ကျော်ထင် - ကလိယုဂ်ထဲက အနာဂတနှောင်ကြိုးများ

 

fosgrafi

ကလိယုဂ်ထဲက အနာဂတနှောင်ကြိုးများ

ကျော်ထင်

(မိုးမခ) ဒီဇင်ဘာ ၂၃၊ ၂၀၁၈

(၁)

   တကယ်​​တော့ သားကြီးကို ကျ​နော်​ မ​မွေးချင်​ပါ။ ဒါကို ကြည့်ပြီးတချို့က ကျ​နော့်​ကို က​လေးမချစ်​တတ်​ဘူးလို့ ထင်​တတ်ကြတယ်​။ မဟုတ်ပါဘူး။ အမှန်​က ချစ်​တတ်​လွန်းလို့သာ က​လေးမယူချင်​ ဖြစ်​​နေရတာ။ ဒီ့ အတွက် အ​ကြောင်းက အများကြီးပါ။ က​လေးအ​ပေါ်ထားမယ့်​ ကိုယ့်​သံ​ယောဇဉ်​ရဲ့ အနက်​အရှိုင်းကို ကိုယ်​သိတယ်​။ သံယောဇဉ် သိပ်ကြီးတယ်။ ပြီးတော့ ကိုယ့် ကြိုးစားအားထုတ်​ချင်စိတ်ကိုလည်း ကိုယ်​သိတယ်​။ လောဘနည်း တယ်။ ဘဝကို အေးအေးလူလူပဲ ဖြတ်သန်းချင်တယ်။ အထူးသဖြင့်​က​တော့ ရပ်​ပြစ်​ရှစ်​ပါးကြီးလိုဖြစ်​​နေတဲ့ ကိုယ့်​တိုင်း ပြည်​ရဲ့အ​ခြေအ​နေကို ကိုယ်​တိုင်​​ တွေ့ကြုံ​နေရသလို၊​ရှေ့​လျှေက်​ကိုလည်း မှန်းဆ​မိနေတာက ကလေး မယူချင်ခြင်းရဲ့ အဓိကအကြောင်းအရင်းပေါ့။

   ပြီး​တော့ ကိုယ်​တိုင်​​ တွေ့ကြုံခံစားလာရတဲ့ ကိုယ့်​နိုင်​ငံရဲ့ပညာ​ရေးအ​ခြေအ​နေအ​ကြောင်းလည်းကိုယ်​နားလည်​နေတာပါတယ်​။ နောက်ထပ်အထူးသဖြင့်က ကလိယုဂ်​နှစ်​​တွေရဲ့သ​ဘောအရ လူ​တွေရဲ့ ရာခိုင်နှုန်း​အများစုဟာ ကိုယ်​ကျင့်​တရားယို့ ယွင်းတဲ့သူ​တွေ ဖြစ်​​နေကြတဲ့ အခါကာလကို ​တွေးဆမိနေတာကလည်း အခရာကျတာပေါ့။ ဒီလိုအ​ခြေအ​နေမျိုးထဲမှာ မျိုးဆက်​သစ်တစ်​ခုကို ချခဲ့ဖို့ ဆိုတာကျ​နော်​ မရဲတဲ့ အလုပ်ပါပဲ။ ကျနော် မလုပ်ချင် တဲ့ အလုပ်ပါ။ကျ​နော်​ မစွန့့်​စားချင်​ပါဘူး။

   ဒါ​ပေမဲ့လည်း ကျ​နော့်​မှာက မျိုးဆက်​တစ်​ခုကို ချန်​ထားခဲ့ရဖို့ အ​ခြေအ​နေ အချိန်အခါနဲ့ အခြားရေခံ​မြေခံ​တွေက ရှိ​နေပြီ။တပ်​မက်​မှုနဲ့ချစ်​ခြင်း​မေတ္တာတရားကို ကျ​နော်​ ​တော်​လှန်​​ရေး မဆင်နွှဲနိုင်​တော့ဘူး။ တစ်​ချက်​က​လေး​တောင်​ ​မော်​မကြည့်​ဝံ့ခဲ့တဲ့ ချစ်​ခြင်း​မေတ္တာ​အောက်​မှာ နှစ်​ကိုယ်​တူ၊တစ်​အိုးတစ်​အိမ်​၊အိမ်​ယာထူ​ထောင်​ထားမှုဆိုတဲ့ ဥပ​ဒေ​တွေကို ​​ထောက်​ခံ အတည်​ပြု​ပေးပြီး ​လေးစားလိုက်​နာခဲ့ရတယ်​။ ဒါ​တောင်​ အိမ်​​ထောင်​သက်​ရဲ့ အဦးအဖျားကာလ​တွေမှာ က​လေးမယူ​ရေး အ​ခြေခံဥပ​ဒေတစ်​ရပ်​ကို နှစ်​ဦးသ​ဘောတူ ပြဋ္ဌာန်းခဲ့ကြတယ်​။  အချစ်​ရယ်​၊အိမ်​ရယ်၊​လိင်​ရယ်​၊ဘဝဟာ သိပ်​ကိုလှပြီး ကြည့်​လို့ မရိုးနိုင်​တဲ့ ရှုခင်းတစ်​ခုဖြစ်​ခဲ့တယ်​။

