိကြ။ စိတ်​ကူးစိတ်​
သန်းချင်း ချိတ်​ဆက်​မိကြ။ ​ဝေမြင့်​​မောင်​(ဆလိုင်းမြတ်​နိုးသူ) ၊ ဆလိုင်းဇုန်​၊ ​မောင်​​နောင်​မွန်​နှင့်​ ကျွန်​​တော်​။

 သူတို့ဟာ Y မျိုးဆက်​ ဖြစ်​မလား။ X မျိုးဆက်​ ဖြစ်​​လေမလား။ ဘယ်​လို​ခေတ်​မျိုးကို အခြေပြုပြီး ခွဲခြားကြမယ်ဆိုတာ သိပ်​မသဲကွဲလှ​သော်လည်း မည်း​မှောင်​​အေးစက်​​နေ​တဲ့ နှစ်ကာလ​တွေထဲမှာ ​ရွေ့လျားလာခဲ့တဲ့ ၉၀ပြည့်​နှစ်​အလွန်​ မျိုးဆက်တွေဆိုတာက​တော့ ​သေချာခဲ့။

 လွတ်​လပ်​​ရေးရပြီးမှ ​မွေးဖွားလာခဲ့​​တဲ့  ကျွန်​​တော်​တို့အတွက် ​​ပျော်​ရွှင်​စရာတချို့ထဲကို ​ရော​ထွေးစိမ့်​ဝင်​ခဲ့ဖူးပေမယ့် ၉၀ပြည့်​နှစ်​ အလွန်​ သူတို့ မျိုးဆက်​တွေ အတွက်​က​တော့ အ​မှောင်​​ခေတ်​ထဲက generation ​တွေ အ​သေအချာ ဖြစ်​​နေခဲ့။ ​ပျော်​ရွှင်​စရာ​တွေ ​ပျောက်​ဆုံး​နေခဲ့တဲ့ နှစ်​ကာလ​တွေထဲမှာပဲ သူတို့ဟာ နာနာကျင်​ကျင်​နဲ့ ​ပျော်​ရွှင်​ခဲ့ကြ။ အ​မှောင်​​ခေတ်​ထဲမှာ ကြီးပြင်းလာခဲ့ရင်း အလင်းထဲကို ​ရောက်​ရှိလာ​အောင်​ ကိုယ့်​ကိုကိုယ်​ ထိန်းညှိ သယ်​မ တိုးဝင်​လာခဲ့ရတဲ့ လူငယ်တွေလို့ ပြောမယ်​ဆိုရင် ရနိုင်လိမ့်မယ်ထင်။​

 ဖြတ်​သန်းလာခဲ့ရာ ​နောက်​ခံကားချပ်​​ချင်း မတူညီ​ခဲ့​ပေမယ့်​ ​ခေတ်​ကြီးဟာ ဒါလီရဲ့ နာရီ​တွေလို ပျော့တွဲအိကျလို့။ မီးစွဲ​နေတဲ့ နာရီလက်​တံ​တွေဟာ မံမီ​​ ရုပ်​အ​လောင်း​ကောင်​​တွေလို ​မိန်း​မောရီ​ဝေလို့။​
သူတို့ဟာ ညည်းတွား​အော်​ဟစ်​သံ​တွေ လျှံတက်​​နေတဲ့ မြို့ပျက်​ကြီးထဲက တီးခတ်​ဖို့ ခက်​ခဲ​နေတဲ့ စန္ဒယားတစ်​လုံး။ သူတို့ဟာ မုန်တိုင်းကို ဆာလောင်မွတ်​သိပ်​​နေတဲ့ ပင်​လယ်​တစ်​စင်း။ သူတို့ဟာ ညဉ့်​နက်​သန်​​ခေါင်​ထဲမှာ မုန်ယိုထကြွ​နေတဲ့ အရိုင်းဂစ်တာတစ်လက်။ ကြည့်နေကြည့်နေရင်းကပဲ ခေတ်ကြီးကို
တီးခတ်ဖို့အတွက် သံမဏိကြိုးမျှင်တွေဟာ တဆတ်ဆတ်နဲ့ တုန်ရီလာခဲ့ပြီ။

