ကိုသန်းလွင် ● ရေနံတွင်းနှင့် မြေငလျင်


ကိုသန်းလွင် ● ရေနံတွင်းနှင့် မြေငလျင်
(မိုးမခ) ဧပြီ ၂၊ ၂ဝ၁၉

 (၁)
လယ်ယာစိုက်ပျိုးသော စီချွန် (Sichun) ဒေသမှ သေးငယ်သော ဂိုရှမ် (Goxhan) ရွာကလေးတစ်ရွာကို ပထမဆုံး မြေငလျင် လှုပ်ခဲ့သည်မှာ ဖေဖော်ဝါရီ ၂၄ ရက် နံနက် နေမထွက်မီကလေးမှာဖြစ်ပါသည်။

စီချွန်သည် သဘာဝအရ မြေငလျင်အလှုပ်များသည့်နယ်ဖြစ်သည်။ ၂ဝဝ၈ ခုနှစ်ကလည်း ငလျင်လှုပ်ခဲ့ပြီး လူပေါင်း ၇ဝ,ဝဝဝ ကျော်သေကြေခဲ့ဖူးပါသည်။ ရွာသားများကဤမြေငလျင်ကို လူကလုပ်သည်ဟု ထင်ကြပါသည်။

(၂)
မြေငလျင်လှုပ်ပြီး ၅ ရက်ကြာသည့်တိုင်မိမိတို့အိမ်ပေါ်ကို ပြန်ပြီးမတက်ရဲကြပါ။ “တွင်းတူးနေကြတာ” ဟု ရွာသားများ က ရည်ညွှန်းပြောဆိုနေကြသည်မှာ ဖရက် (Fracking) ခေါ် ရေနံသုံးဝေါဟာရအရ ရေနံတွင်းတွေထဲကို ဖိအားဖြင့် ရေ (သို့ မဟုတ်) ဓါတ်ငွေ့ကို မောင်းသွင်းခြင်းကိုခေါ်ပါသည်။ ဤနည်းဖြင့် အမေရိကန်သည် ကမ္ဘာတွင် ရေနံအထွက် ဆုံးနိုင်ငံဖြစ်ခဲ့ပါ သည်။ ဤနည်းတူ တရုတ်ပြည်တွင်လည်း ဖရက်လုပ်သည်မှာ ခေတ်စားလျက်ရှိပါသည်။ ဤနည်းတူ “ဖရက်" လုပ်ပါက မြေငလျင်လှုပ်သည်ဟုလည်း ရွာသားတွေက ယုံကြည်နေကြပါသည်။

ရွာသားတွေက လူအုပ်စုထောင်ချီ၍ ရွန်ကောင်တီ (Rong County) ၏ရုံးရှေ့တွင်စုရုံးခါ ဆန္ဒပြကြပါ သည်။ ဆန္ဒပြသူများမှာ လုံခြုံရေးဆိုင်ရာအရာရှိများနှင့် အဓိကရုန်းဖြစ်ပွားပြီး China National Petroleum Corporatian (CNPC) မှ ဤချိုင့်ဝှမ်း အတွင်း ဖရက်လုပ်ခြင်းကို ရပ်ဆိုင်းလိုက်ကြောင်း ကြေညာမှသာ ဆန္ဒပြမှုများပြီးဆုံးသွားခဲ့ပါသည်။

တရုတ်ပြည်မှာ တခြားနိုင်ငံများနည်းတူ နိုင်ငံခြားမှ ဆီတင်ပို့ခြင်းကို ကာကွယ်နိုင်ရန်အတွက် ဖရက်လုပ်သောနည်းကို အား ကိုးကြပါသည်။ သို့သော် ဂိုရှမ်ရွာသားများက ပြသလိုက်သလို ကျွန်မြူနစ်ပါတီက လုံးဝဥဿုံထိန်းချုပ်ထားပါလျင် ဒေါသ ထွက်နေကြသောလူအုပ်စုကို ထိန်းသိမ်းရခက်ခဲကြောင်း တွေ့ရှိကြရပါသည်။