   ဒါ​ပေမဲ့ ဘဝဆိုတာ ​ဖြောင့်ဖြောင့်လေးမှ မဟုတ်တာ။တန်းတန်းလေးမှ မဟုတ်တာ။ကွေ့​တွေချည်းပဲ မ ဟုတ်​လား။မမြင်​နိုင်​ဘူး။မမြင်​ရဘူး။ရှေ့မှာ ဘာဆိုတာ မြူ​တွေဆိုင်း​နေသလိုမျိုး။အဲ့ဒီ့မြူအုပ်​​တွေထဲမှာ ကျ​နော့်​ အတွက်​ ဒါမှမဟုတ်​ ကျ​နော်​တို့အတွက်​ ကြိုး​လေးတစ်​​ချောင်း ရှိ​နေတာကို ကျ​နော်​​ကော ဇနီးမယားကော မမြင်​နိုင်ခဲ့ဘူး ။အဲ့ဒီ့ကြိုး​လေးဟာ သိပ်​ကို ခိုင်​ခံ့လွန်းတဲ့ကြိုး​လေးပါ။ဘယ်​လိုကြိုးမျိုးလဲဆို​တော့ သံ​ယောဇဉ်​ ကြိုး။ကျ​နော့်​အတွက်​​တော့ ဒါဟာ ဒုတိယကြိုး​ပေါ့။

(၂)

   ပထမကြိုးက မွန်​မွန်​။သူက ကျ​နော့်​ အမျိုးသမီးပါ။သူ ၁၇ နှစ်​မှာ ကျ​နော်​ ၃၁ နှစ်​။ချစ်သူတွေ ဖြစ်ခဲ့ကြတာ။ကျ​နော်​က အဲ့ဒီ့အချိန်​ထိ ဘွဲ့မရ​သေးဘူး။ဆယ်​တန်း​အောင်​တာက အသက်​ ၂၄ နှစ်​မှ ​အောင်​တာ။တချို့က ကျ​နော့်​ကို ဆယ်​တန်း မ​အောင်​ဘူး​တောင်​ ထင်​ကြတာရှိတယ်​။ရပ်​ကွက်​ထဲက သူငယ်​ချင်း​တွေ​လောက်​ပဲ သိတာရှိတယ်​။ဆယ်တန်း ရောက်တော့ ကျနော်က အသက်၂၀ ရှိနေပြီ။အတန်းတူ​နေရတဲ့ သူငယ်​ချင်း​တွေက ကိုယ့်​ထက်​ ငယ်​​နေကြ ပေမယ့် ဒီ​ကောင်​​တွေက အတန်းတူ​တော့ ကျ​နော့်​ကို မင်းနဲ့ငါနဲ့ ​ပြောတယ်​။ ဒါကို ကျ​နော်​က သိပ်​မကြိုက်​ချင်​ဘူး။ဒါ​ကြောင့်​ ၉တန်း ၁၀ တန်း တလျှောက်​လုံး သက်​မြင့်ဦးဆိုိုတဲ့သူငယ်​ချင်း​နဲ့ပဲ တရင်းတနှီး ​ပေါင်းခဲ့တယ်​။

    သူနဲ့က သက်​​တူရွယ်​တူ။ဝါသနာလည်းတူတယ်​။အတွေးအခေါ်ချင်းလည်း တူတယ်။ပြီးတော့ စာ​မေးပွဲ ကျ တာချင်း​တွေလည်း တူ​နေတယ်​။နောက်​ထပ် ပေါင်းမိတဲ့တစ်​​ယောက်​က ထွန်းလင်း။ဘူတာနားမှာ ကြံရည်​ ​ရောင်းတယ်​။မြင်းလှည်း ​မောင်းတယ်​။နောက်တော့ ကား​မောင်း​နေတာလည်း ​တွေ့ခဲ့တယ်​။ခု​တော့ မမြင်​​တော့ ဘူး။နောက်​တစ်​​ယောက်​က ထိန်​ဝင်း။ဒီ​ကောင်​က ကျ​နော်​တို့ထက်​ ၂ နှစ်လောက်ငယ်​​ပေမယ့်​အနုပညာသမားမို့ ​ပေါင်းဖြစ်မိခဲ့တယ်​။ခု​တော့ ဒီ​ကောင်​ ရူး​နေတာကို စိတ်​မ​ကောင်းစွာနဲ့ပဲ ကြည့်နေရတယ်​။မရူးခင်​က ဒီ​ကောင့်​ကို ကျ​နော်​တို့ အနိုင်​ကျင့်​ခဲ့ဖူးတယ်​။ရူး​တော့ ဒီ​ကောင်​က ကျ​နော်​တို့ကို အနိုင်​ပြန်​ကျင့်​တယ်​။ဒါ​ကြောင့်​ပဲ ရူး​နေတဲ့ သူငယ်​ချင်းကို ​ဖေး​ဖေးမမ မလုပ်​နိုင်​ဘဲ အသာကြည့်​​နေရတယ်​။ရှောင်နေရတယ်။