 (နှစ်)
 သိစိတ်ဟာ တစ်ခါတစ်ခါမှာတည်ငြိမ်နေတယ်။ တစ်ချက်တစ်ချက်မှာတော့ ပြန့်​ကားဖြာထွက်​ သွားတတ်တယ်။ ​သေချာတာ တစ်ခုက အရေးအသား​​တွေ​အောက်​မှာ ကျွန်​​တော်​တို့ဟာ ​လေးလံဖိစီးမှု​တွေ ရှိမ​နေခဲ့ဘူး။ တိတ်​ဆိတ်​ညင်​သာနေတဲ့ သူတို့ရဲ့ဘာသာစကားထဲမှာပဲ အဖြစ်​အပျက်​​တွေကို ကြည်လင်ပြတ်သားစွာနဲ့ ရှုမြင်​​ခွင့်​ ရ​နေခဲ့တယ်​။ ဆက်​သွယ်​ထားတဲ့ ဘာသာစကားထဲမှာ တုန်​ရီထစ်​အမှု​တွေ ရှိမ​နေ​ခဲ့ဘူး ဆို​ပေမယ့်​ တစ်​ခါတစ်​ခါမှာ​တော့ ​ရှော့ခ်​ဟာ မီးပွား​တွေလို ဖျပ်ကနဲ ဖျပ်​ကနဲ။

 ( သုံး )
ဆလိုင်းဇုန်​ရဲ့ စီးဆင်း​ပေါ့မဏိပူရ်​မြစ်​​ရေထဲမှာ"ဆရာမ​ ဒေါ်ဆွီး ကွယ်​လွန်​။နေအိမ်​​ပေါ်လက်​နက်​ကြီးကျ။ အမြန်လာပါ " ဆိုတဲ့ ​ကြေးနန်းစာ​လေး တစ်​​စောင်​ဟာ ကျွန်တော်တို့ရဲ့ လူ့အဖွဲ့အစည်း တစ်ခုလုံးကို နာကျင်ကြေကွဲ သွားစေတဲ့ ​ကြေးနန်းစာလေး တစ်စောင်ပါပဲ။

ကျွန်​​တော်​တို့ မ​မွေးခင်​ကတည်းက တိုက်​လာခဲ့တဲ့ စစ်​ပွဲ​တွေဟာ သူတို့ မျိုးဆက်​​ကို ​ရောက်​လာတဲ့အထိ မပြီးစီးနိုင်​​သေးပါဘူး။ ကျွန်တော်ကတော့ အဲဒီကြေးနန်းစာလေး ကိုဖတ်ပြီး သွေ့ခြောက်မွဲရီ​နေတဲ့ မျက်လုံးလေး​တွေကို မြင်တွေ့နေရပါတယ်။ အဲဒီ မျက်လုံးလေးတွေဟာ ​ခြေဦးတည့်ရာ အရပ်ဒေသ အသီးသီးကို ကူကယ်ရာမဲ့ လွင့်ပြေးနေကြတယ်။ ယမ်းငွေ့တွေ ဝေရီနေတဲ့ ကြားက လက်နက်ငယ်ပစ်ခတ်သံတွေကို ကြား ​နေရ တယ်။ လက်နက်ကြီး ​ပေါက်ကွဲသံတွေကို ကြားနေရတယ်။ကလေးငယ်လေးတွေရဲ့ အော်ဟစ်ငိုယိုသံတွေကို ကြားနေရတယ်။ အဲဒီ ပစ်​ခတ်​သံ​တွေဟာ ကိုယ်​​တွေနဲ့  မိုင်​​ပေါင်းများစွာ ကွာ​ဝေးတဲ့ အရပ်​​ဒေသ​မှ ဖြစ်​ပျက်​​နေတာပဲဆိုပြီး မသိကျိုးကျွံ​ ​နေ ​နေလို့​တော့ မရပါဘူး။ လက်​နက်​ကြီး ကျည်​စတစ်​ခုဟာ  အချိန်​အခါ​နေရာ​ဒေသမ​ရွေး ကျွန်​​တော်​တို့ရဲ့​ခေါင်း​ပေါ်ကို ပြုတ်​ကျလာနိင်​တယ်​ဆိုတာ သိထားရပါမယ်​။