စီချွန်နယ်သည် မြေငလျင်လှုပ်သောနယ်ဖြစ်ပြီး ငလျင်လှုပ်ဖို့ သေချာပါသည်။ စင်ကာပူ (Energy Studies, Institute Of The NUS) အရာရှိများကပြောသည်မှာ အစိုးရအနေဖြင့် ထင်သာမြင်သာ ဤကိစ္စကို လေ့လာရန်လိုကြောင်း ပြောခဲ့ပါသည်။ အနီးအနားတွင် နေထိုင်သူတို့အတွက် ဤသို့လုပ်မှသာ စိတ်အေးချမ်းသာရာရရှိမည်ဖြစ်ကြောင်းပြောသည်။

ဤမြေငလျင်ကြောင့် လူ ၂ ယောက်သေဆုံးပြီး ၁၃ ဦး ဒဏ်ရာရခဲ့သည်။ ရွာသုံးရွာမှ အိမ်ခြေ ၂ဝ,ဝဝဝ ကျော် အိုးအိမ် များပျက်စီးခဲ့ပြီး အိမ်၉လုံးမှာ လုံးဝပြိုကျပျက်စီးခဲ့သည်။ လူပေါင်း ၁၆ဝဝ ကျော် အိုးမဲ့ အိမ်မဲ့ဖြစ်ရပြီး အချို့ဆွေမျိုး မိတ်သင်္ဂ ဟများအိမ်များ၌လည်းကောင်း၊ အချို့မှာ အစိုးရက ဖြန့်ဝေပေးသော ရွက်ဖျင်တဲလေးရာခုနှစ်ဆယ်သို့လည်းကောင်း ရွေ့ ပြောင်း နေထိုင်ခဲ့ကြသည်။

ဖရက် လုပ်နေသည့်နေရာ ၁၅နေရာမျှရှိရာ ၄င်းတို့လုပ်ငန်းများကို ယခုအခါ ဆိုင်းငံ့ထားသည်။ အခြား နေရာများမှာ ဤ အမိန့်နှင့် သက်ဆိုင်ခြင်းမရှိဘဲ ဆက်လက်လုပ်ကိုင်နေကြသည်။ ဤနေရာ ၁၅နေရာ မှာလည်းမြေငလျင်နှင့် သက်ဆိုင်ခြင်း ရှိ/မရှိကို လေ့လာရေးကွင်းဆင်းကြမည်ဖြစ်သည်။ လွန်ခဲ့သော ဆယ်နှစ်အတွင်း စီအင်ပီစီ ကုမ္ပဏီတစ်ခုထဲ အနေဖြင့် ဤပရောဂျက်အတွက် ဒေါ်လာ ၄ ဘီလီယံမျှ ရင်းနှီးမြုပ်နှံထားရသည်။ စီချွန် (Basin) မှထွက်ရှိ လာမည့် (Shale Gas) အတွက် ကုမ္ပဏီကများစွာ မျှော်လင့်ထားသည်ဟု ဆင်ဝှာသတင်းဌာနက လွန်ခဲ့သော နိုဝင်ဘာလက ကြေညာခဲ့သည်။

တရုတ်ပြည်အဓိက ရေနံကုမ္ပဏီ ၂ခုဖြစ်သော China Petroleum နှင့် (Sinopac) တို့က တစုံတရာ ဝေဖန်ပြောဆိုခြင်းမပြုကြပေ။ တချို့ကလည်း ဖရက်လုပ်ခြင်းကိုဆိုင်ငံ့ထားခြင်းဖြင့် အကျိုးမရှိကြောင်း “Blogspot” တခုလိုကိုးကား၍ စီအင်ပီစီ၏ ဝက်ဆိုဒ် တွင်ဖော်ပြထားသည်။

ဖေဖော်ဝါရီ ၂၅ရက်နေ့တွင် ထပ်မံလှုပ်ခဲ့ခြင်းမှာ ပို၍ကြောက်စရာကောင်းခဲ့ပြီးနောက် ၄နာရီခွဲအကြာ ထပ်မံလှုပ်ခဲ့ပြန်ရာ (၄.၉) ရစ်ချတာစကေးရှိသည်ဟုတရုတ်ပြည်၏ မြေတိုင်းဌာနကဆိုသည်။

