Burmese Local Journalists and Volunteers arrested by the Burmese Regime


ကူညီရေး လုပ်ဆောင်သူ သတင်းထောက် အပါအ၀င် အနည်းဆုံး ၇ ဦး ဖမ်းဆီးခံရ
မိုးမခ အထောက်တော်၊ ရန်ကုန်
အောက်တိုဘာ ၂၉၊ ၂၀၀၉
          အောက်တိုဘာ ၂၆နှင့် ၂၇ရက်နေ့များတွင် လင်းလက်ကြယ် အမည်ရှိ နာဂစ်ဒုက္ခသည် ကူညီရေး စေတနာ့ ၀န်ထမ်း လုပ်ကိုင်သူ လူငယ်အချို့နှင့် အတူအနည်းဆုံး ၇ဦးကို ဖမ်းဆီးထိမ်းသိမ်းထားကြောင်း နီးစပ်သူများ ၏ပြောဆိုမှုအရ သိရှိရသည်။
          ယခင် ပြည်မြန်မာဂျာနယ်တွင် သတင်းထောက်လုပ်ကိုင်ခဲ့ပြီး ယခုအခါ ဖရီးလန့်သတင်းထောက် (အလွတ်သတင်းထောက်) အဖြစ်လုပ်ကိုင်နေသူ ကိုပိုင်စိုးဦး (ဂျေပိုင်)၊ Foreign Affairs အပတ်စဉ် ဂျာနယ်မှ သတင်းအယ်ဒီတာ ကိုသန့်ဇင်စိုးနှင့် ပြင်ပမှ ကိုအောင်မြတ်ကျော်သူ အပါအ၀င် လင်းလက်ကြယ် အဖွဲ့နှင့် ဆက်နွယ်သူ အနည်းဆုံး ၇ ဦးဖမ်းဆီး ခံရသည်ဟု မီဒီယာ အသိုင်းအ၀ိုင်းမှ ပြောဆိုသည်။
          စစ်အစိုးရအနေဖြင့် စေတနာ့ ၀န်ထမ်း ကူညီကယ်ဆယ်ရေး လုပ်ကိုင်သူများကို အနီးကပ်စောင့်ကြည့်နေလေ့ရှိပြီး ပြည်ပ နိုင်ငံရေး အဖွဲ့အစည်းများနှင့် ဆက်သွယ်မှုရှိလျင် သော်လည်းကောင်း ပြည်ပမှ ပေးပို့သော အကူအညီငွေများကို လက်ခံရယူခြင်း ရှိလျင်သော်လည်ကောင်း ဖမ်းဆီးစစ်ဆေး အရေးယူလေ့ရှိသည်။
          နိုင်ငံရေး လှုပ်ရှားသူ တဦး၏ ပြောဆိုချက်အရ ယခုရက်ပိုင်းအတွင်း အခြားဖမ်းဆီးခံရသူများမှာ ညီညီထွန်း (တောင်ဥက္ကလာ)၊ သက်ကို (မင်္ဂလာတောင်ညွန့်)၊ ဦးမြင့်သိန်း(တာမွေ)၊ ဦးမင်းမင်း (သံလျင်) အစရှိသူတို့ကိုပါ ဖမ်းဆီးခြင်းခံခဲ့ရပြီး ထိုသို့ဖမ်းဆီးမှုနှင့် လင်းလက်ကြယ် အဖွဲ့ကိစ္စတို့ ဆက်စပ်မှုရှိသည် မရှိသည်ကို အတည်မပြုနိုင်သေးကြောင်း သိရသည်။
          မြန်မာနိုင်ငံတွင် နိုင်ငံရေးနှင့် ပတ်သက်၍သော်လည်းကောင်း၊ အစိုးရနှင့် သဘောထားကွဲလွဲပြီး မိမိအမြင်ကို ငြိမ်းချမ်းစွာ ထုတ်ဖေါ်၍သော်လည်းကောင်း ၊ စေတနာ့ဝန်ထမ်း ကူညီကယ်ဆယ်ရေး လုပ်ကိုင်၍သော်လည်းကောင်း၊ဖမ်းဆီးထားသူ ပေါင်း ၂၀၀၀ ထက်မနည်း ရှိသည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အဖွဲ့ (အေအေပီပီ )မှ ထုတ်ပြန်ချက်များအရ သိရှိရသည်။
          မကြာသေးမီက နအဖ အစိုးရအာဏာသိမ်းသည့် သက်တမ်း ၂၁နှစ်ပြည့်တွင် အကျဉ်းသားပေါင်း ၇ထောင့် ၁ရာကျော် ကိုလွတ်ငြိမ်းချမ်းသာခွင့်ပေးသည် ဆိုသော်လည်း ထိုအထဲတွင် နိုင်ငံရေးအကျဉ်းသား ၁၀၀ကျော် ၀န်းကျင်သာ ပါဝင်ခဲ့သည်ကို တွေ့ရသည်။
          နအဖ၏ အကျဉ်းထောင်ထဲရှိ နေရေးထိုင်ရေးနှင့် ကျန်းမာရေး စောင့်ရှောက်မှု အခြေအနေမှာ လွန်စွာဆိုးရွားလျက်ရှိပြီး လိုအပ်သည့် ဆေးဝါးများကိုပါ အကျဉ်းကျသူများက မိမိဘာသာ အကုန်ကျခံရသည့် အခြေအနေဖြစ်သည်။
(ဓာတ်ပုံ - မိုးမခ ။ စက်တင်ဘာ ၁၈ ရက်၊ ၂၀၀၉ နေ့ အကျဉ်းသားများ လွှတ်ပေးသည့် နေ့က နာမည်ဆိုးဖြင့်ကျော်ကြားသည့် အင်းစိန်ထောင်မြင်ကွင်း )

Comments