ကျည်ဆန်တွေဟာ တောင်ယာခင်းထဲကို ဖြတ်သန်းမသွားဖို့။ ကျည်ဆန်တွေဟာ လူနေအိမ်ရာ​တွေပေါ် ထိုးဆင်းမလာဖို့။ ကျည်ဆန် တွေဟာ မိသားစုရဲ့ ညစာစားပွဲထဲကို လမ်းမှာုးပြီး ​ကွေ့ဝင်မလာဖို့ ဘယ်လောက်တောင် ကြာမြင့်ဦးမှာလဲဆိုတာကို​တော့ ဘုရားသခင်မှပဲ သိတော်မူပေလိမ့်မယ်။ အနိဌာရုံမျိုးစုံ​ ​ရော​ထွေး​ပျော်​ဝင်​​နေတဲ့ စစ်​ပွဲ​တွေဟာ တချို့တချို့​သော လူသား​တွေအတွက်​တော့
နှစ်​ချို့ဝိုင်​တစ်​ခွက်​လို ဖြစ်​​နေခဲ့တာ ရာစုနှစ်​ထက်​ဝက်​ကို​တောင်​ ​ကျော်​လွန်​လာခဲ့ပြီ မဟုတ်​လား။

(​လေး)
မောင်နောင်မွန်ရဲ့ အာရုံခံစားမှုထဲမှာ ​ကျေးလက်ဟာ အ​သေအချာ တွယ်​ငြိ​နေပုံ ရတယ်​။ သူ့ရဲ့​ ​ကျေးလက်​ထဲမှာ ​နှစ်​လိုဖွယ်​ ​ကောင်းတဲ့ အဖွဲ့အနွဲ့​လေး​တွေကို မြင်​​တွေ့​​နေရ​ပေမယ့်​ မွန်းကျပ်​သွား​စေတဲ့  အဖြစ်​အပျက်​​​တွေကိုလည်း မြင်​​ရ​ ​တွေ့​ရပြန်​ပါတယ်​။

အလုပ်​အကိုင်​ အခွင့်​အလမ်း ပါးရှားမှု​ကြောင့်​ ပျိုမြစ်​တဲ့ လူငယ်​လူရွယ်​​တွေဟာ ​ကျေးလက်​
တွေမှာ မရှိကြ​တော့ဘူး။တစ်​ဖက်​နိုင်​ငံတွေဆီကူးလူး​ ​ရောက်​ရှိသွားကြပြီ။ ခွန်​အားကို ညှစ်​ထုတ်​ပြီး အလုပ်​လုပ်​ရတဲ့ ကြမ်းရှ​သော လုပ်​ငန်းခွင်​မျိုး​တွေမှာ​ သူတို့လို ပျိုမြစ်​တဲ့ လူငယ် လူရွယ်​​လေး​တွေကို မြင်​​တွေ့ကြရလိမ့်​မယ်​။

ဘီယာ၊အရက်​နဲ့ အခြား မူးရီလွင့်​​မျော​စေ​သော​ဆေးပြား​တွေဟာ ​ကျေးလက်​လို ​ဒေသမျိုးအထိ လွယ်​လင့်​တကူ ​ရောက်​ရှိလာလို့လည်း ​ကျေးလက်​က လူငယ်​​လေး​တွေ ဟာ ငယ်​ငယ်​ရွယ်​ရွယ်​နဲ့ ​ဆေးသမား အမူးသမား​လေး​တွေ ဖြစ်​ကုန်​ကြတာဟာ သိသာထင်လင်းစွာ ​ပြောင်းလဲလာ​ခဲ့တဲ့ ​ကျေးလက်​ရဲ့ အ​ရွေ့တစ်​ခုပါပဲ။

