မာန်သီဟထွန်း – ဆေပီယန်စ်၊ အပိုင်း (၉) – အသိဥာဏ်သစ်ပင်

 မာန်သီဟထွန်း – ဆေပီယန်စ်၊ အပိုင်း (၉) –  အသိဥာဏ်သစ်ပင်
Sapiens – A Brief History of Humankind by Yuval Noah Harari
(မိုးမခ) ဇန်န၀ါရီ ၄၊ ၂၀၁၉

စာရေးသူ၏ ဖေ့စ်ဘွတ်မှ ခွင့်ပြုချက်ဖြင့် ကူးယူဖော်ပြပါသည်။
 

ပြီးခဲ့တဲ့ အခန်းမှာ လွန်ခဲ့တဲ့နှစ်ပေါင်း ၁၅၀,၀၀၀ ကစပြီး ကျွန်တော်တို့ ဆေပီယန်စ်တွေဟာ အရှေ့အာဖရိကမှာ ပျံ့နှံ့နေထိုင်ခဲ့ကြတယ်ဆိုတာကို သိရပါတယ်။ အဲဒီကစပြီး ဆေပီယန်စ်တွေ ကမ္ဘာတဝှမ်းလုံးကို ပျံ့နှံ့အုပ်စိုးလာလိုက်တာ နှစ်ပေါင်း ၇၀,၀၀၀ လည်းရောက်ရော တခြားလူသားမျိုးစိတ်အကုန်းလုံးပါ မျိုးတုန်းပျောက်ကွယ်သွားအောင် မောင်းထုတ်ခဲ့ကြတဲ့အထိပါပဲ။ ဒီထောင်စုနှစ် ကြားကာလတွေမှာ ရှေးခေတ်ဆေပီယန်စ်တွေဟာ ကျွန်တော်တို့နှင့်ချွတ်စွပ်တူပြီး သူတို့ရဲ့ ဦးနှောက်အရွယ်အစားဟာလည် အခုကျွန်တော်တို့ရဲ့ အရွယ်အစားပါပဲ။ ဒါပေမယ့်လည်း သူတို့ဟာ တခြားလူသားမျိုးစိတ်တွေအပေါ်မှာ အထူးအားသာချက်ဆိုလို့ ဘာမှမရှိခဲ့ပါဘူး။ သူတို့ဟာ ရှုပ်ထွေးခက်ခဲပါတယ်ဆိုတဲ့ ဘာလက်နက်ကိရိယာမှ မထုတ်လုပ်နိုင်ခဲ့သလို အထူးကြီးကျယ်တဲ့ စွမ်းဆောင်မှုတွေ ဆောင်ရွက်ခဲ့တာလည်း ဘာမှမရှိပါဘူး။


တကယ်တမ်းပြောရမယ်ဆိုရင် နီယန်ဒါသာလ်တွေ နှင့် ဆေပီယန်စ်တို့ ပထမဆုံးအကြိမ် တွေ့ဆုံခဲ့ကြတဲ့မှတ်တမ်းမှာတော့ နီယန်ဒါသာလ်တွေက အနိုင်ရခဲ့ပါတယ်။ လွန်ခဲ့တဲ့ နှစ်တစ်သိန်း (၁၀၀,၀၀၀) လောက်မှာ ဆေပီယန်စ်အုပ်စုတချို့ဟာ မြောက်ပိုင်းကိုရွှေ့ပြောင်းလာရင်းနဲ့ လီဗန့်ဒေသ (ယနေ့ခေတ် မြေထဲပင်လယ်အရှေ့ပိုင်း)ကို ရောက်လာခဲ့ကြပါတယ်။ အဲဒီအချိန်တုန်းက အဲဒီဒေသဟာ နီယန်ဒါသာလ်တို့ရဲ့ နယ်မြေပါ။ ဒါပေမယ့်လည်း ဆေပီယန်စ်တို့ဟာ နေရာတစ်နေရာစာခိုင်မြဲအောင် ခြေကုပ်မယူနိုင်ခဲ့ကြပါဘူး။ အဲဒါဟာ ကြမ်တမ်းခက်ထန်တဲ့ ဒေသခံတွေ၊ ပြင်းထန်လွန်းတဲ့ ရာသီဥတုနှင့် သူတို့မကြုံဘူးတဲ့ ဒေသရင်းကပ်ပါးပိုးမွှား စတာတွေကြောင့် ဖြစ်နိုင်ပါတယ်။ ဘာကြောင့်ပဲဖြစ်စေ ဆေပီယန်စ်တွေဟာ နောက်ပြန်ဆုတ်သွားခဲ့ရပြီး နီယန်ဒါသာလ်တွေသာ အရှေ့အလယ်ပိုင်းဒေသရဲ့ အရှင်သခင်တွေအဖြစ် ကျန်ရစ်ခဲ့ကြပါတယ်။


