အောင်ငြိမ်းချမ်း (Myanmar Now) ● အများထင်သလို “လင်ပေးစားသည့်ဥပဒေ”မဟုတ်ဟု ပြည်သူ့လွှတ်တော်ကိုယ်စားလှယ် တုံ့ပြန်

အောင်ငြိမ်းချမ်း (Myanmar Now) ● အများထင်သလို “လင်ပေးစားသည့်ဥပဒေ”မဟုတ်ဟု ပြည်သူ့လွှတ်တော်ကိုယ်စားလှယ် တုံ့ပြန်
(မိုးမခ) ဒီဇင်ဘာ ၁၊ ၂၀၁၈

လွှတ်တော်ကိုယ်စားလှယ်များသည် အလုပ်မရှိအလုပ်ရှာကာ ကလေးသူငယ်များကို အိမ်ထောင်ချပေးရေး ဥပဒေကိုသာ အာရုံစိုက်နေကြသည်ဟု ဝေဖန်ရှုတ်ချခံနေရသည့်အပေါ် ထိုသို့မဟုတ်ကြောင်း၊ အခြေအနေမှန်ကို တကယ်မသိဘဲ ဝေဖန် ခံနေရသဖြင့် စိတ်မကောင်းကြောင်း လွှတ်တော် ကိုယ်စားလှယ်တစ်ဦးက ဆိုသည်။

ပြီးခဲ့သည့်ရက်ပိုင်းက ပြည်သူ့လွှတ်တော်တွင် အတည်ပြုခဲ့သည့် ကလေးသူငယ်အခွင့်အရေးဆိုင်ရာ ဥပဒေပါ ပြဋ္ဌာန်းချက် တစ်ခုနှင့်ပတ်သက်ပြီး လူမှုကွန်ရက်တွင်ဝေဖန်နေကြသလိုမျိုး လွှတ်တော်သည် အလုပ်မရှိ အလုပ်ရှာကာ ကလေးငယ်များ ကို အိမ်ထောင်ချပေးဖို့ကြိုးစားနေခြင်း မဟုတ်ကြောင်း ထင်ရှားသည့် လွှတ်တော် ကိုယ်စားလှယ်တစ်ဦးက တုံ့ပြန်သည်။

အမျိုးသားနှင့် အမျိုးသမီးတို့ထိမ်းမြားလက်ထပ်နိုင်သည့်အသက်သည် သက်ဆိုင်ရာ တည်ဆဲဥပဒေနှင့် ဓလေ့ထုံးတမ်း ဥပ ဒေများတွင် သတ်မှတ်ထားသည့်အတိုင်းဖြစ်စေရမည်ဟု နိုဝင်ဘာ ၂၈ ရက်နေ့က ပြည်သူ့လွှတ်တော်တွင် အတည်ပြုလိုက် ခြင်းနှင့်ပတ်သက်ပြီး ပြည်သူများအကြား ဝေဖန်မှုမြင့်တက် နေသည့်အပေါ် ရန်ကင်းမြို့နယ် ပြည်သူ့လွှတ်တော်ကိုယ် စားလှယ် ဒေါ်ဇင်မာအောင်က တုံ့ပြန်လိုက်ခြင်း ဖြစ်သည်။

လက်ထပ်မည့် လူငယ်စုံတွဲတစ်တွဲကို ပြင်ဦးလွင် ကန်တော်ကြီးဥယျာဉ်အတွင်း ပြီးခဲ့သည့်လပိုင်းက တွေ့ရစဉ်။ (ဓာတ်ပုံ - Myanmar Now)

ကလေးသူငယ်အခွင့်အရေးများဆိုင်ရာဥပဒေသည် အရေးကြီးသည့်ဥပဒေဖြစ်ပြီး “ယောက်ျားပေးစားသည့် ဥပဒေ” မ ဟုတ်ကြောင်းနှင့် ထိုဥပဒေတစ်ခုလုံး၏တန်ဖိုးနှင့် လွှတ်တော်၏တန်ဖိုးကိုထိခိုက်သည့်အတွက် စိတ်မကောင်းဖြစ်ကြောင်း ၎င်းက ယမန်နေ့ညက ၎င်း၏ လူမှုကွန်ရက် ဖေ့ဘုတ်စာမျက်နှာတွင် ရေးသားခဲ့သည်။

