Child Aid Foundation to open Metta Nanda Charity School in Rangoon

နာဂစ်သင့်မိဘမဲ့ကလေးများ စောင့်ရှောက်ရေးအဖွဲ့၏ မေတ္တာနန္ဒပရဟိတကျောင်း (ရန်ကုန်) အတွက် အလှူပွဲတော်ကျင်းပမည်

မိုးမခအထောက်တော် ၀၀၂

မေ ၂၇၊ ၂၀၀၉

ပြည်တွင်း ပြည်ပက ဗုဒ္ဓဘာသာဘုန်းတော်ကြီးများနှင့် စေတနာရှင်များအားလုံး၏ ၀ိုင်းဝန်းဆောင်ရွက်မှုဖြင့် ချိုင်းအိတ်ဒ်ဖောင်ဒေးရှင်း အမည်ရှိ နာဂစ်သင့်မိဘမဲ့ကလေးများ စောင့်ရှောက်ရေးအဖွဲ့က နာဂစ် တနှစ်ပြည့်မြောက်ပြီးနောက် ပရဟိတလုပ်ငန်းများကို ဆက်လက်ဆောင်ရွက်လျက်ရှိရာ မေလ ၁၉ ရက်နေ့ စာရင်းအရ မိဘမဲ့ကလေးသူငယ်ပေါင်း ၅၆၀ ကို ပညာရေးနှင့် လူမှုရေးဆိုင်ရာ ကူညီထောက်ပံ့မှုများ လစဉ် ပြုလုပ်နိုင်ခဲ့သည့်အပြင် ၂၀၀၉ နှစ်ဆန်းက စတင်ပြီး ရန်ကုန်မြို့၊ မင်္ဂလာဒုံမြို့နယ်တွင် မေတ္တာနန္ဒပရိဟိတ ကျောင်းတကျောင်းကို ဖွင့်လှစ်နိုင်ရန် ပြင်ဆင်နေပြီ ဖြစ်သည်။

ထိုပရိဟိတကျောင်းတွင် နာဂစ်သင့်မိဘမဲ့ကလေးများ သာမက ခိုကိုးရာမဲ့ အခက်အခဲမျိုးစုံ ခံစားနေရသော ကလေးသူငယ်များကိုပါ ပညာဒါနအလှူ ပံ့ပိုးကူညီနိုင်ရန် အတွေ့အကြုံရှိပြီးဖြစ်သည့် မန္တလေးမြို့ ဖောင်တော်ဦးကျောင်းတိုက်က ဆရာတော်များ၏ အားပေးလမ်းညွှန်မှုတို့ဖြင့် ဆောင်ရွက်မည်ဟု သိရသည်။

ထိုကျောင်းဆောင်နှင့် ပရိဘောဂများ လိုအပ်သလို တည်ဆောက်တိုးချဲ့နိုင်ရေးအတွက် အမေရိကန်ပြည်၊ ကယ်လီဖိုးနီးယားနယ်၊ ဖရီးမောင့်မြို့ မေတ္တာနန္ဒ၀ိဟာရ ကျောင်းတိုက်က ဆရာတော်များ၏ တိုက်တွန်းနှိုးဆော်မှုတို့ဖြင့် မြန်မာမိသားစု စေတနာရှင်များ၊ အလှူရှင်များ စုပေါင်းပြီး မြန်မာရိုးရာ စားသောက်ဖွယ်ရာတို့နှင့် ဈေးရောင်းပွဲတော်တခု ကျင်းပ၍ ရန်ပုံငွေ ရှာဖွေ လှူဒါန်းကြမည်ဟု ဆိုသည်။

ထိုဈေးရောင်းပွဲတော်ကို ယခင်ချိုင်းအိတ်ဖောင်ဒေးရှင်း ပထမဦးဆုံးရန်ပုံငွေပွဲ ကျင်းပခဲ့ရာ Newark Pavilion, 6430 Thornton Avenue, Newark, CA 94560 တွင် ဇွန်လ ၇ ရက်နေ့တွင် မနက် ၁၀ နာရီ မှ ညနေ ၃ နာရီ အထိ ကျင်းပမည်ဟု ဖော်ပြထားသည်။ စေတနာဝန်ထမ်းလူငယ်များဖြစ်ကြသည့် ရတနာ့ဂုဏ်ရည်အဖွဲ့က ဝေယျာဝစ္စ လုပ်အားလှူဒါန်းပြီး၊ မြန်မာလူငယ်များ၏ Encore ဂီတအဖွဲ့က တေးဂီတ၊ အက၊ အလှတို့နှင့် ဖြော်ဖြေမည်ဟု ဆိုသည်။ စေတနာရှင် မြန်မာမိသားစုများက ယခုလောလောဆယ်အထိ မြန်မာရိုးရာ အစားအသောက်ဆိုင်ပေါင်း ၂၀ စာရင်းသွင်းပြီး ရန်ပုံငွေ ရှာဖွေမည်ဟု သိရသည်။ နောက်ထပ် ၀ိုင်းဝန်းကြမည့် အလှူရှင်များ စာရင်းသွင်း စုံစမ်းလိုပါက မေတ္တာနန္ဒကျောင်းတိုက် MettaNanda Vihara, 4619 Central Ave, Fremont, CA 94536a, U.S.ATel: +1 510-795-0405 သို့ ဆက်သွယ်နိုင်သည်။ ဖိတ်စာကို ဒီမှာ ကြည့်နိုင်ပါပြီ။

Click Here to GoTo Child Aid Foundation Myanmar Website - http://ChildAidMyanmar.Org