အောင်ထက်ဦး / Myanmar Now - ကြားဖြတ်ရွေးကောက်ပွဲ ဘာကြောင့် လူစိတ်ဝင်စားမှုနည်းခဲ့သလဲ

ကြားဖြတ်ရွေးကောက်ပွဲ ဘာကြောင့် လူစိတ်ဝင်စားမှုနည်းခဲ့သလဲ
အကြောင်းကြောင်းကြောင့် မဲရုံသို့ မသွားလိုသူ အများအပြား ရှိတတ်သည်ဟု ရွေးကောက်ပွဲအကဲခတ်တို့က သုံးသပ်သည်
အောင်ထက်ဦး / Myanmar Now
(မိုးမခ) နိုဝင်ဘာ ၅၊ ၂ဝ၁၈


၂ဝ၁၈ ကြားဖြတ်ရွေးကောက်ပွဲနေ့က တွေ့ရသော ရန်ကုန်တိုင်းဒေသကြီးလွှတ်တော်၊ ဆိပ်ကမ်းမဲဆန္ဒနယ်အမှတ် ၂ မှ မဲဆန္ဒရှင်တချို့ (ဓာတ်ပုံ - ဖြိုးသီဟချို/Myanmar Now)

ပြီးခဲ့သည့် စနေနေ့က ကျင်းပခဲ့သည့် ကြားဖြတ်ရွေးကောက်ပွဲရလဒ်သည် လွှတ်တော်တစ်ခုလုံးကို အပြောင်းအလဲ မလုပ်နိုင်ဟု မဲဆန္ဒရှင်များက ယူဆသောကြောင့် စိတ်ဝင်စားမှု နည်းပါးခြင်း ဖြစ်နိုင်ကြောင်း ရွေးကောက်ပွဲ စောင့်ကြည့်သူများက ဆိုသည်။

နိုင်ငံတကာတွင်လည်း ရွေးကောက်ပွဲကို လူစိတ်ဝင်စားမှု နည်းပါးခဲ့သည့် အဖြစ်အပျက်များ ရှိခဲ့ကြောင်း၊ လွှတ်တော်အမတ်လောင်းများကို မဲဆန္ဒရှင်တို့ သဘောမကျသည့် အခြေအနေတွင် မဲပေးသည့် ရာခိုင်နှုန်း ကျဆင်းတတ်ကြောင်း ရွေးကောက်ပွဲများကို စောင့်ကြည့်လေ့လာနေသည့် ထိုင်းနိုင်ငံ အခြေစိုက် Asian Network for Free Election (ANFREL) ဥက္ကဋ္ဌ Mr. Damaso G. Magbual က ပြောသည်။

“ထိုင်းတို့၊ မက္ကဆီကိုတို့၊ လက်တင်အမေရိကတို့မှာ ဆိုရင် No Vote လို့ ပြောကြတယ်၊ သူတို့ရွေးချယ်ရမယ့် ရွေးကောက်ခံတွေကို မကြိုက်ကြလို့၊ တချို့က လုပ်ရမယ့် လုပ်ငန်းစဉ်ကိုနားမလည်လို့ ဖြစ်ကြတယ်၊ အများစုကတော့ မကြိုက်လို့ဖြစ်ကြတာ” ဟု ၄င်းကဆိုသည်။

လူစိတ်ဝင်စားမှုနည်းပါးခဲ့ခြင်းမှာ အဆိုပါအချက်ကြောင့်ဖြစ်သည် (သို့မဟုတ်) ကြားဖြတ်ရွေးကောက်ပွဲ သဘောကို မဲဆန္ဒရှင်တို့ တိတိကျကျနားမလည်ခြင်းကြောင့် ဖြစ်သည် (သို့မဟုတ်) မဲပေးမှုဆိုင်ရာ အသိပညာပေးအစီအစဉ် မလုံလောက်ခြင်းကြောင့်ဖြစ်နိုင်သည် စသဖြင့် သုံးသပ်သင့်ကြောင်း ANFREL ဥက္ကဌ က ပြောသည်။

ရွေးကောက်ပွဲပညာပေးရေးနှင့် စောင့်ကြည့်လေ့လာရေး မိတ်ဖက်များ အဖွဲ့၏ ရွေးကောက်ပွဲအကြံပေး ဒေါ်မြနန္ဒာက ကြားဖြတ်ရွေးကောက်ပွဲသည် လွှတ်တော်တစ်ခုလုံး အပြောင်းအလဲမဖြစ်နိုင်ဟု ယူဆသောကြောင့် မဲပေးသည့် ရာခိုင်နှုန်းနည်းခဲ့ခြင်း ဖြစ်နိုင်သည်ဟု သုံးသပ်သည်။

ရန်ကုန်တွင် ကျင်းပသည့် ပြည်သူ့လွှတ်တော် နေရာအတွက် တာမွေ မဲဆန္ဒနယ်အတွက် မဲပေးခွင့်ရှိသူ တစ်သိန်းခန့်တွင် လာရောက်မဲပေးသူ ၃ ပုံ ၁ ပုံ ခန့်သာရှိခဲ့သည်။

၂ဝ၁၈ ကြားဖြတ်ရွေးကောက်ပွဲအတွက် လစ်လပ်မဲဆန္ဒနယ် ၁၃ နေရာအတွက် အမျိုးသားဒီမိုကရေစီအဖွဲ့ချုပ် (NLD) က မဲဆန္ဒနယ်အားလုံးတွင် ပါဝင်ယှဉ်ပြိုင်ခဲ့ပြီး၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက ၁ဝ နေရာ၊ ပါတီပေါင်း ၂၄ ခု၏ ကိုယ်စားလှယ်လောင်း ၆၂ ဦးနှင့် တစ်သီးပုဂ္ဂလကိုယ်စားလှယ်လောင်း ၇ ဦး စုစုပေါင်း ၆၉ ဦးတို့က ပြည်နယ်နှင့်တိုင်း ၉ ခုရှိ မဲဆန္ဒအလိုက်အကျုံးဝင်သည့် မြို့နယ်ပေါင်း ၃၅ မြို့နယ်တွင် အသီးသီး ဝင်ရောက်ယှဉ်ပြိုင်ခဲ့ကြသည်။

NLD ၇ နေရာ၊ ပြည်ခိုင်ဖြိုး ၃ နေရာ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် (ကျားခေါင်းပါတီ)က ၁ နေရာ၊ ချင်းအမျိုးသားဒီမိုကရေစီ(CLD)က ၁ နေရာ၊ တစ်သီးပုဂ္ဂဝင်ရောက်ယှဉ်ပြိုင်သူက ၁ နေရာ အနိုင်ရရှိခဲ့ကြသည်။
0