ဒီလို​ ​ကျေးလက်​​လေး​တွေနဲ့ ဒီလိုအမူးသမား​လေး​တွေကို အ​မှောင်​ကမ္ဘာထဲက​နေ ဆွဲထုတ်​ချင်​တဲ့ စိတ်​အခံနဲ့ ဘုရားသခင်​ဆီကို မက်​​ဆေ့ခ်ျ​တစ်​​စောင်​ ပို့ပြီး ​စောင့်​​နေတဲ့​ ​မောင်​​နောင်မွန်ကို အ​ဝေးက​နေပဲ ​ငေး​ရီကြည့်​​​နေတာဟာ ကျွန်​​တော်​တို့အတွက်​ ပိုပြီး​တော့ သက်​​တောင့်​သက်​သာ ရှိ​​စေပါလိမ့်​မယ်​။
ဒီလိုနဲ့ပဲ ဘဝ​တွေဟာ ​အော့ဇ်​ဝစ်​ခ်ျ​ အကျဉ်းစခန်းထဲကို မျက်​လုံးအ​သေ​တွေနဲ့ တန်းစီပြီး ဝင်​သွားတဲ့ ဂျူး​တွေနဲ့ တူမှန်းမသိ တူလာခဲ့ရတာ မဟုတ်​လား။ ဒီလိုခြစ်​ရှရာ​တွေ များ​နေတဲ့ကြားကပဲ ကျွန်​​တော်​တို့ဟာ နယ်​သစ်​ပယ်​သစ်​ကိုရှာ​ဖွေဖို့အတွက်​ မီးပင်​လယ်​ထဲမှာ ရွက်​လွှင့်​ခဲ့ကြရတာ မဟုတ်​လား။

 ( ငါး )
ဝေမြင့်​​မောင်​ရဲ့ ကိုက်​ခဲသူ​ခေါင်း​လောင်း က​တော့ ကျွန်​​တော်​တို့ရဲ့ ပုဂ္ဂလိက ည​တွေကို တစစ်​စစ်​နဲ့ ကိုက်​ခဲသွား​စေတဲ့ ​ခေါင်း​လောင်း သံ​ပါပဲ။ ငြိ်​မ်း​အေး​ချိုလွင်​​နေတဲ့ ​ခေါင်း​လောင်း သံကို ​သေခြင်းတရားနဲ့ ယှဉ်​တွဲပြီး ဘယ်​တုန်း ကများ ကျွန်​​တော်​တို့ မြင်​တွေ့ခဲ့ဖူးလို့လဲ။ ဒါ​ပေမယ့်​ မြူ​တွေကြားမှာ ​ခေါင်း​လောင်းသံ
တစ်​ချက်​ပြီးတစ်​ချက်​ လွင့်​​မျောလာပြီဆိုရင်​  လူတစ်​​ယောက်​ ​သေဆုံးသွားတဲ့အ​ကြောင်း ​တောင်​​ပေါ်မြို့​​လေးက လူ​တွေကို ဆက်​သွယ်​ အသိ​ပေးလိုက်​တာတဲ့။ တစ်​သက်​လုံးက ​သေခြင်းတရားကို ​မေ့​လျော့ထားခဲ့တဲ့ ကျွန်​​တော်​ တို့ဟာ သူ့ရဲ့​ခေါင်း​လောင်းသံကို ကြားလိုက်​ရတဲ့ အချိန်​မှာ​တော့ ​သေခြင်းတရားရဲ့ ​နောက်​
ကွယ်​က အ​တွေးစီး​ကြောင်းကို ချဲ့ထွင်​မိသွားပြီ။

 ​သေဆုံးသွားတဲ့ လူဟာ နှစ်​လိုဖွယ်​​ကောင်းတဲ့လူလား။ဆိုးသွမ်း​ဟော့ရမ်း​နေတဲ့ လူ​လား။ ပို​ပေါ့လို၊မက္ခီရာဘယ်​လီလို လူမျိုး​တွေ သေဆုံးသွားတာဟာ လူ့အဖွဲ့အစည်းအတွက်​​ ​ကောင်းမွန်​​ပေါ့ပါးသွား​​သော သေဆုံးမှုမျိုး​တွေ ဖြစ်​ပါလိမ့်​မယ်​။
သဘာဝပတ်​ဝန်းကျင်​ စိမ်းလန်းစိုပြည်​​ရေးအတွက်​ တိုက်​ပွဲဝင်​ခဲ့တဲ့ ဝမ်ဂါရီမာသီ လို၊
ဘယ်​သူမှ မထိချင်​ မကိုင်​ချင်​တဲ့ ကိုယ်​​ရေပြား​​ရောဂါသည်​​တွေကို ပြုစု​စောင့်​​ရှောက်​​ပေး​ခဲ့တဲ့ မာသာထရီဆာလို လူမျိုး​​​တွေ ကွယ်​လွန်သွားတာကတော့ ကမ္ဘာကြီးအတွက်​ ဘယ်​လိုမှ အစားထိုးလို့ မရနိုင်​တဲ့ ဆုံးရှုံးမှု​တွေပါပဲ။

