မာန်သီဟထွန်း – ဆေပီယန်စ်၊ အပိုင်း (၈) – အခြားလူသတ္တဝါများ ဆေပီယန်စ်များနဲ့ ရောစပ်ခြင်းမရှိလျှင်


မာန်သီဟထွန်း – ဆေပီယန်စ်၊ အပိုင်း (၈) –  အခြားလူသတ္တဝါများ ဆေပီယန်စ်များနဲ့ ရောစပ်ခြင်းမရှိလျှင် 
Sapiens – A Brief History of Humankind by Yuval Noah Harari
(မိုးမခ) ဒီဇင်ဘာ ၂၁၊ ၂၀၁၈


ဆေပီယန်စ် အပိုင်း (၈)
ဘာသာပြန် - မာန်သီဟထွန်း

သို့သော် နီယန်ဒါသာလ်များ၊ ဒီနီဆိုဗန်များနဲ့ အခြားလူသတ္တဝါများ ကျွန်ုပ်တို့ဆေပီယန်စ်များနဲ့ ရောစပ်ပေါင်းစည်းသွားခြင်းမရှိလျှင်.. ဘာကြောင့် သူတို့ ယခု မရှိကြတော့သနည်း။

 ဖြစ်နိုင်ချေတစ်ခုမှာ ကျွန်ုပ်တို့ ဟိုမိုဆေပီယန်စ်များက ၎င်းတို့ကို မျိုးတုန်းသွားအောင် မောင်းထုတ်ခဲ့ခြင်း ဖြစ်နိုင်သည်။ နီယန်ဒါသာလ်များ နှစ်ပေါင်းထောင်သောင်းချီနေလာသော ဘော်လကန်တောင်ကြားသို့ ဆေပီယန်စ် အုပ်စုတစ်စု ရောက်ရှိလာသည်ကို မြင်ယောင်ကြည့်ပါ။ ရောက်လာသော သူစိမ်းများသည် နီယန်ဒါသာလ်များ၏ ပင်မအစားအစာများဖြစ်သော သမင်များကို စတင်အမဲလိုက်ကြသည်။ အခွံမာသီများ၊ ဘယ်ရီးသီးများ ခူးယူစားသောက်ကြသည်။ ဆေပီယန်စ်များသည် ပိုမိုကောင်းမွန်သော လက်နက်ကိရိယာများ၊ အဆင့်မြင့်သော လူမှုဆက်ဆံရေးစွမ်းရည်များကြောင့် ပိုမိုကျွမ်းကျင်သော အမဲလိုက်မုဆိုးများ၊ အစာရှာဖွေသူများ ဖြစ်ကြသည်။ ထို့ကြောင့်ပင် သူတို့ ပွားများလာကာ ထိုဒေသတွင် ပျံ့နှံ့နေထိုင်လာကြသည်။ ပိုမိုအရည်အချင်းနည်းသော နီယန်ဒါသာလ်များ အနေဖြင့် အစာရှာဖွေစားသေက်ရန် ခက်ခဲသထက် ခက်ခဲလာသည်ကို တွေ့ကြုံရပေသည်။ ဤသို့ဖြင့် ၎င်းတို့၏ လူဦးများလျော့နည်းလာကာ တဖြည်းဖြည်း ပျောက်ဆုံးသွားကြသည်။ ၎င်းတို့၏ အိမ်နီုးချင်း ဆေပီယန်စ်တချို့နဲ့ ပူးပေါင်းမိသော နီယန်ဒါသာလ်တစ်ယောက်စ၊ နှစ်ယောက်စသာလျှင် ကျန်ရစ်ခဲ့သည်လည်း ဖြစ်နိုင်ပေသည်။