ဒီမှတ်တမ်းမှတ်ရာများတွေ ခိုင်လုံသေချာတာတော့ မဟုတ်ပေမယ့် အဲဒီတုန်းက ဆေပီယန်စ်တွေရဲ့ ဦးနောက်တွင်းဖွဲ့စည်းပုံတွေဟာ လက်ရှိကျွန်တော်တို့နဲ့ ကွားခြားခဲ့မယ်လို့ ပညာရှင်တွေက ခန့်မှန်းကြတယ်။ အဲဒီဆေပီယန်စ်တွေဟာ ကျွန်တော်တို့ပုံစံပေါက်ပေမယ့် သူတို့ရဲ့ စဉ်းစားဆင်ခြင်နိုင်မှုစွမ်းအား - လေ့လာသင်ယူခြင်း၊ မှတ်မိနိုင်စွမ်း၊ ပြောဆိုဆက်သွယ်နိုင်စွမ်းတို့ဟာ အလွန်တရာမှပဲ အကန့်အသတ်ရှိခဲ့မှာပါ။ ဒီရှေးဆေပီယန်စ်တွေကို အင်္ဂလိပ်စာသင်ပေးတာ၊ ခရစ်ယာန်ဓမ္မဝါဒကို လက်ခံလာအာင်ဆွဲဆောင်တာ သို့မဟုတ် ဆင့်ကဲပြောင်းလဲခြင်းသီအိုရီကို သူတို့နားလည်လာအောင်လုပ်တာတွေဟာ မျှော်လင့်ချက်လုံးဝမရှိတဲ့ လုပ်ရပ်တွေပဲ ဖြစ်ခဲ့မှာပါ။ အပြန်အလှန်အားဖြင့် ကျွန်တော်တို့ကလည်း သူတို့ အချင်းချင်းဆက်သွယ်ပုံကို သင်ယူဖို့၊ သူတို့ရဲ့ တွေးခေါ်စဉ်းစားပုံကိုနားလည်ဖို့ အလွန်ခက်ခဲခဲ့ပါလိမ့်မယ်။


ဒါပေမယ့်လည်း လွန်ခဲ့တဲ့နှစ်ပေါင်း ခုနစ်သောင်း (၇၀,၀၀၀) လောက်ကစပြီး ဟိုမိုဆေပီယန်စ်တွေဟာ တကယ်ထူးခြားကောင်းမွန်တဲ့အရာတွေကို စတင်လုပ်ဆောင်လာနိုင်ခဲ့ပါတယ်။ အဲဒီအချိန်လောက်မှာပဲ ဆေပီယန်စ်အုပ်စုတွေ အာဖရိကတိုက်ကနေ ဒုတိယအကြိမ် ထွက်ခွာလာခဲ့ကြပါတယ်။