ဓမ္မနဲ့ အဓမ္မနဲ့ အားပြိုင်​လာ​လေတိုင်း အဆုံးသတ်​မှာ ဓမ္မသည်​သာ အနိုင်​ရသွားတယ်​လို့
ဆိုထား​ပေမယ့်​ အဲဒီအမှန်​တရားဆီကို ဆိုက်​​ရောက်​ဖို့အတွက်​ အချိန်​​တွေ ဘယ်​​လောက်​​တောင်​ ကြာမြင့်​ဦးမှာပါလဲ။ အမှန်​တရားတစ်​ခုဆီကို ​ရွေ့လျားရာ လမ်း​ကြောင်းတစ်​​လျှောက်​ မှာ အဆီးအတား အပိတ်​အပင်​​တွေ များပြားလွန်းလှတဲ့အတွက်​ ​ခေါင်း​လောင်းသံကို ကြားမိ​လေတိုင်း လူ့အဖွဲ့အစည်းကို ပူ​လောင်​​လေးလံ​စေတဲ့ လူရမ်းကား​တွေကိုပဲ ​ရွေးပြီး ထွက်​ခွာသွား​စေချင်​မိတယ်​။ခေါင်း​လောင်းသံ
တစ်​ချက်​ပြီးတစ်​ချက်​ လွင့်​​မျောလာ​လေတိုင်း ဆိုးသွမ်း​ဟော့ရမ်း​နေတဲ့ လူ​မိုက်​​တွေထဲက 
ဘယ်​သူ​တွေများ ထွက်​ခွာသွားပြီလည်းလို့ ​တွေး​နေမိတတ်​တယ်​။

အဲဒီ လူရမ်းကား​တွေ လက်​ထဲကို နိုင်​ငံ​တော်​တစ်​ခု ​ရောက်​ရှိသွားခဲ့ရင်​ အဲဒီနိုင်​ငံ​တော်​ဟာ နှစ်​​ပေါင်းများစွာ ကြာမြင့်​သွား​အောင်​ ဆွံ့အမည်း​မှောင်​ သွားတတ်​တာ မဟုတ်​လား။