   တကယ်​​တော့ ကျောင်း​တွေတက်​တယ်​၊ဆယ်​တန်း​အောင်​တယ်​၊ဘွဲ့ရတယ်​ဆိုတဲ့ပညာရေးဟာ ကျ​နော့်​အတွက်​​တော့ အပရိကပါ။ဆိုးရွားလွန်းတဲ့ ဗမာပြည်စာမေးပွဲစနစ်ဟာ ကျနော့်အဖို့ အနာဂတ်ဖျက်တစ္ဆေ တကောင် လိုပါ။ကျ​နော်​ သိပ်​ကို ယုံကြည်​တဲ့အထဲမှာ မပါပါဘူး။ကျနော်တို့ သူငယ်ချင်းတွေဆို အများကြီးပဲ ရှစ်တန်းကျပြီး ပညာရေး အဟောသိကံဖြစ်ကုန်ကြတာ။ဆိုရှယ်လစ်ပညာရေးဆိုတဲ့ ပုံဖော်မှုကြီးကို ကျနော် မယုံကြည်ဘူး။အာ ဏာရှင်ပညာရေးကို ကျနော် မကိုးကွယ်ဘူး။

   ကျ​နော်​တို့ ပညာ​ရေး၊ ကျ​နော်​တို့ အသိဆုံးပါ။ဆယ်​တန်း​အောင်​တာ​တွေ ဘွဲ့ရတာ​တွေ ကြီးကြီးကျယ်​ကျယ်​​ပြော​နေလည်း ဗမာ့ပညာ​ရေးသံ​​ချေးခေတ်​​မို့ ဘာမှ အထင်​ကြီးစရာ မရှိပါဘူးထင်ထားတာ။ဗမာ့ပညာ​ရေး ​ရွှေ​ခေတ်​ဆိုတာ ၁၉၂၀ ပတ်​လည်​​လောက်​မှာပဲ ဖြစ်​ခဲ့တာပါ။နောက်​​တော့ ​ငွေ​ခေတ်​။ကြေးခေတ်​။ကျ​နော်​တို့လက်​ထက်​ သံ​ခေတ်​။ခု​တော့ ပလပ်​စတစ်​​အိပ်ခေတ်​​ ​ပြောရမလား။ဒီလို​ပြောတာကို ကြိုက်​မှ ကြိုက်​ပါ့မလား​တော့ မသိဘူး​ပေါ့။

(၃)

   ကျ​နော်​ ဗမာစာ အထူးပြုနဲ့ မန္တ​လေးအ​ဝေးသင်​မှာ ၁၉၉၅ ခုနှစ်က စ တက်ခဲ့တယ်။အဲ့ဒီ့မှာတစ်​ရက်​တည်း စာသင်​ခဲ့ဖူးတယ်​။အခန်းထဲမှာ လူတစ်​ရာကျော်ဝန်းကျင်​​လောက်​ ပြွတ်​သိပ်​ထိုင်​​နေတာကို ပွဲဦးထွက် ကြုံရ တယ်။ဆရာက နာမည်​ကြီးဆရာတဲ့။ဘယ်​သူမှန်း​တော့ ကျနော် မသိပါဘူး။သူ သင်​​နေတာ မပြီးခင်​မှာဘဲ ကျ​နော်​ အတန်းထဲက​နေ ထွက်​လာလိုက်​တယ်​။အားနာရ​မယ်​လို့ကို မဆင်​ခြင်​နိုင်​​လောက်​​အောင်​ကိုစိတ်​ပျက်​သွားလို့ပါ။မှတ်​မှတ်​ရရ အဝေးသင် ပညာရေး လေးနှစ်စလုံးမှာအဲ့ဒီ့တစ်​ရက်​တည်းကျောင်းတက်​ခဲ့ဖူးပါတယ်​။

   အဲ့ဒီမှာ ဗမာပြည်​ အ​ဝေးသင်​ပညာ​ရေးကို နဖူး​တွေ့ဒူး​တွေ့မြင်​လာခဲ့ပြီမို့ ကျ​နော်​ ဆုံးဖြတ်​ချက်​ချလိုက်​တယ်​။ ရထားလက်​မှတ်​ဝယ်​ အိမ်​ပြန်​တယ်​။လေးနှစ်​စလုံး ဘယ်​​ကျောင်းမှ မတက်​ဘဲနဲ့ ဘယ်ကျူရှင်ဆိုတာကိုမှ မချဉ်း ကပ်ဘဲနဲ့ သင်​ရိုး​စာအုပ်​​တွေကို သူငယ်​ချင်း ဝက်​​ကြီး(အခု ပညာ​ရေးမှူးရုံး အထက်​တန်းစာ​ရေး ဦးစိုးသန်း)ကို ထုတ်​ခိုင်း၊တလစာအ​ဆောင်​ငှါးခိုင်းထားပြီး​တော့ စာ​မေးပွဲ​ဖြေမယ့်​ရက်​ကျမှ သွား​ဖြေလိုက်​တယ်​။စာမေးပွဲ ကလည်း ​မေးချင်​ရာ​မေး။ကျ​နော်​လည်း သူ​မေးတာကို ကိုယ်​သိသလို​ဖြေ။လေးနှစ်လုံး အဲ့ဒီလိုသွားခဲ့တာ။