ဒီတစ်ကြိမ်မှာတော့ ဆေပီယန်စ်တွေက နီယန်ဒါသာလ်နှင့်တကွ တခြားလူသားမျိုးစိတ်တွေအကုန်လုံးကို အရှေ့အလယ်ပိုင်းဒေသတင်မကဘဲ ကမ္ဘာ့မျက်နှာပြင်ပေါ်ကပါ ပျောက်ကွယ်သွားအောင် မောင်းထုတ်ပစ်ခဲ့ပါတယ်။ အလွန်တရာ တိုတောင်းလှတဲ့ အချိန်တွင်းမှာပဲ ဆေပီယန်စ်တို့ဟာ ဥရောပနှင့် အာရှ ကို ရောက်သွားပါတယ်။ လွန်ခဲ့တဲ့နှစ်ပေါင်း လေးသောင်းငါးထောင် (၄၅,၀၀၀) လောက်မှာ တနည်းတဖုံနဲ့ ပင်လယ်ပြင်ကိုဖြတ်ပြီး အဲဒီတုန်းက ဘယ့်လူသားမှ မတို့ထိရသေးတဲ့ သြစတျေးလျတိုက်ကို အခြေချနိုင်ခဲ့ပါတယ်။




လွန်ခဲ့တဲ့ နှစ်ပေါင်း ခုနစ်သောင်း (၇၀,၀၀၀) ကနေ သုံးသောင်း (၃၀,၀၀၀) အတွင်း လှေတွေ၊ မီးအိမ်တွေ၊ လေးမြားတွေ၊ (နွေးထွေးတဲ့ အဝတ်ထည်တွေ ချုပ်လုပ်ရာမှာ အလွန်အရေးပါတဲ့) အပ်တွေ စတဲ့အရာတွေကို တီထွင်လာခဲ့ကြတာကို တွေ့ရပါတယ်။ ပထမဆုံးသော အနပညာလက်ရာပစ္စည်းလို့ ခိုင်ခိုင်မာမာ ပြောနိုင်တဲ့အရာဝတ္ထု (စတေဒယ်လ် ခြင်္သေ့ရုပ် - စာမျက်နှာ ၂၅ တွင်ရှု)နှင့် ရှင်းလင်းတဲ့ အထောက်အထားတွေရှိတဲ့ ဘာသာရေးယုံကြည်မှု၊ ကုန်သွယ်မှုတွေနှင့် လူတန်းစားအလွှာတွေဟာလည်း အဲဒီအချိန်ကာလက စပြီး ဖြစ်တည်လာခဲ့တာပါ။


အခုလို အလွန်တရာကြီးမားလှတဲ့အောင်မြင်မှုတွေဟာ ဆေပီယန်စ်တွေ စဉ်းစားတွေးခေါ်တဲ့နေရာမှာ တိုးတက်ပြောင်းလဲမှုကြီးဖြစ်ခဲ့တာရဲ့ ရလဒ်ဖြစ်တယ်လို့ သုတေသနပညာရှင်အများစုက ယုံကြည်ကြပါတယ်။ နီယန်ဒါသာလ်တွေကို မျိုးတုန်းသွားအောင် မောင်းထုတ်နိုင်ခဲ့တဲ့၊ သြစတျေးလျတိုက်ကို သွားရောက်အခြေချနိုင်ခဲ့တဲ့၊ စတေဒယ်လ် ခြင်္သေ့ရုပ်ကို ထုလုပ်နိုင်ခဲ့တဲ့ လူတွေဟာ ကျွန်တော်တို့လိုပဲ ဆန်းသစ်တီထွင်တတ်တဲ့၊ ဦးနှောက်ဉာဏ်ကောင်းတဲ့၊ နူးညံ့သိမ်မွေ့တဲ့ လူသားတွေဖြစ်မယ်လို့ လက်ခံထားကြပါတယ်။ စတေတယ်လ်ဂူက အဲဒီအနုပညာရှင်တွေနဲ့ ကျွန်တော်တို့ ဆုံတွေ့ခွင့်ရမယ်ဆိုရင် သူတို့ရဲ့ဘာသာစကားကို ကျွန်တော်တို့သင်ယူနိုင်ပြီး သူတို့ကလည်း ကျွန်တော်တို့ရဲ့စကားကို သင်ယူနိုင်မှာပါ။ စိတ်ကူးယဉ်ကမ္ဘာက အဲလစ်၏စွန့်စားခန်းများ (Alice in Wonderland) ကနေစပြီး ကွမ်တမ်ရူဗဗေဒရဲ့ဝိရောဓိသဘောတွေအထိ ကျွန်တော်တို့သိနားလည်ထားတဲ့ အရာတွေအားလုံး သူတို့ကို ကျွန်တော်တို့ရှင်းပြနိုင်မှာပါ။ သူတို့ကလည်း ကမ္ဘာကြီးကို သူတို့ရှုမြင်ပုံကို ကျွန်တော်တို့ကို ပြန်သင်ပေးနိုင်မှာပါ။


