ငါ့ဆံပင်တွေ ပြန်ရှည်လာခဲ့ပြီ မာရီလင်
သစ်ကောင်းအိမ်
ဇန်န၀ါရီ ၂၈၊ ၂၀၀၉
နက္ခတ် မကြုံလည်း
မြေသားပေါ်က ငရဲဘုံမှာ
တို့ ပြန်ဆုံကြရအောင် …
ကိုယ်ပိုင်အရောင်အဆင်း မရှိတဲ့
ကြယ်အလင်းတွေ အောက်မှာ
ပိုးစုန်းကြူးငယ်တွေက
မင်းကို လှောင်ရယ်နေကြလိမ့်မယ်
ပျောက်ဆုံးသွားတဲ့ မီးပြတိုက်တွေအတွက်
ငိုရှိုက်မနေပါနဲ့တော့ မာရီလင် …
လူ့အဖြစ် သားရဲတွင်းထဲ
လေထီးမပွင့်ဘဲ ခုန်ဆင်းခဲ့ ...
ရှင်သန်ခြင်းရဲ့ အဓိပ္ပာယ်ဟာ
မဆုံးတဲ့ ညဥ့်နက်တွေကို
လှိုဏ်ခေါင်းတူးဖောက်ထွက်နေတဲ့ မြေကြွက်တကောင်
မရိတ်သိမ်းရသေးတဲ့ ကောက်ရိုင်းပင်တွေအတွက်
နွေဦးကြို တံစဉ်တလက်
လရောင်အသိုက်မှာ ငှက်နှိုက်ဖို့
ကျောက်တောင်နံရံတွေကို အာခံနေတဲ့
တောင်တက်သမား တယောက်
မဏိမေခလာမရှိတဲ့ သက္ကရာဇ်တွေထဲ
အလျားလိုက် လက်ပစ်ကူး
တံခွန်ခူးဖို့
ချောတိုင် တက်ခဲ့တယ်
ဇူလိုင် ၂၉ ၂၀၀၈
Comments