   လေးနှစ် လုံးဆိုပေမယ့် တဆက်တည်းလေးနှစ်တော့ မဟုတ်ပါဘူး။၁၉၉၅ က စလိုက်တာ၂၀၀၁ ရောက် ၇ နှစ်လောက်ကြာမှ ဘွဲ့ တခု ရတာ။ပညာရေးဟာ ပျဉ်းမနား-ကြေးနီ-ကျောက်ပန်းတောင်းသွား လော်ကယ်ရထား  ကြီးလိုပါ။ထုံ့ ပိုင်း ထုံ့ပိုင်းနဲ့ ။ဘွဲ့တခုရ​တော့ တက္ကသိုလ်​ကြီးက ဘာပညာ​တွေ ​ပေးလိုက်​သလဲဆို ကျနော့်မှာ ပြ စရာ မရှိပါဘူး။ပြောစရာရှိတာက​တော့ ​ခေတ်​ကြီးတစ်​​ခေတ်​လုံးမှာ မန္တ​လေးအ​ဝေးသင်​ တက်​သူ​တွေအားလုံး နီးပါး ပညာ​ရေးအလီလီဘာဘာလုပ်​ခဲ့တဲ့အ​ကြောင်း​တွေပဲ ရှိမှာပါ။

   ပျဉ်းမနား၊တပ်ကုန်း၊လယ်ဝေး၊ရမည်းသင်း၊ပျော်ဘွယ်၊မိတ္ထိလာတွေ၊ရေစကြို စေတုတ္တရာ၊လားရှိုး၊မိုးကုပ်တွေ အဲ့ဒီ့က လာတက်ကြတဲ့သူတွေကို တွေ့ ဆုံခဲ့တယ်။အားလုံးလိုလိုမှာ ပညာရေးနဲ့ ပတ်သက်ရင် ပြောပြီးကျန် နေ ရစ်တာက ကော်ပတ်တွေပါပဲ။ကော်ပတ်ပညာရေးလို့ တောင် ကျနော်က စမိနောက်မိတယ်။ညဆိုရင်​ စာမေးပွဲ​ဖြေမယ့်​အခန်း​တွေထဲ ဝင်​၊ခုံ​တွေကို ​ကော်​ပတ်​​တွေနဲ့စား။မနက်​ဖြန်​ ပါမယ့်​စာ​တွေကို ​ရေးထား။စာ​မေးပွဲ​ဖြေတဲ့​နေ့ကျတော့ အဲ့လို ရေးထားတာတွေကိုအ​ဖြေလွှာထဲ ကူးယူ။အဲ့ဒီ့ညမှာဖြေပြီးကူးပြီးတဲ့ဘာသာရပ်တွေကို ကော် ပတ်နဲ့ ပွတ်ဖျက်။နောက်နေ့ ဘာသာရပ်အတွက် ပြန်ကူးရေး။

   အဲ့ဒါဟာ အဲ့တုန်းက( အချို့ မှ လွဲလို့ )တော်တော်များများသောကျောင်းသူကျောင်းသားတွေ စာမေးပွဲအ တွက် ပြင်ဆင်ပုံပါ။မီးတွေက ပျက်တော့ ဖယောင်းတိုင်တွေ ထွန်းပြီး ညည စာကူးနေတာဟာ မန္တလေး တက္က သိုလ်ထဲ ဆီမီးတထောင် ပူဇော်ပွဲများ ကျင်းပနေသလားထင်ရပါတယ်။ဘာစာမှကို မလေ့လာကြတော့ တာပါ။ ရှစ်ပုဒ် ဆယ်ပုဒ်လောက်သင်ပြီး ခြောက်ပုဒ်လောက် အဲ့ဒီ့ထဲက မေးမှာကိုတောင် ဘာမှ မလေ့လာ မလိုက်စား ကြတော့တာ။မိုးခါးရေ သောက်တယ်ဆိုမလား။

   အဲ့ဒီ့အဝေးသင်ပညာရေးဟာ အဲ့ကာလတွေမှာ အဲ့လိုသောက်သောက်လည်း ပျက်စီးနေတာ။ဒါဟာ မျက်မြင် ကိုယ်တွေ့ ကြီးပါပဲ။အပြင်​ စတိတ်​​ကျောင်း​တွေမှာ သွားဖြေရတဲ့သူ​တွေကျ​တော့ စာ​မေးပွဲခန်းထဲမဝင်​ခင်​ တစ်​ခန်းထဲ ကျသူချင်းတွေဆီက​နေ ပိုက်​ဆံ​ကောက်​။အခန်း​စောင့်​ဆရာကို​ ပေး။စာခိုး​ဖြေ။ဒါ သမိုင်းမှာဖြစ်ပျက်ကျန် ရစ်ခဲ့တဲ့ ကျနော်တို့ ခေတ်ပြိုင်တွေ ဖြတ်သန်းခဲ့ကြရတဲ့ ပညာရေးရှုမျှော်ခင်းပါ။ကျနော်ပြောတဲ့ မြို့ တွေက အသက် ၃၀ နဲ့  ၄၅ လောက်ဘွဲ့ ရတွေကိုဒီစနစ်ကို ကြုံခဲ့ဖူးလားမေးကြည့် ကြည့်ပါ။ကြုံဖူးကြတဲ့သူတွေ ချည်း ပါပဲ။

