ကိုသန်းလွင် ● လွတ်လပ်ခွင့်

ကိုသန်းလွင် ● လွတ်လပ်ခွင့်
(မိုးမခ) ဖေဖော်ဝါရီ ၁၉၊ ၂၀၁၉

(၁)
၁၉၆၈ ခုနှစ်ကစာစီစာကုံးတခုတွင် ဂျရပ်ဟာဒင် (Garrett Hardin) က လူတွေကို “အရာအားလုံးမှာ လူတွေကို လွတ်လွတ်လပ်လပ် ကြိုက်သလို လုပ်ခွင့် ပေးလိုက်ရင် အားလုံးပျက်စီးကြမှာဘဲ” ဟုရေးခဲ့ပါသည်။ ဟာဒင်က စာရူသူကိုဥပမာပေးရာတွင်မြေကွက်တခုကိုလွတ်လွတ်လပ်လပ်သုံးခွင့်ပေးပြီး စောင့်ကြည့်ခိုင်းပါသည်။ နွားအုပ် ကိုပိုင်ဆိုင်သူအနေဖြင့်သူ့နွားကိုစားစေခြင်းဖြင့်အကျိုးရှိနိုင်ပါသည်။ အခြားပိုင်ဆိုင်သူများ၏နွားကစားလျင်သူ့မှာ စားကျက်မှ မြက်တွေကုန်သွား သဖြင့်တဖြည်းဖြည်းတော့ အကျိုးသက်ရောက်မှု ရှိရမည်ဖြစ်သည်။ မိမိ နွားအုပ် တွင်တစ်ကောင်တိုးလိုက်ပါက တစ်တောင်သိသိသာသာ အကျိုးရှိမည်ဖြစ်သည်။ ထိုအခါလူတိုင်းက မိမိ လိုပင် နွားအုပ်ကို အကောင်တိုးပါက တချိန်တွင် စားကျက်ပျက်စီးရလိမ့်မည် ဟုဖြစ်ပါသည်။

(၂)
၁၉၆၈ ခုနှစ်ကသိပ္ပံ (Science) မဂ္ဂဇင်းတွင် (The Tragedy Of the Commons) ပါလာချိန်မှစ၍ ဤအကြောင်း ကို ဆွေးနွေးနေကြသည်မှာယနေ့တိုင်ဆွေးနွေး၍ မပြီးနိုင်ဖြစ်နေပါသည်။

ဤကဲ့သို့ ပျက်စီးရမည့်အကြောင်းကိုသိသူမှာ ဟာဒင်သည်ပဌမဦးဆုံးမဟုတ်ပါ။ သူ့ထက်အရင်အရစ်စ္စတိုတယ် ကလည်း သူ၏ Politics စာအုပ်တွင် “အများပိုင် အနေဖြင့် သတ်မှတ်ထားသောနေရာတခုတွင် သုံးစွဲသူ တဦးစီ က ထိမ်းသိန်းရမည်ဟု မသိရှိသဖြင့် သုံးစွဲသူများကလည်း မိမိကိုယ်ကျိုးကိုသာ ကြည့်ပါက အများပြည်သူ၏ အကျိုးစီးပွားပျက်စီးရသည်” ဟုရေးခဲ့ပါသည်။ ဖီလိုဆိုဖါ ဟုဖ် (Hobbe) ကလည်း “လူတို့သည် မိမိကိုယ်ကျိုး ကိုသာ ကြည့်သဖြင့် နောက်ဆုံးတွင် တဦးနှင့်တဦး ခိုက်ရန်ဖြစ်ပွားရသည်” ဟုရေးခဲ့ပြန်သည်။ ၁၈၃၃ ခုနှစ်တွင် လွိုက် (Willian Foster  Lloyd) ကအများပိုင်ပစ္စည်းကို အားလုံးက၀ိုင်း၍ သုံးစွဲခြင်းဖြင့် အားလုံးပျက်စီးရ ပုံကို ရေးသားခဲ့သည်။

