Burmese in NYC host Burmese Literary Talk on December 01, 2008 Get link Facebook X Pinterest Email Other Apps နယူးယောက်က မြန်မာများက စာပေဟောပြောပွဲကျင်းပကြ မိုးမခ အထောက်တော် ၀၀၇ နိုဝင်ဘာ ၃၀၊ ၂၀၀၈ ၈ ကြိမ်မြောက် မြန်မာစာပေဟောပြောပွဲကို အမေရိကန်နိုင်ငံ နယူးယောက်မြို့၊ ကုလသမဂ္ဂ ရုံးချုပ်အနီးရှိ UN Plaza အဆောက်အဦတွင်း ခန်းမတခုတွင် နိုဝင်ဘာ ၂၉ က ကျင်းပခဲ့သည်။ အမေရိကန်နိုင်ငံသို့ ရောက်ရှိနေထိုင်ကြသည့် စာပေအနုပညာရှင်ကြီး ၃ ဦးက ဟောပြောခဲ့ကြသည်။ စာရေးဆရာ ဒါရိုက်တာ ပန်းချီဆရာ ၀င်းဖေ က “၀င်းဖေ လွယ်အိတ်” ခေါင်းစဉ်ဖြင့် ဟောပြောသည်။ ဘ၀ဖြတ်သန်းမှုအပေါ် မူတည်ပြီး မည်သို့ မည်ပုံ စာရေးဆရာ ဒါရိုက်တာ ပန်းချီဆရာဖြစ်လာသည့်အကြောင်းများကို ဟောပြောသွားသည်။ ကဗျာနှင့် စာပေဝေဖန်ရေးဆရာ မောင်စွမ်းရည်ကမူ “ကဗျာ” ဆိုသည့် ခေါင်းစဉ်ဖြင့် ဟောပြောသည်။ ကဗျာ၏ သံစဉ်များအကြောင်းနှင့် မြန်မာအာဏာရှင်များလက်အောက် ကဗျာဖွဲ့ဆို ဖြစ်တည်လာမှု လမ်းကြောင်းများအကြောင်းကို ရှင်းပြ ဟောကြားသည်။ တိုင်းသိ ပြည်သိ တေးသံရှင် ဒေါ်မာမာအေးက “အသံကို ဘယ်လို အလှဆင်မယ်” ခေါင်းစဉ်ဖြင့် ဟောပြောသည်။ ကက်ဆက်ဖြင့် သီချင်းလေး တပိုဒ် ဖွင့်လိုက် ရှင်းပြလိုက် ဆိုပြလိုက်နှင့် သီချင်းစာသား အသံများ၏ အထားအသို ဖွဲ့စည်းမှု၊ အသံအတက်အကျကြောင့် အသံ အလှအပ ဘယ်သို့ ဘယ်ပုံ ဖြစ်ရသည်များကို ရှင်းလင်းဟောပြောပြီး “မြခြူသံ” ရုပ်ရှင်ဇာတ်ကားတွင် သရုပ်ဆောင် မင်းသမီး ဘာကြောင့် လုပ်ဖြစ်ခဲ့သည့်အကြောင်းကို ဟောပြောခဲ့သည်။ ဧည့်ပရိသတ် ၆၀ ကျော် တက်ရောက်နားထောင်ခဲ့သည့် ၎င်းစာပေဟောပြောပွဲတွင် စမူဆာ၊ လဘက်ရည်၊ ဟလ၀ါ၊ လဘက်သုတ်တို့ဖြင့် တည်ခင်းကျွေးမွေးခဲ့သည်။ နယူးယောက်မြို့နေ မြန်မာများ စုစုစည်းစည်း ရှိလာစေရန် မြန်မာစာပေချစ်မြတ်နိုးစိတ် ရှင်သန်နေစေရေး တို့အတွက် နယူးယောက်မြန်မာစာပေဟောပြောပွဲကို သက္ကရာဇ် ၂၀၀၀ မှ စတင် ကျင်းပလာခြင်း ဖြစ်ကြောင်း စာပေဟောပြောပွဲကျင်းပရေး ကော်မီတီဝင် တဦးက မိုးမခသို့ ရှင်းပြသည်။ ယခုကဲ့သို့ စာပေဟောပြောပွဲ ကျင်းပနိုင်ရန်အတွက် OSI Burma Project အဖွဲ့အစည်းက အမေရိကန် ဒေါ်လာ ၂၀၀၀ ထောက်ပံ့သလို မြန်မာစေတနာရှင်များက ဒေါ်လာ ၉၀၀ ကူညီ ထောက်ပံ့ခဲ့ကြောင်း သိရပါသည်။ Comments
Comments