   ဒါပေမဲ့ ဒီလိုပညာ​ရေးစနစ်​​ခေတ်​မှာ ဘွဲ့ရလာတာပါလို့ ဝန်ခံဖို့ ကတော့ နည်းနည်းခက်ချင် ခက်ခဲလိမ့်မယ် ပေါ့။ကျ​နော်​ကတော့သမိုင်းမှတ်တမ်းဖြစ်လို့ ရှက်လည်းပြောရမှာပဲလို့  တွေးထားပါတယ်။အဲ့ဒီ့မျိုးဆက်တွေဟာ အခြေခံပညာရေးမှာကတည်းက အကျင့်ပျက်လာကြတဲ့သူတွေဆိုလည်း မမှားပါဘူး။အဲ့ဒီလို ကပျစ်​ကညစ်​ပညာ​ရေး​လေး သွား​ဖြေ​နေတဲ့အခါကာလ​လေးမှာ ကျ​နော်​ဟာ ကျ​နော့်​ရဲ့ ၁၇ နှစ်​မ​လေးကို လွမ်းခဲ့တာဗျာ။ဒါကို ကိုတာရဲ့ ကျ​နော်​သည်​ ​မျောက်​ကဆင်းသက်​သည်​ဆိုတဲ့စာအုပ်​က အသိဆုံး။ဘာလို့လဲဆို​တော့ မန္တလေးမိန်း ပေါက်က ယူနီဆန်​မှာ အဲ့စာအုပ်​ထိုင်​ဖတ်​ရင်း"ဘာ့​ကြောင့်​မို့ ငါ လွမ်း​ဆွေး​နေ" လို့ စာ​ကြောင်း​လေးတစ်​​ကြောင်း ​ရေးခဲ့မိလို့ပါပဲ။

   ဒီစာ​ကြောင်း​လေးဟာ ဘဝနဲ့ပဲယှဉ်​ယှဉ်​၊စာတစ်​ပုဒ်​အရပဲ ကြည့်​ကြည့်​ ​သေး​သေး​လေးပါပဲ။ဒါ​ပေမယ့်​ ကျ​နော့်​ ဘဝတစ်​ခုလုံးကို​ ​ပြောင်းလဲပစ်​နိုင်​စွမ်းရှိတဲ့ ​သေချာမှုတစ်​ခုရဲ့ ပန္နက်ဆိုရင်​လည်း မမှားနိုင်​ဘူး​လေ။အ​ဝေးသင်​က အပြန်​မှာ ကျ​နော့်​ဆီမှာ သယ်​​ဆောင်​လာတာ တစ်​ခုတည်းပဲရှိပါတယ်​။၁၇ နှစ်​ မ​လေးကို ချစ်​​သော ​မေတ္တာ။ အဲ့ဒါဟာ ပထမ ​နှောင်​ကြိုးပါ။

(၄)

   ပထမ​နှောင်​ကြိုးနဲ့ပတ်​သက်​ပြီး ရဟန်း​ဘဝ အပြီးခံယူသွားတဲ့ ဆရာဦးမြင့်သိန်းက သံ​ယောဇဉ်​ တစ်​ကြိုးကို ဖြတ်​တဲ့။မဖြတ်​ရင်​ သံ​ယောဇဉ်​ဆိုတာ တိုးလာတာပဲ ရှိတယ်​တဲ့။အဲ့လိုပြောတုန်းက သူပြောတာကိုကျ​နော်​က အ လိုက်​သင့်​ ဟုတ်​ကဲ့ လိုက်​ရ​ပေမယ့်​ နှလုံးသား​နေရာမှာတော့ အဲ့ဒီ့စကားကို အငြင်းဝါကျ ​ဖွဲ့ ဆိုနေမိတာသတိ ထားမိလိုက်​ပါတယ်​။ကျ​နော့်​သူငယ်​ချင်းထိန်​ဝင်း​ ​ဟောတာမှန်​တယ်​။မင်း အသက်​ကြီးမှ အိမ်​​ထောင်​ကျမှာ​ဟေ့​ကောင်​တဲ့။မှန်​လိုက်​တာ သူငယ်​ချင်းရာဆိုပြီး ဒီ​ကောင့်​ကို ဖိတ်​လိုက်​ချင်​​ပေမယ့်​ အဲ့ဒီ့တုန်းက ဒီ​ကောင့်​ကို မ​တွေ့မိဘူး။ကျ​နော်​ အိမ်​​ထောင်​ကျ​တော့ ကျ​နော်​ ၃၅။ကျနော် အိုရပြီပဲ။လူပျိုကြီးဘဝကနေ အိမ်ထောင်သည် ဘဝဆီ ကူးလူးသွားပြီ။မြန်လိုက်တာ။အင်းလေ--ဘဝဆိုတာ အဝေးကြီးကို မပြောနဲ့ ၊ဒီ​နေ့တစ်​​နေ့လုံးနဲ့ မနက်​ဖြန်​ကိုလည်း မ​ပြောနဲ့၊ ခုခဏ​မှာကိုပဲ မတူ​တော့တာကိုး။

(၅)

  ၁၉၉၈ ကျ​နော်​ တတိယနှစ်​ သွား​ဖြေ​တုန်းက ​အိပ်ရေးပျက်မှာကြောက်တဲ့ကျနော်အိပ်ရေး ပျက်စရာ မလိုတဲ့နေ့ အမြန်​ 3 up ကို စီးသွားတယ်​။ဒီရထားက ကျနော်တို့ ဆီကနေ နေ့ လယ် ၃ နာရီ စီးသွားရင်မန္တ​လေး ဆီ ည ၉ နာရီ​လောက်​မှာ ​ရောက်​တယ်​။အိပ်​​ရေးမက်​တဲ့ ကျ​နော့်​အတွက်​ အအိပ်​မပျက်​​တဲ့နည်းပဲ။ကျ​နော်​နဲ့ အတူ ထွန်းထွန်းဝင်းဆိုတဲ့ သူငယ်​ချင်းပါလာတယ်​။သကြားစက်​နားက ရွာက။ဒီ​ကောင်​က နည်းနည်း​တော့နွဲ့ တယ်​။ဒါ​ပေမဲ့ ဒီသ​ဘောနဲ့ ပတ်​သက်​ရင်​ဘာလက္ခဏာနဲ့မှ​တော့ သူ့ ရဲ့မိန်းမဆန်မှုကို ​ဖော်​ထုတ်​ဖို့ ဒီ​ကောင်​ ကျနော့်ရှေ့ မှာ မကြိုးစား ပါဘူး။ဒါ ကျ​နော်​ ကံ​ကောင်းတယ်​ ဆိုမလား။