ဆေပီယန်စ်တို့ နည်းလမ်းသစ်တွေနဲ့ စဉ်းစားတွေးခေါ်လာပုံတွေ၊ ပြောဆိုဆက်သွယ်လာပုံတွေ ထွက်ပေါ်လာတဲ့ လွန်ခဲ့သော နှစ်ပေါင်း ၇၀,၀၀၀ နှင့် ၃၀,၀၀၀ ကြားကာလကို စဉ်းစားသိမြင်ခြင်းပြောင်းလဲမှုကြီး လို့ ပန္နက်ရိုက်ရပါမယ်။ ဘယ်အရာက အခုလို ဖြစ်စေခဲ့တာပါလဲ။ ကျွန်တော်တို့ သေချာမသိပါဘူး။ လူများစု လက်ခံယုံကြည်ထားတဲ့ သီအိုရီအရတော့ ဆေပီယန်စ်တို့မှာ မထင်မှတ်ထားတဲ့ မျိုးရိုးဗီဇပြောင်းလဲခြင်းကြောင့် သူတို့ဦးနှောက်အတွင်းပိုင်းကွန်ယက်တွေ ပြောင်းလဲခဲ့ပါတယ်။ အဲဒါက ဆေပီယန်စ်တွေကို အရင်နဲ့မတူတဲ့ အတိုင်းဆမဲ့နည်းလမ်းတွေနဲ့ စဉ်းစားနိုင်စေခဲ့တယ်။ ပြီးတော့ သူတို့အချင်းချင်းပြောဆိုတဲ့နေရာမှာလည်း လုံးဝအသစ်နီးပါးဖြစ်တဲ့ ဘာသာစကားတစ်ခုနဲ့ ပြောဆိုဆက်သွယ်လာနိုင်တဲ့ အထိပါပဲ။


အဲဒါကို ကျွန်တော်တို့အနေနဲ့ အသိဉာဏ်သစ်ပင်ရဲ့မျိုးရိုးဗီဇပြောင်းလဲခြင်းလို့ ခေါ်လို့ရမှာပါ။ ဒါဟာ ဆေပီယန်စ်တို့ရဲ့ ဒီအဲင်အေ မှာပဲ လာဖြစ်ပြီး နီယန်ဒါသာလ်တို့မှာ ဘာကြောင့်မဖြစ်ခဲ့တာလဲ။ ကျွန်တော်တို့သိရသလောက် ပြောရမယ်ဆိုရင် ဒါကံကောင်းမှု သက်သက်ပါ။ ဒါပေမယ့် ဒီအသိဉာဏ်သစ်ပင်ရဲ့မျိုးရိုးဗီဇပြောင်းလဲခြင်း ဘာကြောင့်ဖြစ်ရတယ်ဆိုတာထက် သူ့ရဲ့နောက်ဆက်တွဲရလဒ်တွေကို နားလည်ဖို့ ပိုအရေးကြီးပါတယ်။ ဆေပီယန်စ်တို့ ရရှိလာတဲ့ ဒီဘာသာစကားအသစ်ဟာ ဘယ်လိုထူးခြားမှုတွေရှိလို့ ကမ္ဘာကြီးကို ကျွန်တော်တို့ အုပ်စိုးနိုင်ခဲ့တာပါလဲ။


