အစိုးရအစုတ်က ငွေစက္ကူအစုတ်သာ လဲပေးနိုင်သည်ဟု ဆိုနေကြ
ယုယုခင်၊ ရန်ကုန်
ဇူလိုင် ၂၉၊ ၂၀၀၉
ယုယုခင်၊ ရန်ကုန်
ဇူလိုင် ၂၉၊ ၂၀၀၉
ပြည်သူများ လက်ဝယ်တွင် အချိန်ကာလကြာမြင့်စွာ သုံးဆွဲနေရသော ငွေစက္ကူဟောင်းများကို တစ်ဦးလျှင် ၁၀ ရွက် နှုန်းဖြင့် သြဂုတ်လ ၃ရက်နေ့မှ စတင်ပြီး မြန်မာ့စီးပွားရေးဘဏ်ခွဲ အသီးသီး နှင့် မြန်မာနိုင်ငံတော် ဗဟိုဘဏ်လုပ်ငန်း ဌာနခွဲ ငွေစက္ကူ လဲလှယ်ရေး ကောင်တာတွင် လဲယူနိုင်ကြောင်း ဗဟိုဘဏ်မှ တာဝန်ရှိသူ တစ်ဦးက ပြောသည်။ ဟောင်းနွမ်းသော ငွေစက္ကူများသည် သတ်မှတ်ချက်နှင့် ပြည့်စုံသော ငွေစက္ကူများဖြစ်မှ လဲလှယ်ပေးမည် ဖြစ်ပြီး ငွေစက္ကူ ၁၀ ကျပ်တန် မှ ကျပ်၂၀၀ တန်အထိသာ တန်ဖိုးချင်းတူ အဟောင်းနှင့် အသစ် လဲလှယ်ပေးမည် ဖြစ်ကြောင်း ၎င်းက ဆိုသည်။“တစ်ယောက်ကို တစ်ခါလဲရင် ၁၀ရွက်နှုန်းပဲ လဲပေးနိုင်မှာပါ” ဟု မြန်မာနှိင်ငံတော် ဗဟိုဘဏ်လုပ်ငန်းမှ အကြီးတန်း အရာရှိ တစ်ဦးက ပြောသည်။
မြန်မာနိုင်ငံတွင် ငွေကျပ် ၁၀ မှ ငွေကျပ် ၂၀၀တန် အထိ ရှားပါးနေကာ ငွေအကြွေ ရှားပါးမှုသည် ပြသာနာကြီးတခု ဖြစ်နေပြီး ငွေစက္ကူဟောင်းများကို ပြန်လည် ပြုပြင် သုံးစွဲနေကြောင်း ရန်ကုန်မြို့ ဒေသခံများက ဆိုသည်။
“ ပိုက်ဆံတွေက တအား စုတ်လာတယ်။ အကြွေကလဲ ရှား။ ပိုက်ဆံကလဲ စုတ်ဖြစ်နေတာ။ သူတို့ လဲပေးမဲ့ ငွေပမာဏနဲ့ မြန်မာနိုင်ငံက ငွေအစုတ်တွေ၊ အဟောင်းတွေက ပိုများ နေတာ။ တယောက်မှ ၁၀ရွက် ဆိုတော့ သိပ် အဆင် မပြေဘူး။ လုံးဝ မလဲပေးတာနဲ့ စာရင်တော့ တော်သေးတာပေါ့” ဟု မင်္ဂလာတောင်ညွှန့် မြို့နယ်ရှိ စားသောက်ကုန်ရောင်း ၀ယ်ရေးလုပ်ကိုင်သူ တစ်ဦးက ပြောသည်။
အဆိုပါ ငွေအကြွေစက္ကူ လဲလှယ်မှုကို ယခုနှစ်ဆန်းပိုင်းမှ စတင်ပြီး နေပြည်တော်၊ မန္တလေး နှင့် ရန်ကုန်မြို့တော်ရှိ မော်တော်ယာဉ် လိုင်းပေါင်းစုံ ထိန်းသိမ်းရေး ကော်မတီများ နှင့် မြို့တော် စည်ပင်သာယာ ဈေးများတွင် လဲလှယ်ပေးနေကြောင်း နိုင်ငံပိုင်မီဒီယာတွင် ကြေညာထားသည်။
“ တစ်ပတ်ကို ကားတစီး အတွက် ၁၀၀၀ ဖိုး လဲပေးတာ။ ၂၀၀တန် သုံးရွက် ရယ် ၁၀၀ ရာတန် သုံး ရွက် ရယ် ၅၀ တန် နှစ်ရွက် - ကျနော်တို့ လိုင်းကားသမားတွေ ဘယ် လောက်မလဲ။ တနေ့ တနေ့ ကားပေါ်ကို လူ ထောင်ကျော် တက်လိုက် ဆင်းလိုက် လုပ်နေတာ၊ ဘယ် လောက်မလဲ” ဟု မထသ လက်အောက်ရှိ ယာဉ်မောင်းတစ်ဦး က ပြောသည်။
နအဖ အစိုးရအတွက်မူ ငွေစက္ကူ ရိုက်နှိပ်ခြင်းသည် လူအများ ငွေကြေး လှည့်ပတ် သုံးစွဲမှုအတွက် မဟုတ်ဘဲ ငွေစက္ကူ ရိုက်နှိပ်ခြင်းမှ အကျိုးအမြတ်ရရန် ရည်ရွယ်ရိုက်နှိပ်လျက် ရှိခြင်းဖြစ်သည့်အတွက် ငွေကြေးဖောင်းပွမှု ကြီးမားနေသည့် မြန်မာနိုင်ငံ အနေဖြင့် ကျပ် ၅၀၊ ၁၀၀၊ ၂၀၀၊ ၅၀၀ တန်များကို ရိုက်နှိပ်လျှင် စက္ကူနှင့် မင် ကုန်ကျစရိတ်ကို မကာမိဟု ငွေစက္ကူ ရိုက်နှိပ်ရာတွင် တာဝန်ယူရသည့် အမည်မဖေါ်လိုသူ ၀န်ထမ်းတယောက်က ပြောဆိုသည်။
မြန်မာနိုင်ငံတွင် ငွေ အကြွေရှားပါးခြင်းနှင့် ငွေစက္ကူဟောင်းများ ပြားမှုသည် ကြီးမားသော ပြသာနာတခုဖြစ်၍ ယင်းသို့ သတ်မှတ် လဲလှယ်ပေးမည့် ငွေစက္ကူသည် နည်းပါးနေကြောင်း၊ ငွေစက္ကူဟောင်း လဲလှယ်မှု အရေအတွက် နည်းသော်လည်း ငွေစက္ကူဟောင်း လဲသူ ပွဲစား များပြားလာနိုင်ကြောင်း မြန်မာ့စီးပွာရေးဘဏ်က တာဝန်ရှိသူတဦးက ဆိုသည်။
Comments