ဟာဒင်ကငါးဖမ်းသမားများပင်လယ်ပြင်တွင် ငါးဖမ်းရပုံနှင့်ပါတ်သက်၍လည်းဥပမာပေးခဲ့ပါသည်။ ငါးဖမ်းလိုင်စင် မှာရရှိရန် လွယ်ကူသောကြောင့် ငါးကိုဖမ်းခွင့်ပေးသဖြင့် ငါးများရှားသွားပုံ၊ ဤအခြေအနေကို မည်ကဲ့သို့တား ရ မည်၊ ဤကဲ့သို့ ငါးရှားသွားခြင်းမဖြစ်ပေါ်အောင်ဘာတွေလုပ်ရမည်ကို အကြံပြုခဲ့ပါသည်။ ဤပြဿနာမှ ဆက်၍ တတိယကမ္ဘာတွင် ထင်းရှားခြင်းပြဿနာ၊ အက်ဆစ်မိုးရွာချမှု၊ အမေရိကန်ကွန်ဂရက်မှ ငွေသုံးစွဲလွန်မှုပြဿနာ၊ လူအုပ်စုအတွင်း ပြဿနာဖြစ်ရမှုများ၊ စီးပွားရေးစနစ်တွင် အစိုးရပိုင်နှင့်ပုဂ္ဂလိကပိုင် ခွဲခြားရေးပြဿနာ၊ အပြည် ပြည်ဆိုင်ရာဆက်သွယ်ရေးပြဿနာ၊ ဆိုက်ပရပ်မှလူအချင်းချင်း မညီညွတ်မှု၊ ကောလိပ်ဘော်ဒါဆောင်မှ ပုဂံ ဆေးရာနေရာ၊ စသည်မှပြစ်မှုပေါင်း မြောက်များစွာတို့ကို ထုတ်နှုတ်ဖေါ်ပြရလျှင် မဆုံးနိုင်သော ပြဿနာများကို တွေ့လာရပါသည်။

ကျွန်တော်တို့သည်အားလုံးဆိုင်သည့် ပစ္စည်းတွေကို ဘယ်လိုထိန်းသိမ်းကြမည်နည်း။ ရေထဲမှငါးများ၊သစ်တော အုပ် အတွင်းမှာ လှည့်လည်ပြေးလွှားနေသော သမင်များ၊ အထက်မိုးကောင်းကင်မှာ ပျံသန်း၍အသိုက်ပြောင်း နေကြသော ငှက်များစသည်တို့မှာ အားလုံးက ပိုင်ဆိုင်ကြပါသည်။ သို့သော် ဘယ်သူမှ သူတို့ကိုအကာအကွယ် မပေးကြပါ။ ပင်လယ်ထဲမှ ငါးများနှင့်သစ်တောထဲမှ ကျွန်းပင်များ စသည်တို့မှာ အကာအကွယ်လိုပါသည်။

ကျွန်တော်တို့သည် လျှာကိုလိုချင်သဖြင့် ကျွဲတကောင်လုံးကို သတ်ခါပြစ်ထားခဲ့သည့် အဖြစ်မျိုးကို ကြုံကြရပါ သည်။ သတ္တ၀ါကလေးများ မျိုးတုန်းတော့မည့်အရေးသည်လည်းရှိပါသေးသည်။

ဟာဒင်၏ပထမဆုံးဦးတည်ချက်မှာ ကမ္ဘာကြီး၏လူဦးရေနှင့်ဆိုင်ပါသည်။ ကမ္ဘာကြီးတွင် လူဦးရေ များပြားလာ သည်နှင့်အမျှ ပထမနိုင်ငံတခု၊ ပြီးနောက်ပိုင်းတွင် တကမ္ဘာလုံးတွင် စားရေးရိက္ခာတွင် မလုံမလောက်ဖြစ်ကြရပါ လိမ့်မည်။ သူကထိုသို့ဖြစ်လာသည့်အခါရိတ်သိမ်းမှုကများပြီး သီးနှံကနည်းနေသောကြောင့်အားလုံးပျက်စီးရ လိမ့်မည်ဟုသတိပေးလိုခြင်းဖြစ်ပါသည်။ သူကအကြံပေးခဲ့သည်မှာ ပြဿနာ၏သဘာဝမှာ (Technical)မဟုတ် ဘဲ (Social) လူမှုရေးပြဿနာများသာ ဖြစ်ကြောင်း၊ ထို့ကြောင့်သဘာဝအရင်းအမြစ်များကို ပုဂ္ဂလိကပိုင်လုပ်ပြီး လူပုဂ္ဂိုလ်တဦးစီကို ဖိအားပေးရမည်ဖြစ်ကြောင်း (Coercive) ပြောခဲ့ပါသည်။