ဒါဟာ ပထမဆုံးသော ဘာသာစကားလည်း မဟုတ်ပါဘူး။ တိရိစ္ဆာန်အားလုံးမှာ ဘာသာစကား အထိုက်အလျောက်စီ ရှိကြပါတယ်။ အင်းဆက်တွေဖြစ်တဲ့ ပျားတွေ၊ ပုရွက်ဆိတ်တွေ တောင်မှ အစာရှိတဲ့နေရာကို အချင်းချင်းသတင်းပေးဖို့ ရှုပ်ထွေးနက်နဲစွာ ဆက်သွယ်နိုင်ကြပါတယ်။။ ပထမဆုံးသော အသံနဲ့ဆက်သွယ်တဲ့ဘာသာစကားလည်း မဟုတ်ပါဘူး။ လူဝံတွေနှင့်တခြားမျောက်မျိုးစိတ်တွေအပါအဝင် တိရိစ္ဆာန်တော်တော်များများမှာ အသံနဲ့ဆက်သွယ်တဲ့ ဘာသာစကားရှိပါတယ်။


ဥပမာအားဖြင့် မျေက်စိမ်းတွေဟာ ခေါ်သံအမျိုးမျိုးကိုသုံးပြီး ဆက်သွယ်ကြပါတယ်။ သတ္တဗေဒပညာရှင်တွေက မျေက်စိမ်းတွေရဲ့“သတိထား လင်းယုန်လာနေတယ်” ဆိုတဲ့ အသံတစ်သံကို ခွဲခြားအတည်ပြုနိုင်ခဲ့ပါတယ်။ နည်းနည်းကွဲပြားတဲ့ “သတိထား ခြင်္သေ့တစ်ကောင် လာနေတယ်” ဆိုတဲ့ ခေါ်သံကိုလည်း မှတ်တမ်းတင်နိုင်ခဲ့ပါတယ်။ သုတေသနပညာရှင်တွေက စောစောကပထမအသံကို သွင်းယူထားပြီး ပြန်ဖွင့်ပြတဲ့အခါမှာ မျောက်စိမ်းတွေဟာ သူတို့လုပ်နေတဲ့အရာတွေကိုပစ်ချပြီး ကြေက်ရွံ့စွာနဲ့ အပေါ်ကို မော့ကြည့်ကြတာကို တွေ့ရပါတယ်။ အဲဒီမျောက်အုပ်ကို ဒုတိယအသံဖြစ်တဲ့ ခြင်္သေ့နှင့်ပတ်သက်တဲ့အသံကို ပြန်ဖွင့်ပြကြတဲ့အခါမှာလည်း သစ်ပင်ပေါ်ကို အလန့်တကြား အမြန်ပြေးတက်သွားကြတာကို တွေ့ရပါတယ်။ မျောက်စိမ်းတွေထက် ဆေပီယန်စ်တွေဟာ အများကြီး ပိုများပြား၊ ပိုကောင်းမွန်တဲ့အသံတွေကို ပြုလုပ်နိုင်ပါတယ်။ ဒါပေမယ့် ဝေလငါးတွေ၊ ဆင်တွေမှာလည်း လူသားတွေလိုပဲ အထင်ကြီးလောက်တဲ့ အရည်အချင်းများတွေ ရှိပါတယ်။ အဲလ်ဘတ် အိုင်စတိုင်းပြောသမျှအားလုံးကို ကြက်တူရွေးတစ်ကောင်က လိုက်လံတုပ ပြောဆိုနိုင်ပါတယ်။ ဒါတင်မက ဖုန်းမြည်သံ၊ တံခါးပိတ်သံ၊ အချက်ပေးဥသြသံ စတာတွေကိုလည်း လိုက်လံတုပ အသံထွက်နိုင်ပါတယ်။


အိုင်စတိုင်းက ကြက်တူရွေးထက် ပိုအားသာတယ်ဆိုတာဟာ အသံအရာမှာ အားသာတာသက်သက်ထက်တော့ ပိုမှာ သေချာပါတယ်။ ဒါဆိုရင် ကျွန်တော်တို့လူသားတွေရဲ့ ဘာသာစကားဟာ ဘာများ ထူးခြားကောင်းမွန်နေလို့ပါလိမ့်။


ဘာသာပြန် - မာန်သီဟထွန်း
0