မာန်သီဟထွန်း – ဆေပီယန်စ်၊ အပိုင်း (၇) – မျိူးမစပ်တဲ့ ဆေပီယန်စ်လား


မာန်သီဟထွန်း – ဆေပီယန်စ်၊ အပိုင်း (၇) – မျိူးမစပ်တဲ့ ဆေပီယန်စ်လား
  Sapiens – A Brief History of Humankind by Yuval Noah Harari
(မိုးမခ) ဒီဇင်ဘာ ၁၄၊ ၂၀၁၈

ဆေပီယန်စ် အပိုင်း (၇)

ဤဆွေးနွေးငြင်းခုံမှုနဲ့ပတ်သက်၍ နောင်တွင် အပြောင်းအလဲဖြစ်နိုင်စရာ အများကြီးရှိသည်။ ဆင့်ကဲ ပြောင်းလဲမှုအမြင်မှ ကြည့်လျှင် နှစ်ပေါင်း ၇၀,၀၀၀ ဆိုသော အရာသည် ဘာမှ မကြာလိုက်သော ခဏတာ အချိန်သာဖြစ်သည်။ “အစားထိုး သီအိုရီ” သာ မှန်ကန်ခဲ့လျှင် လူသတ္တဝါများအားလုံးသည် တူညီသောမျိုးရိုးဗီဇ အစုအဖွဲ့ရှိ၍ လူသားများအချင်းချင်း လူမျိုးရေးကွဲပြားမှုဟူသည်မှာ လျစ်လျူရှုထားစရာသာ ဖြစ်ပေမည်။ သို့သော် “အချင်းချင်းမျိုးပွားမှု သီအိုရီ” သာမှန်ကန်ခဲ့သည် ဖြစ်သော် အာဖရိကသားများ၊ ဥရောပသားများနဲ့ အာရှသားများအကြား နှစ်ထောင်ပေါင်းများစွာကတည်းက စ၍ မျိုးရိုးဗီဇဆိုင်ရာ ကွဲပြားခြားနားမှု ရှိကောင်းရှိနေခဲ့မည် ဖြစ်သည်။ ဤအရာသည် ပေါက်ကွဲအား ပြင်းထန်နိုင်သော လူမျိုးရေးခွဲခြားမှုသီအိုရီများအတွက် ကိုးကားစရာ နိုင်ငံရေးဗုံးတစ်လုံး ဖြစ်သည်။

မကြာသေးမီဆယ်စုနှစ်အချိန်များအထိ “အစားထိုးသီအိုရီ” သည် မနုဿဗေဒ နယ်ပယ်အကြား ပညာရှင်များ လက်ခံထားကြသော အရာဖြစ်သည်။ ဤသီအိုရီသည် ပိုမိုခိုင်မာသော ရှေးဟောင်းအထောက်အထားများရှိသည့်အပြင် နိုင်ငံရေး၊လူမျိုးရေးအရလည်း ပိုမိုသင့်လျော်ပေသည်။ (သိပ္ပံပညာရှင်များအနေဖြင့် ယနေ့ခေတ်လူဦးရေများအကြား အလွန်တရာကွာဟသော မျိုးရိုးဗီဇကွဲပြားမှုများ ရှိသည်ဟု အခိုင်အမာဆိုခြင်းဖြင့် လူမျိုးရေးခွဲခြားမှု ပန်ဒိုရာသေတ္တာကို ဖွင့်ရန် ဆန္ဒမရှိကြချေ။) သို့သော် သက္ကရာဇ် ၂၀၁၀ တွင် နီယန်ဒါသာလ်လူ၏ စုပေါင်းဗီဇ (genome) ကို ၄နှစ်ကြာအောင် အသေးစိတ် ဆက်စပ်ပုံဖော်ထားသည့် ရလဒ်ထွက်ပေါ်လာသောအခါ ဤသီအိုရီ ရပ်သွားသည်။ မျိုးရိုးဗီဇ ပညာရှင်များအနေဖြင့် ကျောက်ဖြစ်ရုပ်ကြွင်းများမှ မပျက်မစီးကျန်ရစ်သောနီယန်ဒါသာလ်လူများ၏ ဒီအဲင်အေ (DNA) ကို အလုံအလောက် ရရှိစုဆောင်းနိုင်ခဲ့သည်။ ယင်း ဒီအဲင်အေ (DNA) များကို ယနေ့ခေတ်လူသားများ၏ ဒီအဲင်အေ (DNA) များနဲ့ ကျယ်ကျယ်ပြန့်ပြန့် နှိုင်းယှဉ်လိုက်ကြည့်သည်။ ရလဒ်က သိပ္ပံနယ်ပယ်တစ်ခုလုံးကို တုန်လှုပ်သွားစေခဲ့သည်။