လူတို့၏သမိုင်းကြောင်းတစ်လျှောက် ကြည့်မည်ဆိုလျှင်လည်း ကမ္ဘာပေါ်တွင်  နေရာဟူ၍သတ်သတ် မှတ်မှတ် ရှိနေပြီး ( သစ်တော၊ ပင်လယ်သမုဒ္ဒရာ၊ တိရစ္ဆာန်) စသည်ဖြင့် သဘာဝ သယံဇာတများမှာ များပြားသည်မှန် သော်လည်း၎င်းတို့တွင် အကန့်အသတ်ရှိသည်။

၁၇၉၈ ခုနှစ်တွင် မဲလသတ် (Thomas Robert Melthus) ကမ္ဘာ့လူဦးရေသည် ဂျော်မကြီနည်းနှင့်တိုးပွားနေချိန် တွင် အစာရေစာက သင်္ချာနည်းနှင့်သာတိုးပွားနေ၍ ဒုက္ခရောက်ကြရမည်ဟု သတိပေးခဲ့သည်။ လက်တွေ့တွင် လူဦးရေသည် ထပ်တိုးနည်း (expoential) နည်းနှင့်တိုးပွားနေပါသည်။ ထို့ကြောင့် ကမ္ဘာကြီးတွင်ရနိုင်သော (Resources) များကမလောက်နိုင်ဘဲ ဒုက္ခတွေ့ကြရပါလိမ့်မည်။ ဟာဒင်၏ပုံစံတွင် သဘာဝကိုလေ့လာ ရာတွင် အခြေအနေတစ်ခုသည်တာရှည်မခံ။ အသုံးကျသော ပုံစံဖြစ်ရန်လိုသည်။ ဟာဒင်ကအသုံးပြုသောပုဂ္ဂိုလ် တို့ကို မထိမ်းချုပ်သမျှမရနိုင်ဟုဆိုခဲ့သည်။ ဒီမိုကရေစီစနစ်အရ ဒီမိုကရေစီစံနှုန်းများနှင့်ပြောင်းပြန်ဖြစ်နေသည်။

ဟာဒင်က နည်း ၂ နည်းဖြင့် ဤအဖြစ်အပျက်များကိုကာကွယ်နိုင်သည်ဟု ပြောပြခဲ့ပါသည်။ (၁) လူတစ်ဦးစီကို ပိုင်ဆိုင်ခွင့် (Property Right) ပေးလိုက်ခြင်းနှင့် (၂) အထက်မှအောက်သို့အမိန့်ပေးခိုင်းစေ ခြင်းတို့ဖြစ်ပါသည်။ နောက် ပရော်ဖက်ဆာအော်စထရန် ( Elinor Ostrom) ကအခြားနည်းတစ်နည်းရှိသေးကြောင်း။ ၄င်းမှာ (၃) ယဉ်ကျေးမှု (Culture) အရ အချင်းချင်းလိုအပ်သည်များကိုပြောဆိုဆက်ဆံ ၍ ထိမ်းသိမ်းသောနည်း တို့ဖြစ်ပါ သည်။

ဥပမာ နယူးဇီလန် တွင်ငါးဖမ်းရာ၌အချင်းချင်းထိမ်းသိမ်းစောင့်ရှောက်သော နည်းကိုသုံးသည်။ ITQ Individual Tranferrable Quota ဟုခေါ်ပြီး ငါးဖမ်းသူတစ်ဦးချင်းစီ  ကိုထုတ်ပေးထားသည်။ ငါးဖမ်းသူအချင်း ချင်း အလွဲ သုံးစားမလုပ်စေရန်စောင့်ရှောက်သည်။ ဤစံနစ် စတင်ကျင့်သုံးသည် ၁၉၈၆ ခုနှစ်ကငါးအကောင်ရေမှာ လျော့ မသွားဘဲတိုးပွားလာသည်ကိုတွေ့ကြရသည်။

