ညီလေးအတွက် မောရသုတ်
ကြည်မောင်သန်း၊ သစ်ကောင်းအိမ်
ဖေဖော်ဝါရီ ၂၈၊ ၂၀၀၉
ညီလေး
ကြည်မောင်သန်း
ညီလေး
ငါတို့ ဘယ်တော့မှ ထွက်မပြေးဘူး
ထွက်မပြေးဘူး
ဒါဟာ ငါတို့ရဲ့ သစ္စာ
ညီလေး
ခုဆို မင်းက အတွင်းကြေ
ငါတို့က အပြင်ကြေ
ညီလေး
သွေးဟာ သွေးပဲ
ဘယ်တော့မှ ရေ မဖြစ်ဘူး
ညီလေး
ညီညီလွင်က ပြာတယ်
မင်းအတွက် နေ့စဉ် မောရသုတ် ရွတ်မယ်တဲ့
ညီလေး
သိန်းသိန်းကပြောတယ်
ပျော်လို့ ခုန်ချကြတာပဲ
ဒုက္ခ ခံကြရမှာပေါ့တဲ့
ညီလေး
ရဲဌေးက ပြောတယ်
ငါတို့တွေ ရှင်ကွဲပါကွာ
မကြာခင် ပြန်တွေ့ကြရမှာပါတဲ့
ဟုတ်တယ် ညီလေးရေ
သေကွဲပေါင်းများစွာ
ငါတို့ တွေ့ခဲ့ပြီးပါပြီ
ညီလေးရေ
အဆင်ပြေတော့လဲ “ဟိုက် ကော်မရှင်နာ”
အဆင်မပြေတော့လဲ “ဇေ”
တို့တွေ “ဇေ” သောက်လိုက် “ဘေ”၀တ်လိုက်နဲ့
မိုက်မိုက်မဲမဲ ပျော်ရွှင်ခဲ့ကြတာ
ညီလေးရေ
မင်းမရှိတော့
ငါတို့ရဲ့ မယ်ဇလီပင်လည်း ခြောက်သွေ့ပါတယ်ကွာ...
ညီလေး
မင်းက အစားကောင်း အသောက်ကောင်း ကြိုက်တယ်
အချက်အပြုတ် ၀ါသနာပါတယ်
မင်းနဲ့ငါ မနက်တိုင်း ဈေးအတူ သွားခဲ့ကြတာ
ခုတော့လည်း လွမ်းစာ
ညီလေး
လက်ဖက်ရည်ဆိုင်က စားပွဲထိုးက မေးတယ်
သူငယ်ချင်း မပါဘူးလားတဲ့
ညီလေး
ကုန်စိမ်းသည်တွေ ငါးစိမ်းသည်တွေက မေးတယ်
ဗိုက်ပူမပါဘူးလားတဲ့
ညီလေး
မမိုးက မေးတယ်
လုံးချော ဘယ်ပျောက်နေလဲတဲ့
ညီလေး
ထပ်ပြောဦးမယ်
ငါတို့ ဘယ်တော့မှ ထွက်မပြေးဘူး
ထွက်မပြေးဘူး
ဒါဟာ ငါတို့ရဲ့ ယဉ်ကျေးမှု
ငါတို့ရဲ့ သွေးအမျိုးအစား
ငါတို့ရဲ့ တရားအမှန်
ညီလေး
ငှက်တသောင်း နားနိုင်ဖို့
သစ်ကောင်းတပင် ဖြစ်ခဲ့ရင်
မင်း တာဝန်ကျေပါတယ်ကွာ.....။ ။
(ကြည်မောင်သန်း)
မောရသုတ်
သစ်ကောင်းအိမ်
သူရဲကောင်းကို
အကျဉ်းချလို့ရတယ်
သူရဲကောင်းဝိညာဉ်ကို
အကျဉ်းချလို့မရဘူး။
၈၈အရေးတော်ပုံကို ချေမှုန်းရင်
ရွှေဝါရောင်မျိုးဆက်ဝိညာဉ်
လွတ်မြောက်တိုက်ပွဲဝင်တယ်။
သူရဲကောင်းကို
သတ်ပစ်လို့ ရတယ်
သူရဲကောင်းဝိညာဉ်ကို
သတ်ပစ်လို့မရဘူး။
သြဂတ်(စ)လရဲ့ သံခမောက်ကို
ရန်သူ့ကျည်ဆံ ဖောက်တော့
စက်တင်ဘာ တော်လှန်ရေး
သွေးအတွက် သွေးကို စတေးတယ်။
သူရဲကောင်းဆိုတာ
ပါးစပ်နဲ့ အမျှဝေသူမဟုတ်
ဘ၀နဲ့ အမျှဝေသူဖြစ်တယ်။
ဒေ၀ဒတ်ရဲ့ လှံစွပ်အောက်
သင်္ကန်းနဲ့ဆွဲတဲ့ ခွပ်ဒေါင်းအလံ
ဗုဒ္ဓံ သရဏံ ဂစ္ဆာမိ။
ဒေ၀ဒတ်ရဲ့သေနတ်ပြောင်းအောက်
သင်္ကန်းနဲ့ဆွဲတဲ့ ခွပ်ဒေါင်းအလံ
ဓမ္မံ သရဏံ ဂစ္ဆာမိ။
ဒေ၀ဒတ်ရဲ့ စစ်ဖိနပ်အောက်
သင်္ကန်းနဲ့ဆွဲတဲ့ခွပ်ဒေါင်းအလံ
သံဃံ သရဏံ ဂစ္ဆာမိ ။ ။
(သစ်ကောင်းအိမ် (၁၈. ၂. ၂၀၀၈))
Comments