   ဒါ​ပေမဲ့ ကျ​နော်​ ကံဆိုးခဲ့ပါတယ်​။ရမည်းသင်း အ​ကျော်​​လောက်​မှာ မန္တ​လေး ​ရောက်​ရင်​ ဘယ်​သူမှ အပြင်​ကို မထွက်​ကြဖို့၊ဘူတာထဲမှာပဲ ​နေကြဖို့ မီးရထားတွဲ​စောင့်​​တွေနဲ့ လက်​မှတ်​စစ်​​တွေက တစ်​တွဲပြီး တတွဲ လိုက်​​ပြော​နေတယ်​။ကျ​နော်​ အံ့သြသွားတယ်​။စိတ်​လည်း ပျက်​သွားတယ်​။အိပ်​​ရေး​တော့ ပျက်​ပါပြီ​ပေါ့။ဘာလို့လဲလို့ စုံစမ်း​တော့ ကုလား-ဗမာ အဓိကရုဏ်းတဲ့။အ​ခြေခံအ​ကြောင်းရင်းက မဟာမုဏိတော်​ကြီး ဝမ်း​ဖောက်​ခံရ တဲ့ကိစ္စတဲ့။အဲ့ည ဘူတာမှာ အိပ်​စက်​ခဲ့ရတယ်​။စိတ်​​​ပျက်​ခဲ့ရတယ်​။အအိပ်ပျက်တဲ့ ဝေဒနာကို နှစ်ရက်လောက် အစားထိုး ကုစားလိုက် ရတယ်။

   ဒါပေမဲ့ နောက်​ဆုံးနှစ်​ ​ဝေဒနာကျတော့ အဲ့လို မဟုတ်​တော့​ဘူး။အစားထိုး ကုစားလို့ မရနိုင်ခဲ့ဘူး။ငြိမ်​ငြိမ်​​လေးနဲ့ တငြိမ့်​ငြိမ့်​​လေး။လှုပ်​လှုပ်​​လေးနဲ့ လှပ်​လှပ်​​လေး။ကျည်​​တောင်​တွဲဖက်​​ကျောင်းက​နေ ခွင့်​ ယူပြီး စာ​မေးပွဲ သွား​ဖြေတာ။ဒီနှစ်​ပြီးရင်​ ပြီးပြီ။မချစ်​​ပေမယ့်​ ​အောင့်​ကာနမ်း​နေရတဲ့ အ​ဝေးသင်​ပညာ​ရေးဝဋ်​ ကျွတ်​ပြီ။တွဲဖက်​ကျောင်းကို​တော့ ကိစ္စရှိလို့ဆိုပြီးပဲ ခွင့်​တစ်​ရက်​နှစ်​ရက်​ ယူရတာပါ။ဒါကလည်း သီတင်းကျွတ်​ပိတ်​ရက်​နဲ့တိုးလို့ ခွင့်​ ဆယ်​ရက်​လုံး ယူစရာ မလိုခဲ့တာ။

   အဲ့ဒီ့ ဆယ်​ရက်​ခရီးဟာ ကိန္နရီ ​ချောင်းခြားလို့ ဆိုရမလား။အမည်​သိ​ပေမယ့်​ အမည်​ မတပ်​ချင်​တဲ့ ​ဝေဒနာက ဟဒယမှာ နင့်​နင့်​သီးသီး။ဘာလို့လဲဆို​တော့ ၁၇ နှစ်​ မ​လေးဟာ နှလုံးသားတစ်​ခုလုံးမှာ ​နေရာမလပ်​ ရီး​လေးခို​စီးနေတာ။ဝေဒနာက ​လေးလိုက်​တာ။ဝေဒနာ အနိစ္စလို့ တ လိုက်​မိ​ပေမယ့်​၊ခဏခဏ ဖြစ်​လွန်း​နေတဲ့ ရင်​ခုန်​သံ ကို ထိန်းမရနိုင်​ဘူး။နှလုံးသား နံရံ​တွေဟာ လူစည်​ကားတဲ့ ဘုရား​ပေါ်က ​ခေါင်း​လောင်းထက်​​တောင်​ တီးခတ်​​ခံရတဲ့အကြိမ်​​တွေက ပိုများမယ်​။မစဲဘူး။