စားကျက်ဥပမာတွင်စားကျက်ကိုအများပိုင်အဖြစ်မှ ဥပမာလူ ၄ ဦးရှိလျင် စည်းတား၍ ကိုယ်ပိုင် အဖြစ်သတ်မှတ် ပေးလိုက်ခြင်းဖြစ်ပါသည်။ သူ့နေရာနှင့်သူ စည်းတားထားသဖြင့် မိမိဖါသာမိမိ စားကျက်ကိုထိမ်းသိမ်းစောင့် ရှောက်ရန်သာရှိတော့သည်။ ၁၉၇၄ ခုနှစ်ကအာဖရိကမြောက်ပိုင်းတွင် ရိုက်ယူသောဂြိုလ်တု ဓါတ်ပုံတွင် ၃၉၀ စတုရန်းမိုင်ရှိသောကုန်းမြေ ကိုတွေ့ကြရသည်။ ကိုယ်ပိုင်မြေမှာ ခြံခတ်ထားပြီး စည်းအတွင်းတွင် မြက်ပင် တွေ ဝေဆာနေခါ စည်းအပြင်မှ မြေမှာ ဘာပင်မှမရှိ၊ ပျက်စီးယိုယွင်းနေသည်။

ငါးမပြုန်းတီးရေးအတွက် ငါးကိုအချိန်အကန့်အသတ် နှင့်ဖမ်းခွင်းပေးနိုင်သည်။ လိုင်စင်တွင်ရေးပေးလိုက်ခြင်း ဖြစ်သည်။ ထိုအခါလူတို့က စက်မှုလက်မှု တိုးတက်သောခေတ်ဖြစ်သဖြင့် သင်္ဘောကြီးကြီး အင်ဂျင်ပါဝါ ကြီးကြီး သုံးနိုင်သဖြင့်အလုပ်မဖြစ်ပြန်ပေ။ စည်းကမ်းကိုချိုးဖေါက်ခြင်းမရှိသဖြင့် လိုင်စင်ထုတ်ပေးသူကလည်း ဘာမှမ တတ်နိုင်။ တဖန်ငါးများမှာ နယ်နိမိတ်သတ်မှတ်ရန်ခက်ခဲသည်။ ငါးအုပ်သည်စားကျက် ပြောင်းနေသဖြင့်လိုင်စင် ၏သဘောမှာ တိတိကျကျရေးရန်မဖြစ်နိုင်ပေ။

ပိုင်ဆိုင်မှုအကြောင်းကို ပြောပြမည်ဆိုလျှင်ပိုင်ဆိုင်မှု ၄မျိုးတွေ့နိုင်သည်။ (၁) ပွင့်နေသော (ထိန်းချုပ်မှုမရှိသော) နေရာ (၂) အများလူထုပိုင်(၃) အစိုးရပိုင်နှင့် (၄) ပရိုက်ဗိတ်တို့ ဖြစ်သည်။ ထိန်းချုပ်မှုမရှိသောနေရာဆိုသည်မှာ ပစ္စည်းတခုသည်လူတိုင်းအတွက်ဖြစ်သည်။ ထိမ်းချုပ်မှုဟူ၍ဘာမှမရှိဘဲလူတိုင်းအသုံးပြု နိုင်သည်။  ဥပမာ အ များ နှင့်ဆိုင်သော ဥယျာဉ်ပန်းခြံစသည်တို့ ဖြစ်သည်။ ထိုဥယျာဉ်တို့ကို လူတိုင်းအသုံး ပြုနိုင်ပါသည်။ သို့သော် ထိုသို့ အသုံးပြုခြင်းမှာ တခြားလူကိုမထိခိုက်ဖို့လိုသည်။ အများပိုင် ဥယျာဉ်အတွင်းရှိ မဖွယ်မရာလုပ်ခြင်း၊ ဆူညံ ခြင်း တို့ကိုမလုပ်ရဘဲ မိမိဆန္ဒလည်းပြည့်ဝအောင် နေထိုင်၍ ရပါသည်။