“၁၀၀ မှာ ၉၀ မှားမယ်ဆိုပါစို့ ကျန်တဲ့ ၁၀ ယောက်ပါ ရောပြီး institution (အဖွဲ့အစည်း) တစ်ခုလုံး အပြော ခံရတာပဲ။ တကယ်က ယောက်ျားပေးစားတဲ့ဥပဒေ မဟုတ်ပါဘူး။ ကလေးသူငယ်အခွင့်အရေး ဥပဒေဆိုတာတော့ ပြောပါရစေ။ အဲဒီအထဲက ပုဒ်မတစ်ခုပါ။ ဥပဒေက အများကြီးအရေးကြီးတဲ့ ကလေးသူငယ် အခွင့်အရေး ဆိုင်ရာ ဥပဒေပါ။ ယောက်ျားပေးစားတဲ့ ပုဒ်မတစ်ခုကြောင့် ဥပဒေတစ်ခုလုံးရဲ့တန်ဖိုး၊ လွှတ်တော်ရဲ့တန်ဖိုးကို institution ကို ထိခိုက်တာတော့ စိတ်မကောင်းဘူး”ဟု ၎င်းက ရေးသားထားသည်။

ထိုဥပဒေကြမ်း၏ အခန်း (၇) အပိုဒ် (၂၃) အတွက် မူလအဆိုပြုပြဋ္ဌာန်းချက်တွင် ‘အမျိုးသား၊ အမျိုးသမီးနှစ်ဦး ထိမ်းမြား လက်ထပ်နိုင်သည့် အသက်သည် တည်ဆဲဥပဒေနှင့် ဓလေ့ထုံးတမ်းဥပဒေပါ အတိုင်းဖြစ်ကြောင်း၊ သို့ရာတွင် လက်ထပ် စာချုပ်ချုပ်ဆို ထိမ်းမြားခြင်းဖြစ်ပါက ထိမ်းမြားလက်ထပ်ရန် ပဋိညာဉ်ပြုနိုင်သည့် အသက်သည် ၁၈ နှစ် ပြည့်ပြီးဖြစ်ရမည်ဖြစ်ကြောင်း’ ဝါကျနှစ်ကြောင်းဖြင့် ရေးသားထားရာမှ ပြင်ဆင်ချက်တွင် ‘ထိမ်းမြားစာချုပ်ချုပ်ဆိုမည် ဆိုပါက အသက် ၁၈ နှစ်ပြည့်ပြီးဖြစ်ရမည်’ ဆိုသည့် ဒုတိယဝါကျကို ပြည်သူ့လွှတ်တော်က မဲခွဲကာ ဖြုတ်ပယ်လိုက်ခြင်း ဖြစ်သည်ကို တွေ့ရသည်။

အဆိုပါ ပြင်ဆင်ရန်ပြဋ္ဌာန်းချက်ကို မဲခွဲရာတွင် ဆန္ဒမဲပေးပိုင်ခွင့်ရှိသူ ၃၈၁ ဦးအနက် ထောက်ခံမဲ ၃၃၀၊ ကန့်ကွက်မဲ ၃၃ မဲ၊ ကြားနေမဲ တစ်မဲဖြင့် အတည်ဖြစ်ခဲ့ခြင်းဖြစ်သည်။ ကျောက်တန်းမြို့နယ် လွှတ်တော် ကိုယ်စားလှယ် ဒေါ်အေးမြမြမျိုးက မူလအဆိုပြုပြဋ္ဌာန်းချက်အတိုင်း ထားရှိရန် တင်ပြသည့်အတွက် မဲခွဲဆုံးဖြတ်ခဲ့ခြင်း ဖြစ်သည်။