ဖြစ်ပုံမှာ အရှေ့အလယ်ပိုင်းနှင့် ဥရောပမှ ယနေ့ခေတ် လူများ၏ ဒီအဲင်အေ ၁ရာခိုင်နှုန်းမှ ၄ ရာခိုင်နှုန်းသည် နီယန်ဒါသာလ် ဒီအဲင်အေ ဖြစ်နေသည်။ ဤသည်မှာ အလွန်များပြားသော ပမာဏ မဟုတ်သော်လည်း အတိုင်းအတာတခုအထိ သက်ရောက်မှု ရှိပေသည်။ နောက်လပိုင်းအနည်းငယ် ကြာသောအခါ နောက်ထပ် တုန်လှုပ် အံ့သြစရာ ကြုံရပြန်သည်။ ဒီနီဆိုဗာလူ (Homo Denisova) ၏ ရုပ်ကြွင်းလက်ချောင်းမှ ရရှိသော ဒီအဲင်အေ (DNA) များကို အသေးစိတ် ဆက်စပ်ပုံဖော်ကြည့်သောအခါဖြစ်သည်။ ရလဒ်က နယူးဂီနီရှိ မလာနီးရှန်းလူများ (Melanesians) နှင့် သြစတြေးလျရှိ အဘိုရီဂျီနယ်လူများ (Aboriginal) ၏ ဒီအဲင်အေ (DNA) သည် ၆ရာခိုင်နှုန်းအထိ ဒီနီဆိုဗာလူ၏ဒီအဲင်အေ ဖြစ်ကြောင်း သက်သေထူနေသည်။


အကယ်၍ ဤရလဒ်များသာ မှန်ကန် ခိုင်မာခဲ့လျှင် နောက်ထပ် သုတေသန ပြုလုပ်ရန်များစွာ ကျန်သေးသည်ကို အမှတ်ရထားရန် အရေးကြီးသည်။ အချင်းချင်းမျိုးပွားမှု သီအိုရီသည် အချို့နေရာများတွင် မှန်ကန်သွားသည် ဆိုသော်လည်း ဤရလဒ်များသည် နောင်ကို ပိုမိုခိုင်မာမှန်ကန်လာမည် သို့မဟုတ် ပြောင်းလဲသွားနိုင်ပေသည်။ သို့သော် ဤအချက်အလက်များကြောင့် အစားထိုးသီအိုရီသည် လုံးဝမှားယွင်းသည်ဟု မဆိုနိုင်ပေ။ နီယန်ဒါသာလ်များနဲ့ ဒီနီဆိုဗန် များသည် ယနေ့ခေတ်ကျွန်ုပ်တို့လူသားများ၏ စုပေါင်းဗီဇတွင် ဒီအဲင်အေ အချိုးအစား အနည်းငယ်သာ ပါဝင်သဖြင့် ဆေပီယန်စ်များနဲ့ အခြားလူသားမျိုးစိတ်များ ပေါင်းစည်းသွားကြသည်ဟု ပြောမရနိုင်ပေ။ ၎င်းတို့၏အကြား ကွဲပြားခြားနားမှုသည် မျိုးအောင်သော လိင်ဆက်ဆံမှုမျိုးမဖြစ်ရလောက်အောင် ကွာဟမနေသော်လည်း ဤသို့သော တွေ့ဆုံမှုမျိုးမှာ အလွန်ရှားပါးခဲ့ပေသည်။


ဤသို့ဆိုလျှင် ဒီနီဆိုဗန်များ၊ နီယန်ဒါသာလ်များ နဲ့ ဆေပီယန်စ်များ၏ ဇီဝဆိုင်ရာဆက်နွယ်မှုကို ကျွန်ုပ်တို့ မည်သို့နားလည် သင့်ပါသနည်း။ မြင်းများနဲ့ မြည်းများကဲ့သို့ သူတို့သည် လုံးဝကွဲပြား ခြားနားသောမျိုးစိတ်နှစ်ခု မဟုတ်သည်မှာ ရှင်းပေသည်။ တခြားဘက်တွင်လည်း သူတို့သည် ခွေးဘီလူးနဲ့ နားရွက်တွဲလွဲကျခွေးကဲ့သို့ တူညီသော မျိုးစိတ်တစ်ခု၏အောက်က ခြားနားသော အဖွဲ့ဝင်အရေအတွက် ၂ ခုလည်း မဟုတ်ချေ။ ဇီဝဆိုင်ရာအရှိတရားသည် အဖြူအမဲကဲ့သို့ ကွဲပြားနေသည် မဟုတ်ပေ။ အဖြူအမည်း မသဲကွဲသော အရေးကြီးသော မီးခိုးရောင် ဧရိယာ များလည်း ရှိပေသည်။ မြင်းနဲ့မြည်းကဲ့သို့ တူညီသော ဘိုးဘေးမှ ဆင့်ကဲပြောင်းလဲလာသော မျိုးစိတ်နှစ်ခုတိုင်းသည် တချိန်တုန်းက ခွေးဘီလူးနဲ့ နားရွက်တွဲလွဲကျခွေးကဲ့သို့ တူညီသော မျိုးစိတ်တစ်ခု၏အောက်က ခြားနားသော အဖွဲ့ဝင်၂ခုသာ ဖြစ်ခဲ့ပေမည်။ ဤအဖွဲ့ဝင်၂ဦးသည် တဦးနဲ့တဦး အလွန်ကွဲပြားခြားနေသော်လည်း ကြုံတောင့်ကြုံခဲ အခါသမယများ၌ တဦးနဲ့တဦး လိင်ဆက်ဆံ၍ မျိုးအောင်သော သားဆက်ကို မွေးထုတ်နိုင်ခဲ့သည့်အချိန်ကာလတစ်ခု ရှိခဲ့မှာ သေချာသည်။ ထို့နောက်တွင် နောက်ထပ်ဗီဇပြောင်းလဲသွားခြင်းတစ်ခုက ၎င်းတို့ကြားက ဤနောက်ဆုံးသော ဆက်စပ်ကြိုးမျှင်လေးကို ပြတ်စဲသွားစေခဲ့ပေမည်။ ပြီးလျှင် ဆင့်ကဲပြောင်းလဲခြင်း လမ်းစဉ်၌ သူတို့ ကိုယ့်လမ်းကိုယ် သီးသန့်လျှောက်ခဲ့ကြသည်။