အခြားသော ဖြစ်နိုင်ချေတစ်ခုမှာ အစာရေစာများအတွက် ပြိုင်ဆိုင်ရင်ဆိုင်ကြရာမှ အချင်းချင်းရက်စက်မှု မျိုးတုန်းသတ်ဖြတ်မှုဆီသို့ ဦးတည်သွားခဲ့သည်။ သဘောထားကြီးသည်းခံမှု ဟူသည်မှာ ကျွန်ုပ်တို့ ဆေပီယန်စ်များ၏ အမှတ်လက္ခဏာ တစ်ရပ်မဟုတ်ချေ။ ယနေ့ခေတ်ကာလများ၌ပင် အသားအရေ၊ ဘာသာစကား၊ ကိုးကွယ်သည့်ဘာသာ စသည်တို့ အနည်းငယ်မျှသာလျှင်ကွဲပြားစေကာမူ ဆေပီယန်စ်အုပ်စုတစ်ခုမှ တခြားအုပ်စုကို မျိုးဖြုတ်လောက်အောင်ပင် ဖြစ်နိုင်စေပေသည်။ရှေးခေတ် ဆေပီယန်စ်များအနေဖြင့် လုံးဝကွဲပြားနေသော အခြားလူသားမျိုးစိတ်တစ်ခုကို သဘောထားကြီး သည်းခံခဲ့ပါမည်လော။

 ဖြစ်နိုင်ခဲ့သည်မှာ ဆေပီယန်စ်များက နီယန်ဒါသာလ်များကို တွေ့ဆုံကြသည့်အခါ ရလဒ်မှာ သမိုင်းတွင် ပထမဆုံး နဲ့ အရေးပါဆုံးသော လူမျိုးတုန်းတိုက်ပွဲဖြစ်ခဲ့သည်ဟုသာ။

မည်သို့ ဖြစ်ပျက်ခဲ့သည် ဖြစ်စေ နီယန်ဒါသာလ်များနဲ့ အခြားသော လူသတ္တဝါ မျိုးစိတ်များသည် သမိုင်းတွင် အလွန်စိတ်ဝင်စားဖွယ်ဖြစ်သော အကယ်၍သာ.. ဟူသည့်စဉ်းစားစရာများကို ဖြစ်စေသည်။ အကယ်၍ နီယန်ဒါသာလ်များနဲ့ ဒီနီဆိုဗန်များ ကျွန်ုပ်တို့ ဟိုမိုဆေပီယန်စ်များနဲ့ တောက်လျှောက်ယှဉ်တွဲ ရှင်သန်လာခဲ့လျှင် အရာအားလုံး မည်သို့ဖြစ်ပျက်နေမည်ကို စဉ်းစားကြည့်ပါ။ ကွဲပြား ခြားနားသော လူသားမျိုးစိတ်များ အတူယှဉ်တွဲနေထိုင်ကြသော ကမ္ဘာတွင် မည်သို့သောယဉ်ကျေးမှု၊ လူမှုအသိုင်းအဝိုင်းများနှင့် နိုင်ငံရေး အဆောက်အအုံများ ပေါ်ထွက်လာနိုင်သည်ကို စဉ်းစားကြည့်ပါ။

ဥပမာအားဖြင့် ဘာသာရေး ယုံကြည်မှုများ မည်သို့ ဖြစ်ပျက်လာနိုင်သနည်း။ သမ္မာကျမ်းစာ၏ ကမ္ဘာဦးကျမ်းတွင် အာဒံနှင့်ဧဝတို့ထံမှ နီယန်ဒါသာလ်များ ဆင်းသက်လာသည်ဟု ဖော်ပြမည်လော။ သခင်ခရစ်တော်သည် ဒီနီဆိုဗန်လူများ၏ အပြစ်အတွက်ပါ အသက်အသေခံပါမည်လော။ ကိုရန်ကျမ်းစာတွင် ဖြောင့်မတ်မှန်ကန်သော လူအားလုံးအတွက် (မည့်မျှကွဲပြားသော လူသားမျိုးစိတ် ဖြစ်စေကာမူ) တမလွန် ကောင်းကင်တွင် နေစရာနေရာများ ချန်ထားမည်လော။ နီယန်ဒါသာလ်များ အနေဖြင့် ရှေးရောမစစ်တပ်များတွင် ပါဝင်နိုင်ပါမည်လော.. သို့မဟုတ် တရုတ်အင်ပါယာ၏ ကျယ်ပြန့်ရှုပ်ထွေးသော ဗျုရိုကရေစီ စနစ်တွင် ပါဝင် အမှုထမ်းနိုင်ပါမည်လော။ လူသားမျိုးစု (genus Homo) များအားလုံးသည် ကိုယ်ပိုင်လွတ်လပ်ခွင့်များရှိ၍ လူသားမျိုးစုများအားလုံးကို တူညီစွာ ဖန်ဆင်းခြင်းခံရပါသည်ဟု အမေရိကန်နိုင်ငံ၏ လွတ်လပ်ရေး ကြေငြာစာတမ်းတွင် ဖော်ပြထားမည်လော။ ကားလ်မတ်စ် အနေဖြင့် အလုပ်သမားလူသားမျိုးစိတ်များအားလုံးကို စည်းလုံးကြစေရန် နှိုးဆော်မည်လော။