“(ထောက်ခံ - ကန့်ကွက်) မဲအရေအတွက်က ကွာလွန်းပါတယ်။ ကန့်ကွက်ခဲ့တဲ့ မဲတွေလည်းရှိပါတယ်။ နည်းပါတယ်။ ဒါပေသိ - ဒါကိုလွှတ်တော်ကြီးက အလုပ်မရှိ အလုပ်ရှာ လင်ပေးစားတဲ့ ဥပဒေနဲ့ အလုပ်မရှိအလုပ်ရှာ သလို Institution ရဲ့ တန်ဖိုးကို ထိခိုက်လာတော့ စိတ်မကောင်းလို့ပါ”ဟု ဒေါ်ဇင်မာအောင်က ရေးသားထားသည်။

၁၉၉၃ ခုနှစ် ကလေးသူငယ်ဥပဒေသည် ခေတ်နှင့် မဆီလျော်တော့သဖြင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချ ထားရေးဝန်ကြီးဌာနက ပြန်လည်ပြင်ဆင်နိုင်ရန်တင်သွင်းခဲ့ခြင်းဖြစ်သည်။

ထိုဥပဒေကို အမျိုးသားလွှတ်တော်တွင် ဆက်လက်ဆွေးနွေးရန်ကျန်ရှိသေးပြီး လွှတ်တော်နှစ်ရပ်လုံးက သဘောတူမှသာ ဥပဒေအဖြစ် ပြဋ္ဌာန်းနိုင်မည်ဖြစ်သည်။

● ရှုပ်ထွေးလာနိုင်သလား
သက်ငယ်မုဒိမ်းမှုအတွက် အသက်ကန့်သတ်ချက်ကို ၁၆ နှစ်သတ်မှတ်ထားရာမှ ယခု အသက် ၁၈ နှစ်အောက်ကို စာချုပ်ဖြင့်လက်ထပ်ခွင့်ပြုလိုက်သည့်အတွက် ရှုပ်ထွေးမှုများဖြစ်လာနိုင်သည်ဟု အမျိုးသမီးများအရေး ဆောင်ရွက်နေသည့် Triangle အဖွဲ့၏ ဒါရိုက်တာ ဒေါ်ခင်လေးက Myanmar Now ကိုပြောသည်။

ကလေးသူငယ်အခွင့်အရေးဥပဒေကြမ်းပါ မူလအဆိုပြုပြဋ္ဌာန်းချက်နှင့် ပြင်ဆင်ရန်တင်ပြချက်တို့ကို နှိုင်းယှဉ်မြင် ရစဉ်။ (ဓာတ်ပုံ - Zin Mar Aung Facebook)

“အတင်းအဓမ္မလက်ထပ်ထိမ်းမြားတာတွေဖြစ်လာနိုင်သလို သက်ငယ်မုဒိမ်းအောက် အကျုံးဝင်ဖို့ အတွက် လုပ်ဆောင်တာ တွေကလည်း အားလျော့သွားနိုင်တယ်လို့မြင်တယ်” ဟု ၎င်းကဆိုသည်။

ထိုဥပဒေမပြဋ္ဌာန်းမီ ပြင်ပ ပညာရှင်များ၊ အရပ်ဘက်အဖွဲ့အစည်းများနှင့် အမျိုးသမီးအဖွဲ့အစည်းများ၏ အသံများကို ပိုမိုဂရုစိုက်သင့်ကြောင်း ၎င်းကထောက်ပြသည်။

အမျိုးသမီးများအရေးအတွက် ဥပဒေရေးရာအရဆောင်ရွက်ပေးနေသည့် ‘ဥပဒေရေးရာကုစားရေးမြန်မာ’ အဖွဲ့မှ တရားလွှတ်တော်ရှေ့နေဒေါ်လှလှရီကလည်း အထူးဥပဒေဖြစ်သည့် ကလေးသူငယ်အခွင့်အရေးများ ဆိုင်ရာဥပဒေသည် အခြားဥပဒေများအပေါ်လွှမ်းမိုးသွားနိုင်ကြောင်းထောက်ပြသည်။