ကြည့်ရသည်မှာ လွန်ခဲ့သော နှစ်ပေါင်း ၅၀,၀၀၀ ခန့်မှ စ၍ ကျွန်ုတို့ ဆေပီယန်စ်များ၊ နီယန်ဒါသာလ်များနှင့် ဒီနီဆိုဗန်လူများသည် လမ်းဆုံလမ်းခွတစ်ခုတွင် ရှိနေခဲ့ကြသည်။ ၎င်းတို့သည် လုံးဝကွဲပြားသော မျိုးစိတ်များမဖြစ်ကြသေးသော်လည်း.. ယင်းကဲ့သို့ ဖြစ်လုနီးပါး ဖြစ်နေခဲ့သည်။ ဤသည်ကို နောက်အခန်းတွင် ကျွန်ုပ်တို့ လေ့လာသဘောပေါက်ရပေမည်။ ဆေပီယန်စ်များသည် နီယန်ဒါသာလ်များ၊ ဒီနီဆိုဗန်လူများနဲ့ မျိုးရိုးဗီဇဆိုင်ရာကုဒ်နှင့် ကိုယ်ခန္ဓာတည်ဆောက်ပုံတွင် အလွန်ကွဲပြားနှင့်ပြီး ဖြစ်နေရုံမျှမက.. တွေးခေါ်သိမြင်မှုနှင့် လူမှုဆက်ဆံရေး လုပ်ဆောင်နိုင်မှုများတွင်လည်း ကွာဟနေပြီ ဖြစ်သည်။ သို့သော်လည်း ကြုံတောင့်ကြုံခဲ အခြေအနေများ၌ ဆေပီယန်စ် တစ်ယောက်နှင့် နီယန်ဒါသာလ်တစ်ယောက် ပေါင်းစပ်ကြ၍ မျိုးအောင်သော သားသမီးများ မွေးထုတ်နိုင်ခဲ့ဟန်ရှိသည်။ ထို့ကြောင့် ၎င်းတို့၏ လူဦးရေချင်း ပေါင်းစည်းရောယှက်သွားခြင်းမျိုးမဟုတ်ဘဲ ကံကောင်းသော နီယန်ဒါသာလ် မျိုးရိုးဗီဇတချို့ ကျွန်ုပ်တို့ ဆေပီယန်စ် အိတ်စ်ပရက် (express) ပေါ်တွင် လမ်းကြုံလိုက်လာနိုင်ခဲ့ခြင်း ဖြစ်သည်။ စဉ်းစားကြည့်လျှင် အလွန်စိတ်မသက်သာစရာ ဖြစ်သော သို့တည်းမဟုတ် အလွန်အံ့သြစရာဖြစ်သည်မှာ.. တချိန်က ကျွန်ုပ်တို့ ဆေပီယန်စ်များသည် ကျွန်ုပ်တို့နဲ့မျိုးစိတ်မတူသော အခြားသတ္တဝါတစ်မျိုးဖြင့် မျိုးယှက်၍ သားသမီးများ မွေးထုတ်နိုင်ခဲ့ကြပေသည်။

ခန့်မှန်း၍ ပြန်တည်ဆောက်ထားသော နီယန်ဒါသာလ် ကလေးငယ်တစ်ယောက်။ မျိုးရိုးဗီဇဆိုင်ရာ ခန့်မှန်းချက်များအရ အချို့သော နီယန်ဒါသာလ်များသည် အသားလတ်ကာ ဆံပင်များလည်း အနည်းငယ် ဖြူနိုင်သည်။

ဘာသာပြန် - မာန်သီဟထွန်း

ပုံများကို အောက်ပါလင့်များမှ ယူပါသည်။
https://anthropology.net/…/the-oldest-humans-aboriginal-au…/
https://www.eurweb.com/…/melanesians-have-blond-hair-and-d…/
https://plus.google.com/11541107924310386…/posts/2gzQ5q7jX9B
0