ဌာနဆိုင်ရာ တာဝန်ရှိပုဂ္ဂိုလ်များက ရပ်ရွာထဲတွင်ရှိနေကြသော အိမ်ပိုင်ရှင်များအားပျက်စီးသွားသော အိမ်များကို ပြန်လည်ပြုပြင်ပေးမည်ဟု ကတိပြုကြသည်။ သို့သော်လည်း သူတို့က ဖရက်လုပ်သည်နှင့် မြေငလျင်ဆက်စပ်မှုရှိကြောင်းကိုမှုဝန်မခံကြပေ။ ဖရက်လုပ်သည်ဆိုရာ၌ သဲနှင့် ဓာတုဗေဒပစ္စည်းများ ကို ရောစပ်ကာ ရေနံတွင်းကဲ့သို့ ဖိအားများစွာနှင့် မောင်းသွင်းခြင်းပင်ဖြစ်သည်။ ရည်ရွယ်ချက်မှာ ရှေးလ်(Shale) နှင့်ရေနံကိန်းအောင်းနိုင်သော သဲကြော (Formation) တို့ကိုပရက်ရှား (Pressure) နှင့် ဖြိုခွဲခြင်းပင်ဖြစ်သည်။ သို့မှသာ ခိုအောင်းနေသော ရေနံနှင့် ဓာတ်ငွေ့များထွက်လာကြသည်။
မြေငလျင်နှင့် ရေနံတွင်းတွင် လုပ်သောလုပ်ရပ်တို့မှာ ဆက်စပ်မှုကို ရှာဖွေမရပါဟု နယ်အစိုးရက သူ၏ဝက်ဆိုဒ်တွင်ရေးသည်။
တရုတ်ပြည်သည် တခြားနိုင်ငံများနည်းတူ ဖရက်နှင့် မြေငလျင်တို့၏ဆက်စပ်မှုကို ဆက်စပ်ပုံကိုညင်းခုံ နေကြဆဲပင်ဖြစ်သည်။ တချို့ကလည်းတိုက်ရိုက်ဆက်စပ်မှုမရှိဟုဆိုကြသည်။ တချို့ကလည်း ဖရက် လုပ်သည်နှင့် မြေကြီးထဲတွင် ဖိအား ပိုမိုများပြားလာပြီး ပြတ်ရွေ့ (Fault) လိုင်းများတွင် စလစ် (Slip) ဖြစ်ကာ ငလျင်လှုပ်နိုင်သည်ဟုပြောကြသည်။

ဖရက်လုပ်ခြင်းဖြင့် မြေအောက်တွင်ရှိသောရေနံခိုအောင်းနိုင်သည့် နယ်ပယ်မှာ ပိုမိုကျယ်ဝန်းလာနိုင်ပါသည်။ ထို့ကြောင့် လည်း တရုတ်တို့က ဤနည်းကိုလက်မလွှတ်နိုင်ဖြစ်နေကြသည်။ အမေရိကန်တို့ကဲ့သို့ ကမ္ဘာအကြီးဆုံးရေနံတင်ပို့သည့် နိုင်ငံအဖြစ်မှ လွတ်မြောက်အောင် ရေနံကို ရှာဖွေနေကြခြင်းဖြစ်ပါသည်။

တရုတ်ပြည်သည် ကမ္ဘာ့အကြီးဆုံးထုတ်ဖော်နိုင်သည့် ရေနံများတည်ရှိရာအရပ်ဖြစ်ပါသည်။ ဤသည်မှာ အမေရိကန်စွမ်းအင်ဆိုင်ရာဌာန (Energy Information Adminstration) သုံးသပ်ချက်ဖြစ်ပါ သည်။ ထို့ကြောင့်လည်း အစိုးရက မြင့်မားသော မျှော်လင့်ချက်ဖြင့်ရေနံထွက်နှုန်းကို တိုးပွားအောင် ဆောင်ရွက်နေကြခြင်းဖြစ်သည်။

သဘာဝဓာတ်ငွေ့ကိုသုံးစွဲခြင်းဖြင့် ရာသီဥတုကပြောင်းလဲမှုတွင် ကောင်းသည့်ဘက်က အထောက် အကူပြုစေရန်လည်း အစိုးရကရည်ရွယ်သည်။ ဓာတ်ငွေ့သုံးစွဲခြင်းမှာ ကာဗွန် “Emission” ကိုလျှော့ ချစေပြီး ရာသီဥတုပြောင်းလဲခြင်းကို ယခုကတည်းက အကျိုးပြုနေပြီဖြစ်သည်။ တရုတ်ပြည်၏ အရှေ့ မြောက်ပိုင်းဒေသတွင် ယခုအခါအစိုးရက အိမ်များကို အပူပေးရန် ကျောက်မီးသွေး အသုံးပြုခြင်းကို ရပ်ဆိုင်းပြီး ဓာတ်ငွေ့ကိုသုံးစွဲနေပြီဖြစ်သည်။