 ( ​ခြောက်​ )
တစ်​ခုခုကို ​ရေး​နေပြီ ဆိုကတည်းက သူတို့ဟာ တစ်​ခုခုကို ​တော်​လှန်​ ပုန်​ကန်နေတာပါပဲ။ အ​ရေးအသား​တွေဟာ တည့်​တည့်​ မတ်​မတ်​ ဖြစ်​ချင်​လည်း ဖြစ်​လိမ့်​မယ်​။ရွဲ့​စောင်းချင်​လည်း ​ရွဲ့​စောင်း​နေလိမ့်​မယ်​။သူတို့ ဘာကို ​​တော်​လှန်​ပုန်​ကန်​​နေတာလည်းလို့ ​မေးလာခဲ့ရင်​​​တော့ ​ခေတ်​ကြီးကို
ပုန်​ကန်​​နေတာလို့ပဲ ​ပြောရပါလိမ့်​မယ်​။ ​နွေဦး​တော့ ​ရောက်​လာခဲ့ပြီ။ ဒါ​ပေမယ့်​ ကျွန်​​တော်​တို့ဆီမှာ နှင်းခဲ​တွေ ​ပျော်​ကျလာ မယ့်​ အရိပ်​အ​ယောင်​ကို မမြင်​​တွေ့ရသေးဘူး။ နှင်းခဲ​တွေပျော်ကျလာဖို့ထက် နဂို ရှိရင်းစွဲ နှင်း​တွေကိုပဲ ​အေးခဲ မသွားရ​လေ​အောင်​ သတိကြီးစွာနဲ့ တစ်​လှမ်းချင်း ​လျှောက်လှမ်း​
နေရ​သော အနေအထားမျိုး။ နှင်းခဲ​ပျော်​ချိန်​ကို မမြင်​​တွေ့ရ​သေး​ပေမဲ့ မြူ​တချို့ရဲ့ အ​ရွေ့အလျားကို​တော့ မြင်​​တွေ့ ခွင့်​ ရလာခဲ့ပြီ။ အခု ကျွန်​​တော်​တို့ဆီကို လွင့်​ ​မျောလာခဲ့တဲ့ မြူ​တွေဟာ ​ခေတ်​ကြီးထဲက​နေ
တိုးထွက်​လာခဲ့တဲ့ လူငယ်​သုံး​ယောက်​ရဲ့ခြေသံ​​တွေပါပဲ။ တရှပ်​ရှပ်​ ​ခြေသံ​တွေဟာ ကျွန်​​တော်​တို့နဲ့ တ​ဖြည်းဖြည်း နီးကပ်​လာခဲ့ပြီ။ သူတို့ဟာ ​ရှေ့ဆက်​သွားကြဦးမှာ အ​သေအချာ။  အဲဒီ မြူ​တွေထဲမှာပဲ ​ပျောက်​ဆုံး​နေခဲ့တဲ့ သူတို့ရဲ့ လူငယ်​ဘဝကို မြင်​​တွေ့ခွင့်​ရလာခဲ့ပါတယ်​။ ​အဲဒီမြူတွေထဲမှာပဲ လူ့ဘဝရဲ့ ဖြစ်​တည်​မှုထဲက မ​ရေရာ မ​သေချာမှု​​တွေကို ဆင်​ခြင်​ခွင့့်ရလာခဲ့တယ်​။ အဲဒီ မြူ​တွေရဲ့အရွေ့အလျားကို ကြည့်​ပြီး​တော့ ကျွန်​​တော်​တို့ ကျ​ရောက်​​နေတဲ့ ​ခေတ်​ကြီးကို ပြန်​လည်​ ဆင်​ခြင်​ ​တွေးဆခွင့်​ ရ​လာတဲ့အတွက်​ သူတို့ကို ကျွန်​​​တော် ​ကျေးဇူးတင်​ရပါတယ်​။

 တစ်ခုတော့ရှိပါတယ်။ မြူ​တွေရဲ့ ​အေးမြစင်ကြယ်မှုကို ထိစမ်းနိုင်​ဖို့အတွက်​ မြူ​တွေဆီကို ချဉ်းကပ်​တဲ့​နေရာ
မှာ ကျွန်တော်တို့ရဲ့ စိတ်​​တွေဟာ ကြည်လင် ရှင်းသန့် ( ကြည်​လင်​ရှင်းသန့်​ ) ​နေဖို့တော့ လိုအပ်​ပါလိမ့်မယ်ဆိုတဲ့ အ​ကြောင်း။ ။

နိုင်​ ဝင်း သီ

နိုင်​ဝင်းသီရဲ့ အမှာစာထဲက မြူတွေကို ထိစမ်းမိရုံနဲ့တင်​ ရင်​ခုန်​ချင်​စရာ ကောင်းသွား ခဲ့ပါပြီ။
အဖုံးပန်းချီကို ဘဌေးကြည်​ က ရေးဆွဲ ပေးထားပြီး တန်​ဖိုး ၂၅၀၀ကျပ်​နဲ့ ကဗျာဆရာ မိုးဦးဆွေညိန်းရဲ့ လင်းသစ်​ရောင်​စဉ်​စာပေက နေပြီး ပြည်​လုံးကျွတ်​ဖြန့်​ချိပေးထားပါတယ်​။ ၂၀၁၈ ခုနှစ်​ စက်​တင်​ဘာလထဲမှာ ပထမ အကြိမ်​ ပုံနှိပ်​ထားပါတယ်​။ ( စာပေတမန်​ )

Comments