ဥယာဉ်ခြံမြေကို နည်းပေါင်းများစွာနှင့် စီမံခန့်ခွဲ၍ရပါသည်။ ပုဂ္ဂလိကသို့ရောင်းနိုင်သည်။ သူ့ကိုအများပိုင်အနေ နှင့်ထားနိုင်သည်။ သို့သော်အားလုံးလဲ ၀င်ရန်မဖြစ်နိုင်သောကြောင့် ပန်းခြံဝင်ခွင့်ကို ကန့်သတ်နိုင်သည်။ လူတို့ ၏ငွေသုံးနိုင်မှု၊ ကြွယ်ဝမှုကိုအခြေခံသည်။ အများသဘောတူ ၀င်ကြေးကိုသတ်မှတ်နိုင်သည်။ သို့မဟုတ် ထီဖွင့် သလို ကံစမ်းမဲဖွင့်နိုင်သည်။ ဦးရာလူကို လက်ခံသောစနစ်အဖြစ်လည်း သတ်မှတ်နိုင်သည်။ ထိုအခါရှည်လျား သော စောင့်ဆိုင်းသူများလူတန်းရှည်ကိုတွေ့ရလိမ့်မည်။ အားလုံးသည်ကန့်ကွက်စရာတွေနှင့်ပြည့်နေလိမ့်မည်။ ဥယာဉ် တစ်ခုတည်တန့် ခိုင်မြဲရေးအတွက် တိုအရာများကို လုပ်ရလိမ့်မည်၊
ဟာဒင်ကအများပိုင် ဥယာဉ်များတွင် ထိမ်းချုပ်မှုကင်းမဲ့နေပါက ဗရမ်းဗတာဖြစ်မည်ဟု သတိပေးခဲ့သည်။ ထို ဥယာဉ်ကို မန်နေဂျာခန့်၍ ကိုယ်ပိုင်အဖြစ်ပေးလိုက်မှ အိမ်သာများသန့်ရှင်းလာခြင်း၊ ပန်ကလေးများ လှပစွာ ပွင့်နိုင်ခြင်းတို့ဖြစ်နိုင်သည်။ ကိုယ်ပိုင်အဖြစ်ပေးသဖြင့် အဆိုးအကောင်း တာဝန်အားလုံးသည်သူ့အပေါ်မှာ ကျ ရောက်သွားသည်။

ထိုနည်းတူမြန်မာပြည်မြို့တိုင်းလိုလိုတွင် အမှိုက်များးရှုတ်ပွနေခြင်းကို တွေ့နိုင်သည်။ ဤသည်မှာပိုင်ဆိုင်မှု မရှိ ခြင်း၊ ကန့်သတ်မထားခြင်း ကြောင့်ဖြစ်သည်။ စည်ပင်သာယာက သန့်ရှင်းရေးကို တာဝန်ယူရသော်လည်း မြို့ တိုင်းတွင် စည်ပင်သာယာက သူနှင့်မဆိုင်သလိုပြုမူနေသည်။ ကျွန်တော်တွေ့ဖူးသမျှ မြို့များထဲတွင် ထားဝယ် တစ်မြို့သည်စည်ပင်သာယာ အလုပ်လုပ်ဆုံးမြို့ဖြစ်သည်။ အမှိုက်သရိုက်မရှိ။ မြို့၏လမ်းမများမှာ တစုံတယောက် ၏ စောင့်ရှောက် ခြင်းခံရသကဲ့သို့ ထိမ်းသိမ်းထားသည်။ ဖေါ်ပြခဲ့သည့်အတိုင်း အော်စထရန်၏နည်းနံပါတ် (၃) အရ မြို့လူထုက တောင်းဆိုကြမည်ဖြစ်သော်လည်း အကြောင်းမျိုးစုံပြ၍ စည်ပင်သာယာက တာဝန်ကိုရှောင်လွှဲ နေပါလိမ့်မည်။ ဒေလီမြို့တော်ကြီး အမှိုက်များနှင့် ရှုတ်ပွနေသည် မှာလည်းဝမ်းနည်းစရာပင်။