 လွန်ခဲ့သော နှစ် ၁၀,၀၀၀ ကျော်မှစ၍ ဟိုမိုဆေပီယန်စ်များသည် တစ်ခုတည်းသော လူသားမျိုးစိတ်အဖြစ်သာ ရှင်သန်လာရသည်ကို အသားကျနေပြီဖြစ်၍ အခြားမည့်သို့သောအရာများ ဖြစ်ပျက်နိုင်သည်ကို မှန်းဆကြည့်ရန်မှာ ခက်ခဲလှပေသည်။ ကျွန်ုပ်တို့၏ အခြား လူသားမျိုးစိတ် ညီအစ်ကိုများမရှိတော့ခြင်းက ဖန်ဆင်းခြင်း၏ စံနမူနာသည် ကျွန်ုပ်တို့လူသားများသာဖြစ်သည်ဟု စိတ်ကူးရန် လွယ်ကူစေသည်။ ထို့အပြင် ဤသည်က ကျွန်ုပ်တို့လူသားများနှင့် တိရိစ္ဆာန်သတ္တဝါများအကြားတွင် ချောက်နက်ကြီးကဲ့သို့ ကြီးမားသောကွာခြားချက် ရှိသည်ဟူ၍လည်း ကျွန်ုပ်တို့ကို ထင်မှတ်စေသည်။ ချားစ်ဒါဝင်က ကျွန်ုပ်တို့လူသားများသည် အခြားတိရိစ္ဆာန်များကဲ့သို့ အခြားသော သတ္တဝါပင်ဖြစ်သည်ဟု ညွှန်ပြသောအခါ လူအများအပြား အကြီးအကျယ် ဒေါသထွက်ခဲ့ကြသည်။ ယနေ့ခေတ်၌ပင် ဤအခြင်းအရာကို လက်ခံရန် ငြင်းဆန်သော လူအများအပြားရှိသည်။ နီယန်ဒါသာလ်များသာ အသက်ရှင်ကျန်နေသေးလျှင် ကျွန်ုပ်တို့သည် အခြားတိရိစ္ဆာန်သတ္တဝါများနဲ့မတူဟူ၍ ကျွန်ုပ်တို့ စိတ်ကူးကြပါမည်လော။ ဤအကြောင်းကြောင့်လည်း ကျွန်ုပ်တို့၏ဘိုးဘေးများက နီယန်ဒါသာလ်များကို မျိုးဖြုတ်ခဲ့ခြင်း ဖြစ်နိုင်သည်။ ၎င်းတို့သည် လျစ်လျူရှု၍ရလောက်အောင် ကျွန်ုပ်တို့နဲ့နီးစပ်ကြသော်လည်း သည်းခံလက်ခံမထားရနိုင်လောက်အောင် ကွဲပြားနေကြလွန်းသည်။

ဆေပီယန်စ်တို့၏ အပြစ် မဟုတ်သည်ဖြစ်စေ.. ဟုတ်သည်ဖြစ်စေ ၎င်းတို့ နေရာသစ်တစ်ခုသို့ရောက်ရှိသွားတိုင်း မကြာမီပင် ယင်းနေရာရှိ ဒေသခံလူမျိုးများ မျိုးတုန်းသွားခဲ့သည်။

