စာရေးဆရာ မောင်မောင်စိုးသို့ မိုးမခ၏ ဖြေရှင်းတောင်းပန်စာ

စာရေးဆရာ မောင်မောင်စိုးသို့ မိုးမခ၏ ဖြေရှင်းတောင်းပန်စာ
(မိုးမခ) ဒီဇင်ဘာ ၁၇၊ ၂၀၁၈

မိုးမခစာပေက စာရေးဆရာ မောင်မောင်စိုး၏ နှင်းဆီနီနီအိပ်မက်များ အမည်ရှိ စာအုပ်ကို ၂၀၁၈ အောက်တိုဘာက ပထမအကြိမ်အဖြစ် ပုံနှိပ်ထုတ်ဝေဖြန့်ချိခဲ့ပါသည်။ အဆိုပါစာအုပ်၏ ပုံနှိပ်မှတ်တမ်းတွင် “ပုံနှိပ်စာအုပ်မူပိုင် - မိုးမခစာပေနှင့်  စာမူများ၏မူပိုင် - မောင်မောင်စိုး”  ဟု ဖြော်ပရမည့်အစား ပုံနှိပ်စာအုပ် နှင့် စာမူများမူပိုင် ၂ ခု စလုံးတွင် “မိုးမခစာပေ” မှားယွင်းဖော်ပြခဲ့မိပါသည်။ သို့အတွက် စာရေးဆရာ မောင်မောင်စိုးနှင့် စာဖတ်ပရိသတ်များအားလုံးကို မိုးမခ၏ ချွတ်ချော်မှုအတွက် ဖြေရှင်းတောင်းပန်အပ်ပါသည်။ လက်ရှိထုတ်ဝေထားသည့် ပုံနှိပ်စာအုပ်အားဖြင့် မိုးမခစာပေ၏ မူပိုင်ဖြစ်သော်လည်း စာမူအားလုံး၏ မူပိုင်ရှင်မှာ စာမူရှင် စာရေးဆရာ မောင်မောင်စိုးနှင့် သူ၏သက်ဆိုင်ရာမိသားစု အစဉ်အဆက် ဖြစ်ပါသည်။ မိုးမခစာပေနှင့် ဆက်လက်သက်ဆိုင်ခြင်း မရှိပါ။ သို့ဖြစ်ပါ၍ စာရေးဆရာ မောင်မောင်စိုးသို့ မိုးမခက ဖြေရှင်းတောင်းပန်အပ်ပါသည် ခင်ဗျား။

မိုးမခ အွန်လိုင်း၊ ပုံနှိပ်မဂ္ဂဇင်း၊ ပုံနှိပ်စာအုပ်၊ အီးဘုတ်စသည့် မိုးမခ၏ မီဒီယာထုတ်ဝေမှုအားလုံးတွင် မူလပထမကတည်းက စာမူများ၏ မူပိုင်ကို စာရေးသူ၊ လက်ရာဖန်တီးသူများကသာ ပိုင်ဆိုင်ကြောင်း အသိအမှတ်ပြုထားပြီး ဖြစ်သည်ကို ထပ်မံအတည်ပြု ပြောကြားလိုပါသည်။ မိုးမခ၏ထုတ်လုပ်မှုအဖြစ် ထွက်လာသည့် အွန်လိုင်းပုံသဏ္ဍာန်၊ ပုံနှိပ်စာအုပ်အီးဘုတ် ထုတ်ဝေမှုပုံသဏ္ဍာန်ကိုသာ မိုးမခ၏ မူပိုင်အဖြစ် တာဝန်ယူသည့် သဘောထားသာ ဖြစ်ပါသည်။ ထုတ်လုပ်မှု ကုန်ပစ္စည်းသဏ္ဍာန်ကိုသာ မူပိုင်ယူသည်ဆိုရာတွင်လည်း ထုတ်ကုန်ကို စီးပွားရေးအရ နိုင်ငံရေးအရ လူမှုရေးအရ အလွဲသုံးစားပြုလုပ်ခြင်းတို့ကို ကာကွယ်ရန်၊ ဖြေရှင်းရန် တောင်းဆိုရန် ထုတ်ဝေသူက စာရေးသူ၊ စာဖတ်ပရိသတ်ကိုယ်စား တာဝန်ယူနိုင်ရန်အတွက် ခံယူခြင်းမျှသာ ဖြစ်ပါသည်။ စာမူဖန်တီးမှုကို ဖန်တီးရှင် လက်ရာရှင် စာရေးဆရာကသာ မူလမူပိုင်ရှင်အဖြစ် မိုးမခက လေးစားစွာဖြင့် ခံယူပါကြောင်း၊ မစွက်ဖက်ပါကြောင်း အလေးအနက် ထပ်မံ ပြောကြားလိုက်ပါသည် ခင်ဗျား။

ယခုလို ဖြေရှင်းတောင်းပန်ခွင့် ရသည့်အတွက် မိုးမခက စာဖတ်ပရိသတ်နှင့်တကွ စာရေးဆရာများအားလုံးကို ကျေးဇူးတင်ပါကြောင်း ပြောကြားအပ်ပါသည်။