လမ်းလုပ်လျင် ရေစီးဖို့ထိုလမ်းဘေးမှာ မြောင်းဖေါ်ပေးရသည်။ ထိုမြောင်းရှိလျင် ရေကစီးသဖြင့်လမ်းမှာမထိ ခိုက်။ ကျွန်တော်ရောက်ဖူးသော ဥယာဉ်ထဲ မှာ လမ်းဖေါက်ထားရာ မြောင်းမရှိသည့်နေရာတစ်ခုရှိသည်။ ကန် ထရိုက်က အရင်လိုသဖြင့် လည်းကောင်း၊ ကြီးကြပ်သူက ပေါ့လျှော့၍လည်းကောင်း တချို့လမ်းပိုင်းတွေ မှာ ရေမြောင်းမရှိ။ ရေမြောင်းမရှိသည့်နေရာတွေမှာ လမ်းခလယ်က ကွဲအက်ပြိုဆင်းနေသည်။ မြန်မာပြည်မှာ ရေမြောင်းမရှိသော လမ်းအရှည် မည်မျှရှိမည်လဲမသိနိုင်ပြီ။

ငါးများရေမှာနေ၍ အမျိုးတုံးသော်လည်း ကုန်းပေါ်နေ ကြက်များအတွက် အမျိုးမတုံးအောင်ထိမ်းသိမ်းထားနိုင် ကြသည်။ ဤသည်မျာ ကြက်များကို အမြဲတစေ ဖြည့်ပေးနေသော ပိုင်ရှင်များရှိပြီးဖြစ်နေသောကြောင့်ပင်။
အစိုးရပိုင်နှင့် ပုဂ္ဂလိကတို့မှာ ရှင်းပါသည်။ အစိုးရပိုင်ဆိုင်ပြီ ဆိုသည်နှင့် ပုဂ္ဂလိက ကဘာမှလုပ်ပိုင် ခွင့်မရှိတော့ ပေ။ ပရိုက်ဗိတ်ပိုင်ပစ္စည်း ဆိုသည်မှာလည်း မိမိတို့ စိတ်တိုင်းကျ စီမံခန့်ခွဲပိုင်ခွင့်ရှိသည်။ ပိုင်ဆိုင်မှု ပေးလိုက် သည်နှင့် ပိုင်ရှင်ကထိမ်းသိမ်းစောင့်ရှောက်တော့သည်။

ကားလမတ်စ် (Karl Marx) က အများပိုင်ပစ္စည်းနှင့် ဘုံရိပ်သာတည်ဆောက်ရေး မှာ အောင်မြင်စရာအကြောင်း မရှိပေ။ လူတို့သည်ကိုယ်ပိုင်ပစ္စည်းမဟုတ်သရွေ့ ထိမ်းသိမ်းစောင့်ရှောက်ရန်အကြောင်းမရှိတော့ပေ။ ဤနည်း ဖြင့် ကွန်မြူနစ်ဝါဒ ကျရှုံးခဲ့ရပါသည်။ တရုတ်ပြည်တွင် စီးပွားရေး ပြုပြင်ပြောင်းလဲမှု မလုပ်မှီအိုးအိမ် ပိုင်ဆိုင်ခွင့် ကို ဥပဒေပြု၍ပေးလိုက်ရသည်။ မိမိပစ္စည်းဟူ၍ ပိုင်ဆိုင်လာသော အခါထိုပစ္စည်းကို တိုးပွားအောင် ပြုလုပ်ကြပုံ ကိုတွေ့နိုင်ပါသည်။
ဟာဒင်ကပြောသည်မှာ အများပိုင်ကိစ္စများတွင်ပျက်စီးဆုံးရှုံးမှု မရှိစေရန် အများနားလည် သဘောတူလက်ခံပြီး သားထားပြီး ဖြစ်သည့် ဥပဒေများလည်းရှိရမည်ဟုဆိုသည်။ ဥပမာ ကျွန်တော်တို့သည် ဘဏ်တခုကို ဓါးပြတိုက် လိုသည်။ ကျွန်တော့်လိုလူတိုင်းမှာဆန္ဒရှိကြသောကြောင့်ဘဏ်ကိုဓါးပြမတိုက်စေရန်ဥပဒေ ရေးဆွဲရမည်။ ထိုသို့  ဥပဒေများကို ထင်ထင်ရှားရှားမရေးဆွဲထားလျင်ဖြစ်ချင်ရာဖြစ်သွားနိုင်ပါသည်။

