ခင်နှင်းလွင်၊ ရန်ကုန်
ဇူလိုင် ၃၀၊ ၂၀၁၀
ရန်ကုန်စည်ပင်သာယာ နယ်နိမိတ်အတွင်းမှ လိုင်စင်မဲ့ကားတွေ အခွန်ဆောင်ဖို့ သင်္ဃန်းကျွန်းရာဖြတ်ရုံးကို လာစဉ်မှာ ယာဉ်ထိန်းရဲတွေက အဆိုပါ ရုံး တ၀ိုက်မှာ စောင့်ဆိုင်း ဖမ်းဆီးနေတယ်လို့ ကားပိုင်ရှင်တွေက ပြောပါတယ်။
မနေ့က စတင်ပြီး ယခုလိုဖမ်းဆီးတာလို့ သိရပြီး ဖမ်းဆီးတဲ့ရည်ရွယ်ချက်ကတော့ ယာဉ်ထိန်းရဲတွေ အနေနဲ့ သူတို့ ဖမ်းဆီးတဲ့ကားရဲ့ အခွန်ဆောင်ငွေထဲမှ ဆုကြေးငွေ ၁၀ ရာနှုန်းရဖို့အတွက် ဖမ်းဆီးတာလို့ စုံစမ်းသိရှိရပါတယ်။
ဒါပေမယ့်လို့ ကားပိုင်ရှင်တွေ အနေနဲ့ ဌါနဆိုင်ရာ အဖွဲ့စုံပါတဲ့ အခွန်ရာဖြတ်အဖွဲ့ဆီ တိုက်ရိုက်လာရောက်စဉ် ကြားမှာ ယာဉ်ထိန်းရဲတွေနဲ့ ထပ်ပြီးဆက်ဆံရတဲ့ အချက်၊ အခွန်ရာဖြတ်တာကို စောင့်ဆိုင်းစဉ်၊ ငွေသွင်းစဉ်တွေမှာ မိမိရဲ့ ကားကို မိမိဘာသာ ထိန်းသိမ်းခွင့် မရှိတော့ပဲ ၅၁ လမ်းယာဉ်ထိန်းရုံးမှာ ညသိပ်ရမယ့် အချက်တွေကြောင့် စိတ်အနှောင့်အယှက် ဖြစ်ကြရတယ်လို့ ကားပိုင်ရှင်များက မိုးမခသို့ပြောပါတယ်။
ဝေဇယန္တာလမ်းနဲ့ လေးဒေါင့်ကန်လမ်းဆုံရာ မီးပွိုင့်အနီး လက်တော့ ကွန်ပျူတာပေါင်ပေါ်တင်ထားတဲ့ ယာဉ်ထိန်း ၄၊ ၅ ယောက်ကို ယနေ့တွေ့ရသလို အခွန်ဆောင်မယ့် ဟိုင်းလပ်စ်ဆာ့ဖ် တစ်စီးကို ပိုင်ရှင်ဘေးမှာ ထိုင်စေပြီး ယာဉ်ထိန်းရဲတွေက မောင်းနှင်သွားတာလည်း ရုံးအနီးမှာ မြင်တွေ့ရပါတယ်။
ကားပိုင်ရှင် တဦးက“ ဒီနေ့ လိုင်စင်အတွက် အခွန်ရာဖြတ်ဖို့လာတော့ လမ်းထိပ်မှာ ယာဉ်ထိန်းတွေ အဖွဲ့လိုက်ထိုင်နေကြတယ်။ ဒီအခွန်ရာဖြတ်ရုံးကိုလာတဲ့ လမ်းသွယ်တွေ လမ်းကြားတွေကိုပါ ပိတ်ပြီးစောင့်နေကြတယ်။ ကျွန်တော့်ကားကိုတားပြီး လိုင်စင်ဝင်ဖို့ သွားတာပါလို့ပြောလည်း မရဘူး။ သူတို့ထုံးစံအရ ချလန်ဖြတ်ပြီး သူတို့တက်မောင်းပြီး ရုံးကိုလာတယ်။ အဲဒီနောက်လည်း တောက်လျှောက်လိုက်နေတာ ဒီညနေ ကားကိုရာဖြတ်တဲ့ တန်ဖိုး သိပြီးရင် ငွေသွင်းဖို့ မှီမှာမဟုတ်သေးဘူး ၊ ကားကိုရဲတွေက ယူသွားပြီး ကျွန်တော် အခွန်သွင်းပြီးကြောင်း စာရွက်သွားပြမှ သူတို့ဆီက ကားပြန်ထုတ်ရမယ်တဲ့။ ကားက ပစ္စည်းတွေပျောက်ရှတာတို့ ဘာတို့ဖြစ်ရင် ဘယ်လိုလုပ်မလဲတော့ မသိဘူး၊ ကိုယ့်ကားကို ကိုယ့်လက်ထဲမှာပဲ ထားချင်ပေမယ့် ဘာမှ မတတ်နိုင်ဘူးဗျာ”“ဟု ပြောသည်။
ယခင် သီတင်းပတ် သောကြာနေ့က စတင်လိုက်တဲ့ လိုင်စင်မဲ့ကား အခွန်ပေးဆောင်တဲ့ အစီအစဉ် အစပိုင်းမှာ ရဲကို သတင်းပို့ပြီး ရဲကပြေစာဖြတ်ပြီးမှ သက်ဆိုင်ရာအခွန်ရာဖြတ်အဖွဲ့ကို သွားရမယ်လို့ ရဲအရာရှိတဦးက ပြောကြောင်း weekly eleven ဂျာနယ်ရဲ့ သတင်းထဲဖေါ်ပြခဲ့သော်လည်း ဒီသီတင်းပတ် အစကတည်းက ကားပိုင်ရှင်များအနေနဲ့ ယာဉ်ထိန်းရဲဆီမသွားပဲ အခွန်ရာဖြတ်ရုံးကို တိုက်ရိုက်လာပြီး အခွန်ဆောင်နေတာလည်း ဖြစ်ပါတယ်။ ဒီအဖြစ်ကြောင့် ယာဉ်ထိန်းရဲတွေက သူတို့ဆီက မဖြတ်မနေရ ဖြတ်သန်းရအောင် စောင့်ဖမ်းနေတဲ့ သဘောလည်း ဖြစ်ပါတယ်။
ယခုလို အကောက်ခွန်မဲ့ ပစ္စည်းဖမ်းဆီးရမိခြင်းအပေါ် သတင်းပေးသူ၊ ဖမ်းဆီးတဲ့ အဖွဲ့မှ ဆုကြေးငွေခံစားလိုတဲ့ အတွက်ဖမ်းဆီးနေတာလို့ ကားပိုင်ရှင်တွေက ပြောကြပါတယ်။ မနေ့က အဖြစ်အပျက်တခုမှာ ရုံးမှာ အခွန်ရာဖြတ်ဖို့ လာအစစ်ခံပြီးသား ကားတစ်စီးရုံးဆီ ပြန်အလာမှာ လမ်းထိပ်မှာ ယာဉ်ထိန်းရဲက ဖမ်းထားလို့ အခွန်ရာဖြတ်အဖွဲ့ခေါင်းဆောင်သူ အခွန်ဦးစီးမှူးကို ကားပိုင်ရှင်က လာခေါ်ပြီး ဖြေရှင်းခိုင်းရတဲ့ အဖြစ်ဖြစ်ပျက်ခဲ့ပါတယ်။ အခွန်ဦးစီးမှူးက ယာဉ်ထိန်းကို သွားပြောတဲ့အခါကျမှသာ ယာဉ်ထိန်းက ပြန်လွှတ်ပေးလိုက်တယ်လို့လည်း သိရှိရပါတယ်။
အစိုးရ ဌါနဆိုင်ရာ အဖွဲ့အစည်းများအကြား ညှိနှိုင်းဆောင်ရွက်မှု မရှိတဲ့အဖြစ်ကို ယခုအဖြစ်အပျက်က သက်သေပြနေတာလို့ ကားပိုင်ရှင် တစ်ဦးက ညီးတွားပြီးငွေလည်းပေးရသေးတယ်။ မှောင်ခိုပစ္စည်းဖမ်းသလို ပြန်ဖမ်းပြပြီး အပိုအဆင့်တွေလည်း ထပ်လုပ်ရသေးတယ် လို့အဆိုပါ ကားပိုင်ရှင်က မိုးမခသို့ပြောပါတယ်။
Comments