၎င်းဥပဒေကို အမျိုးသားလွှတ်တော်တွင် ထပ်မံဆွေးနွေးရဦးမည်ဖြစ်ရာ အမျိုးသားလွှတ်တော် အနေဖြင့် လက်ထပ်နိုင်သည့်အသက်အပိုင်းအခြားကို ပြန်ပြီးစဉ်စားသင့်ကြောင်း ၎င်းကတိုက်တွန်းသည်။

ကလေးသူငယ်အခွင့်အရေးများဆိုင်ရာဥပဒေကြမ်းသည် အခန်း ၃၀၊ အပိုဒ် ၁၁၇ ပိုဒ်ပါဝင်သည့် ဥပဒေကြမ်းဖြစ်ပြီး ဥပဒေကြမ်းကော်မတီ၏ပြင်ဆင်ချက် ၁၂၉ ချက်ကို ပြင်ဆင်ခဲ့ပြီး ပြည်သူ့လွှတ်တော်က အတည်ပြုထားသည်။

● လွှတ်တော်အမတ်များ ဉာဏ်နည်း၍မဟုတ်
အငြင်းပွားစရာဖြစ်နေသည့် ထိုအချက်နှင့်ပတ်သက်ပြီး ရှုပ်ထွေးမှုများရှိနေနိုင်သော်လည်း ဥပဒေတစ်ခုလုံး တွင် ကလေး သူငယ်အခွင့်အရေးနှင့်ပတ်သက်၍ ကောင်းမွန်သည့်အချက်များစွာ ပါဝင်နေသည်ဟု ဒေါ်ဇင်မာအောင်က Myanmar Now ကိုပြောသည်။

“ဒီတစ်ချက်ရဲ့အားနည်းချက်အပေါ်မှာ အငြင်းပွားမှုဖြစ်တာနဲ့ တစ်စုံလုံးအပေါ်မှာ၊ ဥပမာ လွှတ်တော် အမတ်တွေက ဒီလောက်တောင် ဉာဏ်နည်းရသလားဆိုတဲ့ ကိစ္စကတော့ အဆင်မပြေဘူးလေ”ဟု ၎င်းက တယ်လီဖုန်းဖြင့် ဖြေကြားသည်။

“ဒီဥပဒေဟာ … ကလေးစစ်သားကိစ္စ အပါအဝင် ကလေးသူငယ်အခွင့်အရေး ကာကွယ်ဖို့ ရည်ရွယ်ချက် ကောင်းတွေနဲ့ ပြဋ္ဌာန်းတာပါ။ ပြဿနာက - သက်ဆိုင်ရာ ဓလေ့ထုံးတမ်းဥပဒေ ဆိုတဲ့ ကိစ္စမှာ - တချို့ ဗမာအပါအဝင် တိုင်းရင်းသားရိုးရာ ဓလေ့ထုံးတမ်းဥပဒေတွေမှာ အသက် ၁၈ နှစ်မပြည့်သော်ငြား ဓလေ့ထုံးတမ်းအရ လက်ထပ်မှုတွေနဲ့ - အသက် ၁၈ နှစ်အောက်ကို ကလေးလို့ သတ်မှတ်တဲ့အတွက် CRC (ကလေးသူငယ်အခွင့်အရေးဥပဒေ) ပါ အချက်နဲ့ ရော ကလေး အခွင့်အရေးနဲ့ပါ Conflict (ဝိရောဓိ) သွားဖြစ်တဲ့ ကိစ္စပါ”ဟု အဆိုပါပြည်သူ့လွှတ်တော် ကိုယ်စားလှယ်က ၎င်း၏ဖေ့ဘုတ်တွင် ရေးသားထားသည်။