ကမ္ဘာကြီးတွင်လူဦးရေများပြားလာသည်နှင့်အမျှ လူပုဂ္ဂိုလ်တဦးစီ၏ လွှတ်လပ်ခွင့်မှာလည်းဆုံးရှုံးရသည်။ ဥပမာ မြို့တော်ကြီးတွင် လူဦးရေများပြားလာသည်နှင့် ကားပါကင်နေရာမှာ အဖိုးတန်လာသည်။ ယခင်ကကားကိုရပ် လိုရာနေရာတွင် ရပ်နိုင်သော်လည်း ယခုအခါမဖြစ်တော့ပေ။ ကားပါတ်ကင်မီတာများ ကားရပ်ပိုင်ခွင့် အတွက် လက်မှတ်များ၊ အော်တိုမစ်တစ် မောင်းတန်များပေါ်လာရသည်။ ဟောင်ကောင်တွင်ကားတစီးရပ်စရာ နေရာ အတွက် ဒေါ်လာငါးသိန်း ပေးရသည်ဟု ကြားဖူးသည်။

ကုလသမဂ္ဂသည် ထိုကဲ့သို့ ကန့်သတ်ရမည့် နေရာများအတွက် ပါဝင်လှုပ်ရှားရမည်။ ဥပမာ သဘာ၀၀န်းကျင် ထိန်းသိမ်းရေးအတွက် နိုင်ငံတိုင်းကလိုက်နာရန်စည်းကမ်းချက်များချ ထားနိုင်သည်။  လေယာဉ်ပျံများအတွက် (Air Pollution ) မဖြစ်စေရန် အိပ်ဇောမှ ထုတ်သောသတ္တု (Metal) ကို ၅၀% လျှော့ချရမည်ဟူသော သတ် မှတ်ချက်မျိုးချမှတ်ရမည်။ အလားတူ အများသဘောတူနိုင်မည့်အချက် များချမှတ်နိုင်သည်။ ထိုသို့ ဖြစ်လာ နိုင်သော ပြဿနာများကို ရီပို့ပေးခြင်း၊ မော်နီတာလုပ်ခြင်း၊ လိုက်နာမှုရှိမရှိ ထိန်းသိမ်း စောင့်ရှောက် ခြင်း၊ ပြဿနာပေါ်ပေါက်ပါက ဖြေရှင်းပေးခြင်း စသည်တို့ကို ပြုလုပ်ရမည်။

ပြဿနာရှိသည်မှာ ကိစ္စတစ်ခုဖြစ်ပေါ်စေရန် အချိန်ကြာမြင့်ခြင်းပင်ဖြစ်သည်။ ရာသီဥတုပြုပြင်ပြောင်းလဲမှုကိုသိ ရန်အတွက်တစ်ခါတရံ အနှစ်တစ်ရာကျော်မျှစောင့်ကြရသည်။ နှစ်ပေါင်းရှည်ကြာမှပြဿနာမှာ ထင်ထင်ရှားရှား ပေါ်လာသည်။

(၃)
ဂျရပ်ဟာဒင်၏ (Commons) အပေါ်ထိမ်းသိမ်းစောင့်ရှာက်မှုမျိုးမှာ ရှိသင့်သည်။ ကျွန်တော်တို့ပါတ်ဝန်းကျင်တွင် ထိုပြဿနာများမှာ နေ့စဉ်နှင့်အမျှဖြေရှင်းနေကြရသည်။ ထိုအခက်အခဲများအတွက် ဂျရပ်ဟာဒင် ပြောပြသော အဖြေရှာနည်းပုံစံမှာ အဆင်သင့်ရှိနေပေသည်။

ကိုသန်းလွင်
Ref: Garrett Hardin , The Tragedy Of The commons

Comments