Than Lwin Tun of VOA visits Rangoon

VOA မြန်မာပိုင်း ဌာနမှူး ဦးသန်းလွင်ထွန်း ရန်ကုန်ရောက်နေ
မိုးမခအထောက်တော် ဘန်ကောက်
ဒီဇင်ဘာ ၅၊ ၂၀၁၁

ရန်ကုန်မြို့ ကန်တော်ကြီးပဲလေ့စ်ဟိုတယ်ရောက် ဦးသန်းလွင်ထွန်း (အဖြူရောင် ဘောင်းဘီရှည်နှင့်)

VOA အသံလွှင့်ဌာန (မြန်မာပိုင်း) ဌာနမှူး ဦးသန်းလွင်ထွန်း ရန်ကုန်မြို့တွင် ရောက်ရှိနေကြောင်း လူရွှင်တော်ဇာဂနာ၏ Facebook ရှိ ဓာတ်ပုံတပုံတွင် တွေ့ရသည်။

E Gress အဖွဲ့မှ ဦးနေ၀င်းမောင်၊ သီချင်းရေးဆရာ စိုင်းခမ်းလိတ်၊ လူရွှင်တော်များဖြစ်သည့် ဇာဂနာ၊ ပန်းသီးတို့နှင့် တွဲရိုက်ထားခြင်းဖြစ်သည်။

သမ္မတဦးသိန်းစိန်က ပြည်ပရောက်မြန်မာပြည်သားများ ပြည်တော်ပြန်ရန် ဖိတ်ခေါ်ပြီးနောက်တွင် နိုင်ငံရေး နှင့် စာနယ်ဇင်းနယ်ပယ်တွင် လုပ်ကိုင်နေသူတချို့ မြန်မာပြည်သို့ အလည်အပတ် သို့မဟုတ် အလုပ်သဘော ယာယီပြန်ကြသည်ကို တွေ့ရသည်။

ဦးသန်းလွင်ထွန်းသည် VOA တွင် ၂၀၀၄ ခုနှစ်က စတင် လုပ်ကိုင်ခဲ့ခြင်း ဖြစ်သည်။ ယခင်က BBC အသံလွှင့်ဌာနတွင် လုပ်ကိုင်ခဲ့သည်။

သတင်းလောကသို့ မရောက်ရှိမီ ၈၈ မျိုးဆက် ကျောင်းသားခေါင်းဆောင်တဦးဖြစ်ခဲ့သူ ဦးသန်းလွင်ထွန်းသည် ထိုင်းမြန်မာ နယ်စပ်ဒေသတွင် ယာယီ နေထိုင်ခဲ့သည်။

၁၉၉၀ နောက်ပိုင်းတွင် လန်ဒန်သို့ သွားရောက်၍ ပညာ ဆက်လက် သင်ကြားခဲ့သည်။