ဟိုမို ဆိုလွန်ဆစ်စ်များ၏ နောက်ဆုံးကျန်ရစ်သောအရာများသည် လွန်ခဲ့သော နှစ်ပေါင်း ၅၀,၀၀၀ ခန့်ကဖြစ်သည်။ ဟိုမိုဒီနီဆိုဗာ များလည်း မကြာမှီပင် ပျောက်ကွယ်သွားခဲ့သည်။ လွန်ခဲ့သော နှစ် ၃၀,၀၀၀ ခန့်တွင် နီယန်ဒါသာလ်များ ထွက်ပျောက်သွားသည်။ နောက်ဆုံးသော လူပုနွယ်ဝင် လူသားမျိုးစုများသည် အင်ဒိုနီးရှားရှိ ဖလော်ရက်စ် ကျွန်းပေါ်မှ လွန်ခဲ့သော နှစ် ၁၂,၀၀၀ ခန့်တွင် ပျောက်ကွယ်သွားခဲ့သည်။ ၎င်းတို့သည် အရိုးအချို့၊ ကျောက်လက်နက်ကိရိယာအချို့၊ ကျွန်ုပ်တို့သွေးထဲတွင် ဒီအဲင်အေ အချို့နှင့် အဖြေရှာမရသော မေးခွန်းအများအပြားကို ထားရစ်ခဲ့ကြသည်။ ထို့အပြင် နောက်ဆုံး လူသားများဖြစ်သော ကျွန်ုပ်တို့ ဟိုမိုဆေပီယန်စ်များကိုလည်း ချန်ထားရစ်ခဲ့ကြသည်။

 ဆေပီယန်စ်တို့ အောင်မြင်မှု၏ လျှို့ဝှက်ချက်သည် မည်သည့်အရာနည်း။ နေရာဒေသအားဖြင့် အလွန်ဝေးကွာ၍ သဘာဝပတ်ဝန်းကျင်လည်း ကွဲပြားခြားနားလှသော ဒေသ အမျိုးမျိုးတွင် ကျနော်တို့ မည်ကဲ့သို့ လျင်မြန်စွာ ပျံ့နှံ့အခြေချ နေထိုင်နိုင်ခဲ့ကြပါသနည်း။ အခြားသော လူသားမျိုးစိတ်များကို လုံးဝဥသုံ ပျောက်ဆုံးသွားအောင် ကျနော်တို့ မည်ကဲ့သို့ မောင်းထုတ်ခဲ့ကြပါသနည်း။ သန်မာ၍ ဦးနှောက်ကြီးမားသော၊ အအေးဒဏ်လည်းခံနိုင်သော နီယန်ဒါသာလ်များပင် ကျွန်ုပ်တို့၏ ရင်ဆိုင်တိုက်ခိုက်မှုကို မရှင်သန်နိုင်ခဲ့သနည်း။ ဆွေးနွေးငြင်းခုံစရာမှုများတော့ အရှိန်အဟုန်ဖြင့် ဖြစ်ပျက်နေမြဲပင်။

 ဖြစ်နိုင်ချေ အကောင်းဆုံး အဖြေသည် ကျွန်ုပ်တို့ ဤသို့ ငြင်းခုံနိုင်ရန် ပြုလုပ်ပေးသော အရာဖြစ်သည်။  

ဟိုမိုဆေပီယန်စ် များအနေဖြင့် အခြားသောအရာ အားလုံးတို့ထက် ၎င်းတို့၏ ထူးကဲသောဘာသာစကား၏ ကျေးဇူးကြောင့်သာ ကမ္ဘာကို အုပ်စိုးနိုင်ခြင်းဖြစ်သည်။

ပုံများကို အောက်ပါလင့်များမှ ယူပါသည်။

http://www.abouteducation.us/…/international-language-study…
http://www.musnaz.org/doce…/2016_Prehistoric_Foods_Menu.html
https://news.harvard.edu/…/…/10/an-ancient-tribe-and-change/

(ဆက်လက်ဖော်ပြပါမည်)
0