   အမြဲတမ်းရွာ​နေတဲ့ ကမ္ဘာပြုမိုးလို။ရုပ်​နဲ့စိတ်​ တစ်​စုံလုံးမှာ အလွမ်းမိုးတွေက ​ဖွေးလို့လို့ ဆိုရမှာ​ပေါ့။သတိ တခါရတိုင်း ရင်​ဘတ်​တစ်​ခုလုံးဟာ ဒိုင်းခနဲ မြည်​​နေကျ။ရင်​မဆိုင်​နိုင်​ဘူး။၇၃ လမ်းမကျယ်​ကြီးတစ်​​လျှောက်​ ​မဟာ မုဏိအရေးအခင်းကြောင့်နေရာယူထားတဲ့ သံချပ်​ကာကား​တွေနဲ့ ​ဖောကားအပြည့်​ လက်​နက်​အပြည့်​တပ်​ဆင်​ထားတဲ့ စစ်​သား​တွေကို အ​ဆောင်​​ရှေ့လမ်းက​နေ လမ်းမထိပ်​အထိ ထွက်​ပြီး ရင်​ဆိုင်​ဝံ့​တယ်။ စစ်သား တွေ ကို မခံချည့် မခံသာဖြစ်အောင် ပြောဆိုပြီး အဆောင်တွေထဲကနေ အော်ဟစ် လှောင်ပြောင်ဝံ့တယ်။ဒါပေမယ့်​ ၁၇ နှစ်​ မ​လေးကို သတိရ​နေတဲ့ ဒဏ်​ကို ကျ​နော်​ မထိတထိတောင် မစရဲခဲ့ဘူး။

   တချို့က အချစ်​ဟာ စွန်​လွှတ်​အနစ်​နာခံတာလို့ ဖွင့်​တယ်​။ချစ်​သူ​ကောင်းစား​နေရင်​ ​ဘေးက ရပ်​ကြည့်​ပြီး မုဒိ တာပွားနိုင်​တာတဲ့။အဲ့ဒါမှသာ မြင့်​မြတ်​တာတဲ့။ဒါကို အလကားအ​တွေးအ​ခေါ်လို့ ကျ​နော့်​ရင်​ဘတ်​ထဲက ကန့်​ ကွက်​​နေတယ်​။ချစ်တယ်ဆိုတာ မြင့်မြတ်ဖို့  ချစ်တာမှ မဟုတ်တာ။တကယ်​​တော့ အချစ်​ဆိုတာ ရကို ရရမှ ပြီး ပြည့်​စုံနိုင်​တယ်​။ရုပ်​၊နာမ်၊လိင် အဲ့ဒီ့တစ်​စုံလုံးကို တစ်​ထုပ်​တည်းထုပ်​နိုင်​မှ ဖိုနဲ့မ အချစ်​မည်​မယ်​။လောက လိုအပ်​ချက်​ကို ဖြည့်​နိုင်​မယ်​ထင်​တယ်​။ဒါဟာ ​လောကမှာ ​ရှေ့တန်းက လိုအပ်​​နေတဲ့ လိုအပ်​ချက်​ပါ။ဒါကို ယ​နေ့ ကမ္ဘာ့လူဦး​ရေ သန်း ၇၀၀၀ က သက်​​သေပြ​နေတာပဲ။ဒီ​တော့ ချစ်​သူ ​ကောင်းစားဖို့ ရပ်​ကြည့်​စရာမလိုဘူး။ တွဲ​ခေါ်လာပြီး ​ရှေ့ဆက်​ဖို့ပဲ လိုတယ်​။အဲ့ဒါဟာ မြင့်​မြတ်​တာ၊မမြင့်​မြတ်​တာထက်​ ​လောကဆန္ဒနဲ့ တထပ်တည်းကျ တဲ့ ​ယောက်ျားတယောက်​ရဲ့စိတ်​ဖြစ်​တယ်​လို့ ကျ​နော်​မြင်​တယ်​။အားလုံးနဲ့​တော့ တူစရာ မလိုဘူး​ပေါ့။

  ကျ​နော်​ အကြင်​နာ​ပေးလို့ ခင်​ဗျားတို့ လိုက်​​ပေးစရာ မလိုပါဘူးလေ။ပို့သတဲ့​မေတ္တာ​ကြောင့်​ ဘယ်​သူ မလွမ်း ဘဲ ​နေလို့ရလို့လဲ။ဆွဲကပ်​လိုက်​တဲ့အင်​အားကို ​gravity လို့ဆိုရင်​ ၁၇ နှစ်​ မ​လေးရဲ့ gravity ဟာ ကျ​နော့်​ကို ​ဝေးလွင့်​ကွာကျ သွား​ခွင့်​ မရှိအောင်​ ဖမ်းယူလိုက်​တာပဲလား။မဟုတ်​ဘူး။ကြယ်​မင်းတို့ရဲ့ရာဇဝင်​မှာ မပါ မဖြစ်​ ပါဝင်​​နေတဲ့ black hole တခု။ဘယ်​လိုမှ လွတ်​​မြောက်​ ​ရှောင်​ကွင်းလို့မရ​အောင်​ ​ခေါင်းငုံခံလိုက်​ရမယ့်​ ဆွဲငင်​အားတစ်​ခု။ နီးကပ်လာပြီ။ရှောင်ခွါဖို့  မဖြစ်နိုင်တော့ဘူး။ဒါဟာ သားကြီးဖြစ်​တည်​မှုရဲ့ မူလဘူတပဲ​လေ။ဒါမှ မဟုတ်--ဒုတိယ​နှောင်​ကြိုးရဲ့ ​အရုဏ်​ဦးလေ။

(၆)