တရုတ်တို့၏ဖရက်လုပ်ခြင်းစီမံကိန်းတွင် အခက်အခဲများစွာတွေ့ကြုံနေရသည်။ ဥပမာ “ရောင်းနယ်” တွင် ရေနံထွက်နိုင်သော သဲကြောမှာ ၃.၅ ကီလိုမီတာအနက်တွင်တွေ့ရသည်။ (၂မိုင်ခန့်ရှိပါသည်) ထို့ကြောင့် ၄င်းတို့ကို ပိုမိုခက်ခဲစွာ ထုတ်ရသည်။ ထို့အပြင် တွင်းတူးရန်အတွက် နေရာရှားပါးပြီး ခက်ခဲစွာသယ်ယူရသည်။

လူဦးရေတိုးပွားလာမှုကြောင့် ရောင်းနယ်သည့် လူဦးရေ ထူထပ်သည့်နေရာတစ်ခုဖြစ်ပါသည်။ ရေနံ အထွက် နှုန်းကောင်းသော နေရာမှာ ဤလူဦးရေထူထပ်နေရာတွင် တည်ရှိသည်။ စီချွန်နယ် တနယ် လုံးမှာလူဦးရေသန်း ၈ဝခန့် ရှိသည်။ ရေနံထွက်သော သဲကြောများကို ၂ဝဝ၉ခုနှစ်တွင် တွေ့ရှိခဲ့ပြီး ဖရက်လုပ်သောတွင်းများဖြစ်ပေါ်လာသည်။ အစိုးရ၏ တင်းကြပ်သော အုပ်ချုပ်မှု ပုံစံကြောင့် ဤအ ကြောင်းကိုလူအများမသိခဲ့ကြပါ။

ရောင်းနယ်တွင် ပလက်ဖောင်း (Platform) ၁၅ခုမှာတူးထားသောတွင်း ၃၉တွင်းရှိပြီး ၄င်းတို့မှာ ၁ဝကီလိုမီတာ စက်ဝိုင်းအတွင်း တွင်ရှိသည်။ ရေနံတူးသည့်ကိရိယာများမှာ ဝိုင်းခတ်ထားရပြီး လူအများစုနေထိုင်ရာ ရပ်ကွက်အတွင်းမှာရှိ သည်။

ရွာသားများက နယ်အုပ်ချုပ်ရေးရုံးကို ဝိုင်းဝန်းဆန္ဒပြကြပုံကို ရေဒီယို၊ ဖရီးအေးရှား (RFA-Radio Free Asia)မှ စတင်အသံလွင့်ခဲ့သည်။ အင်တာနက်မှ အမျိုးသမီးထုက “ကျမတို့ အသက်တွေ ဆုံးရှုံးပြီးမှ ဒီကိစ္စကို သေသေချာချာ စဉ်းစားမှာလား” ဟုမေးထားသည်။

(၃)
စက်မှုလုပ်ငန်းများနှင့် လူတို့၏အဆင်ပြေပြေနေနိုင်မှုတို့ဆက်စပ်ပုံမှာ ရှုတ်ထွေးပြီး စဉ်းစားစရာအချက် အလက်များစွာရှိပါ သည်။ ယခု ဖရက် လုပ်ခြင်းနှင့်ရေနံအထွက်တိုးလာခြင်းမှာ သက်သေပြပြီး အချက် တစ်ခုဖြစ်နေပါပြီ။ ကနေဒါ နိုင်ငံမှလေ့ လာချက်တစ်ခုတွင် ဖရက်လုပ်ခြင်းသာမဟုတ် မြေကြီးထဲသို့ ရေနှင့် အခြားအရာများမောင်းသွင်းလျင်ပင် မြေငလျင်လှုတ် နိုင်သည်ဟုဆိုသည်။ စက်မှုအတတ်ပညာ များမှာတနေ့တစ်ခြားပြောင်းလဲနေဦးမည်သာ။

ကိုသန်းလွင်
Ref: China Experiences a Fracking Boom, and All the Problems That Go With It, by Steven Myers New York Times, 8 March 2019

Comments