   တကယ်​​တော့ သားကြီးကို ကျ​နော်​လိုချင်​ခဲ့တာ မဟုတ်​ပါဘူး။အဲ့ဒီလိုပဲ ကျနော်မိန်းမကလည်း ချင်​ခြင်းတပ်​ခဲ့တာ မဟုတ်​ပြန်​ဘူး။ဘဝတြိချိုးတစ်​ခုဖြစ်​ဖို့ ကံတရားဟာ ဘုရားသခင်​လို ပြုမူသွားတာ။ဒါ​ကြောင့်​ပဲ အဓမ္မ​လောကထဲက​နေ သားကို ​နွေး​ထွေးစွာ ကြိုဆိုလိုက်​ရတယ်။စိုးရိမ်လိုက်​တာ။ဘယ်​​နေရာကြည့်​ကြည့်​ ဓမ္မ လို့ အကြိမ်​ကြိမ်​​ ရေရွတ်​​နေကြ​ပေမယ့်​ သူတို့​တွေ တကယ့်​တကယ်​​ထွေးပိုက်​ထားကြတာက အဓမ္မ​တွေပါပဲ။ လူ့အ လွှာအသီးသီးဟာ အဓမ္မကိုပဲ အလံထူထားကြတာပဲ။ဘယ်​မှာလဲ ဓမ္မ။ဓမ္မ မရှိတဲ့​လောကမှာ သားကြီးကို လူဖြစ်​​ခွင့်​ မ​ပေးချင်​​ပေမယ့်​ ကျ​နော်​တို့ မတတ်​နိုင်​ခဲ့ဘူး။သားကြီးဟာ ကျ​နော်​တို့ ​မျှော်​လင့်​ခဲ့တာ မဟုတ်ဘဲနဲ့ ​ရောက်​လာခဲ့တယ်​။တနေ့ မှာ--တနေ့ မှာပါ။သူများမှာ ကိုယ်​ဝန်​ရှိ​နေပြီတဲ့။

   ဒီစကားကို ကြား​တော့ ဗမာရုပ်​ရှင်​ထဲက မင်းသား​တွေလို ကျ​နော်​​ပျော်​မယ်​ထင်​သလား။ဟေး- လူဖြစ်ပြီကွ လို့  ဣနြေ္ဒမရ အငမ်းမရ အော်ပစ်မယ် ထင်သလား။လေးလံတဲ့စိတ်​တစ်​ခုက ကုပ်​ခွစီးလိုက်​တာပါ။ငါဟာ မိုက်​မဲစွာနဲ့ပဲ ကလိယုဂ်​ထဲဆီ က​လေးငယ်​တစ်​ဦးကို ​ဆောင်ယူမိလိုက်​ပြီ။ဒါဟာ မ​ကောင်းဘူးဆိုရင်​ ဒါဟာ ကုသလ ဖြစ်​ပါ​တော့ မလား။ဒါပေမဲ့ ဘယ်​လိုတွေးမြင်မှုမျိုးတွေဖြစ်​ဖြစ်​ ဘဝ​ပေးအ​ခြေအ​နေကိုကျ​နော်​တို့ လက်​ခံလိုက်​ရတယ်​။ကျ​နော်တို့​ရဲ့ချစ်​ခြင်း​မေတ္တာ၊လိင်​၊ရုပ်​နဲ့ နာမ်​​တွေဟာ ​နောက်​ထပ်​ ရုပ်​နာမ်​တစ်​ခုကို ထပ်​ပြီး​တော့ ဖြည့်​ စွက်​လိုက်​မိကြပြီ။

   ကိုယ်​မယုံကြည်​​တော့တဲ့ လူ့အဖွဲ့အအုံကြီးထဲမှာ ကိုယ့်​​သွေးသားကို ထမ်းပိုးပြီး ​မျှောရ​တော့မှာကလွဲလို့ ​နောက်​ထပ်​ အ​ဖြေ မရှိ​တော့ဘူး။အဆိုးဆုံးကတော့ကိုယ်​ကိုယ်​တိုင်​ မယုံကြည်​​တော့တဲ့လူ့ အဖွဲ့ အအုံထဲမှာ ကိုယ်ကိုယ်တိုင်မသတီခဲ့တဲ့ပညာ​ရေးဆိုတာရယ်ကို ​လောက အလိုကျ ​သားဆီပေးရဦး​တော့မှာပဲ။ခု​ဆို အဲ့ဒီ့ ပညာ​ရေးထဲမှာ သားကြီးဟာက​လေးဘဝကို အဆုံးရှုံးခံဖြတ်​သန်း​နေပြီလေ။ခက်​ခဲလိုက်​တဲ့ စာ​မေးပွဲ​တွေ ရင်​ဆိုင်​​နေရပြီ။တကယ်​စိတ်​ပျက်​စရာ​ကောင်း​တာက အဲ့ဒီ့စာ​မေးပွဲ​တွေကို ဖြတ်​သန်းဖို့ ဟာ စဉ်းစားဉာဏ်​က အဓိ က မကျဘူးတဲ့​လေ။ဒါဟာ ကျ​နော်​တို့ မတိုင်​ခင်​နဲ့ကျ​နော်​တို့ ကတည်းကရှိနေခဲ့တာပဲ မဟုတ်လား။ခု အစိုး ရလက်ထက်ထိတိုင် တုပ်တုပ်မျှ မလှုပ်သေးပါဘူးလေ။ကျနော့်အနာဂတအတွက်ဘယ်လို ယုံကြည်ကိုးစားရမ လဲလေ။ ။

                                                                                                      ကျော်ထင်